رواية العشق الأبدي 2 (توأم روحي) الفصل الثاني 2 بقلم لبنى دراز
رواية العشق الأبدي 2 (توأم روحي) الجزء الثاني
رواية العشق الأبدي 2 (توأم روحي) البارت الثاني
رواية العشق الأبدي 2 (توأم روحي) الحلقة الثانية
يقول الله تبارك و تعالى
أعوذ بالله من الشيطان الرجيم
﴿وَإِذْ قَالَ لُقْمَانُ لِابْنِهِ وَهُوَ يَعِظُهُ يَا بُنَيَّ لَا تُشْرِكْ بِاللَّهِ ۖ إِنَّ الشِّرْكَ لَظُلْمٌ عَظِيمٌ (13) وَوَصَّيْنَا الْإِنْسَانَ بِوَالِدَيْهِ حَمَلَتْهُ أُمُّهُ وَهْنًا عَلَىٰ وَهْنٍ وَفِصَالُهُ فِي عَامَيْنِ أَنِ اشْكُرْ لِي وَلِوَالِدَيْكَ إِلَيَّ الْمَصِيرُ (14) وَإِنْ جَاهَدَاكَ عَلَىٰ أَنْ تُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا ۖ وَصَاحِبْهُمَا فِي الدُّنْيَا مَعْرُوفًا ۖ وَاتَّبِعْ سَبِيلَ مَنْ أَنَابَ إِلَيَّ ۚ ثُمَّ إِلَيَّ مَرْجِعُكُمْ فَأُنَبِّئُكُمْ بِمَا كُنْتُمْ تَعْمَلُونَ (15) يَا بُنَيَّ إِنَّهَا إِنْ تَكُ مِثْقَالَ حَبَّةٍ مِنْ خَرْدَلٍ فَتَكُنْ فِي صَخْرَةٍ أَوْ فِي السَّمَاوَاتِ أَوْ فِي الْأَرْضِ يَأْتِ بِهَا اللَّهُ ۚ إِنَّ اللَّهَ لَطِيفٌ خَبِيرٌ (16) يَا بُنَيَّ أَقِمِ الصَّلَاةَ وَأْمُرْ بِالْمَعْرُوفِ وَانْهَ عَنِ الْمُنْكَرِ وَاصْبِرْ عَلَىٰ مَا أَصَابَكَ ۖ إِنَّ ذَٰلِكَ مِنْ عَزْمِ الْأُمُورِ (17) وَلَا تُصَعِّرْ خَدَّكَ لِلنَّاسِ وَلَا تَمْشِ فِي الْأَرْضِ مَرَحًا ۖ إِنَّ اللَّهَ لَا يُحِبُّ كُلَّ مُخْتَالٍ فَخُورٍ (18)
وَاقْصِدْ فِي مَشْيِكَ وَاغْضُضْ مِنْ صَوْتِكَ ۚ إِنَّ أَنْكَرَ الْأَصْوَاتِ لَصَوْتُ الْحَمِيرِ (19)﴾
توأم روحي بقلمى✍️________لبنى دراز
فـ المدرسة
بعد ما طلع أحمد و أخواته فصولهم أخدوا يومهم و نزلوا فـ الـ break قعدوا مع باقى شباب و بنات العيلة و شافه
فارس أدهم:: مالك يا أحمد فى ايه
أحمد:: مافيش يا فارس قلقان بس شوية من حاجة كدا
ياسين قصي:: لـ أحمد .. ما ركبتوش الباص ليه النهاردة
أحمد:: بابا و ماما قرروا اننا ما نركبش الباص من النهاردة و كل يوم حد هيوصلنا و حد هيرجعنا
أدم قصي:: بصدمة .. نععععم و ده ليه بقى ان شاء الله
تسنيم:: لـ أدم و الله يا أبن عمتى لو نعرف كنا قولنالك هنخبى عليك ليه يعنى
هنا أدهم:: استني يا توتة الاول هو عمو رجع من السفر امتى اساسا عشان يقرر كدا هو و طنط حلم
جاسر::لـ هنا رجعوا امبارح ياختى و كانوا أخر حلاوة بالصلاة ع النبي و فجأة
تسنيم:: بمقاطعة أن أن أن أااااان .. جاتلهم رسايل ع موبايلاتهم شقلبت حالهم
لوچين أدهم:: ببراءة .. انا مش فاهمة حاجة يعنى ايه تيجى رسالة لـ عمو و طنط ع الموبايل و بعدها يقرروا يوصلوكم كل يوم .. طيب ما بابى ع طول بتجيله رسايل هو و مامى و مش بيعملوا كدا
جاسر:: و هو بيرقص حواجبه لـ لوچين .. تعالى و انا افهمك يا قمر يعنى ايه
فارس أدهم:: جااااااسر أحترم نفسك عشان ما ازعلكش
أحمد:: اتلم يا جاسر احسن لك بدل ما أنت عارف هعمل فيك ايه
جاسر:: فى ايه يا جودعان الله هى مش لوچى دى تبقى بنت عمى و لا انا بيتهيألى
حور:: و بعدين يا جاسر اسكت شوية بقى
جاسر:: و الله ما قاعد لكم فيها و لـ أدم و شادى فريق الكـ ـوارث أجمع و أخدهم و مشى بعيد عن اخواته و باقى الشباب
شادى سيف:: ناوى ع ايه يا كبير
جاسر:: هرش دقنه .. اممممم كل خييييير ما تقلقوش
أدم:: لا طالما عملت الحركة دى🤔 يبقى فيها كارثة
جاسر:: عيب عليك يا معلم انا بتاع الكلام ده برضوا
شادى:: ده انت الكلام ده نفسه يا جاسورة هو احنا مش عارفينك يعنى
أدم:: ولا يا جاسر أرغى و هات م الاخر ناوى ع ايه أيدى وكلانى ع الشقاوة
جاسر:: أبناء عماتى الاعزاء .. انا مكمرلكم كام صاروخ كدا و ناوى اعمل بيهم حفلة الليلة قبل ما نروح ايه رأيكم
أدم:: اوباااااا أوعى بقى هو ده
شادى:: يا معلم يا معلم يا معلم .. الكبير كبير يابنى و الله
جاسر:: أذن فـ لنحتفل ههههههههههههه
أدم:: لـ جاسر انت اصغر مننا صحيح بس مش عارف ليه حاسس ان نهايتنا ع أيدك
جاسر:: لـ أدم أجمد ياض انت و خليك قلب أسد زيى كدا هههههههههه
شادى:: اه يا خوفى لا الديب ياكلنا و بيشاور ع أحمد بـ عينيه
جاسر:: لاااااا ماتخافوش خليكوا ورايا انتوا بس و ان شاء الله هنتمرجح كلنا ههههههههههههه
نرجع تانى عند أحمد
