رواية العشق الأبدي الفصل الثالث عشر 13 بقلم لبنى دراز
رواية العشق الأبدي البارت الثالث عشر
رواية العشق الأبدي الجزء الثالث عشر
رواية العشق الأبدي الحلقة الثالثة عشر
الموت ليس أعظم مصيبة في الحياة..! أعظم مصيبه هي (أن يموت الخوف من الله) و نحن على قيد الحياة ! قد تشعر بالحزن على أمر ما و قد تبكي بكاء الطفل و تنام (و اللّه لا ينام عن تدبير أمورك) تمهل: إنه يدبّر لك في الغيب أموراً إنّ علمتها لبكيت فرحاً .. قد تفقد أشياء جميله وتقول : “لا تعوض” وقد تتفاجأ بـ أشياء أجمل تنسيك ما لا يعوض. أسعدوُا منَ تحبوُن قبلَ أنَ تبكوُا علىَ وُداعه.
العشق الأبدي بقلمى✍️__________________لبنى دراز
فـ ڤيلا المزرعة
فارس بعد ما خرج من مكتب حلم وطلع قعد فـ الليڤنج مع أمينة ونجوى واخواته
أمينة :: بتعب ..طمنى يابنى هتعرف تحل مشكلة اختك حور
فارس :: جواه أختى ايه بس يا حاجّة حرام عليكى .. و بص ليها ان شاء الله يا خالتو بس هى تساعدنى
أمينة :: طب ما تقولها محتاج تساعدك ازاى و اكيد مش هتتاخر عنك
فارس:: بغيظ من حلم .. يا خالتو بنتك مش بتسمع لـ حد و ماشية بدماغها .. و بهمس لنفسه سمعه أدهم .. انا هكـ سر لها دماغها دى قريب
أدهم :: بنفس الهمس .. ماترسينى ع الدور و انا أريحك
فارس :: خليك فـ حالك و شيلنى من حساباتك
أدهم :: أوعى تكون …..
فارس :: بنرفزة .. لأ ماحصلش وخليك فـ حالك قولتلك
أدهم :: بضحكة مكر ..تيب ههههههههههههه
نجوى :: مالكم يا ولاد بتتوشوشو فـ ايه كدا
فارس :: مافيش يا حبيبتى بس انتى عارفة أبنك الظريف .. المهم انا طالع أرتاح شوية وبص لـ ياسمين .. سمسمة تعالى معايا عايزك فـ موضوع
ياسمين :: بتوتر لانها شافت أخر حد خرج من المكتب كان فارس وقصي .. حااضر يا فارس
وطلعت معاه فعلا
فارس:: دخل اوضته و قعد ع السرير بتعب و شاور لـ ياسمين .. تعالى جنبى يا سمسمة هنا
ياسمين :: حاضر يا فارس و قعدت جنبه وهى متوترة
فارس :: بمكر .. بص ليها كتير و ساكت و ده وترها زيادة
ياسمين :: ابتدت تهز رجلها جامد حركة لا ارادية لما بتتوتر .. و بسرعة فى ايه يا فارس مالك بتبص لى كدا ليه انا عملت ايه لكل ده
فارس :: بضحك .. ههههههههههههه خدى نفسك طيب و أهدى عشان افهم بتقولى ايه و بطلى الحركة المستفزة دى
ياسمين :: بقلق حاضر سكت اهو فى ايه بقى
فارس :: فى انك كبرتي و كبرتينى معاكى يا بنت قلبى و بقيتى عروسة
ياسمين :: بتبص ليه و وشها كتلة طماطم من كتر الخجل
فارس :: أحمريتى ليه كدا .. هو انا لسة قولت حاجة
ياسمين :: عايز تقول ايه يا فارس مش فاهمة
فارس :: بجدية .. ممكن أعرف حكاية قصي ايه بالظبط
ياسمين :: بص هو أول ما جينا المزرعة قعدنا كام يوم و بعدها عرفنا انك مسافر و …..
“فلاش باك”
نجوى :: أيه رأيك يا سمسمة تشتغلى فـ المزرعة مع حور انتى و عاليا
ياسمين :: بس حضرتك عارفة ان فارس معترض ع فكرة الشغل
نجوى :: حبيبتى أخوكى معترض لانه بيخاف عليكم لكن لو هنا مع حور مش هيعترض .. و بحزن .. لما يرجع بالسلامة ان شاء الله انا هكلمه و أقنعه
عاليا :: بجد يا ماما ياريت انا حاسة انى صديت من الركنة
نجوى :: خلاص هكلم حور تنزلوا معاها ان شاء الله
حلم :: من وراهم و حور هنا عايزين تروحوا فين و انا أوديكم
نجوى :: بصراحة يا حور كنت عايزاهم يشغلوا وقتهم و ينزلوا معاكى يشتغلوا بدل القعدة دى
حلم :: حبيبتى يا خالتو اكيد طبعا من دلوقتي لو عايزين
نجوى :: حبيبتى ربنا يبارك لك يارب
حلم :: ع فكرة انا طلبت منهم قبل كدا قالوا ان المستفز معترض
ياسمين :: ههههههههههههه يالهوى لو سمعك
حلم :: بثقة و لابيهمنى .. المهم لو عايزين يلا بينا من دلوقتي
“عودة للوقت الحالى”
ياسمين :: وبس من يومها اشتغلت فـ المصنع
مديرة انتاج و مراقبة جودة تحت تدريب قصي بس والله ما اتكلمتش معاه غير فـ حدود الشغل و بس
فارس :: بأبتسامة رضا .. عارف يا حبيبتى و واثق فـ تربيتى ليكى و إلا ماكانش سى أراجوز أفندى ده جه و طلب ايدك مني
ياسمين :: ببلاها هاااا
فارس :: ها ايه .. مالك و بمكر شكلك مش موافقة يبقى أرد اقوله انك رافضة
ياسمين :: بتسرع .. لالالالا انا موافـ… و قطعت كلامها لما استوعبت هى بتقول ايه
فارس :: امممم شكلنا واقعين ع الأخر ههههههههههههه
ياسمين :: بخجل .. الله بقى يا فارس
فارس :: بتريقة .. الله بقى يا فارس .. يا بت انا اخوكى حبيبك هتتكسفى مني يعنى .. و باس جبينها.. مبروك يا قلب أخوكى بس سيبيهولى الاول أربيه شوية عشان يتعلم ياخد باله كويس بعد كدا ههههههههههه
ياسمين :: ممكن ماتقرصش عليه اوى طيب عشان خاطرى
فارس :: بضحك.. واقعة واقعة يعنى ههههههههههههه ماشى يلا قومى بقى عايز انام و فعلا قامت ياسمين خرجت و هو فرد جسمه ع السرير وحط ايده ورا راسه و شرد فـ حلم ..
