رواية الماسة المكسورة الفصل الحادي عشر 11 بقلم ليلة عادل
رواية الماسة المكسورة الجزء الحادي عشر
رواية الماسة المكسورة البارت الحادي عشر
رواية الماسة المكسورة الحلقة الحادية عشر
[عنوان سقوط الاقنعه ]
فتحت ماسة الباب … اتسعت عينيها وابتلعت ريقها حين رأت الطارق .
ماسة بتلعثم وتهتهه : ممم مدام ندى !!!
تظهر ندى وهي تنظر بتعجب وهي تعقد حاجبيها،
رمقت ماسة من أعلى لأسفل وقالت بستخفاف .
ندى : أنتي لسة قاعده هنا من يومها !!! وكمان لابسة بيجاما؟؟
كانت تقف ماسة أمامها وهي في وضع صعب لا تحسد عليه، لاتعرف ماذا تقول !! تتمنى أن تنشق الأرض وتبتلعها..
وأثناء ذلك نستمع لصوت نبيلة وهي تقول من مسافة قليلة.
نبيلة بتساؤل : مين يا حور ؟؟
ارتسمت على وجه ندى ابتسامة ساخرة ورفعت حاجبيها وقالت باستخفاف .
ندى : طلع اسمك حور بقى .
تقدمت ندى بعض الخطوات، ومرت من جانب ماسة حتى وصلت إلى الصالون، وتوقفت أمام صباح ونبيلة وهي تقول بنصف ابتسامة .
ندى : أنا ندى يا حماتي .
رفعت نبيلة وصباح أعينهم بتعجب وقلق..
فهما لا تعلما ماذا ستفعلان الآن ؟؟
وماذا ستقولان لها ؟؟ فهما يعرفا ندى جيداً بإنها مجنونة و اندفاعية و ممكن تسبب لهما الكثير من المشاكل إذا لما تتعاملان مع الموقف بذكاء وحكمة .
نهضت نبيلة و حاولت لملمة الموقف مسرعة وهي تقول بابتسامة مصطنعة و بترحيب وهي تمد يدها من أجل أن تضمها .
نبيلة بابتسامة عريضة : ندى ازيك يا بنتى عاملة ايه .
تبسمت ندى بعدم تصديق وهي تضمها و تقول بسخريه مبطنه .
ندى : الحمد لله يا حماتي .
ابتعدت وهي تنظر لصباح وصافحتها بابتسامة ..
ندى : ازيك يا طنط صباح وعمو جمال عامل ايه ؟.
صباح : الحمدلله يا حبيبتي، وأنتي كويسة؟ ومشيرة ازيها .
ندى وهى تهز رأسها بايجاب : الحمد لله .
رفعت ندى أحد حاجبيها وهي تشاور بعينيها نحو ماسة بتساؤل التي تقف خلفها مرتبكة بشدة .
ندى باستخفاف مبطن ممزوج بنوع من التهديد : المرة اللي فاتت غيرتي عمتني، بس المرة دي هحاول أمسك نفسي وهاسأل بكل هدوء، مين دي ؟؟ وبتعمل ايه هنا ؟؟
نظرت نبيلة وصباح لبعضهما بترقب وقلق، فلم يكن في الحسبان هذا الأمر، لكن نظرت لها صباح وأجابتها مسرعة بثبات .
صباح وهي تشاور ع ماسة الواقفة خلف ندى :
دي ليندا بنت منى .
ندى بتعجب وهي تلوي شفاهها بتساؤل : منى مين ؟
صباح بتوضيح : أختنا اللي في السعودية .
ندى بستغراب : بس أنا معرفش إن ليكم أخوات في السعودية وكمان اسمها منى !!!
نبيلة بتهكم ممزوج بحدة : وأنتي هتعرفي منين، أنتي متعرفيش اخواتي .
ندى : بس أنتي قولتلها يا حور !!
نبيلة بتفسير ممزوج برتباك : آه ماهي في شهادة الميلاد ليندا، ودلعها حور. أنتي المرة اللي فاتت مخلتناش نفهمك،….( نظرت لماسة)…. تعالي يا ليندا سلمي علي ندى .
اقتربت ماسة وهي مرتبكة بابتسامة ذائفة .
ماسة وهي تمد يدها بلطف : ازيك يا ندى، سوري عن سوء التفاهم اللي حصل المرة اللي فاتت .
ندى صافحتها بضيق وقلة ذوق : اممم أهلا .
جلست ندى على المقعد وهي تنظر لهم بتعجب وقالت
ندى: مالكم ماتقعدو هتفضلو واقفين !!
نظرت لها صباح ونبيلة بارتباك خفيف وانزعاج، فلم تعجبهما طريقتها، لكن حاولو الحفاظ ع هدوئهما لكي لا تحدث مشكلة هما في غنى عنها .
ندى وهي تنظر لماسة بغيرة وضيق من أعلى لأسفل : وأنتي بقى هتقعدي هنا كتير ؟؟
ردت نبيلة مسرعة : شوية أصلها بتكمل دراسات عليا أصل السعوديه غالية أوي .
ندى وهى تضم شفتيها : امممم قولتيلي ..( بلطف) طيب … ماما نبيلة أنا عايزه اتكلم معاكي لوحدنا .
نبيلة بتعجب : مش خايفة من مصطفى !!
ندى بتفسير : ما أنا عرفت جدوله وهو لسه مش هيجي إلا بعد 3 ساعات .
نبيلة بمهاودة : طيب تعالي نقعد في اوضتي .
نهضتا وتوجهتا إلى غرفة النوم ..
تحركت ماسة وجلست بجوار صباح ع الاريكة برتباك .
ماسة بتساؤل : طنط أنتم فعلاً عندكم أخت في السعودية ؟؟
صباح بإيجاب: آه بس مقاطعينها، احنا مقاطعين كل أخواتنا حتى أبونا بعد أمنا ما ماتت .
ماسة وهي تهز رأسها : الله يرحمها .
نظرت لها صباح بتدقيق وشعرت أنها قلقه ومتوترة جداً من ندى .. تبسمت لها صباح وهى تربت على ظهرها بحنان واطمئنان .
صباح بعقلانية: متخفيش، ندى مش هتعمل حاجة هي هدفها أنها ترجع مصطفى ليها، مش هتركز معاكي .
رفعت ماسة عينيها لها برتباك : بس على مافهمت من مصطفى وكلهم، أنها غيورة وممكن تعمل مشكلة .
صباح برفض ممزوج بعقلانية : لا هتخاف أوي من مصطفى، هي عايزة تثبت له أنها تغيرت، دى ممكن تضرب معاكي صحوبية في سبيل إنك ترجعيهولها، بس أول ماتجي الطوبه في المعطوبه. هتشوفي السواد .
ماسة : تقصدي لو رجعلها وقتها هتتغير وتغير وتحصل مشكلة .
صباح وهى تمسح على شعرها بابتسامة وتأييد: اسم الله عليكي، ماتخفيش ياحبيبتى مستحيل تعمل حاجة اهدي كدة ( تحاول أن تنهض) هقوم أعملها شاي .
ماسة وهى تضع يدها ع قدميها بمنع : لا خليكي أنا هقوم .
نهضت وتوجهت إلى المطبخ …
بقلمي ليلة عادل (✿^‿^)
_ على الاتجاه الآخر .
_ غرفة نبيلة .
__ نشاهد ندى ونبيلة تجلسان على الفراش وتتحدثان .
ندى بحزن واستعطاف وهي تركز النظر داخل عينيها : طنط حضرتك عمرك شفتي مني حاجة وحشة ؟؟
نبيلة بنفي : لا يا ندى مشفتش .
ندى بتساؤل : طب ليه حضرتك مش واقفة معايا ؟؟؟.
تنهدت نبيلة وردت بتفسير : ندى لازم تفهمي إني مقدرش أغصب مصطفى على حاجة، ده راجل يا حبيبتي .
نظرت لها ندى بتأثر وعقلانية تحاول استعطافها لتكسبها في صفها :
ندى : بس ممكن تأثري عليه، أنا عارفة إني غلطت والله، واللى عملته كبير كمان، بس إنتي ست وعارفة يعني ايه غيرة، أنا بحبه أوي، كنت لما باشوفه قاعد مع وحدة وبيضحك معها، بأتجنن.. نار بتاكل فيا .
نبيلة وهي تلوح بايدها برفض : لالا يا ندى اللي كنتي بتعمليه مش غيرة أبداً، بعدين هي كانت أول مرة ليكي، ده إحنا ياما كلمناكي وحذرناكي كتير وأنتي مافيش .
ندى بحزن وعين تملئها الدموع : يعني مافيش فايده خلاص خسرته للأبد .
تنظر لها نبيلة بحزن وشفقة على حالها فهي تعلم أن ندى تعشقه من صميم قلبها، لكنها تتصرف تصرفات هوجاء … ربتت نبيلة ع قدميها بحب و بابتسامة .
