رواية الكمين الفصل الثالث 3 بقلم سهيلة سعيد ونور عمر
رواية الكمين الجزء الثالث
رواية الكمين البارت الثالث
رواية الكمين الحلقة الثالثة
( تقرب نارين بس مش عارفة تمشي تقع ع الترابيزة قدامه تخضه بس تعمل نفسها بتسند عليها )
نارين : م تبعد شوية ، انت لازق ف الترابيزة كدة ليه !
عيسى وهو بالفعل مرجع دماغه ل ورا : انا الي لازق !!
نارين ب ابتسامة عريضة : يلا مش مهم احنا هنبقا اخوات كمان كام يوم ، ف لازم نقرب وناخد ع بعض 🤷🏻♀️
عيسى : يشيخة !
نارين : ايوة مش كدة ولا ايه ي عسعوس 😁
عيسى : عسعوس !!
نارين وهي بتضربه ع ايده : بدلعك ي اخو 😁
( يزق ايدها ب قرف ، تتحرج وتلمها )
عيسى : مركزة معايا انتي اصلاً ؟!
نارين : ايوة اومال
عيسى : قومي ي نارين ، قومي كملي تمارين الضفادع الي بتعمليها دي 🐸
نارين ب احراج : احم اوك 😊
( تسند نارين ع الترابيزة عشان تقوم يزحلقها الكعب يرجعها ل ورا تقع ف الأرض ع وشها ، يتخض عيسى وبعدين يتنهد ب يأس ، تجري عليها البنت )
نارين : سبيني سبيني انا هقوم انا فل ✋🏻
( تسند نفسها وتقوم تكمل تمرين )
نارين : بمناسبة حوار السوشيال دة
( يبصلها عيسى )
نارين : اكيد انور باشا هيظبطه يعني ، مظنش هتفوتهم حاجة زي كدة
عيسى : اممممم 😒
( يزهق عيسى ، يقوم يمشي )
نارين وهي بتزق البنت : سبيني بس انا بعرف خلاص ✋
( ترجع ل ورا وعيسى معدي تتلوي رجليها تقع عليه ، يمسكها من وسطها بسرعة )
نارين ب خضة : احيه 😳
( متعرفش تعدل نفسها عشان الكعب ، يعدلها عيسى ويسيبها )
عيسى وهو ماشي : ياربببب بقا 😑
( يمشي م المكان )
نارين ل البنت : متسبنيش تاني 🥲
البنت : هههههه حاضر 🤭
نارين وهي بتقلع الجزمة : هو ماشي ليه احنا مخلصناش !!
( تجري ع برة تدور عليه ، تلمحه )
نارين وهي بتجري عليه : عيساااااا ، عسعووووس
( يقف ويلف يبصلها )
نارين : هو احنا خلصنا عشان تمشي ؟!
عيسى : انا خلصت
نارين وهي بتقف قصاده : وبالنسبالي إن شاء الله 💁🏻♀️
عيسى وهو بيحط ايده ف جيبه : لا واضح إنك مطولة ، مش سهل برضو تكوني انثى 🙂
( تبصله ب احراج )
نارين : والله لما تطر ك بنت تبقا رب الأسرة وحمايتها هتنسى إنك ف يوم كنت انثى ، او إنك المفروض تتعامل ع الأساس دة 😕
( تسيبه وترجع جوة ، يتنهد عيسى ويمشي ، يعدي الوقت ، توصل نارين بيتها وتدخل اوضتها ، تقلع الهيلز وتترمى ع السرير ب ارهاق ، المدربة مأجبراها تروح بيه عشان تتعود ع لبسه ، تقوم تقعد ، قصادها المراية ، تقوم تقف قصادها ، تفتكر كلام عيسى ، تفك التوكة وتفرد شعرها ، تبتسم بعدم اهتمام وتلم شعرها تاني ، تاني يوم ، في اجتماع ف شغلهم ، الكل قاعدين )
انور : الوقت الي ادتهولكم عدى ، ايه الأخبار ؟
عيسى ونارين : تمام
انور : فهمته الدنيا هتبقا ماشية ازاي ؟
عيسى ونارين : اة ، ايوة
انور : تمام ، اتمنى انكوا بقيتوا ع وفاق مع بعض 🤷🏻♂️
( يبصوا لبعض وبعدين يبصوله )
انور ب قلق : ايه ؟!
عيسى : كله تمام متقلقش حضرتك
انور ب ارتياح : طب الحمدلله ، طيارتكم بكرة ، ع الساعة واحدة بالليل تكونوا جاهزين عشان توصله هناك الصبح
عيسى ونارين : تمام
انور : في اي اسألة ؟
عيسى ونارين : لأ
انور ل نارين : بكرة هتكون عندك شنطة هدومك الي هتسافري بيها ي نارين ، لإن طبعاً مينفعش الهدوم دي 💁🏻♂️
( تبص نارين ع هدومها وبعدين تبصله )
نارين : اوك 😐
انور : اتفضلوا
( يقوموا يخرجه م المكان ، لسة نارين هتمشي …………. )
عيسى : نارين
( تقف وتبصله ، يقف قصادها )
عيسى : انااا ، مكانش قصدي اضايقك بالكلام امبارح ، كنت بهزر 😐
نارين ب اندهاش : ايه داااا ، انت بتعتذر 😃
عيسى : لأ طبعاً مش بعتذر ، انا بقولك مش قصدي وبس !
