رواية اللقاء الاول الفصل الثامن عشر 18 بقلم بسملة أشرف
رواية اللقاء الاول الجزء الثامن عشر
رواية اللقاء الاول البارت الثامن عشر
رواية اللقاء الاول الحلقة الثامنة عشر
عشان دايرة اللعنه تتكسر لازم فيولا تموت ..ولو فيولا عاشت هيفضلو طول عمرهم يسمعو ان في شخص جديد اتلعن وساعتها مش هيقدرو يوقفوه ..ةوطبعا امين كان واقف مكانه وضهره لادم وهو بيكلمه وبيتحداه انه هيرجعله تاني وانه هينتقم منه وهيخرج فيولا من المكان ده بامان ..اما ادم الحراس خدوه وربطوه ف مكان اشبه بقبو وفيولا بقا كانت مربوطه بسلاسل من ايديها الاتنين ومكنتش قادره تقف …ومن الناحيه التانيه والد فيولا واحمد واحلام بيشوفو طريقه يدخلو بيها هنا وينقذو ادم وفيولا…امين خد الشنطه اللي كان فيها الكتاب والملف بتاع قضيته وخباهم وكان عمال يجهز الليله اللي هياخد فيها دم بنته ويقدمه للكائن ده ………..امين نزل القبو عشان يشوف ادم…
امين باستفزاز وسخريه … ها ياسيدي شوفت وفرت عليك وقت كبير وجيتلك بنفسي ..اه صحيح قولتلي هتخرج فيولا ازاي
ادم كان بيتحداه بنظراته….هتشوف بعينك
امين…اصل يعني عندي سؤال ازاي هتخرجو من هنا
ادم…انت فاكر اني لوحدي احمد زمانو جاي دلوقتي وجايب معاه البوليس عشان يعتقلوك …
امين بضحك…هو انت متعرفش ان المكتبه مش موجوده …
ادم…مش موجوده ازاي؟
امين….اليوم اللي قبل منص القمر يكتمل فيه المكتبه دي بتتمسح من علي وش الارض
ادم….يعني ايه؟
امين..يعني مفيش غيري انا وانت بس اللي هنا والحراس بتوعي و قولتلهم يخلصو عليك هيخلصو عليك ومحدش هيشيلك من بين ايديهم ومن بينهم صاحبك اللي انت مستنيه!
///في مكان اخر///
والد فيولا …ها عرفتو هتعملو ايه؟
احلام..ايوه
احمد..ايوه
والد فيولا..لبستو السلاسل بتاعتكم؟
الراوي
احمد واحلام لبسوا السلاسل اللي اداهلهم والد فيولا وكانو بيجهزو عشان يدخلوا وكان لازم عشان المكتبه تظهرلهم يقولو بعض كلمات ,,مش مجرد انهم لبسوا السلاسل يبقي خلاص يقدرو يشوفوا لمكتبه دي لا كان لازم يقروا كلمات التعويذه..!
فيولا … ادم ملوش ذنب في اللي بيحصل ده !
امين.بسخريه……..وهو حد قالو العب
فيولا…بس دي مش لعبه ..احنا مكناش بنلعب انت اللي كنت بتلعب بينا!
امين….تفتكري القصه المفروض تخلص علي ايه ؟ بصي موتك ده مفروغ منه ..عاوز استمتع بالم ادم وهو شايف حبيبته قدامه وبتموت وللاسف ياحبيبي مفيش بايده حاجه يعملها؟
فيولا……انت اناني ومبتفكرش غير ف نفسك وعلي فكره النار ممكن تحرق اللي ماسكها!
