رواية العشق والقدر الفصل العاشر 10 بقلم ليلى هشام
رواية العشق والقدر الجزء العاشر
رواية العشق والقدر البارت العاشر
رواية العشق والقدر الحلقة العاشرة
حياة كانت بتروق البيت واسيل قاعده قدامها.
اسيل:بس هو انتي مروحتيش الجامعه ليه النهارده.
حياة:لقيت نفسي مخنوقه كده ومفيش غير محاضره واحده النهارده ودكتورها غايب فقولت مالهاش لازمه اروح وبعدين امك الايام دي ضهرها واجعها قولت أنصف البيت النهارده مكانها.
اسيل:صديقيني لو بقيدي كنت اشيلك بين وريدي اي دا سوري دخلت في اغنيه غلط😂 قصدي صديقيني لو بايدي كنت عملك معاكي حاجه.
حياة:لا خليكي انتي علشان رجلك.
الباب خبط حياة راحت تفتح ونسيت تحط طرحه أو تلبس حاجه كانت لابسه بلوزه نص كم بيضه واسترتش اسود وكانت عامله شعرها ديل حصان كانت شكلها يجنن.
حياة:ايوه مين ….جايه هي يعني الدنيا هتطير فتحت حياة الباب.
حياة:😳😳😳
رعد:😳😳😳
حياة:رعد احم قصدي استاذ رعد
رعد شافها وتنح كانت جميله حد اللعنه نسي اي كلام كان هيقوله ومكانش مركز غير عليها
رعد بهمس:الله انتي ازاي جميله كده.
حياة: حضرتك بتقول حاجه؟؟
رعد:لا ابدا ولا حاجه…. عمر كان بيركن العربيه تحت رعد أول ما لقاه طالع.
رعد:خشي البسي حاجه مينفعش تفضلي واقفه كده.
حياة:البس حاجه ليه هو انا لبسي في اااا😳
حياة بصت علي نفسها واخدت بالها من الي هي لابساه قفلت الباب في وشه وطلعت تجري… رعد اول لما قفلت الباب في وشه ضحك عليها عمر طلع
عمر:اي مخبطش ليه؟
رعد:استنيتك لما تطلع علشان ندخل سوا.
عمر: اشطا خبط بقه…. خبط رعد وحياة لبست اسدالها وطلعت فتحت واول ما شافت رعد تاني كانت مكسوفه اوي.
مني:مين علي الباب يا حياة
حياة: استاذ رعد وأستاذ عمر يا ماما
مني جت: اهلا وسهلا اتفضلو كده يا حياة سايبه الناس علي الباب اتفضلو.
رعد:اسفين يا فندم علي الازعاج بس احنا قولنا نيجي نطمن علي الانسه اسيل.
مني:ولا ازعاج ولا حاجه اتفضلوا
دخلتهم مني في الصالون ودخلت تنادي جوزها وتعملهم حاجه يشربوها.
قعد رعد وعمر في الصالون اسيل كانت في الاوضه وكانت لابسه بنطلون بيجامه واسع علشان الجبس وبلوزه بكم لما الباب خبط قامت تلبس طرحتها وخرجت من الاوضه وفي بتعرج وكانت عاوزه تخش الحمام.
اسيل:يا حياة يا ماما يا ماما تعالي سنديني عوزه اخش الحمام يا حياة بقي تعالي رجلي بتوجعني اوي😳 انصدمت اسيل لما وصلت عند الصالون وشافت عمر ورعد فا اتكت علي رجلها ودا خلاها تقع جريت عليها حياة وعمر راح شالها وحطها علي الكرسي.
اسيل:ااااااه رجلي بتوجعني اوي 😭
عمر:انتي اي الي خلاكي تقومي من مكانك اصلا.
اسيل دموعها نزلوا من الوجع:كنت عاوزه اروح الحمام.
حياة:طب ماندتيش عليا ليه.
اسيل:ما انا نديت عليكي ماسمعتنيش.
رعد:سلامتك يا انسه اسيل.
اسيل:الله يسلمك يا استاذ رعد.
طلع ابو حياة علشان يسلم علي رعد وعمر لانه استجدعهم لما عرف الي عملوه مع اسيل وحياة.
فريد:اهلا وسهلا بيكم اهلا وسهلا يا بني.
رعد سلم عليه:اهلا بحضرتك.
سلم علي عمر وقعدوا.
فريد:انا والله مش عارف اشكركم ازاي علي الي عملتوه مع اسيل وحياة.
عمر:تشكرنا اي يا عمي انا والله الي مش عارف اعتذر لحضرتك ازاي علي الي حصل.
فريد:قدر الله ما شاء فعل هي قدرها كده بقي هنعمل ايه قولي بقي يا استاذ رعد انته بتشتغل ايه.
رعد:ياريت حضرتك منغير استاذ دي انا زي ابنك برضو ولا ايه.
فريد بود:طبعا يا بني.
رعد:أنا ابقي صاحب مجموعة شركات السيوفي للمعمار.
فريد بصدمه:شركات السيوفي…. انته ابن جمال السيوفي؟
رعد وعمر استغربوا:اه أنا ابويا يبقي جمال السيوفي حضرتك تعرفوا؟
فريد:ازاي ماعرفوش ده كان صاحبي وعشرة عمري ربنا يرحمه هو والدتك.
عمر:ربنا يرحمهم… بس صدفه غريبه جدا يا عمي يعني البنت الي انا خبطها بالعربيه ابوها يبقي صاحب ابويا الله يرحمه زمان غريبه اوي.
فريد:ما غريب الا الشيطان يابني بس صحيح كل شيء قدر.
هنا حياة دخلت:اتفضلوا الغدا جاهز.
رعد:لا غدا اي احنا هنستأذن احنا جينا بس نتطمن علي انسه اسيل ونمشي علي طول.
فريد:طب ورحمة ابوك الغالي الغالي لا تقعدو وتتغدوا معا كمان.
عمر:حضرتك يا عمي إذا ماكنتش تحلف.
فريد: اتفضلوا يا يابني ده انتوا الغاليين ولاد الغاليين
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية العشق والقدر)
