رواية العوض الجميل الفصل الخامس 5 بقلم جومانة
رواية العوض الجميل البارت الخامس
رواية العوض الجميل الجزء الخامس
رواية العوض الجميل الحلقة الخامسة
وبتمر الايام ومؤمن بيجهز لى سما مفجأه عشان يعترف بحبه ليها بس عايز يتأكد الاول اذا كانت بتحبه ولا لاء لانه حاسس ان سما اتغيرت معاه من اول ما جيه من السفر
وهدى الى حاسه بنظرات كريم تجاة نور وبتتمنى ان ابنها ياخد الخطوه ويتجوزها لانها مش هتلاقى احسن من نور
وسما الى بتعامل مؤمن معامله وحشه بس هيا من جواها فرحانه انه نزل ومعتش هيسافر (نسيت اقولكو ان سما هيا كمان بتحب مؤمن وكانت متعلقه بيه وهيا صغيره جدا وزعلت جامد وكمان تعبت لما سافر ومامتها وبابها كانو مفكرين انها زعلانه عشان اخوها عشان كدا كانت بتتعمد اول لما يجى زياره متخلهوش يشوفها بس هياكانت بتشوفه من بعيد لى بعيد ودا كان بيدايق مؤمن جدا)
ونور الى كانت متلغبطه وحاسه بمشاعر تجاه كريم وبتحاول انها متشفهوش لانها مش حمل وجع تانى عشان كدا بتحاول تقتل اى مشاعر وكل اما تيجى تاخد الخطوة اول ما بتشوفه بتنسى اى حاجه هيا قررت تعملها
نجى بقا لى بطلنا
كريم كان متلخبط مش قادر يحدد شعوره من جيه نور كل الى عارفه ان لو شافعا بتهزر مع حد او بتكلم شاب بيدايق وبيتعصب ومش عارف ياخد خطوه بسبب انه خايف يكون اعجاب بس ومع الوقت هيروح شايف ان شخصيتها الفرفوشه والجاده فى نفس الوقت هيا الى شداه مش حاجه تانيه
فى بيت سما..
هدى: يلا يا سما روحى نادى لى نور او اتصلى عليها تيجى تتغدى بقالها كام يوم مبتجيش ولا بتعد معانا زى الاول
سما بتوتر: ااااا نور قالتلى انها اتغدت فى الشركه يا ماما
هدى بحده: هو انا مش قولت ممنوع تتغدو بره والغدا هيبقى هنا فى البيت
كل ده وكريم متابع كلام سما ومستغرب نور مبتجيش لى فعلا هو عارف ان مامته مبتسبهاش غير لما تتغدى معاهم
سما: يماما وانا مالى ما تقوليلها ولا هو نور تعمل وانا اتهزق
محمد بتفكير: يمكن عشان انتى مهزقه فعلا
سما بتمثيل الحزن: تشكر يا والدى دا لو كنت دكر بط كنت حبتونى اكتر من كدا
هدى بسخريه: لاء وانتى الصادقه كان نفعنا يختى بدل ما انتى ملكيش اهميه كدا
سما: كدا يا دودو ماشى بكره تعرفو قيمتى لما تجوز وتقولى البت سما كانت ماليه حياتنا
هدى: وهو فين ده الى هيتجوزك الا ملاقيه كلب يعبرك
سما بغرور مصتنع: مين دول دا هيموتو عليا
هدى: اهو كلام بس
سما بغيظ: كدا يا هدى ماشى بكره هيجى قرة عينى وساعتها مش هعبركو
كريم بهزار: دا هتبقى امى داعيه عليه
سما بصدمه: حتى انت يا كريم وانا الى فكرتك اخويا وبتحبنى
بابا انا ماليش غيرك الوقتى اوعى تكون زيهم برضو
محمد: مين دا اول لما يجى همضيه على وصولات امانه واقوله مترجعهاش تانى عشان البضاعه المباعه لا ترد ولا تستبدل
سما كان بتبصولهم بصدمه ومش قادره تنطق وهما عاملين يضحكو على منظرها
كريم راح حضنها وقالها: دا انتى الجوهره بتاعتنا مستحيل نفرط فيكى ابدا احنا بنهز معاكى
سما بحب: عارفه يا حبيبى وقالت بغرور وبعدين انكو متقدروش تستغنو عنى
هدى: طب يلا يا سما روحى هاتى نور وتعالى
سما: مش هترضى يا ماما
محمد: لى يا سما هيا من امتى ونور مش بترضى تيجى
سما وهيا بتبص لى كريم: يا بابا الوضع اتغير كريم موجود ونور بتتكسف انها تيجى وقالت بتنهيده وكمان انا عارفه تفكير نور هيا مش عايزه تبقى حمل تقيل علينا
هدى: قومى هاتى الفون اكلمها
سما: حاضر
سما راحت جابت الفون واداتو لى هدى وهيا اتصلت على نور وهزقتها وقالتها تيجى ونور مقدرتش تقولها لاء بضحك عليكو هيا خافت ان الشبشب يعلم عليها.
