رواية العشق الأبدي 2 (توأم روحي) الفصل الخامس عشر 15 بقلم لبنى دراز

رواية العشق الأبدي 2 (توأم روحي) الجزء الخامس عشر

رواية العشق الأبدي 2 (توأم روحي) البارت الخامس عشر

رواية العشق الأبدي 2 (توأم روحي) الحلقة الخامسة عشر

اعلم أنّ لكل شي حدًا ونهايةً، فإنّك لا تدري إلى أيّ مصير أنت ذاهب، فالأمور على ما يُرام في النهاية، فإن لم تكن كذلك، فاعلم أنّها ليست النهاية.
توأم روحي بقلمي✍️_________لبنى دراز
فـ النادى
بعد مرور كام يوم قرر جاسر ياخد تسنيم عشان تغير جو الڤيلا و يخرجها يخليها تروح النادى تشوف ناس جديدة و تقابل اصحابها يمكن يساعدوها تفتكر اى حاجة، و استأذن من فارس و حلم اللى رفضوا فـ الأول و تحت إصرار و إلحاح من جاسر وافقوا انه ياخدها و يخرج، بس بشرط ما فيش أى حد غريب او أى واحدة من أصحابها تشوفها و تكلمها، رغم استغراب جاسر من شرطهم ده إلا أنه وافق عليه و بلغهم انه هيتصل بـ شباب و بنات العيلة و يتجمعوا كلهم و يكونوا حوالين تسنيم، وافق فارس ع كلامه و فعلا جاسر فـ خلال نص ساعة كان خرج من الڤيلا هو تسنيم بعد ما كلم كل الشباب و البنات، و وصلوا فعلا النادى و أول ما دخلت تسنيم النادى بتلف بعينيها فى المكان و عندها إحساس انها شافته قبل كدا، استغرب جاسر تصرفها و سألها
جاسر:: باستغراب.. مالك يا توتة!؟
تسنيم::حاسة انى جيت هنا قبل كدا، بس مش عارفة ولا قادرة أفتكر أزاى و أمتى.
جاسر::بابتسامة.. صدقي احساسك يا حبيبتى
تسنيم::باستفسار.. يعنى انا جيت هنا فعلا يا جاسر؟
جاسر:: اه يا قلب جاسر، أحنا أعضاء فى النادى ده من زمان و كلنا بنيجى هنا دايما، وانتى بالذات أكتر حد بتيجى هنا، عشان بتحبي التنس و كنتى بتيجى باستمرار تلعبي و بالأخص بقى لو حد منرفزك او قلقانة من حاجة كنتى بتخرّجى كل غضبك و قلقك فـ اللعب.
تسنيم::بذهول.. بجد يا جاسر! ؟ انا بعمل كدا!؟
أحمد:: جه من وراها بعد ما عرف من جاسر انهم فى النادى و رد عليها.. عارفة يا توتة انتى الوحيدة اللى واخدة الحتة دي من ماما.
تسنيم:: اتخضت لما سمعت أحمد لانها ماتوقعتش وجوده، سمت بالله جواها و بصت لـ أحمد .. حتة ايه دى اللى واخداها من ماما يا أحمد
أحمد:: حتة تفريغ غضبك فى الرياضة، ماما كدا، لما بتتعصب بتدخل صالة الچيم اللى فـ الڤيلا و تلعب لغاية ما تحس انها أرتاحت و بعدين تخرج.
تسنيم:: بذهول أكبر .. ايه ده!؟ معقول فى صالة چيم فى الڤيلا!؟
جاسر:: بمرح .. يووووه أمك عاملة صالات چيم فـ كل حتة، فـ الڤيلا و المزرعة و قصر المنصورة و ڤيلا الساحل حتى البيت القديم عاملة السطوح بتاعه چيم، تقوليش هتدخل الاولمبيكيات هههههههههه
تسنيم:: بضحك .. الاولمبيكيات مرة واحدة يا جاسر ههههههههههه
أحمد:: بسعادة.. أيوا بقى، أضحكي خلى الشمس تنور دنيتنا.
أبتسمت تسنيم و هى شايفة حب أخواتها و فرحتهم أنها موجودة وسطهم و جواها بتجاهد نفسها عشان تفتكر حياتها قبل الحادثة و ترجع لها الذاكرة، وبعد شوية وقت و هما قاعدين بيضحكوا و يفكروا تسنيم بمواقف كتير كانت بتعملها معاهم، شافوا باقى شباب و بنات العيلة داخلين النادي و قربوا منهم و اول حد جري عليها كانت هنا
هنا:: بفرحة وهى بتجري .. توووووتة، و بتشاور بإيديها الاتنين ع تسنيم و بتغني، أهي، أهي، أهي
سمع هوس وبص عالحلوين
نرقص فالناس يقوموا راقصين
عضلة قلوبنا محتاجة تمرين
عايزينها ليلة حلوة.
شادى:: بيكمل غُنى و هو بيرقص و يرد ع هنا،
سمع هوس وبص عالحلوين
بالعند بقى عادي في التانين
وعاجبنا بس إننا رايقين
واللي زعلان ما يو/لع
أحمد:: بغيظ لـ شادى .. أترزع يا زفت انت وهى و بطلوا شغل القرود ده، فرجتوا علينا الناس
شادى:: لـ أحمد بقولك ايه يا عمونا ما تفكك مننا، و شوف العالم الكئيبة اللى شبهك و روح اقعد معاهم و سيبـ…..
