رواية العشق الأبدي 2 (توأم روحي) الفصل الثالث عشر 13 بقلم لبنى دراز

رواية العشق الأبدي 2 (توأم روحي) الجزء الثالث عشر

رواية العشق الأبدي 2 (توأم روحي) البارت الثالث عشر

رواية العشق الأبدي 2 (توأم روحي) الحلقة الثالثة عشر

أيجب أن أموت في غيابك اختناقاً لتدرك أنّك هوائي الذي أتنفّسه، وهل كان قلبي قاسياً ليكون هذا الهجر قدري، أم أنّي مظلوم في بحر الحب وحدي، أترانا نلتقي ثانية أم أنّ أيّامنا قد ذهبت ولن تعود، أرسمك في قلبي ذكرى أبدية، أم أدفن ذكراك إلى الأبد، وأنثر الورود فوقها فهذه قسمتي من كدر الحياة.
توأم روحي بقلمى✍️_________لبنى دراز
فـ المركز الطبي العالمى
بعد مرور يومين قاعد يزن فيهم طول
الوقت قصاد العناية المركزة من غير ما يرتاح لحظة مستنى انها تفوق و يطمن عليها و اول ما شاف الدكتور قرب منه بلهفة يسأله
يزن:: بقلق .. أرجوك يا يوسف طمنى
هى ليه مش بتفوق لغاية دلوقتى؟
يوسف:: أهدى يا يزن هى حالتها مستقرة نوعاً ما و ان شاء الله تفوق
وتبقى كويسة
يزن:: بقلق أكبر .. يعنى ايه حالتها مستقرة نوعاً ما دى؟ انا مش فاهم حاجة
يوسف:: يعنى مافيش خطورة عليها يا يزن بس تفوق و نحدد كل حاجة بعد كدا
يزن:: طيب هو انا ينفع أدخل أطمن عليها ؟
يوسف:: للأسف حاليا ما ينفعش
يزن:: قعد مكانه تانى باستسلام و مافيش قدامه غير الانتظار
يوسف:: قرب منه بهدوء .. يزن أنت من وقت ماجيت من يومين بالبنت دى و انت ع نفس الحالة دى يا صاحبي ، انا صحيح ما اعرفش تقربلك ايه و لا ايه علاقتك بيها ؟ بس……
يزن::قاطعه بخوف.. دى اللى خطـ ـفت قلبى من أول يوم شوفتها فيه يا يوسف أرجوك طمنى عليها
يوسف:: طيب قوم أرتاح شوية فـ مكتبى و انا هطمنك لما تفوق ، انت قاعد كدا من بدرى والقعدة كدا هتتعبك
يزن:: لأ يا يوسف مش هقوم من هنا غير لما تفوق أرجوك أدخل و طمنى عليها
يوسف:: حاضر يا يزن ..و بالفعل دخل دكتور يوسف العناية المركزة و شافها
تسنيم:: فاقت و دماغها مربوطة بشاش و إيديها مربوطة و حاسة بتعب فـ كل جسمها و بتئن من كتر الوجع .. أاه ، أاه، انا فين ؟
يوسف:: بابتسامة .. حمدالله ع سلامتك يا أنسة …. ؟
تسنيم::بصت له باستغراب مش عارفة تقول اسمها
يوسف:: بشك .. أنتى مش عارفة أسمك ؟
تسنيم:: بتعب.. لأ مش عارفة، أأنا فين؟ و أنت مين؟ أنا ايه اللى جابنى هنا؟
يوسف:: بهدوء .. أنتى مش فاكرة أى حاجة ؟
تسنيم:: لأ مش فاكرة حاجة خالص ، هو ايه اللى حصل ؟
يوسف:: حصلت لك حادثة بالعربية
تسنيم:: حادثة؟ عربية؟ أنا مش فاهمة انت بتقول ايه
يوسف:: شك فـ حاجة معينة و أبتدا يكشف عليها و أستدعى دكتور مخ و أعصاب و بعد شوية وقت وصل الدكتور، بلغه يوسف بشكه فـ الحالة و بعد عمل الفحوصات اللازمة اتأكد شك يوسف وخرج برة العناية
يزن:: شافه خارج و سأله بقلق وخوف ..خير يا يوسف ؟ حاسس بحاجة مش طبيعية دكاترة داخلة و دكاترة خارجة فى ايه بالظبط ؟
يوسف:: بحزن ..للأسف يا يزن مش خير
يزن:: بخوف ظاهر ع ملامحه و
صوته .. أنطق قول فى ايه ما تلعبش بأعصابى تسنيم مالها يا يوسف
يوسف:: للأسف الحادثة أثرت عليها و سببت لها فقدان ذاكرة
يزن:: بتوتر .. يعنى ايه مش فاهم ، فقدان ذاكرة مؤقت يعنى و لا ايه ؟
يوسف:: حط ايده ع كتف يزن .. انقلاب العربية أكتر من مرة خلاها اتخبطت فـ دماغها و الخبطة أثرت ع مركز الذاكرة و ده السبب انها فقدت ذاكرتها
يزن:: بحزن .. طيب والحل
يوسف:: مافيش غير انك تبلغ أهلها باللى حصل لانهم الداعم الوحيد ليها و اللى هيساعدها انها تسترد ذاكرتها
بسرعة
يزن:: خبط بكف إيده ع دماغه .. أخ انا ازاى غاب عن بالى أبلغهم دول زمانهم قالبين الدنيا عليها دلوقتى.
