رواية العنقاء الفصل الرابع عشر 14 بقلم حنين ابراهيم
رواية العنقاء الجزء الرابع عشر
رواية العنقاء البارت الرابع عشر
رواية العنقاء الحلقة الرابعة عشر
العنقاء2
البارت 7
غادرت ندى مع مالك بعد أن هدأت من البكاء و معانقة صديقتها كل دقيقة تلموها على إخفاء مثل هذا الأمر عنهم
و بقي معها حسن الذي كان فقط صامت طول تلك المدة
إمتى عرفتي بمرضك ؟
سهام:من أسبوع
فلاش باك
حسن بقلق :مالك يا سهام إنتي كويسة؟
سهام محاولة إخفاء تعبها: أنا كويسة متقلقش
حسن:كويسة إزاي إنتي وشك أصفر شكلك تعبانة
سهام:يا حسن هو شوية تعب إنت عارف ضغط الشغل الفترة دي
حسن:منا قولتلك خودي أجازة أو عيني حد يديرلك الشركة مسمعتيش الكلام
سهام :حاضر ، أنا أصلا مقدمة طلب عشان أعمل رسالة الدكتوراه بره بس الفترة دي محتاجة تركيز
كانت جالسة تنهي بعض الأعمال على اللاب توب عندما شعرت بالعطش وقامت لتشرب حينما شعرت بدوار و كانت ستسقط
حسن بلهفة:سهاام لا لا إحنا لازم نروح لدكتور فورا
سهام:يا حسن متكبرش الموضوع
حسن:ششش مش عايز أسمع كلمة زيادة
دخل للغرفة أحضر لها حجابها و أخذها للطبيب
كانا يجلسان في قاعة الإنتظار و حسن يهز رجله بتوتر
سهام :يا بني إهدى كده مفيش حاجة كله شوية إرهاق من الشغل
حسن:عشان كده أنا قولتلك مية مرة تبطلي شغل و تريحي نفسك خالص و أنا مستعد أصرف عليكي و إنتي بتقلبي عليا و بتعتبري إن ده تسلط مني عشان بحرمك من حقك في الشغل و إني مش عايز يبقى ليكي كيان مستقل عني
سهام بتعب :حسن مش وقته الكلام ده الله يخليك
حسن سكت عندما رأى تعبها لم يرد أن يزيد في لومها
بعد قليل جاءه إتصال :أيوة يا مالك خير ؟ مش جاي النهارده أنا عند الدكتور عشان سهام تعبت شوية
حسن بغضب:إتصرف إنت
أقفل الخط في وجهه :يوووه
سهام :مالك متعصب كده ليه ؟
في مشكلة في الشغل. بعد ما صدر قرار و قف إستراد السيارات و بدأ تصنيعها في البلدالناس بقت تجي تطلب مننا نبعلهم العربيه بسعر يساوي10% سعرها الحقيقي
سهام:ده بأمارة إيه مهو وقف إسترادها معناها إنها هتشح في السوق مدام مصنع تصنيع السيارات لسا مفتحش و يا عالم هيفتح ولا لا إنت عارف بروتوكولات بلدنا ده معناه إن بعد فترة تمنها هيزيد مش هيرخص
حسن:ما إحنا حاولنا نشرح ده للناس إتهمونا إننا بنسمسر و عايزين نستغل الوضع و نربح أكتر
سهام :و إيه العيب إنك تستغل الوضع
حسن :قصدك إيه
سهام:قصدي تتصل بمالك تطلب منه ميبعش حاجة الفتره دي لحد ما سعرها يزيد و يروح يشوف في سوق العربيات المستعملة الناس الي بتبيع بسعر رخيص عشان فاكرين إنهم هيشترو عربيات جديدة بسعر رمزي عشان قرار وقف الإستراد و خليه يشتري منهم
و بعد فتره هيبقى سعرهم الدبل و خلي القرار ينفعهم
حسن:يا بنت ال إيه ،
أخرج هاتفه ليتصل على مالك:يوه تلفونو مقفول
سهام:طب رحلو للمكتب هو مش بعيد من هنا إتفق معاه على خطة الشغل الفترة الجايه
حسن:و الكشف
سهام: كلها دقايق هدخل أكشف و أبلغك قالي إيه
—
ها يا دكتور إيه سبب الأعراض الي بتجيلي
الطبيب:إنتي لازم تعملي شوية فحوصات تانية عشان نتأكد
سهام:فحوصات تانية إيه ما إنت لسا عاملي فحص
طبيب:أيوه بس لسا فيه حاجات عايزين نتأكد منهاِ
سهام:دكتور صارحني إيه النتيجة الفحوصات الي عملتها من شوية و عايز تتأكد منها
الطبيب بقلة حيلة:مدام سهام الصراحة في إحتمال كبير إن عندك كانسر في الرحم بعد ما إتبين لنا كتلة فيها كنا فاكرينها حمل و إنتي أكدتي إنك لسا كاتبين الكتاب و متمتيش جوازكم إحنا كنا عايزين نتأكد أكتر و إن شاء الله ميكونش الموضوع وصل لمرحلة متأخرة
باك
حسن بصوت مخنوق:إنتي ليه خبيتي عليها
سهام بدموع:مبحبش أشوفك زعلان كنت عارفة إن إنت و ماما هتتأثرو بالموضوع أكتر مني عشان كده قررت أعمل معاك مشكلة بأي شكل و أسافر بحجة رسالة الدكتوراه
حسن :يعني كنتي ناوية تسافري و تخوضي في رحلة العلاج لوحدك ؟ إنتي عارفة إنك أنانية أوي ؟
سهام ببكاء:مكنتش عايزاكم تشفوني و أنا. ضعيفة ولا عايزاكم تزعلو بسببي كفاية إنكم عمركم ما شوفتو يوم حلو من لما دخلت حياتكم ،عايزني كمان أشيلكم همي لحد أخر يوم في عمري
حسن بلهفة وهو يضع يده على فمها:بعد الشر عليكي ربنا يجعل يومي قبل يومك عشان أنا مش هعرف أعيش من غيرك
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية العنقاء)
