رواية العشق والقدر الفصل التاسع والعشرون 29 بقلم ليلى هشام
رواية العشق والقدر الجزء التاسع والعشرون
رواية العشق والقدر البارت التاسع والعشرون
رواية العشق والقدر الحلقة التاسعة والعشرون
في الشركه يارا كانت بتشتغل وخلصت الي مطلوب منها وراحت سلمته لي علي
يارا:مستر علي انا خلصت مراجعة الحسابات الي حضرتك ادتهالي.
علي مسك الورق بص فيه بصه سريعه وبعدين بصلها وابتسم.
علي:تمام يا يارا انتي كده خلصتي المطلوب منك النهارده و تقدري تروحي
كان بودي اقولك هوصلك بس للاسف انا لسه مخلصتش الي مطلوب مني.
يارا:لا خالص مفيش حاجه انا هروح لوحدي عادي(وكملت بخجل)كفايه وصلتني امبارح.
ابتسم علي علي خجلها وأكمل بنظرات كلها حب:خلي بالك من نفسك.
يارا بخجل:وانته كمان يلا سلام بقي.
واختفت يارا بسرعة البرق لأنها كانت مكسوفه جدا علي انفلتت منه ضحكه علي شكلها وهي بتجري وبعدين اخد الورق وراح يكمل شغله.
في بيت فريد الالفي كانت اسيل واقفه عند باب الاوضه بتحاول تسمع هما بيقولوا اي وحياة واقفه جنبها ومتوتره.
اسيل بضيق:هما بيتوش وشو ولا اي انا مش سامعه حاجه.
حياة:ولما انتي مش سامعه حاجه جبتي الكلام ده منين يا مصيبه انتي.
اسيل:يا بنتي انا سمعت بابا بيقول اتفضل يا ابني قومت اشوف مين لقيته رعد وكان بيقول لبابا انا طالب ايد الانسه حياة هو هجيب الكلام ده منين يعني من مخي.
حياة:مش عارفه انا متوتره اوي خايفه بابا يرفض.
اسيل:وابوكي هيرفض ليه واحد زي رعد راجل غني وعنده بدل الشركه مجموعه شركات وڤيلا ده غير أنه مثقف ومتعلم هيرفضه ليه.
حياة بتوتر:يارب يا اسيل يارب.
في الصالون كان رعد وفريد قاعدين.
فريد:والله يابني مش عارف اقولك اي بس اسمحلي انته ليه عاوز تتجوز حياة ليه ماخترتش واحده من بنات رجال الأعمال اشمعني بنتي؟
رعد:مش هلف وادور عليك حبيتها حبيت طيبتها وخجلها ورقتها حبيت عيونها الهاديه الي بتسحرك وتواديك في دنيا غير الدنيا من اول مره شوفتها فيها شوفت في عنيها كمية براءة وحنيه مشوفتهاش من يوم ما اني ماتت الله يرحمها بتسألني ليه ماتجوزتش واحده من بنت رجال الأعمال الي من وسطي فكرت علي فكره بس كلهم طلعوا فيك منظر جميل من بره ومن جوه فراغ مش بيهتموا الا باللباس والموضه والميكب ودكاترة التجميل حتي جمالهم بيبقي كله فيك إنما حياة طبيعيه علي حقيقتها مش بتتجمل ولا بتتظاهر انا اه سني صغير بس ليا نظره في الناس ولا راجل عمره 100سنه واقدر افرق كويس بين الحقيقي والمزيف بعد الي انا قولته ده هو الي خلاني اجيلك واقولك ان انا عاوز اتقدملك يا عمي.
فريد بص لرعد فتره وكأنه بيقيمه وبيقيم كلامه ورعد احترم سكوته وفضل ساكت لحد لما يحسم قراره ويسمع رأيه في موافقة أو رفض عريس بنته.
يارا كانت خارجه من الشركه وفضلت ماشيه شويه لغاية لما تطلع علي شارع رئيسي تركب منه تاكسي لان الشركه بعيده عن الشارع العمومي وهي لسه ماشيه فجأه طلع رامي ومعاه اتنين زي مايكونه مستنينها واتلفوا حواليها علشان يمنعوها من الهروب وكانوا بيبوصلوها بطريقه شهوانيه.
يارا:اي ده في أي انتوا عاوزين مني اي؟
رامي بوقاحه:عاوزين نتسلي شويه تعالي هانقضيلنا يومين زي الفل وهندلعك علي الاخر.
يارا بغضب:اخرس يا حيوان يا قذر
يارا رفعت أيدها وضربت رامي بالقلم
رامي حط أيده علي وشه بدهشه وغضب:انتي بتضربيني انا يا بنت الك*ب وحياة امي لاوريكي.
رامي جه يقرب منها ضربته تحت الحزام كان في واحد وراها كتفها بس هي رجعت راسها لورا في حركه سريعه قامت خبتطه في أنفه جت تجري التالت مسك أيدها قامت ضربته زي ما ضربت رامي وطلعت تجري بس من سوء حظها لقت عمره قيد الانشاء جريت تستخبي فيها منهم وهما قاموا وجريوا وراها بس من حسن حظها عامل الأمن الي كان واقف علي باب الشركه شاف كل الي حصل من بعيد خاف يروح يلحقها يتلموا عليه ويضربوه دخل من باب الشركه شاف علي و جاسر واقفين مع بعض راح جري عليهم.
