رواية العشق الأبدي الفصل التاسع والعشرون 29 بقلم لبنى دراز
رواية العشق الأبدي البارت التاسع والعشرون
رواية العشق الأبدي الجزء التاسع والعشرون
رواية العشق الأبدي الحلقة التاسعة والعشرون
{جوامع الدعاء}
اللهم أحسن عاقبتي في الأمور كلها وأجرني من خزي الدنيا وعذاب الآخرة.
• اللهم أعني على ذكرك وشكرك وحسن عبادتك.
• اللهم إني أسألك العفو و العافية في ديني و دنياي و أهلي و مالي اللهم استر عوراتي ، و آمن روعاتي ، و احفظني من بين يدي ، و من خلفي ، و أعوذ بعظمتك أن أغـ ـتال من تحتي .
• اللهم أصلح لي ديني الذي هو عصمة أمري وأصلح لي دنياي التي فيها معاشي ، و أصلح لي آخرتي التي إليها معادي، و اجعل الحياة زيادة لي في كل خير و المـ ـوت راحة لي من كل شر.
• اللهم إني أعوذ بك من عذاب القبـ ـر و أعوذ بك من فتنة المسيح الدجال و أعوذ بك من فتنة المحيا والمـ ـمات اللهم إني أعوذ بك من المأثم والمغرم
اللهم إني أعوذ بك من زوال نعمتك و تحول عافيتك و من فجاءة نقمتك و من جميع سخطك
• اللهم إنك عفو تحب العفو فاعف عني
• اللهم اهدني و ارزقني و عافني و ارحمني
• اللهم آت نفسي تقواها زكها أنت خير من زكاها إنك وليها و مولاها اللهم إني أعوذ بك من قلب لا يخشع و نفس لا تشبع وعلم لا ينفع ودعوة لا يستجاب له
العشق الأبدي بقلمى✍️__________لبنى دراز
فـ أوضة ياسمين و قصي
بعد ما أطمنوا ع حلم رجعت ياسمين اوضتها هى و قصي و قعدت ع السرير و جواها حزن مش قادرة تتخطاه كل ما تفتكر الكلام اللى سمعته من اخواتها
قصي:: قعد جنبها و قرب منها ضمها لـ حضنه .. حبيبتى هتفضل كدا كتير
ياسمين:: بوجع .. مش قادرة يا قصي اصدق ان الدم يبقى ماية كدا بسهولة
معقول فى أخ يقـ ـتل أخوه و يحرم ولاده منه و قادر ينام عادى كدا من غير ما ضميره يأنبه
قصي:: يا حبيبتى البنى أدم اللى يفكر بـ الطريقة دى .. يحقد و يكره بيكون ماعندهوش ضمير أصلا عشان يأنبه
ياسمين:: بدموع .. هو أحنا ما صعبناش عليه ؟؟ و هو شايفنا محرومين من حضن أبونا بسببه
قصي:: يا روح قلبى أذا كان هان عليه أخوه يبقى هتصعبوا عليه انتوا طب تيجى ازاى دى
ياسمين:: عندك حق يا قصي .. عارف نفسى بجد فارس يقـ ـتله هو و أخوه التانى و أخته اللى كانوا السبب فـ اللى أحنا فيه
قصي:: حبيبتى فارس ما يعملهاش مع انى واثق انه يقدر
ياسمين:: تعرف يا قصي .. اوقات كتير و انا صغيرة كنت بشوف فارس يقعد لوحده يعيط بس ما كنتش فاهمة بيعيط ليه و فـ مرة كنت فـ أولى ثانوى و انا راجعة من المدرسة لاقيته قاعد زى العادة بيعيط جريت عليه و حضنته و سألته بيعيط ليه
تعرف رد عليا قال ايه
قصي:: بأهتمام .. قالك ايه ياترى
ياسمين:: قالى بنتى حبيبتى بتكبر و خايف يجى اليوم اللى تتجوز فيه و تسيبنى .. ساعتها حضنته جامد و قولتله ماتخافش انا مش هسيبك و هقول للى هيتجوزنى يتجوزنى انا و انت سوا
قصي:: هههههههههه يخرب شيطانك انتى قولتيله كدا
ياسمين:: وقتها ضحك و قالى يخرب عقلك يا سمسمة ازاى يعنى يتجوزنا احنا الاتنين مافيش راجل بيتجوز راجل ده حرام .. قولتله عارفة انه حرام بس انا قصدى اننا كدا شروة واحدة انا و أهلى و ان كان عاجبه .. ضحك و قالى الله يكون فـ عونه منك .. بس صدقنى ماكنتش أعرف يا قصي انه كان بيعيط ع حالنا و اللى هو عارفه و شايله لوحده .. انا خايفة عليه اوى من اللى جاى
قصي:: حبيبتى فارس واضح ان راجل من صغره اللى يتحمل كل الوجع ده و يشيل كل المسؤولية دى ما يتخافش عليه .. أكيد هو عارف بيعمل ايه كويس
ياسمين:: فارس و أدهم تعبوا كتير يا قصي و شالوا كتير كفاية رغم وجعهم حاولوا ما يحسسونيش انا و عاليا اننا ناقصنا حاجة
قصي:: حبيبتى ربنا يخليهملك
ياسمين:: و يخليك ليا يا حبيبى و مايحرمنيش منك ابدا
قصي:: و يباركلى فيكى يا قلبى و تفضلى دايما منورة حياتى
__________________________
فـ أوضة عاليا و سيف
دخلت اوضتها بعد ما باركت لـ حلم و فارس و جواها وجع الدنيا و مش قادرة تصدق فعلا اللى سمعته و فجأة صرخت بصوتها كله و بأنهيار و تكسـ ـير فـ كل حاجة حواليها
عاليا:: ليييييه كل ده لييييييه يعملوا كدااااا .. ااااااااااه يا باااااباااااا ياااااااارب يا باااااابااااااا
سيف:: كان داخل بالصدفة شافها و بخضة جرى عليها .. أهدى يا عاليا أهدى يا حبيبتى عشان خاطرى بلاش تعملى فـ نفسك كدا
عاليا:: أهدى ازااااى يا سييييف أهدى ازااااى و اللى قتـ ـلوا أبويا عايشين مبسوطين أهدى ازاااااى قولى
سيف:: عشان خاطرى يا عاليا ما توجعيش قلبى عليكى أرجوكى انا مش قارد اشوفك كدا
عاليا:: مش هرتاح يا سيف و لا يهنالى بال الا لما أدوقهم من نفس الكاس اللى دوقناه أنا و أخواتى .. لااااازم انتقـ ـم لـ أبويا منهم
لااااازم أحر ق قلوب ولادهم عليهم يا سيف
سيف:: ضمها فـ حضنه .. أهدى يا حبيبتى و هعملك اللى نفسك فيه صدقينى هخدلك بتارك و تار أبوكى منهم بس ماتعمليش فـ نفسك كدا لو بتحبيبنى يا عاليا عشان خاطرى و عشان خاطر بنتنا أهدى