نبيلة : أوعدك إني هحاول وأنتي أوعديني إنك تبطلي جنان،.. ميشرة عارفة إنك جاية ؟؟؟
ندى : لا أنا قايلة لها إني نبطشيه ولازم أمشي قبل مامصطفى يجي .
نبيلة : طيب وأنا هكلمك وأقولك و إن شاء الله خير .
ندى باستفسار مبطن بغيرة : هي ليندا دي ايه نظامها ؟؟
نبيلة بستغراب ؛ مش فهمه ؟
ندى برفعت حاجب : متجوزه، انسة، مطلقة .
نبيلة بتفسير : متجوزة وجوزها شغال هناك ف السعودية
شعرت ندى بقليل من الراحة وتبسمت ثم نهضت .
ندى : أنا همشي بقى .
تنهض نبيلة : اقعدي اشربي حاجة .
ندى : مرة تانية .
توجهتا للخارج.. فور خروجهم التقت ب ماسة في الصالة وهي تحمل صينية .
ماسة بتساؤل: رايحة فين عملتلك ايس كوفي .
ندى بأسف : لازم أمشي عشان مصطفى .
ماسة : تمام هشوفك تاني .
ندى : أكيد .
🌹______♥️بقلمي ليلة عادل♥️_______🌹
_ القاهرة
_ فيلا مجاهد ٥م
_ نشاهد سيارة سليم تدخل من البوابة الخارجية وخلفها سيارة الحراس … هبط الحراس تزامناً مع هبوط السائق من سيارة سليم .. فتح الباب الخلفي له .. هبط سليم وهو يرتدي بدله أنيقة في شموخ وعزة وقوة … توجه إلى الباب الداخلي وهو يقول لأحد الحراس .
سليم : عشري استنوني هنا .
طرق أحد الحراس الباب له … فتحت لهم الخادمة .
الخادمة : سليم بيه اتفضل .
دخل سليم للداخل… كان يجلس مجاهد وسعدية و أشقاء ماسة …
عمار الذى يكبر ماسة بثلاث أعوام .. و يوسف الذى يصغر ماسة بخمس أعوام … وسلوى التي تصغر ماسة بعام فقط ..
وفور رؤيتهم لسليم وهو يقترب منهم، و
توقفو وعلى ملامح وجوههم القلق والاستغراب .
سليم وهو يقترب يشير بايده بنوع من السخرية .
سليم باستهزاء : لالا والله ما أنتم واقفين هو أنا غريب .
جلس على ع أحد المقاعد وهو يضع قدم ع قدم بطريقة تعكس مدا قوته وكبريائه .
سليم وهو ينظر لهم بجمود : هتفضلو واقفين !! ماتقعدو .
جلسو وهم ينظرون لبعضهم البعض…، فهم على علم تام بسبب مجيء سليم .
وجه سليم نظرته لمجاهد بابتسامته المعتادة التي تميزه، قائلا بنوع من السخرية و الاستهزاء .
سليم : مجاهد بيه، مش تسأل على الحارس المسكين اللي ضربته على دماغه !! .
نظر له مجاهد بقلق وتوجس ابتلع ريقه بصمت فلا يعرف ماذا يجيبه ..
فهم سليم من تلك النظرة وذلك الصمت مدا خوفه و توتره … فارتسمت علي شفتي سليم نصف ابتسامه ساخرة ثم قال .
سليم : متقلقش أخد كم غرزة و بس .
عمار بتهكم وهو ينظر له من أعلى لأسفل : البلد مكنتش هتخسر كتير لو واحد من كلاب سليم الراوي مات .
وجه سليم نظرته بزواية عمار وارتسمت على شفتيه نفس ذات الابتسامة المستفزة وقال ردا عليه بجمود وبرود .
سليم : ولا هتخسر لما مجاهد المسيرى
ينعدم !!! .
سعدية بجمود : جاي ليه يا سليم بيه؟، ماسة ماقلتش حاجة .
سليم وهو ينظر لها : أنا عارف، وحتى لو قالت يستحيل تقولولي عن مكانها .
مجاهد بستغراب : أمال جاي ليه ؟؟
سليم باستخفاف : أشوفكم، أصلكم وحشتوني .
سعديه بنفاذ صبر وضجر : ما تطلقها بقى وسيبها في حالها كفاية البت مش عايزاك .
وجه سليم نظرته لها بتعجب وهو يرفع أحد حاجبيه باستهزاء وبرود .
سليم : ايه ده ! ايه ده ! سعدية طلع لها حس !!
لم تعد سلوي تستطيع كبح غضبها أكثر، بسبب بروده واستفزازه في الحديث، فقالت بشدة وهي تتحدث من بين أسنانها بغضب .
سلوى : سلـــيم أنت اا
قاطعها سليم وهو ينهض بقوة وتهكم تعكس مدا قوته لكن بصوت هاديء و ببحه رجولية وهو يدقق نظره في ملامحها .
سليم : سليم بيه، سليم بيه يا سلوى،
(وجه نظرته لهم بتعجب وقال )
أنا شايف إنكم نسيتو نفسكم، مش عشان أنا محترم معاكم لحد اللحظة دي و متمسك بكل أنواع الأدب والاحترام عشان صلة القرابة اللي بنا، ده يخليكم تنسوا نفسكم !!!
كاد ان ينطق يوسف لكن أوقفه سليم بنظرته الحاده القوية وهو يشير بصابع إحدى يديه بقوة و تهديد .
سليم بنبرة رجولية حاسمه : أنا مش جاي أتكلم كتير، لكن لو عرفت إنكم شوفتوها والاكلمتكم و عملتو زي ماعملتو كدة، وقتها ..
_ وهو يضع أصابع إحدى يديه اسفل ذقنه وهو يوجه نظرته لسعدية بتهديد مبطن ….
سليم : مش عارف هابدأ بمين في ولادك يا سعدية .
هبطت يده وقال و هو ينظر لهم من أعلى لأسفل بشدة ممزوجة بتهديد .
من اللحظة دي …
وهو يقوم بعمل علامة الكتابة بإصبع يده على الهواء…
سليم : أنتم اتقيدتم في دفتر الملاحظات بلاش تتقيدو في دفتر الوفيات، بالأخص أنت يا عمار … قولي كدة هى امينة كويسة ؟ مش البنت اللي أنت ماشي معها اسمها كدة !!!! .
ضحك ضحكة عالية مرعبة مستفزة وتلفت وتحرك للباب …
كاد أن يرد عليه عمار لكن أمسكه والده من كتفه لكي يسكت …
فور خروج سليم من باب الفيلا التفتت سعدية ووجهت كلامها لعمار وقالت بشدة وعنف وهي تصيح به .
سعدية : أنت اتجنتت ؟ ازاي تتكلم مع سليم بالطريقة دي ؟؟
عمار بضجر وبحه رجولية : طول ما أنتم خايفين منه ومن أهله، هيفضل يعمل فينا كدة وأكتر، وبعدين خلاص ماسة هربت وميعرفش مكانها، و الايد اللي كان خنقنا بيها اتقطعت .
يوسف بتأييد : أيوة يا ياما لازم نقف في وشه كفاية كدة .
سعدية بتهكم وتوجه نظراتها لسلوى : وإنتي مش عايزة تقولي حاجة انتي كمان يا سلوى .
سلوى بضيق : يا ماما انا .
سعديه بمقاطعة وعنف : ولا كلمه اني مش مستغنية عنكم .
نظر لها مجاهد بعتاب. ولوم ممزوج بضيق : سعدية انتي من كام سنه فضلتي تزعقي وتقوليلي أنا عايزة أشوف البت، أنت هتفضل قاعد حاطت ايدك ع خدك وتبكي زى الحريم، ومش عارف تعمل حاچة !!! ولما روحت عملت مشكله معه ووقفت قصاده، رجعتي تاني تقولي بلاش يا مچاهد عشان العيال، أنتي عايزة ايه يا سعدية ؟؟
سعدية باختناق : عايزة البت وعايزة عيالي مايحصلهمش حاچة .
يوسف : هو مايقدرش يعمل حاچة لازم تفهمو هو بيخوفنا، سليم عمره ما أذانا كلها تهديدات و بس.
سعدية : وافرضو نفذ.. أنتم ماتعرفوش سليم .
سلوى بعقلانية : لو عايز ينفذ كان نفذ .
عمار بتساؤل : والحل هنعمل أيه ؟؟
مجاهد وهو يسبح على سبحته بضعف : تبات نار تصبح رماد خير إن شاء الله هتتحل وتتعدل كله بإذنه .
نظر أبناءه له بضيق وعدم رضا على سلبيته …
_ الاسكندرية
_ منزل مصطفى
_ غرفة النوم ٨م
_ نشاهد مصطفى يحضر فراشه للنوم .. لكن دخلت والدته الغرفة .. اقتربت منه وهي تمسح ع كتفه .