علا سيف:: يعنى انتوا بجد ما تعرفوش ايه اللى غير طنط حلم و خالو فارس فجأة كدا
حور:: مش عارفة يا علا كنا قاعدين بنضحك و نهزر و فجأة بابى جاتله رسالة و سرح شوية و بعدين بكلمه راح زعقلى و سيبتهم و طلعت اوضتى
تسنيم:: بس الغريب بقى يا جماعة لما مامى سألت بابى بيزعق ليه كدا و الرسالة اللى جاتله دى فيها ايه قالها رسالة تافهة من حد تافه
روڤان هشام:: لـ تسنيم طيب لما هى رسالة تافهة يا توتة عمو فارس زعق لـ حور ليه
حور:: مش عارفة يا روڤى
سامر هشام:: هو انتوا شاغلين بالكم ليه أكيد عمو فارس و عمتو حلم شايفين حاجة انتوا مش شايفينها اصبروا لما نروح من المدرسة و اسألوهم أكيد مش هيخبوا عليكم
رؤى قصي:: ع فكرة بقى يا سامر يبقى انت ماتعرفش خالو فارس كويس .. هو و طنط حلم مستحيل يقولوا حاجة غير اللى عايزين يقولوها
تسنيم:: لـ رؤى الله أكبر عليكى يابنتش عمتشى صح بابى و مامى مستحيل و لـ سامر شوف يا أبن خالى مستحييييل كدا يقولوا حاجة غير اللى عايزينا نعرفها .. و رجعت لـ رؤى بس انتى عرفتى ازاى ابت ارورو الكلام ده
رؤى:: لـ تسنيم ببراءة بابى و مامى مرة سألتهم عن طباع خالو فارس و خالو أدهم و خالتو عاليا قالولى طباع كل حد فيهم و ان من طباع خالو فارس انه مش بيقول اى حاجة لـ اى حد غير اللى هو عايزه و بس و كمان طنط حلم زيه
سامر:: فعلا برضوا بابا قالى ان عمتو حلم كدا
تسنيم:: لسة هتتكلم كان الـ break
انتهى .. خلاص بقى نتقابل و احنا مروحين بااااى
و بالفعل رجعوا كلهم تانى فصولهم يكملوا يومهم الدراسى
___________________________
فـ مكتب فارس
قاعد قلقان و مستنى سيف يجيبله اى خبر يعرف بيه مين اللى بعت الرسايل و شوية و دخل
سيف:: السلام عليكم
فارس:: وعليكم السلام ورحمة الله .. اتأخرت ليه
سيف:: اتأخرت فين يا بنى ده يا دوب مسافة ما وصلت لـ شركة الاتصالات اللى تابع ليها الرقم
فارس:: أنجز يا سيف عملت ايه طمنى
سيف:: يا عم تلاقيه زى ما قولتلك حد تافه أصلا مالوش لازمة و بيعمل شو و خلاص
فارس:: بعصبية .. فهمت انا ايه كدا ما تخلص يا بنى أدم انا ع اعصابى و مش مستحمل تهريج
سيف:: يا عم اهدى أصلا الرقم مش متسجل و مالوش وجود كمان بالخدمة
فارس:: بتركيز .. ده معناه أن اللى عمل كدا قاصد يا سيف يعنى مش حاجة تافهة لأ خالص .. ده قاصد كل حرف بعته
سيف:: أسمع منى يا فارس خليك طبيعى جدا و سيب الولاد كمان براحتهم و عشان تبقى مطمن عليهم خلى فى حرس وراهم حتى من غير ما يعرفوا و كمان خلى حراسة خاصة ع الڤيلا
فارس:: انا فعلا قررت أعمل كدا حتى حلم لازم يبقى معاها حرس خاص
سيف:: و بدر راح فين هو مش دايما معاها و لا رجع المزرعة تانى
فارس:: لأ معاها بس بدر كبر يا سيف انا محتاج شاب يكون فـ قوة بدر و أخلاصه
سيف:: بدر صحيح كبر يا فارس زى ما كبرنا بس أكيد لسة قادر يحافظ ع حلم
فارس:: عارف بس لازم يكون فى حد معاه
سيف:: خلاص سيبلى موضوع الحراسة ده و انا هظبطهولك
فارس:: تمام يا سيف المهم الكلام ده ماحدش يعرفه لا عاليا و لا الولاد انت فاهم
سيف:: بهزار .. عيب عليك يا أبو نسب أكيد طبعا أمة لا إله إلا الله هتعرف بالكلام ده ههههههههههه
فارس:: سييييف مش ناقصك انا يلا شوف انت رايح فين
و بالفعل خرج سيف من المكتب يظبط طقم حراسة خاصة ع كفاءة عالية عشان يتولوا مهمة حراسة الڤيلا و الأولاد
___________________________
فـ المدرسة
خلص اليوم الدراسى و نزلوا الشباب و البنات عشان يروحوا و قرر ينفذ مخططه
جاسر:: صفر بطريقة معينة فهمها شادى و أدم
شادى:: رد عليه بنفس الطريقة
أدم:: فهم اللى يقصدوه .. اممممم يخـ ـربيت اللى يزعلكم
جاسر:: يلا بينا يا كـ ـوارث ننفذ
و راحوا بالفعل عشان ينفذوا اللى اتفقوا عليه و قبل ما يتحركوا من مكانهم شافوا
كارمن:: بتعاكس فـ حور و بتنادى عليها بصوت عالى .. بس بس حوحو حوريااااا حوحووو
حور:: بزهق .. و بعدين معاكى يا كارمن ميت مرة قولتلك مش بحب الاسلوب ده
كارمن:: ليه بس يا حور ماله الاسلوب ده و بعدين انده عليكى ازاى يعنى
حور:: و تندهى عليا ليه اصلا عايزة مني ايه
كارمن:: مش انا اللى عايزة ده فادى اللى عايز يكلـ……
أحمد:: من وراهم بمقاطعة بغضـ ـب .. و انا أختى مش بتكلم حد و لـ حور انا مش نبهت عليكى قبل كدا بلاش تكلمى الزفتة دى
حور:: بخوف .. و الله يا أحمد هى اللى ندهت عليا