عاليا:: بدموع .. ليه يا سيف كل ده يحصلنا صدقنى بابا كان طيب و الله .. بص انزل كدا و أسأل عليه اى حد فـ البلد هيقولك أحمد المنصورى ده كان و نعم الرجال مافيش حد هيقول عليه حاجة وحشة
سيف:: عارف يا حبيبتى من غير ما تقولى
عاليا:: بابا ما يستاهلش كدا ابدا ليه يكون ده جزاؤه ليه يمـ ـوت ع إيد اخوه .. أخوه يا سيف انت عارف يعنى ايه أخوه .. يعنى أخاف من أخواتى أنا كمان ممكن حد فيهم يغدر بالتانى و لا يغدر بيا و يحرم بنتى مني
سيف:: لأ يا عاليا ما تقوليش كدا يا روحى أخواتك مش كدا ابدا مش ممكن يعملوا كدا
عاليا:: بوجع .. ليه مش ممكن يعنى .. ما أعمامى عملوا كدا فـ بابا و أخت حور عملت كدا اتمنت لها المـ ـوت و كمان أتفقت عليها و فرقت بينها و بين فارس .. أكيد أخواتى ممكن حد فيهم يعمل كدا
سيف:: لأ يا حبيبتى انتى غلطانة أخواتك مش ممكن يعملوا كدا صدقينى .. مش ممكن اللى داق مرارة الظلم و الحرمان يعمل كدا .. مش ممكن اللى جرب طعم اليتم يعمل كدا ابدا صدقينى و بعدين أخواتك بيحبوكى يا عاليا بيحبوكى اوى
عاليا:: و هى بتترعش من كتر الخوف .. و انا كمان بحبهم يا سيف بس انا خايفة خايفة اوى خبينى منهم يا سيف عشان خاطرى
سيف:: ماتخافيش يا حبيبتى انا جنبك مش هسيبك .. و فـ نفس اللحظة سمع خبط ع الباب و أذن بالدخول
فارس:: سمع الأذن و دخل و شاف أخته بتترعش فـ حضن سيف .. و بلهفة مالها عاليا يا سيف
عاليا:: سمعت صوت فارس و صرخت بصوتها كله خليه يمشى يا سيف انا خايفة منه مشيه عشان خاطرى
فارس:: بخضة جرى عليها .. مالك يا حبيبتى فيكى ايه جرالك ايه يا عاليا
عاليا:: عن نفس وضعها .. مشيه يا سيف خليه يمشى انا خايفة منه هيمـ ـوتنى زى بابا
فارس:: بوجع أخدها من سيف و حضنها جامد يطمنها أهدى يا حبيبتى انا فارس حبيبك ابيه فارس و لا نسيتى
عاليا:: مازالت بتترعش و ع نفس حالتها و نفس الكلام اللى بتقوله
فارس:: لـ سيف بسرعة اتصل ع أدهم يجى حالا
سيف:: فعلا اتصل بـ أدهم و حكاله اللى حصل
أدهم:: بسرعة جه جرى .. مالها عاليا يا فارس حصلها ايه
فارس:: شكلها انهارت من كتر ما كتمت جواها
أدهم:: حاول ياخدها من فارس و يطمنها هو كمان
عاليا:: صرخت لاااااااا ماتسبنيش لييييه هيقـ ـتلنى يا سيييييف ألحقنى
عايزين يمـ ـوتونى خدنى من هنا بسرعة
سيف::خدها من حضن فارس .. أهدى يا حبيبتى دول أخواتك يا لولى أدهم و فارس اللى بيحبوكى بصى كدا خايفين عليكى و بيعيطوا عشانك ازاى
فارس:: بزعييق لـ أدهم .. انت هتقف تتفرج كدا اتصرف أعمل اى حاجة بسرعة اتحرك يلااااااا
أدهم:: بلخبطة و توتر .. حـ حـ حاضر بسرعة هروح اجيب حقنة مهدئة .. و خرج جرى من اوضة عاليا و شافته وهى خارجة من الجناح بتاعها
حلم:: أدهم بتجرى ليه كدا فى ايه
أدهم:: ما ردش عليها و دخل اوضته جرى
حلم:: مشيت ناحية اوضة عاليا تشوف فى أيه و أدهم بيجرى ليه .. و اول ما دخلت شهقت بصدمة من شكل الاوضة و عاليا اللى بتهزى بكلام مش مفهوم و جريت عليها .. عاليا مالك يا حبيبتى فيكى ايه و لـ فارس عاليا مالها يا فارس حصلها ايه
فارس:: بوجع ياريتنى ما قولتلهم .. عاليا جالها انهيار عصبى و انا السبب انا مش هسامح نفسى لو جرالها حاجة
حلم:: أهدى يا حبيبى و هون ع نفسك هى بس من الصدمة دلوقتي تهدى و تبقى كويسة ماتقلقش
أدهم:: رجع و معاه حقنة مهدئة و هو بيدلها الحقنة
سيف:: سأله مافيش منها خطورة عليها و ع البيبى
أدهم:: ما تقلقش مافيش منها خطورة
فارس:: ماحدش يقول حاجة لـ نجوى مفهوم و لا اى حد يعرف حاجة كفاية احنا بس
أدهم:: ما تقلقش يا فارس نجوى اصلا فـ الجنينة تحت مع ديچة و فاروق و معاهم أمل و ياسمين و قصي فـ اوضتهم
فارس:: بتنهيدة وجع و قلق ع أخته .. ربنا يستر من اللى جاى
سيف:: ان شاء الله خير يا فارس .. بس قولى كنت جاى ليه فى حاجة ؟؟
فارس:: كنت جاى اطمن ع عاليا .. عارف انها هتتعب بس ما توقعتش ان كل ده يحصل .. خليك معاها يا سيف و خد بالك منها عشان خاطرى
سيف:: ما تخافش يا صاحبى مش هسيبها لغاية ما تهدى و تطمن .. روحوا ارتاحوا و لو فى حاجة هبعتلكم
و فعلا خرج فارس و حلم راحوا الجناح بتاعهم و أدهم راح اوضته و سابوا سيف قاعد جنب عاليا لغاية ما تفوق من صدمتها
_______________________
فـ جناح فارس
بعد مرور يومين اتحسنت فيهم عاليا و هديت من أثر الصدمة .. فارس طلع الجناح بتاعه هو و حلم بعد الغدا عشان يرتاحوا شوية و بعد حوالى ساعة سمع خبط ع الباب
فارس:: أدخل
قمر:: سمعت الأذن و دخلت .. أسفة يا فارس بيه بس فى ناس تحت عايزين يقابلوا حضرتك
فارس:: ما قالوش مين يا قمر ؟
قمر:: قالوا انهم أعمام حضرتك
فارس:: بتنهيدة .. طيب يا قمر انزلى انتى و أحنا نازلين وراكى
و بالفعل نزلت قمر و اتصل فارس ع أدهم بلغه ان يجمع سيف و عاليا و قصي و ياسمين و يجتمعوا فـ جناح نجوى و قفل معاه و عمل اتصال تانى بـ حد معين و قفل معاه و بعدين بص لـ حلم
فارس:: حبيبتى عايزك تلبسى أشيك حاجة عندك
حلم:: و ده ليه بقى ان شاء الله
