رواية العشق الأبدي 2 (توأم روحي) الفصل العاشر 10 بقلم لبنى دراز

رواية العشق الأبدي 2 (توأم روحي) الجزء العاشر

رواية العشق الأبدي 2 (توأم روحي) البارت العاشر

رواية العشق الأبدي 2 (توأم روحي) الحلقة العاشرة

عن أسامة بن زيد –رضي الله عنه-، قال: قلت: يا رسول الله، لم أرك تصوم شهرا من الشهور ما تصوم من شعبان، قال رسول الله:«ذَلِكَ شَهْرٌ يَغْفُلُ النَّاسُ عَنْهُ بَيْنَ رَجَبٍ وَرَمَضَانَ، وَهُوَ شَهْرٌ تُرْفَعُ فِيهِ الْأَعْمَالُ إِلَى رَبِّ الْعَالَمِينَ، فَأُحِبُّ أَنْ يُرْفَعَ عَمَلِي وَأَنَا صَائِمٌ»
كل عام وانتم بخير
توأم روحي بقلمى ✍️_________لبنى دراز
ڤيلا المزرعة
وصل فارس و حلم مع ولادهم و معاهم رودينا اللى انبهرت جدا بالجو و بالمزرعة و طلبت انها تتفرج عليها الاول ، حلم و فارس سابوا ولادهم يلفوا و يفرجوا رودينا ع المزرعة و وصلوا الڤيلا و استقبلتهم
فاطمة:: يادى النور يادى النور حمد الله ع السلامة يا ست حلم نورت يا سي فارس باشا
فارس:: ازيك يا فاطمة عاملة ايه
فاطمة:: شالله تسلم يا باشا أنا بخير طول ما حضرتك و ست الستات بخير
حلم:: تسلمى يا فاطمة اومال فين البنات مش شايفاهم يعنى
فاطمة:: سمر فـ المطبخ و مخفية الاسم هدير ممروعة يا ست الستات و مغلبانى معاها و كل شوية تقولى سيبى الشغل و أقعدى انا بتحرج اقول قصاد صحباتى أن امى خدامة
حلم:: و مين قال انك خدامة يا فاطمة ؟
فاطمة:: غلبت والله يا ست حلم اقولها ان ده أكل عيشنا و كل واحد خدام أكل عيشه و أنك ع طول بتعاملينا ع أننا اصحاب مكان مش شغالين فيه ، بس هى دماغها جزمة قديمة و مش عايزة تفهم
حلم:: سيبهالى انا هسنفر لها مخها ده ، بس أرتاح من المشوار الاول
فارس:: أخبار الفطير ايه يا فاطمة ؟
فاطمة:: حالا يا باشا يجهز مسافة ما ترتاح شوية بس هتلاقيه جاهز و تاكله بالف هنا
حلم:: طيب يا رغاية أدخلى أعمليه يلا و أعملى حسابك معانا ضيفة اول مرة هتاكل الفطير المشلتت و الاكل بتاعنا ده
فاطمة:: انا عينى ليكى يا ست الستات و لـ الضيفة بس هى فين يعنى لا مؤاخذة مش شايفاها
حلم:: و هى طالعة اوضتها مع فارس .. مع الولاد برة بتتفرج ع المزرعة
عند الشباب برة فـ المزرعة
رودينا:: مبهورة بكل حاجة بتشوفها و بصت لـ تسنيم .. وااااو توتة مش ممكن المكان ده جميل خالص و له ريحة كدا مش عارفة ايه هى بس حبيت اوى جدا خالص
تسنيم:: دى ريحة الزرع و الطين يا رودى و دى بقى عشق مامى و عشقنا احنا كمان
جاسر:: بمرح ..عارفة يا دكتورة ليد انتى هنا بقى فى كمان مزرعة خيل عربي انما ايه عسسسسل
رودينا:: واو جاسر عايزة اشوف خيل عربي أصيل ودينى جوجو بليز
جاسر:: عيون جوجو يا سلام ده انا هعمل لك مرشد سياحى و هوديكى كمان مزرعة المواشي تتفرجى عليها و كمان الدواجن يلا ياستى انبسطى
رودينا:: بأستغراب .. ايه موشى دى و التانية اسمها ايه دى جوجو
حور:: بضحك .. اسمها مواشي يا رودى مش موشى
رودينا:: وير إيفر .. يعنى ايه بقى حور
أحمد:: يعنى مكان فيه بقر و جاموس كتير و بنقول عليه زريـ ـبة
رودينا:: بفرحة و هى بتسقف بإيدها واااو بقرة حبييت و لـ جاسر بليز بليز جوجو ودينى اشوف البقرة
تسنيم:: بهمس لـ جاسر هى البت دى هبلة و لا شكلها كدا .. مش عارفة انا دكتورة ازاى دى
جاسر:: بنفس الهمس خايف من شيئا ما ولـ رودينا يلا يا قمر نشوف البقرة
وفعلا راحوا كلهم مزرعة المواشي و رودينا فرحانة جدا بشكل البقر و الجاموس و طلعت موبايلها و بتتصور سيلفى معاهم و عايزة تلعب بيهم و فجأة حضنت الجاموسة و باستها . سو كيوت فكرتينى بـ مامى يا سويتي
جاسر:: بأندهاش .. نعم؟! هى مامتك جاموسة ؟!