نبيلة بتساؤل وحنان الأم ماكلتش كويس يا حبيبي ؟
مصطفى بابتسامة لطيفة : أكلت متأخر في المستشفى ومحبتش أكسف خالتي .
نبيلة : طب أنا عايزاك .
مصطفى بتعجب : خير ؟
نبيلة : خير أقعد طيب .
جلسا بجانب بعضهما على الفراش .
نبيلة بترقب: ندى كانت هنا .
زفر مصطفى باختناق وزهق : طبعاً مش هسألك عن السبب .
نبيلة باستعطاف: البت بتحبك ومتشحتفه عليك، هي مجنونة وعصبية بس بتحبك ومحترمة وكانت معانا كويسة .
مصطفى بعقلانية ممزوجة بحزن : ماما أنا فاهم كل ده، بس الجواز مش حب وبس احترامها وتربيتها مش كفاية لنجاح علاقتنا، أديكي شفتي اللي حصل، الجواز من ضمن أساسياته الحب وتربية البنت، لكن في حاجات تانية عشان تنجحه وتخليه يستمر زى التفاهم الصدق الصراحة الثقة لكن هي مافيش على طول شك فيا خناقات كل يوم على أتفه الأسباب زهقتني مافيش راحة .
نبيلة برجاء : أديها فرصة كمان .
مصطفى بجمود ورفض: الموضوع ده منتهي يا أمي .
نبيلة بتعجب : أمال فين حبك الكببر ليها .
مصطفى بحزن وهو يقلب شفته السفلية بعدم معرفة : تصدقي أنا نفسي مش لاقي إجابة ، ندى قدرت تخليني أدوس على قلبي وحبي ليها .
نبيلة بتحايل : طب عشان خاطر أمك فكر… والله هي كويسة وبتعشق تراب رجليك .
مصطفى بمهاودة : إن شاء الله .
نبيلة : بتاخدني على قد عقلي يا واد .
مصطفى تبسم : بريحك يا أم مصطفى .
نبيلة بحزن : البت صعبانة عليا .
مصطفى بحزن ووجع : وصعبانة عليا أنا كمان أنا ببقي مضايق وأنا بعاملها بقسوة، بس هو ده الحل عشان تبعد عني، لكن مسألة الرجوع تاني مستحيل ومن فضلك سبيني أنام، ولو جت تاني أوعي تديها أمل .
نبيلة نهضت بخذلان : هي مش مستنية مني أمل هى متأكدة انك راجع .
نظر لها مصطفى وفهمت تلك النظرة وقال .
نبيلة : تصبح ع خير يابني .
خرجت لخارج الغرفة وأغلقت الباب خلفها ..
تمدد مصطفى بحزن وضيق ووضع كفيه أسفل رأسه بدموع وتذكر .
((فلاش باااك))
_ القاهرة
_جامعة عين شمس
_كلية الطب / الكافتيريا ١٢م
_ نشاهد مصطفى وندى يجلسان بجانب بعضهما وهما يتحدثان .
ندى بسعادة غامرة وهي تنظر في الدبلة التي تزين اصبعها : مش مصدقه إن الحلم الكبير حصل واننا اتخطبنا .
مصطفى بحب : لا ده حلم صغير، الحلم الكبير لما نتجوز .
ندى بحب وتساؤل : هتفضل تحبنى مهما حصل ؟؟ ومستحيل تسيبني؟ مصطفى أنا ممكن أموت لو في يوم سبتنى، أنا مقدرش أتخيل دنيتي إلا معاك وبيك .
مصطفى بحب وهو يمسك ايدها : الحاجة الوحيدة اللي هاتفرقنا هي الموت .
ندى بحب : أنا بحبك أوي .
مصطفى : وأنا بحبك أوي أوي .
ضحكا لبعضهما بخفة
((بــــاااااك))
_نعود لمصطفى و ذكرياته الجميله مع ندى بحزن ووجع وعين تهبط منها الدموع ..
برغم إنه مازال يحبها لكن أفعالها جعلته يدوس على قلبه وقتلت كل شيء .
(◔‿◔) بقلمي ليلةعادل
_ القاهرة .
_ شركة الراوي
_ مكتب صافيناز ٥م
نشاهد صافيناز تجلس على مقعد مكتبها وهي تمسك بايدها تابلت وتنظر له بتركيز شديد فهي تقوم بمتابعه الاحصاء والبورصة …
بعد ثواني …يطرق الباب .. رفعت عينيها باتجاهه… وهي تأذن بالدخول .
دخل عماد وهو يبتسم .. ارتسمت على وجنتيها ابتسامة عريضة .
عماد وهو يقترب بغزل : الملكة بتعتي عامله ايه ؟
تبسمت صافيناز بلطف وهي تغلق التابلات وتضعه على المكتب و تركز عينيها عليه بتساؤل ؟
صافيناز : وأخيرا ظهرت !
اقترب حتى ذهب خلف المكتب أمامها وجلس عليه وهو يمسك يدها بغزل وحب .
عماد بعشق : مقدرش اتأخر على الملكة بتعتي .
.. قبلها من يدها
صافيناز بتساؤل وهي ترفع أحد حاجبيها : أمال من الصبح مختفي فين ؟؟
عماد : بخلص شوية شغل للباشا .
أدخل يده في جيب بدلته وأخرج منها علبة قطيفة وأعطاها لها ..
أمسكتها وهي تنظر بابتسامة أنثويه حادة .. فتحتها كان بها انسيال في منتهى الذوق والشياكه .
تبسمت له وهي ترفع حاجبيها بانبهار وبابتسامة رائعة.
صافيناز : جميل طول عمرك ذوقك يجنن يا حبيبي ، ربنا يخليك ليا .
ضما بعضهما بحب … نهض عماد وتوجه إلى المقعد الأمامي للمكتب وجلس وهو ينظر لها باهتمام .
عماد بتساؤل : الباشا لسه رافض الصفقة بتعت الشركة الفرنسية .
صافيناز : قولتلك الموضوع محسوم، هو عجبه شغل الألمان أكتر، بعدين هما بيقدمولنا تسهيلات أفضل بكتير .
عماد : بس فلوس الشركة الفرنسية أكتر .
صافيناز : هو خلاص مضى العقود الجديدة .
عماد : بقولك عندي فكرة .
صافيناز تعود بظهرها للخلف وتستمع له بتركيز واهتمام : قول .
عماد : ناخد الصفقه لينا، لحد امتى هنفضل تحت رحمة الباشا وسليم .
عدلت من جلستها بذهول و نظرت له باتساع عينيها وابتلعت ريقها بقلق .
صافيناز بتعجب : أكيد بتهزر!!!
نظر لها عماد بتركيز وقوة وهو يهز رأسه بتأكيد : لا مابهزرش الطوفان معاده قرب أوي .
صافيناز بخوف : عارف لو سليم عرف هيعمل فينا ايه ؟
عماد بثقة : مش هيعرف، حطي أنتي بس ايدك في ايد جوزك حبيبك أبو ولادك هتكسبي .
عادت بشعرها للخلف بقلق وأفكار مضطربة وقالت .
صافيناز بتساؤل : و السيولة ؟؟
عماد : متقلقيش أنا مرتب كل حاجة.. بس قولي ديل(deal )
نظرت له صافيناز بترقب و قلق فخوفها من سليم و والدها مازال يمتلكها، لكنها مثله طماعه جشعه تعشق النقود ولا تريد أن تظل تحت ظل سليم ..
أخدت نفس ثم هزت رأسها بايجاب وقالت : ديل (deal )
ارتسمت على وجه عماد ابتسامة سعادة لكن بخبث فقد نجح في مخططه .
. بقلمي ليلة عادل (◕ᴗ◕✿)♥️
_ الاسكندرية
_ منزل مصطفى ٦م
_ نشاهد مصطفى وعائشة و نبيلة وايهاب وماسة يجلسون في الصالون بملابس منزلية ويتحدثون وكان يبدو على ملامحهم الانزعاج وخاصة نبيلة .
نبيلة بضيق : يعني مافيش فايدة معاكم.. بردو غاويين تزعلوني .
إيهاب بتعجب ممزوج بضجر : أنا مش فهمك الصراحه !!! ازاي عايزانا نحضر فرح بنت ضرتك؟
نظرت له نبيلة بهدوء ممزوج بخذلان… فهي تحاول بأي طريقة تجعلهم يصلو أرحامهم وأن تحسن علاقتهم بوالدهم واشقاءهم، بعد كل ماتعرضت له من أذى .
نبيلة بشدة : ريم و هبة إخواتكم فاهمين وأنتم الكبار لازم تاخدو بالكم منهم .
عائشة باعتراض : مصطفى هيروح كفاية .
نبيلة بصرامة : كلكم يا عائشة .
نظر لها إيهاب بحسم وقال بنبرة غير قابلة للنقاش بها نوع من الوقاحة
ايهاب : وأنا قولت لا يعني لا، اخواتي عايزين يروحو براحتكم إنما أنا لا، أنا ماليش اخوات غير عائشة ومصطفى وأبويا مات من سنين تمام .