فارس:: غمض عينيه بوجع و فتحها تانى و خد نفس طويل و خرجه بهدوء .. عشان دى اللحظة اللى استنيتها العمر ده كله و أخيرا هاخد حقى و حق أبويا و أمى و أخواتى و هاخدلك حقك .. أخيرا يا حلم هصفى حسابى معاهم
حلم:: بخوف .. بلاش يا فارس عشان خاطرى
فارس:: بحب .. مش عايزك تخافى ابدا يا حور طول ما انا معاكى و بهزار .. و بعدين من امتى الاسطورة بتخاف يعنى اومال فين بندق بقى و حلم الرشيدي اللى ما بيهمهاش حد امممم شكلك طلعتى بؤق ع الفاضى
حلم:: عمرى ما كنت بؤق ع الفاضى بس كمان انا ماليش غيرك و أظن من حقى أخاف عليك
فارس:: ممكن يا حلم عمري كله ماتخافيش عليا و تجهزى عايزك بدر فـ ليل تمامه
حلم:: حاضر يا حبيبى هعمل اللى فـ نفسك و ربنا يستر
فارس:: قلبى يا ناس اللى بتريحنى دى
و فعلا بعد شوية جهزت حلم و فارس و خرجوا من جناحهم بكامل أناقتهم و كأنهم رايحين يحتفلوا و راحوا جناح نجوى و كانو كلهم موجودين و برضوا كلهم بكامل اناقتهم
فارس:: لـ أخواته البنات هتنزلوا كل واحدة مع جوزها بس مافيش واحدة تتكلم أنا عارف الوجع و النـ ـار اللى جواكم بس انا و أدهم اللى هنتكلم و بس مفهوم
ياسمين:: بوجع .. حاضر يا فارس
فارس:: عاليا حبيبتى لو حاسة انك مش هتتحملى خليكى ما تنزليش
عاليا:: ما تقلقش يا أبيه هتحمل و هنزل و مش هتكلم حاضر
فارس:: ماشى و لـ نجوى أتفضلى يا أمى حضرتك هتنزلى زى الملكة الأول و كلنا وراكى
نجوى:: بقلق .. بلاش يابنى اللى بتفكر فيه ده
فارس:: خلاص مافيش منه الكلام ده دول جم لغاية هنا و ده اللى انا عايزه .. أدعيلنا انتى بس و يلا بينا
تحت فـ الصالون
قاعدين هيفـ ـرقعوا من شكل القصر و حجمه و تأخير فارس عليهم
سلمى:: بغيظ اه يانااااااارى شايفين أبن أحمد و عمايله
جمال:: بتوتر .. هو جاب كل ده منين عشان يبنى قصر بالحجم ده
خالد:: بأستهزاء .. أكيد من فلوس مراته مش أختك و مراتك قالوا انها سيدة أعمال
شروق:: بِغل .. أه يا خالو سيدة أعمال مليونيرة و عندها كتييير
خالد:: بتريقة .. عامل فيها الظابط المهم و هو راسم نفسه بفلوس مراته
سلمى:: أصبروا بس لما نشوف بسلامته هينزل أمتى لينا أكتر من ساعة و أحنا قاعدين و ماحدش نزل و لا عبرنا حتى
هالة:: عندك حق يا سلمى مش عارفة ايه قلة الزوق دى
خالد:: لسة هيتكلم و شافهم داخلين الصالون دخول مُهيب و كأنه موكب ملكى بيقرب عليهم و بكل هيبة و كبرياء و شموخ دخلت نجوى و حواليها فارس و حلم و أدهم و أمل وراهم ياسمين و قصي و عاليا و سيف
فارس:: لـ نجوى و بيشاور لها تقعد أتفضلى يا ست الكل انتى الأول
نجوى:: بثبات ظاهر و أبتسامة باهتة و قلق متدارى سلمت عليهم ببرود و قعدت و كأنها ملكة متوجة ع عرشها
فارس:: قعد و بكل شموخ حط رجل ع رجل و جنبه حلم و أخواته أدهم و جنبه أمل و عاليا و سيف جنب بعض و ياسمين و قصي جنب بعض .. و رحب بيهم ببرود .. أهلا بأعمامى الغاليين
سلمى:: بقلق و توتر من دخلتهم .. حمد الله ع السلامة يا حبيبى نورت بيتك و بلدك من تانى
فارس:: ع نفس بروده شكرا سلمى هانم
جمال:: بلع ريقه .. ازيك يا فارس و انـ انـ انت يا أدهم عامل ايه و لـ البنات و و وحشتونى يا بنات ايه مش هتيجوا تسلموا ع عمو
أدهم:: بنفس البرود .. أهلا جمال بيه نورت القصر
عاليا و ياسمين:: اكتفوا بأبتسامة باهتة و ما اتكلموش
خالد:: جواه اتهز من دخولهم بالشكل ده بس مابينش و اتكلم بجمود .. حمد الله ع السلامة يا فارس مش كنت تقول انكم راجعين كنا استقبلناكم ع اول البلد بالطبل و المزمار
فارس:: ع نفس وضعه .. انت عارف انى ما بحبش الزفة الكدابة يااااا خالد بيه و لا نسيت
خالد:: بتوعد جواه بس رد .. اه عارف يا أبن أخويا .. مش تعرفنا بالناس اللى دخلوا العيلة و أخدوا بناتنا و شباب و لا مش ناوى
فارس:: لأ طبعا ازاى و دى تيجى أكيد هعرفك و ابتدا بـ عاليا و بيشاور المقدم سيف عز الدين أمن وطنى جوز عاليا و باشمهندس قصي النويرى مدير عام مصانع الحلم جوز ياسمين و دكتورة أمل العربى مرات أدهم و بص لـ شروق و هو بيعرف مراته .. حلم عمرى سيدة الأعمال حلم الرشيدي مراتى
حلم:: بصت لـ شروق بأنتصار .. حبيبى أسمحلى أعرف نفسى ممكن
فارس:: و عينيه ع شروق .. ممكن يا روحى طبعا اتفضلى
حلم:: عينيها ع شروق و ضحى و بكل هدوء و ببطء قاصدة كل حرف .. حلم فارس المنصورى
فارس:: اتفاجئ من تعريفها لـ نفسها بأسمه و ابتسملها و باس جبينها و بهمس بحبك .. و رجع شاور ع أعمامه يكمل تعريف و بص لـ أخواته أما بقى دول خالد بيه المنصورى و جمال بيه المنصورى و سلمى هانم المنصورى أعمامى و بقوة رغم وجعه اللى قتـ ـلوا أبويا أحمد المنصورى
خالد و جمال و سلمى و هالة و شروق و ضحى المفاجأة لجمت لسانهم و مش عارفين ينطقوا
أدهم:: خير يا خالد بيه شايفك ساكت ماسمعتش رأيك يعنى فـ تعريف فارس
خالد:: بغـ ـضب .. لـ فارس انت بتقول ايه يا واد انت .. انت ناسى انى عمك ازاى تتكلم بالشكل ده معايا
فارس:: عمى !!! .. اااه اللى قتـ ـل أبويا و دوقنى أنا و أخواتى مرارة اليتم و حرمنا من حضن أبونا .. صدقتك انا كدا صح