أحمد:: بعصبية . جااااااسر وبعدين فـ قلة الذوق دى يعنى
جاسر:: اللاه هو انا غلطت فيها يا عم انت مش هى اللى بتقول و لـ تسنيم بهمس مش قولتلك خايف من شيئا ما اهو اللى كنت خايف منه حصل
تسنيم:: بنفس الهمس عندك حق يابنى هبلة هبلة مافيش كلام ، قال دكتورة قال جاتها نيلة اللى عايزة خلف
رودينا:: لـ احمد .. يس أحمد جوجو مش غلط ، فعلا بقرة فكرتنى بـ مامى
تسنيم:: برفعة حاجب .. فكرتك بـ مامتك ازاى يعنى مش فاهمة ثم دى جاموسة مش بقرة يا رودى
رودينا:: وير إيڤر توتة اقول لك بقى ليه فكرتنى بـ مامى عشان هى زمان خالص قبل ما تتجوز بابى كانت متصورة مع بقرة زى دى و كانت بتعمل ايه و هى بتشاور بإيدها كأنها بتحلبها . بتشد اسمه ايه ده و بتفتكر اه ديلها تجيب لبن و….. و فجأة قطع كلامها
عامر:: طالع من تحت الجاموسة بغيظ
هما مش قالوا لك انها جاموسة مش بقرة و بتريقة هو ديلها برضوا اللى بيجيب اللبن يا مزة ؟
رودينا:: اتخضت و صرخت أوه شت انت مان ستيوبد و لـ جاسر مين ده
عامر:: بزعيق .. انا اللى مين و لا انتى اللى مين و دخلتى هنا ازاى
رودينا:: بتزعق و بتشتم عامر بالالمانى و هو مش فاهم هى بتقول ايه
عامر:: لـ جاسر بعصبية بتقول ايه البت دى ترجم اللى بتقوله بسرعة ياض انت
تسنيم:: بتريقة .. تقريبا كدا يا عمور بتشتمك بس بلغة بلدها اللى جاية منها
عامر:: نععععععم .. هى عشان يعنى ما هى صاروخ امريكانى و جامدة أخر حاجة هتشتم براحتها لاااا أحنا كمان جامدين اوى ونعرف نشتم يا مزة برضوا اه
جاسر:: لـ عامر تؤتؤتؤتؤ صاروخ ألماني يا معلم و أه تشتم براحتها أن كان عاجبك دى تحت حماية أحمد باشا ماحدش يقدر يتكلم
رودينا:: بزعيق لـ عامر .. انت يا متخلف انت قاعد تحت الجاموسة المسكينة دى بتعمل فيها ايه يا يا انا مش عارفة اقول عليك ايه يا رينبو
عامر:: بأستغراب .. رينبو ؟! انا رينبو ؟ ده أنتى يومك فحلوقى النهاردة
أحمد:: بضحك لـ عامر .. ما هى عندها حق بصراحة شايفاك طالع من تحت الجاموسة عايزها تقول عليك ايه يعنى يا عامر
جاسر:: أه يا شقى بتعمل ايه تحت الجاموسة يا رينبو ههههههههههه
عامر:: بغيظ .. هكون بعمل ايه تحتها يعنى يا فالح منك له ، أكيد يعنى بعالجها و بعدين ما هى نازلة حضن و بوس فيها من ساعة ما جات حد كلمها
جاسر:: وهى يعنى تعرف منين انك دكتور بهايم يا عمورى
عامر:: بغيظ .. ولا يا جاسر اتلم ياض بدل ما اربطك مع الطور اللى هناك ده و ارسم ع وشك صورة مراته و ما ادراك انت بقى
جاسر:: هى حصّلت تربطنى مع الطور ، يا فضحتى اهدى و أعقل كدا يا مورى ده انا صاحبك حبيبك يرضيك يعنى يبقى شكلى وحش قصاد المزة القمر دى
عامر:: برفعة حاجب ..اه يرضينى لو ما بطلتش الكلمة المستفزة دى
أحمد:: بضحك .. هو غلط فيك يعنى يا عامر مش انت برضو دكتور و بتعالج البهايم يا عمور
عامر:: لـ أحمد انت بتستغل انى مش هعرف أعمل لك حاجة و بتكررها ماشى ماشى انا بقى هاروح لـ لومى و اقولها لمى عيالك عنى .. و لسة هيمشي
جاسر:: جابه من قفاه . خد ياض تعال هنا تروح لمين يا خويا ؟ لومى؟! طب فكر كدا تروح يا عامر
عامر:: بغيظ مصطنع .. هتعمل ايه يعنى يا سى زفت انت
جاسر:: مش انا اللى هعمل يا حبيبى . ده الباشا الكبير هو اللى هيقوم معاك بأحلى واجب
نسيب الشباب فى مناقرتهم و نروح عند الاء و حازم عرفوا ان حلم موجودة فـ المزرعة و هما رايحين يسلموا عليها
الاء:: فونها رن بأسم هاجر و ردت .. السلام عليكم چورى وحشتينى
هاجر:: اولاااااق انتى كمان وحشتينى عاملة ايه
الاء:: الحمدلله بخير انتى عاملة ايه
هاجر:: انا فلة ياختى و جاية فـ السكة انا و أمجد و الولاد زى ما وعدتك
الاء:: كويس انك جاية حلم هنا لسة جاية من شوية و رايحة انا و حازم نسلم عليها
هاجر::بضيق .. كويس انها موجودة خلاص هنزل عليها و نتقابل عندها بس ما تقوليلهاش انى جاية
الاء:: حست ان نبرة صوتها اتغيرت و باين ضيقها و بقلق .. مالك يا هاجر حاسة فيكى حاجة ؟
هاجر:: مافيش يا الاء لما أجى هتعرفى كل حاجة
الاء:: ماشي هستناكى سلام
وبالفعل قفلت المكالمة مع هاجر و كملت طريقها هى و حازم و هما ماشيين سألها
حازم:: هاجر جاية امتى ؟
الاء:: بتقول فـ السكة بس مش عارفة يا حازم كانت بتكلمنى كويس زى عوايدها و فجأة صوتها اتخنق لما جات سيرة حلم
حازم:: بأندهاش .. أزاى يعنى؟
الاء:: مش عارفة والله قالت لما تيجى هاعرف كل حاجة
حازم:: تمام يا خبر بفلوس كلها شوية و نعرف .. وكملوا طريقهم لغاية ما وصلوا عند حلم
_______________________
فـ ڤيلا سيف
فـ نفس الوقت
قاعدة علا مع عاليا و سيف و فارس أدهم فـ الليڤنج و فجأة رن فونها برقم و ردت
علا:: السلام عليكم و رحمة الله
المتصل:: استاذة علا سيف ؟
علا:: أيوا يافندم مين حضرتك ؟
المتصل:: معاكى شريف الوردانى مدير مكتب معالى الوزير
علا:: بذهول .. وزير مين حضرتك ؟!
