رواية الكمين الفصل السابع عشر 17 بقلم سهيلة سعيد ونور عمر
رواية الكمين الجزء السابع عشر
رواية الكمين البارت السابع عشر
رواية الكمين الحلقة السابعة عشر
( يطلبه الأسعاف وتاخد نارين ع المستشفى ، يتقبض ع قاسم واروى والبضاعة تتمسك والي اتمسكه يعترفه عليهم ، تاني يوم الصبح ، جوة مستشفى ، نايمة نارين ع السرير واختها قاعدة قصادها )
زينة : هههههه طلعتي عين الراجل والله 😆
نارين : اهو كان هيخلص مني للأبد
زينة : زمانه مرتاح دلوقتي
نارين : ع اد م كنت بتمنى المهمة دي تخلص وتعدي ع خير ، ع اد م كنت مش عوزاها تخلص عشان افضل قريبة منه ♥️
زينة : حبتيه ؟
( تشاورلها ب اة )
زينة : وهو ؟
نارين : اكيد لأ
زينة : ليه اكيد ؟!
نارين : عشان الشخصية الي كنت بيها معاه مكانتش شخصيتي ، دي كانت شخصية المهمة ، وهي دي شخصيات البنات الي تتحب ، لكن شخصية الدكر الي مسيطرة عليا دي ميتبصش ف خلقتها 💁🏻♀️
زينة : وانتي ليه ترجعي الشخصية دي ، م تخليكي بنت ولو مرة ف حياتك بقا ، متبعديش الناس عنك !
نارين : وانا مش عاوزة ابقا فيك ي زينة ، انا عاوزة الي يحبني يحبني لنفسي ، مش عشان ميكب ولبس وشوية تلزيق ومحن 🤷🏻♀️
زينة : عندك حق ، بس دة ميمنعش إنك برة الشغل تهتمي بنفسك شوية ، عشان نفسك مش عشان حد
نارين : هعمل كدة والله ، هعمل الي اقدر عليه
زينة : انتي اصلاً قمر من جوة ومن برة 😍
نارين : ي بت ي بكاشة 😄
زينة : ههههههه 🤭
( يخبط باب الأوضة )
زينة : ادخل
( يتفتح الباب ويدخل عيسى )
عيسى : صباح الخير
نارين وزينة : صباح الخير !
( يقرب عيسى وف ايده بوكيه ورد ابيض )
عيسى : انتي زينة صح ؟
زينة : دة انا مشهورة بقا 😃
عيسى : نارين حكت عنك
نارين : حصل 😊
زينة : يارب يكون بالخير 🤷🏻♀️
عيسى : اكيد طبعاً ، عاملة ايه دلوقتي ؟
نارين : احسن الحمدلله
عيسى : الحمدلله ، الف سلامة عليكي 🙂
( يديها الورد )
نارين : الله يسلمك 🙂
( يفضله باصين لبعض )
زينة : طب اناااا هروح اكلم ماما تحت ، احسن مفيش شبكة هنا خاااالص 🙅🏻♀️
نارين : اوك
( تمشي زينة ، يشد عيسى كرسي ويقعد عليه بالعكس قصاد نارين )
عيسى : معلش إني معرفتش اجيلك قبل كدة ، كنت مطحون ف الأجراءات وتقفيل المحضر ، ورجعنا الأوتيل تاني نعاين وحوارات
نارين : ولا يهمك ، انا عارفة اكيد
عيسى : انتي كويسة ؟
نارين ب ابتسامة : زي الفل 😊
عيسى : يارب دايماً
نارين : عيسى انت زعلان مني ؟
عيسى ب استغراب : ليه ؟!
نارين : عشان قلت ع المهمة ل قاسم وفتنت ع كل حاجة 😕
عيسى : انتي مكنتيش ف وعيك ودة مش مزعلني ، بس الي يزعل فعلاً انتي ليه وقتها خرجتي مع قاسم من غير م تقوليلي ، وليه وصلتي ل حالة السُكر دي !!
نارين : ……….
عيسى : مخفتيش ع نفسك ، مخفتيش يعمل فيكي حاجة وانتي عارفة إنه عاوز كدة من اول م شافك !
نارين : كنت متضايقة 😔
عيسى ب استغراب : متضايقة من ايه ، م انا سايبك وكل حاجة تمام !!
( تحاول نارين تقعد ، يقوم عيسى يسندها يقعدها ويرجع يقعد )
نارين : اتضايقت وخلاص
عيسى : نارين المهمة خلصت لو انتي ملاحظة ، وغبائك كان هيكلفك حياتك ، ف ياريت نتكلم بصراحة 💁🏻♂️
نارين : متأكد من بصراحة دي ؟
عيسى : ايوة
نارين : يبقا نتكلم بصراحة ، احنا الأتنين ✌🏻
عيسى : ياريت
نارين ب توتر : اوك مفيش مشكلة
عيسى : تمام
نارين : اصل مفيش احلى م الصراحة
عيسى : طبعاً
نارين : ف نتكلم عادي 🤷🏻♀️
عيسى : نارين بطلي لف ودوران واتكلمي بدل م اقوم اكمل عليكي 😐
نارين وهي بتفرك ف ايدها ب توتر : يوميها شفتك م الشباك 😔
عيسى ب عدم فهم : شباك ايه ؟!
