رواية القاسي والقوية الفصل التاسع عشر 19 بقلم مريم هاني

رواية القاسي والقوية الجزء التاسع عشر

رواية القاسي والقوية البارت التاسع عشر

رواية القاسي والقوية الحلقة التاسعة عشر

تانى يوم استيقظت اسيل على صوت هاتفها اخذت الهاتف وجدته فهد هو المتصل ارتبكت ولم تعرف كيف تتصرف الى ان انقطع الخط فتنهدت براحة ولكن لم تدم راحتها طويلا لان فهد اتصل مرة اخرى فأضطرت انها تجيب على مكالمته
اسيل:السلام عليكم
فهد:احلى صباح ف الدنيا دة ولا اى
اسيل بخجل:ااانت كنت متصل لى
فهد بضحك:هههههه واضح انك بتحبى اتصالاتى اوى
اسيل:مش قصدى اللى انت فهمته بس انت مش بتتصل غير لما يكون فى حاجة يعنى
فهد:ايوة لان ف الاول مكنش ينفع اكلمك لكن دلوقتى الوضع اختلف انتى بقيتى مراتى
دق قلب اسيل لتلك الكلمة ولكنها تكلمت بجدية:استاذ فهد انا مش قصدى اجرحك باللى هقوله بس انا مش عارفة انت عايز منى اى بالظبط اعتقد ان اللى بينا مجرد اتفاق بس انت تصرفاتك مش بتدل على كدة وانا حقيقى اتلغبطت ومش فاهمة حاجة ف ممكن توضحلى انت عايز اى بالظبط
فهد:بصى انا عارف ان معاكى حق وعشان كدة كلمتك عشان اقولك انى جايلك لان فيه حاجات كتير لازم نتكلم فيها ونوضحها
اسيل:تمام انا هجهز واستناك بس هقول لماما الاول
فهد:اطمنى انا اخدت اذنها امبارح وهى وافقت انا نص ساعة بالظبط وهكون عندك
اسيل:اوكى يلا باى
فهد:باى
اغلقت اسيل الهاتف مع فهد وكانت ستذهب للحمام حتى تغتسل وتبدل ثيابها ولكن اوقفها صوت هاتفها امسكته فرأت ان المتصل لمار فردت عليها
اسيل:السلام عليكم
لمار بسرعة:وعليكم السلام هاااا كلمك
اسيل بأستغراب:مالك بتتكلمى بسرعة كدة لى ومين دة اللى كلمنى انا مش فاهمة منك حاجة
لمار:يخربيت ام الغباوة اقصد على فهد طبعا هيكون مين غيره يا ام مخ تخين #بقلم مريم_هانى🖋✨
اسيل:وانتى لى متأكدة انه هيكلمنى
لمار:عشان امبارح قال قصادنا انه هياخدك انهاردة عشان يخرجك ف اكيد هيتصل بيكى يقولك انه هيعدى عليكى اجهزى كدة يعنى بلس ان امبارح كان كتب كتابكوا يا اذكى اخواتك يعنى لازم يكون في حبة نحنحة على الصبح كدة
اسيل:انتى اتخطبتى من ورايا يبت انتى قبل كدة
لمار:وحياتشك ابدا يا اوختشى انتى بس اللى مخك تخين مش اكتر
اسيل:شكرا على وصلت التهزيق اللى على الصبح دى واحب اقولك انه كلمنى ولسة قافلة معاه حالا يدوب قفلت معاه وانتى رنيتى كأن قلبك دليلك وفعلا قالى اجهز عشان نخرج سوا وكمان عشان فيه كلام كتير اوى لازم نتكلم فيه
لمار:اوبااااا واضح انه موضوع كبير احكيلى قالك اى بالظبط وانتى كمان قولتى اى احسن تكونى عكيتى الدنيا زى المرة اللى فاتت
اسيل:اطمنى معكتش الدنيا ولا حاجة بس مش هقدر احكيلك دلوقتى لانه قال نص ساعة ويوصل ولازم اجهز لما ارجع هكلمك احكيلك اشطا
لمار:خلاص اشطا اول ماترجعى كلمينى يلا باى
اسيل:باى
اغلقت الهاتف مع اسيل وذهبت حتى تتجهز الى ان يصل فهد قليل من الوقت جرس الباب كان يرن ذهبت فريدة حتى تفتح الباب وجدته فهد ومعه علبة شيكولاتة من النوع الفاخر وباقة ورود حمراء
فريدة:اتفضل يبنى ادخل
فهد:شكرا يا طنط
فريدة:تاعب نفسك لى بس يحبيبى مكنش ليه لزوم
فهد:مافيش تعب ولا حاجة يطنط وبعدين دى حاجة بسيطة يعنى مش مستاهلة
ابتسمت له فريدة وقالت:طب يحبيبى تشرب اى لغاية بس اسيل ماتجهز
فهد:لا متشكر ولا اى حاجة خالص
فريدة:لا طبعا ازاى لازم تشرب حاجة استنى هقوم اجبلك حاجة تشربها
فهد:يطنط اقعدى ارتاحى انا مش حابب اتبعك وبعدين هو الدكتور مش منبه عليكى ماتعمليش مجهود انتى مش بتسمعى الكلام لى بقى
فريدة بأبتسامة واستغراب:انت هتعملى زى اسيل بقى وبعدين انت عرفت تنبيهات الدكتور ليا منين
فهد:طبعا هعمل زى اسيل واكتر كمان هو مش انا زى ابنك ولا اى وعرفت منين انا كنت متابع حالة حضرتك اول بأول وكنت بطمن عليكى من الدكتور بس من غير ماحد يعرف عشان اسيل كانت هتضايق واعتقد حضرتك كمان خصوصا ان كان لسة مافيش حاجة بينا رسمى
فريدة:ربنا يحميك ويحرسك يبنى وفعلا انت ف مقام ابنى بالظبط بس برضه هقوم اجيبلك حاجة تشربها وبعدين مافيهاش تعب يعنى
فهد:بس…..