و مازلت ايها القلب تعشقها سراً و أصبحت أسيراً لها دون علمها.. فـ كيف بالله عليك إن عَلِمت بما تحمله فى نياطك لها ..كيف حالك عندما تُعلمها انها اصبحت فى وتينك
__________________________
تانى يوم صحى فارس بدرى صلى الفجر و نزل يتمشى شوية كانت حلم نزلت زى عادتها بعد ما تصلى فرضها تباشر شغلها بنفسها وسمع
حلم:: بتنده رييزووو يلا تعال
فارس :: استغرب هى ازاى عرفت الاسم ده وقبل ما يقرب و يسألها شاف الحصان بتاعها جاى يجرى عليها
حلم :: بمداعبة للحصان .. صباح الخير يا جميل يلا بينا نبتدى جولتنا .. وبالفعل ركبت ع الحصان وطلعت تجرى بيه من غير ما تشوف فارس
فارس كمل تمشية و هو بيفكر فيها .. كل يوم يكتشف فيها حاجة جديدة تشده ليها أكتر .. بس أغرب حاجة اكتشفها ان حصانها ع نفس أسم الدلع المقرب لـ قلب أمه و دايما بتندهله بيه شوية و رجع الڤيلا كان الكل صاحى
فارس :: دخل و صبح ع الكل.. صباح الخير
أمينة :: صباح الخير يابنى
أدهم :: صباح الخير كنت فين بدرى كدا
فارس :: عادى زهقت من القعدة و كنت بتمشى شوية فـ الجناين
نجوى :: مالك ياحبيبى حاسة انك متضايق
فارس :: مافيش يا أمى .. بقول ايه مش كفاية كدا هنا .. و نرجع بيتنا
أمينة :: بحزن .. ليه يابنى زهقت مننا ولا ايه عشان عايز تمشى
فارس :: يا خالتو ياحبيبتى مازهقتش ولا حاجة بالعكس الجو هنا جميل جدا بس يعنى انا خلاص كام يوم و هرجع شغلى تانى
نجوى :: خلاص نرجع يا حبيبى بس نشوف البنات الاول هيعملوا ايه و نرتب مع حور مواعيد شغلهم
فارس :: حاضر يا أمى اللى تشوفيه .. لـ عاليا بعد ما تخلصى فطار تعالى عايزك
عاليا :: حاضر يا ابيه
فارس :: خلص فطار و طلع اوضته و بعد شوية سمع خبط ع الباب .. أدخلى يا عاليا
عاليا :: ابيه ريزو حبيبى عايزنى فـ ايه
فارس :: أقعدى اتكلم معاكى شوية
عاليا :: بسعادة نطت جنبه ع السرير و ربعت رجلها .. ها خير بقى أرغى يا ريزو يا قمر انت و قول عايزنى لييه
فارس :: بضحك .. شكلك عايزة تتعلقى زى زمان مش قولنا بلاش ريزو دى .. و سكت شوية و افتكر ان حلم حصانها اسمه ريزو .. بص لـ عاليا ولا أقولك خلاص قوليها براحتك
عاليا :: هيييه يعيش ريزو حبيبيييي
فارس :: هههههههههه ماشى يا شقية نتكلم جد شوية بقى
عاليا :: مدت بوزها .. لو سمحت بقى انا قر دة مش شقية .. مش كل ما اتعود ع أسم تغيروه .. أثبتوا بقى يا بشر ماتتعبوناش معاكم الله
فارس :: ههههههههههههه انا عارف والله انى هتعب معاكى .. الله يكون فـ عونك ياللى فـ بالى
عاليا :: بمرح .. أمسك هو مين بقى اللى فـ بالك ده و الله يكون فـ عونه لييييه 🤔 و بتحاول تفتكر و ايه تاااانى .. اه هتتعب معايا ليه بقى ها ها لييه
فارس :: بغيظ مصطنع .. ما هو انتى لو سكتى شوية هتفهمى انا عايزك ليه
عاليا:: ايواااا بقى عايزة افهم انا عااااايزنى لييييه.. فهّمنى و النبى و النبى فهّمنى
فارس :: بغيظ حقيقى .. انتى لو سكتى شوية يعنى هتتكتبى غياب .. اسكتى بقى خلينى اعرف اتكلم
عاليا :: اهو🙊
فارس:: بزهق .. شاطرة خليكى كدا بقى لغاية ما اخلص كلامى ممكن
عاليا :: بتهز راسها و هى حاطة ايدها ع بؤقها بمعنى حاضر
فارس:: بجدية .. بصى ياستى .. سيف زميلى فـ المكتب عارفاه
عاليا:: ع نفس الوضع و بتبص و ساكتة و بتهز دماغها و خلاص
فارس :: بضحك من شكلها ..المهم يا قر دتى سيف طالب ايدك قولتى ايه
عاليا:: شالت إيدها من ع بؤقها .. أتكلم؟
فارس :: بضحك .. ههههههههههه أتكلمى
عاليا :: طالب ايدى ليه بقى هو مش عنده اتنين عايز ايدى يعمل بيها ايه بقى هاا
فارس :: اصله بيحب يطبخ 3 اصناف ع البو تا جاز فـ وقت واحد و مش بيعرف يشوف التلاتة مرة واحدة و عايز ايد تالتة تساعده .. و بغيظ .. هيكون عايزها ليه يعنى
عاليا :: أهدى بس يا ريزو يا حبيبى لا يطقلك عرق ولا حاجة والمزة تطفش منك من قبل ما تيجى
فارس :: قام وقف و مسكها من قفاها وطالع بيها برة الاوضة .. انا اصلا غلطان انى بتكلم مع عيّلة زيك ..انا هروح اقوله استنى لما تكبر و تعقل و بعدين تعال اتجوزها ولا اقوله اتجوز واحدة عاقلة احسن من المجنونة دى
عاليا :: بصدمة .. انت قولت ايه ؟!