كارمن:: و انا مالى بقى يا أحمد عشان تمنعها تكلمنى و بعدين ايه زفتة دى كمان انا ليا اسم ع فكرة
أحمد:: بعصبية .. بقولك ايه يا كارمن أبعدى عن أخواتى انتى فاهمة و لا لأ و لـ حور انا كام مرة منعتك تقفى معاها
حور:: يا أحمد صدقنى هى اللى ندهت عليا و انا بس رديت عليها
أحمد:: بزعيق و الكل اتلم .. و تردى عليها لييييه من الاول .. تقفى لييييييه أصلا و بعدين يا هانم انتى ناسية ان ماما قالت ما نقفش نتكلم مع حد ايييييه مابتسمعيش الكلام لييييه
تسنيم:: خلاص بقى يا أحمد مش وقته الكلام ده لينا بيت نتكلم فيه و لـ كارمن و أنتي خلاص حصل خير بس لو سمحتى أبعدى عن حور و بقوة .. لو لمحتك بس بتقفى معاها أو حتى تفكرى مجرد تفكير و لا عقلك يوزك يا حلوة انك تشاورى ليها بس من بعيد مش هقولك هعمل فيكى ايه انتى فاهمة ؟؟ و لـ اخواتها يلا يا حور و أنت يا أحمد كفاية كدا بقى الناس اتلمت علينا
أحمد:: لـ تسنيم .. أنا كام مرة حذرتها من كارمن دى يا تسنيم لكن ازاي تسمع الكلام و لـ حور اللى واقفة مكانها يلا يا هانم قدامى امشى و ليا تصرف معاكى فـ البيت
كارمن:: بتريقة ايه ده يا حور واضح كدا ان اخوكى الصغير مش بيحترمك و قاصد يحرجك قصادنا الظاهر كدا انك مالكيش شخصية خاااالص ههههههههههه
حور:: بصريخ .. انننتتى مااااالك عاااايزة منى ايييييه أبعدى عنى بقى وكفااااااية كدا .. و لـ أحمد أنا مش صغيره عشان تحرجني كدا أنت فاهـ…..
أحمد :: قـ ـطع كلامها بـ قلم قوي على وشها و بزعيق و هو بيضـ ـربها بكل قوته صوتك ما يعلاش تانى انتى فاهمة
حور:: من صدمتها وقعت ع الارض و شفايفها نزفت من شدة القلم
جاسر:: جرى ع أخواته هو و شادى و أدم .. حضن حور اللى بتترعش جامد من كتر وجعها و صدمتها من القلم اللى خدته و لـ أحمد انت اتجننت بتمد أيدك ع أختك بسبب المستفزة دى و بيشاور ع كارمن
فارس أدهم:: يلا بينا و كفاية فضايح لغاية كدا عمو فارس لو عرف مش هيسكت
ياسين:: اتخنق و بزعيق لـ أحمد لدرجة انه كان هيضـ ـربه .. انا عايز أفهم بالظبط مييين اللى ادالك الحق انك تمد ايدك ع حور انت مش وصى علييييها عشان تضـ ـربها بالشكل ده
جاسر:: بخوف و قلق حوووورررر فوقى يا حبيبتى عشان خاطرى كلمينى ردى عليا يا حور و بدموع لـ أحمد لو جرالها حاجة مش هعديهالك و هقول لـ بابا انت فاهم
تسنيم:: قعدت جنبها فـ الارض و زعقت لكل شباب العيلة .. انتوا هتتفرجوا كدا كتيييير اتصرفوووا بسرعة و هى بتحاول تقومها من الارض حطت أيدها ع وشها و صرخت الحقوووونى حور جسمها مـ ـولع نـ ـار
فارس أدهم:: بقلق .. مافيش حل غير اننا نروح دلوقتي و أتصل بـ بابا يجى يطمنّا عليها
كلهم:: مافيش حل فعلا غير كدا
أحمد:: بقلق .. قعد جنبها و حاول يفوقها و يخليها تتكلم و لكن مش بترد عليه
ياسين:: بعصبية و هو بيتخنق لـ أحمد مش هعديلك اللى عملته فـ حور ده بسهولة يا أحمد انت فاهم بقولك أهو
فارس أدهم:: كفاية لغاية كدا قولت يا ياسين و يلا بينا كلنا ع الباص لو سمحتوا
أحمد:: بزعل من نفسه لأ يا فارس أمشوا انتوا و أحنا هنستنى بابا يجى ياخدنا
فارس أدهم:: و أنا قولت كلنا ع الباص يا أحمد أنت مش شايف حالتها عاملة ازاى اتفضلوا قدامى يلا
و فعلا خرجوا من المدرسة و لسة هيركبوا الباص شافوا عربية فارس بتقرب عليهم
تسنيم:: لـ فارس بابى وصل أهو خلاص يا فارس أطلعوا انتوا الباص
ياسين:: اطلع انت يا فارس الباص و انا هروح معاهم عشان اطمن ع حور
فارس المنصورى:: بأبتسامة .. نزل من العربية ازيكم يا شباب عاملين ايه و قبل ما حد يرد
حور:: شافته و اترمت فـ حضنه و كلبشت فيه و عيطت جامد لدرجة ان فارس قلبه وجعه من عياطها
فارس:: بخضة .. حوورر مالك يا حبيبتى فيكى ايه حد عملك حاجة ؟؟و حاول يخرجها من حضنه لكن هى مكلبشة فيه و مخبية وشها فـ حضن أمانها .. و لـ أحمد و جاسر أختكم مالها فيها ايه
أحمد:: ساكت و باصص فـ الارض
جاسر:: بص بغيظ لـ أحمد و ساكت هو كمان
فارس:: بهدوء .. لـ ياسين و فارس أدهم ممكن افهم منكم ايه اللى حصل
ياسين و فارس :: بصوا لـ بعض و سكتوا و بصوا فـ الارض هما كمان
فارس:: بص لـ ولاده تانى اللى ساكتين .. مافيش حد هيقول ايه اللى حصل لـ حور
حور:: مازالت فـ حضن فارس و بتعيط و تترعش لدرجة أنها أغمى عليها و هى فـ حضن فارس
فارس:: بخوف حووورررر مالك يا قلب بابا فيكى ايه و بزعيق للكل حووورررر مالها حصل لها اييييه انطقووووا