قطع كلامه فجأة لما شاف أحمد وقف هو و ياسين و سامر و فارس أدهم حاوطوه و حطوه وسطهم و ساكتين بيبصوله و بس
جاسر:: شافه بالمنظر ده، بيهز دماغه يمين وشمال .. تؤ تؤ تؤ تؤ، هتوحشنا يا شكشك، مع السلامة يا غالي
آدم:: بحزن مصطنع.. كنت طيب يا شكشك يا حبيبى والله، متنساش تسلم ع الشهدا يا ابن خالتى
شادى:: بتوتر من شكل الاربع شباب و هما محاوطينه من غير كلام.. جاااااسر، آااادم، ألحقووووونيييييي
هنا:: بتريقة.. حد قالك انسحب من لسانك يا شكشك قابل بقى، ماهو ماحدش قالك تقف قصاد القطر و تقوله دوستني ليه!! يلا كنت طيب و أبن حلال، تستاهل يا حبيبي
شادي:: نسي الموقف اللى هو فيه و بتسبيل لـ هنا، بصوت عادل أمام، بتحبيني يا هنااا؟ انا قلبي كان حاسس انك بتحبيني
لوچين::لـ شادي، انت فـ ايه و لا فـ ايه يا منيل، يخربيت شيطانك، ألحق انطق الشهادة بسرعة قبل ما يفرموك هههههههه
شادي لسة هيتكلم فاجئه فارس بالبوكس فـ وشه طيره نزله تحت رجل أحمد، اللى رفعه من قفاه من غير ولا كلمة، و هوووب بوكس كمان وقعه قصاد ياسين اللى عمل نفس الحركة و برضو رفعه من قفاه من غير ولا كلمة و بوكس تالت، حدفه لـ سامر اللى واقف و حاطط إيده فـ وسطه
شادى::واقع تحت رجل سامر، بيمسك فـ رجله بيحاول يقوم و رافع راسه، أبوس إيدك أرحمنى يا سمورة انا شكشك حبيبك، انت طيب مش زي المتوحشين دول
سامر:: بيرفعه بإيديه الاتنين من كتافه و بابتسامة مكر بيعدل له هدومه و طبطب ع خده و هو بيقوله طبعا يا شكشك يا حبيبى اومااااال، و هوووب بوكس كمان وقعه فـ الارض قصاد علا
لوچين:: وقفت تصفر و كأنها بتشجع.. يا نننهار أبييض أحلى بوكسات دى ولا ايه يا رااااجل، ههههههههههه
شادى::رفع راسه لـ علا و بأنفاس مقطوعة، هو انا مش اخوكي حبيبك، ما تروحى تسبلي لـ فارس شوية خليه يرحمني ابوس إيدك، و وقع تانى
علا:: بضحك.. تستاهل يا شكشك يا حبيبى، حد قالك ألعب مع الاسد، و دول مش أسد واحد يا ضنايا، دول أربع أسود يا قلب أختك، بتلعب معاهم ليييه.
حور:: بضحك .. خلاص بقى يا أحمد كفاية حرام عليكم شلفطوه مابقاش نافع ههههههههههه
شادى::و هو واقع لـ حور .. روحي إلهي تنستري يا بنت خالى، و يكون فـ عونك من ابو ايد زى المرزبة اللى مخطوبة له ده.
جاسر:: لـ شادى .. يابنى مافيش فـ وشك حتة سليمة، اسكت بدل ما يكمل عليك بالمرزبة بتاعته دي
آدم:: بتريقة لـ شادى .. أDـربك فييين مافيش فـ وشك مكااااان ههههههه
ياسين:: حط إيده فـ وسطه و برفعة حاجب لـ آدم و جاسر، هاااا، هنحترم نفسنا إحنا كمان و لا نحصله!؟
جاسر و آدم::رفعوا إيديهم باستسلام، و حطوا ايدهم ع بُقهم و بيهزوا دماغهم من فوق لتحت بحركة تدل ع انهم هيسكتوا و مش هيتكلموا
تسنيم:: مذهولة مش عارفة تضحك و لا تعيط من منظر شادى و حركات آدم و جاسر، مش عارفة تنطق، و فجأة شافت يزن بيقرب منهم و عينيه عليها
يزن:: بابتسامة.. مساء الخير يا جماعة
كلهم:: مساء الخير يا يزن
يزن:: بنظرة عاشق لـ تسنيم واضحة للكل، عاملة ايه دلوقتي يا انسة تسنيم
تسنيم:: بخجل .. الحمدلله احسن، انا مش عارفة أشكرك ازاى ع اللى عملته معايا
يزن:: بابتسامة.. مافيش بيننا شكر، انتي متعرفيش قصدى انتوا متعرفوش غلاوتكم عندي قد ايه
آدم:: برفعة حاجب.. يا راااااااجل اممممم، تيييب
جاسر:: بتريقة.. شوووف ازااااى، بقى غلاوتنا احنا برضو
ياسين:: بنفاذ صبر لـ جاسر و آدم .. أنا قولت اييييه
جاسر و آدم:: هزوا دماغهم مرة تانية وسكتوا بسبب خوفهم من ياسين
يزن:: حس انه مكشوف، أتحرج و استأذن عشان يمشي.
فارس أدهم::نده عليه قبل مايمشي و سمح له يقعد معاهم.. رايح فين يا عم، اتفضل أقعد معانا، ولا احنا مش قد المقام يعنى
يزن:: لـ فارس، أزاى بس بتقول كدا، انتوا مقامكم عالى جدا و أكيد يشرفني انى اقعد معاكم.
أحمد:: يبقى اتفضل اقعد، ع الاقل نعرف نشكرك ع اللى انت عملته مع تسنيم، و نعتذر لك ع تطاولنا عليك فـ المستشفى
يزن:: انا عاذرك يا أحمد، و اسمح لى اقولك أحمد كدا من غير ألقاب، انا مقدر طبعا الحالة اللى كنتوا فيها و خصوصا أنت، لأنك توأم انسة تسنيم، و ده أكيد حقكم، انا شخصيا لو كنت مكانكم و عشت اللى انتوا عشتوه أكيد كنت هعمل أكتر من كدا.
