رواية الكتاب الأسود الفصل الثاني 2 بقلم مصطفى شاهين
رواية الكتاب الأسود الجزء الثاني
رواية الكتاب الأسود البارت الثاني
رواية الكتاب الأسود الحلقة الثانية
لسة بفتحة قطع حبل تفكيري صوت غامض جي من المطبخ
سكاكين بتتخبط في بعض وصوت انثوي بيقول انت جيت ياحبيب قلبي
وروحي بتطلع من الخوف والصوت بيقرب والنور بيترعش وصوت رجلين بتتجر على الأرض والصوت بيتكرر
حبيبي انت جيت
بحاول اقوم ورجلي مش شيلاني
حبيبي هاهاها انت جيت .
الصوت بداء يتحول لصوت جي من الجحيم
قومت وجريت نحيت الشباك والنور بيطفي ورايا وايد طويلة مش قادر اوصفها سووودة كلها شعر
كانها ايد ديب مختلطة علي ايد انسان شكلها بشع مسكت في دراعي وانا بنط من الشباك
وفي ايدي الكتاب طلعت اجري والشباك اتقفل ورايا بصوت شديد اترزع رزعة فكت قلبي من مكانة
دقات قلبي بتهرب مني وأنا بنهج وبجري زي المجنون
خرجت علي اول الشارع برة وبدات أقف عن الجري واخد انفاسي قعدت علي الارض مش قادر من الخوف
لساني مش عارف ابلع ريقي من الخوف
بدات اهدأ شوية قومت وروحت البيت خبطت علي الشقة وأنا هدومي كلها تراب امي فتحتلي وهيا مزهولة من شكلي
¤اي دة ياحمد اي يابني اللي عمل فيك كددة
مردتش عليها ودخلت جري علي الاوضة ونمت علي سريري بكل هدومي حتا بالجزمة
استخبيت تحت اللحاف
زي الاطفال ومش مستوعب اللي حصل
مع التعب والتفكير نمت وصحيت تاني يوم علي ايد امي وهيا بتعملي كمدات
وبتقولي ..
¤الحمدالله علي سلامتك في اي يا احمد اي اللي حصل يابني انا عارفة انك مش هتجيبها لبر عملت اي احكيلي..
قولتلها علي الي حصل مكنتش هقدر اقول لحد غيرها كان هيقول عليا مجنون ومش هيصدقني
قالتلي قوم يابني اتوضا وصلي وانا هتصلك بعمك الشيخ خالد يجي يقعد معاك
قولتلها لا ياماما ارجوكي متكلميش حد انا خلاص بقيت كويس
وخرجت من الاوضة اخدت دوش عشان افوق من يوم امبارح
وانسى اللي حصل خرجت دخلت الحمام وخدت دوش وعملت فنجان قهوة ودخلت الاوضة وقفلت الباب
قربت من الكتاب ومسكتة بآيدي وقعدت علي السرير وسندت ضهري
فتحت الكتاب علي اول صفحة لقيت مكتوب فيها التالي
“مرحبا بك وبعقلك وبآعينك التي تتمعن بيا الان
هذا الكتاب لا يوجد له نسخة ثانيا
فقط هو واحد في العالم الذي تمتلكة الان بآمتلاكك له تمتلك العالم ستتحقق لك كل احلامك
اذا وافقتني علي اصطحابك الي عالمي الخاص
يوجد 5 شروط فقط لنبداء في تحقيق احلامك
تريد ان تعرفهم حسنا سآخبرك
الشرط الاول لا تخبر احد بآمتلاك هذا الكتاب اي شئ يصييب الكتاب بآذي سوف يتآذي جسدك لا تخبر حتى اقرب الأشخاص آليك
الشرط الثاني ان تسمع قصتي دعني اعرفك بنفسي
تصفح الصفحة رقم 90 ستجدني منتظرك هناك.
… اي التخريف دة اكيد هبل و….
عيني كانت بتابع الكلمات لقيت مكتوب يبدو انك فتي يضيع الوقت في تفهات لا تفكر كثير حول الكتاب
انا ليس مجرد كتاب انا قارئ لافكارك الان انا الجواب انا الوقت انا معك الان لكني آتواصل معك في الكتاب فقط
… حسنا اغمض عينيك آسال سؤال ثم افتح عينيك وتابع كلماتي
“غمضت عيني وقولت طيب امي اسمها اي وضحكت وانا بقول اي الي بعملة دة؟ وفتحت عيني وبصيت علي الكلام
امك اسمها عزيزة؟؟؟؟؟
معك 10 دقائق تفكر بهم هل تريد ان تكمل ام لا
وبعدها سآتركك ولن تجدني مرة أخرى
خلااص انا بقرآة اهو.
