رواية الغرفة الفصل الثامن 8 بقلم سعود نصر
رواية الغرفة الجزء الثامن
رواية الغرفة البارت الثامن
رواية الغرفة الحلقة الثامنة
كسر الموبايل وهو متعصب ولسا هيعتدو عليا وانا بحاول ابعدهم عني وفجاه موبايله رن وفتح عليه عليه ،طلع جوزي اللي بيكلمه وفجاه الراجل صرخ بالانجليزي ووقفهم عن اللي بيعملوه فيا وخرجو برا الاوضه ،فضلت وانا متكتفه احاول افك في نفسي علي اد مقدر خصوصا انهم لما قربو ناحيتي كانو بيفكوني ،بس مكونتش عارفه هما سابوني وخرجو ليه ،مر الرقت وانا اعده في الاوضه ومقفوله عليا لغاية ما ممر حوالي ساعتين ولقيت الباب بيتفتح والرجاله بيدخلو عليا ويمسكوني ويخرجوني يرا الاوضه وانا مش فاهمه اي حاجه غير كل تفكيري في محمود وبقو يسحبو فيا لغاية مانزلوني تحت في الفيلا ولقيت جوزي اعد علي الكرسي وحواليه رجالته وبيضحك وعلي الارض محمود اخويا،اخويا حبيبي كان كله جروح ومتبهدل كان باين علي منظره الضرب كتير مكنش قادر يفرد نفسه ويوقف،اعدت اتحايل عليه يسيبه وانا هفضل معاه يعمل اللي هو عاوزه فيا ،وحاولت اتقرب من اخويا ومكنتش عارفه اتحرك من اللي ماسكني ،كانت نظرات محمود ليا وهو مش قادر يعمل حاجه كانت صعبه اوي ،ولقيت جوزي بيتكلم وهو متعصب فجاه،زعلانه علي اخوكي،ايه علشان حبة خرابيش في وشه زعلتي عليه امال لو علقته وسلخته ذي الدبيحه هتعملي ايه ،وفجأه اتحرك اتجاه محمود ومسكه من شعره وهو باين علي نظراته هيعيط وبقي يقولك ،عملتلك ايه اختي علشان تموتها ،عاوز سبب واحد مقنع يخليك تقتلها ،انطق عملتلك ايه ،دي جزاتها وثقت فيك وحبتك جزاتها
سلمتك نفسها وافتكرتك راجل ،مفتكرتش ليه وقتها ان عندك اخت وممكن يحصلها ذي اللي حصل لأختي ،عاوز سبب مقنع انا مش هقتلك بالساهل ولا هرحمك الا لما اعرف هي عملت ايه علشان يحصل فيها كل دا ،وفجأه محمود ضحك وبقي يتكلم بصعوبه من الضرب وهو بينظر لجوزي،انت صعبانه عليك اختك للدرجادي،ايه انت ملاك يعني خلينا فيك انت دلوقتي ،هو انت فاكرني مش عارف حاجه عنك ،اختك كانت بتحكيلي كل حاجه عن شغلك خارج مصر والقرف اللي بتعمله وتجارة الاعضاء والدعاره ،كل حاجه بالمستندات من خزنتك معايا ،لو رديت عليا هرد عليا ،الناس اللي بتخطفها وتقتلوها وتمصو دمهم وتبيعوهم قطع غيار كان زنبهم ايه ،كل ام اتخطف عيل من عيالها ولا اب صحي ملقيش ابنه جنبه ،كل واحد سمع عن وجود ابنه ولا بنته مرميه واعضاءها متاخده منها زنبها ايه ،سيبك من دا طيب كل بنت خطفتوها وخلتوها سلعه تتاجرو بيها وبلحمها لليدفع اكتر زنبها ايه ،لو رديت عليا هرد عليك ،لازم تدوق اللي الناس داقته لازم تحس وتموت كل يوم علي منظر اختك وهي ميته ادام عنيك ،بالعكس تحمد ربنا انها مماتتش ذي اللي انت بتموتهم ،وقتها جوزي بعصبيه وتهور فضل يضرب في محمود ويقوله،اختي مكنتش تستاهل كل دا ،اختي لا اذت حد ولا فكرت تأذي حد ،وقتها اخويا بقي يتنرفز ويرد،ولا الناس اللي اتحرمت من عيالها
كانت تستاهل اللي جرالها ،لعلمك اختك انا مكونتش ناوي اعمل فيها حاجه ولا اتخلي عنها ،عاوز تعرف الحقيقه حاضر هقولك،لما عرفت عنك كل القرف اللي انت بتعمله فكرت ابلغ عنك لاني مش وسخ ذيك وقتها ملقتش غير اني اقرب من اختك واخليها تحبني واعشمها بالجواز ومنها اقدر اوصل لكل المعلومات اللي انا عاوزها ،وعلشان اضمن اكتر انك متعملش حاجه في اهلي عشمتها اكتر بالجواز وبقيت حامل مني ،فضلت اتهرب منها مش علشان اتخلي عنها ،لأ فضلت اتهرب منها علي ماثبت كل حاحه وسخه عملتها انت واقدمها للشرطه بس قبلها هخيرك بانك لو فكرت تأذي حد من اهلي هيكون قصاده شرف اختك ،بس للأسف اختك رمت نفسها وانتحرت كانت مفكره اني هتخلي عنها وهضيع مستقبلها،انا مقهور اكتر منك من اللي حصل ،ماتت قبل متعرف اني مكونتش هتخلي عنها،ودلوقتي مفكرني جايلك فعلا علشان الشغل لأ طبعا انا مش ساذج للدرجه دي ،انا قبل مانزل من مطار امريكا وياخدوني رجالتك المحترمين ،فيه نسخه وصلت للشرطه هنا وفي مصر وسواء فضلت هنا او في مصر مقبوض عليك ،انت انتهيت خلاص مقدامكش حل تاني
وقتها انا سمعت كل دا وعرفت الحقيقه كامله وفضلت اشتم في جوزي ،انت مجرم هتروح من ربنا فين انت السبب في كل اللي حصل لأختك
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الغرفة)
