رواية العشق فتنه الفصل الخامس 5 بقلم زهرة الربيع
رواية العشق فتنه الجزء الخامس
رواية العشق فتنه البارت الخامس
رواية العشق فتنه الحلقة الخامسة
زعلانه على الكلب بتاعها لساتها رايداه بس انا عظيم بيمين ما هسكت المره دي مش هسكت يا جدي ولسه هيطلع رتيبه قالت بهدوء شديد هي مرايداش غيرك يا هارون
هارون بص لها باستغراب ورتيبه كملت وقالت دي بتي اللي انا ربيتها وسرها معاي والبت عشقاك وريداك من قبل ما انت تطلبها للجواز هيه كانت هتموت على الخطوه دي منك
هارون قعد قصادها بلهفه وقال… انتي بتقولي ايه يا خاله رتيبه اوعي تكوني بتقولي كده علشان
قاطعته وقالت..وميته خالتك رتيبه بتكذب عمري كدبت عليكم واصل اللي حصل في الحكايه دي كله امر ربنا كل واحد فهم الثاني غلط صابر كان عايز البت وقلها وتحايل عليها كتير …وقالتلي اكثر من مره كان ممكن اتجوزه لو مكانش هارون في قلبي كانت خايفه من اليوم اللي ممكن تاجي فيه وتتجوز عروسه غيرها كانت طايره يوم فرحها بجوازها منك …فتنه موفقتش عليك علشان انت ولد عمها زي ما بتقول وانت اولى وافقت علشان محبتش غيرك
هارون كان بيبصلها بزهول وقال امال زعلانه عليه كل ده ليه امبارح كانت…بس ما قدرش يكمل ويقول انها كانت عايزه تخنقه
رتيبه قالت… علشان انت مفاهمهاش البت في حياتها ما شافت حد بيموت قدامها تقوم انت يا ناصح فجاه تقتل واحد بين ايديها وكل ذنبه انه كان عايزها انت اتسجنت وما شوفتش اللي حصل لها تعبت قد ايه يا عيني وهيه تقوم من النوم مفزوعه ..كل يوم كابوس و ما بتقولش غير انها هيه اللي قتلته…لو كانت سمعتله من الاول ووافقت عليه مكانش مات
و اتحولت انت قدامها فجاه مش جدع زين كل البلد بتحبه لواحد قتال قتله ورد سجون لو عايز تعذرها ممكن يكون لسه فيه حبل وصال لسه ما اتقطعش ولو عايز تسمع لكلامها اللي بتقوله في لحظه غضب منك براحتك يا ولدي
هارون وقف بفرحه وباس على دماغها وقال وساكته ليه يا ست الناس
بقلم..زهرة الربيع
رتيبه ضحكت وقالت ده سر بتي ومش سهل عليا اكشفهولك كده بس لما الموضوع يوصل لهنا لازم اتكلم
هارون جري بسرعه على اوضه فتنه وكانت في الاوضه قاعده بتوتر شديد وخايفه من رده فعله …
هارون دخل بسرعه وهيه وقفت بخوف وقالت ولا تقربلي كده ولا كده انا انا حره اعمل اللي انا عايزاه ولو قربتلي والله ل…
بس قطعت كلامها و اتفاجاه لما قرب عليها بسرعه وحض،،نها بكل قوته وبقى يحض،،نها بقوه وحنيه شديده
فتنه استغربت جدا ودابت جدا جدا بحضنه الجميل قوي الي كله احتواء ودفا
غمضت عنيها وفضلت واقفه باستسلام رهيب وهارون قال …انا بعشقك يا بت بحبك قوي رايدك ومش رايد غيرك من الدنيا دي كلها بحبك اكتر ما انتي بتحبيني 100 مره
فتنه بعدت عنه باستغراب وقالت مين قال لك اني بحبك انا مش بحبك واصل
هارون حضن خددها بايديه وقال بس انا بحبك يا ست البنات بحبك قوي
فتنه كانت عايزه تقوله انها هي كمان بتحبه ومش عايزه غيره ..لكن كرامتها كانت منعاها جدا بعد اللي عمله فيها امبارح وبعد كل اللي حصل من البدايه ..قالت ..وانا عايزه اطلق ما عايزاش غير اني اطلق يا هارون
هارون بص لعيونها و قال..وانا مش هسيبك لو اخر يوم في عمري..خصوصا بعد ما عرفت انك بتحبيني كيف ما بحبك…خلاص با فتنه ورقك اتكشف ارفعي الرايه
فتنه اتفاجأت وقالت بسرعه .خاله رتيبه بتضحك عليك متصدقهاش
