رواية العشق الأبدي الفصل الخامس عشر 15 بقلم إسراء خليل

رواية العشق الأبدي الجزء الخامس عشر

رواية العشق الأبدي البارت الخامس عشر

رواية العشق الأبدي الحلقة الخامسة عشر

بعد اسبوع جه طارق واتقدم رسمي لساره
وامها وافقت وبقت فرحانه آوي وحددو
معاد الخطوبه
عفاف بأبتسامه :مبروك يا ولاد ربنا يتمم
ليكو علي خير يارب ويفرحني بيكو
ساره بحب :الله يبارك فيكي يا ماما يا حبيبتي
طارق بأبتسامه وحب :الله يبارك فيكي يا حماتي
ربنا يخليكي لينا
عفاف :مش هوصيك يا طارق ساره تشيلها
في عينيك أنا عايزه اطمن عليها
طارق :متقلقيش يا حبيبتي سارة في قلبي و روحى
وعقلي
عفاف ابتسمت :ربنا يفرحني بيكو يا ولاد
مسك :مبروك يا سارسور مبروك يا طارق
ربما يتمم ليكو علي خير يارب
ساره و طارق :الله يبارك فيكي يا مسك عقبالك
مسك ابتسمت ليهم
عدا اليوم جميل وحلو وكله فرحان جه تأنى
يوم ومسك ابتدت تجهز علشان تنزل شغلها
تآني بعد ما خفت طبعا
راحت الشركة
سمير :مسك حمدلله على السلامه عامله ايه
مسك بأبتسامه : الله يسلمك إزيك يا سمير
سمير :تمام الحمدلله الشركه نورت بيكي والله
مسك بأبتسامه :تسلم يا سمير ها بقى إيه
الشغل بتاع النهاردة علشان أنا متحمسه آوى
سمير بضحك :ههه ماشي يا ستي عندنا حفله
خطوبه وإحنا حاليا بنجهز جاهزه ولا اية
مسك:جاهزه طبعا ودي عايزه سوال يلا بينا
سمير بأبتسامه :يلا
في قصر سراج
احمد :صباح الخير يا جماعه
كلهم :صباح النور
سراج :وحشتوني يا ولاد بقالنا كتير مش قاعدنا
القاعدة دي
عزيز :وان شاء الله القاعده هتكمل بواحد تانى
قريب
منه :واحد تاني مين يا ابيه
عزيز :هتعرفي قريب ان شاء الله بس لما يجي
وطبعا إللي فاهمين مديحه وأحمد وسراج
احمد بص لمديجه لاقها بتبص لعزيز و بتدمع
عزيز هزلها دماغه علي انه بيطمنها يعني
عدا اليوم عادي جدا من غير اي أحداث
عند دعاء
دعاء :الو مين معايا
احمد :إزيك يا دعاء أنا احمد
دعاء بأبتسامه :آه إزيك يا احمد عامل إيه
احمد بأبتسامه :الحمدلله بخير انتي اخبارك اية
دعاء :بخير الحمدلله
احمد :الحمدلله انا كنت بتصل اطمن عليكي
وصلتي بالسلامه
دعاء :ههههه وصلت بالسلامه دانا بقالي
أسبوع آه وصلت بالسلامه إنت لسه فاكر
احمد بغباء :ههه آه صح معلش بطمن بس
دعاء ضحكت :لا اطمن وصلنا
احمد :طيب حمدلله على سلامتك أشوف في
الجامعه بقى باي وقفل من غير هي حتي ما
ترد
دعاء بصت علي التليفون بصدمه وبعدين قالت
:لالا ده مش طبيعي ههههه بس دمه خفيف
دعاااااااء
دعاء بتدمر :اوف حاضر جايه
ساره بصدمه :إيه مات إزاي
طارق : ناس بتقول انه كان خارج من الديسكو
مش دريان طبعا عربيه خطبت
ساره :الله يرحمه
طارق :هو آنتي زعلانه انو مات
ساره :مش زعلانه انا مشفقة عليه وبعدين أنا
مليش أي صله بيه علشان ازعل خلاص كل واحد
راح لحاله الله يرحمه بقى المهم هننزل نجيب
الفستان أمته
طارق :كنت لسه هقولك بعد الشغل ننزل
ونجيبو
ساره بهزار :ايشطا يا خطيبي
طارق ضحك: ماشي يا خطيبتي أنا هروح مكتبي
علشان أخلص الشغل اللي عليا
ساره :ماشي يا طارق
طارق خرج من المكتب و ساره سرحت وقالت
:الله يرحمك يا سامر متجوزش عليك دلوقتي غير
الرحمه ارتحت و ريحتني
عند مسك
كانت بتساعد عفاف فى الاكل
مسك :الا صحيح يا خالتي هو إحنا الخطوبه
هنعملها فين
عفاف :بصي بيني وبينك كده انا كنت داخله
جمعيه وعلي حظ ساره هقبضها بكره فقولت
ايه بقى أخدك بكره كده ونروح نشوف قاعه