شريف:: وزير الخارجية يافندم
علا:: بتوتر .. و حضرتك بتتصل بيا ليه سيادتك يعنى ؟
شريف:: بتصل أبلغ حضرتك ان تم ترشيحك لمنصب ملحق دبلوماسي و لازم تكونى موجودة فـ الوزارة بكرة لمقابلة معالى الوزير
علا:: بذهول أكبر .. أنا ملحق دبلومسي ؟! و هاقابل الوزير أنا ؟! و قفلت الخط و تنحت مكانها بتحاول تستوعب
عاليا:: شافت حالتها كدا و سألتها مين كان بيكلمك يا لولو
علا:: ع نفس وضعها .. رفعت عينها لـ عاليا.. ده شريف
فارس أدهم:: قاطعها بغيرة .. شريف مييين ده اللى بيكلمك ان شاء الله
علا:: بصت له مدير مكتب وزير الخارجية
سيف:: مستغرب حالتها و سألها طيب هو قالك ايه بالظبط عشان تتنحى بالشكل ده
علا:: بصت لـ سيف بيقول انى هبقى ملحق فى السفارة و هقابل الوزير بكرة
عاليا:: بقلق ..ملحق فين يا علا ؟
علا:: معرفش يا مامى هو قال بس الكلمتين دول و قفل
سيف:: بنفس القلق .. و انتى هتقبلى يا علا ؟
علا:: بابى حبيبى أروح الأول اقابل معالي الوزير و افهم الدنيا ماشية ازاى
سيف:: بخوف أب و بعصبية .. بس انا مش موافق يا علا انك تقبلى المنصب ده
علا:: بزعل من رد فعله .. مش موافق ليه يا بابى ؟
عاليا:: بدموع .. عايزاه يوافق ازاى انك تسافرى بعيد عننا و تعيشى لوحدك فـ بلد غريبة بس يا بنتى
علا:: مامى انا مش صغيرة و أعرف كويس احافظ ع نفسي و بعدين انا لسة هروح اقابل الوزير و افهم منه الترشيح ده فين بالظبط
عاليا:: بنرفزة .. أياً كان فين انا كمان مش موافقة يا علا فاهمة
علا:: بصت لـ سيف و عاليا بدموع و مش قادرة ترد عليهم ، سابتهم و خرجت الجنينة تعيط و مش فاهمة ازاى كانوا بيشجعوها و يدعموها دايما و ازاى دلوقتى واقفين فـ طريق حلمها
فارس أدهم:: خرج جرى وراها و بابتسامة .. مبروك يا حبيبتي انا فرحان عشانك اوى يا علا
علا:: باستغراب من رد فعله .. انت بجد فرحان يا فارس ؟
فارس أدهم:: قرب منها و مسح لها دموعها.. أكيد يا حبيبتي فرحان عشانك عشان نجاحك هو نجاحي
علا:: بس ده ما كانش رأيك يا فارس اول ما اتخرجت و اشتغلت فـ السلك الدبلوماسي
فارس أدهم:: بنفس الابتسامة .. وقتها كنت خايف بسبب شغلى و شغلك أننا نبعد عن بعض
علا:: و إيه اللي غير رأيك يا فارس؟
فارس أدهم:: لما شوفت انتى قد ايه بتحبى شغلك و بتنجحى و تكبري فيه
لومت نفسي ع أنانيتي و ازاى فكرت فـ يوم من الايام امنعك تشتغلى و تحققى حلمك
علا:: أنا فاكرة اليوم ده كويس .. انا تعبت فيه و زعلت منك اوى
“فلاش باك”
بعد تخرّج علا بتقدير امتياز و كانت الاولى ع دفعتها الاربع السنين تم تعيّنها معيدة فـ الكلية لكن بعد فترة قدمت فـ السلك الدبلوماسي و اتقبلت بعد اختبارات كتير اجتازتها بجدارة و لما بلغت فارس انها هتشتغل فـ الخارجية
فارس أدهم:: بعصبية .. أزاى يعنى يا علا هتشتغلى فـ الخارجية
علا:: ايه هو اللى ازاى يا فارس .. زى الناس طبعا قدمت و نجحت و اتقبلت
فارس أدهم:: بس انا مش موافق يا علا
علا:: و مش موافق ليه بقى ان شاء الله يا حضرة الظابط
فارس أدهم:: عشان ماينفعش مراتى تشتغل و تبقى طول الوقت برة البيت و انا معرفش عنها حاجة يا علا
علا:: بس انا لسة مابقيتش مراتك يا فارس و اعتقد بعد كلامك ده دلوقتي عمرى ماهبقى مراتك يا ابن خالى
فارس أدهم:: بحزن .. ياه يا علا قدرتى تقوليها ؟ قدرتى تطلعيها من بوقك و تنطقيها
علا:: بجمود .. لما تقف فـ طريق مستقبلى يا فارس و تمنعنى أحقق حلمى يبقى لازم اقولها لانى مش هقبل اى حاجة تعطلنى عن تحقيقه حتى لو كنت انت يا فارس
فارس أدهم:: قد كدا شايفانى أناني و عايز اقف فـ طريق مستقبلك يا علا
علا:: أيوا يا فارس اناني لما ترفض شغلى فـ المكان اللى عشت عمرى أحلم بيه تبقى انانى و مش بتفكر غير فـ نفسك و بس و ده انا مش هقبل بيه
فارس أدهم:: قولى اللى تقوليه يا علا انا برضوا مش موافق .. سلام يا بنت عمتى
” عودة للوقت الحالى”