فارس:: اطلعى برة يا بت انتى
عاليا :: لأ بجد انت قولت ايه يا أبيه بالله عليك
فارس :: بنرفزة .. قولت سيف عايز يتجوزك قولتى ايه عشان ارد عليه
عاليا :: بفرحة .. بجد قول والله .. و حياة امك .. قول بجد عايز يتجوزنى
فارس :: بذهول ..وحياة أمى !!! و انتى فرحتى اوى كدا ليه قرى و اعترفى
عاليا:: بخجل منه ..انـ انـ اناااا
فارس:: برفعة حاجب .. انتى ايه
عاليا:: ماتكسفنيش بقى يا أبيه
فارس:: موافقة يعنى؟!
عاليا:: بتهز دماغها .. بمعنى ايوا موافقة
فارس:: و الله و كبرتى يا لولى.. و المفعوصة كبرت و هتبقى عروسة .. مبروك يا حبيبتى
عاليا:: الله يبارك فيك يا أبيه و عقبالك ياااارب
فارس :: ان شاء الله بس اخلص منكم الاول و بعدين اشوف نفسى يلا ننزل و نشوف ماما و أدهم عشان أعرفهم انك وافقتى
و فعلا نزلوا كانت نجوى و أدهم فـ الجنينة و أمينة فـ اوضتها تعبانة شوية و حلم فـ مكتبها
أدهم :: بهزار .. ايه يا باشا مش هيجى عليا الدور بقى تاخدنى فوق انا كمان
فارس :: اتلم يا ظريف ..و لـ نجوى ماما عايزك فـ موضوع مهم
نجوى :: بقلق ..خير يا حبيبى
فارس:: البنات
أدهم:: مالهم
فارس :: جالهم عرسان و الاتنين كلمونى
نجوى :: اتنين مين دول يا فارس
أدهم:: ياسمين و عاليا يا ماما جالهم عرسان الاتنين مرة واحدة
فارس :: اه تخيل بقى سمسمة و القر دة التانية هيتجوزوا لا و ايه العرسان سبحان الله شبهم بالذات عاليا
نجوى :: ليه مين يابنى العرسان دول
فارس :: باس ايدها .. قصي و سيف يا ست الكل
أدهم:: قصي و سيف مين لو سمحت
فارس :: أه هو انت لسة نايم .. ولا شكلك نسيت .. اصحى يا كابتن .. سيف زميلى و قصي مدير المصنع هنا
أدهم:: ااااااه صح افتكرت انت قولتلى قبل كدا .. ايوا عايزين ايه بقى
نجوى :: ما قالك يا أدهم ياحبيبى عايزين يتجوزوا اخواتك البنات بس ما قولتش يا فارس مين فيهم عايز مين من اخواتك
فارس :: يا حبيبتى لو تدونى فرصة هقول كل حاجة والله
أدهم :: اتفضل الميكرفون معاك ذيع يا نجم
فارس :: بغيظ .. ولاااا هو انا اخلص من المفعوصة الصغيرة تطلعلى انت اسكت لله شوية
نجوى :: ههههههههه اسكت يا أدهم شوية و سيب أخوك يتكلم
فارس :: شوفى يا أمى .. قصي كلمنى ع يا سمين و انا طبعا سألت عليه بصراحة انسان كويس و كمان سيف كلمنى عشان عاليا و طبعا لما سألت البنات لاقيتهم موافقين .. فـ ان شاء الله لما نرجع من هنا هكلم الاتنين و ابلغهم الموافقة و نعمل خطوبة واحدة للبنتين قولتى ايه
نجوى :: اللى تشوفه يا حبيبى انت اخوهم الكبير و راجلنا كلنا ربنا ما يحرمناش منك ابدا يارب
أدهم :: امين يارب العالمين .. كدا مش فاضل غيرك بقى يلا اعملها انت كمان
فارس :: بغيظ .. هو انا هفضل لـ امتى اقولك خليك فـ حالك .. أجرى الاول صلّح اللى انت عكيته و بعدين اتكلم
نجوى :: بعدم فهم .. هو في ايه انا مش فاهمة حاجة منكم بس حاسة كدا ان أدهم كمان فى حد فـ حياته
فارس :: أه يا ست الكل .. البيه بيحب دكتورة زميلته مطرقعة زيه سبحان الله .. بس الاستاذ عكها معاها هى و اخوها و البنت مش عايزة تسامحه
أدهم :: وغلاوتك يا فارس النهاردة هاخد منها ميعاد ازور اهلها فيه استعدوا انتوا بس
فارس :: يا خوفى المرة دى تقفشها مع ابوها يبقى كدا طارت منك رسمى فهمى نظمى ههههههههههههه
نجوى :: بأستغراب .. ايه يقفشها دى يا فارس مش فاهمة
فارس :: بضحك .. ده حوار كبير يا حبيبتى هحكيهولك بعدين ههههههههههههه
أدهم :: بجدية .. بص فـ ساعته يادوب الحق المستشفى سلام انا و فعلا قام ركب عربيته ومشى
_________________________
فـ المستشفى
وصل أدهم المستشفى و هو ناوى انه لازم يصالح أمل بأى طريقة و بعد ما خلص مرور ع المرضى و خلص عملياته دخل مكتبه يفكر ازاى يصالحها و فجأة خبط الباب
أدهم :: أدخل
هاجر :: بخ دومى وحشتنى
أدهم :: يخربيييتك انتى طلعتيلى منين
هاجر :: أخص عليك يا دومى كدا برضوا هو انا مش وحشتك