يوسف:: يخرب عقلك انت مابلغتش
أهلها باللى حصل لها ده!؟
يزن:: معرفش يا يوسف انا لما شوفت
عربيتها و هى بتنلقب بيها ماحسيتش بحاجة غير و انا بحاول انقذها و طلعتها منها و جيت جرى ع هنا ، أنا حتى ما قولتش لـ بابا و بيحط إيده
فـ جيبه يطلع موبايله و باندهاش لـ
يوسف اللاه تليفونى مش لاقيه
يوسف:: دور كويس فـ جيوبك و لا انزل شوفه فـ عربيتك
يزن:: لأ مش فـ جيوبى و لا هيبقى فـ العربية لأنى ماطلعتوش من جيبى أصلاً من وقت ما خرجت من الڤيلا
يوسف:: لو زى ما بتقول كدا يبقى وقع منك و انت بتحاول تنقذها
يزن:: ممكن ، طيب إدينى تليفونك أكلم بابا أطمنه لأنه أكيد قلقان عليا انا كمان و بالفعل أخد موبايل صاحبه
يتصل بحسين
________________________
فـ ڤيلا العوضي
قاعد حسين هو وماجدة مراته قلقانين ع يزن اللى مختفى من يومين و أتصل بـ باهر و كل أصحابه يسأل عليه و فجأة رن فونه برقم غريب و رد
حسين:: ألوو
يزن:: الو ايوا يا بابا
حسين:: وقف مكانه و بقلق .. يزن !! أنت فين يا ابنى قلقتنى عليك يا حبيبى
يزن:: ما تقلقش يا بابا انا كويس
حسين:: قافل تليفونك ليه يا يزن ليك يومين، ماحدش عارف يوصل لك.
يزن:: بتنهيدة .. تليفونى وقع منى يا بابا و انا بحاول انقذ تسنيم و أطلعها من عربيتها قبل ما تنـfـجر
حسين:: باستفسار .. تسنيم ؟! تسنيم مين يا يزن؟
يزن:: تسنيم المنصورى يا بابا بنت حلم الرشيدي.
حسين:: باستغراب .. تسنيم المنصورى !!!!!
يزن:: أيوا يا بابا مالك مستغرب ليه كدا؟
حسين:: يا أبنى تسنيم المنصورى ماتت فـ الحادثة و انا بنفسي حضرت جنازتها
يزن:: ايه الكلام اللى حضرتك بتقوله ده!؟ تسنيم عايشة و موجودة فـ المستشفى هى بس كانت فـ غيبوبة و فاقت منها و بحزن ..بس للأسف فقدت الذاكرة
حسين:: بذهول ..كلام ايه اللى انت بتقوله ده؟ أومال مين اللى اندفنت من يومين دى!!!
يزن:: معرفش يا بابا بس اللى أعرفه و متأكد منه أنى لحقت تسنيم قبل
أنـfـجار العربية و طلعت جرى بيها
ع المركز الطبي العالمى عند يوسف
حسين:: انت بتتكلم جد يا يزن .
يزن:: ايوا يا بابا و ياريت لو تبلغ مدام
حلم و فارس باشا لأنى مش عارف أى
رقم يوصلنى بيهم
حسين:: انا هروح لهم بنفسي، خبر زى ده ما ينفعش فـ الفون يا يزن
يزن:: ماشي يا بابا اللى تشوفه حضرتك، سلام
و بالفعل قفل حسين المكالمة مع يزن
و بتنهيدة راحة و اندهاش فـ نفس الوقت بعد ما أطمن ع أبنه حكى اللى حصل لـ ماجدة و بلغها انه هيروح لـ فارس و يبلغه بمكالمة يزن
_________________________
فـ مستشفى الحلم
فاقت حلم و ابتدت تتحسن و خرجت من العناية لـ أوضة عادية و كالعادة فارس مش سايبها رغم زعلها منه، برة الاوضة كل العيلة متجمعة مافيش حد فيهم قادر يرجع بيته من وجعهم ع حلم و فارس
سامر:: وجه كلامه لـ أحمد اللى دموعه ماوقفتش ع توأمه و كمان حالة أمه و أبوه .. و بعدين معاك يا أحمد هتفضل
ع الحال ده كتير
أحمد:: بدموع .. عايزنى أعمل ايه بس
يا سامر ؟
فارس أدهم::قرب منه وقعد جنبه .. لازم تفوق يا أحمد بسرعة عشان تقدر
تدور و تتحرى عن اللى كان السبب فـ
الحادثة
سامر:: حط أيده ع كتف أحمد .. أنا مش هأقدر اتحرك لوحدى لازم تتحرك
معايا نروح نشوف المكان اللي حصلت
فيه الحادثة لو فيه كاميرات نفرغها نعمل اى حاجة نوصل بيها للجاني يا أحمد
ياسين:: لـ أحمد.. سامر عنده حق انت بقالك يومين ع الحالة دى لازم تفوق بقى عشان تقدر تجيب حق تسنيم قبل ما اللى عمل كدا يهرب و يفلت بعملته
أحمد:: بتنهيدة وجع .. حاضر يا ياسين أطمن بس ع ماما وتخرج من هنا و هتحرك مش هاسكت
و بعد كلام كتير بين كل الشباب بيحاولوا يخرجوا أحمد و جاسر من حالتهم و هم قاعدين قصاد اوضة حلم شافوا
حسين:: داخل المستشفى جرى .. السلام عليكم و رحمة الله
الكل:: و عليكم السلام ورحمة الله
حسين:: لـ قصى انا عايز اقابل مدام حلم و فارس باشا حالاً
قصى:: بحزن .. مدام حلم لسة تعبانة يا حسين بيه و دكتور أدهم مانع عنها الزيارة و زى ما حضرتك شايف كلنا قاعدين برة
حسين:: برجاء .. ارجوك يا قصى بيه لازم اقابلها ضرورى هى و فارس باشا
الخبر اللى عندى ما ينفعش يستنى
سيف:: انتبه لكلامه .. خبر ايه ده اللى
ما ينفعش يستنى يا حسين بيه ؟
حسين:: اخد نفس و خرجه بسرعة .. تسنيم عايشة
حالة هياج من كل اللى موجودين و كل واحد من الشباب بكلمة
أحمد:: بعدم استيعاب .. انت بتقول ايييه اختى انا عايشة!؟
سامر:: انت جبت الكلام ده منييين انطق
ياسين:: لما هى عايشة اومال
مييين اللى اندفنت؟ أتكلم قول هى فييين
هشام:: بزعيق .. وبعديييين ممكن تهدوا شوية، خلونا نفهم الاول
حسين:: أرجوك يا هشام بيه مافيش وقت خلينى اقابلهم و انا هفهّمكم كلكم كل حاجة
هشام:: بتوتر .. ثوانى و دخل فعلا بلغ
فارس بوجود حسين العوضى و طلبه
انه يقابله هو و حلم
فارس:: بتعب .. خليه يتفضل يا هشام
و ساعد حلم انها تقعد بعد ما حطلها مخدة ورا ضهرها ترتاح عليها عشان
تقدر تقابل حسين و بعد شوية خبط الباب و سمح فارس بالدخول
حسين:: دخل الاوضة و دخل وراه أحمد و جاسر و حور و كل اللى موجودين و بص لـ فارس و حلم. .. مساء الخير، حمدالله ع سلامتك يا هانم
حلم:: بوجع .. الله يسلمك حسين بيه
فارس:: بتنهيدة وجع .. خير يا حسين
بيه هشام قال ان حضرتك عايزنا ضرورى
حسين:: اخد نفس مرة تانية و اتكلم بتوتر.. أنا مش عارف ابتدى ازاى و منين بس…..