عند نور كانت قاعد بتفكر فى كريم وتقول لى نفسها شكلى حبيتك يا كريم وبعدين كملت بوجع بس هو ممكن ميكونش بيحبنى انا لازم ابطل تفكير فى عشان متوجعش اكتر من واحاول ان مقبلهوش خالص وفى الوقت الى هيا قررت متشفهوش خالص فونها رن ولقيتها هدى
نور: الو يا دودو
هدى: انتى فين يا بت
نور بستغراب: فى البيت فى حاجه ولا اى
هدى بتهزيق: ولما هو انتى فى البيت يا حيوانه مجتيش لى هو انا مش قايله تخلصى شغل وتيجى على هنا
نور بتوتر: ما اهو انا جيت تعبانه وقلت اجى انام شويه
هدى بحده: نوررررر
نور بتنهيده: يا دودو كريم عندك وهو ممكن يبقى عايز راحته فى بيته وطول ما انا موجوده مش هيعرف وكمان مش عايزه اتقل عليكو اكتر من كدا
هدى بعتاب: وانا كنت اشتكتلك وبعدين قالت بحده نص ساعه يا نور والاقيكى قدامى يا اما الشبشب هيسلم عليكى فاهمه
نور وهيا بتبلع ريقها: شبشب لاء خلاص جايه 5 دقايق وتلاقينى قدامك
هدى: اما اشوف
نور قفلت مع نور وجريت على الدولاب بسرعه عشان تنقى احسن حاجه عندها تلبسها عشان كريم يشوفها حلوه ونست اى حاجه كانت ناويه تعملها
(هرمونات بنات عادى يجماعه👀😂)
نور خلصت لبس ومشيت ورنت الجرس واول ما الباب اتفتح اتوترت وقالت
نور: ازيك يا كريم
كريم بإبتسامه وحس اده اي كانت وحشاه اوى: الحمد الله انتى عامله اي
نور: دايما يارب انا زى الفل هيا دودو جوه
كريم: ايوه تعالى هيا فى المطبخ جوه
نور: انا نفسي مره اجى ملاقيهاش فى المطبخ
كربم بهزار هو الاخر: انتى بتقولى حاجه مستحيل تحصل بس سيبك انتى اي القمر دا
نور بصدمه: ها
كريم بغمزه: بقولك اي القمر ده
نور اتكسفت وقالت بحده مصتنعه: انت قليل الادب
كريم بضحك: ههههه عارف
نور سبته ومشت وهيا خدودها شبه الطماطم وراحت لى هدى المطبخ نور اول لما دخلت هدى شافت نور خدودها حمرا فكرتها تعبانه
هدى بقلق: مالك يا نور خدودك حمرا ليه كدا انتى تعبانه
نور بإبتسامه: مفيش حاجه يا دودو مش تعبانه والله
سما بخبث: اما خدودك حمرا لي هيا مبتحمرش غير لما تتعبى او تتكسفى وانتى مش تعبانه يبقى مين بقا الى كسفك وبعدين قالت بتفكير امممم استنى دا كريم الى فتحلها هو قالك حاجه ولا اي
نور بسرعه: لاء مقلش حاجه
سما بخبث: اممم ماشى يلا نشيل الاكل ونحطه على السفره
نور بتوتر: اه يلا
هدى فهمت ان كريم قال لى نور حاجه عشان كدا نور كانت مكسوفه وبتدعى ان ابنها قدر يحدد مشاعره ويفهم انه حبها
كريم كلم مؤمن عشان يجى يتغدى وهو مصدق عشان يشوف سما
مؤمن اول لما شاف نور
مؤمن بهزار: اى الحلاوه دى يا نور
نور بإبتسامه: ميرسى يا مؤمن
مؤمن بهزار: انا مش بجامل علفكره
نور ضحكت وسما كانت بتبصولهم بغيظ وكريم كان بيبصلهوم بشر
سما وجهة كلامها لى مؤمن وقالت: انت اي الى جابك
مؤمن بإستفزاز: كيمو هو الى اتصل عليا وقالى تعالى
كريم بيقول فى نفسه: يارتنى ما كلمتك
محمد اتكلم: اي يولاد مالكو
نور: مافيش حاجه ياعمو
محمد: طب يلا عشان الغدا
قاعدو على السفره عشان يتغدو وسما كل شويه تبص لمؤمن بشر عشان كل شويه يكلم نور ويضحك معاها
سما: بس انت يا مؤمن هتسافر امتى بقا
مؤمن بيبصلها: لاء ما انا نويت استقر بردو هنا فى مصر واكمل نص دينى بقا وبعد كدا بص لى نور
سما : بتحب حد على كدا
مؤمن: ايوا دا انا نازل عشانها اصلا
سما بحزن: ربنا يوفقك وتتجوزها
مؤمن وهو بيبصلها بحب: يارب
كريم فاهم كلام مؤمن عشان عارف ان مؤمن بيحب سما وان سافر عشانها عشان يقدر يعيشها فى مستوى حلو
مؤمن بص لى نور وغمزلها وهيا فهمته وابتسمت
وافتكرت لما مؤمن جيه قالها انه بيحب سما وعايز يتأكد اذا كانت بتحبه ولا لاء