تسنيم:: بدموع .. أرجوك الحق حور يا بابى الأول
فارس أدهم:: عمو لو سمحت شيل حور وديها المستشفى عند بابا و انا هتصل بيه يستنانا و هات حضرتك مفاتيح العربية هاسوقها انا و لـ أخواته أركبوا الباص و لما توصلوا طمنونى عليكم
هنا:: حاضر يا فارس ما تخافش روح انت بس و طمنا ع حور
فارس المنصورى:: لـ فارس أبن أخوه كلمه بسرعة يا فارس و يلا نطلع حالا ع هناك و لـ ولاده اتفضلوا قدامى يلا نطمن ع أختكم
ياسين:: انا هاجي معاكم يا خالو مش همشي لحد ما أطمن عليها
فارس:: معلش يا حبيبى أركب الباص مع اخواتك و روح بيتك دلوقتي و انا هكلمك و أطمنكم كلكم
ياسين:: مستحيل مش هقدر أروح من غير ما أطمن عليها أنا هركب تاكسى و أجى وراكم ع المستشفى
فارس:: بلاش يا ياسين عشان ماتتأخرش و ياسمين تقلق عليك وكمان عشان أخواتك مايرجعوش لوحدهم روح البيت و انا هاطمن و اطمنك
ياسين:: سامحنى يا خالو مش هقدر و ماتقلقش هقول لـ ماما انى عند ناناه و لـ أدم ما تقولش لـ ماما حاجة من اللى حصل انت فاهم
أدم:: حاضر مش هقولها حاجة بس أبقى طمنى يا ياسين
ياسين:: لـ أدم خلاص ماشى و بالفعل ركب تاكسى و أخد معاه أحمد و جاسر
فـ عربية فارس
فارس:: شال حور و هو بيترعش و ركب ورا فارس أدهم اللى سايق بداله .. و هو حاضن حور و شاف وشها و عليه اثر الضرب و لـ تسنيم إيه اللي حصل لـ أختك ومين اللي مد إيده عليها بالشكل ده
تسنيم:: هقولك ع كل حاجة بس لما نطمن عليها و نروح بيتنا
عند ياسين فـ التاكسى
جاسر:: لـ أحمد صدقنى لو حور جرالها حاجة مش هسكتلك يا أحمد و شوف بقى لما بابا و ماما كمان يعرفوا اللى انت عملته هيعملوا فيك ايه
ياسين:: بخنقة .. أصبر بس يا جاسر نوصل المستشفى و نطمن عليها و بعدين حسابه معايا و لـ أحمد مش هعديهالك بالساهل صدقنى
أحمد:: مع جاسر و ياسين ساكت و جواه يا ترى هتعمل فيا ايه يا بابا لما تعرف اللى حصل .. بس انا مش غلطان انا نبهتها و كمان ماما قالت ما نقفش نتكلم مع حد
______________________
فـ المستشفى
وصل فارس المنصورى و هو شايل حور و بيترعش من خوفه و بيجرى بيها و وراه تسنيم و فارس أدهم و شاف أدهم واقف مستنيه بعد ما كلمه أبنه و فـ نفس اللحظة وصل ياسين وأحمد و جاسر
أدهم:: بخضة .. لـ أخوه مالها حور يا فارس حصلها ايه
فارس:: بدموع .. مش عارف يا أدهم أنا كنت رايح أخدهم من المدرسة لاقيتها بالشكل ده ألحقها أرجوك
أدهم:: أخدها ع اقرب أوضة كشف و دخل معاها فارس و تسنيم
فارس:: بقلق طمنى يا أدهم حور مالها
أدهم:: بأندهاش .. ايه اللى حصل مين اللى عمل فيها كدا البنت وشها وارم من اثر الضـ ـرب
فارس:: صدقنى مش عارف يا أدهم و هتجنن و أعرف و من بين أسنانه .. مييين عمل فـ بنتى كدا و لييييه
أدهم:: بعد ما كشف ع حور .. لـ فارس السخونية اللى فـ جسمها و الرعشة و الاغماء ده بسبب الانهيار العصبي اللى حصلها .. انا علقتلها محاليل تنزل الحرارة دى و تفوقها وهتروح معاكم ان شاء الله ما تقلقش
فارس:: قصدك أيه يا أدهم
أدهم:: حط أيده ع كتف فارس .. أنت عارف حور بريئة قد ايه و أكيد اللى حصلها ده أحرجها قصاد زمايلها و ده سببلها انهيار وصلها للحالة دى ماتقلقش شوية و هتبقى كويسة المهم بس نعرف مين اللى عمل كدا
تسنيم:: بدموع .. أنا عارفة مين اللى عمل كدا
فارس:: بلهفة .. قولى بسرعة ساكتة ليه مين اللى عمل كدا فـ أختك انطقى
أدهم:: أهدى يا فارس واحدة واحدة عليها هى كمان مخضوضة ع أختها
فارس:: بعصبية .. أهدى أزاى يا أدهم و أنا بنتى بـ الحالة دى
أدهم:: لسة هيتكلم شاف حلم داخلة مخضوضة
حلم:: بخضة و دموع .. حوووررر حبيبتى فيكى ايه مالك يا قلب ماما و لـ تسنيم أختك مالها فييييها اييييه
فارس:: انتى عرفتى ازاى يا حلم اننا هنا
حلم:: بدموع .. كلمتك كتير و انت مش بترد عليا كلمت أحمد برضوا مش بيرد و حور و تسنيم برضوا ماحدش بيرد و لما كلمت جاسر لاقيته بيعيط و هو اللى قالى انكم هنا
أدهم:: أهدي يا حلم حور مافيهاش حاجة هى بس اتعرضت لـ انهيار عصبي و هتبقى كويسة دلوقتي بس تخلص المحاليل اللى متعلقة دى
حلم:: بخوف .. قصدك ايه يا أدهم فهمنى بنتى مالها فيها ايه
فارس:: ضمها فـ حضنه أهدي يا حبيبتى حور هتبقى كويسة ان شاء الله انتى مش بتثقى فيا ؟
حلم:: بدموع .. أيوا يا فارس بس انا خايفة يكون ….