امين بيسخر من مشاعرها….طبعا طبعا بس انتي اللي لعبتي بالنار الاول مش انا اللي ابتديت
فيولا…انت فاكر ان في حد ممكن يسمع اعزارك البايخه دي
امين…بايخه؟ هو انتي مسالتيش نفسك انتي جيتي هنا ازاي؟…
فيولا باستغراب ..ازاي يعني مش فاهمه؟
امين…مفكرتيش ليه ادم جابك هنا؟
فيولا..هو انت بتتكلم بالغاز ليه ؟خليك واضح..بسخريه..اوه اسفه معلش مكنتش اعرف انا بكلم انهي امين بالظبط اصل في وشوش كتير مبعرفش افرق مابينهم
امين…ادم كان عارف من الاول انك بنتي وكان عارف قصة الكتاب قبلك ده غير انه طبعا كان قاصد يجيبك هنا بالرغم انه عارف انه في خطر عليكي …انتي صعبانه عليا اوي الشخص اللي حبتيه و وثقتي فيه كان عارف اللي هيحصلك من البدايه وده طبعا له غيه اكيد…فيولا بتقاطعه
فيولا اتعصبت من كلامه….لاء مستحيل ادم يعمل كده وانا عارفه انك بتعمل كده عشان توقعنا ف بعض مش اكتر ..ادم مش زيك ولا عمره هيكون واحد منك ادم هيجيلي وهينقذني منك وهتشوف ده بعينك وانا ساعتها اللي هستمتع بصريخك وانت بتترجانني اساعدك وساعتها هرميك بايدي انت سامع ,,,,,فيولا بتستفزه….
امين….لسه كان هيتكلم فيولا قاطعته……انا لسه مخلصتش كلامي ,اه والسكه اللي انت داخل بيها دي عاوزه اقولك انها قديمه اوووي تقدر تضحك بيها علي عيل صغير لسه بيبي اما متقدرش تضحك بيها عليا اما بالنسبه لادم هو مش محتاجك تروح تفك السلاسل اللي ف ايده لانه بيعرف يفكها كويس اوي ومش محتاج مساعده
/////الراوي//////
امين افتكر انها بتلمحله ان ادم فك نفسه بجد فخاف وجري بسرعه يشوف ادم ..وبالنسبه لكلام امين لفيولا وتهديداته..ده ميمنعش انه قدر فعلا يشكك فيولا ف ادم ويهز الثقه اللي مابينهم وف نفس الوقت فيولا مكنتش عاوزه تبينله ده وكان عندها احساس انه بيوقع مابينهم وان الكلام ده مش حقيقه وانه فعلا عمره مكان هياذيها ..فيولا فضلت ترجع بالذاكره بتاعتها ورا وتفتكر المواقف اللي بينها هيا وادم واللحظات اللي عاشوها …افتكرت او لقاء بينهم لما الطريق كان ضلمه وكانت خايفه وقتها …ولما خبطت فيه وكانت هتقع بس هو مسكها ساعتها فيولا مكنتش شايفه غير عيون ادم بس ووقتها قالت عليه انو غامض اوييي وقام مشهد درامي عنيف بسبب ساذاجتها …
///فلاش باك ////..
*فيولا *احم مين انت وايه اللي جابك هنا !!!وخبطت فيا ليه هاا رد اتكلم …. ادم قاطع كلامها
*ادم*علي فكره اسمها حضرتك وكمان اكيد مخبطتش فيكي قصد يعني انسان وكان ماشي عادي جدا
*فيولا *وايه اللي جابك هنا ؟طبعا هتقولي صدفه ومش قصدي والجو ده والروايه تتكتب مش كده!
*ادم*رواية ايه وجو ايه وبعدين ايه قلة الذوق دي هيا فعلا صدفه
.*ادم*قلة ذوق!!
*.فيولا*ايوه قلة ذوق.
.*ادم*يخربيت طولة لسانك.
*فيولا*.وهو انت بقا متعود تحل مشاكل الناس!
*ادم*يااه ده شغلي يبنتي انا بحل مشاكل الناس اكتر مبنام ..من المستشفي علي الشركه ومن الشركه ع البيت.
فيولا كانت بتعيط وقتها لما وقعت واتعورت وادم وقتها جابلها شاش وقطن وربطلها الجرح اللي ف راسها …انا عارفه ان كل بسببي مكنش ينفع اجي هنا من الاول انا عرضكم للخطر!
