رواية العشق والقدر الفصل الرابع عشر 14 بقلم ليلى هشام
رواية العشق والقدر الجزء الرابع عشر
رواية العشق والقدر البارت الرابع عشر
رواية العشق والقدر الحلقة الرابعة عشر
رضوي:مش يمكن لو عرفت سري تسيبني.
جاسر بحب:عمري ما اسيبك ابدا.
رضوي:جاسر انا انا انا عاوزه اقولك علي حاجه.
جاسر:قولي يا رضوي.
رضوي:جاسر انا ارمله.
جاسر: ارمله😳 يعني اي ارمله انتي مكتوب في السي ڤي بتاعك أن انتي انسه وانك….. ارمله ارمله ازاي.
رضوي:يا جاسر اسمعني انا
في اللحظه دي دخل رعد رضوي بصت في الأرض وطلعت بره المكتب وجاسر راح وقف وسند أيده علي الشباك ودماغه فيها مية سؤال، رعد دخل وقفل الباب وراح قعد علي الكرسي الي جنب المكتب وبص لجاسر وعرف انو هو ورضوي اتكلم مع بعض رعد فضل ساكت لحد ما جاسر يهدي ويتكلم.
عند ملك كانت في المكتب وبتشتغل وقررت تمحي احمد من دماغها أو تحاول تنساه وكريم ونور قاعدين وكل واحد بيفكر في حبيبه كريم بيفكر في ملك الي مش حاسه بيه وبحبه ونور بتفكر في كريم الي مش حاسس بيها ولا بحبها ليه وكأن الواحد علشان يحب لازم يتجرح في وفي وسط الهدوء وهما قاعدين دخل احمد ووقف عند الباب بص لقي ملك قاعده علي مكتبها وبصه للكتاب والورق الي قدامها لكنها كانت سرحانه بص علي نور وكريم لقاهم كل واحد شغال بس مش مركزين في اي حاجه ولا حسو بوجود احمد نهائي، دخل احمد ووقف قدام مكتب ملك بس هي محستش بوجوده خالص ولا حتي اتحركت
احمد بصوت عالي:اااااااي انتو المكتب لو المكتب اتسرق مش هتحسو.
ملك باستغراب:احمد… أنته اي الي جابك هنا
جه كريم ونور عليهم نور وقفت جنب ملك كريم:مين حضرتك؟
احمد مد أيده وسلم عليه:احمد العمري.
كريم:اهلا وسهلا كريم محمود.
احمد:اهلا بيك.
كريم:معلش دخلت وانا بنشتغل كنا مركزين شويه ماخدناش بالنا.
احمد:لا عادي ولا يهمك انا برضو دخلت فجاه منغير مأستاذن.
كريم:لا عادي مكانك تيجي وقت ماتحب حضرتك جاي في شغل.
في وسط ماهما بيتكلموا كان نور وملك واقفين بيتهامسوا.
نور:أي ده هو المز ده احمد العمري الي كنتي بتحكيلي عنو.
ملك بغيره:ما تحترمي نفسك اي مز دي.
نور:انتي بتغيري يا بطه.
ملك:ولا بغير ولا حاجه احنا اصلا مفيش حاجه بينها علشان اغير أو مغيرش.
نور:اوباااا ده واضح أن الموضوع كبير والمز مزعلك طب بقولك اي انا هجيلك النهارده نقعد قعده من بتوع زمان.
ملك:ماشي.
نور لاحمد:اتفضل حضرتك واقف ليه تشرب اي.
احمد:متشكر انا مش عاوز اشرب حاجه انا كان عندي معاد مع ملك هنروح المطبعه علشان نشوف الكتاب الجديد بتاعي يلا يا ملك ولا اي.
ملك:ثانيه واحده هجيب شنتطي.
احمد:تمام هستناكي في العربيه فرصه سعيده يا استاذ كريم.
كريم:انا اسعد وياريت بلاش استاذ دي.
