رواية العشق الممنوع الفصل السادس عشر 16 بقلم مارلي إيهاب
رواية العشق الممنوع الجزء السادس عشر
رواية العشق الممنوع البارت السادس عشر
رواية العشق الممنوع الحلقة السادسة عشر
في البيت عند كاميليا مسحت دموعها وقامت تفتح الباب
فتحت وكان مهاب ومعه بوكيه ورد
كاميليا بارتباك…… مهاب اتفضل
مهاب دخل وحط البوكية علي التربيزة وقال بتوتر… بعتذر عن اللي حصل النهارده بس هي اللي عملت كدة و فاجأتني باللي عملته لو كنتي اتاخرتي دقيقة واحدة كان زمانها مش موجودة في الشركه
كاميليا بتحاول تبان هادية….دي حياتك وانت حر فيها يا مهاب وتعمل كل اللي انت عايزة وانا غلطانة كان لازم اخبط علي الباب الاول بس انا ملقتش حد بره قولت يمكن السكرتيرة معاك فدخلت عادي متوقعتش ان عميل من شركة تانية
مهاب بهدوء… انا مش عايزة تاخدي فكرة مش. كويسة عني
كاميليا بدموع…لا اكيد مش هاخد فكرة وحشة عنك ومتخفش مش هقول لشاهندا علي حاجه متقلقش ودي حياتك وانت حر فيها
مهاب قرب بهدوء….. ولو قولتلك اني بحبك انتي واني مش عايزك تاخدي الفكرة دي عني مش علشان خايف تقولي لامي ولا لابويا لا علشان بحبك يا كاميليا
كاميليا بصدمة شديد.
.،.،..،.،.،.،.،.،.،.
في السيارة كانت تجلس حورية بجوار زياد وهي تبكي بقهر
زياد بدموع من حالتها… مالك حد زعلك مين ابن *** اللي زعلك وانا اجيب خبره انطقي حد عملك حاجه ما تردي عليا
حورية من كتر البكاء كانت لا تقدر علي الكلام كانت تسند راسها علي الشباك وتبكي بحرقة
زياد اضايق وقال… لو ما اتكلمتيش هنزل ادخل الشركة وافهم في اية
حورية بدموع… مفيش انا بس مضايقة شوية ولو سمحت روحني لاني تعبانة وعايزة انام
زياد بضيق.. لا بس في حاجه تانية يا حورية مستحيل تكوني مضايقة يكون ده شكلك لو سمحتي ردي عليا مين السبب في حالتك دي
حورية بصراخ وبكاء… مش عايزة اتكلم هتروحني ولا انزل
زياد باستسلم… حاضر
في نفس الوقت اخد بيجاد العنوان من السي في بتاعها ونزل ركب عربيته وطلع بالعربية قدم شوية و شاف حورية تجلس تبكي وبجانبها شاب نزل بسرعة وخبط علي العربية
بيجاد بقلق…. لما شاف حالتها…. مالك يا حورية وبعدين مين ده وانتي ازاي تخرجي من الشركة بالمنظر اللي خرجتي بيه ومن غير ما تستأذني
زياد بضيق… انت مين ياعم
بيجاد اضايق منه اسلوبه… انت اللي مين
زياد بضيق… انا خطيبها
بيجاد بغيرة وصدمة… نعم يا خويا
،..،،.،.،..،.،.،،.،،..،.،.،.،
عند عمار كان يقف في شباك المكتب وقلقان ونفسه يخرج من الشغل بسرعة علشان يحاول يشوف حورية باي طريقة قرب ايهم منه وقال ببرود…. طول ما انت مدلوق عليها مش هتعبرك يا عمار بيه
عمار بغل…. ملكش فيه
ايهم ببرود… بلاش تبقي غبي يا عمار واحدة زي دي اول ما تقولها انك ابن راجل مليونير ساعتها هتترمي في حضنك