أدهم :: بغيظ .. بت انتى الحكاية أصلا مـ و لـ عة لوحدها اتلمى كدا و شوفى رايحة فين
هاجر :: بزعل مصطنع ..خلاص زعلانة منك و مخصماك بس ها
أدهم :: بنفاذ صبر .. يااااا صبر أيوب.. ياااا بنتى حلى عنى و شوفيلك حد فاضى
و قبل ما ترد هاجر عليه كان الباب خبط تانى و أذن بالدخول
أمجد :: مساء الخير يا دكتور ..أسف لو جيت فـ وقت مش مناسب
أدهم :: مساء الخير يا أمجد ..لأ تعال انت جيت فـ وقتك بالظبط خير
أمجد :: فى حالة فـ الطوارئ محتاجة تدخل جراحى فورا
أدهم :: بجدية .. ايه الحالة بالظبط
أمجد :: وعينه ع هاجر و نسى تقريبا كان بيقول ايه .. هااا
أدهم :: بزعييق .. دكتووووررر أمجد ركز معايا .. بقووول ايه الحالة بالظبط
أمجد :: بتوهان ..أه أه زايدة متضخمة ولازم حالا تدخل عمليات
أدهم :: اتفضل قدامى يلا نشوف الحالة و أعملها الفحوصات المطلوبة ولـ هاجر ياريت ما شوفش وشك تانى هنا مفهوم
أمجد :: بهيام أنا أحب أشوفك كل يوم تعالى تحت
أدهم :: أمجججججد ده مش كافيه دى مستشفى ..و يلا اتفضل قدامى
و فعلا خرج و سابها يلحق الحالة و قدر يعملها العملية و ينقذها و هو طالع شاف أمل
أدهم ::بحب .. وحشتينى اوى ع فكرة
أمل :: بغيظ وجواها هتتنطط من الفرحة .. و ده أسمه ايه ده بقى ان شاء الله
أدهم :: أسمه حب يا أملى .. أسمه جنون هوس بيكى .. أرحمى قلبى و حني عليا شوية
أمل :: بعينك خليك كدا و بهمس كالعادة .. عشان تتربى يا أدهم
أدهم :: أتربيت خلاص يا حبيبتى
أمل:: بغيظ منه .. انت بتسمعنى ازاااى مخاوى و لا ملمع أوكر ولا ايه بالظبط
أدهم :: بضحك .. ابدا يا روحى انا مش مخاوى ولا ملمع أوكر ولا حاجة .. انتى اللى صوتك عالى ههههههههههههه
شوية و جات
هاجر :: ايه ده خيـ انة .. كدا يا دومى تخـ و نى مع السلـ عوة دى
أمل :: بغيظ منها .. هى مين دى اللى سلـ عوة يا بر ص الحيطان .. يا كـ لـ ب جربان .. يا شبـ شب حيران مش عارف يلزق فـ قفا مين
هاجر :: بغيظ هيلزق فـ قفاكى ان شاء الله
أدهم :: بس بس بس انتى و هى
أمل :: بنرفزة وغيرة .. مين دى يا أدهم
هاجر :: خطيبته المستقبلية يا حلوة
أدهم:: حط ايده ع وشه و لـ نفسه ..كممممللت .. يخربيييت شيطانك يا بعيدة ده انا لسة بصالح فيها تيجى انتى و تعُكيها
أمل :: بدموع لـ أدهم أه يا خا ين يا غشـ اش بتضحك عليا و تقول بتحبنى وانت خاطب البو مة دى
أدهم :: بفرحة جواه .. و الله ماحبيتش و لا هحب غيرك فـ حياتى يا أمل .. البت دى بلو ة و اتحدفت عليا معرفش من أى دا هية
أمل :: بحزن .. بجد يا أدهم بتحبنى
أدهم :: يا لهوووى يانى ع أدهم دى والله مافيش غيرك فـ قلبى
أمل::خلاص سامحتك يا……
أدهم :: يا ايه انطقيها بقى
أمل :: لأ بعدين مش دلوقتي
هاجر :: بتاكل فـ نفسها من الغيظ و نفسها تضـ رب أمل
أمل :: لـ هاجر انتى لسة هنا يا كـ لـ بة البرك ما تمشى بقى يا لزقة
أدهم :: انسة هاجر لو سمحتى بقى ياريت تشوفى حد غيرى
هاجر :: بغيظ اشبع بيها انت الخسران .. بلا نيلة
أمجد :: من وراها و ربنا انا فاضى و يتيم و عايز أكمل نص دينى ياللى من أول نظرة خط فتيـ نى قولتى ايه يا قمر
هاجر :: اتوترت بجد و حست بأحساس غريب اول مرة تحس بيه و مشيت من غير ماترد
___________________________
فـ بيت حلم
بعد أسبوعين رجعوا كلهم من المزرعة عشان خطوبة ياسمين و عاليا و كمان يحضروا فرح عبير
فـ شقة حلم
أمينة :: بتنده ع فاتن
فاتن :: نعم يا ست الحاجّة
أمينة :: حور فين صحيت ملاقيتهاش
فاتن :: انسة حور شالله يخليها يارب نزلت عند ام عبير تشوفها محتاجة ايه و قالت لما حضرتك تصحى انزل اقولها
أمينة :: طيب انزلى قوليلها و اطلعى جهزى الغدا و ابعتى لـ أم فارس ييجوا يتغدوا معانا
فاتن :: من عينى يا ست الحاجّة فوريرة و نزلت فعلا جرى بلغت حلم و طلعت تجهز الغدا
حلم :: خلاص كدا يا ام عبير محتاجة حاجة تانى
أم عبير :: بسعادة..ان شالله يبارك فيكى و نفرح بيكى قريب زى ما فرحتينا و جبرتى بخاطرنا