جاسر:: قاطعه بعصبية .. انت لسة هتخطب، ادخل فـ الموضوع ع طول يا راجل انت من غير مقدمات
فارس:: لـ جاسر بنرفزة .. من امتى بنكلم ضيوفنا كدا يا جاسر ؟
حسين:: لـ فارس انا عاذره يا باشا لان
الخبر اللى قولته برة ما يحتملش فعلا
مقدمات عشان كدا هأكد عليه
حلم:: بدقة قلب عنيفة بتقولها ان روحها فـ الخبر ده و لهفة واضحة عليها .. خبر ايه ده اللى هتأكد عليه ؟
حسين:: تسنيم عايشة و موجودة فـ المركز الطبي العالمى
فارس:: بذهول .. أنت بتقول أيه!؟ تسنيم مين اللى عايشة؟
حسين:: بلع ريقه و كرر كلامه تسنيم بنت حضرتك
حلم:: بصريخ لـ حسين .. أنت بتقول ايييييه تسنيم بنتى انا؟ هى فيييييين سااااااكت ليييييه أنطق أتكلم قول هى فين
فارس:: واقف تايه و عينيه رايحة جاية و شريط حياته مع تسنيم ماشي
قصاد عينيه من يوم ولادتها لغاية الحادثة و فجأة وقع أغمى عليه
حلم:: رغم زعلها منه إلا أنها اول واحدة صرخت و قامت جريت
عليه .. فاااااااااااااارس و خدته
فـ حضنها بتحاول تفوقه ..فووووق أرجوووك عشان خاطرى فوووق يا فارس و بتهز فيه جامد.. ماتعملش فيا كدا يا فارس، فوووق بقى و النبي عشان خاطري و بصت لكل
اللى واقفين و بزعيق ..حد ينادى أدهم بسررررررعة
أحمد و جاسر و شادى شالوه من الارض رفعوه ع السرير مكان حلم
جاسر:: بزعيق لـ ياسين و حور انتوا مش دكاترة اتصرفوووا ماتقفووووش
تتفرجوووووا كداااااا
حور بدموع الخوف بتحاول تفوقه و ياسين خرج جرى جاب حقنة معينة
و رجع أدهاله عشان يفوق
أدهم:: جه جرى يشوفه، بيطمن عليه
ويقيس له النبض و الضغط
حلم:: بخوف و هى بترتعش .. فارس
ماله يا أدهم مش بيفوق ليه ؟
أدهم:: اهدي يا حلم فارس هيبقى كويس هو بس ضغطه وطي مرة واحدة و لـ ياسين بسرعة أجرى هات
محاليل(….) نركبها له عشان يفوق وبص لهم بقلق، ايه اللى حصل وصله للحالة دي ؟
سيف:: بتوتر .. حسين بيه قاله ان تسنيم عايشة مماتتش
أدهم:: بذهول .. نعم!!؟ و لـ حسين انت متأكد من الكلام ده ؟
حسين:: أنا اسف طبعا ع اللى حصل ده، بس غصب عنى كان لازم أجى ابلغكم الخبر ده بنفسي اول ما عرفته
هشام:: بأستفسار .. عرفته أزاى ؟
حسين:: متوتر و قلقان و هو شايف عيون الكل عليه و ابتدى يحكى كل الكلام اللى قاله يزن فـ التليفون .. بس و هو ده كل اللى حصل يا هشام بيه و جيت بنفسي ابلغكم
حلم:: بتسمع كلام حسين و ساكتة خالص مافيش غير دموعها و رعشة جسمها و ضربات قلبها اللى بتزيد من
كتر انفعالها
حسام:: براحة لـ حسين..أحنا بجد متشكرين ليك جدا، انت متعرفش
بالخبر ده انت عملت ايه فينا كلنا
فارس:: ابتدى يفوق و قام من مكانه وشد الكانيولا من إيده، و لـ حسين ودينى عند بنتى، قول لي هى فين و انا اروح لها عايز اشوفها و اتأكد انها هى
أدهم::بخوف مسكه قبل مايقع.. فاااارس أهدى يا حبيبى عشان خاطري، أهدى و هنروح كلنا بس أرتاح الاول و خلص المحاليل دى
فارس:: بزعيق .. سيبنى يا أدهم اوعى انا عايز بنتى، عايز اروح أطمن
عليها، عايز اشوفها بنفسي و أتأكد انها عايشة
و خرج جرى هو و حلم عمره و الكل جرى وراهم برة المستشفى و ركبوا عربياتهم و طلعوا بيها ع المركز الطبي العالمي يتأكدوا بنفسهم من وجود تسنيم
___________________________
فـ المركز الطبي
طلعت تسنيم اوضة عادية بعد ما فاقت و حالتها استقرت، و هى تايهة مش عارفة هى مين او اسمها ايه، و لا فكرة أى حاجة عن حياتها، دخل يزن يطمن عليها و شافها بتعيط
يزن::بحب.. بتعيطى ليه يا تسنيم؟
تسنيم:: رفعت عينيها .. هو أنت تعرفنى؟
يزن:: أيوا يا حبيبتى أعرفك و أعرف كل حاجة عنك، بس أرجوكى أهدي و متعيطيش عشان خاطري
تسنيم:: بذهول .. حبيبتك!؟ أنا ؟
يزن:: قعد ع كرسي جنبها .. أيوا يا تسنيم حبيبتى و روحى اللى راحت وراكى فـ الحادثة و رجعت لى تانى
برجوعك ليا