فارس أدهم:: يومها زعلت أوى من كلامك ازاى تفكرى فيا كدا ازاى قدرتى تقولى انى واقف فـ طريق مستقبلك ، بس لما هديت و فكرت بهدوء لاقيت ان كلامك صح انا عارف ان ده حلمك من زمان يبقى ليه لما حطيتى رجلك ع اول الطريق اقف قصادك و ارفض و حسيت انى هخسرك لو أصريت ع رفضى عشان كدا قبلت بشغلك و كنت بفرح لما بشوفك بتكبري و تنحجي و كأنى أنا اللى بنجح مش انتى
علا:: بدموع .. بس دلوقتي بابى و مامى هما اللى رافضين يا فارس ، انا مش قادرة أتخيل ازاى فى أب و أم يرفضوا منصب زى ده لـ بنتهم انا هتجنن
فارس أدهم:: مسك إيدها و قعد بيها فـ الأرض .. حبيبتى هما خايفين عليكى مش قادرين يتخيلوا انك هتسافرى و تبعدى عنهم ما تلوميش قلبهم ع حبه ليكى و خوفه عليكى
علا:: بس ده مستقبلى يا فارس انت عارف و كل العيلة عارفة قد ايه انا بحلم اكون وزيرة و لما قربت لـ حلمى و أخيرا هبقى ملحق فـ السفارة و واحدة واحدة هوصل للى نفسي فيه يقفوا فـ طريقى و يرفضوا حتى من غير ما يعرفوا هتعين فين مش كانوا يصبروا لما أقابل الوزير الاول يمكن انا اللى ارفض
فارس أدهم:: حبيبتى ما تشغليش بالك احنا نروح نقابل الوزير بكرة ان شاء الله و لما نرجع نكلم عمو فارس و يقنعهم و ان صمموا ع الرفض يبقى نعجل جوازنا وقتها ماحدش هيقدر يمنعك من تحقيق حلمك يا جناب السفيرة
علا:: بجد يا فارس ؟
فارس أدهم:: بجد يا توأم روح فارس و قلبه
________________________
فـ ڤيلا المزرعة
حلم بعد ما أرتاحت شوية و نزلت
من اوضتها دخلت المطبخ سلمت ع سمر بنت فاطمة
حلم:: ازيك يا سمر عاملة ايه
سمر:: الحمدالله يا هانم
حلم:: بغيظ مصطنع .. لو قولتى هانم دى تانى هزعلك فاهمة
سمر:: بأبتسامة .. حاضر يا مدام حلم
حلم:: شاطرة برافوا عليكى . هدير فين ؟
سمر:: موجودة فـ البيت مش عايزة تيجى هنا
حلم:: بلغيها انى عايزاها ضرورى يا سمر
سمر:: حاضر يا مدام حلم هبلغها
حلم:: بصت لـ فاطمة .. خلصتى الفطير و لا لسة يا بطة ؟
فاطمة:: خلاص اهو يا ست الستات حالا مسافة ما يرجعوا اسم الله عليهم من برة يكون خلص و تاكلوه بالهنا و الشفا
حلم:: تسلمى يا فاطمة و سابتها و خرجت من المطبخ شافت الاء و حازم مع فارس و سلمت عليهم و قعدت معاهم و شوية و شافوا الشباب داخلين و فجأة
عامر:: بنرفزة مصطنعة .. طنط لومى أنتى يا طنط انتى شوفى الصاروخ ده بقى و بيشاور ع رودينا و شوفى عيالك و عمايلهم
حازم:: داخل بزعابيبك ليه يا ابتلاء انت
عامر:: لـ حازم أستنى انت يا أبا الحاج شوية و لـ حلم بصى يا طنط انا ليا حق عرب عند البت دى ولازم تجيبلى حقى منها و من الاتنين دول و بيشاور ع احمد و جاسر . انا بقولك اهو
حلم:: بضحك .. مالهم يا عامر عملولك ايه بس ؟
عامر:: قعد جنبها و بقلق من فارس .. يرضيكى يا لومى المزة المستوردة دى تقول عليا رينبو و عيالك يقولوا دكتور بهايم يرضيكى كدا يعنى
فارس:: برفعة حاجب لـ عامر و هو بيحاوط حلم بدراعه .. فز قوم من جنبها ياض انت و لو قولت لومى دى تانى هعلقك زى ناس كدا عارفين نفسهم كويس و عينه ع جاسر .. و بعدين هو انت مش دكتور بيطري برضو و لا انا بيتهيألى
عامر:: وقف و بتهليل .. الله اكبر و بيشاور بإيده ع فارس لـ أحمد وجاسر .. اهو اهو هو ده الله ينور عليك يا باشا انا دكتور بيطري مش دكتور بهايم يا أخ انت و هو
فارس:: بضحك .. و هو الدكتور البيطري هيكون ايه غير دكتور بهايم يا ابن حازم
عامر:: يووووه بقى حتى انت يا باشا بتقول زيهم
جاسر:: بتريقة لـ عامر قولتلك الباشا هيعمل معاك الواجب ماصدقتنيش قابل بقى يا عمورى تستاهل عشان تبقى تشتكينا كويس
الاء:: بضحك لـ عامر .. لما انت بتضايق اوى كدا من الكلمة دى دخلت طب بيطري ليييه من الاول
قبل ما يرد عامر جرس الڤيلا رن و طلعت فاطمة فتحت الباب و شافت
هاجر:: ازيك يا فاطمة عاملة ايه
فاطمة:: شالله تسلمى يا هانم اتفضلى
دخلت هاجر هى و امجد و اولادها زياد و روفيدة و اول ما شافتها
رودينا:: بسعادة جريت عليها مام…. اااااااه
هاجر:: قطـ ـعت كلامها و ضـ ـربتها بالقلم بكل قوتها
كل اللى موجودين استغربوا رد فعل هاجر
حلم:: باستغراب لـ هاجر .. أيه اللى انتى عملتيه ده ؟! انتى تعرفيها منين عشان تمدى إيدك عليها كدا ؟!