تنهض نبيلة وهي لم تعد تستطيع كبح غضبها قالت بحسم وصرامة وهي تشير بأصابع يدها لايهاب .
نبيله بغضب: أنا قولت كلمة هتروح يا ايهاب يعني هتروح فاهم، ومش عايزة أي كلمة بعد كلمتي، وكلامي ليكم أنتم كمان، حقيقي خسارة عبد الحميد عنده حق أنا معرفتش أربي.. حسبي الله ونعم الوكيل .
تركتهم وتوجهت إلى غرفتها توقف مصطفى وقامة نداء عليها وهو يحاول أن يهديها.
مصطفى وهو ينظر لها و بنداء : ماما استني بس .
لكنها دخلت الغرفة و أغلقت خلفها الباب بشدة .
نظر لهم مصطفى بضجر وعدم رضا : أنا مش قادر أفهم أنتم هتستفادو إيه !! لما كل شوية تزعلوها كدة .
إيهاب وهو يجلس بعدم مبالاة ووقاحه خفيفة : هي إللي مصره على نفس الموضوع مابتزهقش، سنين وهي بتتكلم ومافيش فايدة متسبنا براحتنا بقى .
مصطفى بشخط وبحه رجولية وهو يركز عينه عليه : ايــهاب اتكلم بأدب فاهم .
نهضت ماسة وحاولت فض الاشتباك بينهما بعقلانية :
يا جماعة صلو ع النبي مش كدة .
( وجهت نظراتها لعائشة )
عائشة من فضلك روحي استسمحي طنط وقوليلها إنكم هتروحو.. مينفعش تفضل زعلانة منكم كدة.
كادت أن تنهض عائشة لكن أوقفها مصطفى قائلا
بتفسير وهو ينظر لماسة تحدت بهدوء :
مصطفى: خليكي يا عائشة، خلي ماما مع نفسها شوية هي دلوقتي مخنوقة، لما تهدى هنتكلم معها ده أفضل ليها ولينا .
ماسة : طيب ممكن تقعد و نتكلم بهدوء من فضلك ..
نظر لها بضيق تبادلت معه ماسة النظر برجاء تبسمت له بلطف جلس مصطفى وجلست هي.
نظرت لهم ماسة وهي تقول بعقلانية : أنا آسفة اني بأتدخل، بس والدتكم معها حق، واحنا اتفقنا من يوم ماوالدكم كان هنا إنكم هتحاولو، فين بقى !!! مصطفى أهو هيروح وبيحاول يرضي مامته برغم كل اللي حصل، يعنى هو مابيحسش وأنتم بتحسوا ؟؟
عائشة بحقد : القصة مش كدة، بس أنا كل مابشوفهم بكرههم لأن بسبب أمهم بابا طلق ماما .
ماسة برفض وهي تشاور بايدها : لا عندك، إللي فهمته من طنط أنها انفصلت عنه بسبب ضربه وإهاناته ليها المتكرره وخياناته الكتير
، وأنه اتجوز الست دي بعد كم شهر من انفصالهم.. بعدين أنتم ايش عرفكم إن الست دي وولادها مش عايشين نفس المأساة !!!
أعتقد راجل بشخصية زى دي أكيد هيفضل كدة يستحيل يتغير، يمكن هي استمرت معه لأنها ضعيفه و مكسورة الجناح، مش عارفة تاخد قرار زي مامتكم، يا جماعة للأسف نسبه كبيرة من الرجالة زى باباكم، وكمان نفس سلبية جدتكم وجدكم، دى تقليد وأفكار مجتمع فاسد ، أنتم أخدتو موقف من والدكم حقكم، إنما لازم يكون لحد حدود معينه، عشان ربنا ميزعلش منكم وكمان اخوتكم مالهمش ذنب، واضح انهم كويسن والا مكنش مصطفى تواصل معاهم .
مصطفى بتأييد : هما البنات فعلاً غلابه حتى عزة دي طيبة كدة. وتحسيها مسكينة .
ماسة : طب أهوو …
وجهت جسدها بزواية إيهاب لأنه أكثر رفضاً وتحدثت بحكمه وعقلانية.
ماسة : إيهاب ادينى سبب واحد لكرهك لإخواتك غير اللي والدك عمله في والدتك لأنهم مالهمش ذنب .
إيهاب بجمود شديد بكراهية : ذنبهم أنه أبوهم.
ماسة بتذكر : وأبوك .
إيهاب برفض لهذا الفكرة : لا مش أبويا
مصطفى بشدة ممزوجة بعقلانية ولطف : لا أبوك يا ايهاب، … إيهاب أنا كمان مابحبهوش ومخنوق منه، بس صدقنى هو كبر مبقاش زى الأول ….
نظر له إيهاب بمعنى هل ده يشفعله ؟؟
أجابه مسرعا مصطفى : وده أكيد مايشفعلهوش، لكن خلينا نرضي ربنا، ومنزعلش أمنا مننا، لأن رضاها أهم شيء في الدنيا، كمان عشان مش كل شوية يقولها تربيتك، وصدقني اخواتك غلابة جداً، ونفس اللي عشناه بيعشوه، أبوك ماتغيرشي ماسة عندها حق صدقني لو قعدت معاهم هيصعبو عليك جداً و هتخليهم يجوا يعيشو معانا ( تنهد ) يا سيدي اعملها عشان خاطر الست اللى جوه بس .
ماسة : أنا بقول كدة ده أنا بفكر اجاي معاكم .
عائشة : خلاص يا إيهاب خلينا نروح عشان ماما .
زفر إيهاب بضيق وقال : طيب (نهض ) يلا نصالحها .
وبالغعل نهضوا وتوجهو إلى غرفة والدتهم ودخلو بعد أن طرقو الباب .
كانت تجلس نبيلة على الفراش تسبح وتستغفر ربها …
إيهاب وهو يقترب بمرح : ست الكل بلبلتي ..
جلس بجانبها وقبلها من ظهر كفها بإعتذار .
إيهاب : أنا آسف سامحيني .
عائشة وهي تلف يدها حول رقبتها : أنا كمان آسفة
ايهاب بعتذار وحزن بتوضيح : لازم تعرفي أنه غصب عننا .
نبيلة بتفهم : عارفة والله بس لازم أعمل كدة عشان تفوقو… ربنا يهديكم يا ولادي يارب .
ضمتهم نبيلة بين أحضانها ..
كانت تنظر لهم ماسة بابتسامة لطيفه مبطنة بحزن فهي كانت تتمنى أن تكون وسط عائلتها بين والدها ووالدتها و أشقائها فهي تشتاق لهم بشدة .
فهم مصطفى من تلك نظرات ما تشعر بية قال ..
مصطفى : إن شاء الله هتكوني معاهم في أقرب وقت .
ماسة بتمني و بنبرة حزينة : يــااا رب .
_((وبعد يومين))
_القاهرة
_إحدى قاعات الأفراح
_ نشاهد أجواء احتفالية مع أغاني شعبية فهو زفاف ريم نشاهد البعض يرقص والبعض يجلس ..
ثم نشاهد كل من إيهاب وماسة ومصطفى وعائشة يجلسون على إحدى الطاولات وهم يرتدون ملابس تليق بالمناسبة وكانت ماسة مازالت بالنقاب
اقترب منهم عبد الحميد وعلى وجهه ابتسامة عريضة فهو سعيد انهم حضرو الحفل ..
عبد الحميد : أنا مبسوط إنكم جيتو تعالو أرقصو مع اخواتكم .
ايهاب بضجر خفيف : بص يا عبد الحميد حاول تبعد عننا وسبنا عشان أنا مش عارف هفضل مسيطر على نفسي لحد امتى ؟؟
مصطفى وهو يحاول تهدئة الوضع : مبروك لريم و عقبال هبه .
عبد الحميد : إن شاء الله نظر لماسة أنتي البنت
اللي افتكرتها مرات ايهاب ؟؟
تهز ماسة رأسها بنعم : آه .
عبد الحميد : عرفتك من عينيك ماشاءالله مميزة…
انا مش هقف كتير عشان ايهاب ميزعلش، بس متعرفوش وجودكم فرحني قد ايه ؟؟
نظر بجانبهو بنداؤ : هبه تعالي سلمي ع اخواتك .
أتت فتاة تبدو أنها في الثامن عشر من عمرها
هبة : ازيكم
عبد الحميد : طبعا عارفة مصطفى و دي أختك عائشة وده ايهاب و دي صديقتهم .
هبة بابتسامة : مبسوطة إني اتعرفت عليكم .
عائشة بمجاملة : واحنا كمان .
عبد الحميد : أقعدو سوا بقى عن إذنكم .
تركهم ورحل
هبه بتوجس : أنا عارفة إنكم مش بتحبونا و…
قاطعها مصطفى : بالعكس احنا بنحبك…. مين قال كدة!!!
