رواية العشق والقدر الفصل الرابع والعشرون 24 بقلم ليلى هشام
رواية العشق والقدر الجزء الرابع والعشرون
رواية العشق والقدر البارت الرابع والعشرون
رواية العشق والقدر الحلقة الرابعة والعشرون
حياة اشتغلت شويه مع رعد وبعدين طلبت منه إذن علشان تخرج وتلحق تجهز نفسها وتبلغ اسيل وكمان تستأذن اهلها في البيت ورعد وافق حياة وهي خارجه من باب الشركه شافت يارا راحت لها قامت يارا شدتها علي الحمام علشان تتكلم معاها بخصوص الحفله.
حياة:يا بنتي براحه انتي جره حمار.
يارا:بس اقفي هنا اي بقي هنلبس اي في الحفله بتاعة بليل ولا هنروح ازاي؟ انا مش هروح لوحدي.
حياة:اي الهبل ده لا طبعا هنروح مع بعض انا وانتي واسيل.
يارا:اسيل!! اشمعني اسيل؟
حياة:مهو رعد عزمني وقالي هاتي اسيل معاكي المهم انتي هتلبسي اي؟
يارا:مش عارفه هحاول الاقي حاجه ألبسها.
حياة:طب يلا بقي انا هروح علشان الحق اشوف هلبس اي واعرف ماما واسيل.
يارا: طيب سلام.
حياة روحت البيت وقالت لمامتها وهي لما عرفت أن الحفله لاخت رعد وافقت وحست كده أن ممكن يكون بعد كده في حاجه بينهم من نظرات رعد ليها لما كان عندهم وإصرار حياة انها تروح الحفله وحياة راحت استأذنت باباها وبرضه لما عرف انها تبع رعد وافق وحياة دخلت اوضتها وقالت لأختها وهي كانت طايره من الفرحه وقعدو يطلعوا هدوم ويقيسوا هدوم لغاية لما حياة لقت فستان اسيل كانت مفصلاه كان لونه احمر دم غزال وحزام رفيع عند الوسط وكان طويل شويه من وري وطرحه بيج فاتح ولبست هيلز.
أما اسيل فلبست فستان موڤ كان شكله وهمي وحزام مزخرف رفيع عند الخصر وطرحه بيج فاتح وصندل ارضي كانت جميله جدا وقفت حياة واسيل قدام المرايا وهما الاتنين ابتسموا لبعض وخرجوا راحوا عند بيت يارا.
حياة:نادي عليها يا اسيل علشان مش نتأخر.
اسيل:يا يااااااااااااااااارا.
يارا من البلكونه:حاضر نازله.
نزلت يارا وكانت لابسه فستان اسود ضيق عند الوسط ونازل واسع وطرحه بيج فاتح (الطرحه البيج بتليق علي كله 😂😂)
وصندل كعب قصير وكانت شكلها يجنن نزلت يارا وكلهم قعدوا يبوصوا لبعض شوية
اسيل:هو مزز اوي كده ولا بيتهايقلي؟
يارا: لا ياسطا احنا مزز ومزز اوي كمان.
حياة بضحك:طب يلا يا مزز علشان مش نتأخر.
في ڤيلا السيوفي كانت الحفله جاهزه علي اجمل وجه وكان في رجال أعمال كتير وطبعا جاسر وعلي وكريم ورضوي كانو موجودين ورضوي كانت فوق مع ملك وكانت الحفله تليق بعيد ميلاد اخت رجل الأعمال رعد السيوفي.
فوق في اوضة ملك كانت لابسه فستان ازرق كب طويل ولما شعرها لفوق مع لمسات ميكب خفيفه جدا جعلتها حورية بحر ونور كانت معاها من بدري وبتجهز معاها كانت لابسه فستان ابيض طويل وشفاف وفارده شعرها كانت شبه الملايكه ورعد طلب من رضوي تيجي وتجهز مع ملك وكانت لابسه بلوزه بيضه وجيب طويييله شيفون لونها اسود في بني وشعرها كان طول شويه وكان شكلها كيوت اوي فضلوا يجهزوا ورايحين جايين ويحطوا ميكب لبعض وبعدين في حد قعد يطبل علي الباب وكان عمر دخل عمر وكان لابس بدله كاجوال كان لابس بنطلون جينز علي تيشرت ابيض وجاكت بدله لونه ازرق وشعره وكان رافع شعره لفوق كان شكله وسيم جدا قعد يطبل علي الباب لغاية لما نور فتحتله وهو مستمر وبيطبل.
عمر بمرح:وانزل يا جميل في الساحه واتمختر كده براحه ده انا قد عنيك مع اني نظرة عينيك دباحه.
نور راحت وقفت جنبه:مالك طالع في العالي.
رضوي:يا مالي قلبي ليالي.
عمر ليهم هما التلاته:امرك يا جميل منك لها لها لها اي الحلاوه دي يا بت انتي وهي لا احنا شكلنا كده هنقلبها مدبحه النهارده.
رضوي باستغراب:اي ده ليه؟؟
عمر:علشان لو اي حد قرر يقرب منكوا انتو التلاته هانقطعوا.
رعد:ومين سمعك انا حاسس اني هاتخانق كتير النهارده.
رعد كان واقف ساند علي الباب ومربع ايده كان شكله وسيم جدا كان لابس بدله كلاسيكية قميص ابيض وجاكيت رصاصي وبنطلون اسود وريحة البرفان بتاعته كانت سابقاه وكان شكله بجد وسيم دخل رعد ووقف قدام ملك ومسكها من دراعتها بحنيه كبرتي يا بت بقي عندك 26 سنه مش عارف العشرين سنه دول جم منين ولا عدو ازاي.
عمر راح وقف جنبهم:عدو علينا بحلوهم بمرهم بس احنا كنا مع بعض واتغلبنا علي اي ظروف.
ملك:وطول ما احنا مع بعض هنتغلب علي اي ظروف.
رعد:وطول ما انا عايش علي وش الدنيا عمركم ما تخافوا من حاجه ابدا.
حضنوا بعض بحب كبير رضوي ونور كانو لسه واقفين رضوي كانت واقفه باصلهم مش بتحقد عليهم بس حاسه بالحرمان لأنها في يوم من الايام كان عندها عيله بس………
نور:طب انا اسفه اني هقطع عليكو اللحظه الجميله دي بس مش يلا ننزل بقي الناس مستنيه تحت.
رعد:ماشي يا ست نور يلا.
رعد انكج ملك ونزلوا وعمر انكج نور ويارا ونزلوا العيون كانت عليهم والناس كانت بترحب بيهم كتير وكانوا بيسلموا علي الناس والضيوف وفجأة في دخول خلا الكل يسكت والصمت الي بقي مسيطر علي الجو وده كان دخول حياة واسيل ويارا.
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية العشق والقدر)