*ادم*انتي مجنونه اديكي كتاب العالم كله بيدور عليه مقابل اسوره!؟
*ادم*خلاص هتيجي المكتبه قبل درسك بساعه تاخدي الكتاب وتقرايه
*ادم*الكتاب مكتوب بلغه معينه مش هتفهميها لازم اكون معاكي عشان اقراهولك
*فيولا*موافقه بس بشرط هقرا الكتاب كله ف يوم واحد عشان منتقابلش تاني
*ادم*مش هتلحقي تقراي الكتاب
*ادم*انتي ليه قاعده هنا المكان كله تراب ودم انتي مش خايفه؟
*ادم*ياه دي ايه الصدفه السعيده دي
*فيولا*دي صفه مهببه
برضو رجعنا لطولة اللسان انتي لازم يقصولك لسانك ده
وافتكرت لما البوابه نزلت واتحبست هيا وادم ووقتها كانت خايفه وبتعيط وام كان بيحاول يهديها ….ممكن تهدي
كل ده بسببي
ادم حضنها …ششش كل حاجه هترضع لوضعها اهدي
ولما عرض عليها الزواج …. فيولا تتجوزيني!
ولما كان بيتحدي امين وبيقوله……لو فاكر ان القصه هتنتهي بالطريقه دي تبقي غلطان انا اللي جبتها وانا اللي هخرجها من هنا يا امين خليك فاكر وهقدر اخرجها حتي لو كانت في وسط اسود انت فاهم
ولما قاله برضو..جهز نفسك يا امين عشان هتشوف وشي تاني ..ادم سيف الدين راجعلك وبيقولك ادم سيف الدين لفيولا محمد عز الدين وفيولا محمد عز الدين لادم سيف الدين …هرجعلك
//////الراوي///////
فيولا فضلت تفتكر في كل المواقف دي واللحظات اللي عاشتها مع ادم بالرغم انها كانت مغامره …فيولا كانت بتفتكر عشان تثبت لنفسها ان ادم عمره مهيتخلي عنها او يبعها حتي وان حبه كان صادق معاها وانه مكنش بيمثل زي ما امين قالها …بس فكرة انه عرض عليها الكتاب الاول ده قلقها اكتر معقول كل دي كانت كذبه وان مشاعره مكنتش صادقه طب هيستفاد ايه؟ فيولا دماغها فضلت تودي وتجيب ..قاطعها شعورها بالتعب والم ايديها المربوطه لاكتر من خمس ساعات والجروح اللي كانت واضحه علي ايديها من ربطة السلاسل و ده غير انها كانت حاسه بالعطش الشديد….
طبعا كلكم متعرفوش حل اللغز لحد دلوقتي هو كان ايه …الحقيقه ولا انا ! متستغربوش ..بس الجميل ان ادم عرف يحل اللغز اثناء مهو كان محبوس ومش عارف يخرج من القفص الحديد اللي كان جواه …المكان ده كان اشبه بقصر ملوكي قديم اوي من ايام اجدادي واجدادك وكان التراب مالي المكان ده غير عشش العنكبوت اللي تديلك ايحاء ان عمر محد جه وزار المكان ده ولا حتي بني ادم واحد مهو اكيد لو في بني ادم واحد عايش ف المكان ده مكنش هيسيبه بالمنظر البشع ده ..اصلا مكنش هيستحمل ولو دقيقه انه يفضل موجود هناك بسبب حالة المكان ده غير ان القصر ده كان موجود ف وسط ارض فاضيه مليانه اشجار و صخور متكسره ورمله ومجزره ادم اكتشف ان اثينا منتحرتش وانها اتقتلت !طبعا هتقولو ازاي هيا اتقتلت وازاي كان في رسالة انتحار بخط ايديها ومنين ان الكتاب مكتوب فيه انها انتحرت والقضيه اتقفلت علي كده…..بس الحقيقه كانت ان الرساله دي الشخص المجهول اللي وداها لمشفي الامراض العقليه هو ذات نفسه اللي كتب رسالة الانتحار …وعشان قضية اثينا تتقفل ويبعد عن نفسه الشبهات كان لازم يقفل قصتها بطريقته وهيا انه يخليها ف نظر الناس والحكومه انها انتحرت والاثبات رسالة الانتحار ..طب الشخص ده استفاد ايه من موتها بما ان الكتاب كان بيقول ان الشخص الملعون لو مات قبل ميدخل اللعنه دايرة اللعنه بتتكسر والكائن اللي جواها بيضعف وعشان الكائن ده يرجعوله قوته لازم يلاقو دم له مميزات اقوي من الدم اللي اتبني عليه او يكون نفس الدم اللي اتبني عليه ..