هاجر:: بعصبية .. انتى عبيطة و لا بتستعبطى يا حلم و لا انتى بتحورى عليا و لا ايه حكايتك بالظبط
حلم:: بعدم فهم .. حكاية ايه يا بنتى انا مش فاهمة منك حاجة و تعرفى رودينا منين اصلا عشان تمدى إيدك عليها بالشكل ده ؟
هاجر:: بزعيق أكبر .. يا سلااااااام انتى عايزة تفهّميني انك ماتعرفيش ان الهانم اللى سارحة مع ابنك فـ الكباريهات تسهر و تسكر براحتها دى تبقى بنتى يا حلم .. يا صاحبة عمرى ازاى قبلتى عليها كدا ازااااااى
حلم:: بنرفزة .. بنت مين و كباريهات ايه و قبلت اييييه .. انتى راجعة بعد السنين دى كلها تقولى الغاز و كلام مش مفهوم لييييه ، وضحى كلامك يا هاجر لو سمحتي
هاجر:: طلعت فونها و عليه صورة لـ احمد و رودينا و هما سهرانين سوا فـ الملهى الليلى و مكتوب تحتها شوفى بنتك بتعمل ايه مع أبن المنصورى و حلم الرشيدى .. مش ده أبنك برضوا يا حلم هااااانم انطقييييي أبنك ده و لا مش أبنك
أمجد:: شاف الصورة و قرأ الكلام اللي عليها و لـ هاجر بعصبية أنتى ازاى تخبى عنى حاجة زى كدا يا هاجر و لـ رودينا بقى أنا أكبر و أربي و اسيب لك مساحة حرية ، تقومى تعملى فيا كدا و لسة هيضـ ـربها
عامر:: قاطعه فجأة و من غير مقدمات وقف بينه و بين رودينا يمنعه انه يضـ ـربها و هو مش عارف عمل كدا ليه .. أرجوك ما ينفعش كدا ممكن نهدى و نفكر بالعقل شوية .. لو سمحت
فارس:: ياريت تهدى يا دكتور امجد و اتفضل استريح و لـ هاجر و انتى يا مدام هاجر ياريت تهدى و تفهّمينا بالظبط الرسالة دي جاتلك امتى و مين اللى بعتهالك لاننا فعلا مش فاهمين حاجة و اكيد اول مرة نعرف من حضرتك ان دكتورة رودينا تبقى بنتك
هاجر:: قعدت و ابتدت تحكى اللى حصل .. من فترة كدا كنت قاعدة مع الولاد و حصل….
“فلاش باك”
روفيدة:: يا مامى انا جعانة خالص خالص
هاجر:: بنفاذ صبر .. اصبرى لما بابى يرجع من المستشفى و هنتغدا كلنا
روفيدة:: يووه بقى يا مامى كل يوم كل يوم اقول جعانة و تقولى اصبري مافيش مرة تقولى روحى كلى يا روفا
زياد:: بتريقة لـ روفيدة .. و لما انتى عارفة يا مزتى ان چورى بتقول كل يوم نفس الكلام مش بتحفظى ليه يا قطة
روفيدة:: ببراءة .. اعمل ايه يا زيزو فـ دى و بتشاور ع بطنها ع طول كدا جايبالى الكلام و كل يوم احفّظ فيها و اقولها استرى عليا و اسكتى تكسفنيش مع مامى و هى مش بتفهم غير اللى هى عايزاه و بس
هاجر:: قامت بغيظ مصطنع تجرى ورا بنتها .. انا بقى هخليها تفهم يا روفا و شوية و أعلن فونها عن استقبال رسالة ولما فتحتها شافت صورة لـ بنتها مع أحمد و مكتوب تحتها شوفى بنتك وهى فـ حضن أبن صاحبتك و صورة كمان مكتوب تحتها شوفى بنتك بتعمل ايه مع أبن المنصورى و حلم الرشيدى
“عودة للوقت الحالى”
هاجر:: انت متخيل يا فارس باشا لما تيجي رسالة بصور زى دى و اشوف بنتى الكبيرة بالمنظر ده هبقى عاملة ازاى ..انا حاولت اتماسك قصاد أمجد و الولاد و خبيت عليهم و سعيت اننا ننزل و فهّمت أمجد ان الولاد هما اللي عايزين ينزلوا يشوفوا البلد و يعرفوا أهلهم علشان أقدر اجى و افهم المنظر ده
فارس:: بهدوء .. انا مقدر الحالة اللي حضرتك فيها و أكيد متفهم للوضع بس اللى عايزك تعرفيه اننا فعلا ما كناش نعرف انها بنتك
أمجد:: بمقاطعة و نرفزة .. و تفتكر يا فارس باشا كانت هتفرق معاكم انكم تعرفوا انها بنتنا او لأ ؟ النتيجة واحدة انكم قبلتوا أن أبنكم يستغل بنات الناس و يسهر معاهم فـ أماكن زى دى
أحمد:: بتوضيح لـ أمجد و هاجر .. أسمح لى يا دكتور أمجد اوضح لـ حضرتك و طنط هاجر الموقف كله
أمجد:: بغـ ـضب .. مش محتاج منك توضيح يا محترم و لـ رودينا أتفضلى يا هانم قدامى و حسابى معاكى لما نرجع البيت اتفضلييييي