Flash bask
مؤمن بيخبط على باب المكتب بتاع نور
نور: ادخل
مؤمن: نور فاضيه محتاج اتكلم معاكى
نور: اه اتفضل
مؤمن: ماشى يعنى مش هعطلك
نور باابتسامه: لاء يسيدى مش هتعطلنى ولا حاجه اتفضل قول الى انت عايزه
مؤمن بحيره وهو مش عارف يبدأ الكلام منين: بصى هو يعنى بصراحه انا محتاج مساعدتك فى حاجه كدا بصى انا هجيب من الاخر انا بحب سما صاحبتك من زمان جدا وهيا كمان كانت بتحبنى او معرفش اذا كانت متعلقه بيا ولا بتحبنى الحقيقه بس انا بقا بحبها اوى ومحتاج اعرف اذا كانت بتحبني ولا فى حد فى حياتها عشان انا عايزه اتجوزها بس هيا من يوم ما جيت وهيا مش طيقانى وكنت بحس ان لما كنت بنزل مصر بتحاول تخلينى مشوفهاش او دى صدفة مش اكتر مش عارف فا انا بطلب منك تساعدينى ها قولتى اى
نور بصدمه: اهدى يا بنى فى اي انت محسسنى ان انا روبوت هلقيلك حل على طول وانت بسم الله ماشاء نازل كلام كلام ولا اكن حد بيجرى وراك ابلع ريقك شويه
مؤمن بغباء: يعنى مش هتساعدينى
نور بغيظ: تصدقك وتؤمن بالله انتو الاتتين لايقين على بعض نفس الغباء سبحان الله
مؤمن ببلاها: تسلمى والله
نور بغيظ من كتله الغباء الى قدمها: انت عايز اى الوقتى يلااا
مؤمن بتنهيده: عايز اعرف اذا كان عندها مشاعر نحيتى ولا لا
نور بتفكير: مفيش غير حل واحد وده الى هيخليك تعرف اذا كانت بتحبك ولا لاء
مؤمن بلهف: الحقينى بيه بسرعه
نور بخبث: الغيره سما لو بتحبك هتغير عليك جدا لو انت كلمت بنت او وقفت معاها
مؤمن بتفكير: يمكن لانها لما بتشوفنى واقف مع واحده فى الشركه بتبصلى بشر كدا زى ما يكون هتقتلنى بس اعمل اي بردو مش فاهم
نور بتفكير: بسيطه لما تشوفنى هزر واتكلم معايا وشوف ريأكشانات وشها لو غارت وزعلت يبقى بتحبك يا معلم وبكدا نقول مبروك
مؤمن بفرحه: شكرا يا نور بجد متشكر أوى
نور بإبتسامه: على اي انت زى اخويا
مؤمن وهو خارج من المكتب كريم شافه وراحله
كريم: انت كنت بتعمل اي عند نور
مؤمن بخبث: وانت مالك ولا انت الوحيد الى مسموحلك تدخل عندها
كريم بعصبيه: مؤمن متتذكاش عليا وقولى كنتى بتعمل اي
مؤمن ببرود: ولو قولتلك لاء مش قيلك وبعدين افرض ان هيا الى كانت عيزانى فى موضوع وقالتلى متعرفش حد
كريم بعصبيه: انا هعرف لوحدى
مؤمن بإبتسامه: اوعى تعمل حاجه تندم عليها
كريم سابه ومردش عليه ودخل المكتب بتاع نور من غير ما يخبط
نور بعصبيه: فى اي هو مافيش بابا يتخبط عليه
كريم ببرود عكس النار الى جواه: مؤمن كان بيعمل اي هنا
نور برفعه حاجب: وانت مالك
كريم مقدرش يتحكم فى عصبيته وخبط على المكتب جامد: انطقى وقولى كان بيقولك اي
نور خافت من شكله وعنيه الى احمرت وقالت بتوتر: كان جاى عشان وحكيت كل حاجه مؤمن قالها
كريم لما سمع كلامها هدي شويه: تمام ولف عشان يمشى
نور بغيظ: ننننعم هو اي الى تمام انت جاى عاملى الهوليله دى كلها وبعدين تقولى تمام احنا هنستعبط
كريم بصلها برفعه حاجب: الى يشوفك الوقتى ميشوفكيش وانتى عاملة شبع الكتكوت المبلول من شويه
نور بغيظ: واحد مستفز
كريم باستفزاز: عارف
كريم لف عشان يمشي بس رجع تانى اه بقولك لو شفتك واقفه مع حد تانى او ضحكتى وهزرتى هتشوفى وش مش هيععجبك
نور بعصبيه: ودا لى ان شاء الله كنت مين عشان تقولى اعمل اى ومعملش اي
كريم ببرود: قريب هتعرف وبعدين مستناش كلامها وسابها ومشى
Bask
خلصه اكل وقضو السهره مع بعض ومؤمن قرر انه هيفاجئ سما وهيعترفلها بحبه لانه اتأكد ان هيا كمان بتحبه وقرر ان يعرف هيا لى بتعمله كدا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية العوض الجميل)