فريدة وهى تقوم:انت لسة هتبسبس يلا انت انا خلاص قومت اوعى بقى #بقلم مريم_هانى🖋✨
فهد بأبتسامة:وعيت اهو اتفضلى
ذهبت فريدة واحضرت له كأس حاجة ساقعة(مش عارفها اسمها باللغة العربية اعذرونى😹)وقدمته له
فريدة:اتفضل يحبيبى
فهد:شكرا يطنط
فريدة:هو مش انت بتقول انك زى ابنى وانا كمان زى امك قولى ماما لو تحب يعنى
فهد:طبعا احب جدا..انا كنت عايز اسأل سؤال فضولى شوية معلش
فريدة:اسأل براحتك انت مبقتش غريب
فهد:هو عمار دة يقربلكوا اى بالظبط اصل انا شايف انه واخد راحته ازى ف التعامل معاكوا وخصوصا لمار ومامتها
فريدة:اهااااا بص يا سيدى عمار دة يبقى ابن خالة لمار واخوها ف الرضاعة واسيل ولمار وعمار هما التلاتة مع بعض من لما كانوا ف اعدادى بس عمار اكبر منهم بكام سنة وعمار بقى ف مقام اخو اسيل كمان بس طبعا تعامله معاها ف حدود اكتر من لمار لان زى ماقولتلك لمار وعمار اخوات ف الرضاعة
فهد بخبث:يعنى عمار اخو لمار ف الرضاعة
فريدة:اة…ثوانى هروح اشوف اسيل اتأخرت
فهد:اة طبعا اتفضلى
ذهبت فريدة اما فهد فقال لنفسه بخبث:يعنى طلع اخوها اقول لسيف ولا اخليه على عماه لا انا هخليه على عماه عشان يحس انها ممكن تضيع منه ويعترف بقى ويخلصنا وبالمرة خليه يتعذب حبة
جائت فريدة:اهى جاية ورايا اهو يا فهد
اومأ برأسه وابتسم وبعدها تطلع ناحية غرفة اسيل وانصدم من مظهر اسيل ف هى كانت جميلة وفاتنة حيث انها كانت ترتدى فستان طويل من اللون البصلى الفاتح وبه شريط من المنتصف بنفس اللون وطرحة بيضاء وحذاء من لون الفستان ولم تضع اى مساحيق تجميل سوا كحل فقط

اما اسيل فحالها لم يكن احسن من فهد كثيرا حيث انها ايضا عندما رأته ذهلت من مظهره خصوصا انها لم تراه يرتدى مثل هذه الثياب من قبل فكان يرتدى قميص ابيض اللون و بنطال من اللون الرصاصى وبه حزام وحذاء من اللون الجملى وساعته الفخمة وكان يصفف شعره بطريقة مميزة وبالطبع لم ينسى ان يضع عطره الذى يفقدها عقلها

افاقوا الاثنان على صوت فريدة وهى تقول:اخيرا خلصتى يا سنيورة اى كل دة
اسيل:الله يا ماما مش لغاية ما خلصت
فهد:خلاص يماما عادى وبعدين هى حقها تتأخر براحتها
فريدة بهزار:اة انت من دلوقتى بتدافع عنها يعنى اطلع منها انا بقى #بقلم مريم_هانى🖋✨
فهد:لا طبعا يا ماما مقصدش دى بنتك قبل ماتكون مراتى وليكى حق تقوليلها اللى انتى عايزاه بس انا لازم اقف جمبها انتى عارفة هعيش معاها عمرى كله وانا مش حمل نكد الصراحة😹
فريدة بضحك:ههههههه لا بتفهم يولا فاتت عليا دى
اسيل بغضب مصطنع: ايدا ايدا ايدا انتوا اتفقتوا عليا وبعدين انا نكدية يا استاذ فهد طب مافيش خروج شطبنا اتفضل بقى
فهد:مش قولتلك يطنط…ووجه كلامه لاسيل…لا طبعا يستى انتى مش نكدية انتى اكتر واحدة فرفوشة ف الدنيا كلها ممكن بقى ماتزعليش منى انا مقدرش على زعلك على فكرة
اسيل بخجل:طب خلاص مش زعلانة هتودينى فين بقى هااا😁