فارس:: أحنا بجد أسفين ليك جدا يا يزن، انت متعرفش تسنيم بالنسبة لينا ايه، فعلا اليومين دول كنا بنـmـوت فيهم من غيرها، و فكرة ان فى حد عارف انها عايشة و سايبنا فـ الحالة اللى كنا فيها دى كانت صعبة جدا، عشان كدا فقدنا اعصابنا عليك
يزن:: بغيرة بيحاول يداريها.. مافيش داعي للأسف يا فارس، انا عارف انه غصب عنكم تفقدوا أعصابكم بعد اللى حصل، و بصراحة بابا حكى لي الموقف كله و شدة الصدمة عليكم كانت عاملة ازاى، عشان كدا انا اللى بعتذر ليكم انى مبلغتش حد من وقتها و استنيت لما فاقت من الغيبوبة و اطمنت عليها.
جاسر:: بغيظ.. خلاص حصل خير يا بشمهندس، المهم دلوقتي، اختى عايشة و موجودة وسط عيلتها اللى بتحبها و متقدرش تعيش يوم واحد من غيرها
يزن:: باندهاش من هجوم جاسر .. أكيد طبعا يا جاسر، ربنا يخليكم لبعض، و حمدالله ع سلامتها مرة تانية، أستأذن انا و أسيبكم براحتكم ، فرصة سعيدة
سابهم و مشي و جواه هيتجنن انه معرفش يتكلم مع تسنيم و غيران عليها من وجودها مع شباب عيلتها و مش عارف يعمل ايه، فجأة سمع صوتها بتنده عليه.
تسنيم:: قامت وراه بسرعة بعد ما سابهم و مشي، ندهت .. يزن
يزن:: وقف بسعادة .. عيون يزن
تسنيم:: بخجل .. مشيت ليه؟
يزن::محبتش اقتحم قعدتكم العائلية، يكفيني بس انى طمنت قلبي عليكي.
تسنيم:: بابتسامة رقيقة.. هو قلبك كان قلقان عليا؟
يزن:: ماعندكيش فكرة كان هيتجنن عليكي ازاى، انتي متعرفيش الأيام اللى فاتت دي عدت عليا ازاى وانا مش عارف أطمن عليكي يا تسنيم.
تسنيم:: بتوتر .. هو احنا كنا بنحب بعض من قبل الحادثة!؟
يزن::من أول مرة شوفتك فيها شديتى أنتباهي رغم اننا كنا بنتخانق
تسنيم:: بذهول.. بتتكلم بجد!!
يزن:: بضحك.. و ياريتها جات ع خناق بس ههههههه
تسنيم:: باستغراب .. هو فى حاجة أكتر من الخناق!!!
يزن:: و هو بيحط إيده ع خده، أنتى سلمتي ع خدى سلام تقيل اوى يا حبيبتى هههههههههه
تسنيم:: أنا!؟ انا بجد عملت كدا؟ Dـربتك بالقلم!؟
يزن:: حصل ههههههههههه، و ع قد ما كنت متغاظ منك ع قد ما حسيت انك Dـربتي قلبي بعيونك اللى جننتني دى، تعرفى، انا كنت رافض أعترف بحبك حتى لنفسي
تسنيم:: يااااه للدرجة دي، طيب ايه اللى حصل خلاك تغير رأيك؟
يزن:: وقت ما شوفت عربيتك و هى بتتقلب، قلبي وجعني أوى خوفت تروحي مني، محسيتش بنفسي غير وانا بجري عليكي عشان أطلعك منها قبل ما تنـfـجر، و جريت بيكي ع المستشفى ألحقك، فضلت قاعد قصادك طول ما انتى فـ الغيبوبة، لدرجة انى نسيت الدنيا كلها و مش شايف غيرك أنتى وبس، و مستني اللحظة اللى هتفوقى فيها عشان اقدر اقولك بحبك يا تسنيم
ابتسمت تسنيم بخجل و سابت يزن من غير ما ترد عليه و رجعت قعدت مع أخواتها، بس كل شوية ترفع عينها ناحية يزن اللى راح قعد ع ترابيزة قريبة منها مع باهر صاحبه، تلاقيه هو كمان عينه عليها، يبتسموا لبعض و ينزلوا عيونهم عشان ماحدش ياخد باله من اللى حواليهم، و برغم كدا كان شباب المنصورى كلهم و باهر واخدين بالهم من نظرات تسنيم و يزن لبعض
___________________________
ڤيلا المنصوري
فـ المطبخ
بعد خروج جاسر و تسنيم، حلم دخلت اوضة المكتب تراجع شوية ملفات خاصة بشغلها و فارس طلع أوضته يرتاح شوية و يحاول يفكر بهدوء فـ كل اللى حصل لهم يمكن يقدر يوصل لحاجة، أما عفاف استغلت فرصة ان الجو هادى فـ الڤيلا و قعدت تتعرف ع فاتن و ترغى معاها فـ حاجات كتير و يتكلموا الأتنين عن حياتهم
عفاف:: إلا قوليلى يا ست فاتن بقالك زمان شغالة هنا؟
فاتن:: يااااااه ده انا بقالى عمر معاهم يا بنتى، بس انتى بتسألى ليه!؟
عفاف:: أبدا يا ست فاتن، أدينا بندردش شوية نسلي نفسنا بدل الملل اللى احنا فيه ده، ماقولتليش بقى بقالك قد ايه معاهم.
فاتن:: بعفوية.. انا مع الست حلم من أيام ما كانت أسمها حور، قبل ما تحب الباشا و يتجوزوا
عفاف:: باستغراب .. ازاى يعنى!؟ مش فاهمة منك حاجة يا ست فاتن
فاتن:: انا هفهّمك، اصل الست حلم زمان كانوا بيقولولها حور و لما اتجوزت الباشا من كتر حبه فيها سمى اسم الله عليها حور ع اسم الست حور مراته و عشان ما يحصلش لخبطة، قامت الست هانم قالت لكل الناس ينادوها بأسمها الحقيقي اللى هو حلم، عشان يعرفوا يفرقوا بينها و بين بنتها.