هبة : عشان عمرنا ماشفنا بعض .
إيهاب : إن شاء الله هنشوف بعض كتير .
واكمل الفرح حتى الانتهاء .
((في خلال شهر))
نشاهد اختفاء سليم عن الأنظار وجلوسه بشكل مستمر في فيلته .. وايضا استمراره في البحث عن ماسة و تحضيره للسفر خارج مصر .
كما نشاهد ايضا محاولات ندى المستميته بالتقرب من مصطفى و محاولتها التحدث معه لكن دون جدوى فهو لا يعطيها أي فرصة…
كما نشاهد تقدم و تميز محمد ومصطفى في عملهم في المستشفى التى تتبع سليم، بشكل ملحوظ فهي فرصة كبيره لأي طبيب فى بداية حياته أن يعمل في مثل هذه المشفى الكبيرة ..
لذلك لابد أن يستغلو الفرصة ويقدمو أفضل ما عندهم .
ونشاهد أيضا تحسن علاقة عائشة ومحمد.. و تقدمها لامتحانات نصف العام .
وعلاقة ماسة بهم التي تقوى أكثر وأكثر لكن لا نفهم. ماسبب قربها القوي من ايهاب ؟؟ هل يوجد شيء. سنكتشف قريبا ؟؟
((بعد مرور شهر))
_ القاهرة
_ مستشفى شمس الحياة
_ مكتب مدير المستشفى ( جلال ) ١١ص
_ نشاهد محمد يقف أمام باب الغرفة من الخارج وهو يطرق عليه بعد ثواني ….استمع إلى صوت يطلب منه الدخول .. دخل .
محمد باحترام وهو يقترب : دكتور جلال ازاي حضرتك .
جلال وهو يجلس بلطف : الحمد لله… أنت ايه أخبارك اتفضل أقعد .
جلس محمد على المقعد الأمامي للمكتب بتساؤل .
محمد : ميس سامية قالتلي إن حضرتك عايزني .
جلال وهو يهز رأسه بإيجاب : مظبوط يا دكتور، في حالة عايزك تشرف عليها مع الدكتور مهيمن، الحالة دي هتعلمك كتير …. وهو يمد يده بالملف … اتفضل دي التفاصيل .
أخذ محمد الملف وبدأ في التقليب في الأوراق باهتمام وهو يهز رأسه و ينظر في الأوراق .. رفع محمد عينيه لجلال بابتسامة و لطف وقال .
محمد : تمام يا دكتور هاقرأ التفاصيل بتركيز واشوف الاشاعات و أتابع مع الدكتور مهيمن، وشكرا إن حضرتك مهتم بيا .
جلال بعملية :سليم بيه موصي عليكم جامد، وأنتم فعلاً ممتازين و قدرتو في وقت صغير يكون ليكم اسم في المستشفى حتى لو لسة مش بشكل مميز ، وأنا باحترم الناس الشاطرة الناجحة إللي بيشتغلو على أنفسهم عشان يكونو رقم واحد .
ابتسم محمد له باحترام : طبعاً لازم نسعى لحد لما نوصل لأهدافنا … وهو ينظر من حوله… ونعمل مستشفى زي دى .
جلال. : إن شاء الله.. الدكتورة ندى قدمت cv بتاعها هنا وقالت أنها صديقة مقربة ليكم بس أنا طبعاً عارف أنها طليقة دكتور مصطفى .
محمد وهو يشير بيده برفض : أرجوك بلاش.. كفايه المشكلة اللي حصلت في مركز دكتور رياض .
جلال بتفهم : متقلقش اترفضت ، أنا كمان مش عايز مشاكل .
محمد وهو يهز رأسه بإيجاب : تمام شكراً واتمنى من حضرتك مايوصلش الكلام لمصطفى عشان مايضيقش .
جلال بقبول : وهو كذلك .
نهض محمد وهو يحمل الملف باحترام .
محمد : شكراً يا دكتور .
توجه إلى الباب لكن وقعت عينيه ع البرواز الموضوع على الحائط و الذى يضم مجموعة من الأشخاص يرتدون ملابس أنيقة
دقق محمد النظر في الصورة وفجأة اتسعت عيناه بصدمة وذهول حين وقعت عينيه على صورة ماسة وهي تقف بجوار سليم وهو محاوط ذراعيه حول خصرها ..
أخذ ينظر بتدقيق لكي يتأكد أن ما يراه الآن ليس وهما أو خيالا ..
لكنه مازال لا يعرف؟؟ فهي تشبه تلك الفتاة التي تدعي أنها حور بشدة !!! …
التفت برأسه وهو يسأل لكي يتأكد من شكوكه وهو يشير باصبعه نحو ماسة …
محمد بتساؤل: دكتور هي مين اللي واقفة جنب سليم بيه دي ؟؟
جلال وهو ينظر محل أصبعه بتلقائية : دي مدام ماسة الراوي زوجته، أنت متعرفهاش!!
محمد بصدمة وهو يهز رأسه بنفي …
أكمل جلال الحديث وهو يقول : دي أيقونه، ملكة جمال مشهورة جداً .
محمد بتوتر وهو يحاول المحافظة على ثباته لكي لا يلفت انتباه جلال أو جعله يشك بشيء.
محمد بابتسامة مصطنعة : أصلي مش مهتم بالحاجات دي، (بتأكيد ) بس حضرتك متأكد إن اسمها ماسة و مرات سليم !!!!
جلال وهو يضيق عينيه بابتسامة استغراب : أنت بتشبه عليها والا ايه ؟؟
محمد تحمحم وأجاب بثبات ممزوج بمزاح : أصلها حلوة وكنت بافكر أتعرف عليها، بس مادام طلعت مرات الملك لازم نهرب (ضحك بخف ) عن إذنك
_ خرج محمد مسرعاً من الغرفة قبل أن يقوم بردة فعل يفضحه و يشك به جلال بيه ..
أخذ يتحرك في الممر الموصل لمكتبه بضيق وفي رأسه ألف سؤال وسؤال ، كان متخبطا ومصدوما بدرجه كبيرة، و أفكاره ملخبطة بشدة …
وصل الى مكتبه.. فتح الباب و دخل ثم أغلقه بشدة …
_ مكتب محمد
_ أخرج هاتفه من جيبه. وجلس على المقعد الأمامي للمكتب وهو يفتح هاتفه مسرعاً و دخل على جوجل وكتب ماسة سليم الراوي …
فور فتحه ظهرت صورها بمفردها وأخرى مع سليم ومع العائلة …
أخذ يقرب الصور لكي يتأكد من ملامحها لكنها هي فعلاً …
تذكر حينما قال ايهاب أمامه أن اسم ماسة كان محفورا على الخاتم وتذكر توترها وقتها .
تأكدت شكوكه ، تبسم بضيق وغل وهو يقول بصوت منخفض ..
يابنت الل … أنا كنت متأكد إن وراكي مصيبة و إنك كدابة .
رفع هاتفه وأجرى اتصالا بمصطفى ….
محمد بجمود. : الو أنت فين ؟؟؟ طيب خلص عشان عايز نتكلم … لا مش هينفع فى المستشفى . . اصبر بس … سلام .
محمد بصوت وهو يرسم على شفتيه نصف إبتسامة شامته : والله ووقعتي يا حور أقصد يا ماسة .
＼(^o^)／بقلمي ليلة عادل ♥️🌹
_ أحد الكافيهات ١م
_نشاهد مصطفى ومحمد يجلسان على إحدى الطاولات مقابل بعضهما .
مصطفى بتساؤل ممزوج باستغراب : ممكن بقى تفهمنى في ايه؟؟ وايه اللي مينفعش نتكلم فيه في المستشفى؟
نظر له محمد برتباك وتردد فهو يريد أن يخبره بكل مايعرف لكنه لا يعرف كيف يبدأ !!
فالأمر صعب عليه فهو يعلم جيداً قيمة ماسة عند مصطفى وأسرته …
رمقه مصطفى بتعجب أكبر. فشعر أن محمد يريد قول شيء و لكنه متردد وأن هناك شيء كبير حدث معه …
مصطفى وهويضيق عينيه قليلا بتعجب: هو صعب أوي كدة ؟؟
تنهد محمد بضيق وأسف وهو يضم شفتيه : اممم جداً.
مال مصطفى برأسه قليلا بتساؤل وشعر بقليل من القلق
مصطفى : في ايه يابني قلقتني ؟؟؟
ابتلع محمد ريقه برتباك وتوتر : حور.
مصطفى : مالها ؟؟
محمد : طلعت مرات سليم الراوي .
نظر له مصطفى بصمت لثواني ثم أطلق ضحكه قوية بعدم تصديق فهو تخيل أن محمد يداعبه أو يعمل مقلب به .
مصطفى بضجر من ولدنته : تصدق إنك عيل مزز على رأي عائشة ، ايه البواخه دي هزارك سخيف ؟
محمد بتفهم : كنت عارف إنك هتعمل كدة، طب امسك … مد يده بهاتفه وقال….. أدخل ع جوجل وأكتب ماسة الراوي .
