رواية العشق الممنوع الفصل الثاني عشر 12 بقلم مارلي إيهاب
رواية العشق الممنوع الجزء الثاني عشر
رواية العشق الممنوع البارت الثاني عشر
رواية العشق الممنوع الحلقة الثانية عشر
في الشركة نزل حورية وعمار في البريك الكافتيريا وقعدوا كان موجود المنيو واللي حورية اتصدمت من اسعاره
حورية بصدمه…. كوباية شاي 25 جنية ليه يعني
عمار بهدوء… الشركة هنا كبيرة واعتقد الحاجات اللي بتتشرب هنا مستوردة علشان العملاء
حورية بضيق… طبعا هما هيعملوا حساب اللي علي قد حالهم زينا
عمار بحزن… متشغليش بالك هجيب كوبايتين. شاي وجاي
حورية بضيق.. لا اقعد حرام عليك تجيب كوبايتين شاي 50 جنية انا لما اخرج من الشركة واروح اشرب اللي انا عايزة لو فضلنا نشتري من الكافتيريا المزانية هتخرب
عمار بهدوء… طيب انهاردة بس دماغي وجعاني وعايز اشرب حاجه تفوقني
حورية بهدوء… طيب خد دول حق كوبايتي
عمار بستنكار…. نعم هو انتي شايفني سوسن قدامك بتديني حق الكوباية
حورية بهدوء.. ايوه امال هتدفعلي كل واحد يدفع لنفسه
عمار بضيق…… بقولك اية اسمعي الكلمه متضايقنيش
حورية بعناد… ياتاخد حق الكوباية يا متجبش
عمار بضيق… نبقي نتحاسب بعدين
حورية بعناد…. بقولك مش هشرب حاجه غير لما تاخد الفلوس
عمار اتضايق… هاتي يا ستي خلصي
حورية ابتسمت و ادتله الفلوس وهو خدها
و ابتسامتها اختفت لما شافت ايهم بيقرب عليها
ايهم بخبث… الا انتي طلع اسم حورية اسم مش علي مسمي خالص
حورية بضيق… عايز اية قوم من هنا لو سمحت
ايهم قرب بخبث… ليه بس يا حورية دانا حتي طيب وقلبي كبير يا قلبي وبعدين انا مستني عمار اتعرف عليه اكتر
حورية بضيق وصوت عالي…. بقولك قوم من هنا مش بتفهم
ايهم مسك ايديها بغضب وقال….. اي كلمه غلط هدفنك هنا يا زفته انتي سامعة
حورية الدموع لمعت في عيونها بسبب وجع يديها عمار شاف اللي حصل قرب منها بسرعة ومسك ايد ايهم بغضب وقال…. انت اتجننت ولا اية
حورية وقفت ورا عمار بخوف..
ايهم ببرود و بتهديد… اهدي كدة علي نفسك بدل ما اقول حاجه متعجبكش
عمار سكت غصب عنه كان عارف ان ايهم هيفضل يهدد فيه
ايهم شافت سكوته…… ايوه كدة تسكت وتسكت البت دي و ياريت تعرفها مقامها وماتبقاش ترد علي اسيادها
حورية بغضب والدموع فيها… انا مليش اسياد سيدي هو ربي انت فاهم انت مجرد انسان متكبر ملكش اي لازمة عايش علي فلوس بابي و مامي من غير فلوسهم انت ولا تسو
ايهم قرب بغضب وعمار وقف في وشه وقال… كفاية كدة لو سمحت كفاية
ايهم نظر ليه بغضب ومشي اما عمار قال. لحورية…. انتي تعرفي ايهم منين
…،.،….،.،.،..،.،.،..،.،.،.
في البيت عند انجي كانت تجلس تجهز الغذاء والباب خبط راحت تفتح وكان المعلم مصطفي ابو زياد
انجي بحدة….. نعم
مصطفي بحب…… ازيك يا ست الستات
انجي بحدة…… اسمع يا معلم لو مفيش حاجه مهمة جاي تقولها ياريت تمشي انا واحدة ارملة ومش ناقصة اسمع كلمه من حد
مصطفي بحب… مانا كنت عايز ارحمك من كلام الناس ونتجوز رفضتي يابنت الناس وانا شاريكي وابني. شاري بنتك
انجي بحدة… اسمع بقي اما اقولك انا اقدر اخرس اي حد يتكلم عني ومش محتاجه اتجوز علشان امنع كلام الناس عني وابنك لو اخر واحد في الدنيا مستحيل اقبل بيه واتفضل امشي من هنا ومش علشان الايجار المتاخر كل واحد يجي يتكلم
احنا اخر الشهر هندفع الايجار علي الجزمة القديمة
وقفلت الباب بقوة اما مصطفى مسح علي وجهه وقال…. مسيرك انتي ليا و بنتك لابني يا انجي
. …،…،.،،.،..،.،.،..،.،.