أحمد:: بعصبية .. دكتورة رودينا مش هتخرج من هنا يا دكتور و ياريت تهدى و تسمعني
أمجد:: أنت بتمنعنى أخد بنتى بصفتك ايه بالظبط
أحمد:: بصفتى الظابط المكلف بحمايتها .. دكتورة رودينا قاعدة هنا بصفة رسمية من رئيس جهاز المخابرات لأن حياتها معرضة للخطر و لـ هاجر ياريت تسمعينى يا طنط و انا هفهّمك حقيقة الصور دى ايه بالظبط
هاجر:: بقلق و خوف .. يعنى ايه بنتى حياتها فـ خطر ؟
حلم:: بهدوء .. اقعدى يا هاجر و أهدى و أسمعى أحمد هو هيعرفك الحقيقة كلها
أحمد:: قرب من هاجر و أمجد و ابتدى يحكى .. انا من كام شهر كنت مكلف بمأمورية فـ باربادوس و هى انى أرجع بالدكتورة رودينا و البحث اللى عملته فـ الفترة الأخيرة و اللى بسببه اتعرضت لأكتر من محاولة اغـ ـتيال من رئيس مركز البحوث اللى كانت شغالة فيه ، و فعلا قدرت بعد فترة اقنعهم بموتها و انزلها مصر بأسم بنت عمى و قعدتها فـ مكان المفروض متأمن كويس علشان ماحدش يوصلها و بعدها عرفت بقضية ماما و كنت لازم اثبت براءتها و برضو كان بتكليف من رئيس الجهاز و كنت لازم أعمل خطة أقدر اوصل بيها للاتنين اللى ورطوا أمى ، و لما وصلتلهم و عرفت انهم بيسهروا فـ الأماكن دى كنت لازم أدخلها و لازم يبقى معايا بنت و الدكتورة رودينا عرضت عليا انها تساعدني و يعلم ربى انى رفضت بس هى صممت
“فلاش باك”
أحمد كان رايح يطمن ع رودينا و هو متضايق و مخنوق و سألته
رودينا:: مالك أحمد فى ايه ؟
أحمد:: مافيش حاجة
رودينا:: نو أحمد فيه ، انت مش طبيعي شكلك بيقول فى حاجة كبيرة ، اعتبرنى صديقة و احكى
أحمد:: بضيق .. أخيرا قدرت اعرف مين الكلاب اللى ورطوا أمى فـ قضية الأغذية الفاسدة
رودينا:: بابتسامة .. و دى حاجة حلوة ولا حاجة وحشة ؟
أحمد:: بتنهيدة .. الاتنين رودينا حلوة عشان عرفتهم و وحشة عشان لازم أدخل الاماكن اللى بيسهروا فيها و اثبت عليهم جريمتهم
رودينا:: اوه ، طيب أدخل
أحمد:: بشرود .. عشان أدخل الاماكن دى لازم يكون معايا بنت تساعدني و فـ نفس الوقت مش حابب أعرّض اى بنت لموقف زى ده
رودينا:: ايه المكان ده طيب
أحمد:: كباريه
رودينا:: وات كا ايه .. انا مش فاهمة
أحمد:: بتوضيح .. ملهى ليلي ديسكو يعنى
رودينا:: اوه ياه ديسكو يس أنا عمرى ما روحت اماكن زى دى ، بليز أحمد أسمحلى أساعدك و أروح معاك
أحمد:: بانتباه لكلامها .. تروحى فين هو انا رايح اتفسح ، دى مأمورية و فـ نفس الوقت قضية شخصية انتى فاهمة ؟
رودينا:: ايه اللي يمنع بس أحمد انى أكون معاك
أحمد:: اللى يمنع انك انتى نفسك قضية لسة ماخلصتش و حياتك لسة فـ خطر ما ينفعش تظهرى خالص ده غير انى اصلا مش موافق ع انك تدخلى الأماكن دى و تتعرضى لمضايقات من الناس اللى فيها
رودينا:: أسمعنى بس أحمد ، انت انقذت حياتى من خطر حقيقى سيبنى اساعدك بليز اعمل ايه اسمه ايه ده اه مامى كانت بتقول رد كاميل
أحمد:: بابتسامة .. اولا اسمه رد جميل يا رودينا ثانيا و ده الأهم اللى انا عملته معاكى ده شغلى و مكلف بيه من رؤسائى فأكيد مش منتظر منك مقابل و ياريت ماتتكلميش تانى فـ الموضوع ده بعد اذنك
رودينا:: بليز أحمد اسمع انت محتاج بنت تساعدك و مش هتلاقى بسهولة بنت تثق فيها بليز وافق و انا واثقة انك مش هتخليني اتعرض لمضايقات خالص
أحمد:: بتفكير .. خلاص سيبينى اسأل رؤسائى و اشوف ردهم ايه
“عودة للوقت الحالى”
أحمد:: و فعلا سألت رئيسى و عرضت عليه طلب رودينا انها تساعدنا و بعد خطة تأمين و حماية ليها و تغير فـ شكلها قبلت بمساعدتها و بعد ما خلصت قضية ماما و ظهرت براءتها ، كُلفت من رئيس الجهاز ان رودينا تنزل ضيفة عندنا لحمايتها و خلاص هانت و قربت تخلص خالص قضيتها هى كمان و يتم اعتماد البحث بتاعها بأسمها و اثبات ملكيتها و تسجيل براءة الاختراع و طرح العلاج بالأسواق ، و قتها بس ان شاء الله هتبقى فـ أمان
