رواية العهد القديم الفصل الثامن 8 بقلم هي جنته
رواية العهد القديم الجزء الثامن
رواية العهد القديم البارت الثامن
رواية العهد القديم الحلقة الثامنة
نزلت هدي اول يوم ليها الشغل واستعانت بالله كانت
خايفه ومتوتره ومش عارفه هتعمل ايه مع الموظفين
وهتتعامل معاهم ازاي قابلها عادل عند باب الشركه
ورحب بيها اللي كان خايف منها لتاخد منه موقف
من عرض امه بس لما كلمته حس انها موضوع
الجواز مش في دماغها خالص
عادل …نورتي شركتك يام كريم
هدي ..دا نورك ياعادل
عادل ..تعالي اعرفك علي كل الموظفين
هدي ..بصراحه انا قلقانه من التعارف دا
عادل ..بالعكس ﻻ زم تتعرفي عليهم وتحفظي اسمائهم
ووظائفهم علشان يحبوكي وكلهم ناس كويسه
هدى…الله المستعان
دخلومكتب يوسف
عادل ..دا مكتب يوسف ودا كرسيه ودا قلمه كل دي
حاجته مغيرناش اي حاجه فيه
هدى ..وﻻ هنغير بإذن الله
عادل …ان شاءالله من النهارده دا هيكون مكتبك
هدي بفرحه …بجد دا مكتبي يعني هقعد مكان يوسف
عادل…. ايوا ياستي هتقعدي مكان يوسف ثواني بقي
انادي للموظفين
دخلو موظفين الشركه
عادل ..دا الاستاذ محسن مدير الحسابات
ودا الاستاذ خالد مدير العﻻقات العامه
ودا عم رضوان بقي سكرتير يوسف الله يرحمه
هدي ..يوسف حكالي عنك كتير ياعم رضوان
وبيقول انك شاطر في شغلك
عم رضوان وهو بيبكي …يوسف الله يرحمه خيره عليا
من يوم ما فتح الشركه من 15 سنه واحنا مع بعض
وكان ابن وصديق
هدي ..بدموع محدش شايفها من النقاب ..الله يرحمه
ياعم رضوان ادعيلو كل ماتفتكرو بالله عليك
عم رضوان ..والله يابنتي مش ببطل دعاءليه
المهم خلصو تعارف وكل الموظفين رجعو لمكاتبهم
وقعد عادل وعم رضوان مع هدي يفهمها الشغل
استاذن انا دلوقتي عندي موعد وبعد لما تخلصي
الورق روحي وكفايه عليكي كدا النهاردا وبكرا كملي
هدي ..خﻻص ماشي
بعد عادل ما طلع استأذن استاذ محسن بالدخول
محسن ..السﻻم عليكم ياستاذه
هدي..وعليكم السلام ايوا ياستاذ ….محسن مش كدا
محسن ..ايوا ياستاذه كنت جاي لحضرتك اشوف
لو عايزه حاجه وﻻ مش فاهمه حاجه اوضحها
هدي ..لا شكرا الأستاذ عادل فهمني كل حاجه
محسن..بخبث ..بس حبيت اخدم بس السﻻم عليكم
________________
في المستشفي عند محمود
نعمه . حبيبي يابني مالك ايه اللي حصل
محمود ..ماما انا كويس متتخضيش كدا حاجه بسيطه
مي ..الحمد لله الدكتور كويس متقلقيش حضرتك
نعمه ..مين دي يامحمود
محمود ..اقعدي كدا يأمي وانا هحكيلك علي كل حاجه
حكي محمود كل حاجه ﻻمه اﻻ انه بيحبها
نعمه .ياحبيبتي يابنتي وعملو فيكي دا كله واستحملتي
والله انتي مش هتروحي هناك تاني انتي تيجي معانا
مي ..انهارت بالبكاء ..ربنا ميحرمنيش من حضرتك
نعمه اخدتها في حضنها ..حضرتك ايه بقي
من النهارده تقولي ياماما ماشي اتفقنا
مي وهي بتحضنها قوي حاضر ياماما
محمود بقي مبسوط قوي ان امه حبتها
محمود..ايه ياجماعه انتو هتخلوني اعيط وانا عيان
هدي …ﻻ ياحبيبي وتعيط ليه
محمود …هدي حبيبتي وحشتيني
هدي ..بقي كدا تبقي في المستشفي ومتقوليش
نعمه ..حبيبتي كفايه اللي انتي فيه
هدي.. الحمد لله ياماما علي فكره نزلت الشغل النهارده
محمود كويس اللي عملتيه ياحبيبتي اهو تطلعي
من اللي انتي فيه وكمان تخلي بالك من مالك
هدي ..مين دي ياماما
محمود..هحكيلي ياستي
____________%
في الشركه عند محسن وخالد
محسن ..بصراحه الشركه هتبدأ تحلو
خالد ..انت بتتكلم عن ايه يامحسن
محسن ..بتكلم عن صاحبة الشركه ياجدع باين عليها
من صوتها انها حلوه
خالد ..وانت مالك حلوه وﻻ ﻻ اتق الله يامحسن هدي
هانم كانت بتحب جوزها موت ويوسف بيه كان
بيموت فيها وكنا بنسمع قصص عن حبهم لبعض
محسن.. اهو انت قلت كانت بتحبه كاااانت والراجل
اهو مات الله يرحمه والحي ابقي من الميت
خالد..محسن انا بنبهك اهو ملكش دعوه بيها
ﻻحسن اقول لعادل بيه
محسن وهو بيبتسم ابتسامه صفرا..ايه ياعم انت اخدت
الموضوع جد ليه داانا كنت بهزر
ياتري ايه اللي هيحصل بعد كدا
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية العهد القديم)
تعليق واحد