مصطفى بتساؤل : مين ماسة؟؟
محمد : اسمع الكلام .
تنهد مصطفى بملل : طيب أما نشوف أخرتها .
أخذ الهاتف من بين يديه و بدأ بالكتابة والبحث عن الاسم ..
كان ينظر بعدم اكتراث فهو مازال على يقين أن محمد يمزح معه … ولكن فور رؤيته الصور تبدلت ملامحه لذهول تام، واتسعت عينيه بشدة وبدأ في تقليب الصور وتقريب أحد صورها لكي يتأكد ..
وأثناء ذلك قال محمد بأسف وضيق .
محمد : أنا كمان مكنتش مصدق، بس هي للأسف .
مصطفى بصوت محبوح من الصدمه ثم رفع عينيه : يمكن شبهها .
محمد بتعجب : للدرجة دي مش قادر تصدق ؟ طب إيهاب اللي لاقى على الخاتم بتاعها إسم ماسة ؟
مصطفى وهو يقلب شفته السفلية بعدم معرفة : مش عارف، مستحيل تكدب بالشكل دة، طب ليه تعمل كدة ومين اسماعيل؟؟
محمد : ليه دي لازم نسألها .
مصطفى : قبل مانسألها لازم نتأكد .
محمد بستغراب : نتأكد !! بعد كل ده .
مصطفى بنرفزه خفيفة : أيوة لأن ده مش إثبات ممكن تكون شبهها .
تنهد محمد وحاول تدارك الموقف وهو يشير بيده : طب اهدى، (صمت قليلا يبدو أنه يفكر ثم قال ) عندي فكرة … كلم سليم وقابله واعزمه على أكلة سمك، يعني عشان جدعنته معاك واطلب منه يجيب المدام معه عشان تتعرف ع أهلك .
مصطفى : وبعدين !!
محمد : لو جت معه تبقى حلت نفسها، لو لا اممم أكيد صورتها معه أو طلع صورتها اعمل أي حاجة المهم حاول تتأكد إن مراته مالهاش توأم .
مصطفى وهو يهز رأسه بإيجاب : في حل كمان، أنا فاكر المنطقة اللى قابلتها فيها، ممكن أقف هناك وأسأل حد إذا سليم الراوي ساكن هنا .
محمد بتأييد : صح لو ساكن هناك يبقى هي .
مصطفى مسح على فمه بضيق وتشتت : طب لو طلع حقيقي ليه يا محمد تعمل كدة ؟؟؟ أنا وثقت فيها وسألتها أكتر من مرة وأكدتلي أنها مش مخبية حاجة .
محمد : كل ده هنعرفه لما نواجهها.
مصطفى بحزن واختناق بخذلان : يارب ماتطلعش هي وتطلع شبهها أو أختها التوأم، أي حاجة إلا أنها تكون خدعتنا طول الفترة دي .
محمد وهو يربت ع كفه : أتمنى .
رفع مصطفى هاتفه وبدأ في عمل مكالمة .
محمد بتساؤل : بتكلم مين ؟
مصطفى بجمود : سليم .
بعد ثواني
مصطفى : الو سليم بيه ازيك ههههه اوكيه سليم عامل إيه ؟؟ دووم يارب… أنا كنت عايز أقابلك أنت. فاضي !!! اممم النهارده اوكيه؟ آه في القاهرة تمام كمان ساعة .
نهض وهو ينظر لمحمد أنا هروح واشوف و أتمنى متكنش هي أنت رايح اسكندريه؟
هز محمد رأسه بنعم قال مصطفى
مصطفى : طب ماتتكلمش مع حد لحد مانتكلم ومتقفلش تليفونك .
رحل
نظر محمد لأثاره بحزن ….
بقلمي ليلة عادل ｡◕‿◕｡❤️
شركة الراوي ٢م
مظهر عام للمبنى من الخارج مع حركة دخول وخروج الموظفين ..
توقف مصطفى بسيارته أمام البوابة …
هبط منها وهو ينظر بانبهار إلى ذلك الصرح الإقتصادي العملاق الذى يعلم عند دخوله ستتغير حقائق كثيرة وهو يتمنى أن تظل كما هي …
تنهد ودخل للداخل .. دخل المصعد للطابق الثالث حيث مكتب سليم …
بعد خروجه تحرك حتى وصل للمكتب توقف أمام مكتب السكرتيرة التي كانت تجلس وهى تركز عينيها فى جهاز الحاسوب الذى أمامها .
مصطفى : مساء الخير .
رفعت السكرتيرة عينيها : مساء النور .
مصطفى : عندي ميعاد مع سليم بيه .
السكرتيرة بمعرفة : دكتور مصطفى .
مصطفى وهو يهز رأسه :ايوه .
السكرتيرة : لحظة..رفعت هاتفها وقامت بلاتصال…. الو سليم بيه دكتور مصطفى وصل .. تمام .
نهضت وهي تشير بايدها باحترام : اتفضل سليم بيه في انتظار حضرتك .
مصطفى بابتسامة خفيفة : شكراً
دخل مصطفى المكتب…. كان يجلس سليم خلف مكتبه وترتسم ع شفتيه ابتسامة ترحيب أقترب مصطفى و صافحه
مصطفى هو يصافحه : أتمنى مكنش هعطلك .
سليم : مافيش أي حاجة اتفضل أقعد .
جلس مصطفى
سليم بتساؤل : تشرب إيه ؟
مصطفى : ممكن قهوه سادة .
رفع سليم هاتفه وقام بطلب فنجان من القهوه المرة
سليم باهتمام : ها أخبارك ايه وجلال عامل إيه معاك ؟
مصطفى : الأمور كلها تمام، أنا كنت جاي أعزمك على الغدا و أتمنى إنك متكسفنيش، يعني والدتي لما عرفت اللي عملته معايا أنا ومحمد، أصرت تعزمك على أكلة سمك اسكندراني وياريت تجيب المدام معاك .
سليم بلطف : أنا معملتش حاجة كفائتك هي السبب .
مصطفى : أنا مصر ها قولت إيه ؟
سليم تنهد بإعتذار : للأسف أنا مسافر بعد بكرة وبخلص كل الشغل اللي ورايا هنا ممكن لما أرجع .
مصطفى بخبث : طب ممكن المدام تشرفنا ؟؟
سليم : ماسة مسافرة من فترة. أوعدك لما نرجع هنتقابل .
مصطفى بتصنع الحزن : خسارة
دخل الساعي ووضع القهوة على الطاولة ورحل ..
أخذ مصطفى الفنجان و أخذ يحتسى بهدوء وهو يفكر ماذا يفعل أو ماذا يقول لكي يتأكد من شكوكه ؟ هل هى أم لا ؟؟
تنهد مصطفى وقال بنوع من الخبث : ممكن أسألك سؤال شوية شخصي ؟
سليم وهو يهز رأسه بنعم : اتفضل .
نظر له مصطفى وهو يحاول استدراجه بذكاء وخبث دون أن يلفت الانتباه وقال بلطف و بابتسامة ودودة.
مصطفى : كنت بقلب على النت ظهرلي فيديو ليك إنك متجوز عن حب وقصة حب كبيرة كمان أنت تقريباً متجوز من ١١ سنة ؟؟
سليم بتصحيح : عشرة .
بدأت تلمع عينيه من العشق ببحة مليئة بالحب والشوق تعكس مدا عشقه لماسة قال سليم بإبتسامة عاشقة
سليم : ماسة أجمل حاجة في حياتي
أخذ ينظر بعشق إلى البرواز الذى بداخله صورتها… لكن لم يكون ظاهر لمصطفى الصورة التى بها …
سليم : هي اللي بتنفس عشانها
( رفع عينه عن البرواز ونظر لمصطفى ) هي السبب إللي بيخليني أصحى كل يوم، عارف يا مصطفى لما يكون عندك سبب لوجودك في الحياة، سبب يخليك تصحى كل يوم عشانه، أهي ماسة كدة معتقدش إن عندي سبب غيره يخلينى عايش ومتمسك بالحياة .
مصطفى وهو ينظر بعينه فيما حوله ثم وقعت عيناه ع سليم بستغراب وهو يقول
مصطفى بتساؤل : ولا كل ده ؟؟
سليم بلطف : لا، كل ده مايهمنيش.. الفلوس والسلطة والجاه والحسب مش أهم حاجة في الحياة يا مصطفى، لأنك تقدر زى ماعملت ثروة تعمل غيرها، لكن إنك تلاقي إنسان جنبك بيحبك لشخصك، ووجوده هو مصدر الراحة والاطمئنان والسعادة الحقيقية ليك، صعب في زمن دة، لذلك، لازم تتمسك بيه وتكتفي بيه، لأن مهما حاولت وعشت وقابلت صعب تعوضه، خصوصاً إن الزمن ده زمن خداع أوي .
