رواية العشق الممنوع الفصل الثامن عشر 18 بقلم مارلي إيهاب
رواية العشق الممنوع الجزء الثامن عشر
رواية العشق الممنوع البارت الثامن عشر
رواية العشق الممنوع الحلقة الثامنة عشر
كان يجلس في غرفته ودموعه تنزل منه بقهر اتهان من الكل والده و بيجاد وحورية حتي عمار اتهان منه وريهام التي اعلنت انها تركته لانه خاين كل الناس اهانه اذا كان علي السوشيال ميديا او اللي حصل له في الشركة وفي البيت
الباب الغرفة خبط
ايهم مردش علي اللي بيخبط
الباب اتفتح ودخلت شاهندا بحزن علي ابنها و فلذه كبدها
شاهندا بحزن…. ايهم حبيبي جبتلك الاكل
ايهم لم. يداري دموعه الذي تنزل منه
شاهندا بدموع… حبيبي بابا مكنش يقصد اللي قاله ولا اللي عامله هو عايز مصلحتك ولو زعلان علشان ريهام سابتك انا هتكلم معاها وهخليها ترجع ليك صدقني
ايهم وهو دموعه تنزل…. انا مش عايز ريهام اصلا مش فارقة معايا بالعكس هي كانت مجرد واحدة بتسلي بيها مش اكتر
شاهندا بحزن… طيب يا حبيبي روق بس كدة و كُل
ايهم بدموع…. مليش نفس يا ماما
شاهندا بحزن…. حبيبي لازم تاكل واهدي شوية الاكل ملهوش علاقة بالحزن يا قلبي خليك فاهم ده
ايهم بدموع… لو سمحتي متضغطيش عليا سبيني انا مش عايز اكل
شاهندا بحزن…. طيب يا حبيبي عايزة اسال سؤال انت فعلا اتعرضت للبنت في الاسانسير ولا هي اللي اتبلت عليك
ايهم نظر لشاهندا وقال…. لا انا فعلاً عملت كدة هي ما اتبلتش عليا
شاهندا بضيق… طيب ليه كدة يا حبيبي بس وملقتش غير شركة عمك وجيه اللي تعمل فيها كدة وبعدين البنت دي بنت مين
ايهم بضيق.. بنت فقيرة.
شاهندا بغضب… بنت فقيرة كانت السبب انك تضرب من ابوك ومن الزفت اللي اسمه بيجاد
وان عمك وجيه يهين ابوك علشانها
ايهم بضيق… هما مش شايفيين فقيرة او غنية هما شايفينها بنت اتعرضت لتحرش
شاهندا بغضب… انا هكلم وجيه ولازم يعتذر عن اللي قاله لاكمل لو كان اديها متيين جنية كانت خرست انا فكرتها بنت حد اكابر هيعمل مشكله لكن تتبهدل البهدلة دي علشان واحدة متسواش
ايهم بضيق…. بلاش بدل ما بابا يزعل اكتر من كدة
شاهندا بضيق.. لا متخفش انا هتصرف انا سيبالك الاكل كل سامع كل
وخرجت بغضب اما هو نام علي السرير بحزن شديد
..،.،..،،..،.،..،..،،
عند شاهندا دخلت غرفتها واتصلت علي زوج اختها وجية
وجية بهدوء… اهلا يا شاهندا
شاهندا بضيق…. يعني تتصل تهين اكمل والموظف عندك يضرب ابني و يبهدله علشان بنت متسواش وفقيرة وعمال تقول سمعة شركتي سمعة شركتي خليتني فكرتها بنت حد كبير في البلد مش بنت فقيرة لو ادتلها ميتين جنية هتخرس ومش هتفتح بؤها
وجية بصرامة…. اسمعي يا شاهندا انا مش بفرق الناس غنية ولا فقيرة كلهم عندي زي بعض واللي يغلط يتعاقب الموضوع لو حصل مع بنت ناس اغنيه رد الفعل كان زي ما هو متغيرش ولو وبنت فقيرة اديكي شوفتي اية اللي حصل لابنك علشانها