نارين وهي بتغزمله : لا بتعتذر ، عيسى باشا الخيام بيعتذرلي 😉
عيسى ب ندم : تصدقي إن انا غلطان اصلاً ومش بعتذر ، وكمان اقصد الي قلتله ، اوعي 👋🏻
( يزقها ويمشي )
نارين وهي بتجري وراه : استنى بس خلاص انا قبلت اعتذارك ي اخووووو 🏃🏻♀️
( يعدي اليوم وييجي تاني يوم )
*( شهر 12 ، سنة 2023 )*
( ف بيت نارين ، توصل بنت ومعاها شنطة الهدوم الي نارين هتسافر بيها ، تفضل البنت مع نارين لحد بالليل بتجهزها وقاعدة معاهم اختها )
زينة ب ادهاش : مش مصدقة إنك بتحطي ميكب اقسم بالله 😃
نارين ب عدم ارتياح : عاوزة اهرش ، عاوزة اهرش ف وشييييي 😬
البنت : اوعي تمدي ايدك ع وشك اوعي ☝🏻
نارين : الي انتي بتعمليه دة كدة كدة مش هعرف اعمله هناك 🙅🏻♀️
البنت : متقلقيش ، لما توصلي هتكون في بنت تبعنا مستنياكي هناك ، هتبقا عندك قبل كل خروجة تلبسك وتعملك الميكب
نارين ب ارتياح : الحمدلله 😑
( يعدي الوقت ، ف المطار ، واقف عيسى لابس بدلة كحلي فاتح اول زرارين م القميص من غير جرافتة ، واقف ع اخره عمال يبص ف ساعته كل شوية ومستنياهم طيارة خاصة )
عيسى ب ضيق : من اولها كدة ، انا عارف والله عارف 😑
( يمسك فونه ويبص قدامه ، يلاقي شابين الي هما المفروض البادي جارد بتاعهم ومعاهم بنت وماشية بينهم بنت تانية )
عيسى ب اندهاش : لا مش هي لأ ، نارين !!
( تقرب نارين لابسة فستان قصير فوق الركبة لونه كشمير سادة نص كم وفي زراير من قدام لحد تحت وف اخرها فتحة صغيرة ، ولابسة سلسلة رقيقة وحلق نفس شكل السلسلة ، وفاردة شعرها الأسود ويڤي معدي ضهرها ولابسة هيلز بيضة وميكب ع بينك رقيق بارز جمالها وشنطة كروس بيضة صغيرة ، يبلع عيسى ريقه بالعافية ، يقربه يقفه قصاده )
نارين وهي بتمدله ايدها برجولة وصوت طخين : اخويااااا 👋🏻
( تفصله فجأة ، يفضل باصصلها وميمدش ايده )
نارين ب صوت اوطى : ابن امي وابويا طيب 😬
( يتنهد عيسى ب احباط ويسيبها ويمشي قدامهم ، تجري عليه تمشي جنبه )
نارين : ي عم سلم دة انا اختك 🤷🏻♀️
عيسى : يعني مقدرتيش تتمرني ع صوتك دة مع الميكب والفساتين !!
نارين : ماله صوتي ي عمنا 🤨
( يبصلها ب غيظ وبعدين يطلع الطيارة ، تطلع وراه ب استعجال تتكعبل وتقع ع ركبتها ، تقوم وتكمل طلوع كأن محصلش حاجة ، يقعد عيسى ع كرسي ، تقرب نارين وتدخل تقعد ع الكرسي الي جنبه ب ارتياح وناسية خالص لبسها ، يتحرج عيسى من قاعدتها ويضير وشه )
نارين : هنوصل امتى بقا ؟
عيسى : لسة 😒
نارين : ايوة امتى يعني ؟
عيسى وهو بيبصلها : ي بنتي هو احنا لسة اتحركنا م تهدي 🤷🏻♂️
نارين : طيب ي عم بالراحة 🙄
( عينه تيجي ع رجليها غصب عنه ، تلمحه تتخض )
نارين ب زعيق : عينك ياباااااا 😡
( يتخض عيسى ويضير وشه ب احراج ، تنتبه نارين ل قعدتها ول لبسها وتشد ف الفستان عشان تداري رجليها ، تلاقي مافيش فايدة مازال قصير ، تسند ب ايدها ع رجليها تداريها وتفضل موطية كدة )
عيسى وهو بيبصلها : انتي بتعملي ايه !!
نارين : ايه بداريها 😕
عيسى : بتداري ايه م مصر كلها شافتها ، اوعي تعملي الحركات دي هناك ، وبعدين لابسة كدة ليه اصلاً ، هو متعرفيش تبقا غنية محترمة ؟!
نارين : ي عم مش انا الي لابسة ، دة البت الي بعتوهالي هي الي ملبساني 😬
( يتنهد عيسى ويقوم يقف )
نارين : رايح فين ؟!
( يقلع عيسى چاكيت البدلة ويقعد تاني ، يحطهولها ع رجليها ، تقعد نارين براحتها )
نارين ب احراج : شكراً 😐
عيسى : العفو 😒
( يعدي الوقت ، الدنيا هدوء وعيسى نايم والبادي جارد قاعدين ورا بيتكلمه سوا بهدوء ، وفجأة )
نارين ب صوت عالي : أنا معرفش حاجة عنك يلي جرحتيني بكيتي عينييييي 😆
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الكمين)
