رواية العشق الأبدي 2 (توأم روحي) الفصل السادس عشر 16 بقلم لبنى دراز

رواية العشق الأبدي 2 (توأم روحي) الجزء السادس عشر

رواية العشق الأبدي 2 (توأم روحي) البارت السادس عشر

رواية العشق الأبدي 2 (توأم روحي) الحلقة السادسة عشر

إن ضاقت بك النفس عما بك، ومزّق الشك قلبك واستبدّ بك، وتلفّتَ فلم تجد بمن تثق، وغدا قلبك يحترق، وأصبح القريب منك غريب، وقلبه يحمل ثقلاً وصخراً رهيباً، ولفّك ليل، وحزن، ولهف، وأغلق الناس باب الودِّ وانصرفوا، فكنْ موقناً بأنّ هنالك باب يفيض رحمةً، ونوراً، وهدىً، ورحاباً، باب إليه قلوب الخلق تنطلق؛ فعند ربك باب لا ينغلق.
توأم روحي بقلمى✍️_________لبنى دراز
فـ ألمانيا🇩🇪
قاعد ألبرت فـ مقر المنظمة مع أتنين من أعضائها و شارد فى داغر و بيفكر ازاى ينتقم منه بعد ما قـtـل أخوه قطع شروده واحد من الاتنين اللى قاعدين معاه
ديفيد:: سرحان فـ إيه ألبرت؟
ألبرت:: انتبه ع كلام ديفيد.. بفكر فـ حاجة كدا ديف ما تشغلش بالك
رافائيل:: حاجة إيه دى ألبرت، انت ليك فترة مش بتركز فـ اى شغل
ديفيد:: لـ رافائيل .. فعلا رافي عندك حق و لـ ألبرت.. أنت بقالك مدة مش مظبوط و مش مركز و كدا الزعيم هيغضب عليك أكتر ألبرت
ألبرت:: بغضب .. هيعمل إيه يعنى ديف هاااا، هيعمل ايه أكتر من أنه قـtـل أدريان، أدريان يا ديف، قـtـل أخويا، رغم انى اترجيته وقولت له أدريان بلاش
ديفيد:: ببرود .. أنت عارف ألبرت ان شغلنا مفهوش عواطف و داغر مالوش عزيز
رافائيل:: لـ ألبرت .. أنسى ألبرت و فكر فـ نفسك بدل ما تطولك رصاsـة داغر زى ما طالت أدريان
ألبرت:: من بين أسنانه .. داغر خلااااص حفر قبره بإيده رافي
ديفيد:: بقلق .. بتفكر فـ ايه ألبرت؟
ألبرت:: بص للفراغ قصاده.. داغر عطل شغل كتير للمنظمة، وسخر وقته و سخرنا أحنا كمان لأنـtـقامه الشخصي من حلم الرشيدي و فارس المنصورى، من غير ما نعرف ايه سبب الانـtـقام ده، و أنا هعمل معاه بالظبط نفس اللى هو عمله و هسخر كل وقتى للأنـtـقام منه
رافائيل:: بتوتر و قلق .. ناوى ع ايه ألبرت بالظبط!!؟
ألبرت::بـ غل من بين أسنانه.. ناوى أوصل لـ الناس اللى أعلى منه، و أبلغهم انه حاطط مشاكله و انـtـقاماته الشخصية فـ المقام الاول قبل أهداف المنظمة الأساسية، وانتوا عارفين بقى الناس دى مابتحبش اللى يخرج عن طوعهم و مينفذش تعليماتهم
ديفيد:: بس داغر هو زعيم المنظمة ألبرت.
ألبرت:: لأ ديف، المنظمة فيها ناس أعلى منه بس موجودين فى إيطاليا مش هنا.
رافائيل::طيب هتوصل لهم ازاى ألبرت؟
ألبرت:: ماتقلقش رافي، أنا وصلت فعلا لمفتاح الناس دى، و من خلاله هفتح طريق الوصول ليهم قريب أوى
و بالفعل قرر ألبرت يقضى على داغر فـ أقرب وقت، أنـtـقاماً منه و كمان طمع في مكانه
_________________________
فـ مصر 🇪🇬
ڤيلا سيف
قاعدة عاليا فـ أوضتها و شافت سيف بيفتح الباب و داخل معاه شنطة هدايا و بيغنى
سيف:: طب أصحي معايا ما تنامشي (ما تنامشي)
انا ما بكولشي كرانشي (كرانشي)
لو عايز تبقى نبطشي (مش عايز)
إسمعني وما تنفضشي (إسمع يلا)
حلوين حلوين بزيادة (حلوين)
جامدين جامدين كالعادة (جامدين)
إصحي وفوق يا حمادة (فوقني)
لأDـرب طلقة ف وشك يلا
يسطا، مالك كدا، يسطا
شوفتني تحمر البشرة
أحلف وأبصم بالعشرة، هاعمل مصيبة
دكتور، أكشف عليا، يا دكتور
عاليا:: باستغراب .. مالك يا سيفو يا حبيبي!!؟ انت شارب حاجة؟
سيف:: بغمزة .. بقول لك ايه يا لولى، ما تقومي تهزي شوية كدا يا قمر خلينا ننبسط
عاليا:: بذهول أكبر من كلامه.. نعم!!؟ عايز ايه!؟ انت فـ وعيك يا حبيبي؟
سيف:: قرب منها بدلع.. عايزك ترقصي لي يا روحي، حرام يعنى مراتى حبيبتى تدلعني شوية!؟ وبيشدها من إيدها وقفها و طلع الحاجة اللي فى الشنطة، ها إيه رأيك؟ هتاكل منك حتة مش كدا والنبي، يلا نجربها بقى ههههههههههههه
عاليا:: بصدمة من اللى شافته فتحت عينيها ع وسعهم.. يانهار ألون مشجر بـ اسود!!! أنت أتهبلت يا سيف؟ ايه اللى انت جايبه ده، لأ، انت مش طبيعى أكيد جرا لـ مخك حاجة
سيف:: حاوطها بايديه الاتنين و غمز لها..هو انا عشان عايزك ترقصي لي شوية و تدلعينى، أبقى اتهبلت يا قمر
عاليا:: أعقل يا قلبي، أبنك بقى أطول منك، و بنتك كلها شوية و تتجوز
سيف:: بيرقص لها حواجبه.. هو انا عشان مخلف شحط أطول مني ولا عشان ما البت الحيلة هتتجوز، هيحرم علينا الانبساط يعنى و لا ايه، قومي يا بت يلا انجزي، ولا أخد الشنطة دي و اروح لجارتنا ناريمان تدينى حبة حنان من بتاع زمان، وتدينى شوية دلع من اللى اتمنع.
