رواية القضية رقم 112 الفصل الأول 1 بقلم مجهول
رواية القضية رقم 112 الجزء الأول
رواية القضية رقم 112 البارت الأول
رواية القضية رقم 112 الحلقة الأولى
القضية رقم 112 رجعت انفتحت من تاني!!!
جاسر بصدمه وغضب : ايييييييييه!!!……… ازاي تنفتح بعد السنين دي كلها مش قفلنا عليها من زمان؟؟؟
يعقوب : سمعت ان مراته بقيت محامية كبيرة وشاطرة وهي اللي رجعت فتحت القضية ومش هتسكت!!!
جاسر وهو بيرجع بتفكيره لورا : وماله زي ماقفلناها زمان نقفلها تاني!!!
يعقوب : اول جلسه بعد تلاته ايام!!!
جاسر بصدمه : ايييييييييه بالسرعه دي مستحيل نقدر نقفلها بسرعة عايزك تجيبلي كل المعلومات عن المحامية دي بسرعة القضية دي لو اتفتحت تاني احنا هنروح فيها !!
قاعده على مكتبها وقدامها ورق كتير بتقرأ فيه بكل تركيز
احمد : لسه مصممة تفتحي في القديم برضو؟؟!
ملك وهي بتحط الورقة اللي كانت في ايدها بالطاولة وبتبصله بغضب : حق عمر عمري ما هسيبه يضيع طول ما ده لسه فيه نبض….. وبتشاور على قلبها
احمد بيأس وهو عارف انها مش هتتراجع : طب وانتي هتلاقي اثباتات وادلة منين؟؟!
ملك : في ادلة واثباتات من زمان جبتهم من مرات المحامي القديم وفي تسجيلات قديمة بصوت عمر ولسه هرجع ادور من تاني بس اهم حاجه ان القضية متتقفلش من تاني
احمد : ملك بس القضية دي خطيرة انا خايف عليكي اديكي شوفتي المحامي اللي كان ماسكها ما تلاقاش ليومنا ده حي ولا مـيـ*ـت
ملك وعيونها بقيت حمرا وبتمسك الورقة اللي قدامها: مهما كان الثمن انا هرجع حق عمر واللي كان السبب هيتحاسب انا معنديش حاجه اخسرها اكتر من اللي خسرتوا زمان بسببهم!!!
يعقوب : الملف ده فيه كل المعلومات والتفاصيل عن المحامية اللي مسكت القضية (مرات عمر).
جاسر بيبص على الملف مسافه بعدين بيفتحه وبيقعد يقرأ فيه : ملك محمد عثمان ارملة عمر خليفة الجراح عندها 27 سنه عندها ولد واحد اسمه رامي عنده 5 سنين واخ واحد اسمه احمد عايش معاهم عنده 18 سنه محامية نزيهة مش بترتشي ما خسرتش ولا قضية قبل كده
جاسر بيبص على الملف بتاعها بتمعن وبيقراؤا اكتر من مرة بعدين بيبص ليعقوب : ابنها ده اكيد في روضة عايزك تعرفلي اسم الروضة بتاعته ومين اللي بياخدوا وبيجيبوا منها وتحطها هي تحت المراقبة واخوها ده برضو يكون مراقب 24 ساعة تعرفلي بيجي منين وبيروح منين وبيعمل ايه مفهوم مش عايز غلط احنا لازم نقفل القضية دي تاني باسرع وقت!!!
يعقوب : مفهوم
بتمسك صوره جوزها وبتبسم وبتتكلم معاه : النهارده اول يوم جلسة يا عمر اوعدك اني هجيبلك حقك تالت ومتلت مهما كان الثمن هبكي على اللي حسرني عليك ود مر حياتنا ويتم ابننا من قبل ما تشوفه!!!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية القضية رقم 112)
