رواية الكابوس الفصل الخامس 5 بقلم دنيا وائل
رواية الكابوس الجزء الخامس
رواية الكابوس البارت الخامس
رواية الكابوس الحلقة الخامسة
“قولتلك انا ممكن اوديك في ستين داهيه لو ممسحتش الصور دي، انت فاهم ”
جريت من قدامو وانا لأول مرة بضحك من قلبي، خبطت في هدي وانا بجري
هدي بغزه : إلا الجميل بيجري ليه
اتخضيت : مافيش كنت بس جايه اشوفك خلصتي المكالمه ولا لسه
هدي : هعديهالك يستي ، كنت بكلم مريم صحبتك هتموت من القلق عليكي، اتصلت عليكي كتير وانتي تعبانه ف كنت بطمنها عليكي
خديجه : ياربي طب موبايلي فين
هدي: كان جمب السرير اللي كنتي نايمه عليه
خديجة : هاروح اتصل عليها
سبتها ومشيت وانا مستغربه من حالي اللي اتقلب في ثانيه، هكلم مريم وبعدين اعمل حاجة كان لازم اعملها من ساعه ما فوقت
لقيت الموبايل فاصل روحت اوضه هدي اخد منها موبايلها اكلم مريم
هدي : قولتلك انا ممكن اوديك في ستين داهيه لو ممسحتش الصور دي، انت فاهم
شخص :…….
هدي : اللي سمعتو، انت فاكرني هخاف ولا ايه لا انت لسه متعرفش مين هي هدي
شخص :…..
هدي : انت إنسان قليل الادب ومحتاج تتربي من اول وجديد
كنت لسه هخبط بس سمعت صوت هدي عالي لدرجه خلتني اقف مكاني متحركش، حسيت ان الموضوع خطير، مش عارفه ادخل اقولها ايه انا مصدومه، طب مين الشخص اللي هدي بتقولو يمسح الصور، وصور ايه اللي بتتكلم عليها، بدأ صوتها يعلي
هدي : لآخر مره هقولهالك امسح الصور علشان انت متعرفش لما هدي بتحط حد في دماغها ممكن تعمل فيه ايه، من غير سلام
سمعت صوت الموبايل بيتكسر ف دخلت بسرعه
خديجه : في ايه يا هدي صوتك جايب اخر الشارع، بتكلمي مين متعصبه كده
هدي بخضه وتوتر : ابدا يا خديجه مافيش انا بس كنت برتب لحاجه بقالي فتره ومتمتش ف متشغليش بالك انتي
استغربت ان هدي بتحاول تداري الموضوع ف محبتش ابينلها ان انا سمعت كلامها وبكل هدوء روحت ومسكت ايديها
خديجه : هدي انتي عارفه انك اختي تأكدي اي وقت هتحتاجيني فيه مش هتاخر عليكي ابدا كفايه وقفتك جمبي، ف لو فيه حاجه مدايقاكي ممكن تتكلمي معايا والموضوع هيفضل بينا، ماشي
هزت راسها ومتكلمتش ف محبتش اضغط عليها
هدي : انتي كنتي جايه عايزه حاجه
خديجه : ايوه لا قصدي اه كنت عايزه شاحن علشان موبايلي فصل
هدي : علي السرير اهو
خديجه : انا هكلم مريم وهلبس هاروح مشوار مش هتاخر ابقي قولي ل عمي
هدي : مشوار اية
خديجة : لما اجي هقولك يلا هقوم اللبس
حطيت الموبايل على الشاحن وروحت اللبس، كان كل تفكيري في هدي وصور ايه اللي بتتكلم عليها كده، اكيد في حاجه غلط هدي طول عمرها مش بتحب تبعت صورها لحد ولا بتحب تتصور اصلا، طب والشخص ده هيعمل ايه بالصور دي اقول ل عمرو طيب ولا اعمل ايه انا خايفة عليها مش عارفه اتصرف ازاي ،انا هاروح مشواري ولما ارجع لازم اشوف حل للموضوع ده، هعدي علي عمرو اقوله ان انا نازله
روحت وخبطت بس محدش رد فتحت الباب ودخلت ملقتش حد في الاوضه استغربت وكنت طالعة لقيت طنط سحر داخله
طنط سحر : عمرو نزل يقابل واحد صحبو كنتي محتاجاه في حاجه
خديجة : لا ابدا انا بس كنت جايه اقوله ان انا نازلة
طنط سحر : ليه يبنتي نازله فين لو محتاجه حاجه قوليلي واقول لعمك يجيبها وهو راجع
خديجه : لا يحبيبتي انا بس هروح مشوار ومش هتاخر و معايا موبايلي لو احتاجتي حاجه قوليلي يلا مع السلامه
طنط سحر : عايزه سلامتك، خلي بالك من نفسك
خديجه : حاضر
نزلت وقفت تاكسي وقولتله العنوان واتصلت ب مريم
خديجه : الو يا مريم عامله ايه
مريم : خديجه، طمنيني عليكي عامله ايه انا كنت قلقانه عليكي اوي، انتي كويسة
خديجه : أهدى يبنتي انا بقيت كويسه الحمد لله المهم انتي عامله ايه
مريم : انا بخير الحمد لله، انتي فين وايه صوت العربيات ده
خديجه : رايحه مشوار هعدي عليكي وانا راجعه
مريم : ماشي مستنياكي
قفلت معاها وكنت وصلت، السلام عليكم ازيك يا بابا وانتي يا ماما عامله ايه ومحمد عاملين ايه، انتو وحشتوني اوي، انتو عارفين انا حاسه بيكم حوليا، انا جيت اطمنكم عليا واقولكو متقلقوش عليا انا كويسه، انا بس مكنتش عايزه اكمل الحكايه
لوحدي كنت محتاجاكم معايا ،انا عارفه ان خلاص ملهوش داعي الكلام ده، انا بس نفسي ارجع البيت الاقيكي بتحضري الفطار يماما واغير هدومي واساعدك لحد ما باباومحمد ييجو ونتجمع كلنا وكل واحد يحكي حصل ايه انهارده،مسحت دموعي، انتو عارفين ان ده أصعب اختبار في حياتي، انا بس ملحقتش اقولكو انا بحبكو اد ايه، بس انتو عارفين صح، عارفين انكم كنتو حياتي اللي مقدرش اعيش من غيرها واهو دلوقت عايشه، انا همشي وهاجي تاني كتير
طلعت وانا حاسه انهم حوليا ومعايا بروحهم، قولت مش هاخد تاكسي وانا رايحة لمريم هتمشي شويه، حاسه ان عايزه اشوف الناس والبحر والعربيات وو
فضلت ماشيه فتره طويله بس لمحت حد اعرفو ايه ده دي هدي وده مين اللي واقف معاها كنت رايحه عندها بس وقفت لما لقيتها بتعيط وبتضربو بالقلم و…….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الكابوس)