الأمن:الحق يا جاسر باشا.
جاسر:في أي يا حسن مالك.
علي:مالك يا حسن اي الي حصل.
حسن:الانسه يارا.
علي بقلق:مالها يارا.
حسن:شوفت في تلاته اتلموا حواليها وتقريبا كده عاوزين يخطفوها جريت منهم ودخلت العماره الي بتتبني.
علي طلع يجري بأقصي سرعه وراح ناحية العماره دي وجاسر بيجري وراه. يارا كانت جوه المبني سمعت صوتهم بيقرب جريت استخبت وراه عمود التلاته دخلوا المكان الي هيا فيه وقعدوا يدوروا عليها ومش لاقوها كانوا لسه هايمشوا يارا أيدها خبطت في قوالب طوب احمر وقعوا رامي والي معاه راحوا لمصدر الصوت ولاقوها حاولت تجري منهم بس هما التلاته اتكاترو عليها يارا صرخت بأعلى صوت.
يارا:الحقووووني حد يلحقنيييي يا علي.
علي وصل وسمع صوتها جري عليها.
علي:يارا.
رامي شافه قام مطلع مطوه من جيبه وراح عليه حاول يضربه بس علي تفاداها بمهاره ومسك رامي وانهال عليه باللكمات وجاسر كان وراه وضرب الاتنين الي كانوا معاه لغاية لما وقعوا هما التلاته علي الارض وكانوا مش قادرين حتي يتحركوا.
جاسر راح لي علي:علي خد يارا وصلها واتطمن عليها وانا هتصرف مع الكلا*ب دول.
اماء علي له وراح علي يارا كانت في حالة صدمه مش قادره تستوعب الي حصل علي راحلها ونزل بمستواها.
علي:يارا… يارا قومي معايا.
يارا مش بصاله ولسه في حالة صدمه علي حط أيده ورا ضهرها ومسكها بإحكام وقومها واخد شنططها من علي الارض ونزل وفضلوا ماشيين ويارا زي ما هي في حالة صدمه وزهول من الي حصل لغاية لما وصل عند عربيته في جراج الشركه وركبها ومشي.
فريد ورعد قاعدين مع بعض وفريد نده لمني مراته.
مني:ايوه يا ابو حياة… ازيك يا رعد يا ابني عامل اي.
رعد:ازي حضرتك يا مدام مني.
فريد:لو سمحتي يا ام حياة ناديلي حياة
مني:حاضر.
مني دخلت الاوضة لقت حياة بتلف طرحتها واسيل معاها.
مني باستغراب:كنت لسه هقولك ابوكي عاوزك اكيد انتي يا سوسه يا الي بتقفي تلمعي أكر انا مش قولتلك مية مره يا بت انتي متقفيش تتصنتي علي الباب.
اسيل:خلاص بقي يا ماما مش وقته يلا يا حياة اطلعي.
حياة غمضت عينها واخدت نفس وطلعته براحه وخرجت حياة كانت لابسه شال وليه أكمام وكان لونه احمر وعليه بنطلون اسود والطرحه وكانت لابسه لاكلوك كان شكلها هادي وجميل.
حياة دخلت عليهم وباصه في الارض.
حياة بصوت هادئ:السلام عليكم.
فريد ورعد:عليكم من السلام ورحمة الله وبركاته.
رعد كان باصص في الارض ومبصلهاش وحياة استغربت.
حياة:حضرتك كنت عاوزني يا بابا.
فريد:ايوه يا حياة الاستاذ رعد طلب ايدك مني وانا رفضت لأسباب تخصني فانتي اي رأيك.
حياة انصدمت من الي سمعته واستغربت رفض باباها ودموعها نزلت وكانت مش قادره تتكلم جاهدت علشان صوتها يطلع رعد بص لدموعها وكأن دموعها دي بتنزل نار علي قلبه بس استني يسمع ردها.
حياة بدموع:الي حضرتك تشوفه انا موافقه عليه يابابا.
فريد:تمام يا حبيبتي روحي.
رعد مسك أيده:اي يا عمي
فريد:خدي يا حياة تعالي انا بهزر معاكي رعد شاب محترم وبيحبك وانا موافق.
اسيل طلعت بتهليل:هيييييييي فاليعيش بابا اي يا حج نشفت دمنا مبروك يا توتو.
حياة اتفاجأت من مقلب باباها ورعد ضحكت والحزن الي جواها اتحول فجأه لفرح مني طلعت وحضنت حياة وفريد حضن رعد.
فريد بمرح:شوفت كمية الناس الي بتلمع أكر في البيت ده.
اسيل:بابا ممكن ازغرط.
فريد ضحك:زغرطي يا مجنونه.
اسيل:لووووووووووووووووووولي.
فريد:انشاء الله يا رعد يا بني تجيب اخواتك وتشرفنا بكره علشان نقرا الفاتحه.
رعد:لو سمحت يا عمي انا كنت عاوز كتب كتاب علي طول ومش عاوز اعمل خطوبه.
فريد:ربك يسهلها لما تيجي بكره نبقي نتفق.
رعد:طب استأذن انا.
حياة راحت وصلته للباب رعد بصلها بحب:مبروك…
حياة:الله يبارك فيك.تبع
رعد:هجيلكم بكره.
حياة:هستناك
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية العشق والقدر)