انا مش فارق معايا حكاية غني وفقير انتي سامعة واكيد مش علشان بنت فقيرة مش هتاخد حقها لا يا شاهندا انا مش زيك ولو نسيتي انتي افكرك باللي عملتيه زمان
شاهندا بضيق… انت مش هتبطل تفكرني باللي حصل خلاص اللي حصل حصل خلاص مفيش داعي تفضل تفكرني
وجية بهدوء… انا بس بوضحلك اني مش زيك
شاهندا… تمام يا وجية مع السلامه
وجية…. مع السلامة
وقفل الخط
سهر بضيق… مش هتبطل بقي تفكرها باللي حصل كفاية يا وجية
وجية بضيق… ليه هو انا غلط ولا اية يا هانم اختك طول عمرها ظالمة ومفترية ورافعه مناخيرها لفوق وشايفة نفسها علي الخلق والراجل اللي موتته وشردت اهل بيته و قهرتهم وانتي متختلفيش حاجة عنها يا سهر شايفين الناس تحت رجليكم انا لو كنت عرفتك اكتر في الخطوبة وانك من الناس دي مكنتش اتجوزت
وتركها وقام بضيق
طول فترة زواجه كان يعاني من تكبر زوجته علي العاملين في المنزل او النادي ودايما شايفيين ان الناس. دي لا تستحق ان يكونوا في الاماكن المخصصة ليهم
سهر بضيق… انا مش عارفه اعمل اية في طيبة قلبه الزايدة دي بجد تعبت منه وقرفت
لم تنتبه لعمار الذي يقف وسنع كلام والده عن خالته وهنا تاكد من كلام حورية كان يظن انه مجرد تشابه اسماء ولكن طلع حقيقة دخل غرفته بضيق وحاسس ان كل شئ بيقفل في وجهه
.،.،.،.،.،،..،.
في بيت حورية كانت تجلس مع والدتها وهي تحاول تصالحها
حورية بدموع… خلاص يا ماما انا قولتلك اخر مرة هعمل كدة
انجي بضيق… يا حبيبتي انا بعمل ده لمصلحتك الناس ما بترحمش وما هتصدق يقولوا عننا كلام ظلم وحتي لو نيتك كويسة ومفيش حاجه وحشة مش هتمشي تقولي للخلق ايه نيتك وكان بيوصلك ليه احنا ستات لوحدنا ومفيش راجل معانا واحنا عايزين نتفادا كلام الناس لو سمحتي
حورية حضنتها وقالت….. صدقيني يا ماما مش هعمل حاجه تاني صدقيني
انجي ابتسمت… حبيبتي انا بثق فيكي جدا وعارفة انك مش هتزعليني وحتي عمار متخلهوش يوصلك تمام
حورية بإبتسامة…. حاضر عندي خبر حلو ليكي انهارده
انجي ابتسمت… اية هو
حورية بإبتسامة استاذ بيجاد قالي اني ممكن اروح الكليه تلات ايام في الاسبوع واخلص واروح علي التدريب تاني
انجي بفرح… بجد مبسوطه جدا فكرت انك ممكن بسبب الغياب ده يضيع عليكي السنه
حورية بإبتسامة… ده ربنا طلع بيحبني علشان كدة بيسهل ليا كل شي قدامي
انجي بإبتسامة…. طبعا ربنا بيحبنا يا حبيبتي قومي ارتاحي شوية وغيري هدومك علي ما الاكل يجهز
حورية بإبتسامة…. حاضر
انجي بإبتسامة… يحضرلك الخير يا حبيبتي
.،.،.،..،.،.،.،،
دخلت حورية غرفتها واخدت شاور وخرجت بسرعة جلست علي السرير. وفتحت الفون ولقت رساله مكتوبة وهي مش عارفة مين باعتها علي الماسنجر