عاليا::بغيظ.. نعم يا خويا، تروح فين؟ طب عليا الساtـور يا حبيبي لو فكرت تعملها هغزك.
سيف:: طب عليا الزمامير لو ما قومتى رقصتي دلوقتى يا عاليا لاروح لـ ناريمان و أخليها تدينى حبة حنان و ايمان و كاريمان و نورهان كمان ايه قولك بقى، و هو بيمثل انه رايح ناحية الباب.. هتقومي و لا اروح
عاليا:: بدلع .. يا سلام عليك يا سيفو بس لو ماكنتش تحلف، أمرك يا سيد الرجالة ههههههههههه
سيف:: و هو بيسقف و بيغمز لها.. أيوا كدا يا قمر هو ده، يلا بقى ورينى جمال خطوتك ع الواحدة يا حبي ههههههههههه
نسيبهم بقى ومالناش دعوة بيهم، الله يسهل لعبيده 😂😂😂😂
فـ أوضة علا
قاعدة فـ اوضتها بتشتغل ع اللاب توب، سمعت صوت فونها بيرن و شافت أسم توأم روحي و بسرعة فتحت المكالمة و ردت بخجل
علا:: فارس، عامل ايه
فارس أدهم:: قلب فارس و عمره كله، وحشتيني
علا:: وانت كمان وحشتنى أوى
فارس:: بس انتى وحشتينى أوى، أوى، أوى، أوى
علا:: بخجل .. كل ده يا فارس
فارس:: و أكتر كمان يا علا، انتي متعرفيش انتى بتوحشينى قد ايه ولا أزاى، نفسي بقى نبقى مع بعض النهاردة قبل بكرة
علا::و انا كمان يا فارس مستنية اليوم ده بفروغ الصبر
فارس:: بغيظ.. ما أبوكي هو اللى منشف دماغه و مش عايز يحدد ميعاد الفرح، أعمل انا ايه بقى
علا:: بحب.. بابى مش قادر يتخيل انك هتاخدنى منه يا حبيبي، أستحمل شوية
فارس:: بغيظ أكبر و هو بيفتكر يوم ما اتقدم رسمي لخطوبتها و لسة بيتكلم و يطلب إيدها
“فلاش باك”
قاعدين سيف و عاليا و معاهم فارس و حلم و أدهم و أمل و أبنهم فارس بيطلبوا ايد علا و بيتفقوا ع كل التفاصيل و بمجرد ما قالوا ع ميعاد الفرح فجأة صرخ
سيف:: لاااااااا، مافيش فرح قبل ما أخلف بت تانية بدل اللى هياخدها دى.
فارس أدهم:: وقف بتسرع و عصبية.. نعععععم ليه يعنى!؟ هتربطنا جنبك يا عم انت ولا ايه؟
سيف:: بغيظ.. هو ده اللي عندى يا أبن أدهم، إن كان عاجبك، مش عاجبك شد فـ حواجبك
فارس أدهم:: واقف مكانه بغيظ و بص لـ أبوه و عمه.. ماتشوفوا جوز أختكم ده و اتصرفوا معاه بقى، يعنى ايه مافيش جواز قبل ما يخلف بت غيرها انا مش فاهم
سيف:: لـ فارس .. أبوك و عمك هيعملوا لى ايه يعنى يا أبن أدهم، تكونش فاكر انهم هيجوزوك البت غصب عنى و لا ايه.
فارس المنصوري:: بضحك .. اقعد يا فارس يا أبنى.. جوز عمتك شكله لسع ع الاخر
سيف:: بغيظ من فارس الكبير .. طب بالعند فيك يا ابن المنصوري، مافيش جواز خالص، قال و انا اللى كنت ناوى أجتهد عشان اجيب البت تانية بسرعة
أدهم:: من بين ضحكه .. يا عم ما تجتهد براحتك هو كان حد منعك، بس مش ع حساب أبنى، ماهو برضو عايز يجتهد زيك اشمعنى انت يعنى ههههههههههههه
فارس أدهم:: يا باااااباااا انت بتضحك و انا هوLـع و بص لـ عمه قول حاجة يا عمى ابوس ايدك
فارس:: بضحك و هو مستمتع جدا بالموقف .. يا ابنى دى بنته ماقدرش أحكم عليه هو حر، و بعدين اصبر شوية، الراجل قال هيجتهد استحمل بقى لغاية ما يخلص مذاكرة و تطلع النتيجة ههههههههههههه
فارس أدهم:: قعد بغُلب و هو بيخبط كف بكف.. بالذمة ده كلام عاقلين يا ناااااس، أفرض طلع طالب فاشل بقى و ما ذاكرش كويس، و لا بعد اجتهاده ده طلع ولد و دخل شادى الجيش اعمل انا ايه بقى !؟ وبعدين ما أجتهدش ليه طول السنين اللي فاتت دى يعنى؟ جاى دلوقتى و يجتهد يا عااااااالم
سيف:: بغيظ.. و انت مالك ياض انت، انا أجتهد فى الوقت اللى يعجبنى و بالعند فيك هتفضل مستني كدا لغاية ما اجتهد تانى و تالت و عاشر ، لغاية ماتيجي البت ايه قولك بقى
فارس أدهم:: بغيظ أكبر.. شوف بقى الكلام، ياعم انا مال أمى تجتهد و لا ماتجتهدش انا عايز اجتهد انا كمااااان، أعمل ايه بس يا ناس عشان يفهم
أدهم::بنفس ضحكه لـ فارس.. أهدى يا أبنى هنبقى نعمل لك تظلم يا حبيب أبوك ههههههههههه
فارس المنصوري:: من بين ضحكه لـ سيف و فارس أدهم.. نتكلم جد شوية بقى و بعدين اقفوا لبعض زى الديوك براحتكم.