فارس:: بمقاطعة لأ مش اللى انتى خايفة منه .. و لـ تسنيم قولى ايه اللى حصل لـ حور
تسنيم:: بدموع .. ابتدت تحكى كل اللى حصل لـ فارس و حلم و أدهم .. و بس يا بابى لغاية ما حضرتك وصلت و هى أغمى عليها
فارس:: بعتاب لـ نفسه سمعه أدهم قد كدا انا أب فاشل ماعرفتش أربى ولادى
حلم:: ساكتة و دموعها نازلة مغرقة وشها و كل اللى فـ دماغها شكلها و هشام بيضـ ـربها بالقلم اللى كان سبب فـ موت أمها
أدهم:: لـ فارس و حلم ممكن تهدوا انتوا الاتنين و تفكروا بعقل و تحاولوا تعالجوا الموقف بهدوء
فارس:: بهدوء لـ تسنيم خليكى جنب أختك و لـ حلم تعالى معايا ع مكتبك
أدهم:: فهم دماغ أخوه .. هتعمل ايه فـ مكتبها اصبر لما ترجعوا الڤيلا
فارس:: لأ يا أدهم مش هينفع و حتى لو انا صبرت حلم مش هتصبر لانى عارف دماغها و فعلا خرج هو و حلم و بقوة لـ أحمد تعال ورايا يلاااا و مشيوا راحو مكتب حلم
جاسر:: دخل جرى يطمن ع حور و شاف عمه .. حور مالها يا عمو فيها ايه
أدهم:: ضمه فـ حضنه ما تقلقش يا حبيبى حور كويسة خليك انت بس جنبها انت و توتة و هتبقى زى الفل و انا هخرج اطمن فارس و ياسين
و فعلا خرج أدهم و طمن أبنه و ياسين و لـ فارس أطمنت ع أخواتك انهم ركبوا الباص و لا جيت جرى مع عمك و سيبتهم
فارس أدهم:: ما تقلقش حضرتك يا بابا أنا ركبتهم الباص و اطمنت انهم وصلوا كمان
أدهم::ربت ع كتف أبنه .. ربنا يباركلى فيك يا حبيبى يلا خد صاحبك و ارجعوا ع البيت حور شوية و هتخرج مع عمك
ياسين:: انا اسف يا خالو مش همشى غير لما أطمن ع حور و أشوفها قصادى كويسة
أدهم:: هز دماغه و سابهم و مشى و جواه عارف يا ياسين انك بتحبها و خايف عليها و مش هتمشى مهما قولتلك
فـ مكتب حلم
دخلت حلم و فارس و أحمد المكتب
و هما ساكتين تماما
فارس:: قعد ع الكنبة و اخد جنبه حلم عمره و أحمد واقف قصادهم باصص فـ الأرض .. شوية و كسر حاجز الصمت بهدوء .. عايز اعرف ايه اللى حصل
أحمد:: مش قادر يتكلم اول مرة يتحط فـ موقف زى ده .. أنا كنت ……
حلم:: بعصبية .. كنت اييييه اتكلم كننننت اييييه من أمتى ربيناك ع انك تمد أيدك ع أخواتك انننطق
فارس:: لـ حلم أهدي يا حبيبتي لو سمحتى و لـ أحمد ها سامعك قول مديت إيدك ع أختك ليه
أحمد:: أبتدى يحكى بالتفصيل كل اللى حصل زى ما قالت تسنيم بالظبط
فارس:: بوجع .. أنا شيلت مسؤولية أخواتى و انا عندى 12 سنة انت متخيل يعنى أيه طفل يتحرم من أبوه و هو اللى بيربى أخواته .. انت عارف أكيد الحكاية مش محتاج أحكيهالك تانى
أحمد:: أسف يا بابا مش هتتكرر تاني
فارس:: تقدر تقولى يا أحمد فـ المليون مرة اللى جدتك قعدت تحكيلك انت و أخواتك حكاية أبوك و أخواته قالتلك مرة واحدة فيهم انى مديت أيدى ع حد من أخواتى
أحمد:: و لا مرة حضرتك عمرك ما مديت أيدك ع حد منهم و لا حتى مديت إيدك علينا
فارس:: بوجع أكبر و ما أتعلمتش لييييه ما طلعتش زى أبوك لييييه ده انا بقولك انت سند أخواتك من بعدى تقوم تعمل كدا و انا لسة عايش اومال لو مُت هتعمل ايه .. هى دى المسؤولية يا راجل يا كبير تضـ ـرب أختك و تحرجها قصاد كل اللى فـ المدرسة توصلها لـ أنهيار عصبي لييييه طيب استنى لما أموت عشان ما أشوفش انى فشلت فـ تربية ولادى
أحمد:: بعد الشر عن حضرتك ربنا يخليك لينا أنا أسف صدقنى غصب عني
فارس:: عارف يا أحمد هقولك حاجة صغيرة ماحدش يعرفها .. مرة قبل ما اتجوز مامتك حصل موقف زي ده بالظبط مع عمتك ياسمين و برضوا نبهت و زعقت اكتر من مرة و كل مرة بيكون بينى و بينها و المرة دى برضوا سمعتها بالصدفة و هى بتكلم البنت دى فـ الموبايل و برضوا زعقت و زعلت منها و كانت لوحدها فـ اوضتها تفتكر لو كنت ضـ ـربتها كان حد عرف او كانت اتحرجت من حد؟ جاوب
أحمد:: أكيد لأ
فارس:: ليه؟
أحمد:: لأنكم لوحدكم
فارس:: طيب تفتكر انا عملت ايه ؟ و خد فـ بالك انى كمان نبهت أكتر من مرة برضوا
أحمد:: مش عارف
فارس:: أبتدى يحكى الموقف
“فلاش باك”
فارس:: بغـ ـضب فتح باب الاوضة .. ياااااااسمييين
ياسمين:: بخضة رمت الموبايل من ايدها .. فارس ؟!
