رواية كذبة الحب الفصل التاسع عشر 19 بقلم صفاء حسني

رواية كذبة الحب البارت التاسع عشر

رواية كذبة الحب الجزء التاسع عشر

رواية كذبة الحب الحلقة التاسعة عشر

مازن : ممكن أجي معاكم ؟ …
ماهى واسر يبصوا عليه وبعد دقائق من الصمت
ماهى : تعال عايزين نحلقها ونكون معها …
وفي نفس الوقت في المطار يحجز نور علي اول طيارة بعد ما تبلغه ام نور
مازن طول الوقت سرحان بيفتكر اجمل شهور كان هو وحنان مع بعض يوصل أقدم المستشفى ويجرى بسرعه وهو بيجرى يخبط في شخص ..
مازن :انا آسف اعذرني …
نور :والا يهمك …
مازن يشوفه مكنش مصدق نفسه :
مين نور مختار …
نظر له نور وهى بشبه عليه مش معقول : مازن مدحت اخبارك اي …
مازن : ياه يا رجل أنا مشتاق ليك اي الغيبة دى كنت فين …
نور : أنت نسيت ما الفضل يرجعلك …
مازن : فضل أي يا واد عيب الكلام دا
….
نور : لا بجد لولا انك شوفتلي شغل هناك وعملتلي تاشيرة السفر مكنتش خرجت من بلدى الفقر ده والا كنت عملت فلوس…
مازن : أنت لسه شغال في نفس الشركة…
نور : لا فضلت فترة وبعد ما خلصت تعليمى اتجوزت علشان اخد الجنسية واشتغلت في مكان تاني بس أنت نزلت بسرعة. أنا فاكر وقتها انت قلت ان أمك طلبت منك ترجع ….
تنهد مازن بحزن : بس للأسف ملحقيتهاش …
نور : ليه أي اللي حصل؟!!
مازن : دى محتاجة قاعدة أنت جاي لمين…
نور : أخ إبني عمل حادثة وأنا جاي من المطار علي هنا علي طول…
مازن : سلامته ألف سلامة ربنا يطمنك عليه…
نور : يارب وانت جاي لمين …
مازن :ابن حبيبتي عمل حادثة ….
ضحك نور : أنت لسه خلبوص!!!!
مازن : لا والله دى كانت حبيبتي يعنى …
نور : طب اطمن علي إبنى ونتكلم ….
مازن : تمام …
وكل واحد يمشي في إتجاه….
ماهى واسر يسألوا عن المكان ويطلعوا و يجروا علي حنان المنهارة وأم نور …
أسر : أي إللي حصل؟!!!
أم نور : والله يا ابنى كنت بجيب له يشرب طلب منى مايه لفيت دقيقة سمعت صوت صريخ حنان وهو مرمي قدام العربية أنا خايفة اكون أنى السبب وحنان تزعل مني….
اسر : أهدى يا أم نور حنان عارفة انتى بتحبي اقد ايه ومتنسيش إنتى الوحيدة إللي فتحتي بابك لحنان بعد ما اتقفلت كل الدنيا في وشها ووقفتي معاها وقت حملها وجيتي معاها القاهرة …
اتكلمت أم نور وهى حزينه:
حنان كانت هي الونس والنور إللي كان بيطل عليا وهى السبب في رجوع أبني اللي كان غايب عنى
وقلبها الأبيض اعتبرتنى من يوم ما قبلتها ام ليها مش مجرد عميلة وانا كمان اعتبرتها بنتى مش مندوبة مبيعات …
يوصل مازن وهما بيتكلموا …
مازن يترجم الكلام يعني ام نور هي الست اللي كانت عايشة في الحارة واكيد بعد ما انطردت من بيتها راحت حنان هناك وعلشان تقدر تعيش معها اتجوزت إبنها وهو مسافر واكيد يجى ..
علي خروج الدكتور : محتاجين دم بسرعة …
الكل يتجمع وحنان : خد منى انا انا أمه حتى لو روحي افديه بيه بس يرجع لي…
الكل اتلم عند غرفة سحب العينات
وبعد التحليل : مكنيش فى تطابق ..
صرخت حنان بحزن :
يعنى ايه مفيش تطابق ابنى هيضيع مني اكيد فى زمرد دم تنفع ليه ..
الدكتور : أكيد زمرته زى زمره أبوه خليه يجي وإلا فعلا ممكن تخسري إبنك إن كان علي كسر العظام هتتلحم بسرعة علشان لسه طفل بيزف ونزف دم كتير …
قعدت حنان علي الأرض وهى عاجزة تقول ما بين نفسها أبوه إللي معتبره إبن حرام إللي رمي شيك بثمن اللحظات إللي كانت السبب في مجيئه إزاى ينقذه للحياة …إزاى يعنى لازم استعطفه واترجاه …
اسر يقترب منها : مازن موجود أتصل بيه يجي ؟!!! ..