يعني يا يكون هو هو نفس الشخص وده طبعا مستحيل اكيد مش هيصحي يديهم الدم ويرجع يموت تاني ..والحل التاني والاخير يا اما يجيبو شخص تاني بس لازم يكون دمه مميز واقوي من اللي قبله عشان الدايره تكمل شغلها وكل حاجه ترجع لوضعها تاني , طب ازاي الكتاب بيقول ان الشخص ده لو مات الدايره هتتكسر والكائن هيضعف واثينا ماتت والدايره متكسرتش ؟ وفضلت شغاله ! الملفات اللي فيولا لقيتها بتاعت امين اللي هو كان صاحب المصايب دي كلها كان مكتوب في الملف بتاعه انه مات …لا ومش اي موته ده مات اثناء معاركته مع اخوه لما كان عبد العزيز بيدافع عن نفسه وامين كان ف ايده المسدس وعاوز يقتله امين قام زقه فوقع ف البحر وغرق……وطبعا عبد العزيز خد افراج وقتها لانه كان دفاع عن نفس ولولا والدة ادم هيا اللي بلغت وقالت ع كل حاجه بس طبعا الوقت كان اتاخر ساعتها بس هيا قدرت تسيطر علي الوضع …قالو انه مات والطبيب الشرعي اكد ده! طب ازاي امين عايش؟ بالرغم ان في حاجه تاهت عن بالكم وهيا ..ليه لما امين مات الدايره فضلت شغاله ؟بالرغم من ..ان القصه كلها دايره علي موت امين لو مات امين دايرة اللعنه هتتفك ..طب ليه مفيش حاجه اتغيرت؟ بالرغم ان كان في قضايا كتير بعد موت امين من الناس اللي بتدخل المكتبه وبتموت ! ناس كانت بتتقتل جوه المكتبه والقضايا مبتتحلش لعدم وجود دليل يقدروا بيه يمسكوا القاتل ..بس مكنش في! الناس بطلت تدخل المكتبه دي لانهم ياسو من سبب موت الناس دي وليه كل محد كان يدخل المكتبه دي يموت بسكته قلبيه!وطبعا انتهي الكلام علي ان المكتبه ممسوسه والناس بطلت تدخلها..طب ازاي النااس دي بدون استثناء ماتت جوه المكتبه و فيولا كانت بتروح وتقعد بالساعات ومبيحصلهاش حاجه ؟ اكيد العفاريت مش عارفينها يعني عشان كده مش موتوها ؟طب معقول بني ادم اللي كان ورا كل ده ولا شيطان ..لا بس الشيطان ميقدرش يموت بني ادم ..طب ايه بني ادم موت كل الناس دي بسكته قلبيه ازاي ؟ اكيد يعني لما شافو شكله اتخضوا ف ماتو من الرعب ..لاء احنا مش بنهزر هنا احنا مش في دريم بارك اكيد مش ده السبب ..ادم كان فاكر ان عشان اثينا كانت تعرف اسرار وخفايا الكائنات دي وبما انها بتبوح بسرهم ..وطبعا من غريزة الكائنات اللي تحت الارض انهم مبيحبوش حد يعرف عنهم اي سر موجود لان ده بيضايقهم ف بيكونوا عاوزين ينتقموا باي طريقه من البني ادم ده ! فيمكن عشان كده قرروا ينتقموا من اثينا؟ ادم كان بيقرا عن سكان جوف الارض والعالم الاخر فكان عنده معلومات كافيه انها تفيده وتجاوب علي كل اسئلته ادم بدا يتذكر شكل الكائن اللي شافوه اول مره وكان عاوز يحدد فصيلته…..الكائن وقتها كان باين انه جعان لما هاجم فيولا وكان عاوز ياذيها وف اخر لحظه ادم انقذها ..سكان العالم الاخر لما بيكونو جعانين بيكون لونهم رمادي مايل للاصفرار ولما بيشبعوا بيرجع لونهم للون الرمادي تاني والغريب ان الكائن ده كان لونه احمر من الدرجه الرابعه وكان باين قد ايه هو عنيف بس ادم مقدرش يتعرف علي فصيلة الكائن ده بالرغم من كثرة قرايته بس هو عمره مسمع عنه وكانه مخلوق نادر الوجود وعشان ادم مكنش عنده معلومات عن مدي قوة الكائن ده كان عنده شك بسيط ف انه يكون سبب موت الناس دي بس احساسه كان اقوي من ناحية ان الكائنات دي مستحيل تقدر تموت حد وان السبب تاني ..