حلم :: بضحك .. مش هتبطلى انتى الدعوة دى صح ههههههههههههه
أم عبير :: بضحك ..أبدا مش هبطلها لغاية ما اشوفك متشعلقة فـ دراع عريسك يا حور يا بنت أمينة قولى ان شاء الله
حلم :: بفرحة جواها مش عارفة سرها ايه .. هطلع اشوف امينة و انتى خليكى فـ أحلامك يا أم عبير ههههههههه
وفعلا طلعت شقتها .. قلب حور صح النوم يا قمر
أمينة :: يصح بدنك يا بنتى .. كل ده عند ام عبير تحت
حلم :: حبيبتى خلصت خلاص و مش هننزل غير ع الفرح بالليل
أمينة :: خلاص يلا نتغدا فاتن جهزت السفرة و راحت تنادى ع خالتك و ولادها
حلم :: قلبى انتى يا امونة .. هدخل اغيّر هدومى لغاية ما ييجوا
و دخلت فعلا خدت شاور و غيّرت و طلعت كانت نجوى جات مع فارس و أدهم و ياسمين و عاليا و قعدوا يتغدوا بعد ما سلمت عليهم و فجأة موبايل فارس رن
نجوى :: مين اللى حماته بتحبه ده
فارس:: بفرحة .. دى ديچة و فتح المكالمة الوو ديچة حبيبتى وحشتينى
خديجة :: الووو يا بكاش لسة فاكر ديچة
فارس :: عينه ع حلم و هو بيتكلم حبيبتى انتى عارفة ما يأخرنيش عنك إلا الشديد القوى لكن انتى فـ قلب فارس .. بس غصب عنى يا قلبى صدقينى
خديجة :: وحشتنى والله يا فارس و اخواتك كمان وحشونى
فارس:: و هو متابع تعبيرات وش حلم .. قريب اوى يا قلبى هتلاقينى عندك او ابعتلك تيجى عشان انتى كمان وحشانى موووت يا ديچة
حلم :: بغيرة من غير ما تحس .. لاااااااا بقى كدا كتير .. و قامت سابت الاكل و طلعت الچيم بتاعها تطلع غيظها و ماحدش فاهم مالها او عملت كدا ليه
فارس :: بفرحة جواه .. حبيبتى يا عمتو والله.. خدى أدهم معاكى أهو
أدهم:: ديچة قلب أدهم وحشتينى يا أجمل عمتو فـ المجرة
خديجة :: وانت كمان يا حبيبى عامل ايه يا أدهم
أدهم :: عامل عريس يا قمر و خلاص أخيرا هتلم و اتجوز
خديجة :: بفرحة .. بجد يا أدهم خطبت ربنا يتمملك بخير ياحبيبى
أدهم :: حيلك يا ديچة شوية انا لسة هخطب .. بس هيبقى كله كله مرة واحدة .. بس اخوها يرجع من السفر
خديجة :: وماله ياحبيبى المهم انك فكرت و عقبال أخوك بقى ولا خطب هو كمان
أدهم :: ههههههههههههه لأ لسة شكله معقد مش ناوى .. بس اقولك خبر حلو تانى .. القر دتين بتوعى اتخطبوا
خديجة :: يا فرحة قلبى النهاردة هات نجوى اباركلها
أدهم :: أهى ياستى نوجة معاكى
فوق فـ الچيم
حلم :: بتجرى كالعادة تطلع غضبها و بتكلم نفسها .. مالك فيكى ايه اتصدمتى مش كدا .. كنتى فاكرة ايه ها كنتى فااااااكرة اييييه كام مرة أقولك ابعدى مابتسمعيش الكلام ليييييه هتفضلى تضعفى كدا كتير ليييه طول عمرك قوية ليه بتيجى لغاية عنده و تضعفى ليييييييه و بتجرى بأقصى سرعة كأنها بتنتـ قم من نفسها انها حبت فارس
شوية وطلعت نجوى لانها فهمت رد فعل حلم و خبطت عليها
نجوى :: ع فكرة غلط انك تقومى من ع الاكل و تطلعى تجرى ع طول كدا تتعبى
حلم :: وهى بتنهج .. عادى يا خالتو متعودة ع كدا ما تقلقيش
نجوى :: بمكر .. عارفة ده طبع فارس برضوا لما بيتضايق .. و تعبت معاه جدا انا و عمته ديچة من كتر ما بنقوله كدا غلط .. و هو برضوا يرد نفس ردك و يقول عادى متعود ع كدا ماتقلقوش
حلم :: جواها يعنى ديچة دى عمته مش حبيبته معقول
نجوى :: وكأنها قرأت اللى بيدور فـ دماغ حلم .. خديجة أخت أحمد الله يرحمه الصغيرة و أكتر واحدة قريبة لـ فارس و أدهم و دايما بيكلموها ع انها حبيبتهم او صاحبتهم .. و قليل اوى لما بيقولولها عمتو .. غير سلمى اختها خالص .. اللى كانت حبيبة أبوهم بس للاسف اتغيرت بعد وفاته
حلم :: بأندهاش ..و حضرتك بتقوليلى الكلام ده ليه
نجوى :: بمكر .. عادى يا حور بدردش معاكى مش أكتر .. يلا بقى انزلى اجهزى عشان الفرح ولا مش هتروحى؟ هههههههههه
و فعلا نزلت و بعد شوية وقت جهزت أمينة و حلم اللى كانت زى الاميرات بفستانها الدهبى نازل صك وعليه إكستينشن من ع الكتف من نفس اللون كله فصوص الماس و شعرها كله ع جنب واحد مع ميك اب خفيف و لابسة طقم كوليه رقيق زادها جمال .. و هى خارجة من باب شقتها شافت
