رواية العشق الأبدي الفصل الثاني 2 بقلم إسراء خليل
رواية العشق الأبدي الجزء الثاني
رواية العشق الأبدي البارت الثاني
رواية العشق الأبدي الحلقة الثانية
عند بيت عفاف
كانو قاعدين بيفطرو على الترابيزة
مسك : إن شاء الله يا خالتي النهارده اول يوم
شغل ليا في شركه تنظيم الحفلات
ادعيلى
عفاف :ربنا يوفقك يا حبيبتي يارب بس انتي نزلتي شوفتي شغل أمته
مسك :الاسبوع أللى فات لما كنت آنتى وساره فى البلد نزلت دورت على شغل لحد ما واحد ابن حلال جابلي الشغل ده معاه وأنا علشان بفهم في التنظيم و الديكوريشن وفقو عليا عارفة يا خالتي إللي يخلي واحد زي ده يساعدني من غير ما يعرفني يدل ان الدنيا لسه بخير
عفاف :ربنا يباركله ويوقفلو ولاد الحلال
ويرزقك يا حبيبتي هتروحي أمته
ساعه كده وهلبس و أروح الشركة علشان النهارده عندنا حفله عيد ميلاد بتاع بنت راجل مهم آوى وهقضي اليوم كله لحد ما عيد الميلاد ما يخلص
عفاف:ماشي يا حبيبتي هترجعى متأخر
مسك :مش عارفه والله يا خالتي بس ان شاء الله هحاول ارجع بدري
عفاف :ماشى يا حبيبتي
ساره :سلام انا بقى يا ماما علشان سامر اتصل بيا
و مستنيني تحت
عفاف :خليه يطلع يا بنتي يفطر معانا
سارة بعصبيه مصطنعة :يطلع فين يا ماما وإحنا ستات لوحدينا آنتي إللي جرالك يا وليه
عفاف بغضب ومسكت الشبشب :ولية يا بنت الجزمه طب والله لاوريكي ساره ضحكت خرجة وهي بتضحك ومسك ضحكت عليهم
سامر يبقى خطيب ساره مخطوبين بقالهم سنه
عزيز دخل الشركه بكل هيبه
دخل مكتبه ودخلت وراه السكرتيرة :عزيز باشا عندك اجتماع كمان نص ساعه
عزيز بهدوء :تمام هاتيلي القهوه وجهزي للاجتماع
السكرتيرة :تمام يا فندم وخرجت وهو ابتدا يشوف شغله
مسك جهزت ونزلت قابلت عطية برضو فضل
ينده عليها سابته ومشيت بسرعه
عطية بغضب :ماشي يا مسك أنا وريتك
امه خرجت سماح :برضو لسه ورا البت دي
عطيه :اما ونبي ابعدي عني علشان عفريت الدنيا كلها بتتنطت في وشي
سماح بعصبيه :لا يا روح أمك مش تديك علي دماغك وتتكلم معايا أنا وبعدين قالت بهدوء: ياض ياض مانا قولتلك أعملك عمل يخليها تجيلك راكعة وإنت أللى فقري ومش عايز
عطيه بحنق :قولتلك لا يا اما مش عايز اجيبها بأعمال انا عايزاها تجيلي من غير سحر ولا زفت
سماح عوجت بوقها وقالت : يبقى عمرها ما هتجيلك يا أخويا وخبطتت على كتفه
خالتي سماح خالتي سماح
سماح لفت :إيه يا بت يا فتحيه إزيك وازي أمك
فتحيه :امي كويسه يا خالتي انا اللي مش كويسه
سماح :خير يا أختي كفاله الشر
فتيحه :الواد رمزي مغلبني ومش عايز يبص في وشي خالص عملت كل أللى أقدر عليه علشان يحبني ويتجوزني بس غلبت جتلك آنتي
قولت بقي انتي تشوفيلي حل
سماح :عيني يا حبيبيتي هعملك حتة عمل اخليه يلف حواليكي بس أهم حاجه قوليلي معاكي حاجه من قطره
فتحيه :ودي حاجة تفوتني يا خالتي طبعا معايا
وطلعت تيشرت :التيشرت ده كان لابسه إمبارح وقلعو حطه في الغساله قومت أنا بقى سهيت أمه وخدتو
سماح :جدعه يا بت يلا تعالي
فتحيه دخلت بفرحه وراها
عطية واقف باصص ليهم بقرف وهز دماغه ومشي
مسك وصلت الشركه دخلت وهي خايفه وقاعده
تبص حاوليها
شافها الشاب إللي قابلها وجابلها الشغل
الشاب سمير بأبتسامه :مسك إزيك نورتي الشركه
مسك بأبتسامه :إزيك يا سمير عامل اية بنورك
سمير :الحمدلله تمام ان شاء الله هتتبسطي معانا
مسك بابتسامه :ان شاء الله
سمير: تعالي بقى يلا علشان نجهز علشان عيد الميلاد إللي عندنا إحنا نص ساعة و هنتحرك
مسك :ماشى يلا بينا و مشيو
عند ساره
بتشتغل وكانت طلبه أكل ليها ولسامر
الاكل جه وساره خدته ودخلت لسامر اتصدمت
من سامر ان في واحده من زمايله قاعده قدامه على المكتب ومقربين من بعض آوي
عساره بصدمه :سامر
سامر قام واتخض:ساره متفهميش غلط أنا انا كنت كنت