فارس:: أيوا فارس يا أنسة ياسمين .. انا مش حذرتك قبل كدا و قولتلك بلاش زفتة مها دى .. ماسمعتيش كلامى ليه
ياسمين:: و الله يا فارس انا مش بكلمها من يوم ما قولتلى .. دى هى اللى كلمتنى
فارس:: واااضح جدا يا هانم بدليل انها بتكلمك و بتحكيلك أسرارها كمان .. و انا كلامى مالوش أى لازمة مش كدا
ياسمين:: بدموع و الله أبدا يا فارس انا عمرى ما كـ ـسرت كلامك بس هى عندها مشكلة و كانت عايزانى اساعدها
فارس:: بعصبية و هتساعديها ازاى بقى ان شاء الله هتروحى معاها لـ دكتور عديم الضمير و لا تكلميلها الحيـ ـوان اللى غلطت معااااه و لا تكونيش هتساعديها تهرب و تيجى تستخبى هنا انننطططقييي
ياسمين:: بصدمة .. انت سمعت !!
فارس:: للاسف كنت جاى اطمن عليكم قبل ما أمشى و سمعتك بالصدفة و من ردودك عليها فهمت الموضوع .. و بـ أسف معقول انتى أختى اللى كبرت ع إيدى تعرفى ناس بالاخلاق دى
ياسمين:: سامحنى يا فارس عشان خاطرى بلاش تزعل منى أرجوك
فارس:: برغم نرفزته و غيظه منها بس ضمها لـ حضنه انا أه زعلان منك و نفسى أكـ ـسر دماغك بس مبسوط انك سمعتى بنفسك انها بنت مش كويسة و ساهلة اى حد يقولها كلمتين تصدقه و تسلمه نفسها
و النتيجة أهى قصاد عينك .. و بهدوء ياسمين عشان خاطرى بلاش البنت دى نهائى أعمليلها بلوك من عندك و من حياتك كلها لو مش عايزانى ازعل منك و أمشى و انا مطمن عليكى ممكن
“عودة للوقت الحالى”
حلم:: باباك أحتوا أخته و ما أحرجهاش و لا فكر حتى يمد ايده عليها و هما لوحدهم و ع فكرة انا اول مرة اسمع الكلام ده منه دلوقتي عمره ما قال ع حاجة زى كدا ابدا .. انت بقى عملت ايه
فارس:: يا أبنى عمر ما كانت الأخوة بالعضلات و فرض السيطرة .. الأخوة محبة و أحتواء حتى لو كنت انت الصغير خليك كبير بـ حبك لـ اخواتك و أحتويهم و حتى لو حور غلطانة ما تقللش قيمتها ولا تحرجها قصاد حد و استنى لما ترجعوا البيت و عرفها غلطها لازم تتعلم تتحكم فـ أعصابك أكتر من كدا يا أحمد
حلم:: أقعد يا أحمد .. و بدموع عارف انا لما هشام أخويا عمل معايا زمان نفس اللى انت عملته ده و كنت فـ بيتنا القديم ما كانش فيه غير أمى الله يرحمها و مراته الاولى وقتها كـ ـسر قلبي و حصل شرخ بينى و بينه بسبب القلم ده خصوصا ان الموقف ده كان سبب موت أمى ماقدرتش اسامحه بسهولة و لما اتكرر الموقف من أختى أحلام تانى يوم بعد جنازة أمى انا خرجت من البيت روحت ع قبر أمى و قعدت أنهرت و قولت كلام كتير مش فاكرة منه غير افتحيلى خدينى معاكى أخواتى مش عايزينى و بعدها ما حسيتش بنفسى غير تانى يوم و انا فـ العناية المركزة
فارس:: بيكمل.. مامتك وقتها قلبها وقف و كانت رافضة الحياة بسبب أخواتها اللى مدوا ايدهم عليها و عمك أدهم حاول بكل الطرق يفوقها وقتها برضوا ما كنتش لسة اتجوزتها
حلم:: و بفضل ربنا ثم باباك انا النهاردة موجودة .. اللى عايزاك تفهمه يا حبيبى أخواتك أمانك و انت سندهم ما ينفعش تميل عليهم و تكـ ـسرهم بالشكل ده مهما كنت عصبى و مهما نبهت و حذرت و حتى لو انا كنت قولت ماتكلموش حد ما ينفعش تحت اى ظرف و اى مسمى أنك تعمل كدا انت فاهمنى يا أحمد
أحمد:: حاضر يا ماما أنا أسف و الله مش هتتكرر تاني ابدا
فارس:: لو عايز تبقى ظابط فعلا لازم يكون عندك ثبات انفعالى و تتعلم تتحكم فـ أعصابك و غضـ ـبك أكتر من كدا اتمنى تكون اتعلمت و فهمت كلامنا
أحمد:: أكيد يا بابا أتعلمت و اوعدك مش هكررها تانى
فارس:: أتمنى تكون أتعلمت فعلا يا أبنى .. قوم يلا نطمن ع حور