أمجد و هاجر بيسمعوا أحمد و مش مستوعبين اللى بيسمعوه و ساكتين مش قادرين يتخيلوا ان بنتهم فـ خطر
عامر:: بقلق .. معنى الكلام ده يا أحمد انهم عرفوا كدا انها لسة عايشة و ممكن يوصلولها
أحمد:: لأ يا عامر اللى عمل كدا و صورنا بالشكل ده حد أكبر من دكتور چورچ مدير المركز
فارس:: بالظبط كدا اللى يقدر يوصل للتفاصيل دى و يعمل كدا مش حد سهل يا عامر
حازم:: لـ أحمد طيب يا أحمد انت مش معاك أصلا ظابطات بنات فـ الجهاز ؟ ليه ما استعنتش بواحدة منهم بدل رودينا
أحمد:: انا فريقى مافيش فيه بنات يا عمى عشان كدا اضطريت أقبل مساعدة رودينا
الاء:: انا كدا مش فاهمة حاجة يا جماعة طيب لما مركز البحوث ده عارف ان رودينا ماتت بعد الشر عنها يعنى يبقى مين اللي صوركم
فارس:: بتنهيدة .. ده أكيد نفس الشخص اللى قتـ ـل ريزو و لفق لـ حلم قضية الأغذية الفاسدة يا مدام الاء
أحمد:: بالظبط كدا يا بابا لما قدرنا نسبقه بخطوات و نحبط له مخططه فـ سجن ماما و شوشرته ع السوشيال ميديا عشان يسوء سمعتها دور ع حاجة تانية عشان يضـ ـربنا بيها
حلم:: بقلق و خوف .. هو ميييين و بيعمل كدا ليييه و عايز مننا ايييه انا خلاص تعبت مابقيتش قادرة أستحمل
فارس:: ضمها لحضنه .. أهدى يا حبيبتي مسيرنا نعرفه و صدقينى هخليه يتمنى الموت و ما يطولهوش
أحمد:: قرب منها أوعدك يا ماما أخليكى تشوفيه و هو بيركع تحت رجلك يتمنى الرحمة من اللى هعمله فيه
أمجد:: أبتدا يتكلم بقلق واضح لـ أحمد .. انت بتقول ان بنتى أنا حاولوا يقـ ـتلوها و قاعدة عندك فـ بيتك عشان تحميها و أنا معرفش .
أحمد:: من مصلحتها يا دكتور ان ماحدش يعرف حتى أنت ، زى ماقولتلك ده كان لحمايتها و الحاجة الوحيدة اللى حصلت انها طمنتكم عليها قبل ما تنزل مصر مباشرتاً علشان كانت خايفة خبر موتها المزيف يوصلكم
أمجد:: أحنا فعلا ما وصلناش خبر زى ده
أحمد:: عارف يا دكتور و دى لعبتنا أحنا زى ما أقنعنا چورچ و أعوانه أنها ماتت و شافوا جثـ ـتها و جثـ ـتى أقنعناهم أن أهلها عرفوا بالخبر و أستلموا الجثـ ـة و دفنوها و نزلت مصر بأسم تانى خالص و طبعا كان مستحيل طول الفترة دى انها تعرفكم مكانها و ده بأمر مننا
هاجر:: بعدم فهم و خوف .. بس دى كانت بتكلمنى كل كام يوم زى عوايدها من رقم دولى مش مصرى
أحمد:: عارف يا طنط وقت المكالمة بكون معاها و بظبط لها الخطوط عشان ماحدش يحس بحاجة .. و لـ أمجد دلوقتي حضرتك عرفت الحقيقة و عرفت ان رودينا لازم تفضل موجودة هنا ماينفعش تظهر بحقيقتها الفترة دى فـ لو حابب تفضل موجود معاها مافيش مانع و المزرعة هنا متأمنة كويس و الڤيلا عليها حراسة ع كفاءة عالية
هاجر:: بتسرع وقلق .. أكيد مش هسيب بنتى تانى
حلم:: مين قال سيبيها يا هاجر ، خليكم قاعدين معاها هنا ما ترجعوش بيتكم و لما نرجع كلنا ارجعوا و اقعدوا معاها
وبالفعل قدرت حلم تحتوى الموقف و تقنع هاجر انها تفضل مع بنتها ضيفة عندها لغاية ما تطمن انها فـ أمان و رجعوا كلهم من المزرعة بعد كام يوم اتفرجوا فيهم زياد و روفيدة ع المزرعة اللى عجبتهم جدا ، عامر و رودينا ابتدوا يتشدوا لبعض شوية و شكلنا كدا هنشوف كابل جديد ، هدير بنت فاطمة رفضت تقابل حلم لانها عارفة الكلام اللى هتقوله حلم و هى مش مقتنعة غير باللى فـ دماغها وبس
_______________________
فـ مكتب حلم
بعد رجوعها من المزرعة راحت شغلها و هى فـ مكتبها بتتابع شغلها و سمعت خبط ع باب مكتبها و أذنت بالدخول
حلم:: تعالى يا نادين فى حاجة ؟!