مصطفى بستغراب : للدرجة دى مدام ماسة مؤثرة في حياتك؟؟
سليم وهو يهز رأسه بنعم بابتسامة رائعة : صدقني و أكتر .
تبسم مصطفى بحزن خفيف بوجع : أنا كمان كنت متجوز عن حب بس للأسف كتر المشاكل قتلت الحب ومن وقتها بطلت أصدق إن في حب، بس قصتك أكدتلي أنه لسه موجود، المهم الإختيار يكون صح .
.سليم وهو ينظر بعشق على البرواز الذى بيه صورة ماسة : بالظبط حسن الاختيار هو اللي بينجح العلاقة… مافيش علاقة زوجية بتخلى من المشاكل، إنما لو الحب أساسه صح، مستحيل يموت .
مصطفى تنهد بوجع و بتأكيد : مظبوط .
تنبه مصطفى لنظرات سليم للصورة والعشق الكبير الذى يخرج من عينيه وقال بخبث .
مصطفى : بس ماشاء الله المدام زى القمر هي ليها أخت توأم أنا شفت صورها على المواقع ؟؟
تبسم سليم بخفة وهو يقول مازحا : ايه كنت بتفكر تناسبنا ؟؟
مصطفى : ليا الشرف .
سليم بتوضيح : ماسة مالهاش أخت توأم حتى اخواتها مافيش أي شبه بينهم، ماسة جمالها مميز زيها .
مصطفى : ربنا يخليكم لبعض طب هقوم أنا( نهض وهو يقول ) عشان اسيبك تخلص شغلك وسفرية سعيدة وموفقة و لما ترجع بسلامة نشوف ميعاد مناسب .
سليم : إن شاء الله .
مصطفى : السلام عليكم .
خرج مصطفى من الغرفة بأفكار مشتتة بشدة وهو مازال لديه القليل من الأمل أن تكون صدفة وتكون شبها فقط وهذا كل ما يتمناه بشدة ..
واثناء خروجه من الغرفة تقابل مع رشدي وخبطه في كتفه دون قصد .
رشدي باستفزاز : مش تحاسب !! .
مصطفى بإعتذار : آسف .
أكمل مصطفى سيره…. ودخل رشدي المكتب بعد أن أغلق الباب .
رشدى وهو يتقدم نحو سليم بتساؤل : مين ده ؟
نظر له سليم بضيق واستنكار و أمسك قلمه ووضع عينيه في الأوراق التي أمامه وهو يكتب يقول بجمود ..
سليم : ايه اللي جابك ؟؟
جلس رشدى : أعتذرلك .
سليم وهو يرفع أحد حاجبيه وهو مازال عينه على الأوراق باستغرب ممزوج باستخفاف :
سليم هو يتك على كلمة : اممم تعتذرلي هي القيامة قامت ولا ايه ؟
رشدى بود مصطنع : شوف أهو أنت اللي مش عايز تديني الفرصة .
رفع سليم عينه بنصف ابتسامة وأرجع ظهره للخلف بانتباه .
سليم باستغراب : يعنى أنت جاي تعتذرلي ونتصافى و نبقى اخوات طبيعيين ؟
رشدى : أكيد .
سليم بعملية شديدة : اوكيه الفترة إللي هكون مسافر فيها هتكون تست ليك، أنت إللي هتخلص الشغل مع عماد وطه بس الغلطة أنت أضرى عقابها .
رشدى : متفقين، على فكرة أنا كمان اعتذرت لياسين .
هز سليم رأسه بإيجاب : المهم تبطل ( وضع أحد أصابعه أسفل أنفه واستنشق ) فاهم طبعاً .
رشدى بثقة : متقلقش، ( بخبث ) أنت صح رجعت من السفر امبارح وهاتسافر بعد بكرة تاني .
سليم : كان لازم أرجع عشان أخلص الصفقات المتأخرة .
رشدى : ابقى هات ماسة معاك عشان ناوي أعمل حفله بشرف التغيير .
سليم : إن شاء الله .
رشدى : أنا هروح أشوف الباشا .
نهض رشدي وهو يبتسم بخبث وتوجه إلى الباب .
كان يراقبه سليم بتركيز فهو يعلم نواياه الخبيثه جيدا و كل مايفكر فيه يعلمه جيداً .
بقلمي ليلة عادل (ʘᴗʘ✿)🌹♥️
طريق مصر اسكندرية الصحراوي٤م
نشاهد مصطفى يقود سيارته وعلى ملامح وجهه الغضب والضيق فكيف لها أن تكذب عليه كل هذه الأكاذيب بعد كل مافعله هو وأسرته معها ..
و بعد حديث سليم معه أصبح الأمل بسيط أن تكون صدفة …
أخذ يتذكر كل ماحدث بينهما من وقت ما تعرف عليها …
حديثهما في السيارة وكذبتها الأولى أن زوج أمها حاول اغتصابها ..
وكذبتها التانية انها تهرب من زوجها الذي يعذبها… وضحكهما وأحاديثهما. وجلوسها معهم وكل شيء …
وصل إلى الشارع الذي تقابل فيه مع ماسة في تلك الليلة المشؤومة …
توقف وأخذ ينظر ويتذكر كل شيء حدث وهو يجز على أسنانه بغل … هبط من السيارة ..
أخذ يسير في الشارع … وبعد دقائق تقابل مع أحد الغفر توقف وسأله ..
مصطفى باحترام ممزوج بتساؤل : لو سمحت هي فيلا سليم بيه الراوي هنا ؟؟
الغفير بإيجاب : أيوة جوه مافيش غيرها النواحي دي، في حاجة ؟
مصطفى أجابه مسرعاً : لالا أنا كنت رايح له بس بتأكد من المدخل .
الغفير بتأكيد : هو يا بية، بس محدش هناك الفيلا مقفوله، انزله مصر لو عايزه .
مصطفى بخبث: ولا الست ماسة مراته ؟؟
الغفير : لا يابيه بقالها كتير مش هنا .
مصطفى وهو يهز رأسه بإيجاب : تمام شكراً .
أخرج نقود من جيبه وأعطاها للرجل وعاد مصطفى إلى سيارته وقادها …
وأكمل سيره إلى الإسكندرية وكان يعلو ملامح وجهه الضيق والغضب العارم فقد تأكد أنها هي وكل ماعاشه معها كذبة كبيرة …
_ المقطم ٥ م
_ مظهر عام لهضبة المقطم من أعلى ثم نشاهد عماد يقف على الحافة وهو ينظر إلى جمال مصر القديمة من أعلى وهو يدخن سيجارة. بعد دقائق يقترب منه أحد الرجال.
الرجل : عماد بية .
التفت عماد له بجمود وقوة و قال .
عماد : هات اللي عندك .
وهنا اتضح ملامح الرجل وهو أحد حراس سليم ..
الحارس بنوع من الاستخفاف : العصفور شكله حن لعشه !
خلع عماد نظارته الشمسية ونظر له بتدقيق وترقب
عماد بتساؤل : تقصد إيه ؟
الحارس : الغفير كلمني وقال لي إن في واحد سأل على فيلا سليم بيه، ولما راجعت الكاميرات تخيل شفت ايه ؟؟؟
عماد بشدة : ماتقول يا عثمان أنا هاخد الكلام منك بالعافيه .
عثمان بدفاع : يا باشا أنت لازم تشوف بعينك … مد يده بهاتفه .. أمسك وقارن بنفسك بين الفيديو ده والفيديو ده .
أمسك عماد منه الهاتف بدأ في مشاهدة الفيديوهات فهى مشاهد لمصطفى وماسة !!
المشهد الأول : مصطفى وهو بيسأل عن فيلا سليم …
المشهد التاني : لماسة وهي تركض برعب بقميص نومها و في أول الرواية، وصعودها سيارة مصطفى .. و كان وجهه مصطفى ظاهر ليس بوضوح كافي لكنه ظاهر و رقم سيارته يظهر بوضوح تام ..
فهم يمتلكون المشاهد التى كان يبحث عنها سليم ..
رفع عماد عينه بصدمه : أنت لسه معاك المشاهد دي ؟؟
عثمان بتوضيح : كنت مسحهم بس رجعتهم عشان أقارن بين رقم العربية وبين شكل الشاب وبعدين وتأكدت أنه هو نفس الشخص اللي مدام ماسة ركبت معه يوم ماهربت . اسمه دكتور مصطفى عبد الحميد .
عماد : كان بيسأل ع ايه؟
عثمان : هو سأل عن سليم الراوي ليه فيلا هنا ، ومشي بعدين يا باشا مش هي دي المشكلة !!!
عماد بتعجب : في تاني ؟
عثمان : مصطفى اشتغل من شهرين بالظبط في مستشفى شمس الحياة ، اللى سليم بيه ليه أسهم فيها بنسبة ٥٥ ٪ ومش بس كدة سليم بيه اللي شغله، وموصي عليه كمان .