وفعلا بعد الموقف ده اتفقوا ع كل حاجة و عملوا حفلة الخطوبة و كتب الكتاب بس سيف لسة مصمم ع موقفه و مش عايز يحدد ميعاد الفرح
“عودة للوقت الحالى”
علا:: بضحك.. أسكت شكلكم وقتها كان مسخرة جدا ههههههههههههه
فارس:: بغيظ.. بتضحكي، يا حبيبتى بقالى سنتين خاطبك و كتبنا كتابنا و أبوكى لغاية النهاردة مش عايز يحدد الميعاد و ماعندوش غير نفس الحجة، انا أبتديت أشك فيه، شكله طالب فاشل و مالوش فـ المذاكرة أصلا هههههههههه
علا:: أخص عليك يا فارس، ينفع تقول ع بابا كدا، لا انا زعلانة منك
فارس::بتنهيدة شوق.. أعمل ايه بس يا حبيبتى، مشتاقلك اوى يا علا، و بغيظ.. يعنى تبقي مراتي و مش قادر أخدك فى حضني، ده اسمه كلام ده
علا:: أهدى حبيبي، انت عارف بابي مرتبط بيا ازاي
فارس:: للأسف عارف يا قلبي، و عارف انى هتعب أوى معاه لغاية ما يوافق ع الجواز
علا:: بابتسامة.. سيبك من بابي بقى دلوقتي، انا عندي ليك خبر حلو
فارس:: بفرحة.. خبر ايه قولى بسرعة، أمك حامل!!!!
علا:: بضحك.. لا يا حبيبي، مامي ايه بس اللى حامل دى، انا رفضت وظيفة الملحق الدبلوماسي وقدمت استقالتى من الخارجية، و بخلص ورق رجوعي الجامعة
فارس:: بجدية .. ليه عملتي كدا يا علا، بتضحى بمستقبلك و حلمك ليه؟
علا:: مش ده المكان اللى أخدم فيه يا فارس، ما ينفعش اشتغل فـ بلد أهلها عايشين ع دم ناس أبرياء و مالهمش ذنب غير انهم بيدافعوا عن أرضهم، عشان كدا رفضت التكليف من غير تفكير، انا وقتها ما قولتش لانى كنت مصدومة و قولت لكم اني هفكر، بس قبل ما استوعب اللى حصل و اقول لكم قرارى كانت حصلت حادثة تسنيم و كلنا اتلهينا فيها
فارس:: بسعادة .. انا بحبك اوى يا علا و فخور بيكي جدا
علا:: ماينفعش يا فارس احقق احلامى وطموحي ع حساب ناس تانية، عشان كدا من غير تفكير و حتى من غير ما أطلب تغيير المكان، أعتذرت و رفضت
فارس:: حبيبتى ان شاء الله ربنا هيعوضك خير، يلا انا هقفل دلوقتى و انام وهكلمك اول ما اصحى
علا:: و هى بتروح فـ النوم، هو كل يوم كدا يعنى يا حبيبي
فارس:: أعمل ايه يا قلبي مش بعرف انام غير ع صوتك و أصحى برضو ع صوتك، وبغيظ.. ربنا يهدي أبوكي و يرحمني من عذاب بعدك عني
علا:: بضحك.. بابي ده عسل
فارس:: اه ياختى عسل اوى، يارب عاليا تقلب عليه و تحرمه من المذاكرة الليلة بس ها ههههههههههه
علا:: هههههههه، تصبح ع خير يا حبيبي
فارس:: تصبحى وانتى منورة دنيتي بوجودك فيها
بالفعل قفلت علا المكالمة مع فارس و راحت فـ نوم عميق جدا
___________________________
ڤيلا فارس المنصوري
بعد مرور كام يوم كمان خرج فارس و حلم مع تسنيم راحوا المستشفى، يتابعوا مع الدكاترة تطور حالتها و مدى استجابتها للعلاج، و جاسر فـ الڤيلا بيذاكر هو و شادى و فجأة بدأ يحس بصداع جامد و بقى بيصرخ من شدته لدرجة انه بقى يكـsـر كل حاجة حواليه، و شادى مش عارف يتصرف ازاى خصوصا أن مافيش حد خالص موجود غير فاتن و الشغالين بس
شادى:: نزل جرى بينادى .. دادة فاااااتن ألحقيييني يا دااااادة
فاتن:: بخضة خرجت من المطبخ ع صوته.. مالك يا شادى بتصرخ ليه كدا
شادى::بخوف.. جاسر يا دادة، عنده صداع شديد بيصرخ منه و كـsـر كل اللى فـ الاوضة، وانا مش عارف أعمل ايه
فاتن::بتجرى ع اوضة جاسر و هى بتقول لـ شادى.. بسرعة يا شادى هات من أوضتى شريط المسكن هتلاقيه فـ درج الكومودينو
شادى::بس جاسر مش بياخد مسكنات يا دادة
فاتن::بزعيق.. يعنى هنقف نتفرج عليييه، امشي بسرعة هات المسكن و أخلص
فعلا طلعت فاتن جرى عند جاسر و اتصدمت من منظر الأوضة و منظر جاسر، و شادى دخل اوضة فاتن جاب شريط المسكن و طلع جرى وراها و أتصدم هو كمان لما شاف جاسر بيخبط دماغه فـ المكتب من شدة الصداع
فاتن::جريت عليه.. اسم الله عليك يا ضنايا، ايه جرالك يا جاسر مالك يا حبيبي
جاسر:: صدااااع هيفرتك دماااااغى يا دادة مش قااااااادر
فاتن:: بصت لـ شادى .. هات البرشام اللي معاك ده، و ناولنى كوباية الماية بسرعة.. و فتحت قرصين من الشريط و بتديهم لـ جاسر .. خدى يا حبيبي سمي بالله و ابلع البرشامتين دول و الصداع هيروح ع طول
جاسر:: برفض و اعتراض .. مش عايز برشااااام، انا مش باخد مسكنات