عفاف:: ده ايه اللخبطة دى يا ولاد.
فاتن:: بضحك.. يوه جاتك ايه يا عفاف، انتى اتلخبطى من شوية حكاوى، اومال لو كنتى موجودة وقتها كنتى عملتى ايه!؟ ده احنا قعدنا يجى سنة ع ما حفظنا و اتعودنا خصوصا فارس باشا هههههه.
نروح لـ حلم و فارسها
فـ اوضة حلم
بعد ما خلصت حلم شغلها طلعت اوضتها، فتحت الباب بهدوء و قبل ماتدخل الاوضة شافت فارس نايم، فدخلت من غير ما تعمل صوت عشان ما يصحاش، و دخلت الحمام تاخد شاور دافى تهدي أعصابها شوية بسبب التوتر اللى هى فيه، خرجت من حمامها و هى لابسة البُرنس و لفة شعرها بالفوطة، بصت ع فارس و هى رايحة ناحية (الدريسنج رووم) اوضة اللبس شافته لسة نايم، دخلت الاوضة طلعت هدوم بيت مريحة و لسة بتغير هدومها
فارس:: حضنها من ضهرها و باسها فـ خدها، وبكل عشق السنين اللي بيزيد جواه قالها.. هو انتى ع طول حلوة كدا؟
حلم:: شهقت بخضة.. بسم الله!! حرام عليك يا فارس خضتني
فارس:: لفها ليه و بابتسامته المهلكة.. أعمل ايه بس، حلم عمري وحشتنى مقدرتش اصبر لغاية ما تيجى جنبي.
حلم:: بابتسامة رقيقة.. تقوم تخضنى كدا، وبضحك.. قطعت خلفي يا فوفو أخص عليك، أعمل انا ايه دلوقتى؟ اخلف تانى ازاى بقى ههههههه
فارس:: بضحكة مكر.. طب والله فكرة حتى الولاد كبروا خلاص، وهو بيوطي يشيلها و خارج بيها من اوضة اللبس رايح ناحية السرير.. تعالى بقى وانتى حلوة كدا لما نجيب توأم جديد نخاوى بيه العيال ههههههه
حلم:: بضحك .. انت بتعمل ايه يا مجنون، نزلني
فارس:: تؤتؤتؤتؤ مش هيحصل، خلاص حبيبى طلب و انا هنفذ طلبه فى التو و اللحظة
حلم:: من بين ضحكها.. يا حبيبى انت صدقت ولا ايه، انا كنت بهزر يا فوفو ايه مابتهزرش.
فارس:: بينزلها ع السرير، لأ يا روحي مابهزرش، و كبرت فـ دماغي بقى و هنجيب بيبى صغير دلوقتى نلعب بيه.
حلم:: بيبي ايه بس يا فوفو ده اللى عايزنا نجيبه، احنا كبرنا يا حبيبى ع الكلام ده خلاص و ولادنا كبروا و هيتجوزوا .
فارس::بغمزة.. اهو بعد فوفو دى بقى، انا مصمم أكتر من الأول اننا نجيب بيبي، و زى ما قولتى الولاد كبروا خلاص و هيتجوزوا، يعنى احنا فضينا بقى و براحتنا هههههههههههه
حلم::بخجل .. أنت وبعدين معاك يعنى، مش هتعقل بقى
فارس:: بنظرة عاشق متيم.. أعمل ايه بس، أعقل ازاى و انتى خاطفة قلبي و روحي يا حلم عمري كله.
إن نبضات قلبي لم تنبض إلا بحبكِ، ولم أسمع دقات قلبي إلا و انا معكِ، ليتك تعرفين و تسمعين دقات قلبي وهى تنادي عليكِ، وتشعرين بها وتعلمين كم أنا أحبك وأشتاق إليكِ، فأنا أحبك كلما تاهت الدموع في عيون البشر، أتمناك كلما غابت الشمس وظهر القمر، أعشقك كزهرة تعشق حياة المطر، أحبك ولا شيء يجعلني أحبك سوى القدر
حلم::حاسة ان قلبها هيقف من كتر ضرباته بسبب خجلها.. بس بقى يا فارس اسكت، الله
فارس:: أه منك يا حلم عمري، خجلك ده بيجنني، رغم العمر اللى عدى ده كله ولسة زى ما انتي بتتكسفي و تخجلي من أقل كلمة اقولها لك.
حلم:: ما هو انت اللى بتقول كلام حلو اوى يا حبيبى ومش بعرف أرد عليك، فـ بتكسف أعمل إيه.