ساره بغضب: اخرس مش عايزه اسمع صوتك يا خاين وقلعت دبلتها ورميتها في وشو :دبلتك أهي مش عايزه أشوف وشك تآني و هبعتلك حاجتك وخرجت من المكتب
سامر :ساره ساره
البنت :سيبك منها خلاث هي الخسرانة
سامر بغضب :إطلعي برة برة
البنت اتخضيت وجريت برة
وهو قعد علي المكتب وحط راسه بين أيديه
عند ساره دخلت مكتبها وهي بتعيط و منهاره
قاعدت على المكتب وفضلت تعيط
دخل عليها زميلها طارق ده بيحبها أوي بس مش
عايز يقول علشان عارف إنها مخطوبه
طارق بخضه :ساره مالك بتعيطي ليه
ساره بعياط وشهقه بصتلو ومش عايزه تتكلم
طارق قعد قدامها :مالك يا سارة و غصب عنه أيده جت على أيدها على داخله سامر
سامر بغضب :إنت بتعمل إيه هنا يابن ال
ومسكو من ياقه قميصه وكان هيضربو
سارة قامت وهي بتمسح دموعها وشدت طارق
من سامر :إنت أللى دخلك هنا إطلع برة و ملكش
دعوه بحياتي فاهم انا مش رميتلك دبلتك عايز اية تآني مش عايزه أشوف وشك يا سامر فاهم
طارق قلبه نبض وفرح لما سمعها وهي بتقول
إنها رميت دبلته ابتسم في الخفا
سامر :سارة انا معملتش حاجه هي اللي دخلت وقاعدت على المكتب
ساره :الكلام ده تقولو لا مكنتش أنا شايفاك وإنت بتضحك معاها وتهزر اخرج برة يا سامر و
مش عايزاك تعتب باب مكتبي تآني بره
سامر :طب بصي اديني فرصه وآحده والله مش هتتكرر
طارق :هي مش قالتلك بره ما تطلع بره
سامر بغضب :إنت مالك يلا إطلع برة متتدخلش
بين واحد و خطيبته
سامر بعصبيه :أنا مش خطيبه حد وياريت تكلمو
باسلوب أحسن من كده ويلا برة بقى علشان
عندى شغل وعلشان الناس ما تتفرجش علينا
يلا
سامر :ماشى يا سارة بس أنا مش هسيبك علشان انتي بتاعتي فاهمه وسابها وخرج
سارة قاعدت على المكتب
طارق : أنا عارف إن ده موضوع مش يخصني
بس أنا زميلك هنا و و احم زي اخوكي يعني
اية إللي حصل بينك وبين سامر
ساره حكتلو إللي حصل
طارق :بجد انا مش عارف اقولك ايه غير انه شخص ميستهلكيش وانه كويس انك سبتيه
ربنا يعوضك بشخص أحسن منه
ساره بأبتسامه باهته :تسلم يا طارق ربنا يخليك
طارق ابتسم ليها بحب وبعدين قال :احم طب إيه رأيك لما نخلص شغل نتغدا سوا
ساره :لا معلش يا طارق مش هقدر
طارق :بقولك ايه انا مش عايز أعذار بعد الشغل هستناكي ماشي
ساره بأبتسامه هزت دماغها وهو ابتسم ليها وخرج وهي رجعت تكمل شغلها
عدا الوقت وفريق تجهيزات الحفله وصلو ومعاهم مسك
استقبلهم الخدم وعرفوهم المكان اللي هيشتغلو فيهم
واحده من الخدم :ثواني هروح انده ليكم الهانم
شويه وجت مديحه : مساء الخير يا جماعه
مسك رفعت عينها :مساء النو ها واتصدمت
من الست دي لأنها طلعت امها مسك فكراها
بس أمها مش فكراها لأنها سابتها وهي صغيرة
مش فاكره ملامحها
مسك جمعت نفسها وقالت :مساء النور يا هانم
مديحه بأبتسامه :طبعا آنتو عارفين شغلكو هيبقي اية ده عيد ميلاد بنتي الوحيده عايزاه يبقى احلي عيد ميلاد زي كل سنه
مسك بصتلها بحسرة وصدمة في نفس الوقت لما قالت بنتي الوحيدة معني كده إنها مش معترفه إن ليها بنت تانيه بس فرحت في نفس الوقت ان ليها أخت أصغر منها وكان نفسها تشوفها بس مبينتش حاجه
هي الوحيده اللي ردت :أكيد طبعا يا هانم متقلقيش
مديحه :تمام اتفضلو على شغلكو راحو كلهم على
شغلهم ومعاهم مسك وعين مديحه متابعه
مسك
جه الليل
خلصت التجهيزات على داخله عزيز عجبه التجهيزات جدا غير كل مره
وقف واحد من اللي بيشتغلو :حلو الديكوريشن المرادي أحلى من كل مره برافو عليهم
الشاب بأبتسامه :حضرتك ده شغل انسه مسك
عزيز :مسك هي جديده معاكم
الشاب :أيوة يا فندم دي أول شغل ليها معانا النهاردة
عزيز :تمام طب هي فين
الشاب: هي دي اللي واقفه هناك
عزيز بص ماطرح ما شاور الشاب لاقها واقفه بظهرها راح عليها وقال :مساء الخير يا انسه
مسك لفت :مساء النور يا فندم أي خدمه.