حنان : لأ هو مش معترف بيه وقال شوفي إبن مين دا إنت نسيت مسمعتش كلام أبوه…
اسر : في سوء تفاهم لازم تنقذي أبنك يا حنان ابنك أهم…
اسر الصغير متعلق علي محاليل منتظر الدم ..
مازن يروح عند حنان الواقفة عاجزة
والدكتور يسألها : أبوه فين ؟…
حنان: مسافر أتصرف يا دكتور…
مازن يصرخ فيها : يعنى شغل أبوه أهم من إبنه إتصلي بيه خليه يجي يحجز أول طيارة ويجي لو دا ابني كنت جيت صاروخ متردده ليه إنطقي….
(وينظر للدكتور ) : هو لازم أبوه مش ممكن نفس الفصيلة من حد تاني ….
الدكتور : ممكن بس لو كان نفس دم الأم أو الأب بتفرق مع الطفل وخصوصا الطفل بينادى علي أبوه وكأنه مشتاق ليه وهتفرق في نفسيته…
مازن : أنا فصيلتي زيه وممكن أكون جمبه وأحسسه بالدور دا لو أمكن..
تنظر حنان له وهى عاجزة عن الكلام ترد تقول لا لكن دا إبنها وابنه وطالما هو موجود يقوم بالدور اللي اتخلى عنه من سنين ….
مازن يقترب منها ويلمس شعرها بشوق وحنان أنا هتبرع لأسر بس لو الأفضل يكون أبوه موجود حتى لو في خلاف ما بينكم الإبن ملهوش دعوة ويروح عند أم نور اتصلي بإبنك يجي …
ام نور : إتصلت بيه وجاي بس وجوده ضروري يعنى؟!
مازن مش إبنه في المستشفى لازم يجي وينقذه …
أم نور متسرعه : إبنه مين أنا إبني عنده توام ولد وبنت ومع مراته في ألمانيا ….
مازن (ما بين نفسه) يعنى هو أتجوز علي حنان ولا حنان التاني😳🤔
مازن : يرد هو مش أسر بإسم إبنك…
أم نور : آه هو مكتوب بإسم إبني بس ملهوش علاقة بيه أنا إللى إقترحت عليها دا لما……
وسكتت عندما نظرت لها حنان..
مازن يحتار مرة أخرى وقبل ما يتكلم …. يسمع صوت
الدكتور : إتفضل علشان تجهز للتبرع ولا رجعت في كلامك ….
مازن. يقترب من حنان المكسورة و في عقله ألف سؤال (ليه كتبته بإسم شخص غير أبوه وفين أبوه )ويفتكر حركات أسر ولعبهم في المول وضحكه (حرام طفل زى دا يتحرم من أبوه علشان كدة الولد منتظر أبوه وروحه متعلقه بيه) ….
مازن : أنا مش عارف إنتى ساكته ليه إبنك علاجه في حضن أبوه فاهمه يا حنان مهما كان ما بينكم …
يدخل مازن ويتبرع بالدم الذي يجري في عروق إبنه وبعدها يفوق الولد ويرى مازن جانبه
أسر : عمو ازن أنا بحبك أوى…
مازن : وأنا كمان بحبك موت….
اسر : هو بابا جيه أنا ويقرب منه أنا سمعت كلامك علشان بابا يجي ورميت نفسي أقدام العربية …
أنصدم مازن :
يا حبيبي انا مقلتش إنك ترمي نفسك قدام عربية أنا قلت تمثل أنك تعبان …
اسر : مكانش هيجي ..
حنان تدخل وتسمع الكلام : عملت كدة ليه يا أسر رد علي؟!!!!.
آسر يخاف علي مازن ويقول ..
آسر : سمعت من الدكتورة في التلفزيون أن الأب بيكون جمب إبنه لو عمل حادثة أو تعبان هو ليه مش جه…
حنان والجميع في ذهول معادا مازن ..
الدكتور : يعني إنت جريت قدام العربية علشان كدة …
أسر : آه علشان نفسي أشوف بابا أوى وهو مش جيه برضو وكل يوم ماما تقول مسافر عند جدو تعبان طب ما أنا كمان تعبان يا ماما خلي بابا يجي …
حنان بدموع تحضن أبنها: يعنى عايز تسيبني وتوجع قلبي عليك وإيدك الحلوة ورجلك ينكسرو ينفع كدة مش أنت راجل….
اسر : آه راجل بس كل الرجاله ليهم بابا صح يا عمو ازن ؟!!!!….