فارس:: يالهوى ياني على بتكسف دى، طالعة منك شهد مكرر، كدا ما ينفعش يا بنت الرشيدي، أرحمي قلبي، مابدهاش تعاليلى بقى و…………
( عيونكم يا حلوين يلا من هنا منك ليها) الله يسهله😂😂😂
نسيبهم بقى ومالناش دعوة بيهم، و نرجع المطبخ عند عفاف و فاتن
عفاف:: باستفسار.. ع كدا بقى انتى مش بتاخدى اجازة خالص يا ست فاتن؟
فاتن:: مين قال، باخد طبعا، بس انا اللى مش بحب أخرج من الڤيلا خالص،
عفاف:: طيب جوزك و ولادك مش بيعترضوا ع كدا؟
فاتن:: انا ماعنديش عيال و جوزى مات ليه كام سنة، و من يومها شالله يخليه الباشا و يريح باله يارب، عمل لى أوضة هنا عشان مايسيبنيش اعيش لوحدى
عفاف:: اومال بتاخدى أجازة امتى بقى!؟
فاتن:: باخدها لما الباشا و الست حلم يسافروا، هو انا اه بسافر معاهم بس مش بشتغل
عفاف:: بعدم فهم.. ايه ده، فزورة دى و لا ايه يا ست فاتن
فاتن:: ولا فزورة ولا حاجة، كل الحكاية ان الست حلم عندها ناس بتشتغل فـ كل مكان بيروحوا فيه، قصر المنصورة فيه البت ملك و أختها قمر، هما جم اشتغلوا شوية هنا و بعد كدا رجعوا المنصورة تانى، و ڤيلا المزرعة فيها البت فاطمة بت لهلوبة كدا وصاحبة صاحبتها و حبيبتى، انا و هى بقالنا يجي 30 سنة مع الست حلم، ده غير ڤيلا الساحل فيها برضو ناس بتشتغل، و كل دول بقى لما الست حلم و الباشا يسافروا لمكان فيهم بسافر معاهم بس بقعد كدا مش بعمل حاجة
عفاف:: طيب ماتروحى عند اهلك، بدل ماتسافري معاهم يعنى
فاتن:: يابنتي مش قولتلك جوزي ميت و ماعنديش عيال، عشان كدا انا بروح معاهم، و بيني و بينك انا اتعودت عليهم و مقدرش ابعد عن اسم الله عليهم الولاد، انا ربيتهم زى ولادى بالظبط، و هما كمان بيحبونى
عفاف:: ع كدا انتى تعرفي عنهم كل حاجة بقى يا ست فاتن!!
فاتن:: ايوا يا بنتى اومال ايه، مش انا اللى مربياهم
و بالفعل قدرت عفاف تتعرف ع فاتن و تعرف كل حاجة عن حلم و فارس و ولادهم و يضيعوا وقتهم لغاية ما يرجعوا الشباب من النادى
_______________________
فـ النادي
قعدوا الشباب يضحكوا و يهزروا مع بعض و هما مراقبين نظرات تسنيم و يزن لبعض، بعد شوية وقت قام كل حبيب يتمشي مع حبيبته، فارس وعلا، ياسين و حور، سامر و رؤى، أحمد و روڤان، و سابوا باقى الشباب و البنات قاعدين مكانهم و فجأة
لوچين:: Dـربت جاسر فـ دراعه بغيظ وقامت وقفت ربعت إيديها و بتهز فـ رجلها.. أنت مش ناوي تمشيني كدا زيهم ولا ايه يا سي جاسر
جاسر:: و هو قاعد مكانه قلع نضارة الشمس و حطها ع دماغه و بص لها.. دول عالم ممحونة و مالناش دعوة بيهم، أنما احنا ناس عاقلة يا قلبي وأكبر من ذلك، اقعدى يا حبيبتى ربنا يهديكي
لوچين:: بغيظ .. يا سلام ياخويا و انا مالى، انا عايزة اعمل زيهم و نتمشى سوا اشمعنى هما
جاسر::برفعة حاجب.. تفتكري بعد كلمة أخويا دي هقوم يعنى، أقعدي يا لوچى و بطلى صداع انا مافيش حيل امشي
لوچين:: ع نفس وضعها .. بس انا عايزة اتمشى زيهم و نحب فـ بعض احنا كمان ماليش دعوة بقى
جاسر:: ع الدغوي ؟؟؟
لوچين:: ع الدغري
جاسر:: انا تعباااااان ههههههه
لوچين:: قعدت و هى مقموصة و Dـربته برجلها بغيظ أكبر فى رجله من غير ما تتكلم
جاسر:: اتوجع من الـDـربة .. أااااه يابنت المجانين، رجلي وجعتني
شادي:: بشماتة .. أحسن تستاهل أشمعنى أنا يعنى اتشلفط كدا بالشكل ده، ع الاقل انت أيد ناعمة اللى نزلت عليك، و هو بيتلفت بخوف، مش أربع تـEـران منهم لله، يارب البنات يخاصموهم بس ها
هنا:: بضحك .. هو ده أخرك يعنى يا شكشك ههههههههههه، انشف ياض كدا و اتعلم منهم
شادي:: بغمزة .. سيبك انت منهم يا وحش الكون و تعالي نتمشى نحب فـ بعض زيهم
آدم:: بضحك.. يا أبنى هو انت شايف قدامك اصلا عشان تقوم تتمشى ههههههههههههه، و بعدين اهدى كدا و فكر هتقول لـ خالتو و عمو سيف ايه ع خريطة وشك اللى اتغيرت معالمها دى
شادي:: و هو بيحط إيده ع وشه .. اااااه، ما تخافش ياخويا هما اتعودوا خلاص يشوفوا وشي كدا و لا ناسي يعنى المرزبات اللى بنلبس فيها احنا التلاتة، يا فالح
لوچين:: بصراحة يا شكشك يا حبيبي تستاهلوا ماهو من عمايلكم برضو
جاسر:: بغيظ لـ لوچين .. ما تحترمي نفسك ايه حبيبك ده، كيس جوافة قاعد قدامك انا ولا ايه
لوچين:: بصت له و سكتت مش بترد عليه و مخنوقة منه
شادي:: لـ جاسر.. جرالك ايه ياعم انت، انت ناسي انها اختى فـ الرضاعة و لا ايه، اهدى كدا و قول هديت