نرجع عند حور
فاقت بعد ما خلصت المحاليل اللى متعلقة ليها و رافضة تتكلم مع حد من أخواتها اللى قاعدين جنبها قلقانين عليها و شافت
أدهم:: داخل يطمن عليها و هو بـ يقيس لها النبض .. عاملة ايه يا حبيبتى دلوقتي
حور:: بدموع .. انا عايزة بابى يا عمو
أدهم:: لسة بيتكلم و شاف فارس داخل هو و حلم .. و لـ حور أهو بابى ياستى وصل أهو .. انا هخرج دلوقتي عندى عملية هخلصها و أرجعلك تانى
فارس:: قعد جنبها و ضمها فـ حضنه .. حورية قلبى عاملة ايه دلوقتي
حور:: بدموع .. مش كويسة خالص يا بابى
حلم:: قعدت جنبها الناحية التانية و أخدتها من فارس و ضمتها لـ حضنها .. سلامتك يا قلب ماما كدا تخضينى عليكى كنت هموت من الرعب ع حوريتى الصغيرة
حور:: أسفة يا مامى غصب عني بسـ… و سكتت ما قدرتش تكمل
فارس:: حبيبتى أنا عرفت كل حاجة .. أحمد كان خايف عليكى بس هو دبش شوية ماعرفش يحسن التصرف
حور:: بشهقات و صوت متقطع .. أ أ أحرجنى يا بابى و خلى كارمن تتريق عليا
أحمد:: بندم لما شاف حالتها .. أنا اسف يا حور حقك عليا سامحينى و بيقرب عشان يبوس راسها
حور:: بعدت عنه و خبت وشها فـ حضن فارس
حلم:: بدموع بصت لـ أحمد مشوارك طويل يا أبنى عشان أختك تسامحك
أحمد:: لـ حور أنا اسف والله أسف سامحينى بقى
جاسر:: بغيظ لـ فارس ع فكرة بقى انا كنت هضـ ـربهولك بعد اللى عمله ده فـ قلب المدرسة
فارس:: بنرفزة و ماله كنت ضـ ـربته هى جات عليك يعنى هو يستقوى بعضلاته ع أخواته البنات و انت بلـ ـطج و امسك فيه عايزكم تقـ ـتلوا بعض ماينفعش كدا و بزعيق .. اييييه خلاص مصممين تعرفونى انى فعلا أب فاشل و ماليش لازمة طيب استنوا لما امو……..
حلم:: بمقاطعة حطت ايدها ع بؤقه و بدموع .. ماتقولش كدا تانى عشان خاطرى بلاش توجع قلبى عليك و بعدين عمرك ما كنت فاشل ولادنا متربيين كويس بس زى ما قولت هو موقف و معرفوش يحسنوا التصرف و أكيد هيتعلموا من غلطهم
جاسر:: بندم .. أسف يا بابا حقك عليا غصب عنى اتعصبت
أحمد:: صدقنى يا بابا حضرتك حاجة كبيرة اوى عندنا و أكيد اتعلمنا و غلطة مش هتتكرر
حور:: انا عايزة أمشى يا بابى من هنا
فارس:: حاضر يا حبيبتى هنمشى بس لما أدهم يجى يطمنى عليكى و يقول ينفع تخرجى هنمشى ع طول .. و بهمس الواد ياسين هيتجنن عليكى برة تحبى أدخله و لا خليه يمشى
حور:: من كتر الخجل وشها اتلون و أحمر و ساكتة
فارس:: ضحك من قلبه ع رد فعلها .. و قال من بين ضحكه .. يبقى عايزاه يدخل مش كدا
حلم:: بغيظ مصطنع .. ما تضحكونا معاكم
فارس:: لـ حلم عمره أسف يا روحي دى أسرار بينى و بين حوريتى و لـ حور مش كدا يا قلبى
حور:: ساكتة و مش قادرة تتكلم من كتر خجلها و ان باباها عارف و فاهم مشاعرها
فارس:: لـ جاسر .. ياسين و فارس برة لسة واقفين عايزين يطمنوا ع أختك خليهم يدخلوا و لـ حور عدل قعدتها وحط المخدة ورا ضهراها و قاعد جنبها محاوطها
ياسين:: دخل بسرعة و مش شايف غير حور و بس و بلهفة طمنينى عليكى انتى كويسة مش كدا .. انا مش هسيب أحمد صدقينى هعرفه يعنى ايه يمد إيده عليكى بالطريقة دى
حور:: بخجل .. انا كويسة يا ياسين شكرا ع اهتمامك
ياسين:: أهتمام ايه بس .. انتى مش عارفة انتى بالنسبالى ايه يعنى ؟ و سكت شوية و بعدين أفتكر و اتكلم بغيظ هو انا مش كنت حذرتك من زفتة كارمن دى وقفتى تتكلمى معاها ليه كانت عايزة منك ايه انطقى
فارس:: برفعة حاجب لـ ياسين انت مش ملاحظ حاجة يا ابن اختى؟
ياسين:: بخضة .. خالو !!