خالد:: لـ نجوى .. بعصبية يظهر انك ما عرفتيش تربى أبنك يا بنت المحمدى
أدهم:: بغـ ـضب .. أخررررس مش من حقك تكلم أمى بالطريقة دى انت فاهم
سلمى:: بخبث .. جرا ايه يا أدهم انت مش سامع أخوك بيتكلم ازاى و بيغلط فـ عمه و يتهمه بقتـ ـل أحمد الله يرحمه و بدموع التماسيح هو برضوا الضفر يطلع م اللحم
فارس:: بأبتسامة مكر .. وفرى دموعك يا سلمى هانم لسة الدموع و العياط جاى ما تقلقيش
جمال:: بتوتر .. انـ انـ انت بتقول ايه يا فارس ازاى تتكلم كدا معانا أحنا أعمامك برضوا أحترمنا شوية
فارس:: قام وقف قصاد جمال و بفحيح الأفعى من بين أسنانه .. أنا مابقولش كلمة من غير دليل و ما تفتكرش ان صبرى عليكم السنين اللى فاتت دى كلها ضعف بالعكس انا كنت عارف حقيقتكم و سايبكم بمزاجى تغلطوا و تخططوا براحتكم و كل مرة كانت تفشل خطتكم بكون أنا السبب فيها
خالد:: قصدك ايه ياض انت
فارس:: انا مش واد يا خالد بيه .. انا العقيد فارس أحمد المنصورى و لما تكلمنى تكلمنى بأدب
خالد:: لـ أخواته يلا بينا من هنا بلا قلة قيمة
سيف:: لـ خالد تؤتؤتؤتؤ .. غير مسموح يا باشا دخول الحمام مش زى خروجه
خالد:: بغـ ـضب يعنى ايه الكلاااام ده هتمنعنى انى أمشى و لا ايه
قصي:: الله ينور علييييك بالظبط كدا هنمنعك تمشى
خالد:: لـ فارس عاجبك الكلام اللى بيقولوه نسايبك ده
فارس:: قعد مكانه و ببرود .. مابيقولوش حاجة من نفسهم
سلمى:: لـ فارس قصدك انك انت اللى متفق معاهم يقولوا كدا
أدهم:: صح برافوا عليكى فهمتيها لوحدك يا عمتى اووه قصدى سلمى هانم
خالد:: أخرتها ايه المسرحية دى يا ولاد أحمد
فارس:: أخرتها ان كل اللى له حق هياخده و أعتقد ماحدش هنا له حق غيرنا اما انتوا بقى مجبرين تسمعوا و تنفذوا و بس
خالد:: لـ فارس أنت فاكر نفسك هتقدر تقف قصادى انت و شوية الصيّع دول لااااا تبقى بتحلم
سيف:: بهدوء لـ فارس تؤتؤتؤتؤ غِلط يا فارس و انا بصراحة كنت مستنيه يغلط اسمحلى .. و هو بيضـ ـرب خالد بوكس فـ وشه انا مش شايف صيّع هنا غير اللى بيقـ ـتلوا القتـ ـيل و يمشوا فـ جنازته
فارس:: لـ خالد ان كنت انت فاكر انى ضعيف و مش هقدر اقف قصادك او هخاف مثلا من كلام الناس لا يقولوا فارس واقف قصاد عمه يبقى انت اللى بتحلم .. لانى قادر كويس اوى اقف قصادك و زى ما قولت و بالدليل كمان
خالد:: بأستهزاء .. دليل ايه ده بقى يا أبن أحمد اللى عندك ان شاء الله
أدهم:: ما تستعجلش ع رزقك يا خالد من غير بيه اصبر شوية
فارس:: نده .. قمرررر
قمر:: امرك يا باشا
فارس:: هاتى من المكتب اللاب بتاعى لو سمحتى
قمر:: حاضر .. و بالفعل راحت قمر اوضة المكتب و رجعت باللاب و سلمته لـ فارس .. اتفضل حضرتك
فارس:: و هو بياخد منها اللاب .. شكرا يا قمر و حط اللاب ع ترابيزة الصالون و شغله ع فيديو قديم لـ خالد و جمال و سلمى و هما بيتفقوا ع قتـ ـل أحمد عن طريق السم اللى فـ القهوة .. و قالهم و هو بيبص لواحد واحد فيهم خالد خطط و جمال اشترى السم و سلمى نفذت و حطته فـ القهوة و قدمته بإيديها مش كدا برضوا و لا انا غلطان
نجوى:: شهقت و بدموع .. انت جبت الفيديو ده منين يا فارس
عاليا و ياسمين:: شافوا الفيديو و فقدوا السيطرة ع نفسهم و صرخوا فـ خالد
ياسمين:: بغـ ـضب .. اننننتتتت ازااااى قاااادر تناااااام و اننننتتتت قاااااا تل أخووووك انت ازاااااى كداااااا منك لله ربنا ينتـ ـقم منك
عاليا:: بأنهيار جريت ع خالد .. مش هسييييبك يا خااااالد هقتـ ـلك بإيدى هاخد بتار أبويا منك انننتتتت فاااااهم
فارس:: بسرعة لحقها و لـ سيف انت و قصي خدوهم و اطلعوا فوووق بسرعة و لـ أدهم اطلع معاهم انت أمل هدوهم و انزل انت وسيف وقصي و سيب امل معاهم
أدهم:: خد اخواته فعلا مع سيف و قصي و طلعوا
فارس:: لـ أعمامه بغـ ـضب اييييه رااااأييييكم عاااجبكم كداااا شووووفتوووا وصلتوهم لـ اييييه لو واحدة فيهم جرالها حاجة مش هيكفينى عمركم انتوا فاهمييين
خالد:: انت فااااكر انى هخاف منك لما تجيب دليل زى ده بالعكس انت كدا ريحتنى عشان لما أقتـ ـلك نبقى وش لـ وش كدا و ع المكشوف
فارس:: ضحك بقوة لدرجة انهم اتهزوا من جواهم هههههههههههههههههههه
نجوى:: لـ خالد انت ايييه مافيش فايدة فيييك لسة الحقد و الغِل ماليك و عامى عينيك
فارس:: لـ أمه .. أهدى يا حبيبتى كلامه ده حلاوة روح مش أكتر .. مش هيقدر يعمل حاجة
خالد:: قولتلك يا نجوى زمان نتجوز و انا اسيب عيالك فـ حالهم لكن عاندتى يا بنت المحمدى و رفضتي و لولا أبويا ما كان محاوط عليكم كنت عرفت أخلص منهم زى ما خلصت من أبوهم
نجوى:: بغـ ـضب و كأنها بر كان انفـ ـجرت فيه .. انت كنت فاكر يا خالد انى ممكن اوافق ابص لـ راجل تانى غير أحمد اللى ضفره برقبة 100 من عينتك .. تفتكر بقى بعد الراجل اللى كل الناس بتحلف بأسمه لغاية النهاردة ابصلك انت ليييه
خالد:: يبقى بتحكمى ع ولادك يا نجوى انهم يحصلوا أبوهم
فارس:: خاااااالد كلامك معايا انا و راعى انى لغاية دلوقتي بتكلم بهدوء و أوعى تفتكر انى مش عارف نيتك الحقيقية من ورا قتـ ـلك لـ أبويا