جاسر:: مش ناسي يا عم، ياكش توLـعوا فـ بعض حتى، بس ما تقولش قدامى حبيبى لحد غيرى، دى ما بتقولهاليش انا يا عم، تقوم تقولها لك انت ليه يعنى
تسنيم:: بهدوء.. مش انت اللى مش عايز تتمشى معاها يا جاسر
جاسر:: و هو بيرقص حواجبه لـ لوچين .. هى عارفة انى ماليش فى المحن ده مش كدا يا لوچى
لوچين:: اه ياخويا عارفة، جاتنا نيلة فى حظنا الهباب
نروح بقى لهذا الشبل أبن أبوه اللى هيجلطونى قريب 😂😂😂
بيتمشى هو و روڤان حاطط إيده فـ جيوبه و هى بتفرك فـ إيديها، بعدوا شوية عن الباقيين و وقفوا فى مكان قريب جدا من البحر و بكل اشتياق و حب
أحمد:: وحشتيني أوى يا روڤي
روڤان:: بخجل و أنت كمان وحشتنى أوى يا أحمد، بس أعمل إيه بقى، انت دايما مشغول عنى
أحمد:: بنظرة عاشق ولهان ..غصب عني يا حبيبي، انتي شايفة كل المشاكل اللي احنا فيها دي، ده غير شغلى و مأمورياتى اللى بطلعها و انا بالى مشغول بيكم
روڤان:: بنفس نظرة العشق .. أنا عارفة يا حبيبي و مقدرة كل اللى انت فيه، بس عشان خاطري ما تنشغلش عني كتير
أحمد:: انا عمري ما انشغلت عن قلبي و روحي أبدا، حتى لو مش موجود يا حبيبتى فـ انتى دايما معايا فى قلبي و قصاد عينى، عارفة يا روڤى لما بيكون في حاجة صعبة عليا و مش عارف أحلها او فى خطر فـ اى مأمورية طلعتها، بمجرد ما أذكر أسمك بينى و بين نفسي و اتنفس ريحتك كل صعب بيهون و كل خطر بيتلاشى
روڤان:: بابتسامة بريئة خطـfـت قلبه.. أنا بحبك اوى يا أحمد و بخاف عليك، أرجوك خد بالك من نفسك عشاني
أحمد:: عينه فـ عينيها .. و انا كمان بحبك اوى يا نور عين أحمد و عايز أرمي نفسي فـ حضنك واعيط لغاية ما أرتاح من كل أوجاعى، يااااااه أمتى يجى اليوم اللى نبقى فيه مع بعض فـ بيت واحد يا روڤي
روڤان:: بمشاكسة .. يا سلام، ما انت من كام شهر قولت هتكلم بابا عشان كتب كتابنا لما ترجع من السفر و مش اتكلمت لغاية دلوقتي يا كابتن
أحمد:: عارف يا حبيبي انى وعدتك وقتها بس كان غصب عنى والله، انتى شايفة بنفسك اللى أحنا فيه
روڤان:: بغيرة .. أه يا سيدي شايفة ست رودينا اللى كنت جايبها معاك، و كمان تخليها عندكم فـ الڤيلا و قال ايه تحت حمايتى قال
أحمد:: بضحك .. حبيبى الشرس ده يا ناس اللى بيغير عليا، ده انتى كلتيها علقة طلعت من نافوخها يا شيخة حرام عليكي، كنتى هادية و كيوتة يا روڤى ايه اللى غيرك كدا يا قلبي و خلاكى شرسة بالشكل ده ههههههههههه
روڤان:: انا زى ما انا يا حبيبي هادية و كيوتة، بس اللى تقرب لك.. و عملت حركة بإيدها و سنانها كأنها قطة شرسة .. أكلها باسنانى أكل
أحمد:: بابتسامته المهلكة.. أmـوت فيك يا شرس و بغمزة
أحبك يا عابثةُ، أنتِ من أخجلت القمر بجمالها، أنتِ لحن الخلود، أنت زهرة براري فاحت بعطرها، أنتِ لي كل الورود، أنتِ من يسكن البحر في عيونها، أنتِ قلب بالعشق يجود، أحبك لأنكِ أنتِ و من سواكِ في القلب يسود.
روڤان:: بابتسامة رقيقة ..حبيبي، دعني أوقظ حلمي، على ابتسامة عينيك و أرتشف رحيق ابتسامتك، كل صباح، مع قهوتي الداكنة، لأبدأ يومي الطويل بكلمة، أحبك
أحمد:: بعلو صوته كله و بكل الحب اللى جواه.. بعشششششقك يا روڤاااااان، وطلع من جيبه علبة صغيرة فيها خاتم ألماظ و نزل ع ركبة و نص و هو بيقدمهولها.. روڤان هشام الرشيدي ممكن تقبل تتجوز العبد لله المسكين أحمد فارس المنصوري
روڤان:: بسبب فرحتها من جمال المفاجأة اللى عملها لها أحمد من غير ما تحس حضنته و هى بتصرخ بعلو صوتها.. موافقااااااااااااااا
أحمد:: شالها و لف بيها كتير جدا بعدين نزلها و باس جبينها، عاجبك كدا يا مجنونة!! سامر لو شافنا هيعلقنا
روڤان:: بخجل من نفسها و من أحمد .. أسفة يا حبيبي، بس من فرحتى ماحسيتش بنفسي
أحمد:: بسعادة .. و عشان فرحتك دى، ان شاء الله اول ما نرجع من النادي هكلم بابا و نيجى نكلم خالو عشان خطوبتنا و كتب كتابنا و بغمزة .. يمكن يبقى جواز ع طول
( أبن أبوك يا أبنى) أوعد السناجل يارب قبل ما ينجلطوا زيى😂😂😂
وبالفعل بعد شوية وقت رجعوا لباقى شباب و بنات العيلة و الفرحة مش سيعاهم و بعد ما خلصوا قعدتهم فى النادى روحوا بيوتهم كلهم، و أحمد مقرر يكلم فارس و حلم عشان يروح لخاله يخطب روڤان، و فعلا اتكلم أحمد مع فارس اللى فرح جدا بالخبر ده و فاتح هشام فى الموضوع و طبعا وافق و رحب جدا و اتفقوا يتمموا الخطوبة و كتب الكتاب بعد امتحانات جاسر.
