رواية ذاكرة للبيع الفصل الثاني 2 بقلم رويدا القاضي

رواية ذاكرة للبيع الجزء الثاني

رواية ذاكرة للبيع البارت الثاني

رواية ذاكرة للبيع الحلقة الثانية

ولاء :لفيت وخفت عرفت هذا صوت امي في لخظات خطر عليا الف كذبه وكذبه …معز كان مصدوم أكثر مني كان عيونه يقولولي ديري حل بسرعة انا فكرت في كذبة… اع انتم وحوشكم شن القرف هذا حشرات في كل مكان ….اعطيها
قهرة كيف تعيش في مكان زي هذا….
ليلى: سامحني ياولدي بنتي قليلة أدب زي بوها…
معز:عصبتي قريب درت جريمة….
ولاء: شفتله ع جنب ومشيت وفي خاطري خليك متأكد انه هذا مش اخر تعامل بيني وبينك…
ليلى:شن يقولك عقلك بنت خالتك تسأل عليك وانت واقفة اطقي في الحنك مع راجلها لو شافك حد ثاني شن بيكون موقفك شن بتبرري…تصارفتك للي في مدينتكم خليها غادي هنيا احترمي نفسك واحترمي المكان للي انت فيه…
ولاء: اوف ناقصة صداع ياريتني قعدت مع يزن شن جابني بس…
خشيت وانا زي من رافعينه للموت وصلت لصالة واستقبلتني نهلة بالاحضان وفي خاطري هذا الحضن للي يحتوي في معز مفروض نكون انا مش انت …..
انتصار:خلي نوض نساعدك ياقلبي في الغذاء مانبيش نتعبوك معانا….
نهلة: خليك مافيش تعب وصيت عليها كله جاهز من برا….قريب يوصل..
ولاء:وعلاش شن ماتعرفيش اطيبي …
ليلى:قرصتها من رجلها معقولة نهولة حبيبتي ماكلتها زي العسل زي امها ربي يحفظها…
نهلة: تسلمي خالتوا ياريتها ماما قعدا راهي فرحت بشوفتك اه وبالنسبة للتطيب حبيبتي ولاء معز مايبيش يتعبني لاني حامل….
ولاء:وربي حرفيا حسيت الدنيا ظلمت ومعاش نعرف شن صار لين فقت وانا في حضن امي…. والكل جنبي الخبر نزل عليا زي الصاعقة …
ليلى: كيف صار شن فيك عمرها ماصارت معاك لقطة الاغماء اهيا …. وخاطي التفتريش للي قولتيه لما نفيق فيك….
ولاء:اكيد هبوط في الضغط شئ طبيعي جدا ولا لازم نكون كاتينة حديد ممنوع نمرض ممنوع اي شئ….
ليلى: ان شاء الله هكي …
صقر: اسمعي لخبطيه اتصرفي بمعرفتك وراك تكثري شرب نعرف خبره قديمة في الموضوع…
غسق: وانا ايش يطلعلي من وراء هالموضوع كله ..
صقر: ايش تبي انت بزبط هاتف تاخدي احلى هاتف..
غسق:الهاتف لزباين المنتفه لكن هضا غير الواضح انه زبون يستاهل التعب هضا كله للي انت دايره…
صقر:من يومك كلبة فلوس غير ايصير للي نبيه نا وبعدها مانختلفوش…
غسق:لا ياعيني للي بداية شرط اخره سلامة للي يطلعلك نا عندي فيه الربع …
صقر: تم
غسق: هكي نقدر نقول مرحبا به في جنهم غسق…
يزن: كان عيونه عليها بنت حلوة ويراقب فيها من بعيد غسق كانت ذكية وتعرف تلعبها صح مابتش تقرب باقي الشباب….
صقر: شن ياحر الباين عاجباتك …من بكري وعبونك ماشلتهن من عليها….
يزن: من وين تعرفت عليها ياصقر وبجد…
صقر: تعرفت عليها يوم جت تشري مني في كيف لدماغها بوها مطلق امها….لعب عالوترالحساس…
يزن:انت فاهم قصدي ت شن نسأل فيك بالزبط..
صقر:اه جو الشباب ماعندهاش فيه جوها كله كيف وبس…
يزن: تمام هضاللي نا نبي نعرفه…
معز: تعبت منه الوضع هذا متع نقعد عايش ع كف عفريت …
رمزي: اسمع اما ولاء هاذي والله ماعندك كيف ترتاح منها انا من رأي انك تضحك عليها وتمشيها ع قد عقلها…
معز: جايك نبي تشور عليا بحل مش باش نخرب حياتي ….الكذب عمره ماكان حل ومايصح الا الصحيح…
رمزي:توا تشوف الصحيح وين يوصلك …بعدها قول ياندايمي …
معز:خلي نكلم المرا نسألها قلبوا وجوهم ولا قاعدين كان هذا خليلي مكان جنبك…
نهلة: لالا روحوا من بكري ع خاطر بنت خالتي اغمى عليها….
معز: ربي يشفيها وانا في خاطري كان عليا ان شاء الله تموت باش نرتاح منها ومن هالكابوس …
سكرت وهذاك وين روحت وانا مرتاح …نحمد ربي انه للي حضرت الموقف امها مش نهلة…
ولاء: اسمع الفلوس للي متفاهمين عليهم تلقاهم في حسابك…
النمر: اعتبريه حصل للي تفهمنا فيه واي
مستجدات جديدة طول نكلمك….
نهلة:وين المشية مرة هاذي…
معز: والله للجنوب كان سخر ربي مانطولش غادي…
نهلة:رد بالك ع روحك …
معز: ماتخافيش مش بروحي رمزي ماشي معاي انا بنمشي بالسيارة الصغيرة وهو بالراس…
نهلة: غير امتا نرتاحوا منها الخدمة هاذي انت تتطلع وانا نقعد ع اعصابي…
معز: بعد اتجيبي البيبي نوعدك نوقف اما توا خلي نتوكل نخدم….
وطلع معز وماكانش يعرف للي يستنى فيه وانا الخدمة كلها فخ ….نشوف في سيارة تمشي ورايا
توقعته بالصدفه نفس الطريق لين فجأة …