تسنيم:: بتعب .. انا مش فاكرة حاجة ولا عارفة أنا مين و أهلى فين و لا أنت اصلا تقربلى إيه و مش عارفة انت بتتكلم عن ايه و حادثة ايه
يزن:: انتى حصلك حاد…… قطع كلامه
فتح الباب مرة واحدة و دخول حلم وفارس و جريوا ع بنتهم
حلم:: بدموع .. تسنييييم بنتى يا نور عينى و خدتها فـ حضنها تبوس كل حتة فـ وشها، يا قلبى طمنينى عليكى جرالك ايه يا حبيبتى قوليلى فى حاجة بتوجعك؟ اتكلمى قولى اى حاجة سمعينى صوتك
فارس:: أخدها من حلم و دموعه مغرقة وشه وضمها لحضنه .. حوريتى الغالية وحشتينى يا قلب ابوكى كدا تخضينى عليكى يا حبيبتى انا كنت بـmـوت من غيرك يا تسنيم، كنت بـmـوت فـ بعدك يا بنتى، الف حمد وشكر ليك يارب
جاسر::جرى عليها اخدها فـ حضنه..انا كنت متأكد انك عايشة، و الله كنت متأكد، و قولتلهم اللى دفناها دى مش أختى، أختى مستحيل تـmـوت و تسيبنا نـmـوت وراها، كنت عارف والله قلبى كان حاسس بيكى
أحمد::ضمها هو كمان و بيشم ريحتها وكأنه بيتأكد من وجودها قدامه..ااااااااااه يا تسنييييم، روحى رجعتلى تانى بعد ما غابت عنى معاكى يا حبيبتى وحشتينى أوى يومين بحالهم غايبة عنى كنت هتجنن عليكى كان هاين عليا أmـوّت نفسي وراكى يا توأم روحي
حور:: بدموع بتقرب منها و هى بترتعش، هونت عليكى يا توتة تعملى فيا كدا، هونت عليكى تسيبنى لوحدى
وانا ماليش غيرك، و ضمتها لحضنها جامد عايزة تدخلها جوة ضلوعها من كتر خوفها عليها .
يزن:: خرج برة الاوضة اول ما شاف فارس و حلم دخلوا و طلع قعد مع أبوه و شاف العيلة كلها موجودين و الكل عايز يدخل يطمن ع تسنيم
جوة الاوضة
تسنيم:: بصت لهم بأستغراب من رد فعلهم و سألتهم .. أنتوا تعرفونى ؟؟
صدمة لجمت الكل بمجرد ما سألت لثوانى و بعدها اتكلم
فارس::بخوف من اللى ممكن يسمعه.. هو أنتى مش عارفة أحنا مين يا توتة؟
تسنيم:: بتهز دماغها بدموع .. لأ مش عارفة حد منكم و لا عارفة انا مين
حلم:: برعشة فـ كل جسمها و رافضة تصدق اللى بتسمعه.. يعنى ايه؟ انتى مش فاكرة حد خالص؟ ولا حتى انا، أمك؟ وغمضت عينيها بوجع و خرجت منها أهة وجعت قلب الكل.. آاااااااااااااااااااااه
هشام:: قرب من حلم و ضمها لحضنه.. أهدي يا حبيبتى الحمدلله انها عايشة و موجودة وسطنا و الباقى أمره سهل
أدهم:: أكد ع كلام هشام و بص لـ فارس اللى واخد تسنيم فـ حضنه .. حمدالله ع سلامتها يا حبيبى
تسنيم:: شايفة كل العيلة فـ الاوضة حواليها و باين عليهم فرحتهم برجوعها و قلقهم عليها فـ نفس الوقت بس هى مش فاكرة و لا عارفة اى حد منهم، بس فهمت من الكلام ان فارس و حلم دول ابوها و امها، احمد و جاسر و حور أخواتها، اما الباقى مش عارفاهم ولا فاكرة حد منهم
يوسف:: دخل الاوضة بكل مهنية.. ياريت يا جماعة تخرجوا كلكم برة لو سمحتوا كدا غلط ع حالة المريضة
أدهم:: باعتذار .. أحنا اسفين يا دكتور
بس حضرتك ما تعرفش تسنيم بالنسبالنا ايه
يوسف:: انا متفهم مشاعركم والله
بس كدا وجودكم كلكم ممكن يتعبها
أكتر
وبالفعل الكل سمع كلام دكتور يوسف
وخرجوا و فضل بس فارس و حلم معاها
برة الاوضة
وقف أدهم و امل و هنا و حور و ياسين مع يوسف يفهموا منه حالة تسنيم، و ابتدى يشرح لهم الحالة بشكل علمى لما عرف انهم كلهم دكاترة
جاسر:: فـ نفس اللحظة جرى ع يزن و بكل الوجع اللي جواه ضـ ـربه بالبوكس .. بقى أنت يا حيواااااان قاعد يومين و عاااااارف انها عايشة
و ماتقوووولش، و بيشاور ع حسين و أبووووك ده يجى ويمشي فـ الجنازة و هووو عاااااارف انها عايشة وسايبنا هنـmـوت من وجعنا عليهاااااا
فارس أدهم:: جااااااسر ماينفعش اللى بتعمله ده اتحكم فـ اعصابك شوية مش كدا
أحمد:: بغـ ـضب لـ فارس و مييييين فينا عنده اعصااااب يا فاااارس عشان يتحكم فيها أحنا كنا بنـmـووووت و شوفنا أصعب ايام حياتنا مرت عليناااا
و البيه مافكرش حتى مجرد تفكييير
انه يبلغنا، و لـ يزن اييييييه مشوفتش
الاخبار؟ معرفتش من والدك خبر mـوتهاااااا