شادى:: بخوف أكبر .. يا جاسر أرجوك خد المسكن من دادة عشان تهدى
جاسر:: بزعيق.. قوووولت مش عايز زفت، انتوا اييييه ما بتفهموووش
فاتن:: بتوتر و قلق .. طيب عايز ايه و انا اعملهولك يا ابنى
جاسر:: بنفس عصبيته و زعيقه .. عاااااايز قهووووة دماغى هتنـfـجرررر
فاتن:: بس كدا حاضر هنزل اعملها لك حالا.. سابت المسكن ع المكتب ولسة هتخرج من باب الاوضة
جاسر:: بزعيق.. أتحركييي، بسررررعة يلاااااا
فاتن رغم قلقها و استغرابها من تصرفاته و عصبيته، الا انها قالت حاضر و خرجت من الاوضة ونزلت و دموعها ع خدها من قلقها ع جاسر، عملت له القهوة و بعتتهاله مع عفاف
شادى:: باستغراب.. كل الهيجان ده عشان عايزة قهوة!!؟
جاسر:: بتعب شديد.. أه يا شادى كل ده عشان القهوة، و ياريت تسكت بقى لانى مش مستحمل خالص، او تقوم تمشي
شادى:: بقلق.. لما اطمن عليك الأول يا جاسر أبقى امشي، و اتفضل خد البرشام بقى لغاية ما دادة تبعتلك القهوة
جاسر:: بعصبية.. أنت ايييه يا اخى غبي مابتفهمش!؟ قولت مش عايز زفت مسكن، مش عايز غير القهوة و بس.. و يادوب خلص كلامه وسمع خبطة خفيفة ع الباب و أذن بالدخول
عفاف:: فتحت الباب و دخلت بعد ما سمعت أذن جاسر و بدلع .. ست فاتن بعتالك القهوة يا سي جاسر
جاسر:: اخد الفنجان منها بلهفة .. هاتي و تانى مرة متتأخروش عليا بالقهوة
عفاف:: بنفس دلعها.. أمرك يا سيدي، انت بس شاور و عفاف تنفذ ع طول.. و بصت لـ شادى .. أعملك قهوة يا سي
شادى؟
شادى:: باحتقار .. لأ، مش عايز، ما بحبش القهوة
عفاف:: قربت من شادى وبهمس.. ليه بس؟ ده بن تركي مستورد يا سي شادى ماتقولش لعدوك عليه، هو فنجان واحد بس من إيدي، و أوعدك هتيجى جرى هنا كل يوم عشان تشرب القهوة بتاعتي.
شادى:: بعصبية لـ عفاف و عينه ع جاسر شايفه و هو بيشرب القهوة زى ما يكون محروم منها و ماصدق لقاها.. قولتلك مابشربش قهوة، و ياريت تغوري بقى ع تحت أحسنلك، بدل ما اقول لـ خالو و ينقطع عيشك من هنا
عفاف:: بغيظ متدارى.. براحتك يا بيه، انت اللى خسران
جاسر:: شرب القهوة و ابتدى يهدى و لـ عفاف.. خدي الفنجان يا عفاف و انزلى، و سيبك من شادى خالص، و لا اقولك استني نضفي الاوضة دى بسرعة قبل ما بابا و ماما يرجعوا من برة، و لـ شادى .. تعالى ننزل نكمل مذاكرة فـ الجنينة يا شكشك عشان عفاف تعرف تنضف الفوضى دي
شادى:: واقف مكانه مستغرب تغيير جاسر المفاجئ و هدوءه بسرعة بمجرد ماشرب القهوة.. و جواه يا ترى جاسر ماله، اول مرة اشوفه بالحالة دى، ايه السر اللى فـ القهوة دى يخليه يهدى بسرعة كدا بعد ماكان بيصرخ من شدة الصداع
جاسر:: بيشاور بإيده الاتنين قصاد عين شادى.. انت يابنى، الووووو، شكشك رحت فين كدا
شادى:: انتبه .. هااا، بتقول حاجة يا جاسر؟
جاسر:: بتريقة.. بتقول حاجة يا جاسر؟ اه يا قلب جاسر بقول يلا ننزل نكمل مذاكرة تحت فـ الجنينة او المكتب عشان عفاف تنضف الاوضة
شادى:: لأ، انا تعبت هروح أرتاح شوية و بعدين ابقى اسهر بالليل أكمل مذاكرة، لو عايز تيجى هستناك نسهر سوا و نطلع ع الامتحان مع بعض
جاسر:: اشطات يا برنس، انا كمان
محتاج ارتاح شوية، هنام ساعتين كدا ولا حاجة و بعدين ابقى اجيلك
شادى:: خلاص تمام، هاطير انا سلام
ونزل شادى فعلا من عند جاسر و دماغه فيها ألف سؤال و سؤال بس مالهمش إجابة و قرر يستنى لما تخلص الامتحانات و يدور ورا جاسر
__________________________
بعد مرور شهر مافيش اى أحداث غير موافقة بنات هاجر ع آدم و عامر و تحديد ميعاد خطوبة أحمد و روڤان بعد ما جاسر و شادى و لوچين يخلصوا امتحانات، وطول الفترة دى اتغير طبع جاسر، بقى عصبي جدا ع غير عوايده و باستمرار يتعصب على أتفه الاسباب و ماحدش عارف ايه سبب تغييره المفاجئ ده، و ربطوا عصبيته بالاحداث اللى بتحصل لهم و امتحاناته و قلقه من النتيجة لانها سنة التخرج، و خلصت فعلا الامتحانات، و جه يوم حفلة خطوبة أحمد و روڤان، و اتحجز لها فـ أكبر وأفخم قاعات الأفراح و حضرها أكبر رجال وسيدات الأعمال و وزراء و سفراء وفنانين و مشاهير و رجال المخابرات، الكل حضر عشان حلم الرشيدي و فارس المنصورى، و كان أحمد و هشام قرروا انهم يكتبوا الكتاب فـ القاعة.