عزيز :لا شكرا انا بس حابب أشكرك على التزيين لإنه احلي من كل سنه باين انك شاطره اوي في الشغلانه
مسك بفرحه :تسلم يا فندم أنا هوايتي الشغل ده والحمدلله ان لقيت شركه تقبلني وتقبل شغلي
عزيز بأبتسامه :جميل جدا شاطرة طب ممكن تتفضلي قدامي علي المكتب
مسك بخوف :ليه يا فندم في حاجه
عزيز :متخفيش كده متقلقيش إن بس هديكي حاجه
مسك بقلق:تمام عزيز مشي وهي مشيت وراه
دخل المكتب :اتفضلي يا انسه مسك
مسك دخلت ووقفت في نص المكتب
وعزيز راح علي الخزنه طلع رزمة فيها 10الالف جنيه
عزيز :اتفضلي ده مكافئتك على شغلك النهارده
مسك بصدمه :إيه ده يا فندم بس ده كتير آوى
عزيز :ولا كتير ولا حاجه ده تقدير مجهودك
وإن شاء الله مش هيبقى آخر تعامل بينا
مسك :بس يا فندم أنا مقدرش أخدهم
عزيز :ليه
مسك :مش هينفع حضرتك إن شغاله زي زي أي حد موجوده مش هينفع أخد وفي ناس بتشتغل آكتر مني
عزيز :بصي يا مسك أنا بتعامل كتير مع الشركه دي وهما عارفين نظامي لما بيعجبني شغل حد بكافئه عليه والباقي برضو بكائفهم بس مش بنفس مكافئتي للشخص اللي عجبني شغله
فاهمتي دي مكافئتك انتي والباقي لما يخلص شغله هكافئه برضو خدي بقى
مسك خدت الفلوس بكسوف :شكرا لحضرتك
عزيز ابتسم :العفو
مسك :بعد اذن حضرتك
عزيز :اتفضلي مسك خرجت من المكتب وخدت
نفسها جامد وبصيت للفلوس وضحكت
مسك :الحمدلله يا رب على كرمك ودمعت ومشيت
استوووب….
تعرفي الابطال
مسك صلاح ٢٧ بنت طيبه وجميله جمالها رباني عيون عسلي وشعر بني وبيضه وبتحب الخير للناس
عزيز سراج المرشدي 30 شاب رياضي ووسيم شعره اسود وعينه بني وشيك جدا عصبي جدا ووقت غضبو مش بيشوف قدامه بس قلبه طيب وبيحب يساعد الناس بس بيكره مديحه
وطبعا عارفين ليه
احمد سراج المرشدي ٢٣ شاب طيب جدا ومطيع شعره بني ناعم و عينه عسلي فاتح بيحب الضحك والهزار وبيعشق أخواته
منه سراج المرشدي ١٧ بنت طيبه جدا وعسوله
شعرها أصفى نحاسي و عينها بني فاتح
بتحب أخواتها وابوها وامها وشقية أوي
سراج المرشدي ٥٥ سنه رجل شيك ورياضي ميبنش عليه سن أبدا صارم جدا بس بيحب مراته وولاده
مديحه رفعت ٤٥ سنه ست طيبه وجميله وشيك
بتحب ولاد جوزها آوي و بتساعدهم في كل حاجه بس عزيز إللي مش مديها فرصه تقرب منه
الست عفاف 49 سنه ست طيبه جدا بتجب الخير
وبتساعد أي حد محتاج
ساره رزق : 25 سنه بنت جميلة ومكافحة وبتحب شغلها محجبه وعينها بني بشرتها قمحي
طارق ٣٣ سنه شاب وسيم جدا وبيحب ساره اوى شعره بني و عينة عسلي وبيحب شغله
ده تعريف الشخصيات
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية العشق الأبدي)