عمار بغل…. ولما هي كدة وبتاعت فلوس قصدك ليه مجرتش عليك واتمسحت فيك زي الباقي وجريت عليك وسابتني
ايهم في اللحظه دي مقدرش يرد هي فعلا كل اللي كانت بتعمله كانت نظرات كره فقط وعدم قبول ليه ابدا بالعكس في اوقات وجوده في المكتب كان يحس انها لا تريد ان تره وان وجوده غير مرحب بيه نهائي رغم ان بعض البنات بيترموا تحت قدميه للقرب منه لما الان يحس انه يريد ان يفهم شخصية هذا البنت العجيبه
عمار بغل…. مردتش يعني
ايهم بضيق.. معرفش يا عمار معرفش انا مش عارف ليه البت دي بذات مش طايقة وجودي
عمار بغيظ وغل… هقولك ليه لانك انسان فاشل معتمد علي فلوس ابوك ولانك انسان وقح وعديم المشاعر مش بيهمك غير نفسك مش يهمك انك ممكن تكسر نفس حد وتكسر خاطره وتعايره بفقره لانك انسان مشفتش تربية ابدا وكل يوم ماشي مع بنت شكل وفرحان ومعلق واحدة تانية بالجواز انسان لا ناجح في عمله ولا في درسته ولا حتي يقدر ينجح ان حد يحترمه هتفضل طول عمرك فاشل واكيد اللي زيك. عمر ما حورية هتتقبل حتي انه يكون صديق
ايهم بغل… هنشوف يا عمار ولله يا عمار لا خليه تحبني وتموت فيا وتسيبك زي الك*لب وتجي ليا
وتركه وذهب ليجلس علي مكتبه وهو يخطط لوقوع حورية في حبه
اما عمار كان ينظر للفراغ بضيق وهو لم يهتم بكلامه
. . . . .. . . . . . . .. .
عند بيجاد قال بضيق…. انتي مخطوبة هو انتي متعرفيش ان لازم من الطلابة لا يكونوا مخطوبين ولا حتي متجوزين
حورية. بخوف.. لا انا مش مخطوبة ولله
بيجاد بضيق نظر لزياد اللي قال… في حكم المخطوبين في مشروع جواز بنا
بيجاد بضيق… انزلي شوفي تدريبك بدل ما تترفدي النهاردة
حورية بدموع….. بس انا محتاجة ارتاح النهاردة
بيجاد بغضب.. انا قولت اللي عندي
زياد بضيق.. انت بتتكلم كدة ليه وبعدين هي مش هتروح شركتكم تاني هي مش محتاجة للشغل
بيجاد بضيق… اولا ده اسمه تدريب يا جاهل مش شغل فاهم انا ماشي واعتبري نفسك مرفوده
حورية بسرعة والدموع في عيونها…. لا لاء خلاص هنزل اشتغل هنزل
زياد بضيق…. متسمعيش كلامه يا حورية وانتي مش محتاجة الشغل
حورية بدموع… اسفة اني جبتك المشوار علي الفاضي
ونزلت بسرعة ورا بيجاد اللي كان واقف قصاد الشركة
اما زياد خبط بايده علي الدركسيون بغضب وطلع
حورية راحت بدموع ولسه هتدخل الشركة لقت بيجاد واقف قدامها وقال بهدوء… اية اللي حصل علشان تخرجي من الشركه بالمنظر ده
حورية بدموع… مفيش حاجة انا بس تعبت فجاء
بيجاد بغل… ايهم عملك اية
حورية بصدمه. اية
بيجاد فهم انه هو…. عملك اية
حورية الدموع لم تقدر ان تسيطر عليها وبكت بحرقة وقهر وبيجاد اضايق اكتر وقال وهو يمسك ايدها بشدة…. عملك اية انطقي
حورية بقهر وبكاء وخجل….. با*سني وضربني
بيجاد بصدمة شديدة.. نهار ابوه اسود
.،.،.،.،.،.،..،،..،..،.