حسنا تابع الصفحة 90
قلبت للصفحة ال90 فعلا كأن شخص بيكلمني وانا بكلمه
وبدات اقرأ
مرحبا بك من جديد نحن الان في الشرط التاني وهو انت تعرف من انا..
انا الأزرق هذا هو اسمي الأزرق من اسياد الجان والدي ملك عشيرة الجان عمرنا بين القرنين والثلاث قرون نشارككم عالم داخل عالمكم لكن ليس عالمكم
نآكل عظامكم بعد موتكم
ونآكل كل شئ لة رائحة كريهة بالنسبه لكم
فهيا شهية بالنسبة لنا لكننا لا نمتلك التواصل معكم الا بكتابات او رموز لمن يتعمق
او علي هيئة قطط سوداء
لن اطيل عليك الحديث سآختصر
والدي تجاوز القرن والنصف قرن وفي عشآئر الجان لا يصلح للملك تجاوز القرن والنصف في الحكم حين يبلغ من العمر هذا القدر يحكم ابنة واذا لدية ولدين يتعاركون اماما العشيرة وهذا ما حدث والدي اجمع العشيرة كلها وقال لهم يامعشر الجان في اليلة التي يكتمل فيها القمر سوف يتبارز الازرق مع اخية شخفاخون
التبارز في عشائر الجان بعصا وتعاويز سحرية اذا انحني احد منا اما الاخر يخسر ويتوح الاخر تتويج الملك
اخي كان يكرهني منذ صغري لانني احب آميرة الجان ساندو
وهيا تحبني كان يحبها وكانت تحبني انا وليس هو …
تعرض لها مرارا وتكرارا حتا قال ابي من يتوج بتاج الملك سيكون زوج للاميرة ساندو
وعندما اقترب اكتمال القمر حدث شئ لم يحدث منذ آلاف السنين المخلص
قد سرق من غرفة والدي (المخلص) هو مخلصنا من الهلاك هذا الكتاب
يحتوي علي تعاويز هيا التي تجعلنا الاقوي بين عشائر الجان
عشيرتنا تتميز بهذا الكتاب لا يآتمن علية غير الملك فقط هو من يحمي
والدي اخفي هذا الخبر وقال لي انا واخي لن اتفوة بآمر سرقة الكتاب الا بعد ان تتبارزا
والملك منكم سوف يقول لعشيرة الجان ان الكتاب قد سُرق وهو من سيتحمل رجوعة
والان قد اكتمل القمر
حان الموعد المنتظر وعشائر الجان تنتظرنا بالخارج وهيا تحمل مشاعل الليل وطبول تضربها دقات القلوب الخائفة
مشهد يتكرر كل 150 عام
والان سوف نكمل حديثنا في اول صفحات الكتاب.
لاخبرك بشرطي الثالث
رجعت من اول الكتاب حاسس اني في مسلسل الكتاب عمال بيشدني ومش عارف انا رايح لفين كملت كان مكتوب
“مرحبا بك بعد عودتك من الشرط الثاني
فالنكمل .. الشرط الثالث هو ان تذهب الي المقابر ليلا
…اي مقابر اااي لاا وبقفل الكتاب.. حسيت ان السرير بيتهز بيا والنور بيطفي ويشتغل
صوت وحش اووي نفس الصوت الي سمعتة في الشقة
حبيبي انا جيت…
تفتكر هسيبك كدة انا وانت مربوطين ببعض انا معاك لحظة بلحظة ياتكمل وحققلك كل احلامك ياتموت ومحدش هيسمعلك صوت انت قبلت شروطي وآنت الي جيتلي قبل مجيلك هااااا
هكمل
خلااص . اختفا الصوت ورجعت كل حاجة لطبيعتها.