فارس :: خارج من شقته و لابس بدلة سودا و قميص أبيض و كراڤت أسود .. شافها و تاه فـ جمالها و حس ان نفسه يخبيها من كل الدنيا
أدهم :: خارج من وراه و شاف الاتنين واقفين تايهين و عينيهم فـ عين بعض .. و بمكر لـ حلم اووباااااا ايه الجمال ده يا بنت الايه يخر بيت شيطانك كنتى مخبية كل الحلاوة دى فين
حلم :: بأبتسامة رقيقة .. Merci (شكرا) أدهم
فارس :: بغيرة و نرفزة .. هنفضل وافقين كتير كدا نتغزل فـ بعض .. مش هننزل بقى و لا ايه
حلم :: برفعة حاجب و بتوسع و تشاور ع السلم .. عايز تنزل اتفضل حد منعك تنزل يا مستفز أفندى
فارس :: بغيظ و غيرة .. اتفضلى انزلى انتى الاول
أدهم :: جواه يانهار ألوان دى ليلتنا فل و فيها د م للركب النهاردة ده احنا هنضحك ضوحك وضحك بصوت عالى شوية هههههههههههه
فارس :: بص له بتضحك ع ايه ظريف انت
أدهم :: ابدا يا ريزو افتكرت حاجة بس يا حبيبى يلا ننزل .. و كلهم نزلوا .
بالفعل و ركبت حلم عربيتها و معاها أمينة و نجوى .. و فارس معاه ياسمين و أدهم معاه عاليا و راحوا ع القاعة و اول ما نزلت حلم .. لفتت انتباه الكل بجمالها لدرجة ان فارس اتجنن لما سمع اتنين بيتكلموا و قالوا
@::بص ياض الصاروخ اللى داخل ده
#::اوبس يا لهووووى ع الجمال هو فى كدا
@::ده طلع فى كدا و فى كدا كمان ادفع نص عمرى و أخد رقمها
فارس :: بغيرة .. دخل و قعد هو و اخواته و نجوى و امينة وحلم ع ترابيزة بعيد شوية
حلم:: قامت من مكانها بعد ما أستأذنت من أمينة و راحت وقفت مع أم عبير و كمان فارس قام مع عم جاد عشان كتب الكتاب و هو شا يط من كتر النظرات اللى بتلاحق حلم
فارس :: بغيظ و غيرة .. و بعدين معاكى بقى مش هتتلمى شوية و تقعدى ع حيلك بدل مانتى فرحانة بنفسك كدا و رايحة جاية وسط الناس تتفرج عليكى
حلم:: ببرود .. نعم خير فى حاجة ؟
فارس:: من بين أسنانه .. بقووول أتلمى شوية و أقعدى ع حيلك بدل ما أرتكب جر يمة بسببك ..خلى الفرح يعدى ع خييير
حلم :: و انت مالك انت أقعد و لا ما أقعدش براحتى .. لا انت حبيبى ولا خطيبى عشان تتحكم فيا بالشكل ده
فارس:: شرد و جواه هكون كل حاجة يا حور مش حبيبك بس .. و بعدين قال ماتستفزنيش يا بنت الرشيدى و اتلمى احسنلك و أقعدى
حلم :: وان ما اتلميتش يا ابن المنصورى هتعمل ايه
فارس :: مش هقولك هعمل ايه يا حور .. بس خليها مفاجأة
حلم :: بصت له من فوق لـ تحت و سابته و قعدت جنب أمها .. و قلبها هيقف من كتر ما ضرباته بتزيد و حطت ايدها ع قلبها .. أهدء أيها القلب و كُف عن الخفقان .. فأميرك لم يشعر بك بعد
__________________________
فـ بيت حلم
بعد فرح عبير بيومين حلم كانت فـ اوضتها و رن موبايلها وكان
بدر :: السلام عليكم
حلم :: وعليكم السلام ورحمة الله وبركاته .. عملت ايه فـ اللى طلبته منك
بدر :: كله تمام يا استاذة حلم .. الملف و الفلاشة معايا
حلم :: اختصر يا بدر مين اللى دخل مكتبى و سرق الملفات و زور امضتى
بدر :: بتوتر .. مدام عزة
حلم :: بقلق لان مافيش عندها غير عزة مرات أخوها .. و بزعييق .. أخلص يا بدر مداااام عزة ميييين
بدر :: مدام عزة مرات استاذ هشام أخو حضرتك و خدت من عابد 4 مليون جنيه مقابل الامضا
حلم :: بغضب .. أنت بتقووووول اييييه عارف لو كنت بتكدب هعمل فيك اييييه
بدر :: رقبتى تحت أمرك .. حالا الملف و الفلاشة هيكونوا عند حضرتك
و بالفعل قفل الفون و خلال ساعة
وصل بدر عند حلم و أداها الملف اللى فيه كل المعلومات و فلاشة عليها فيديو لـ عابد و عزة فـ مكتبه
و بعد ما شافت و سمعت كل حاجة أتصلت
حلم :: بهدوء ماقبل العاصفة .. الووو هشام عايزاك انت و مراتك النهاردة ضرورى
هشام :: بتريقة .. خير يا هانم أخيرا افتكرتى أخوكى
حلم :: مش مهم مين افتكر مين المهم ساعة و تكونوا عندى فـ البيت و قفلت من غير ما تسمع رده
أمينة :: خبطت عليها ..حور صاحية يا بنتى