نادين:: حسين بيه العوضى و أبنه برة يافندم عايزين يقابلوا حضرتك و مافيش ميعاد سابق ، أدخلهم و لا أحدد لهم ميعاد تانى ؟
حلم:: خليهم يدخلوا
نادين:: تحت امرك يافندم
خرجت نادين و سمحت لـ حسين العوضى و يزن انهم يدخلوا
حسين:: دخل بكل هيبة و احترام .. صباح الخير يا هانم
حلم:: وقفت استقبلته .. أهلا وسهلا حسين بيه اتفضل
حسين:: و هو بيقعد بيعرفها بـ يزن .. أعرف سيادتك أبنى يزن نائب رئيس مجلس إدارة شركات العوضى
حلم:: بابتسامة .. أهلا يزن اتشرفت بمعرفتك
يزن:: الشرف لينا يا هانم
حلم:: وهى بترفع سماعة مكتبها .. قهوة ولا عصير ؟
يزن:: قهوة مظبوط
حلم:: بنفس الابتسامة لـ نادين 3 قهوة مظبوط لو سمحتى يا نادين و حطت السماعة و لـ حسين و يزن تحت أمركم
حسين:: الأمر لله حلم هانم .. انا سمعت عن حضرتك كتير بس ما حالفنيش الحظ انى اقابلك قبل كدا و
بصراحة من زمان و انا بتمنى اننا نشتغل سوا بس كنت مستنى الفرصة المناسبة و أكيد حضرتك عارفة شركات العوضي وضعها ايه فـ السوق
حلم:: بنفس ابتسامتها .. شركات العوضي غنية عن التعريف حسين بيه و أكيد يشرفني اننا نتعاون سوا
يزن:: بجدية .. حضرتك عارفة طبعا مجال شركاتنا و حجمها فـ السوق
حلم:: أكيد طبعا يزن بيه شركاتكم معروفة جدا بنزاهتها و الوحيدة فـ مجالها معروفة بدقة مواعيدها و تعاملاتها
حسين:: شهادة منك حلم هانم نعتز بيها
يزن:: لـ حلم افهم من كلام حضرتك انك موافقة اننا نتعاون ؟
حلم:: أكيد يشرفني طبعا بس ….. و قطع كلامها خبط الباب و فتحت
تسنيم:: ما…. و اتفاجئت بـ يزن .. أنت ؟
يزن:: بغيظ .. أنتى؟
حلم:: باستغراب من رد فعل الاتنين .. انتوا تعرفوا بعض ؟!
يزن:: بخبث .. لأ ما اتشرفتش بمعرفتها
تسنيم:: فهمت قصده و بنفس الخبث .. ولا انا اتشرفت بمعرفته
حسين:: لفت نظره نظرة يزن لـ تسنيم و لـ حلم مين الأنسة
حلم:: دى تسنيم بنتى و تبقى مديرة العلاقات العامة فـ المجموعة
حسين:: لـ تسنيم اتشرفت بمعرفتك يا استاذة تسنيم
تسنيم:: شكرا يافندم و بتكمل و عينيها ع يزن بغيظ .. لذوق حضرتك
يزن:: بغيظ أكبر .. حسين بيه العوضي معروف بـ ذوقه حتى مع قليل الذوق
تسنيم:: بنفس غيظها.. غلطان قليل الذوق ما ينفعش معاه غير قلة الذوق
حلم:: حاسة فى حاجة مش طبيعية بين تسنيم و يزن بس قالت .. حسين بيه العوضي و أبنه جايين يفتحوا مجال شغل بين شركاتهم و شركاتنا
تسنيم:: بذهول .. نعععععم ؟! حضرتك بتقولى ايه يا مامى ؟ وهى بتشاور ع يزن .. مستحيل طبعا أشتغل مع البنى أدم ده
يزن:: بعصبية .. لأ يا بت حوشي انا اللى همـ ـوت و أشتغل معاكى .. ده انا لولا بابا أصر انى أكون معاه ماكنتش جيت و لا شوفت سحنتك دى
تسنيم:: بقولك ايه يا بتاع انت أحترم نفسك أحسنلك و إلا …..
حلم:: بعصبية .. تسنيم من أمتى بنعامل ضيوفنا كدا .. أعتذرى حالا
تسنيم:: بصت بغيظ لـ يزن و كلامها مع حلم .. لأ
حلم:: قولت أعتذرى حالا
تسنيم:: سورى مامى بس مش هعتذر للبنى أدم ده أبداً
يزن:: لـ تسنيم .. أنتى بنى أدمة مغرورة و متكبرة و فعلا انا غلطان انى جيت و لـ حسين و هو بيقف يلا يا بابا وبلاش منه الشغل ده
تسنيم:: بالسلامة يا بابا و القلب داعيلك و ماتنساش الباب وراك
حلم:: بعصبية أكبر .. تسنييييم
حسين:: بعصبية و عدم فهم لـ يزن .. هو لعب عيال فى ايه بينك و بينها بالظبط
تسنيم و يزن:: فـ نفس الوقت .. مافيش
حلم:: الكلام اللى حصل ده بيقول انكم تعرفوا بعض و فى حاجة بينكم و أعتقد من حقنا اننا نعرف ايه هى
تسنيم:: بتتنفس غيظ .. مافيش حاجة يا مامى انا أصلا معرفهوش
يزن:: لـ حلم .. انا بعتذر يافندم عن اللى حصل .. ما تقلقيش حضرتك مافيش حاجة بينى وبين الانسة و لو حابة اننا نكمل كلامنا فـ الشغل اوك او نأجله لوقت تانى مافيش مشكلة نحدد ميعاد مرة تانية
حلم:: رغم انى مش مقتنعة بكلامكم انت و تسنيم . بس مافيش مانع اننا نأجل كلامنا و نحدد ميعاد تاني قريب ان شاء الله
حسين:: و هو بيقف عشان يمشى .. انا بعتذر جدا يا حلم هانم عن اللى حصل من يزن و ان شاء الله لينا لقاء قريب
حلم:: وقفت مكانها .. انا اللى بعتذر يا حسين بيه عن كلام تسنيم و عن الموقف اللى حصل ده كله
يزن:: انا بعتذر مرة تانية يافندم بس هى اللى استفزتنى
وبالفعل قبلت حلم اعتذاره و مشي يزن بعد ما حدد ميعاد تانى يتمموا فيه شغلهم و جواه عايز يقـ ـتل تسنيم بسبب غيظه منها و مش عارف ازاى يرد لها القلم اللى ضـ ـربته له
توأم روحي بقلمى✍️________لبنى دراز
فارس:: أااااااااااااه يا أبن الـ ـكلـ ـب تسنييييييم