______________________
فـ بيت هاجر
بعد مرور كام يوم قررت هاجر فيهم تعزم حلم و فارس فى نفس اليوم اللى هيروحوا فيه قصى و ياسمين و آدم، و كمان حازم والاء وعامر عشان يخطبوا بناتها روفيدة و رودينا، رحب أمجد بضيوفه و بعد الترحيب و السلامات اتكلم فارس بعد ما قصى و حازم وكلوه يتكلم بالنيابة عنهم فى الموضوع اللى رايحين عشانه.
فارس:: بجدية لـ أمجد .. انت طبعا يا دكتور عارف سبب وجودنا كلنا هنا ايه، عشان كدا هدخل فـ الموضوع من غير مقدمات، انا يشرفني اطلب إيد روفيدة لـ آدم أبن أختى و رودينا لـ عامر أبن حازم، قولت ايه؟
أمجد:: بنفس الجدية.. و انا أكيد مش هلاقي أحسن من ده نسب يا فارس باشا، بس طبعا رأى البنات أهم و لو موافقين أكيد مش هعترض و اقف قصاد رغبتهم
آدم وعامر:: قاموا وقفوا و بتسرع .. خلاص نسألهم والنبي يا عمو
فارس:: بص لـ آدم و عامر من غير مايتكلم ، الاتنين قعدوا مكانهم و اعتذروا، و بص لـ أمجد .. أكيد طبعا رأى البنات أهم عشان كدا خدوا وقتكم و سيبهم يفكروا براحتهم، و انا تحت أمرهم فـ أى حاجة يطلبوها يا دكتور
أمجد:: و ده العشم يا باشا
هاجر:: بغيظ مصطنع .. بس انا مش موافقة يا أمجد
حلم:: بهدوء .. مش موافقة ليه يا هاجر
هاجر:: مش موافقة وخلاص يا حلم
الاء:: برفعة حاجب.. يعنى ايه مش موافقة وخلاص يا هاجر، أكيد عندك اسباب، ياريت تقوليها عشان نفهم سبب أعتراضك
حازم:: أستني انتي يا الاء، و لـ هاجر قولى يا هاجر اللى عندك و احنا سامعينك
هاجر:: قعدت و حطت رجل ع رجل و بصت لـ ألاء و ياسمين، عشان أوافق أديكم بناتي، الشبكه متقلش عن مليوون جنيه و عايزة قصر لكل واحدة فيهم، ده غير المؤخر… خمسة مليون جنيه لكل واحدة
ياسمين:: بصدمة .. نععععععم!!؟ ليه يعنى ان شاء الله!؟ كانت بنت مين عشان تطلبي كل ده
الاء:: بجدية .. قولى كلام معقول يا هاجر، ايه اللى بتقوليه ده
هاجر:: ببرود .. والله ده اللى عندى، الموضوع عرض و طلب، مش عاجبكم بلاش
حلم:: بنرفزة .. جرا ايه يا هاجر ده كلام ناس عاقلين برضو
هاجر:: بغيظ لـ حلم.. ليه يا ست حلم هما بناتي مايستهالوش ولا ايه يعنى
فارس:: بهدوء .. أكيد يستاهلوا طبعا يا مدام هاجر و أكتر من كدا كمان، و انا عيني ليهم، و اللى هيطلبوه هيكون تحت أمرك و أمرهم، بس انتي مش شايفة أن الكلام ده سابق لآوانه !؟
هاجر:: سابق لآوانه ليه يا فارس باشا، انا بحط النقط ع الحروف من اولها عشان الكل يبقى مرتاح
ياسمين:: بعصبية .. نقط ايه اللى بتحطيها ع الحروف دى يا ست هاجر، و بصت لـ آدم أنا قولتلك من الاول دى واحدة مجنونة، ايه رأيك يا استاذ فى حماتك المستقبلية
هاجر:: مالها حماته المستقبلية ياختى، مش كفاية هديلكم بنتي
الاء:: بصراحة يا هاجر انتى زودتيها أوى، الكلام مش كدا ابدا
هاجر:: لـ الاء و ياسمين .. اللى عندى قولته ياختى منك ليها، هو انتوا تطولوا تاخدوا بناتي، دول اللى ياخدهم لازم يتقلهم بالدهب، جاتكم الهم سديتوا نفسي عن النسب بتاعكم
ياسمين:: والنبي انتى نهارك مش فايت يا ست انتى، اسكتى أحسنلك، و لـ قصى و آدم يلا بينا من هنا و مافيش جواز من بنت المجنونة دي
هاجر::لـ ياسمين بس يابت انتى أشكال عرر بصحيح
ياسمين:: بغيظ .. مين اللي اشكال عرر يا خنفسة انتي
أمجد:: بغضب لـ هاجر .. وبعدين معاكى يعنى، هو انا عشان ساكت هتسوقى فيها ولا ايه، اسكتي خالص و حسابنا بعدين.