يزن::بصدق لـ أحمد.. أقسم لك انا كان كل اللى يهمني أنى أطمن ع أختك، و ماجاش فـ بالى أى حاجة تانية، و صدقنى لو كنت سمعت أى خبر زى كدا كنت بلغتكم ع طول، انا فعلا ماعرفتش و لا تابعت اى أخبار، ده غير ان تليفونى وقع منى يوم الحادثة، حتى بابا معرفش غير النهاردة لما أطمنت ان تسنيم قصدى انسة تسنيم فاقت من الغيبوبة، كلمته من تليفون دكتور يوسف عشان يبلغكم
قصى::لـ يزن، كتر خيرك يا أبنى أنت باللى عملته ده رديت الروح للعيلة كلها، لانى مهما حكيتلك الايام اللى فاتت عدت علينا ازاى، صعب جدا تتخيلها
يزن:: أنا ماعملتش حاجة غير الواجب
يافندم
سيف:: هو احنا ممكن نعرف انت ازاى
قدرت تنقذ تسنيم قبل ما تنفـgـر العربية و مين البنت اللي أحنا دفناها دي؟
يزن:: انا معرفش مين البنت اللي بتتكلموا عنها دى، بس اللى انا فاكره
كويس انها كانت لوحدها ماكانش
معاها حد
عاليا:: بأندهاش .. طيب البنت دى
جات منين؟
يزن:: صدقينى يافندم معرفش و ماشوفتهاش اصلا
ياسمين:: بهدوء .. طيب ممكن تحكيلنا اللى حصل يومها
جاسر:: بغيظ لـ يزن أستنى لما أدخل
أنادى بابا و ماما هما من حقهم يعرفوا
ايه اللى حصل
يزن:: لـ جاسر، حقهم طبعا اتفضل بلغهم
و بالفعل دخل جاسر يبلغ حلم وفارس
بالكلام اللي قاله يزن و انه مستنيهم عشان يحكى كل حاجة
جوة الاوضة
حلم و فارس قاعدين محاوطين تسنيم من خوفهم عليها و كأنها
هتهرب منهم وبيحاولوا يفكروها
بحياتها معاهم و مع أخواتها
فارس:: بضحكة مكـ ـسورة .. عارفة
يا توتة و انتى صغيرة مامتك كانت
بتغير منك اوى لما كنتى تسيبى
اوضتك و تيجي تنامى فـ حضنى
تسنيم:: بتبص له باستغراب و مافيش
رد بس شايفة حب غير عادى جوة
عينيه و جواها حاجة بتقولها ان ده
أكيد اب عظيم و بيحبها جدا
حلم:: بنفس الضحكة .. أنتى عارفة
كنتى تقومى فـ نص الليل تدخلى
اوضتنا و تنامى فـ النص و لما اكلمك
تردى و انتى مكشرة تقوليلى اشمعنى
انتى تنامى مع بابى و انا لأ، انا كمان
عايزة انام معاه
فارس::وأنا كنت بفرح جدا واقولها
سيبى حوريتى تنام فـ حضنى وعشان
مامى ماتزعلش كنت بنام انا فـ النص
وأخدكم انتوا الاتنين جوة حضنى
تسنيم:: بدموع ..سامحوني لو كنت
وجعتكم بس انا مش فاكرة و مش
قادرة أفتكر اى حاجة
فارس:: خدها فـ حضنه .. ماتقلقيش
يا حبيبتي كل حاجة هتبقى كويسة
المهم أنك رجعتيلنا بالسلامة
حلم:: ماسكة إيدها .. وجودك وسطنا
ده بالدنيا و مافيها، فكرة خسارتك
بس كانت mـوت بالنسبالنا ، بتكمل
و دموعها نازلة تعرفى من يوم الحادثة و أحنا مش قادرين نرجع البيت و انتي مش فيه يا توتة
فارس:: أخواتك كانوا رافضين يتقبلوا
فكرة mـوتك و طول الوقت جاسر
يقول تسنيم عايشة
تسنيم:: بدموع.. و حضرتك كنت رافض زيهم ولا سلّمت بفكرة mـوتى؟
فارس:: قلبى كان رافض يصدق، بس عقلى شايف عربية و جـsـة متفحمة
معالمها مش باينة متشـ ـوهة و
بيقولوا دى بنتك
حلم:: كانوا أصعب يومين مروا علينا
يا بنـ…… قطع كلامها خبط الباب و أذن فارس بالدخول
جاسر:: دخل و عينيه ع اخته.. عاملة
ايه يا حبيبتى دلوقتى، انتى كويسة؟
انا عارف انك مش فاكرانى، وبمرح
مصطنع.. انا هخليكى تفتكرينى اول
واحد ولا اقولك تفتكرينى أنا بس و نحب فـ بعض زى زمان و نغيظهم
تسنيم:: ابتسمت ع كلام جاسر، وهى
شايفة دموعه اللى بيحاول يداريها، هو احنا كنا قريبين من بعض
جاسر:: بضحك يووووه كنا قريبين جدا، بصى انا كنت بعمل كل مصيبة
و التانية و انتى كنتى بتدارى عليا، و عينيه ع فارس عشان بابا ما يعلقنيش
و رجع بص لها تانى، بس ايه بقى الواد أحمد توأمك الكئيب ده، لما يعرف بقى، ماقولكيش يا ستاااار ع اللى بيعمله ولا حور ياختااااااااى مش هى هادية وكيوتة خالص فـ نفسها كدا، بس ايه كانت تمسكنى من وداني تقول لى بطل تعمل كوارث و تجرى تستخبى فـ تسنيم و انا اقول لها توتي حبيبتى هتخبينى من بابا و مش هتعلق.