فارس:: ايه اتخضيت يا حبيبى ؟!! .. و بتريقة سلامتك من الخضة يا غالى
ياسين:: بص فـ الارض بأحراج .. انا أسف يا خالو من قلقى ع حور ما شوفتش حضرتك
فارس:: ااااه ماشوفتش حضرتى قولتلى بقى
فارس أدهم:: لـ ياسين بهمس ابقى ركز بعد كدا و لـ حور حمد الله ع السلامة يا حور قلقتينا عليكى
حور:: بصوت يا دوب مسموع .. الله يسلمك يا فارس ميرسيه ع سؤالك
فارس:: لـ فارس أدهم و ياسين خلاص يا شباب اطمنتوا عليها يلا روحوا و كفاية كدا و احنا شوية و هنخرج بس لما أدهم يخلص العمليات و يجى يأذن لها بالخروج
تسنيم:: قامت مرة واحدة لدرجة خضت الكل .. بابى ماحدش قال لـ ناناه زمانها قلقانة علينا
حلم:: اخص عليكى يا توتة خضتينى
جاسر:: لـ حلم معلش يا حلم حياتى أصلها بت هبلة و لـ تسنيم انا ياختى قولتلها اننا هنتأخر شوية بس ماقولتش اننا فـ المستشفى
فارس:: بغيظ منه و قولتلها ايه بقى يا أخرة صبري
جاسر:: بثقة ما تقلقش يا والدى وراك رجالة قولتلها عندنا يوم رياضى و بالنسبة لـ حضرتك و حلم حياتى القمر دى و بيرقص لها حواجبه كالعادة هى عارفة انكم مش ليكم مواعيد
فارس:: امممممم ماشى يا فالح بس ابقى فكرنى أعلقك لما نروح
جاسر:: ليه بس انا عملت ايه يا بابا يا حبيبى
تسنيم:: عشان عاكست مامى يا جاسور هتوحشنا والله ماتنساش تسلم ع الشهدا يا قلب أختك ههههههه
وبالفعل بعد شوية وقت صغيرين خرج أدهم من العمليات و أذن لـ حور انها تخرج بعد لما اطمن عليها و رجعوا كلهم ع الڤيلا و طلعت اوضتها و رافضة تكلم حد خالص من اخواتها
__________________________
فـ ألمانيا
قاعد فـ مكان ما بيتكلم من ورا شاشة ماحدش شافه و لا يعرف شكله غير شخص واحد بس كل أوامره من خلال شاشة الموبايل فقط و عن طريق كاميرات صغيرة جدا يقدر يشوف بيها اللى هو عايزه لكن مستحيل حد يشوفه و اللى بيشوفه يبقى فـ عداد الأموات إلا ألبرت دراعه اليمين هو بس اللى مسمحوله يشوفه
داغر:: بيتكلم فـ الموبايل و باب مكتبه خبط أكتر من مرة و لكن هو مش سامع .. و فجأة
إيڤان:: واحد من أفراد الأمن دخل بسرعة و بلهفة داغر باشـ….
داغر:: قفل المكالمة و بغـ ـضب .. أنت أزاى تدخل بالطريقة دى من غير ما أسمحلك
إيڤان:: أسف بوص .. أنا خبطت كتير و الموضوع مهم
داغر:: بغـ ـضب أكبر .. أنا أذنت لك تدخل ؟! علشان تدخل بالطريقة دى
إيڤان:: كان لازم أبلغك رسالة مهمة جدا علشان كدا إضطريت أدخل ع طول بوص
داغر:: أنت عارف أن اللى بيغلط و يتجاوز حدوده معايا بيحكم ع نفسه بـ الموت و انت تجاوزت حدودك إيڤان
إيڤان:: أنـ…. و مالحقش يكمل كلامه
داغر:: رفع سـ ـلا حه و ضـ ـرب طلقة فـ دماغ إيڤان ..و لـ نفسه مسكين إيڤان مالحقش يقول ايه الموضوع المهم وداعا أيها الغبي و رفع سماعة مكتبه .. ألبرت تعال حالا وقفل قبل ما يسمع رده
ألبرت:: فـ خلال ثوانى دخل و شاف جـ ـثة إيڤان .. أوامرك بوص
داغر:: عملت ايه فـ اللى طلبته منك
ألبرت:: كله تمام بوص
داغر:: اممممم تمام تمام
ألبرت:: ممكن سؤال بوص
داغر:: أسأل ألبرت
ألبرت:: ليه دول بالذات بوص اللى مصمم تعمل كدا معاهم
داغر:: من أمتى بتتدخل ألبرت فـ اللى ما يخصكش انا اللى اقوله يتنفذ و بس و ما أسمعش منك غير حاضر و نعم و كله تمام و بس مفهوم ألبرت ؟
ألبرت:: أنا كنت عايز افهم مش أكتر بوص
داغر:: بهدوء رفع سـ ـلا حه فـ وش ألبرت وحط إيده ع الزناد .. تعرف لو واحد غيرك قال الكلام ده كان حصّل إيڤان قبل ما يكمل كلامه و أنت عارف ألبرت شرب الدم عندى أسهل من شرب الماية
ألبرت:: بخوف .. خلاص بوص فهمت اعتذر مش هكرر سؤالى تانى
داغر:: شاور لـ ألبرت يخرج و هو بيتحرك ناحية الباب نده عليه .. ألبرت أول و أخر مرة تسأل انت تنفذ و بس فاهم و أه أبعت حد يشيل جـ ـثة إيڤان المسكين و يرميها قصاد بيته حرام يمـ ـوت و مش يندفن و أبعت حد ينضف المكتب
ألبرت:: أوامرك بوص و خرج جرى .. و جواه نفدت بعمري منه و لـ أتنين من افراد الأمن ادخلوا نضفوا المكتب و شيلوا جـ ـثة إيڤان و أبعتوها لـ أهله
داغر دخل من باب سرى جوه مكتبه بعد خروج ألبرت مباشرتا و قعد ورا شاشته يتابع شغله و بيفكر فـ حاجة معينة
توأم روحي بقلمى✍️______لبنى دراز
#:: كل سنة و حور طيبة يا فارس اتمنى هديتى تعجبك هاهاهاهاهاهاهاهاها
حلم:: لااااااااااااااااا ؟؟؟؟؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية العشق الأبدي 2 (توأم روحي))