نزل أدهم و قصي و سيف و سمعوا
خالد:: و ياترى ايه هى بقى نيتى الحقيقية يا أبن أحمد
فارس:: بقوة .. أمى نجوى المحمدى اللى طمعت فيها زى ما طمعت فـ كل حاجة .. أمى اللى حاولت معاها كتير و كانت بتصدك و هـ ـدد تك انها تقول لـ أبويا لو مابعدتش عنها و اللى انت حلفتلها أنك هتيتم عيالها لو ماسمعتش كلامك
خالد:: ببجاحة .. كويس انك عرفت يا فارس .. و أه بصراحة أمك من يوم ما دخلت البيت بعد ما اتجوزت أبوك ولـ ـعت فـ قلبى النـ ـار و زى ما انت قولت كل ما أحاول معاها كانت ترفض و تصدنى مع انها مش زى بنات المنصورة فـ حلاوتهم بس فيها حاجة مختلفة شدتنى ليها و خلتنى اتمنيتها و بسببها ما اتجوزتش و عشانها كنت مستعد أعمل أى حاجة
أدهم:: بتسقيف👏 برافوا عجبتنى بصراحة يا خالد تفكير ما يطلعش من الشيطااااان نفسه .. تقتـ ـل أخوك عشان بس تاخد منه مراته لأ حقيقى برافوا
خالد:: و تحت ذهول الكل .. و لسة يا أدهم عندى استعداد أخلص منكم كلكم عشان أخدها و تبقى ليا حتى لو ساعة واحدة و بعدها أمو ت
أدهم:: بعصبية أداله بوكس .. ده انا أدفـ ـنك مكانك قبل ما تفكر تبصلها
فارس:: بغـ ـضب .. يبقى انت اللى حكمت ع نفسك يا خالد فكر انت بس و ساعتها أوعدك انى مش هعمل حساب لـ قرابة و لا صلة رحم .. و من الأخر عشان نخلص من حسابك و نفوق لـ غيرك مافيش قدامك غير حل من أتنين أما السجن و الفضيحة اللى جدى حماك منها أكتر من 20 سنة أو تتنازل عن كل حاجة خدتها و تملكها و أكراما لـ جدى و أبويا هسيبك عايش فـ البيت الكبير قولت أيه .. و لـ سيف خلى القوة تجهز
سيف:: أكيد جاهزين يا باشا و مستنيين أشارة
فارس:: لـ جمال و سلمى .. الكلام ليكم انتوا كمان و يلا بسرعة أختاروا ماعنديش وقت و عينيه ع شروق و ضحى لسة فى حسابات تانية لازم تتقفل .. أخلصوا تختاروا ايه السجن و لا التنازل
جمال:: بتوتر .. و و تسجن أعمامك يـ يـ يا فارس مممش هتخاف يـ يـ يقولوا فارس دخل أعمامه السجن
فارس:: بقوة .. مايهمنيش كلام الناس خلى اللى يقول يقول وقتها الناس هتعرف انكم قتـ ـلتوا أخوكم و طبيعى أنى أخد بتار أبويا و انا باخده بالقانون .. أنصحك لو مش عايز الناس تجيب سيرتكم عقّل أخواتك و أمضوا ع التنازل
سلمى:: بغيظ .. يعنى ايه انت هتاخد كل حاجة نملكها و تسيبنا كدا ع الحديدة
فارس:: قعد و حط رجل ع رجل و بهدوء لـ سلمى ع فكرة لو خايفة تمضى براحتك ماتمضيش و برضوا هتبقي ع الحديدة لما تدخلى السجن
خالد:: أنت بتلوى دراعنا يا فااااارس فاكر اننا هنوافق ع طلباتك
فارس:: قبل ما يرد ع خالد رن موبايله و رد .. الوو
المتصل::………
فارس:: طب تمام و قفل المكالمة و رد ع كلام خالد .. أنا ألوى دراعكم ؟؟ لأ خالص انا بأمركم انكم تنفذوا طلباتى و يلا خلصونى قولت عشان أفوق لغيركم
جمال:: حـ حـ حاضر يا فارس هات ورق التنازل أمضيلك عليه
فارس:: لـ أدهم هات اوراق التنازل و اوراق التبرع بكل ما يملكوا للجمعيات الخيرية و دور رعاية الايتام من المكتب و لـ قصي الناس بتوع الشهر العقارى و المحامي وصلوا و موجودين فـ الاستراحة روح جيبهم و تعال بسرعة
خالد:: بـغِل .. ماتفتكرش انك لما تاخد اللى ورانا و اللى قدامنا هننزل نركع تحت رجلك و نطلب السماح عشان ترجعلنا اللى أخدته
فارس:: و مين قالك انك حتى لو طلبت السماح هرجعلك اللى أخدته تؤتؤتؤتؤ ده هيتاخد منكم و يطير قصاد عينيكم للجمعيات الخيرية
أدهم:: جاب اوراق التنازل و بالفعل مضوا عليها الـ 3 و بعد شوية
قصي:: دخل ومعاه محامى و ناس من الشهر العقارى عشان يسجلوا التنازل و يسجلوا تبرع فارس بفلوس أعمامه و كل نصيبهم لـ دور رعاية الايتام و الجمعيات الخيرية
خالد:: بغيظ .. لـ فارس أوعى تفتكر كدا انك كسبت انا لسة ما قولتش كلمتى الاخيرة و بص لـ أخواته يلاااا
فارس:: بهدوء .. انا لسة ما خلصتش حسابى مع الباقيين لو عايز تمشى انت اتفضل براحتك
خالد:: بغيظ .. أكيد همشى بس خليك فاكر هرجعلك تانى و فعلا سابهم و مشى
فارس:: و انا مستنييك يااااا يا عمى .. و لـ شروق نخلّص بقى باقى حسابنا يا بنت سلمى
سلمى:: بغيظ .. حساب ايه تانى يا فارس اللى لسة ما خلصتوش
فارس:: حسابى مع بنتك و بنت أخوكى
شروق:: بخوف .. حساب ايه ده هو انا عملتلك حاجة
فارس:: امممممم ايه ده بجد .. انتى مش عارفة عملتى ايه ؟؟
شروق:: بقلق من اللى ممكن يعمله فارس .. لأ مش عارفة عملتلك ايه
فارس:: بأبتسامة بص لـ حلم و مد لها أيده عشان تقف جنبه تحت نظرات كل اللى موجودين .. حبيبتى تتكلمى انتى و لا اتكلم انا الاول
حلم:: بادلته الابتسامة .. حبيبى أتكلم أنت الاول
فارس:: باس جبينها قصادهم مرة تانية و قصد يسمعهم هحبك أكتر من كدا ايه بس
حلم:: و عينيها عليهم ربنا ما يحرمناش منك ابدا و يخليك لينا
فارس:: و يخليكم لـ قلبى انتى و أبننا
نجوى:: فهمت فارس بيعمل كدا ليه و كملت بمكر .. فارس حبيبى الواقفة كتير غلط ع حور خليها تقعد عشان ما تدوخش و تقع خصوصا انها لسة فـ اول الحمل يا حبيبى
فارس:: بغمزة لـ نجوى ماتقلقيش يا قمر .. حبيبتى طول ما هى فـ حضنى عمرها ما هتقع و لـ حلم مش كدا يا قلبى