نارين : شباك الأوتيل ، شفتك وانت مع اروى ع الشط
( يفتكر عيسى لما كان مع اروى ، يفتكر إنه باسها ف يفهم )
عيسى : ايوة افتكرت ، بس انا وانتي عارفين إنه ………
نارين : لا مش عارفين كدة ، بطل تقول إنه عشان المهمة
عيسى : انا الي كنت بقول ولا انتي !
نارين : كنت بقولك كدة عشان اداري خيبتي
عيسى : خيبة ايه ؟!
نارين : ……….
عيسى : احنا قلنا هنتكلم بصراحة صح ؟
نارين : ايوة
عيسى : اتكلمي !
نارين : انا خايفة 😕
عيسى : خايفة من ايه ؟!
نارين : من إني اتكلم
عيسى : طب اتكلم انا ؟
نارين : ماشي !
عيسى : لما شفتك اول مرة انا الي خفت
( تبصله ب استغراب )
عيسى : مكنتش عاوزك معايا ، كنت عارف إني مش هعرف اركز ف حاجة بسببك ، كنت رافض اصلاً فكرة إني اشتغل مع ست ، والي حسبته لقيته ، طول الوقت شايل همك ومسؤليتك انتي مش شغلي ، خصوصاً إنك عِندية وغبية ومبتسمعيش الكلام 🙄
نارين : انا ………
عيسى : خليني اكمل
( تسكت )
عيسى : وقت م اختفيتي ومكنتش عارف انتي فين ، كان كأن بنت اختي تاهت وبدور عليها ، كانت اكتر مرة خفت فيها ف حياتي ، معرفش ليه وانتي اصلاً زيك زيي ، انتي ظابط وكفئ كمان وقادرة تتحملي مسؤلية نفسك وتتصرفي زي م قالي انور باشا ، دة الطبيعي ، بس معرفتش اتجاهلك زي مهو طلب واكمل عادي ، عصيت الأوامر وكنت مستعد يوميها إني اخسر شغلي كمان ، بس مخسركيش 😕
( تدمع عيونها )
عيسى : نارين انا ………
نارين بسرعة : انا بحبك ، بحبك اوي ومش قادرة اخبي بقا والي يحصل يحصل 🤦🏻♀️
عيسى ب ابتسامة : مفيش داعي تخبي ، انتي لو كنتي صبرتي خمس ثواني كنت هقولك نارين انا بحبك ♥️
( تتخض نارين )
نارين : بتحبني !!
عيسى : اة بحبك
نارين : بتحبني ازاي ، مش انا الدكر الي مفياش ريحة الأنوثة !!
عيسى : وانا عاوزك كدة ، عاوزك تفضلي دكر ف عيون كل الناس ، كفاية إنك ف عيوني انا اجمل واحن واطيب بنت عرفتها ♥️
نارين : احيه بقااا ، انت بتتكلم جد ، يعني انت حاببني وانا ظابطة وناشفة كدة 😧
عيسى : ناشفة ايه بس ، انتي ظلمك الي عملك ظابط والله ، ي بنتي بقولك حاسس إن بنت اختي معايا تقوليلي ناشفة !!
نارين : انا من ساعة م لبست الفساتين والكعب وانا اتلعب ف هرموناتي 🤦🏻♀️
عيسى : ههههههه ، دة حقيقي ، ف ياريت نرجع للهودي والوايد ليج تاني 😄
نارين : لا هودي ايه دة انا هدلعك اخر دلع 😃
عيسى : انا بتكلم جد ، انا لو شفتك لابسة اللبس دة تاني هزعلك ، انا كنت مستحمل عشان الزفت المهمة وعشان مكنتيش تخصيني
نارين : يعني انا اخصك دلوقتي ؟!
عيسى : ايوة
نارين : طب قولي كدة انتي تخصيني ي بت !
عيسى : هههههههه 😆
نارين : وحيات امك لتقولها 🥺
( يقوم عيسى من ع الكرسي ويقرب يقعد قصادها ويمسك وشها ب ايده الأتنين ويقرب وشه منها )
عيسى : نارين ، انا بحبك وانتي تخصيني ♥️
نارين : هات بوسة بقا 🥺♥️
عيسى : ههههههه 😄
*( النهاية )*
لقراءة الرواية كاملة اضغط على : (رواية الكمين)