حلوه كده نعمل فيها واهو نفرح ونفرح ساره
ايه رايك
مسك بفرحه :الله بجد يا خالتي دي هتبقى أحلى
مفاجأه بس لازم نعرف طارق علشان يعمل
حسابو
عفاف :عرفتو طبعا بس قولت مش هنقول
حاجه لساره غير لما نحجز اية رأيك
مسك :وادي محتاجه رأي لولولولولولولولولولي
وعندنا فرح عندنا فرح أنا بقى هنزل من بكره
ادور علي الفستان علشان نليق بالعروسه
وانتي كمان يا خالتي تيجي معايا ننقي ليكي
فستان حلوة كده يام العروسة و نجحز مع
المكيب ارتست ماشي
عفاف :فستان إيه وكلام ايه أنا كبرت على
الحاجات دي
مسك كبرتي إيه بس يا خالتي طب ده اللى اكبر
منك بيلبسو أللى عيالهم بيلبسو أنا هنقي ليكي
فستان يبقى حلو على سنك اشطا
عفاف :ماشي يا بنتي أمري لله
مسك بفرحه و فضلت تسقف:لولولوولولولى
وادلع يا عريس يابو لسا نيلون ادلع يا عريس
و عروستك نيلون لولولولولولولولولولي
وبعدين قالت بأستغراب :
الا صحيح يا خالتي هو يعني إيه لسا نيلون
فى القصر
عزيز نازل من على السلم لابس طقم الجيم
مديحه: صباح الخير يا عزيز
عزيز :صباح الفل يا قمر
مديحه بأبتسامه :مزاجك رايق النهاردة يعني
عزيز بأبتسامه :آوي آوي حاسس النهارده يوم
مش عادي حاسس فى حاجه حلوه هتحصل
مديحه :يسمع من بوقك ربنا يا زوز
احمد :صباح الخير
مديحه :رايح الجيم إنت كمان
احمد :يعني بذمتك ده لبس جيم رايح الجامعه
يا ديحه
مديحه بصدمه :ديحه ماشي يا اخويا خلي بالكو
من نفسكو
عزيز :علي الله يلا سلام
احمد :سلام يا ديحه
مديحه بأبتسامه :سلام ربنا يوفقكو يا حبايبي
تآني يوم نزلو مسك و عفاف علشان يدورو
على قاعه
مسك :بصي يا خالتي دي
عفاف :تعالى نشوفها ودخلو القاعه
مسك بانهبار :الله دي جميله اوي يا خالتي وكبيرة
دي تكفى الحاره كلها
عفاف :آه يا بت جميله تعالى نقابل المدير
مسك : يلا
بعد شوية عفاف خرجت ومعاها العقد بتاع الحجز
مسك :لولولوولولولى مبروك يا خالتى عفاف
خلصنا من القاعه يلا بقى نشوف الفساتين
عفاف :يلا
وراحو وجابو الفساتين عفاف فستان زيتي
مناسب على سنها و مسك فستان كحلي
جميل آوى
مسك :كده بقى مش فاضل غير لما أروح أشوف
ميكب ارتست حلوة تيجي لينا البيت
عفاف :ماشي يا حبيبتي يلا بقى نروح علشان
تعبت
مسك :ماشي يا خالتي تاكس
عزيز بيجري علي الماشية في الجيم و حاطط
الهاند فري وفي بنت كانت متابعه كل تحركات
عزيز
صاحبتها جت :عجبك
البنت :آوي جان آوي و عضلاته أي تجنن هو مين
ده
صاحبتها بضحك :مين ميعرفش عزيز سراج
ده صاحب أكبر شركات فى الوسط كله
الابن الكبير لسراج ماسك كل حاجه في الشركه
وكل البنات بتتهبل علييه بس هو مش معبر
حد كل أللى همه اهله وشغله بس
البنت بتكبر :بس أنا مش زي أي حد ده أنا ميار
الخولي يعني الف واحد يتمني بس نظره مني
الواد ده عجبني وهاخده بأي طريقه.
صاحبتها لينا :برحتك أنا قولتلك أللى فيها
شويه وعزيز خلص ونزل من علي المشايه
ومسك فوطته بينشف وشو وجسمو راحت عليه
ميار بدلع وتكبر :هاي إزيك
عزيز بص ليه من فوق لتحت ومسك ازازة الميه
وبيشرب منها
ميار :أنا ميار الخولي أكيد سمعت عني
عزيز بص ليها ببرود وقال :لا
ميار بصت ليه وحاولت تكتم غضبها من رده
البارد
ميار : مش مهم انت عزيز سمعت عنك كتير
وكان نفسي أقبلك
عزيز :واديكي قبلتني عايزه إيه بقي
ميار :اية رايك نتصاحب
عزيز شاف شنطه وقال :سوري مباخدش
الحاجات الرخيصه عن اذنك وسابها ومشى
ميار بصتلو بغضب
جت لينا :مش قولتلك متحوليش
ميار :أنا قولت دخل دماغي و مش هسيبو
وابتسمت بخبث