احمد:ماشي يا كريم فرصه سعيده يا انسه….
نور:نور و انا اسعد.
نزل احمد وملك كانت بتلم حاجتها.
نور:بقولك اي خليكي تقيله كده واكيد هيفهم أن انتي متدايقه منه وهيحاول يجر معاكي ناعم وكده خليكي بارده علي قد ما تقدري.
ملك كانت بتسمعها وتهز دمعها في كل كلمه.
ملك:طيب ماشي انا نازله بقي
نور:هجيلك باليل ها.
نزلت ملك لقت احمد واقف ساند علي العربيه وماسك موبيله واول ما هي جت وقف وفتح باب العربيه.
ملك: ملوش لزوم انا هامشي وراك بعربيتي.
احمد:مش هنروح بعربيتين نخلص مشوارنا واجيبك عند عربيتك تاني.
ملك ركبت وهو لف وراح ركب مكانه ومشي.
عند رعد كان قاعد جنب المكتب زي ما هو وجاسر جه وقعد قدامه.
رعد:ها هديت ولا لسه.
جاسر بصله ومردش.
رعد:احكيلي يا بني مالك في أي.
جاسر:طلعت ارمله.
رعد بدهشة:ارمله….. رضوي.
جاسر:اعترفتلها بحبي وقالت إن هي كمان بتحبني طول الوقت كنت حاسس انها غامضه بتخلي وتداري ملهاش صحاب مبتتكلمش مع حد بترفض تقرب من حد وعلي يدك طلعت عيني لما قالتلي بحبك وبعدها قالتلي انها ارمله يمكن مكانتش عاوزه تقربلي علشان كده مش عارف وهتجنن.
رعد:طب وانته متدايق ليه؟
جاسر:نعم أنته بتسألني انا متدايق ليه.
رعد:ايوه بسألك أنته فارق معاك ارمله من انسه مدام أنته بتحبها.
جاسر: ايوه بس بس هي كدبت عليا وخبت انها ارمله مش انسه زي ماكنا فاكرين حتي أنته نفسك انصدمت.
رعد بهدوء مستفز:منكرش أن انا انصدمت بس مش انا الي هتجوزها وهعيش معاها علشان اتدايق انا حايلا مديرها في الشغل بس انا عاوز أسألك سؤال هتكمل معاها بعد ما عرفت انها ارمله.
جاسر:أنته شايف اي؟
رعد وهو بيقوم:شايف أن انته لو بتحبها مش هيفرق معاك انسه من ارمله.
رعد راح قعد علي مكتبه وابتدي يشتغل جاسر كان عمال يلف جوالين نفسه وبعدين خرج من مكتب رعد ونزل بره الشركه ركب عربيته ومشي.
رضوي كانت قاعده علي مكتبها وشافت جاسر وهو نازل حست انها عاوزه تعيط قامت جريت علي الحمام دخلت وقعدت تعيط وتفتكر الي حصلها وموت ابوها وامها وحست أن جاسر مش هيتقبل فكرة انها ارمله.
عند احمد وملك كان ماشي بالعربيه وملك كانت ساكته ومبتتكلمش خالص وكانت سرحانه ملك بصت فجاه للطريق
ملك:اي ده ده مش طريق المطبعه
احمد:اي ده تصدقي ماخدش بالي كنت مركز معاكي ومع كلامك الكتير حقيقي يا ملك انتي رغايه اوي.
ملك:احمد انا مش بهزر احنا رايحين فين.
احمد وهو بيغمز:هخطفك😉
ملك:احمد بجد احنا رايحين فين.
وقف احمد قدام كافيه كبير علي النيل.
احمد:كنت عاوز اتكلم معاكي شويه قولت نروح مكان هادي ونقعد نتكلم شويه متخافيش مش هاخد من وقتك كتير
يلا
ملك بتردد:يلا.
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية العشق والقدر)