فهد بمزاح:انتى مش كنتى زعلانة يبنتى ومقموصة اى اللى غير رأيك مش فاهم
اسيل:اوووف بقى هو مش انت اللى جاى تخرجنى يجدع انت ولا انا اللى اتحايلت عليك هاااا(يبنتى انتى مش كنتى مكسوفة دلوقتى😹)
فهد:جدع طنط هو مين الاخ
فريدة بضحك:هههه الاخ يبقى اسيل جوزك قصدى مراتك😹اللى انت هتاخدها دلوقتى وتخرجوا عشان جبتولى صداع يلا من هنا
فهد:واضح ان احنا بنترد يلا بينا يا اسيل
اسيل:اوكى يلااا
فريد:متتأخروش يفهد صح انتوا متجوزين بس لغاية مانعمل فرح كبير المفروض انكوا مخطوبين
فهد:عارف يطنط اطمنى مش هأخرها
فريدة:ماشى يحبيبى روحوا ربنا يحرسكوا
وذهبوا فهد واسيل الى مشوارهم
•~•~•~•~•~•~•~•~•~•
اما على الناحية الاخرى كانت لمار تود ان تخرج قليلا فذهبت لامها حتى تخبرها
لمار:صفصف بقولك اى انا هخرج شوية وراجعة
صفاء:هتخرجى مع مين
لمار:هخرج وحدى اتمشى شوية عشان مخنوقة
صفاء:ماشى بس خدى بالك من نفسك وبلاش تعملى تليفونك صامت عشان لما ارن عليكى تسمعيه وتردى ومقلقش عليكى
لمار:اى دة اى دة فى اى يصفصف الحنية اللى مرة واحدة دى وبعدين ما انا على طول بنزل اتمشى اى اللى جد جديد يعنى
صفاء:اولا قبل كدة كنتى بتنزلى مع اسيل فكنت مطمنة عليكى ثانيا انا طول عمرى بخاف عليكى وبحبك وانتى عارفة كدة كويس
لمار:ايوة بس ساعات بسبب كلامك ليا كل شوية بحس انك مبتحبنيش
صفاء:تعالى يا لمار هنا….بصى يا حببتى انا عارفة انى اسية معاكى حبتين تلاتة ومش دايما بقولك حببتى والكلام دة بس انتى عندك شك واحد ف المية انى بحبك وبموت فيكى
لمار:ولا حتى واحد ف المليون بس……
قاطعتها صفاء:انا عارفة هتقولى اى بدعى عليكى وبأطمك دايما وكاسرة نفسك بس كل دة من ورا قلبى يبت دة انتى بنتى حتة منى ونور عيونى اللى مقدرش استغنى عنه عارفة يبت يا لمار لما بس بتتعبى ولا حتى بتاخدى دور برد بسيط ببقى هتجنن عليكى ولما بقعد اهزق فيكى بيبقى من خوفى عليكى يهبلة انتى
لمار بضحك:ههههه ماتعرفيش تكلمينى غير اما تشتمى لى كدة دة حتى الشتيمة حرام يا صفصف الله عليكى
صفاء:شوفتى مين اللى بيستفزنى بقى بس ماعلينا بصى يا ليمو انا دى طبيعتى مينفعش يحببتى ماشتمكيش ف وسط الكلام دة غلط على صحتى
لمار:لا وانا مايرضنيش ان صحتك تضر اشتمى براحتك هو احنا عندنا كام صفصف يعنى بقولك اى ماتجيبى حضن
صفاء بضحك:هههه وماله بس كدة خدى يستى حضن
واحتضنوا بعض وفى هذه اللحظة دخل عمار ووجدهم هكذا
عمار:اى دة اى دة بتحضنوا بعض من غيرى استنوا اجى انا كمان #بقلم مريم_هانى🖋✨
لمار:لا والنبى مش ناقصة خنقة وبعدين يبنى هو انت مش ناوى تروح بيتك بقى بدل الاقامة اللى ف بيتنا دى هاااا انا على ما اتذكر ان ليك بيت صح
عمار بأستفزاز:ايوة صح عندى بيت وهفضل هنا برده غصبن عنك اتفرسى بقى
لمار:لا كدة كتير انا هكلم خالتى تشوفلها حل فيك يلا يا صفصف انا نازلة
صفاء:ماشى بس ماتعمليش فونك صامت