حلم:: بابتسامة لـ جاسر و مش خايف
دلوقتي بعد اعترافاتك دى بابا يعلقك
جاسر:: لأ مانا هستخبى ورا توتة و هو
مش هيمسكنى و لـ تسنيم مش كدا يا
توتي هتخبينى زى زمان
فارس:: بنفسة الابتسامة .. طيب ابقى
فكرنى أعلقك لما نرجع
جاسر:: بتذمر.. اللاه ليه بقى يا باشا انا عملت ايه؟
فارس:: عشان اقتحمت الاوضة من
غير سبب و انا قولت عايز افضل
لوحدى مع حلمى و حوريتى، انت
بقى داخل ليييه؟
جاسر:: يزن العوضي عايز حضرتك
انت و ماما و مستنيكم برة
فارس:: حاضر اخرج بلغه اننا خارجين له حالا
برة الاوضة نفس الوقت
سامر::شاف رؤى واقفة لوحدها بعيد
عن باقى البنات قرب منها وحط ايده الاتنين فـ جيوبه و باشتياق .. وحشتيني يا رؤى
رؤى:: بخجل وهى باصة فـ الأرض، وانت كمان
سامر:: بابتسامته الصافية، أنا كمان ايه يا رؤى؟
رؤى:: بس بقى يا سامر وبعدين معاك
سامر:: تؤ مش هبس، انا كمان ايه ؟
رؤى:: بخجل أكتر وصوت يادوب مسموع، أنت كمان وحشتني يا سامر
عند قصى
قصى:: شايف سامر بيقرب من رؤى و لسة هيتحرك ناحيتهم
هشام:: وقفه، سيبهم يعيشوا يومينهم يا قصى
قصى:: برفعة حاجب، هما مين دول
يا هشام اللى اسيبهم يعيشوا يومينهم
هشام:: بمكر .. سامر و رؤى اللى رايح تطب عليهم زى القضا المستعجل كدا
قصى::بغيظ ..أما أمرك عجيب يا أخى، هو عشان أبنك يعنى عايز تفضيله الجو
هشام:: جو ايه اللى أفضيهوله، انت مش واخد بالك من كل اللى حواليك ولا ايه؟
قصى:: بقولك ايه يا أخ انت، سيبني أروح أجيب الواد ده من قفاه يا أما تروح انت تجيبه انا بقولك اهو
هشام:: ولا انا هروح و لا انت كمان هتروح، أبنى و بنتك بيحبوا بعض
و بصراحة بقى انا عايز اناسبك قولت
ايه
قصى:: بنفس غيظه .. تفتكر ده وقته
يا سيادة المستشار
هشام:: عارف انه لا وقته و لا مكانه
بس بعرفك نية أبنى ناحية بنتك عشان تهدى
قصى:: بقولك ايه يا عم انت كله الا
البت الحيلة اللي عندى انا بقولك اهو
هشام:: ليه هتخللها جنبك و لا ايه
قصى:: انت مالك يا عم انت، بنتى و انا حر فيها، و لسة هيتحرك من مكانه
هشام:: مسكه من دراعه ما تقف بقى
و اهدى و سيبهم واقفين قصاد الكل
بكل احترام و لا هو حلو ليك يعنى و
كخة للغلبان أبنى، و لا انت عايز تقولى انك ما عملتش كدا مع أم ياسين زمان
قصى:: بضحك .. ماتفكرنيش يا هشام
دى كانت ايام، ولا لما شوفت فارس اول مرة و عرفت بيشتغل ايه يا لهوى ع ده يوم، ركبي كانت بتخبط فـ بعضها
هشام:: خلاص أهدى بقى واسكت، بعدين بص حواليك كدا، العيال كلهم ما صدقوا اطمنوا ع تسنيم و كل حبيب واقف يطمن ع حبيبته
نرجع لـ سامر و رؤى
سامر:: ياه أخيرا قولتيها يا رؤى ، سامر طالعة منك زى العسل قوليها تانى
رؤى:: بصت له بعيون كلها حب و ابتسامتها المهلكة لقلبه.. هى ايه دى
اللى اقولها تانى ؟
سامر:: قولى وحشتنى يا سامر تانى
رؤى:: بس بقى يا سامر الله ، هسيبك
وأمشي والله
سامر:: بضحك.. خلاص خلاص سكت أهو، قوليلي واقفة لوحدك ليه
رؤى:: بابتسامة.. حسيت انى محتاجة أقعد لوحدى شوية
سامر:: اممممم، تعرفى ان دى أحلى حاجة عملتيها
رؤى:: يا سلام ، ليه بقى؟
سامر:: عشان بقالى كتير مش عارف
أشوفك و لا عارف أكلمك، و بجد انتى وحشانى اوى أوى يا رؤى
رؤى:: بحزن، أنت اللى مشغول عنى يا سامر و ناسيني و انا كل ليلة باستنى
مكالمتك
سامر:: غصب عني يا حبيبتى صدقينى انتى شايفة اللى حصل لـ عمتو و قبل ما تفوق منه حصلت حادثة تسنيم و كلنا كنا منهارين ازاى
رؤى:: تسنيم صعبانة عليا اوى يا سامر، وكمان خالو فارس و طنط حلم مش بيلحقوا يفوقوا، كل شوية صدمة جديدة
سامر:: ربنا يكون فـ عونهم و يهون عليهم اللى جاى.
و بنظرة كلها عشق :بحبك يا رؤيتي.
أحبك وليس بإمتـداد
البصر أو المحيطات. ولا بحجم
الكون ولا بعدد حبات الرمال
احبك فوق كل التخيلات وأبعد
من الخيال ، احبك كثيرا
وليشهد كل من يقرأ كلماتى على حبك سأظل أحبك حتى الـmـوت
سيظل حبك ينبض داخل صدرى وسيظل أسمك يجري فى دمـى
وساقسم لك فى عمري القادم و ما مضى من عمرى
أن يصبح حبنا أسطورة .فى تاريخ العاشقيين
رؤى:: وشها أحمر من كتر خجلها اتكسفت و مشيت من غير رد رجعت قعدت مع باقى البنات
سامر:: بتنهيدة عاشق .. هتعملى فيا
ايه تانى يا رؤى و جواه أمتى تكونى فـ بيتى بقى يا بنت قصى
فارس:: بعد شوية خرج هو و حلم عمره من اوضة تسنيم و قرب من يزن
بأمتنان .. أنا مش عارف أقولك ايه انت بجد رديت لى روحى باللى عملته
يزن:: صدقني انا ماعملتش حاجة يافندم اى حد مكانى كان هيعمل كدا واكتر كمان
حلم:: أزاى بقى يا يزن انت عرضت نفسك للخطر و انقذت بنتى من الـmـوت، انا لو فضلت اشكرك عمرى كله، مش هوفيك حقك يا أبنى
يزن:: مافيش داعي للشكر يا هانم أشكري الظروف اللى خلتني موجود
فـ نفس الوقت وقدرت ألحق انسة تسنيم
فارس:: بمناسبة الظروف انا عايز أعرف ايه اللى حصل بالظبط يومها
يزن:: حاضر، أبتدى يحكى و الكل حواليه بيسمع، انا كنت خارج من النادى فى نفس وقت خروجها و كنت ماشي بالصدفة فـ نفس الطريق و شوفت
“فلاش باك”
يزن:: شاف شكل العربية الضخمة و هى بتجري بسرعتها الجنونية و بتخبط فـ عربية تسنيم لغاية ما قلبتها و هى جواها و هربت ، وقف عربيته و نزل منها جرى قرب من عربيتها
اللى كانت مقلوبة ع جنب الباب اللى بتركب منه تسنيم و بصريخ تسنيييييييييم .
