رواية الغامض والمثير الفصل الأول 1 بقلم شهد إمام

رواية الغامض والمثير الجزء الأول

رواية الغامض والمثير البارت الأول

رواية الغامض والمثير الحلقة الأولى

كمال : بصي بقا هو 35 سنه متجوز 26 واحده عرفي بسبب أنه بيعملهم سحر ديه الخلاصه
شهد : نفسي في مرة تمسك ملف كدا و تجمعلي كل حاجه بدل شغل القهوجية ده يا بني حرام عليك
كمال بيكمل كلامه وهو بيطلع عصير يشربه و بيقعد قدام شهد وبيحط رجل علي رجل وكمل كلامه بغرور : على فكرا معايا ملف القضيه كامل و كمان ده متجمع من ضباط سيادة اللواء نفسه مش انا اللي عملته
شهد بنرفزة و زعيق : ده اكيد طبعا مش انت اللي عمله و من امتي بتعمل حاجه صح اصلا ..
وكملت بوعيد: انضباط يا حضرة الظابط
كمال رمى العصير علي الارض و قام وقف من الخضة و ضرب تعظيم سلام ل شهد
كمال بخوف :تمام يا فندم
شهد بعصبية : هات الملف
كمال راح مكتبه جاب الملف و سلمه ل شهد
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مسكت ملف القضية الجديدة ومحتواه كان :
” الاسم : ادم فؤاد عبد اللطيف
المهنه : طبيب نفسي و مخ و اعصاب
و يمتلك الخامسة و الثلاثون من الأعوام
بدأ بفتح عيادته الخاصه بعيدا عن عمله بالمشفي الحكومي كطبيب مخ واعصاب
في 1/9/2020 اي منذ أربع أعوام من وقتنا الحالي
السكن : بنفس مبني عيادته التي تقبع في هذا العنوان المدون امامك ………
التهمة : يعالج فقط الإناث وليس اي إناث
الإناث الغير متزوجات فقط سواء كانوا كبار بالعمر أو مراهقات تم تقديم شكاوي من بعض الرجال و الذي اكتشفنا أن من قدموا البلاغ هم رجال لهم سابق علاقات من نساء يتعالجون عند المدعو ادم فؤاد فيما ينص شكواهم جميعا أن هذا الرجل يقوم بسحر الإناث بطريقة طبيه لجعلهم تحت رحمته ينفذون ما يمليه عليهم بالنص حتي إذا توصلت للإنتحار و لم يتم إثبات أي تهمة عليه حتي الآن بالرغم من تأكدنا من صحة البلاغات المتقدمه تجاهه و بالرغم من زيجاته الكثيره إلا أنها جميعها قانونيه ……. ”
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
( شهد )
انا شهد 27 سنة بشتغل ضابط شرطة و مش اي شرطة ديه شرطة المباحث العامة من صغري كان شغفي هو كشف الغامض و المثير هوايتي اللي اتنمت اكتر لما اثبت وجودي في الشرطه عن طريق نجاحي في اي مهمه بدخلها حتي لو كان دوري فيها بسيط لكني دائما بعمل فرق يقلب موازين اي قضيه بدخلها و بسبب كدا اتحول شغلي من قسم كتابة التقارير عن المجرمين لأكون انا اللي بحقق معاهم و بطاردهم و ساعدني كمان اني اشتغلت سنتين في الشرطه الإقليمية في لندن كانت بعثة و كنت اول بنت تدخل قسم المباحث العامه لأنه قسم معروف بذكوريته اكتر و لو دخلت بنت بتكون اعمالها كتابيه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
قاطع سرحاني وانا بقرأ الملف دخول كمال وهو بيقول : القائد عاوزك في مكتبه
شهد : تمام جايه
روحت و أديت التحيه للقائد و لقيته بيقعدني و قعد قصادي
(القائد عزيز عبدالله يملك من العمر 48 سنه راجل صارم و متفوق في شغله و من حسن حظي اني اشتغلت تحت أيديه و اني اكون اكتر ضابط هو بيعتمد عليه أكثر من ضباط اقدم مني هنا بيجمعنا سوا نفس الشغف في أكتشاف الحقائق )
__________________________________
القائد : لأول مرة هديكي القضيه ديه مش بسبب ثقتي فيكي و لا في مهارتك بل لأن مينفعش غيرك يمسكها لأن القضيه ديه فعلا صعبه مش قادر اوصل لأي ثغر هو بيقع فيه مش عليه أي شئ و متلحظش عليه أي شئ حتي سجله الجنائي نضيف تماما المستشفي اللي شغال فيها شغلها نضيف و صاحبها راجل اعمال كبير معروف بتبرعاته الكتير للجمعيات الخيرية و للأيتام
شهد : طيب ما يمكن يا فندم هو كويس فعلا و ديه مجرد أوهام أو بلاغات كيديه ضده لانه بس في 4 سنين قدر يكون ليه شهره في مجاله اكتر من ناس بقالها سنين في نفس المجال
القائد : فكرت كدا فعلا بس انا متأكد من البلاغات ديه تقدري تقوليلي اي السبب ورا جوزاته العرفي الكتير
شهد : حضرتك ذُكر في الملف أنها قانونيه ازاي
القائد : الورق مكتوب عند مأذون لكن محدش بيكون عارف غيره و غير الست اللي معاه فقط
شهد بحيرة : طيب انا ممكن اطلع علي المحاضر اللي اتعملت ضده يعني بالضبط اي المذكور فيها
القائد وهو بيطلع 4 ملفات قدامه و بيقدم اول واحد ليها و اللي كان في مجلد احمر : ده اول بلاغ و اللي بينص علي