حبي ليكي يمشي في وريدي لا اعلم لما احبك انتي من ضمن باقي الفتيات يا حبيبتي نفسي في يوماً ما ان تبادليني نفس الشعور ودقات القلب اريد منك فرصة واحدة فرصة اثبت فيها حبي لكي يا عمري الماضي والحاضر والمستقبل بدونك انا لا اريد ان اعيش بدونك لا اريد ان اري النور في النهار ولا الظلمة في الليل اريد ان نجلس مع بعضاً نتابع شروق الشمس علي البحر واريد ان نجلس في المساء علي السطوح نتابع نجوم الليل يا حبي اريد فرصة
اريد ردك يا حبيبتي
العاشق المجهول
حورية قرات الرسالة بدموع وقالت… شكل حد باعتها غلط بس يا حرام شكله بيحبها اوي ياريت تديله فرصة بس انا دلوقتي ارد اقوله انه باعت لشخص الغلط مش ليا
وفعلا بعتت ليه وقالت… حضرتك باعت لشخص الغلط اسفة مش انا اللي انت قاصد الرساله ليها بعتذر
ومسحت الشات وعملت بلوك لين و قفلت ونامت بهدوء بدون ما تتذكر احداث اليوم المرهقة
،..،.،.،..،.،.،……،.،.،.،.،.،.،
في المنزل عند كاميليا مهاب اتصل
كاميليا بهدوء.. الو يا مهاب
مهاب بهدوء… انا بعتذر علي االي عمله ايهم في ريهام و
قطعته كاميليا بحدة… اسمعني يا مهاب اخوك علاقته ببنتي انتهت نهائي وانا مش عايزة اي حاجه تربطني بالعيلة دي
مهاب بضيق… قصدك اية طب واحنا مالنا
كاميليا بدموع… احنا اصلا مفيش حاجه بينا انا غير مناسبين لبعض افهم ده الحب مش كل شئ الحب جميل ولكن مينسبنيش ولا يناسبك انا واحدة اتجوزت وخلفت وعندي بنت عندها عشرين سنه وانت متجوزتش اصلا قبل كدة انا لو اديتك امل بكون بظلمك وعمرنا ما هنقدر نتجوز في النور يا مهاب عمرنا انا الناس هتاخدني تريقة وانت يعني بدل ما تدخل دنيا بنسبة ليهم هيبقي اخره حتي لو عشر سنين بس اللي فرق انا مش هقبل انا وبنتي خلاص هنسافر برة مصر ومش هنرجع هنا تاني واتمني ما تحاولش لا تتصل ولا تقرب مني ولا اخوك يقرب من بنتي فاهم
وقفلت هو كان مصدوم و مضايق منها ومن اللي عملته
مهاب بغضب.. ماشي يا كاميليا ماشي
..،.،..،.،.،.،.،.،،.،.،. ،
في غرفة اكمل كان يجلس علي السرير وكان حزين جدا بسبب اللي عمله ابنه والمشكلة اللي حصلت بينه وبين وجية صديق عمره
شاهندا دخلت وقالت بضيق ودموع.. ابنك مكلش حاجه يا اكمل من الصبح ودموعه منشفتش وحالته تقطع القلب
اكمل ببرود…. اعمله اية يعني
شاهندا بدموع… قوم. صالحه اعتذر عن ضربك ليه
اكمل ضحك بسخرية…. دلعك فيه هو اللي بوظه ابنك هينزل يشتغل معايا من بكرة وانا هربيه من اول وجديد انتي سامعة ولو اتكلمتي ونطقتي اي كلمة او اعترضتي صدقيني هيبقي اخر ما بنا
شاهندا بدموع… حاضر يا اكمل حاضر
وخرجت من الغرفة وهي تبكي علي ابنها المعتكف في الغرفة
. .،..،.،..،.،.،.،.،.،.،.،.،.،.،.،.،،..،،.،.
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية العشق الممنوع)