حلم:: بأبتسامة .. أكيد يا حبيبى و بصت تانى ع شروق و ضحى اللى خلاص هيمـو ـتوا مكانهم .. بس ربنا يبعد عننا الشيا طين و يكفينا شر هم
فارس:: و عينيه عليهم ماتقلقيش يا روحى حالا هـ احر قهم و نخلص منهم .. و ببرود لـ شروق لسة ما افتكرتيش عملتى ايه يا شوشو و لـ ضحى طيب فكريها انتى يا دودو
سلمى:: جواها استر يارب شوشو و دودو .. ده شكله مش ناوى ع خير و قالت .. جرا ايه يا فارس مالك بتكلم البنات كدا ليه هما عملولك ايه يعنى
فارس:: لـ سلمى بكلمهم ازاى يعنى مش فاهم .. معلش فهمينى كدا يمكن أكون غلطت فيهم و انا مش واخد بالى
هالة:: احم .. ايوا انت بتكلمهم بطريقة غريبة كدا مش فاهمينها
فارس:: بنفس البرود .. مرات عمى العزيزة أخيرا طلعلك صوت ده انا افتكرت جمال قطـ ـع لسانك و لا خرسك باى طريقة
جمال:: بتوتر .. قـ قـ قصدك ايه يعنى يا فارس بكلامك ده
فارس:: أبدا يا چيمى عادى يكون خالود أمرك تخرسها زى ما أمرك تشترى السـ ـم عشان سلومة تحطه فـ القهوة كدا
سلمى:: بغيظ .. مش هنخلص بقى من السيرة دى
فارس::بقوة .. انا لسة ما خلصتش حسابى .. و لـ شروق أخلصى يا بت انتى .. عايز أعرف سبب كل اللى عملتيه من وقت ما روحتوا السويس .. أصل انا عارف طول عمرك لا بتطقينى و لا بطيقك يبقى هاتى م الاخر و لـ ضحى و انتى دورك جاى بس بعدها اصل حسابها تقيل شوية زى أمها كدا و رجع لـ شروق أخلصى يا روح أمك
شروق:: بخوف من شكله .. ماما و خالو خالد هما اللى قالولى أعمل كدا انا و ضحى من وقت ما انتوا مشيتوا و هما بيخططوا لـ كدا و ما ارتاحوش الا لما عرفوا طريقكم و بعدها روحنالكم عشان ننفذ اللى قالولنا عليه و بصراحة لما شوفتك بتحب حلم عجبتنى اللعبة و كملت فيها مع انى كنت من البداية رافضة
فارس:: اممممم قولتيلى يعنى كل حركاتك الز بالة دى أمك و خالك هما اللى قالولك عليها و اتفاقك برضوا ع انك تفرقى بينى و بينها ده امك اللى قالتلك عليه مش كدا
شروق:: أيوا .. يوم قراية فاتحتكم لما أخدت بالى من أختها و تصرفاتها قولت لـ ضحى و قالتلى سيبهالى .. بعدها طلعنا الاوضة و كلمت ماما و خالو و حكينالهم انا و ضحى اللى حصل و فهمونا نعمل ايه
فارس:: بص لـ سلمى .. كان لازم اتأكد انكم اللى وراها من الاول بس معلش ملحوقة .. و رجع لـ شروق بغيظ كملى
شروق:: أختها بصراحة هى اللى أدتنا الفرصة و هى اللى دبرت الخطة كلها
فارس:: و مها عرفتوها منين
شروق:: مها صاحبتنا زى ما هى صاحبة أختك و أحنا اللى خلينها تتصل بـ ياسمين و ابتدت تحكى
“فلاش باك”
شروق قاعدة فـ الجنينة هى و ضحى بيفكروا ازاى ينفذوا مخطط امها و خالها و فجأة رن موبايلها و شافت اسم مها و فتحت الاسبيكر و ردت
شروق:: الووو ميمو وحشتينى
مها:: انتى اكتر يا شوشو و الله و البت ضحى كمان وحشتنى
شروق:: أهى قاعدة ياختى متلقحة جنبى أهى ههههههههههههه
ضحى:: بتخبطها فـ كتفها .. اتلمى ابت و لـ مها ميمو عاملة ايه يا بت و الواد الز بالة اللى انتى ماشية معاه غيرتيه و لا لسة ههههههههههههه
مها:: بحزن .. خلاص يا ضحى ما بقاش ينفع أغيره
شروق:: ليه يا منيلة اوعى يابت يكون غرغر بيكى ههههههه
مها:: أيوا يا شروق ضحك عليا و عمل عملته و هرب
ضحى:: يخربيييتك و ده حصل ازاى ده انتى طول عمرك واعية و بتعرفى تهربى قبل ماتقعى
مها:: حبيته و وثقت فيه يا ضحى و حصل اللى حصل بقى و مش عارفة أعمل ايه و لا أروح فين
شروق:: لمعت فـ دماغها فكرة خبيثة و بصت لـ ضحى بغمزة و بعدها .. بحزن طب ما تهربى من البلد يا مها زى ما هو هرب
مها:: أهرب أروح فين بس هو انا أعرف حد برة البلد أروح عنده
شروق:: بصى هقولك ياسمين بنت خالى اتنقلت من البلد هى و أخواتها كلميها تساعدك بس ما تقوليش انى قولتلك حاجة
مها:: ازاى اتنقلت من البلد ؟
ضحى:: بأندهاش ازاى ايه .. هو انتى ما تعرفيش ان فارس اخوها اتنقل بسبب شغله و أخدهم كلهم معاه
مها:: و انا أعرف منين ده انا من أخر مرة كلمتها و أخوها زعقلها ومنعها تكلمنى و من وقتها مش بكلمها و ماعرفش عنها حاجة
شروق:: اسمعى بس منى كلميها و استعطفيها قوليلها انك فعلا هربتى و تعالى السويس و شوفى اى فندق أقعدى فيه و هنتقابل بعدها بس ما تقوليش ان انا اللى قولتلك كلميها
“عودة للوقت الحالى”
فارس:: بغـ ـضب .. يعنى انتوا من البدااااية اللى رجعتوها تكلم ياسمين و أكيد انتوا اللى اديتوها رقمى مش كداااااا اننننطققققى
شروق:: أيوا بعد ما هى سمعتك و انت بتزعق لـ ياسمين بسبب انها كلمتها انا لعبت فـ دماغها ع الحتة دى و اقنعتها تنتـ ـقم منك و تحاول تقنعك بأى طريقة عشان تنزل تقابلها و تنفذ خطتها اللى هى من الاصل خطتنا احنا و اتفقت مع الجرسون اللى صوركم مقابل 2000 جنيه و هو نفسه اللى قابلته حلم لما أخدناها الفندق عشان تتأكد من الصور اللى راحت لها
فارس:: ااااه يا ولاد الـ…….. قد كدا بلغت بيكم القذارة انكم تفكروا و تخططوا و تنفذوا كدا بسهولة لأ و كمان تدفعوا فلوس عشان ايييه هاااا عشان ايييه انطقى