حاول يعدل العربية ماعرفش لف من الناحية التانية و حاول يفتح الباب التانى ماعرفش و شاف الناس اتلمت حواليه ابتدا يزعق فيهم .. أنتوا واقفين تتفرجووووا حد يساعدنيييي بسررررررررعة و بالفعل الناس ابتدت تساعده لغاية ما قدر ينقذ تسنيم و فـ اقل من دقيقة أنـfـجرت العربية بعد خروج تسنيم منها، شالها وجري بيها ع عربيته و قفل أمبير العربية و طار بيها ع المركز الطبي العالمي و فـ أقل من نص ساعة وصل وبزعيق::يووسف يوووووسف يوووووووسف
موظف الأمن:: بنرفزة .. انت يا استاذ انت داخل تزعق كدا ليه؟ انت هنا فـ مستشفى مش فـ عذبة أهلك
يزن:: بغـ ـضب و خوف .. أندهلى دكتور يوسف الشامي بسرعة يا بنى أدم انت، معايا واحدة بتـmـوت فـ العربية
يوسف:: خرج من مكتبه ع صوت زعيق يزن مع موظف الأمن و بعصبية
فى ايه؟ و اتفاجئ بوجوده .. يزن !!
يزن:: بخوف أكبر .. ألحقنى يا يوسف
تسنيم بتـmـوت فـ العربية أرجوك ألحقها، اتصرف بسرعة
يوسف:: جرى ع العربية و شافها و طلب ترولى بسرعة و حطوها عليه و جريوا بيها ع العناية المركزة
يزن:: قاعد قلقان و متوتر و شايف دكاترة داخلة و دكاترة خارجة و مش عارف ايه اللى بيحصل و بعد شوية خرج يوسف من العناية و سأله بقلق .. طمنى عليها أرجوك يا يوسف
يوسف:: البنت دخلت فـ غيبوبة يا يزن ادعى تعدى الـ 48 ساعة اللى جايين ع خير و وقتها هأقدر أطمنك
يزن:: بخوف و قلق ظاهر عليه .. يارب يااااااارب تعدى ع خير و تقوم بالسلامة
يوسف:: مين البنت دى يا يزن و ايه
اللى حصل لها وصلها لكدا
يزن:: بيأس.. بعدين يا يوسف بعدين لما تفوق و اطمن عليها ابقى اقولك هى مين بس كل اللى اقدر اقولهولك انها اتعرضت لحادثة و العربية انقلبت بيها
“عودة للوقت الحالى”
يزن:: و لما فاقت النهاردة الصبح و أطمنت عليها اكتشفت انى مابلغتش بابا ولا أى حد باللى حصل، ده غير انى اكتشفت ان تليفونى وقع منى وقتها، كلمت بابا من تليفون يوسف وبلغته عشان يتواصل معاكم و يبلغكم
أدهم::ليه جيت ع هنا؟ ما روحتش ليه بيها مستشفى الحلم او أى مستشفى تانى جوة السويس
يزن:: بصدق .. صدقنى يافندم انا مافكرتش غير أنى انقذها و بس ، و ماجاش فـ تفكيرى غير دكتور يوسف لانه صاحبي عشان كدا قفلت أمبير العربية و جريت عليه من غير تفكير
أدم:: لـ يزن .. طيب مين البنت اللى احنا دفناها و ازاى انت ماشوفتهاش
يزن:: صدقني مش عارف انا لما جريت ع العربية شوفت انسة تسنيم
لوحدها و مافيش حد حواليها
فارس أدهم:: لـ يزن .. أنت قولت ان
العربية كانت واقعة ع الجنب من ناحية باب تسنيم مش كدا ؟
يزن:: ايوا صح كدا و حاولت أعدلها و ماعرفتش و لما الناس أتلمت مافيش حد قرب غير واحد او اتنين
أحمد:: معنى كدا انك قدرت تعدل العربية بمساعدة الاتنين دول
يزن:: فعلا، بس انا لما خرجت تسنيم من العربية ما شوفتش أى بنات خالص
شادى:: كدا مافيش تفسير لوجود البنت دى غير حاجة من اتنين، إما واحدة من الناس اللى اتلمت حوالين
العربية او خدتها العربية فـ سكتها و هى بتتقلب و كانت تحتها عشان كدا
انت ماشوفتهاش يا استاذ يزن
سامر:: لـ شادى تحليل منطقى جدا
بس عشان نتأكد منه لازم نفرغ الكاميرات كلها اللى فـ المنطقة
جاسر:: بعصبية لـ يزن .. بما انك شوفت الحادثة قول شكل العربية و رقمها اييييه و شكل اللى كان راكبها
يزن:: انا ما ركزتش مع العربية قد ما كنت مركز ازاى أقدر أنقذ تسنيم
جاسر:: نعععععععم، ازااااى يعنى شايف العربية و ماركزتش معاها، مش
فااااااهم
سامر:: لـ جاسر ..أهدى يا جاسر كل حاجة هتبان لما نفرغ الكاميرات ، نطمن بس ع تسنيم و بعدها هنتحرك
و ندور ع اللى عمل كدا و هنجيبه ماتقلقش
أحمد:: لـ فارس و حلم .. دلوقتي خبر
وجود تسنيم عايشة لازم يستخبى و الناس تفضل فاهمة انها ماتت
حلم:: بقبضة قلب لـ أحمد .. ليه ؟
أحمد:: بخوف .. عشان اللى عمل كدا
يا أمى ما يحاولش يعملها تانى لو عرف انها عايشة ، خليه فاكر انه نجح
فـ اللى عمله و مسيره يغلط و يقع فـ ايدى وقتها بس نقول ان تسنيم عايشة
فارس:: انا معاك يا أحمد و هنطلع من
هنا ع المنصورة نقعد هناك لغاية ما ده
يحصل
أحمد:: ماينفعش يا بابا احنا لازم نرجع بيتنا لانه أكيد هيبقى مراقبنا ، لو عرف اننا مشينا من البلد هيشك ، ده غير انى عايز تسنيم تبقى موجودة
فـ الڤيلا عشان تقدر تفتكر، انما المنصورة صعب لاننا مهما كنا بنروح
هناك مش هيبقى زى الڤيلا و المزرعة
كل ذكرياتنا و حياتنا فيهم
أدهم:: لـ فارس ..أحمد بيتكلم صح يا فارس و هنا كلنا حواليها هنساعدها تتخطى المرحلة الصعبة دي
فارس:: بس انا كدا هفضل خايف عليها من الكـ ـلب ده يعرف انها لسـ….