دخلت روڤان القاعة مع هشام و سامر، كل واحد فيهم ماسك إيدها من ناحية، كأنها أميرة بفستانها الدهبي وشعرها المرفوع بيزينه تاج من الورود الدهبي و ميك اب هادى زادها جمال على جمالها، و فـ أخر القاعة واقف أحمد ببدلته السودة و قميص أبيض و كراڤت و منديل دهبي و دقنه الخفيفة زادته وسامة، واقفة حلم ع يمينه و فارس ع شماله، كل ما تقرب روڤان مع هشام و سامر خطوة يقرب أحمد مع حلم و فارس خطوة لغاية ما اتقابلوا فـ نص القاعة، هشام حط إيد روڤان فـ إيد أحمد و هو بيوصيه عليها
هشام:: بدموع الفرح لـ أحمد.. النهاردة روڤان هتتكتب ع أسمك، النهاردة هسلمك روحي، خلى بالك منها، دى المؤنسة الغالية، دى أمي بعد أمي، دى أختي و صاحبتي و حبيبتي قبل ماتكون بنتي، عايزك تكون لها الاب اللى يقوّمها لو غلطت، و تكون لها الأخ اللى يساعدها لو احتاجت مساعدة، و تكون لها الصديق اللى يسمعها وقت الضيق و ينصحها، و تكون لها الحبيب اللى يقبلها بعيوبها قبل مميزاتها، و تكون لها الزوج الصالح اللى يسندها قبل ما تميل، عايزك تتحملها فـ وقت تعبها و عصبيتها، و لو حسيت يوم أنك مش قادر تكمل معاها، او انك بطلت تحبها بلاش تجرحها .
أحمد:: لـ هشام و عينه ع روڤان مش عايز يرفعها.. ما تقلقش يا خالى روڤان دى النفس اللى بتنفسه و الروح اللى فـ جسمى لو بعدت عنى أmـوت، هكون لها الأب و الأخ و الصديق و الحبيب و السند، هتكون فـ عيني و قلبي و هتكون كل حياتي و هى أصلا عمري كله
سامر:: بهزار لـ أحمد .. خد بالك يا كابتن انت معندكش حما واحد، لأ، عندك أتنين، يعنى تحاسب قبل ما تفكر تزعلها، فاهم، اه هى النهاردة هتبقى مراتك بس لسة هترجع معانا برضو، و بغمزة.. يعنى جو مراتى حبيبتى و حضن صغنن مايضرش، ده مافيش منه ها، هتلاقينى واقف لك
فارس:: لـ سامر.. ماتقلقش يا سامر انا اللى هاقف له، روڤان بنتى و اللى ما اقبلوش ع حور و تسنيم مش هاقبله عليها
حلم::قربت من روڤان و حضنتها تبارك لها و بعد ما خرجتها من حضنها ابتسمت لها وقالت، من ما اتولدتي و نزلتى ع إيدى و اتمنيتك لـ أحمد و كنت بدعي ربنا كل وقت تكوني من نصيبه، والحمد لله ربنا حقق لي أمنيتي.
أحمد:: مش واقف ع بعضه عايز يضم روڤان لحضنه من فرحته بس لسة مكتبش الكتاب و بص لـ هشام.. طب ايه مش نكتب الكتاب بقى ولا ايه يا خالى
سامر:: ضحك .. مستعجل انت اوى مش كدا ههههههههههههه
أحمد:: أه مستعجل يا سامر، و قصر فـ ليلتك دى، عشان الدنيا دوارة يا ابن خالى و بكرة هتقف وقفتى دى، و عينه ع ياسين و هتلاقى برضو اللى يعمل فيك اللى انت عامله فيا ده
سامر:: بضحك .. بتفكرني ليه اسكت، ده هيطلع عليا العفاريت الزرق هو و أبوه، ههههههههههههه
هشام::بضحك اسكت يا ابنى قصى يسمعك يفركشها من قبل ما تتم، و لا يعمل زى سيف ما هو عامل فـ فارس ابن أدهم كدا و رابطه جنبه ههههههههههههه
سامر:: لا و ربنا أخطـfـها و يبقى يدور عليها بقى هو و كئيب أفندى بتاعه ده
أحمد:: بجنون لـ سامر.. يا عم مش وقتك خاااالص بقى، انا عايز أكتب كتااااااابي يا ناااااااس
و فعلا وصل المأذون و تم كتب الكتاب و بعد ماخلص المأذون و قال جملته المشهورة.
أحمد:: جري و شال روڤان و لف بيها كتير و نزلها باسها فـ جبينها.. مبارك وجودك فـ حياتي يا كل حياتي
روڤان:: بخجل .. الله يباركلى فيك يا حبيبي
أحمد:: بسعادة.. أحلى حبيبى دى و لا ايه .. و شالها مرة تانية يلف بيها و اخيرا هيبتدى الفرح بالفرست دانس على أغنية الحب الأبدي و ابتدوا يغنوا الاتنين سوا
أحمد:: بنظرة عاشق و بكل الحب اللى جواه ابتدى يغنى .
إنت الحب الأبدي وروح الروح
بنظرة وحدة بيّ تردي الروح، الروح
إيدي بإيديك وين نروح، نروح
روڤان::بخجل .. إنت أماني وعوضي من الأيام بس بحضنك أقدر أغفى وأنام، أنام، حبك جنة وأحلى من الأحلام
أحمد::هو هذا حب حياتي اللي أتمناه
يا طعم الغرام وعطره ومعناه
أدفع عمري كله، أدفع عمري كله حتى أعيش وياه
روڤان::هو هذا حب حياتي اللي أتمناه
يا طعم الغرام وعطره ومعناه
أدفع عمري كله، أدفع عمري كله حتى أعيش وياه
احمد:: (أول مرة أعيشه ها الإحساس (عاشق
عاشق من أطرافي لحد الراس
مثل الهوى أحتاجه إنت الأنفاس
روڤان::إنت جناحي وبيك أتمنى أطير، أطير (أطير
بدونك والله ما حس إني بخير، إني بخير
أني بحضنك واللي يصير، يصير
أحمد:: هو هذا حب حياتي اللي أتمناه
يا طعم الغرام وعطره ومعناه
أدفع عمري كله، أدفع عمري كله حتى أعيش وياه
روڤان::هو هذا حب حياتي اللي أتمناه
يا طعم الغرام وعطره ومعناه
أدفع عمري كله، أدفع عمري كله حتى أعيش وياه،، آه ، آه ، آه آه
خلصت الرقصة الاولى و الشباب والبنات اتجمعوا حواليهم و طبعا جاسر و فريق الكوارث شعلـLـوا الحفلة بالمهرجانات و الرقص طول الوقت و فجأة شاور للدي جى يوقف الأغانى و مسك المايك
جاسر:: بسعادة.. النهاردة طبعا كلنا متجمعين ع شرف أحمد باشا المنصورى و برنسيس روڤان الرشيدي
و بنقولهم مبرووووك الخطوبة و كتب الكتاب، بس انا عايز أبارك لـ أجمد أخ فـ الكون بطريقتى لو تسمحولى و قرب من أحمد و بص له .. أخي الغالي يا صديقي ورفيق دربي يا من معه تحلو كل الأوقات وبقربه أشعر بالأمن والأمان ومعه دائماً يحلو الكلام، بحبك اوى يا أحمد.