عماد : تفتكر أنها كانت مستخبيه عنده طول الفترة دى؟؟
عثمان: أنا وقتها سألت ودورت مالقتش حاجة هو قاعد مع أمه وأخوه وأخته .
نظر له عماد بصمت دون تحدث فهو لا يفهم شيء
فإذا عادت ماسة ستفشل كل خططه فقال بصوت داخلي .
طب هي لو عنده وبيساعدها، ازاي خاطرت بأنها تشغله عند سليم ؟؟ يمكن عشان تبقى حاطه سليم تحت عينيها !!! طب لو كدة ليه راح سأل عشان يتأكد إن سليم ليه فيلا هنا أو لا؟؟؟ طب هو يعرف سليم إزاي ؟؟ وميعرفش مراته ؟ في حاجة ولازم أفهمها .
دقق النظر في ملامح عثمان وهو يقول بشدة :
عماد : احنا لازم نمسح أي أدلة تثبت مكان ماسة، لأن فيديو ده هو اللي هيوصل سليم لماسة، الفيديوهات دى تتمحي فاهم، عايزه لو جاب أجدعها هكر ميعرفش يرجعها، والغفير هانشرب قهوه سادة.
عثمان : اعتبر نفسك شربتها .
عماد : ركز مع مصطفى ده كويس و أي حد تبعه، احنا غلطنا غلطة كبيرة لما محطناش اللي اسمة مصطفى دة تحت المراقبة، وستهنا بية اكيد في حاجة حصلت عثمان مصطفى يتحط تحت عينيك،.(بتسال) سليم عمل ايه مع مجاهد .
عثمان : مادخلش حد معه بس ناوي يسافر سويسرا.
عماد بغل : تمام .. الغبية حرقت نفسها بحركتها دي يلا روح أنت .
وهو يجز على أسنانه بنزعاج وغضب،
فهو خائف أن تفشل ترتيباته ومخططاته بحصوله على كرسي العرش ..
فلابد ان يرتب أوراقه بأقصى سرعة، قبل انتباه سليم له .. رفع هاتفه …. الو رشدي … أنت فين ؟ … لازم نتقابل … ست الحسن … شكلها هطل علينا بالأبيض قريب .. أغلق الهاتف ووضعه في جيبه بضيق .
♥️______🌹بقلمي ليلة عادل 🌹______♥️
_الاسكندرية
_ منزل مصطفى ٦ م
_ نشاهد مصطفى و نبيلة وعائشة وايهاب ومحمد .
يجلسون في الصالون وعلى ملامح وجوههم جميعاً الضيق والانزعاج والغضب … بالأخص مصطفى الذى يشعر أنه كان مغفلا كبيرا ، فهي لم تكذب عليه مرة واحدة بل أكثر من مرة ….
نبيلة وهى تسبح بسبحتها بنزعاج : لا إله إلا الله، ليه تعمل كدة ؟ أنا عاملتها زى بنتي وأكتر ، طب في الأول كانت خايفة عشان متعرفناش !!! بس بعد ٣ شهور ليه متقولش الحقيقة ليه ؟؟
عائشة بطيبة وهي تلتمس لها عذرا : أكيد في سر، مش عايزين نخلي غضبنا يعمينا نصبر شوية ونفهم منها.
إيهاب بتهكم وغضب : أنتي لسة بتدافعي عنها .
عائشة بتأكيد : أيوة أكيد في سبب يعني سليم على كلامكم أنه شخص محترم ولطيف، ازاي تهرب منه كدة !!! وليه ؟ طب مين إسماعيل ؟ ومين ضربها يوم مامصطفى لقاها ؟ وكانت بتهرب من إيه ؟ في لغز كبير .
محمد بضجر : دي وحدة كدابة ومهما قالت هتكدب عندها قدرة في تأليف القصص ببراعة
إيهاب بضجر : ماما بصي عشان متهورش عليها أول ماتيجي مشيها .
نبيلة بتبرير وطيبة : أنا حاسة إنه برغم كذبها بس أكيد في حاجة كبيرة خلتها تكذب .
إيهاب برفض : مافيش مبرر بعد كل ده احنا خلينها واحدة مننا .
التفتت عائشة بزاويتها اتجاه مصطفى وقالت:
عائشة : مصطفى مصطفى مش بترد ليه .
كان يجلس صامتا شاردا يفكر لماذا كذبت عليه هكذا !!! ومن خلفها ؟ فاسليم رجل محترم للغاية، ويعشقها، كيف لها أن تهرب منه هكذا ؟؟
افكار كثيرة تدور برأسه لا إجابة لها…
انتبه الجميع له بعد نداء عائشة عليه دون انتباه خبطه محمد بخفه في كتفه وهو يقول .
محمد : مصطفى أنت يابني .
انتبه مصطفى و تنهد بختناق وقال : معاكم، عموم مافيش أي حاجه ممكن تخليها تكدب طول الفترة دي ، وأي حاجة ممكن تقولها أكيد كدبة جديدة .
نبيلة : يمكن هربانه من سليم ده وهو اللي عمل فيها كدة.
مصطفى برفض وهو يهز رأسه : يستحيل مشفتيش بيتكلم عنها ازاي وكل اللي يعرفهم مأكدين كلامه انها بيعشقها وقصة حبهم كبيرة .
محمد بتأييد : وأنا كمان سألت من تحت لتحت محدش قال كلمة وحشة عنهم … دول مسمينهم عشق الأمير والأميرة .
نبيلة بتساؤل وأسف : هتعمل إيه طيب معها ؟؟
مصطفى : هعرف بس ليه كدبت وبعدها تروح لحالها .
((ىعد وقت))
_منزل مصطفى ٨م
_ نشاهد مصطفى و محمد و إيهاب ونبيلة وعائشة يجلسون في إنتظار ماسة ومازال علامات الضيق والخذلان والانزعاج الشديد تملأ ملامحهم …
بعد ثواني يستمعون الى طرق الباب توقف مصطفى وهو يقول بجمود …
مصطفى بتنبيه وشدة : محدش يتكلم معها مفهوم، أنا بس أنا إللي هتكلم .
توجه إلى الباب وقام بفتحه .. كانت ماسة .
ماسة بابتسامة : مصطفى ازيك .
نظر لها مصطفى لثواني بضيق وصمت حاول تمالك نفسه و تحولت ملامحه إلى ابتسامة واسعه مصطنعه :
مصطفى : اتفضلي .
دخلت ودخل خلفها .. حتى وصلت الى الصالة توقفت في المنتصف حين شاهدتهم يجلسون …
رفعت نقابها ونظرت لهم بابتسامة رائعة لطيفة .
ماسة : كلكم هنا !!!! عاملين اية ؟ ازيك يا محمد .
محمد بجمود واستخفاف : كويس وأنتي كويسه !!!! .
ماسة وهي تهز رأسها بايجاب : امممم تمام نظرت لهم بستغراب من تلك الملامح المنزعجه فشعرت أن هناك شيء ما حدث .
ماسة بتساؤل : في حاجة أنتم كويسين ؟؟
كاد أن ينطق محمد لكن سبقه مصطفى قائلا : لا مافيش احنا كويسين .
ماسة : أصل حسيت إنكم مضايقين .
مصطفى بتبرير مكذوب: ندى بس كانت هنا .
ماسة : اوكيه طيب أنا هطلع أغير اللبس وأنزل ماشي مش هتأخر عليكم .
التفتت وتوجهت إلى الباب … لكن توقفت حين قال مصطفى .
مصطفى : سليم الراوي مسافر يا ماسة هانم .
توقفت ماسة باتساع عينيها التى كادت أن تخرج من مكانها من قوة الصدمة حتى أنها ترنحت في وقفتها و كاد أن يغمى عليها … سندت بكفها على الباب
وأخذت أنفاسها و ابتلعت ريقها بجسد مازال يهتز من هول الصدمة…
التفتت برأسها ببطئ و بأسنان تصطك في بعضها دون حديث فا ملامحها تقول كل شيء ..
…. نظر لها مصطفى بضيق شديد وتقدم نحوها بعض الخطوات حتى توقف أمامها مباشرة وقال
مصطفى بجمود وهو ينظر لها من أعلى لأسفل :
مش بردو كانو بيقولولك كدة؟؟ ماسة هانم الراوي !!
التفتت له بجسدها وهو يهتز بشدة واضطراب و قلق من قوة الصدمة وهي تهز رأسها بايجاب وعينيها تهبط منها الدموع بصمت …
مصطفى بخذلان : متحوليش تكدبي خلاص،
كل حاجة انكشفت ستارة الاكاذيب اترفعت يا ماسة هانم ولا ليكي اسم تاني .
ثم رفعت عينيها له بانكسار وقالت بوجع وضعف بنبرة مبحوحة …
ماسة : أيوه، أنا ماسة الراوي، مرات الملياردير سليم الراوي يا مصطفى ….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الماسة المكسورة)