حلم :: قلب حور من جوة تعالى يا امونة انا صاحية
أمينة :: لا يانور عينى انا كنت بس بشوفك عشان اقولك هطلع مع خالتك نجوى فوق السطوح شوية لو عايزة تيجى
حلم :: أطلعى يا حبيبتى و انا شوية هطلع وراكى
و يادوب طلعت امينة و نجوى .. و وصل هشام و عزة
عزة :: بغرور .. خير ايه الحاجة الضرورية اللى جايبانا عشانها يا ست حور
حلم :: ساكتة مافيش أى رد غير انها بتبص لـ عزة و بس
هشام :: بعصبية هو انتى بعتيلنا عشان تفضلى تبصى لنا كتير كدا
عزة :: يلا بينا يا هشام أختك شكلها فاضية و عايزة تتسلى
حلم :: بكل قوتها ضـ ر بتها بـ القلم .. ده عشان قلة أدبك .. و قلم تانى بقوة أكبر و ده عشان طمعك و عشان دخلتى مكتبى و سرقتينى و لسة هتضـ ربها قلم تالت اتفاجئت بـ أخوها بيضـ ربها بكل قوته
هشام ::و بزعيق ..انتى اتجننتى يا حوووور انتى…..
حلم :: بحزن و كسرة .. بتضر بنى يا هشام.. حتى بعد اللى سمعته ده .. للدرجة دى حبها عمى قلبك و لاغى عقلك ..و بدموع المفروض انك سندى و ضهرى .. بس للاسف الهانم و بتشاور ع عزة ضحكت عليك و استغفلتك و……ااااااااه
هشام :: قطـ ع كلامها بـ قلم اقوى من الاول وقعها ع الارض من قوته
أمينة :: نزلت ع صوتهم و هما بيزعقوا شافت حلم واقعة ع الارض و ع وشها اثر الـ ضـ رب
وبغضب .. بتضـ ررررب أختك يااا هشاااام وانا لسسسسة عااااايشة .. أومال لما أمـ ووو ت هتعمل فيها اييييه
هشام :: بغيظ .. هى اللى ابتدت الاول يا أمى لما مدت إيدها ع مراتى
حلم :: بصوت موجوع هقولك اللى حصل و بضحكة مكسورة .. ياااا أخويا .. الهانم اللى سيادتك متجوزها اتفقت مع أكتر واحد نفسه يدمرنى و دخلت مكتبى و سرقت ملفات و أوراق مهمة و زورت أمضتى
عزة :: بغضب .. انتى كدابة و هعرفك أزاى تمدى ايدك عليا يا حور انا هربيكى و أعلمك أزاى تحترمى مرات أخوكى الكبير
حلم :: بعصبية .. هو أنتى لسة شوفتى ضـ رب و الله لا هطلع عليكى القديم و الجديد صبرك عليا يا عزة
هشام :: بصدمة .. نعععمم ..انتى بتقولى اييييه اناااا عاااايز افههههم معنى كلامك ده اييييه
حلم :: بزعيق و بصوتها كله .. اتفضل شوف يا بيه يا محترم و شغلت الفلاشة .. الهاااانم مراااتك اتفقت مع عاااابد تسرقله ملفاااات انتاااج المصنع و تجيب ورق عليه امضتييي مقااابل 4 ملييييون..كانت فاااااكرة نفسها ناااااصحة اتفقت مع عيل سو ابق كانت فاكرة انى مش هعرف بـ عملتها و ماتعرفش انى عندى رجالة مابتناااامش لغاية ماتوصل للى يفكر بس يأ ذينى و من تانى يوم عرفت الحـ رامى اللى دخل المكتب ومن بعدها حازم و الرجااالة فضلوا ورااااه لغاية ما اعترف عليها و الغبية اتصورت وهى بتقبض و اتسجل لها
أمينة :: بصدمة .. أنتى يا عزة يطلع منك كل ده .. انتى اللى تبيعى بنتى لـ عدوها ولـ هشام و انت كنت عااارف ان مراتك هى اللى أ ذت أختك؟؟ .. أختك اللى وقفت جنبك و خليتك بنى أدم .. أختك اللى قالت هشام أكبر منى أه بس بعتبره أبنى .. و جاى تكمل عليها و تضـ ربها .. بتيجى ع أختك يا هشاااام .. يا خسارة تربيتى فيك .. عليه العوض و منه العوض
هشام :: صدقينى يا أمى انا معرفش الكلام ده .. معرفش حاجة خالص عنه
أمينة :: بتعب .. كدااااب يابن بطنى انت كنت عااارف و موااافق ع اللى مراتك عملته .. حسبى الله ونعم الوكيل ..فوضت الأمر لله فيكم
حلم :: أهدى يا أمى عشان ماتتعبيش .. و انتوا اتفضلوا من هنا بس خليكوا فاكرين انى مش هسيبكم و لا هسكت على حقى
وبالفعل مشى هشام و عزة
و فجأة حلم شافت أمينة بتقع فاقدة الوعى وصرخت
حلم :: ماااااامااااااا فوووقى بالله عليكى
فارس كان راجع بالصدفة من شغله هو و أدهم و طلعوا يجروا ع صوتها و نجوى و عاليا و ياسمين كلهم جريوا ع صوتها و شافوا امينة مغمى عليها
أدهم :: ايه اللى حصل فى ايه
حلم :: بشهقااات ألحـ ألحق ماما يا أدهم ابوس أيدك أمى بتموووت
فارس :: أهدى يا حور ان شاء الله هتكون بخير .. و لفت انتباهه وشها الوارم من أثر الضـ رب