أحمد:: ضم جاسر فـ حضنه و بدموع .. و انا بحبك اوى يا جاسر و خرج من حضن أخوه و راح جرى ناحية فارس و حلم اللى دموعهم نازلة من كتر سعادتهم و حضنهم سوا وبص لـ أخواته البنات.. بحبكم كلكم، ربنا ما يحرمنيش منكم ابدا.
جاسر:: نده ع أحمد يرجع مكانه و لما رجع وقف جنب روڤان، جاسر بص لكل المعازيم بسعادة.. دلوقتي بقى مفاجأة الحفلة، هتسمعوا صوت جميل جدا صاحبه مش فنان، بس بيغنى بأحساس قوى، صعب تسمعه و ما تتشدش ليه
فارس:: لـ حلم باندهاش .. الواد ده يقصد مين؟
حلم:: مش عارفة يا حبيبي، يمكن يقصد حد من أصحابه، استنى لما نشوف مين، و فجأة سمعت أسمها
جاسر:: عينه ع حلم و بيكمل كلامه.. الصوت اللى هتسمعوه، صوت كله دفى و مليان حب و حنان، هو صوت أمى و تاج راسي حلم الرشيييييدي، وسقف و الناس كلها سقفت، و بعدين قرب منها باس راسها و حط لها المايك فـ إيدها و بغمزة يلا ياقمر أشجينا
حلم:: بخجل .. ينفع كدا يعنى يا جاسر تكسفنى و تحرجنى قصاد الناس دى كلها
فارس:: بغيظ منه.. أبقى فكرني أعلقك لما نروح
جاسر:: بضحك.. يا باشا كل مرة بتقول كدا و انا بدخل الڤيلا و اطلع جرى ع اوضتى و مش بتلحق تعلقنى، و هو بيرقص حواجبه، أعيش و انرفزك يا والدى العزيز وتعيش و تعلقنى، و لـ حلم يلا يا لومى
الاستدچ ينادي
فارس:: بحب شاور لها بعينيه تقوم
حلم:: قامت فعلا و مع كل خطوة تخطيها ناحية الاستدچ الأنوار بتنطفى لغاية ما بقت إضاءة خفيفة متسلطة عليها و ابتدت تغنى فعلا بكل إحساسها و عينها ع عشقها الأبدي.
في يوم وليله
خدنا حلاوة الحب كله في يوم وليله
انا و حبيبي
دوبنا عمر الحب كله في يوم وليله
عمري ما شفته ولا قابلته وياما ياما شاغلني طيفه
وفي يوم لقيته .. لقيته هو
هو اللي كنت بتمنا اشوفه ..
نسيت الدنيا وجريت عليه
سبقني هوه وفتح ايديه ..
لقينا روحنا على بحر شوق
نزلنا نشرب ودوبنا دوب
ومين يصدق يجري ده كله
فى يوم و ليلة
جاسر و الشباب اتجمعوا حواليها و هى بتغنى و اندمجوا معاها
حلم:: و هى بتشاور ع فارس.. ياللي كان طيفك على بالي وانا بتمناك
مش حتصدق ايه كان حالي قبل ما القاك، كنت بحسد كل فرحه
اشوفها بين قلبين
كنت اغير من كل نسمة حلوه بين حبيبين، و بتشاور ع نفسها.. انا لما صحيت على حبك
وشفت الدنيا من عندك
اتمنى لو كل العشاق بيحبوا
زي انا ما بحبك
ياحبيبي كنت واحشني
من غير ماشوفك وتشوفني
والقدر الحلو اهو جابني
وجابك علشان تقابلني
اتارينا كنا تايهين ولقينا
احلى ايام ليالينا
وأحنا فيها لوحدينا
آه، آاااااااااااااااه
ومين يصدق يجري ده كله
ونعيش سوا العمر كله
في يوم وليله ..
جاسر و الشباب بيسقفوا و يصفروا و بيغنوا معاها و البنات جريوا جابوا فارس طلعوه جنب حلم ع الاستدچ وعملوا دايرة كبيرة حواليهم و الأضاءة متسلطة عليهم لوحدهم
حلم:: ناسية الناس و مش شايفة غير فارسها و بس و بكل الشوق و العشق اللى جواها.