ده برضو قرار مستبعد لان موت اثينا مش في صالحهم بالعكس هيضعفهم فهيكونوا عاوزين يحموها ..تماما زي المثل المصري لو ليك عند الكلب حاجه قوله يا سيدي …وطبعا هما كان ليهم حاجه غاليه ومستنينها …الغريب ان امين كان عارف من الاول ان فيولا بنته وكان قدامه طرق كتيره ف انه ينتقم من مراته و اخواته بالتحديد بس اللي يخوف اكتر ان منين امين كان عارف انها بنته وانها تحمل نفس دم مراته اللي هو بقالو سنين بيدور عليه ومخطفهاش وعمل اللي هو عاوزه بدون ميفصح عن هويته ..كان ممكن ياخدها ويقدم دمها كقربان ومحدش هيعرف عنها حاجه ولا عن هويته حتي معقول كان عاوزها تيجي برجليها لحد عنده وده معناه انه كان مراقبها …الغريب ان امين كان واثق انها هتقابل ادم .امين لما عرف ان فيولا بتيجي المكتبه دي فكر في خطه تخليها تروحله برجليها لحد عنده هو كان عاوزها هيا عشان دمها وكان عاوز ادم عشان الكتاب كانه ضرب عصفورين بحجر واحد ياخد الكتاب عشان يكمل باقي اسرار التعويذه وياخد دم فيولا عشان العهد اللي كان بينه وبين الكائن ده وطبعا العهد ده كان ان الكائن ده هيخلي امين يعيش لاطول مده وانه هيديه مكانه تخليه يسيطر بيها علي العالم البشري وطبعا كان المقابل بنته…! امين جهز انه يلفت انتباه فيولا ف الاول عشان يثير فضولها ويقدر يتحكم فيها من النقطه دي ..امين جاتله خطه وهيا انه ازاي يلفت انتباه فيولا بدون متشك فقرر انه يخليها تسمع الصوت اللي كانت بتسمعه جوه المكتبه والصوت ده كان سببه امين ..لولا الصوت فيولا مكنتش هتصدق كلام ادم حوالين الكتاب وطبعا امين قدر يتمكن من فيولا ف انه يثير فضولها حوالين الصوت اللي كانت بتسمعه ..صوت غريب طالع من مكتبه بيقولو عليها ممسوسه والمكتبه كان اسم علي مسمي بشكلها اللي كان كئيب ويرعب الدم الجامد اللي كان علي الترابيزات وعلي الارض والتراب اللي كان ف كل مكان والفئران اللي كانت ماليه المكان وا..وا..وا …..ودي كانت الخطوه الاولي لامين….وطبعا كان بيحاول يخليها تقعد اطول فتره ممكنه ف المكتبه عن طريق الحاجات اللي كانت بتحسها وتسمعها ..امين كان عارف ان ادم بيروح متاخر ف وقت معين قرر امين انه يخطط فيولا لازم تقابل ادم باي طريقه وهو هيرتب للباقي ..وفعلا ده اللي حصل اتعمد امين انه يخلي فيولا تخرج من المكتبه ف نفس الوقت اللي ادم كان مروح فيه وساعتها هيتقابلو !ومن هنا دي كانت الخطوه الثانيه لامين ! فيولا وقتها كانت ماشيه وبتفكر ف اللي بتسمعه وطبعا كانت خايفه بس عيبها انها كانت فضوليه يعني مهما الحاجه اللي قدامها كانت خطر عليها هتفضل وراها عشان تلاقي اجابات للاسئله اللي بتدور ف دماغها…وذاد خوفها ما لقت ادم ماشي وراها بس الحقيقه كانت ان ده كان موعد مدبر ليهم هما الاتنين …..