أدهم. :: بيحاول يسعفها مافيش اى استجابة قال لـ فارس لازم تتنقل المستشفى حالا ايدك معايا ننزل بيها فـ عربيتى بسرعة يلا و انت هات ماما والبنات و حصلنا
وفعلا نزلوا بيها و حطوها فـ عربية أدهم من ورا و قعدت جنبها حلم و بأقصى سرعته بيجرى وصل المستشفى و حلم بتصرخ الحقووونيييي بسررررررعة أمى هترووووح منيييي جم الممرضين و طقم الدكاترة كلهم اللى موجودين د/كمال و أشرف و أمجد و حتى أمل
أدهم :: بسرعة ع العناية المركزة دى جلطة فـ المخ لـ تانى مرة
و دخلوها العناية فعلا و حطوها ع الاجهزة حاولوا ع قد ما يقدروا يسعفوها
برة العناية
قعدت حلم فـ الارض بأنهيار .. وصلت نجوى و قعدت جنبها
نجوى :: أدعيلها يابنتى ان شاء الله هتقوم بالسلامة
ياسمين :: بدموع صدقينى هتبقى كويسة زى المرة اللى فاتت
عاليا :: بقلق و توتر قعدت جنبها قومى أغسلى وشك و أدعيلها أدهم دكتور شاطر و كمان احنا فـ المستشفى يعنى انتى عارفة انهم هيلحقوها
حلم :: ساكتة مش بتتكلم مافيش غير دموعها بس اللى نازلة
فارس :: قعد قصادها وبلا وعى مسك وشها بين إيده ممكن تهدى .. عشان خاطر .. صدقينى انا مش قادر اشوفك بالضعف ده انا من يوم ما عرفتك و انتى قوية .. ماينفعش تضعفى دلوقتي .. ماما محتجالك أرجوكى فوقى و قومى أقفى عشان تقدرى تكملى
حلم :: بوجع .. أخيرا اتكلمت أمى بتمـ وت يا فارس أخويا و مراته باعونى و أمى هتروح مني
فارس :: وهو ع نفس الوضع .. حلم الرشيدى مش ضعيفة و لا بتستسلم فاهمة .. و قام وقف و شدها من ايدها وقفها
ولكن للأسف خرج الدكتور أمجد من العناية و معاه أدهم و دكتور كمال و مش قادرين ينطقوا
حلم :: بصت لـ أدهم انت خرجت ليه من جوة وشكلك عامل كدا ليه
أمجد :: بصلها و بص لـ أدهم و مش عارف يبلغها الخبر ازاى
فارس :: تقريبا فهم من شكل أدهم و الدكاترة اللى معاه بس مش عايز يسبق الاحداث و لـ أدهم اتكلم حصل ايه ساكت ليه يا أدهم
أدهم :: دموعه خا نته و برضوا ساكت
حلم :: انت بتعيط ليييه انطق أمى مالها يا أدهم انننططقققق
أمجد :: بحزن .. البقاء لله
حلم :: أمى لااااااااااااااااااا قول انك بتكدب قول انها غيبوبة ماتقولش مااااااتت و بصت لـ كمال .. قول حااااجة قووول ان أمجد بيكدب علياااااا ما تسكتش كدا .. و جريت دخلت العناية.. أمى اصحي و بتهز فيها ردى عليااااا انتى قووولتى مش هتمشى و تسيبينى يا ماماااا .. الدكتور الغبى بيقول البقاء لله .. انتى نايمة صح؟ ايوا انا عارفاكى لما بتكونى نايمة مش بتحبى حد يصحيكى بس عشان خاطرى أصحي المرة دى و بس قوليلهم مش همشى و اسيب بنتى قوووومى ياااا أميييي ااااااااااااه
نجوى :: دخلت وراها و بعياط كفاية يا حور ماتعذيبهاش أكتر من كدا
حلم :: لااااااااااااااااااا ماااااااامااااااااا قووومى يا أمينة ماتسيبينيش هعمل ايه من غيرك ياااااااااارب الصبر من عندك
فارس :: دخل و أخدها فـ حضنه و هى كلبشت فيه جامد .. بس أهدى يا حور عشان خاطرى خلاص أمر ربنا و حصل اهدى عشان تقدرى تتحملى اللى جاى
حلم :: بأنهيار .. أمى راحت يا فارس أخر حد ليا راااح .. القلب اللى كنت بتسند عليه و كان بيحتوينى أجمل دعوة كل يوووم .. أحن صوت ممكن تسمعه كل ده رااااااح اااااااااااه يا وجع قلبي
فارس :: بحنان .. انا جنبك مش هسيبك بس أهدى عشان خاطرى
نجوى :: أخدتها من فارس تعالى معايا يا حور ولـ فارس خلص الاجراءات مع أدهم وابعت لـ هشام و أحلام عشان الدفن
حلم :: بتحاول تتماسك ..أمى مش هتندفن دلوقتي هتبات فـ البيت و تخرج من بيتها بكرة بعد الضهر
فارس :: بس أكرام الميت دفنه
حلم :: دى وصيتها .. أمى بتخاف من الضلمة و كانت دايما توصينى انها لما تمـ وت ما ادفنهاش بالليل وانا هنفذ الوصية
نجوى :: خلاص يا فارس طالما وصية يبقى تتنفذ
بقلمى✍️_________________لبنى دراز
فارس:: دكتووووررر بسررررعة
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية العشق الأبدي)