ضحك وقال..ومين قلك ان خاله رتيبه هيه الي قالتلي
فتنه قالت من غير تفكير علشان انا مقولتش غير ليها يا ناصح و
بس قطعت جملتها بزهول من غبائها وهارون ضحك بقوه وقال..ده انا ناصح قوي فعلا..وقمر قوي وقرب اكتر وقال..ومز قوي قوي ..والتهم شفا،،يفها بقوه وبدون اي مقدمات مستسلمه جدا بين ايديه مبقتش قادره تمنعه اكتر ودابت معاه في لحظه جميله جدا نسيت فيها الدنيا
هارون كان فيه قمة السعاده بتجاوبها معاه وشالها وراح بيها ناحيه السرير وقال انا بعشقك يا فتنه..الحرب هتقوم دلوك يا بت..و قرب منها بس بحنيه وسعاده شديده
فتنه ضحكت لما قال كده وممنعتهوش ابدا بالعكس كانت مبسوطه جدا ومتجاوبه معاه …بس في الوقت ده الباب خبط بشده
هارون اتفزع وقال هيه الحرب قامت جد ولا ايه ده شكلو بوليس
فتنه بصتلو بغيظ وقالت… طبعا انت متعود على كبسه البوليس على الخمارات والحتت المش،،بوهه ..متقلقش انا تقريبا مرتك قوم شوف مين على الباب
هارون ضحك وقال…هو حظ هباب وبس ..و راح يفتح الباب وكان جدو وقال.. بقول لك ايه اخو المرحوم صابر تحت عايز يقابلك
هارون بصلو باستغراب وقال ده هيعوز مني ايه
بدران قال طالب يشوفك وبيقول عايز ياصتلح معاك
هارون استغرب وقال…غريبه ما احنا حاولنا قبل سابق ومرضيوش
بدران قال.. على العموم هو ما فيش منه قلق احنا فتشناه وهو داخل واخذنا منه سلاحه
هارون قال بغضب..وافرض معاه هيقدر يعمل ايه يعني في داري.. قله نازل حالا اهي عيله مستقصداني والسلام
بدران قال..مستقصداك ازاي يعني
هارون قال .. لا ما يهمكش يا جدي مش مهم جاي وراك
بدران نزل وهارون بص لفتنه وقال وهدان بره اخو صابر
فتنه بصتله بزهول وقالت ده عايز ايه والنبي ما تنزل ليكون ناوي على شر
هارون ابتسم وقال…لا ما تقلقيش فتشوه مش معاها غير سلاحه وتاخذ منه.. انا هنزل اشوفه..و قرب منها واتنهد وقال …لسه مس مكتوبلي ابدأ الحرب
ضحكه وهزت راسها بياس
هارون نزل وبص لوهدان ومد ايده وقال يا اهلا بيك يا وهدان
وهدان قال يا اهلا بيك يا ولد العم و مد ايده سلم عليه وقعد معاه شويه وبقم يتكلمو واتفقو على الصلح
بس وهدان كان ناوي على الغدر نزل ايده من تحت الطاوله سحب سكين صغيره من الشراب كان مخبيها لانه متاكده انهم هيفتشوه وياخدو السلاح
وقف على اساس بيحض،،ن هارون وضربوا بقوه بيها في ظهره وقال…ابقى سلملي على صابر اخوي يا هارون بيه
الكل اتصدم والغفر جريوا على وهدان اخذوه بسرعه وفتنه كانت نازله على السلم لطمت بكل قوتها لما شافته بيطع،،نوا وصرخت جامد وجريت على هارون وهي هتتجنن
هارون كان وقع على الارض وهو مش قادر ياخد نفسه من الضربه القويه اللي في ظهره
فتنه جريت عليه وجدو سحب السكين من ضهره بسرعه وربط الجرح وقال ..هاتو الحكيم..بسررررررعه
فتنه حطت راسه على رجلها وهي بتمسح له عرقه وبتبكي بشده وبتقول …والنبي بسرعه يا جدي قولهم بسرعه
وبقت تحضن دماغه ليها وبتقول… يا حبيب فتنه يا قلبي… يا قلبي يا هارون رد عليا يا حبيبي ما تصدقش اي حاجه من اللي قولتهالك انا مقدرش اعيش من غيرك ولا اعرف احب غيرك يا حبيبي وانبي تقوملي يا هارون
هارون مسح دموعها وبصلها بعشق وابتسامه وقال بالم انا كفايه عليا قوي كده والي سمعته منك دلوك سعاده عمر بحاله سامحيني يا حبيبتي ولو جرالي حاجه..