شروق:: بدموع .. عشان حبيتك بجد يا فارس و غيرت من حلم لما شوفتك بتحبها و شوفت قد ايه انت متمسك بيها و مش بتقبل عليها اى كلمة اتمنيت أكون مكانها عشان كدا عملت كل اللى عملته ده و لسـ……
فارس:: قاطعها بغـ ـضب و بكل قوته ضر بها بالقلم .. خطة جديدة دى مش كدا .. فاكرة انى هصدقك مثلا انتى اللى زيك ما يعرفش يحب اصلا .. القلب اللى مليان سوااااد ده مايعرفش يعيش نضيف أبدا
سلمى:: صرخت بننننننتي و قامت خدتها فـ حضنها و لـ فارس انت ازااااى تمد ايدك عليها بالشكل ده انت اتجننت
فارس:: لـ سلمى انا عمرى فـ حياتى ما مديت إيدى ع واحدة ست و لا حتى أخواتى و بسبب بنتك انا مديت إيدى ع مراتى و بيدوس اوى ع الكلمة .. بسبب بنننتتتك فضلت 3 شهور مش عارف هى فين عايشة و لا ميـ…….. و سكت ماقدرش يكمل الكلمة .. بسببك انتى و اخووووكى و بنننتتتتتك دوقت مرارة الفراق مرة تانية و كان لااااااازم تاخد نفس القلم اللى خدته حلم عشان تدوق نفس الوجع اللى دوقته انا و حلم و لـ ضحى اللى أستخبت ورا أبوها .. بتستخبى ورا مين اوعى تفتكرى انك لما تستخبى وراه هخاف و مش هعرف أجيبك لاااااا أبسط حاجة هعمل كدا و شدها من شعرها وقفها قصاده .. أيه رأيك يا بنت عمى عرفت أجيبك صح أبوكى ماقدرش يمنعنى و واقف يتفرج و لسة هخليكى فرجة أكتر من كدا كمان
أدهم:: بهدوء خلاص يا فارس كفاية كدا و سيبهم يغوروا من هنا
فارس:: لاااااا يا أدهم لازم يدوقوا مرارة الذل و الهوان لازم يدوقوا مرارة الوجع اللى دوقته طول عمرى من يوم مووووت أبويا وجعى من فراقه و وجعى عليكم و انتوا شايفينهم فـ حضن أهاليهم و حرماننا من أبونا وجعى و انا شايفهم بيخططوا ازاى يخلصوا من أبويا و لولا كاميرا عاليا ماكنتش شوفت الفيديو ده و أخيرا وجعى ع حلم و اللى حصل بينى و بينها
حلم:: بوجع عليه .. يا حبيبى أدهم عنده حق كفاية كدا عشان خاطرى .. أحنا دلوقتي مع بعض و كمان كلها كام شهر و هيجى أبننا و تكمل فرحتنا بيه و كفاية ان اللى عملوه و قصدوا يفرقونا بيه قربنا لبعض أكتر و لا نسيت انا قولتلك ايه وقتها
فارس:: عمرى ما نسيت كلمة قولتيها يا حلم عمرى كله
حلم:: بدموع طيب قولتلك ايه وقتها
فارس:: قولتى نفسى أشكرهم ع اللى هما عملوه فينا لأنهم كان هدفهم نبعد عن بعض و من غير ما يعرفوا قربونا لـ بعض أكتر خلوا حبنا أقوى و مافيش اى عاصفة تقدر تهد الحب ده مهما كانت قوتها
حلم:: بالظبط كدا يا حبيبى و النتيجة أهى احنا مع بعض و هما اللى بيتحسروا و صدقنى انا تكفينى نظرة الحسرة اللى فـ عينيهم دى و بصت لـ شروق و ضحى أصل كما تدين تدان زى ما حسرتوا قلبى و كسـ ـرتوه و شمتوا فيا ربنا ردهالكم بس الفرق اللى بينى و بينكم انى ما بعرفش اشمت فـ حد
فارس:: بتعب من صعوبة المواجهة سابهم و أخد حلم و طلع جناحه من غير و لا كلمة تانى
نجوى:: أعتقد كدا مالهاش لازمة قعدتكم ياريت تغوروا و تفارقونا بقى و سيبونا فـ حالنا و بصت لـ أدهم و سيف و قصي يلا يا ولاد كل واحد يروح يطمن ع مراته
أدهم:: بعصبية .. اتفضلوا برااا و بيشاور بأيده ع باب القصر برااااااااااا
و بالفعل مشيوا كلهم رجعوا بيتهم بعد ما فارس أخد منهم كل حاجة و اتبرع بيها قصاد عينيهم و ماسابش ليهم غير بيت جده بس يعيشوا فيه
_________________________
فـ جناح فارس
فارس بعد ما ساب سلمى و جمال و أخد حلم و طلع قبل ما يدخل جناحه راح أطمن ع أخواته البنات و شافهم نايمين و سأل أمل عليهم و ردت
أمل:: أدهم أدالهم حقنة مهدئة و هيناموا للصبح و ان شاء الله يصحوا كويسين
فارس:: بتعب .. تمام شكرا يا أمل معلش تعبناكى معانا و انتى اصلا تعبانة لوحدك
أمل:: ما تقولش كدا يا فارس أنتوا أخواتى تعبكم راحة و بعدين يعنى ما أحنا كلنا فـ مركب واحدة مش كدا و لا انا غلطانة
حلم:: لأ يا أمل مش غلطانة فعلا كلنا فـ مركب واحدة و كلنا لازم نساعد انها توصل لبر الأمان
فارس:: بتعب لـ حلم يلا يا حور مش قادر أقف
حلم:: يلا يا حبيبى .. و فعلا سابوا أمل و مشيوا دخلوا الجناح بتاعهم
فارس:: دخل و حدف نفسه ع الكنبة بتعب و سمح لـ دموعه تنزل من غير و لا كلمة
حلم:: قعدت جنبه و ضمته فـ حضنها .. و بدموع عيط يا فارس طلع كل اللى جواك اصرخ ثور كسر كل حاجة حواليك بس أتكلم بلاش تسكت كدا عشان خاطرى
فارس:: تعبان اوى يا حور مش قادر أتخيل ان فى شر كدا تخطيط و مؤامرات لييييييه كل ده
حلم:: يا حبيبى انت ظابط كبير و مش فـ أى مكان انت فـ الأمن الوطنى يعنى بتشوف أصعب من كدا بكتير
فارس:: أيوا بشوف .. ايوا يا حور بشوووف بس مجرمين مالهمش علاقة ببعض ماڤيا تجار مخدرات و سـ لا ح و أر ها ب ما يعرفوش بعض .. مش أخواااااات يا حور من نفس الأب و نفس الأم و عايشين فـ بيت واحد ما بيفترقوش غير وقت النوووووم كل واحد يدخل شقته
حلم:: أهدى يا فارس عشان خاطرى انت خلاص يا حبيبى أخدت حقك و حق بابا أحمد و ماما و أخواتك منهم انساهم بقى و ارتاح