لمار:حاضر يلا باى
عمار:هو اى اللى يلا باى انتى راحة فين يا جزمة كدة كيس جوافة انا هل انا كيس جوافة
لمار:لا طبعا انت شوال بطاطس يحبيبى وبعدين انا نازلة اتمشى شوية عشان مخنوقة اوعى كدة
عمار:طب استنى هغير واجى معاكى
لمار:يبنى انت مبتفهمش بقولك عايزة اتمشى لوحدى شوية عشاااان مخنوووووقة
عمار:ماشى بس نص ساعة والاقى هنا مفهوم
لمار:اوكى اوكى يلا باى
ذهبت لمار حتى تتمشى قليلا وذهبت تجلس فى حديقة عامة تنظر للورود والاطفال حولها وهى تبتسم ولكن فجأة سمعت صوت اخر شخص كانت تتوقع انها ستقابله
……..:ضحكتك جميلة شبهك
لمار بصدمة:انت بتعمل اى هنا
•~•~•~•~•~•~•~•~•~•~•
اما عند فهد واسيل كان الصمت سيد الموقف فى السيارة ف اسيل كانت خجلة ومرتبكة لا تعرف ماتقول وفهد ايضا لم يعرف بما يجب ان يبدأ الحديث ولكنه قرر كسر حاجز الصمت هذا
فهد:على فكرة انتى طالعة حلوة اوى ف الطقم دة
اسيل بخجل:شكرا وعلى فكرة انت كمان طالع حلو اول مرة اشوفك بكاچول طالع عليك احلى من الفورمل بكتير
فهد:ايدا ايدا ايدا اسيل هانم بنفسها تكرمت عليا وقالتلى كلام حلو زى كدة لا انا مش مصدق نفسى
اسيل بخجل:وبعدين بقى
فهد بضحك:ههههههه خلاص خلاص مش هكسفك تانى بس هو انتى مش بتبصيلى لى دة حتى بيقولوا ان عيونى جميله
اسيل نظرت له وسرحت فى جمال عيونه:الحقيقة فعلا عيونك جميلة جدااا انا اول مرة اخد بالى من لونهم مزيج من الاخضر والزتونى تحسها فيها سحر تسحر اى حد يبصلها ويتوه فيها بجد مش قادرة اوصفها من جمالها
فهد بخبث:انا اول مرة اعرف انك معجبة بعيونى اوى كدة دة انتى متنحة فيها ومش عايزة تنزلى نظرك وانا بصراحة بضعف
اسيل:ااا هههو احنا هنروح فين
فهد:عندك سرعة ف تغيير المواضيع غير طبيعية بس يستى احنا دلوقتى هنروح مطعم نفطر الاول وبعدها هخرجك خروجة تعجبك اوى
اسيل بهزار:طالاما بدأنا بأكل مش مهم الباقى ولاهى انت ف قلبى يجدع😹
فهد بصدمة:انتى قولتى اى
اسيل وقد انتبهت لما قالت:ماقولتش حاجة انا مكنتش اقصد دة كان هزار بس انا متعودة ان اى حد يعزمنى على اكل اقوله كدة #بقلم مريم_هانى🖋✨
فهد:طيب يا اسيل ماشى يلا وصلنا انزلى
اسيل:انت زعلت
فهد بأبتسامة:لا مزعلتش انا مقدرش ازعل منك ابدا بس احنا فعلا وصلنا يلا ندخل
اسيل:تمام يلا
نزلوا وانبهرت اسيل من تصميم المطعم فكان رائع وفخم ولكن ما اثار استغرابها انه كان فارغ تماما
فهد:عجبك المطعم
اسيل:اة حلو جدا بس هو فاضى لى
فهد:لانى حجزته لينا احنا بس مش عايز حد يكون معانا عايز نفضل وحدنا
وجلسوا على طاولتهم وجاء النادل اخذ منهم طلباتهم وبعدها تحدث فهد
فهد بجدية:دلوقتى انتى حابة تعرفى اى سر تغيرى معاكى صح
اسيل بجدية مماثلة:صح لانى فعلا ملغبطة
فهد اخذ نفس عميق وقال:اسيل انا بحبك
اسيل بصدمة:ايييي😳
استووووووب نكمل بكرة😹
ياترى مين الشخص اللى قابلته لمار؟!
ياترى اسيل هيكون اى ردها على فهد؟!