بس قبل ما يكملها حضنته بقوه وقالت…لا .لا انت هتفضل معايا يا قلبي هتفصل معايا..ربنا كبير يا هارون
في الوقت ده وصل الدكتور والغفر اخذوا هارون على اوضته وفتنه طلعت معاه وهيه ماسكه ايده وبرغم خوفها الى انها اتغلبت عليه ووقفت مع الدكتور وهو بيخيط له الجرح وكانت حاضنه هارون ليها بقوه وهو بيتالم في حضنها لحد ما الدكتور خلص خياطه وعقم الجرح
بقلم..زهرة الربيع
هارون فضل اليوم كله تعبان وفي اثر البنج وكل شويه ينام وكانت فتنه جنبه وتقريبا طول اليوم في حض،،نها بالليل فتح عيونه لقى نفسه حاطط راسه على رجلها وهي متكأه على السرير ونايمه
هارون ابتسم وقال بهمس فتنه..
فتحت عينيها بلهفه وبصتلو وقالت ..قومت يا حبيبي ..انت كويس حاسس بايه
هارون ابتسم وقال..حاسس قلبي تعبان قوي من البنج حرام دلوك تقوليلي يا قلبي ولا يا عيوني مهستحملش
فتنه اتنهدت بارتاح لما قال كده وضربته في كتفه بخفه وقالت يا اخي قلعت قلبي عليك كنت هموت
هارون قال بسرعه…بعيد الشر على قلبك وعيونك بقول ايه لما كنا تحت واحنا مستنيين الدكتور مش عارف كنت بهلوس سمعت كلام زي السكر مش عارف اتقال صوح ولابيتهيألي
فتنه نزلت وشها بكسوف وقالت.. كلام ايه يعني
هارون ابتسم وقال كلام زي اللي بيرد الروح ده زي ما تكوني قولتيلي يا حبيبي ويا قلبي
فتنه ابتسمت بكسوفه وقالت…ده من اثر الضربه بس
هارون ضحك بخفه والم وقال.. الحاجات دي وداني ما تكدبش فيها واصل
فتنه بصت لعيونه وقالت.. انا..احم انا مقولتش غير الا حساه انت فعلا قلبي ومن زمان ياض
هارون ضحك بقوه وقال ياض.. والله واتساوت الروس ..بس عافه انا حاسس اننا زي ما نكون منظورين او حد عامل لنا عامل انا اقوم من حضنك عشان اتضرب بالسكين
فتنه حضنتو ومشيت ايدها على شعره وقالت بس بعد السكين رجعت تاني لحضني
هارون قال..اصلا مليش مكان تاني غيره ولا عايز يبقالي.. معايزش غيرك من الدنيا… اول ما ربنا يكتب لي الشفاء هنطلع على اي بلد سياحي.ونقضي شهر عسل كيف ناس البندر هاخليكي مبسوطه وبس
فتنه قالت بابتسامه ..طالما جمبك كل الاماكن بتبقى حلوه
هارون حط ايده على راسه وقال …يا بنت بقول لك بدوخ ..جايبه الحنيه دي منين النهارده
فتنه حضنت خدوده بتديها وقالت .. ما اقدرش على فراقك انت بالذات يا حبيبي انا بموت من ساعة اللي حصل الا انت يا هارون.. انا ممكن اقبل تسيبني وتبعد عني بس يفضل حسك في الدنيا يا ولد عمي انت سندي اخوي وابوي كل ما ليا من يوم ما اتخلقت اياك تعملها تاني وتخوفني عليك كده
هارون مسح دموعها باديه وقعد بالعافيه من الألم وحط جبينه على جبينها وهو حاطط ايديه على خدودها
فتنه قربت من شفايفه وباسته برقه شديده وقالت…انا بعشقك يا ولد عمي..وطول عمري معيزاش غيرك
هارون حس بسعاده الكون في قلبو وبلع ريقه بالعافيه وقال..يخربيت الي خلفوكي نشفتي ريقى
فتنه ضحكت من قلبها وهارون ابتسم وقال بهمس قدام شفايفها ..انا بعد الكلام ده معايزش حاجه ثانيه من الدنيا …ولا اقولك لسه عايز عايز منها كتير عايزه اعيش معاكي عايز اتهنى بيكي وعايز اخلف منك عيال يشبهوكي مياخدوش مني غير الاسم
فتنه ابتسمت بكسوف وقالت.. انت شد حيلك وخف كده ونشوف موضوع العيال ده..قريب
هارون ضحك بالعافيه من الالم وشدها لحضنه وقال هاخف باذن الله هخف خليكي في حضني وانا هبقى كيف الحصان انتي دوايا الوحيد يا فتنه ..القلب فتنه والروح فتنه والعشق فتنه ❤🥰
كنتم مع اسكربت🌹 العشق فتنه🌹 بقلم زهرة الربيع اتمنى تكون عجبتكم زهرتكم تحييكم ودمتم في امان الله مع من تحبون❤
لقراءة الرواية كاملة اضغط على : (رواية العشق فتنه)