قالولي اهل الهوى ياما ياما
ياما في قلوب مجاريح
وبحبك انت .. انا حشفي كل جريح
بيسألوني لو غبت عني لو غبت عنى
او رحت منى او رحت مني
اعمل ايه؟ أحب تاني
فارس:: بيشاور بإيده.. لا لا لا لا
حلم:: تاني تاني
فارس:: لا لا لا لا
حلم:: مش ممكن اقدر
تعرف يا روحي ياروحي
ياروحي ما اقدرش ليه
هو اللي زيك لو كان في زيك
في الدنيا حد يحب عليه
فى الدنيا حد يحب عليه
أحمد و جاسر:: الله الله الله ايوااا يا مامااااااا
حلم:: و عينها ع فارس
دي كل حاجه اتغيرت.. قدام عينيا
وكل شيء في الدنيا حلو
باقول دا ليٌا
واي حاجه المسها تحلو في ايديا
وده من نهار حبك ما جه وسلم عليا
يا حبيبي كنت واحشني
من غير ماشوفك وتشوفني
والقدر الحلو اهو جابني
وجابك علشان تقابلني
اتارينا كنا تايهين ولقينا
اجمل ايام ليالينا
واحنا فيها لوحدينا
ومين يصدق يجري ده كله
ونعيش سوا العمر كله
في يوم وليلة ليلة ليلة ليلة
خلصت حلم الأغنية و فاجئها فارس بأنه شالها و لف بيها كتير لغاية ماحست انها داخت، نزلها و باس جبينها، و أحمد و الشباب بيصفروا و البنات كلهم بيسقفوا و مبسوطين جدا
جاسر:: قرب من فارس .. دلوقتي دورك يا كبير، لازم تغنى و بص للمعازيم و المغنيين اللى موجودين .. أعذرونى يا جماعة بس فعلا بابا صوته قوى و جميل جدا، و بصراحة انا كنت ناويها تبقى مفاجأة الحفلة الليلة و قد كان، و رجع لـ فارس .. اتفضل المايك و قسّم و سمعنا يا باشا
فارس:: أخد المايك من جاسر و قبل ما يغنى بص لـ المعازيم .. أنا بشكركم ع حضورك و تشريفكم خطوبة أبنى و عايز بس أقول كلمتين و بص لـ حلم .. من سنين طويلة اوى كنت لسة طالب فـ الكلية وقتها حلمت حلم غريب جدا، شوفت روحي بتخرج من جسمي و بتبعد عني و بتقول لى لو عايزنى دور عليا، معرفتش معنى الحلم ده غير لما قابلتك، يوم ما اتنقلت من المنصورة كنت حاسس كأن حد منيمني تنويم مغناطيسي، مش عارف ازاى وافقت ع النقل و فـ خلال يومين اتنقلت و من اول ما دخلت بيتك حتى من قبل ما أشوفك جالى إحساس أنى هلاقى روحي اللى تايهة مني، ولما شوفتك حلمت تانى نفس الحلم بس المرة دى روحي رجعت لى و قالت لى أخيرا لاقيتنى، و من يومها و انتى حلم عمري كله حتى من قبل ما أشوفك، أتجوزنا و ربنا رزقنى منك بأجمل أولاد، و بص لـ حور .. حورية قلبي بنتى الكبيرة و اول فرحتى اللى ضحكتها هى و أخواتها عندى بالدنيا، و لـ تسنيم و دموعه بتلمع فـ عينيه.. حبيبة قلب أبوها اللى روحى راحت وراها و مارجعتش غير بـ رجوعها، و لـ أحمد.. أبنى و فرحة عمري سندي و عزوتي، ضهر أمه و أخواته من بعدي، ولـ جاسر أخرة صبري
جاسر:: قاطعه بدموع .. يعنى هما حورياتك و سندك و انا أخرة صبرك ماشي يا عم مقبولة منك
فارس:: بحب لـ جاسر ..أنت كمان سندي و عزوتي، و عكازي يوم ما تميل بيا الدنيا، ربنا يبارك لي فيكم يا أجمل اولاد من أجمل حلم فـ عمري كله
كل المعازيم سقفوا بسعادة و فرحة وسط دموع أحمد واخواته و باقى عيلة المنصورى كلها
جاسر:: صفر جامد.. ايواااااا بقى يا كبيييير .. يلا يا باشا غني.
و شاور لكل الشباب و البنات يقعدوا اماكنهم حتى حلم ترجع مكانها و فعلا كلهم رجعوا قعدوا ع ترابيزتهم
فارس:: راح ناحية الدي چى واختار أغنية معينة و ابتدى يقرب من حلم واحدة واحدة و هو بيغنى و الأنوار انطفت مرة تانية بعد ما نورت و بقى فى إضاءة خفيفة متسلطة عليه و ماشية معاه و هو بيغنى وصل عندها و مد لها إيده وقفها و بكل أحساسه و عشقه ليها..
بات الأمل في عيني
يروي الجفن صبراً
والعشق في جسدي
يجعلني أدوب
وألام الشوق تروي
فؤادي عطشاً
وما أداركي وما عطش القلوب
يا أميرتي يا جميلتي
يا سيدة كل النساء
لا تتركيني في وحدتي
فالإبتعاد عنك إبتلاء
يصعب عليا تحملي
وحان وقت الإنتهاء
سأكون معكي برغبتي
وكما مولاتي تشاء
يا حور عين قد إكتفيت من العذاب (من العذاب)
الله رحيم فكيف أنتِ لا ترحمي
( لا ترحمي)
سؤالي أنتِ وأنتِ الرد والجواب
حني على قلب قد بات مغرمُ
يا أميرتي يا جميلتي
يا سيدة كل النساء
لا تتركيني في وحدتي
فالإبتعاد عنك إبتلاء
يصعب عليا تحملي
وحان وقت الإنتهاء
سأكون معكي برغبتي
وكما مولاتي تشاء
سأكون معكي برغبتي
وكما مولاتي تشاء
خلص فارس الأغنية و قرب منها باس جبينها و همس لها.. بحبك يا كل عمري، اتجمعوا ولادهم الاربعة حواليهم و دموعهم نازلة من فرحتهم و إحساسهم بالفخر انهم أولاد أب عظيم و أم رائعة الجمال فـ كل شيء،
و كل اللى موجودين فـ القاعة متأثرين بحالة الحب اللى بين فارس و حلم و قدروا يخطـfـوا الانظار فعلا بإحساسهم و هما بيغنوا لبعض.