طبعا هتقولو ازاي امين كان واثق للدرجادي ان ادم هيهتم لفيولا ويروح ويبحث عنها ويعجب بيها وبكده خطته هتنجح هقولكم ان امين كان عارف ان ادم بيخاف من الحب وعنده عقده نفسيه بسبب ان كان في بنت بيحبها وخدعته وهنا نقدر نقول ان ادم كان بيعمل موف اون بفيولا من غير ميحس ودي كانت الخطوه الثالثه لامين وهنا امين مكنش محتاج يخطط تاني لان خطته ماشيه بسلاسه وزي مهو عاوز بالظبط..! وكان فاضل اخر خطوه امين كان لازم يعملها وهيا انه يلفت نظر فيولا للكتاب وساعتها كان عارف ايه اللي هيحصل لما فيولا تشوف الكتاب ف ايد ادم ..وهيا ان امين يرتب ف انه يخلي ادم يشوف فيولا وهيا داخله المكتبه وطبعا ادم راح وقالها قصة المكتبه و عشان فيولا فضوليه هتطلب تقرا الكتاب ودي كانت الخطوه الرابعه لامين..! بصراحه امين ده طلع جامد اوي قدر ينفذ خطته ويجبهم لحد عنده بدون ميعمل اي حاجه وده طبعا كان سر مقابلة ادم لفيولا بالنسبه للكتاب مش زي ما امين قالها ان ادم استغلها وجابها لا القصه مكنتش كده كل حاجه كانت مترتبه ماعدا دخول احمد واحلام ف قصتة ..هو كان فاكر ان ادم وفيولا بس اللي هيقراو الكتاب ويعرفو لغز القصه وانهم بس اللي هيروحو لحد عنده مكنش مجهز لوجود احلام و احمد ف قصته ….امين جري علي المكان اللي ادم كان محبوس فيه عشان يطمن علي السلاسل اللي ف ايده وانه مهربش لانه خاف من كلام فيولا لما قالتله ان ادم مش محتاج حد يجي ويفكله السلاسل اللي هو مربوط بيها,راح امين ولقي ادم قاعد سرحان ومبيحاولش يفك نفسه بس اللي هو ميعرفوش ان ادم كان سرحان وبيفكر ازاي يخرج من هنا وكان بيربط الاحداث عشان يقدر يطلع باللغز الحقيقي مش اللي موجود ف الكتاب وكمان قدر يستنتج ان اللي قتل اثينا حد تاني ومش هو نفسه اللي قتل الناس الباقيين ..الناس اللي كانت بتدخل المكتبه وبتموت كانو بيموتو بسكته قلبيه واثينا لما ماتت ماتت مقتوله بسلاح ابيض و والده لما مات مات بسكته قلبيه برضو وده معناه ان والده اتقتل وممتش زي مبيقولو انه زعل وماات بالعكس وفاة والد ادم كان له علاقه بالكتاب من البدايه ..بس السؤال هنا ياتري في طرف تاني غير امين مشترك معاه وبيساعده ف كل جرايمه؟
/////فلاش باك /////
امين خد الكتاب من ادم وفتح الصفحه اللي قبل الاخيره …وبيقرا بصوت عالي ..
وعندما تموت الام يمكن ان تكمل ابنتها محلها اذا اتفقان في نفس الدم المرغوب اخذه واذا اردت ان تكسر اللعنه الذي حلت علي العالم البشري يمكن كسرها فقط بنفس الدم الشخص الملعون الذي تم فتح به دايرة اللعنه للمره الاخيره..!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية اللقاء الاول)