و هما بيتكلموا دخلت إيمان أخت هاجر و سمعت كلام أمجد و هو بيزعق لأختها
إيمان:: لا مؤاخذة بقى يا جوز أختى، هاجر عندها حق، هى من حقها تطمن ع بناتها مع كلاب البحر دول و تضمن لهم مستقبلهم، مش يمكن تكون دى فرحة البدايات و بعد كدا نلبس فى النهايات الحزينة
حلم:: لـ إيمان أتلمي يا بلوة بلاش توLعيها أكتر ما هى واLعة، و اسكتى خالص ماتتكلميش تانى
إيمان:: لأ مش هسكت يا أبلة حلم بقى، بنات أختى و من حقنا نطمن عليهم
الاء:: تطمني ع مين يا بلوة انتى، اومال لو ماكانوش متحررين و أختك نسيت تلبسهم هدومهم، و كمان واحدة مخها لاسع و التانية معرفش مين بيجري وراها و عايز يغـtـالها، كنتوا عملتوا ايه، ده احنا اللى نخاف على ولادنا منكم
هاجر:: لـ الاء طب اسمعى بقى يا بتاعة متحررين انتي، انا مش هتنازل عن طلباتى و زيدي عليهم نفقة خمسة كيلو كفتة و دكرين بط و عشر تجواز حمام واتنين كيلو لحمة اتعشي بيهم انا ليلة الفرح، عشان ههبط من الرقص
و القايمة بقى ع أما اشوف المحامي لانكم مش مضمونين، جاتكم الهم مليتوا البلد، قال بنات هاجر متحررين قال
حلم:: بنفاذ صبر.. بط ايه و وز ايه انتى بتهزري يا هاجر
هاجر:: بضحك.. ومهزرش ليه يا لومى، ده يوم المنى لما نناسب فارس باشا
إيمان:: لـ هاجر بغيظ .. أنتى عبيطة يا هاجر، ده المفروض هما اللى يجروا وراكم و يتمنوا توافقوا ويتشرفوا بيكم كمان، مش تقولي ده يوم المنى، جاتك وكسة يا موكوسة
ياسمين:: بغيظ .. حد يسكت البت دي بدل ما اقوملها أDـربها ع بُقها أكتمها
إيمان:: يا سلام ياختى ليه كانت سايبة ولا سايبة يعنى
الاء:: برفعة حاجب .. اه سايبة و مبعترة كمان، و عايزة تتلمي يا بلوة و شكلى انا اللى هلمك مش ياسمين
حلم:: بجدية .. خلاص نهدى بقى و نلم نفسنا و نتكلم في الجد
قصى::لـ حلم ياريت والله نتكلم جد شوية ولـ أمجد بعيداً عن هزار الستات
احنا تحت أمرك زى ما قال لك فارس، واللى تطلبه روفيدة من جنيه لـ عشرة مليون عيني ليها يا دكتور
فارس:: لـ أمجد و هو بيقوم يقف.. أحنا هنستأذن دلوقتي، و هنستنى ردكم يا دكتور أمجد، خد وقتك و فكر براحتك و احنا فـ انتظار
و بالفعل مشي فارس و حلم و معاهم قصى و عيلته و حازم و عيلته ع أمل انهم يرجعوا تاني بعد موافقة البنات على آدم و عامر .
________________________
ڤيلا فارس
فـ نفس الوقت جاسر كان قاعد فـ أوضته بيذاكر عشان خلاص امتحاناته أبتدت و حس انه عايز يشرب قهوة قام نزل من الاوضة و دخل المطبخ يتسحب من غير ما حد يحس وفجأة
جاسر:: من ورا فاتن و هو بيخضها .. احلى تونة يا ناس ههههههههههههه
فاتن:: بخضة.. بسم الله، كدا يا جاسر، هتجيب أجلى يا أبنى حرام عليك
جاسر:: بضحك.. أجمدي يا تونة، مش كل مرة هعملها فيكى بقى، المفروض تكوني اتعودتي ههههههههههه
فاتن:: تصدق يا واد يا جاسر مافيش حد قطع خلفي غيرك انت و عمايلك دى، شكلك قاصدها يا واد انت
جاسر:: و هو بيمسك إيد فاتن يلفها حوالين نفسها، طبعا قاصدها ياقمر انتى، اومال كنتي عايزة تخلفي و تسيبينى يعنى لحلم حياتى و فارس قلبها، وانتى قاعدة مع عيالك، يرضي مين ده يعنى بس، و بص لـ عفاف اللى واقفة مستغربة معاملة جاسر لـ فاتن .. مالك يا عسل مزبهلة كدا ليه!؟
عفاف:: ها، أبدا يا بيه مافيش حاجة
فاتن:: لـ جاسر.. نازل هنا ليه و سايب مذاكرتك، اتفضل اطلع ذاكر قبل ما تيجى ست الكل هى و الباشا من برة و يزعلوا منك، يلا
جاسر:: بحزن مصطنع .. كدا يا تونة و انا اللى قولت انزل يا واد يا جسورة لـ دادة فاتن تعمل لك أحلى فنجان قهوة من إيديها العسل دى عشان تصحصح و تكمل مذاكرة، تؤتؤتؤتؤ انا مخاصمك بقى خلاص
فاتن:: طيب أطلع و انا هعمل لك القهوة و اطلعهالك اوضتك
عفاف:: خلى عنك يا ست فاتن، و النبي ما فى حد هيعمل القهوة لـ جاسر بيه غيري، و لـ جاسر .. و النبي يا بيه هتشرب فنجان قهوة من إيدي تحلف بيه عمرك كله
جاسر:: ماشي يا عفاف هشوف قهوتك ولا قهوة دادة فاتن، أعمليها و طلعيها لى عشان أعرف اذاكر
وطلع فعلا أوضته و بعد شوية طلعت وراه عفاف بالقهوة حطتها له ع المكتب و وقفت تستنى تعرف رأيه فيها.
جاسر:: بيشرب القهوة و بيستمتع بيها، وبص لـ عفاف .. الله القهوة حلوة اوى، تسلم ايدك ياقمر، بعد كدا مش هشربها غير من إيدك انتى ع طول
عفاف:: بسعادة.. انت تؤمر يابيه من عيونى، تؤمرنى بحاجة تانى قبل ما انزل
جاسر:: لا شكرا، روحي انتى و لو عوزت حاجة هبعتلك
نزلت بالفعل عفاف و رجع جاسر يكمل شرب القهوة و يكمل مذاكرته عشان امتحاناته
توأم روحي بقلمي✍️_________لبنى دراز
@::قوووولت مش عايز زفت، انتوا اييييه ما بتفهموووش ؟؟؟؟
#::……….؟؟؟؟؟؟