بعد شوية قام هشام قرب من روڤان حضنها و أبتدا يغنى مع مدحت صالح اللى كان حاضر الفرح أغنية بنتى و حبيبتى وكل حاجة فـ الدنيا دية، و بعدها سامر غنى و رقص معاها، خلصت الحفلة أخيرا بعد ليلة طويلة قعدت لـ الفجر و كانت فعلا حفلة اسطورية بمعنى الكلمة، واللى بسببها تصدرت حلم و فارس جميع مانشتات السوشيال ميديا بخبر واحد، ( حلم الرشيدي و فارس المنصورى يُشعـ/ـلان حفل خطوبة نجلهما بغنائهما لبعضهما، لم يرى كلا منهما إلا الأخر و كأنهما فى عالم أخر لا يوجد فيه سواهما، حلم و فارس حالة عشق لم تروى فى اقوى الروايات الرومانسية)
___________________________
فـ مستشفى الحلم
بعد مرور كام يوم راح شادى المستشفى عشان يقابل ياسين و هو داخل قابل هنا واقفة فـ الاستقبال مع أمل بيهزروا سوا و اول ما شافته
هنا:: بمرح.. يادي النور يادي الهنا، شكشك أبن عمتو عندنا، اى ريح حدفتك علينا يا شكشوكتى
شادي:: شاف هنا و بتسبيل .. شكشوكتك يا هنايا، أخيرا أعترفتى انى شكشوكتك يا حبيبتى
أمل:: برقت اوى من كتر صدمتها و قربت من شادى لسعته ع قفاه، ولااااا انت بتسبل للبت وانا واقفة
شادى:: بصدمة.. طنط أمل!؟ و بتوتر .. آسف ما شوفتكيش و الله
أمل:: بذهول.. ماشوفتنيش!! يا نهارك مش فايت!! ماشوفتنيش ازاى يا ابن عاليا، و بتشاور ع نفسها.. الحجم ده كله ما يتشافش ازاى، ده انا اى كفيف يشوفني يا أبن بديعة المبقعة
شادى:: ببراءة مصطنعة.. ما انا اصلي مش كفيف يا طنط ولا امى بديعة، عشان كدا ما شوفتكيش
أمل:: بغيظ .. جاى ليه ياض انت
شادى:: نسي أساسا هو كان رايح ليه لما شاف هنا و وقف يتلجلج فـ الكلام.. انـ انـ انا كننننت جااااى، كننننت جاااااى، انا كنت جاى ليه؟ و خبط ع دماغه لما افتكر .. اه كنت جاى لـ ياسين
أمل:: برفعة حاجب.. ياسين فـ مكتبه أخر الطرقة يمين يا خفة و بهمس كالعادة سمعوها شادى و هنا.. بيشقط البت و انا واقفة ماشي يا أبن عاليا ان ما ربيتك انت و أمك و ابوك مابقاش انا امل العربي، صبرك عليا
شادى:: و هو بيجري ناحية مكتب ياسين .. سمعتك يا طنط ع فكرة و هاقول لـ عاليا تتصرف معاكي
أمل:: بذهول.. سمعني!؟ سمعني ازاى و انا بكلم نفسي، و بتنادى عليه .. خد ياض انت تعالى هنا
هنا:: بضحك.. يا مامى كل المستشفى سمعتك مش هو بس ههههههههههههه
فـ مكتب ياسين
وصل شادى عند ياسين خبط و استنى لما سمع الأذن، فتح و دخل استقبله
ياسين:: بابتسامة هادية .. تعالى يا شادى ادخل
شادى:: استغرب ابتسامة ياسين .. هو انت عيّان يا ياسين؟
ياسين:: باستغراب.. عيّان!؟ انا!؟ لأ، بتسأل ليه يا شادى؟
شادى:: و هو بيستعد عشان يجري.. اصلك بتبتسم و دى حاجة ما بتحصلش يعنى غير فـ المناسبات
ياسين:: قام جري ورا شادى و جابه من قفاه قبل ما يخرج من المكتب و حدفه ع الكرسي.. انت جاى تستظرف و تجري
شادى:: بخوف .. أبداً والله بس استغربت لما لاقيتك بتبتسم و انت يعنى دايما كئيـ…..
ياسين:: قاطعه بعصبية.. ولاااااا بطل هبل و انطق جاى لييييه
شادى:: طب ممكن تهدى و تبطل تبقى زى الغول كدا، و انا هاقول لك
ياسين:: بنفاذ صبر .. اللهم طولك يا روح، انننننطق جااااااى ليييييه
شادي:: ماتزعقش طيب الله، بطل تبقى زى الطور الها…….. قطع كلامه لما شاف ياسين اتعصب و عينه أحمرت.. ياختاااااااى ايه اللى انا بقوله ده و بص لـ ياسين اللى بيقرب منه، بخوف و بيداري وشه بدراعاته الاتنين، ايه ياعم انت بتتحول و لا ايه، والنبي و ما تـDـربني و النبي، ده ابن خالتك، اخوك حبيبك
ياسين:: بغضب شديد.. اترزع و قول جاى ليه من غير مقدمات، إلا و غلاوة الغالية أمك ألبسها عليك اسود، أخلص
شادى:: بخوف من شكل ياسين.. بصراحة، انا جاى بخصوص جاسر
ياسين:: بقلق.. ماله جاسر، اتكلم ع طول
شادى:: أحواله غريبة بقاله فترة و مش عارف أعمل ايه؟
ياسين:: ازاى؟
شادى:: من وقت الامتحانات لاحظت عليه …….. و ابتدى يحكى اللى شافه و اللى حصل لـ جاسر و الصداع اللى بيجيله و مش بيروح غير بفنجان القهوة
ياسين:: جاسر فعلا ملامحه متغيرة شكله زى ما يكون تعبان او فيه حاجة، انا كمان لاحظت عليه التغيير المفاجئ ده
شادى:: بخوف.. طيب هنعمل ايه، انا خايف يكون عنده مرض وحش لاقدر الله فـ المخ و لا حاجة يا ياسين
ياسين:: بقلق أكبر .. مش ده اللى بفكر فيه يا شادى
شادى:: قول لي بتفكر فـ ايه؟ خلينا نفكر سوا
ياسين:: بجدية.. مش لازم تعرف، انا هشوف هعمل ايه و أحل الموضوع ده، بس يارب يطلع اللى فـ دماغى غلط
شادى:: طب ايه هو اللى فـ دماغك؟
ياسين:: قولت لك مش لازم تعرف، امشي انت دلوقتي، و انا هتصرف
مشي فعلا شادى من المستشفى و حيرته زادت أضعاف من كلام ياسين
بس مافيش فـ ايده حاجة يعملها غير إنه يستنى ياسين و يشوف هيتصرف ازاى
توأم روحي بقلمي✍️_______لبنى دراز
@::يااااسييييين ؟؟؟؟؟؟
#:: …….؟؟؟؟؟؟