مازن : صح يا حبيبي وأنا هكلم ماما تجيبلك بابا …
ويسحبها من إيديها بعنف للخارج …
مازن : فين حنان إللي قلبها كله حنيه وطيبه سايبه ابنك يتعذب مش ده طفل يا حنان زى الاطفال إللي نطت جوه بيت شخص غريب علشان تجيب الكورة علشان تشوف السعادة جوى عنيه، طيب ده ابنك من دمك دلوقتي عرض نفسه للموت علشان يشوف أبوه إيه خايفة علي كرامتك ومش خايفة علي إبنك …
صرخت حنان في وشه:
ملكش حق تدخل في حياتي …
يمسكها مازن بشهوه بكل شوق ويزقها علي الحيطة مين اللي ضحك عليكي أو انتى ضحكتي عليه وعملتي معاه علاقة وخايفة تقولي إسمه مهم أوى في حياتك…ولا متجوز وعنده بيت وخايفة يدمر بيته ما أنتي شاطرة… (يمسك وجهها) بالوش البرئ دا تضحكي علي الجن ….
حنان بعصبيه تزقه : برافو عليك فعلا ضحكت علي واحد وأخدت فلوسه وهربت وهو عمره ما هيصدق إن دا إبنه.
مازن : بجد طب خدى الشيك دا ورجعي الفلوس ليه وخليه يشوف إبنه صدقيني إللي عنده ولد زى أسر ممكن يبيع الدنيا علشانه ….
حنان : ولو حرمني منه وأخده وسافر عند مراته الخوجايه أنا أعمل إيه ممكن أموت…
مازن : ميقدرش أولا الحق في صفك لأنك حاضنة والطفل صغير وهو ملهوش حق يحرمك منه بس إنتى كمان حرام تحرمي أبنك إنه يشوفه…
حنان : يعنى يرضى يمضي عل تعهد أن ميحرمنيش من إبني ؟!!!…
مازن : إنتي في إيدك القوة وتقدري تعملي دا ….
حنان : لو كان بإيدى القوة كنت قدرت أحافظ علي نفسي زمان منه لو كنت سمعت كلام بابا ومخلتش عواطفي هي إللي تسيطر عليا مكنتش #دفعت #الثمن# ووقعت فى #كذبة #حب دمرات حياتى انا وأبني ومكانش يبقى واقف قدامى وبيقولي مين إللي ضحك عليكي أو ضحكتي علي مين ، الشك جواه رغم أنه واثق أنه أول واحد لمسني أول واحد عشت مع الحب ولما مقدرش يستوعب إللي حصل عذرته واستنيته يرجع قلت ياخد وقته سنه اثنين بس للأسف أتجوز خوجايه وعاش معاها ونسيني دلوقتي عايز يرجع… مستحيل
مكنش مازن مستوعب الكلام عليه هو لأنه مش متجوز …
مازن : هو إنتى كنتي بتحبي حد قبل ما نتعرف علي بعض وغدر بيكي ولما عرف إنك حامل منه بعد عنك صح ..
تضحك حنان بسخر ية من غباءه وغباءها إللي كانت فاكرة انه هيفهم..
حنان : صح برفوا عليك جبت التايهة دى من فين وآه وأنا بشتغل معاك كنت حامل فيه وولده قبل ما اتجوزك .. 😡غور من وشي لو سمحت
مازن :انتى حره بس ذنب أبنك في رقبتك إنتى وعلي فكره أبنك ذكي وبيجبرك بأي طريقة علشان أبوه يرجع لحياته…
حنان تضحك بهستريا 🤣🤣🤣🤣
مازن : بتضحكي علي آيه….
حنان مازالت تضحك والدموع تمطر من عينيها بكثره …
مازن : واضح أنك تعبانة وعاوزة حقنة مهدئ…
حنان مستمر بالضحكة الهيستيري ..
وماهي تضحك😁 وأسر يضحك 😃….
مازن : ممكن أفهم بتضحكوا علي أيه..
حنان وهي مستمرة بالضحكة : أصل للأسف مش طلع زى أبوه الغبي ولا حتى لأمه الغبيه وفي لحظة افتكرت انها اشتقت لأكتر إنسان دبحها علشانه…
وهي مازالت تضحك والدموع بتمطره من عينيها …
مازن : أنا عايز توضيح واضح انها تعبانة خديها ترتاح شوية يا ماهى …
ماهى وهي بتضحك علي مازن وترد
ماهي : فعلا تعبانة من الغباء لأن سيادتك تبقي أبو آسر يا حضرة ، تعالي معايا يا حنان …
مكنش مازن مستوعب الكلمة وواقف بيترجم …حنان تمشي في الممر وهي بتبكي
بعد شوية يجى نور كان اتعطل لأنه عدى علي الحسابات يشوف حنان
يجرى نور ياخد حنان في حضنه اهدى يا حنين حصل أي أسر كويس
اقترب اسر من مازن وسأله :
لسه مفهمتش ولا فعلا غبي؟!!!.
نظر له مازن بحيرة :
أفهم آيه بتقول أبوه متجوز خوجاية وخايفة ياخده منها….
ومراتك بتقول (وبدأ يستوعب كلمة يبقي أبنك )😳
ضحك اسر : هه فهمت ولا وجودك في ألمانيا نساك العربي…