أحمد:: قطع كلامه طول ما احنا حواليها مش هيعرف و لو حتى عرف اوعدك انه مش هيجرؤ يقرب لها مرة تانية
فارس:: عينه ع حلم عمره و لـ أحمد اتمنى يا أبنى تقدر تحافظ ع وعدك و ماتعملش زى أبوك
حلم::بصت له بوجع و حزن و دخلت اوضة تسنيم من غير ولا كلمة
فارس:: اتنهد بحزن و عينيه ع حلم عمره اللى زعلانة منه، و جواه.. أه لو اقدر امحى نظرة الحزن اللى فـ عيونك دي يا كل عمري مش هتأخر ، عارف أنى خذلتك بس غصب عني حاولت اوصل له بكل قوتى، لكن فشلت.
و بعد شوية دخل اوضة تسنيم و معاه كل العيلة و ابتدوا كل واحد يعرفها بنفسه و يفكرها بمواقفها معاه من صغرها لغاية قبل الحادثة، هى حاسة بحب العيلة ليها و خوفهم عليها، لكن عيونها كانت بتدور بتلقائية ع يزن اللى كان داخل أخر واحد هو و حسين يسلموا عليها قبل ما يمشوا
حسين:: لـ تسنيم بابتسامة .. حمدالله ع سلامتك يا بنتى ربنا يطمننا عليكى
تسنيم:: الله يسلم حضرتك و لـ فارس
مين ده، عمو و لا خالو ؟
حلم:: لـ تسنيم .. ده يا حبيبتي حسين
بيه العوضي شريكنا و بتشاور ع يزن و ده أبنه يزن، اللى أنقذك و رجعلنا روحنا اللى راحت فـ غيابك اليومين اللى فاتوا
يزن:: بحب ظاهر للكل .. حمدالله ع سلامتك يا انسة تسنيم خضتيني قصدى خضتينا عليكى
تسنيم:: بدقة فـ قلبها .. الله يسلمك
يزن:: لـ حلم و فارس نستأذن احنا، حمدالله ع سلامتها مرة تانية ربنا يطمنكم عليها، لسة هيخرج من الاوضة هو و أبوه
تسنيم:: بلهفة الكل استغربوها .. ماشي ليه ؟
يزن:: بيحاول يدارى دموعه وابتسامة خافتة ظهرت ع وشه، خلاص مهمتى خلصت واطمنت عليكي وسط عيلتك
تسنيم:: مش هشوفك تانى ؟
يزن:: أكيد هنتقابل كتير ان شاء الله
تسنيم:: بجد ؟
يزن:: بتأكيد .. اه بجد ، انتى ناسية اننا شركاء ؟
تسنيم:: بابتسامة سخرية.. شكلك انت اللي ناسي انى مش فاكرة حتى اسمى عشان افتكر اننا شركاء
يزن:: قريب اوى يا تسنيم هتفتكرى كل حاجة و ترجعى أحسن من الاول ان شاء الله و بص لـ فارس استاذن منه و خرج برة الاوضة و سمح لدموعه تنزل أخيرا بعد ماكان حابسها
حسين:: بمكر .. قد كدا بتحبها ؟
يزن:: حب ايه بس يا بابا اللى بتتكلم عنه ده ؟
حسين:: عينى فـ عينك كدا يا يزن
يزن:: و بعدين معاك يعنى يا بابا
حسين:: ياض أبوك مش صغير ولا قليل خبرة، سبق و قولتلك انها عششت فـ دماغك و حالتك دى دلوقتى بتأكد لى كلامى، يزن انت غامرت بحياتك عشان تنقذها من الـmـوت، و مش بس كدا انت كمان نسيت نفسك و نسيتنى انا شخصيا ومافتكرتش تطمنى عليك غير بعد ما اطمنت انها فاقت، و لو يوسف ما قالكش بلغ أهلها كنت فضلت ناسي الدنيا كلها و قاعد قصادها هى وبس
يزن:: مش سهل انت يا سحس برضو
حسين:: لو انا مافهمتش أبنى الوحيد
مين اللى يفهمه ؟
يزن:: ربنا ميحرمنيش منك ابدا يا بابا
حسين:: و لا يحرمني منك يا حبيبي ، قول لى بقى بتحبها اوى كدا
يزن:: بحبها دى كلمة قليلة اوى ع اللى فـ قلبى ليها يا بابا وان شاء الله اول ما ترجعلها ذاكرتها هطلب ايدها من والدها، و يلا بقى نمشي قبل ما حد
يخرج ويلاقينا لسة قاعدين
و بالفعل مشي يزن مع حسين رجعوا
السويس بعد ما اطمن ان تسنيم فاقت و سابها مع أهلها و ساب معاها قلبه و اللى اخيرا أعترف لنفسه و ليها بحبها
توأم روحي بقلمى✍️_________لبنى دراز
ياسمين:: انا مش موافقة…..
آدم::………..؟؟؟؟؟