في النادي تجلس ريهام مع شاب اسمه اياد
اياد بخبث… اية يا رورو بقي ايهم سايبك كدة من غير خروج ولا مكالمات وهو شالك من القايمة ولا اية
ريهام بضيق.. لا طبعا هو بس بيشتغل ومشغول مش زي واحد زيك من غير شغل و عاطل هو بيحبني جدا و وافي ليا
اياد ضحك بسخرية… علي سيرة الوفاء يا ريري هانم بصي كدة الفيديو ده
ريهام فتحت الفيديو اتصدمت لما شافت ايهم مع هدي صاحبتها ويتكلمون عليها كلام بالسوء لم تقدر علي الاستحمال اكتر من ذلك
وخرجت من النادي بغضب و الدموع تلمع في عيونها وركبت بغضب لغاية ما وصلت لبيت ايهم
وطرقت علي الباب بشدة وكان اكمل يجلس هو ومهاب في البيت مع شاهندا
الخادمه فتحت ودخلت ريهام وهي تبكي بحق وحقيقي….. وقالت بغضب…. انا وايهم انتهينا وعرفوا اني مش مش عايزة اشوف وشه مرة تانية وانا نزلت بوست وعرفت كل الناس ان انا سبت ايهم بعد خيانته القذرة ليا وكلامه عليا مع صاحبتي هدي اكيد كلكم عارفينها بعد اذنكم
وخرجت بدون ما تسمع احد وكانوا الثلاثة مصدومين
اكمل بغضب….شوفتي اخر تربيتك يا ستي عجبك دلعك ليه وانا اقولك بلاش الدلع ده الواد هيبوظ تقولي اخر العنقود ابن انا هعيد تربيته يا هانم اقسم بالله يا شاهندا لا اربيه من جديد وابقي اسمع نفسك تتكلمي علشان يكون فيها طلاقك خالص يا شاهندا سامعة
شاهندا برعب ودموع… سامعة سامعة
……..،.،..،،.،.،..،.،.،،..،.،.،.،
اما مهاب طلع غرفته و اضايق جدا وهو يفتكر ما حدث في منزل كاميليا
فلاش باك
مهاب بحب.. بس انا بحبك يا كاميليا
كاميليا بدموع وصدمة…… انت بتتكلم جد يا مهاب
مهاب بحب مسك ايديها… ايوه بحبك بس مكنتش قادر اتكلم بسبب
كاميليا بخجل… فرق السن
مهاب قبل ايديها وقال… فرق السن مش مهم بنسبه ليا ابدا يا كاميليا بالعكس انا شايفك بنت شكلها في العشرين انتي حبي الاول و الاخير يا كاميليا وكنت مستني شئ يشجعني ويخليني اتكلم يا كاميليا تقبلي تتجوزيني
كاميليا بدموع….. بس انت اية ذنبك تتجوز واحده كانت متجوزه وبنتها تبقي خطيبة اخوك وقريبة من سنك يا مهاب
مهاب بحب… مش مهم اي حاجه بنسبه ليا المهم اني هبقي معاكي وجنبك بس موافقة تتجوزيني
كاميليا بدموع….موافقة
مهاب نظر لها بحب شديد وقبلها قبله حب وشوق وهي بدلته بمنتهي الشوق
.،.،،..،.،.،.،.،.،.،.،.،.،..،
هنا ينتهي البارت استنوني كمان الساعه11 هنزل بارت كمان لاني مسافرة بكرة لغاية يوم الاتنين وهبدا انزل يوم الثلاثاء بأذن الله ولو قدرت اكتب في الايام اللي مسافرة فيها هنزل
ياتري بيجاد هيعمل اية في ايهم
وهل ايهم هيعمل اية علشان يخلي حورية تحبه
وهل حب مهاب وكاميليا ينفع ولا لاء
ياتري اكمل هيعمل اية في ايهم
وهل بعد اللي حصل كاميليا ومهاب هيقدروا يكملوا مع بعض ولا لاء
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية العشق الممنوع)