في الكافية حكت حورية الموقف اللي حصل معاها
وعمار الغضب زاد بسبب ايهم اللي بيزيد الطين بله وبيزود الكره عندها من ناحيتهم
عمار بغضب.. معلش هو واحد حيوان معندوش دم
حورية بكره… علشان كدة بقولك انا بكرهم وهفضل اكرهم لاخر يوم في عمي
عمار تألم قلبه بسبب كلمتها وحاسس انه مهما عمل مستحيل يخترق قلبها لانها اذا علمت الحقيقة تركته
حورية شافت سرحان عمار…. عمار يا عمار
عمار بهدوء… ايوه
حورية بحزن… سرحان في اية
عمار بتنهد.. مفيش قومي نشرب الشاي في المكتب
حورية.. تمام
طلعوا الاتنين وفتحوا الباب و حورية شهقت ص
بصدمة ولفت لعمار وخرجت برة بسرعة عمار كمان اتصدم لما شاف ايهم يقبل زميلته سلمي في المكتب
ايهم وسلمي بعدوا عن بعض لما الباب اتفتح
عمار دخل بغضب… انت معندكش دم انت جاي تلوث الشركة
ايهم ببرود… اهدي يا عاشق بلاش تقول كلام انت مش قده بدل ما اخرب الدنيا فوق راسك
سلمي كانت محروجة
عمار نظر ليها وقال بغضب… واحدة رخيصة
وطلع لحورية اللي شاف وجهها احمر من الخجل عجبته ملامح الخجل قرب وقال بمشاكسة… مكنتش بتوقع انك بتتكسفي زي البنات
حورية نظرت ليه بغضب… قصدك اني شبه الرجالة
عمار ضحك وقال بابتسامة بحب….. ليه هو في راجل بالجمال والرقي والحلوة دي بروده
حورية اتكسفت اكتر وقالت بتوتر… عمار احترم نفسك بعد اذنك هسيبك وامشي
عمار ابتسم…. طيب يا حورية تعالي نشرب الشاي النحس ده من ساعة ما اشتريته مش عارفين نشربه
حورية بخجل…يلا
ونزلوا تحت الكافتيريا وقبل ما يقعدوا شاف بيجاد بيشاور ليهم
راح عنده
بيجاد بجدية… اقعدوا
الاتنين قاعدوا
بيجاد بجدية….. بصراحة يا عمار شوفت الملف بتاعك اللي عملته امبارح وعجبني جدا انك خلصته يمكن اتاخرت شوية لكن في النهاية عملته وانا بحييك علي اللي عملته كنت مميز وجاي فعلا تشتغل مش جاي تهزر اما بنسبه لحورية مش اسمك حورية مش كدة
حورية هزت راسها
بيجاد نظر لعيونها اللي شدت انتبه وقال؟… خلصتي بسرعة قياسية ويعتبر انتي اول واحدة خلصتي بس ده ميدكيش الحق انك تساعدي اي حد اذا كان عمار او حد تاني لان انا عايز اشوف قدرات كل واحد اتمني تتقدموا اكتر وتخروجوا بشهادة امتياز لانكم تستحقوا تقدروا دلوقتي تروحوا التربيزة بتاعتكم لو حبين تفضلوا هنا زي ما تحبوا
عمار اتكسف يقوم وقعدوا الاتنين مع بيجاد اللي سالهم؟… انتوا تعرفوا بعض من امتي
عمار بهدوء. اسبوع
بيجاد بجدية.. اسبوع بس
عمار بهدوء…. ايوة
بيجاد.؟ اتعرفتوا في الجامعة
عمار ابتسم.. لا في مكروباص
بيجاد بصدمة وابتسم.. فين
عمار ابتسم.؟.. في المكروباص
بيجاد ابتسم..؟. طيب ازاي قولي
عمار حكي ليه الموقف الاول والتاني ليهم وبيجاد ضحك. جدا وقال بابتسامة… اضربت من تاني يوم
عمار ابتسم وقال….. ايوة كانت قاسية
بيجاد نظر لحورية و قال….. متوقعتش بتكوني شرانية اوي كدة
حورية كانت مرتبكة…. لا ابدا هو اللي كان دمه تقيل في الاول.
بيجاد ابتسم… ها ثنائي جميل
عمار ابتسم
حورية برتباك وقالت؟ احنا صحاب بس
عمار اضايق بس مبينش لكن بيجاد خد باله
بيجاد بهدوء.. عادي لما تكونوا ثنائي اصدقاء. جميل مش لازم احباب
حورية وجهها احمر وده خلي بيجاد ينظر ليها اكتر لسه كان هيتكلم ولكن وجهه تغير من ابتسامة لجدية لما الوقت المحدد للبريك انتهي وقال بجدية…. يلا علي المكتب
قاموا الاتنين وعرفوا ان الشخصية دي بره الشغل بيكون كويس جوه الشغل شخصية جدية
طلعوا المكتب و اول ما دخلت حورية افتكرت اللي حصل واتكسفت تاني قعدت علي مكتبها وفتحت الملف علشان تكمل الشغل
بيجاد بجدية… قدامكوا ساعتين بس تخلصوا كل اللي وراكوا ودلوقتي الاستاذة سلمي مطروده والاستاذ ايهم مطرود
الاتنين اتصدموا
ايهم بلع غصه بحلقة وقال… ليه
بيجاد بجدية. انتوا عارفين ليه وياريت تتطلعوا بدل ما اعرفكم ليه قصاد باقي الطلبة
سلمي كانت تبكي من الاحراج و خرجت بسرعة
اما ايهم نظر بغضب لعمار وحورية ومفكر انهم اللي قايلين ليه
خرج وطلع تلفونه يتصل بحد
.، ، ،.،،.،. ، هنا ينتهي البارت اتمني ينال اعجابكم
بلاش تم دي ورد علي الاسئلة
ياتري ايهم هيكلم مين
وهل ممكن يفتش سر عمار
وهل بيجاد ممكن يحب حورية
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية العشق الممنوع)