قفلت الكتاب وانا بفكر ومرعوب ياترى هعمل اي وهتصرف ازاي انا لو حكيت لحد هموت زي الكتاب مقال
لازم اكمل المشوار لوحدي زي مبدآت لوحدي واحقق كل احلامي
خلاص انا مش خايف هيحصل اي يعني اكتر من الي شوفتة
قطع حبل تفكيري صوت امي وهيا بتخبط علي باب الاوضة
آحمد انت صاحي يابني آحمد ؟
آدخلي ياماما
مالك يابني قافل علي نفسك لية
مفيش ياماما
طب آحضرلك الاكل ناكل مع بعض
ماشي ياماما لحسن انا كمان جعان
“انا مش عاوز احسسها بآي حاجة امي بتخاف عليا جدا لأني الحاجة الوحيدة الي باقيلها في الدنيا من بعد ولدي الله يرحمة ولو عرفت اي حاجة عن الي بيحصل مش بعيد تروح فيها”
مالك يابني سرحت في اي
هااا لالأا مفيش يلا ياست الكل عشان جعان حضري الاكل وانا هقوم اغسل وشي عشان اقوم آكل معاكي
حاضر يابني
قومت دخلت الحمام وقفلت. الباب علي نفسي ووقفت قدام المراية وباصص لنفسي فيها وبكلمها ..
اخرتها اي معاك انت عاوز اي رد عليا
عاوز اي ههه انت اللي بتسال عاوز اي …. آي نسيت
نسيت نورهان حبيبتك الي باعتك عشان واحد غني ومعاه عربية وفلوس وشقة ولاا.. نسيت حياتك الكئيبة الي مابين الشغل والبيت وبس ولا نسيت قلة الفلوس وحوجتك كل نص شهر لواحد شكل عشان تصرف علي البيت ولا نسيت مستقبلك المبهر ههههه مستقبلك الضايع لتكون فاكر نفسك شغال في جريدة فعلا
دي محدش يسمع عنها وكل الي بيشفوها يدوبك 100 واحد او اقل وكلهم في سن الوداع
الفرصة بتيجي مرة وحدة ودي فرصتنا يانستغلها يانسيبها تضيع ؟؟
خلاص بطل اخرس. شوية
فوقت علي صوت بيهمس في ودني وبيقول
حااضر هخرس بس متنساش النهردة في المقابر الساعة 12
ياتروح هناك بمزاجك ياهوديك هناك غصب عشان تدفن امك الي هتموت لو مرحتش بمزاجك …
لا امي لاااا انا هروح اسمعني انا هروووح
باب الحمام خبط وامي بتقول بسم الله الرحمن الرحيم
آحمد افتح يابني مالك ياحمد. احمد.
خرجت وخدتها في حضني وفضلت اقول امي لااا
سامع امي لاااآ
وهيا مخضوضة ..في اي يابني بسم الله الرحمن الرحيم
خدتني في حضنها وفضلت تبكي مالك يابني اي الي حصلك
انت كنت بعقلك اي الي جرالك انا لازم اتصل بعمك
هيا بتتكلم وانا اعصابي منهارة خدتني وقعدتني في الاوضة علي السرير وشغلت قرآن وقالتلي نام نام يابني
وخرجت وقفلت الباب
من التعب النفسي الي كنت فية نمت علي صوت القرآن
حاجة بتشدني من الواقع لمكان كلنا بنروح فية بعد مابنام
فتحت عيني علي مكان كبير ملهوش أول من آخر
نايم علي ضهري ملفوف بحبل ومربوط من رجلي بحبل طويل ممتد لمكان عيني مش جيباة مختفي في الضلمة
حاجة بتشد الحبل وبتجرني نحيتها
وصوت بيتردد في المكان كلة
انا في احلامك وفي الواقع تفتكر هتروح مني فين بعد كدة
الموت !
الموت اللي جايز يخدك مني
او تخلص الشروط الي شرطتها عليك
( انا موافق وهعمل الي انت عاوزة بس بلاش امي )
بدآت تظهر نفس الايد الطويلة فاكرينها ؟
الايد السودة الي كلها شعر ومعضمة ووخدة شكل ايد الانسان
وبتزحف علي الارض وجيا نحيتي من بعيد بتقرب من جسمي الي كان بيترعش و بيتنفض من الخوف
بدآت تلمس جسمي وانا صوتي متحااش مش قادر اصرخ
جسمي مشلول فجاة نور جي من بعيد خبط في عيني
كان نور لمبة الاوضة بتاعتي بدات افوق علي ايد كانت بصحيني.
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الكتاب الأسود)