فارس:: و هو لسة فـ حضنها .. و بصرخة وجع اااااااااااااااااه انساهم أزااااااى يا حوووور قوليلى أنساهم أزاى فى حد بينسى أهله و لو نسيت هنسى ازاى اللى عملوه فينا انا و اخواتى و لا أنسى أزاى شكل أخواتى بعد ما عرفوا كل الحقايق اللى انا كنت شايلها لوحدى السنين دى كلها و حزنهم اللى اتجدد و لا انهيار عاليا و خوفها مني . عاليا يا حور اللى انا مربيها ع أيدى خافت مني و من أدهم ده انا لو نسيت كل ده مش هقدر انسى شكل أختى و هى بتستخبى فـ جوزها مني اااااااااااااه ريحينى و قوليلى أنسى ازاى
حلم:: بدموع .. عارف يا فارس كل حاجة فـ حياتنا بتتولد صغيرة و تكبر ألا الوجع بيتولد كبير و بيصغر و من نعم ربنا علينا انه بيعوض عنه بفرح و جبر خاطر ينسينا بيه كل الوجع اللى عشناه فـ حياتنا لدرجة اننا مش هنفتكر أصلا احنا اتوجعنا ليه صدقنى ربنا هيعوضك عن كل ده و بكرة أفكرك
فارس:: بس الذكريات يا حور هتفضل مؤلمة كل ما نفتكرها
حلم:: هنعمل ذكريات جديدة صدقنى و كل اللى كان نفسك تعمله و انت صغير مع باباك هتعمله مع ولادنا و ولاد أخواتك و هتعوض نفسك و تعوض اخواتك كل اللى فات و هقولك تانى بكرة تفتكر كل ده و تضحك عليه
فارس:: أمتى يجى بكرة يا حلم انا تعبت من كتر ما انا مستنيه
حلم:: خلاص يا حبيبى بكرة قرب اوى و أبتدت بشايره تبان من النهاردة و أولها أنك زحت الهم اللى كان ع صدرك سنين طويلة و قدرت تواجه أعمامك و تاخد حقك و حق أخواتكم منهم قدرت تاخد تار باباك و تاخد ورثكم و كل حقوقكم و صدقنى بكرة اللى جاى أحلى ان شاء الله
فارس:: بتنهيدة غمض عينيه فـ حضنها .. أنا خايف يا حلم حاسس ان فى حاجة هتحصل خالد مش هيستسلم بسهولة
حلم:: بمرح عشان يخرج من حالة الحزن اللى هو فيها .. و أحنا بعون الله قده يا باشا خليه بس يجرب و انا أخلى بندق حبيبى يسلم عليه سلام تقيل لامؤاخذة قال مش هيستسلم قال
فارس:: خرج من حضنها .. واثقة فـ نفسك انتى اوى مش كدا
حلم:: طبعا يا باشا ده انا باكينام و انا واثقة فـ نفسى ههههههههههههه
فارس:: بأبتسامة .. حبيبى اللى واثق ده يا ناس
حلم:: بشقاوة .. بقولك ايه يا واد انت قوم بقى و انت مز و قمر فـ نفسك كدا يلا خدلك شاور بارد و تعال بسرعة و بغمزة هقولك كلمة سر
فارس:: بضحك .. بقيتى شقية اوى يا لومى ايه اللى حصلك ما كنتيش كدا و لا دى هرمونات الحمل يا قلبى ههههههههههههه
حلم:: بدلع .. شوف انت بقى يلا بسرعة مستنياك
فارس:: بغمزة .. بس كدا هوا يا قلبى
و فعلا سابها و دخل الحمام أخد شاور بارد خفف عنه تعبه و وجعه و خرج لـ حلم عمره و دخلوا سوا جنتهم
و بالفعل قدرت حلم تحتويه و تخرجه من وجعه و تنسيه همه بحبها و عشقها ليه
__________________________
فـ جناح نجوى
طلعت نجوى جناحها بعد ما سابت سلمى و جمال و قعدت بتعب ع السرير و دموعها نازلة ع حال ولادها الأربعة و مواجهتهم لـ أعمامهم و جواها سامحونى يا ولاد عمرى ماكنتش اتمنى انكم تشوفوا اليوم ده أبدا .. و فجأة دخل بمرحه بيحاول يدارى وجعه
أدهم:: مزة قلبى بتعيط لالالالالالا ده كدا عيب فـ حقى و حق بطيختى و لـ أمل مش كدا يا بطيختى و لا ايه
أمل:: كدا يا قلب بطيختك و لـ نجوى بقولك يا نوجة يا قمر انتى لو ما بطلتيش عياط هقيم عليكى الحد و الاتنين و احيانا الخميس و الجمعة كمان ايه قولك بقى
نجوى:: بدموع .. دمكم تقيل ع فكرة
أدهم:: ضمها لـ حضنه .. ليه بس ياست الكل هى دى اول مرة يعنى ننكشك و نفرفشك كدا
نجوى:: لأ يا أدهم مش أول مرة تعمل كدا بس أول مرة يبقى اللى فـ قلبك غير اللى ع وشك
أدهم:: بتنهيدة .. ااااااه يا أمى طول عمرك بتعرفى ايه اللى جوانا من غير ما نتكلم مهما حاولنا ندارى
نجوى:: بكرة لما تشوف أبنك قصاد عينيك هتعرف .. يابنى الأبوة أحساس بيتولد جواك مع أبنك و هو بيتولد أما الأمومة و عينيها ع أمل أحساس بيتولد من و هو لسة دم فـ الرحم عشان كدا بعرفكم من جواكم مهما خبيتوا .. انت و اخواتك كبرتوا جوة مني حتة من روحى و شافكم قلبى قبل عينى عشان كدا بعرفكم من غير ما تتكلموا
أدهم:: باس أيدها و راسها .. ربنا يبارك لنا فـ عمرك يا ست الكل .. بس ما قولتليش ليه دموعك الغالية دى نازلة
نجوى:: صعبان عليا يا أدهم .. ماكنتش أتمنى أبدا أنكم تواجهوا أعمامكم ماكنتش اتمنى أبدا انكم تتحطوا فـ موقف زى ده
أدهم:: يا حبيبتى أكيد أحنا كمان ما كانش نفسنا نتحط فـ الموقف ده بس للأسف هما اللى أجبرونا ما سابولناش أختيار
أمل:: تعرفى يا ماما عاليا و ياسمين صعبانين عليا أوى
نجوى:: و ده اللى واجع قلبى أوى يا بنتى .. الصدمة اللى اتعرضولها البنات مش ساهلة ابدا فتحت عليهم جروح قديمة و فكرتهم بكل احساسهم بـ اليتم و الحرمان من أبوهم رغم ان فارس و أدهم كانوا بيحاولوا يعوضوهم و كان جدهم معاهم
أدهم:: بس صدقينى لو كنا عملنا أكتر من كدا أضعاف مش هيعوض لو لحظة واحدة فـ حضن بابا اللى حرمونا منه
نجوى:: ربنا يجازيهم بـ عملهم يابنى .. هو المنتـ ـقم الجبـ ـار .. و انا فوضت أمرى فيهم لله من زمان
أدهم:: و نعم بالله .. ياحبيبتى يلا بقى فرفشى كدا و أنسى اللى حصل و ارتاحى انتى تعبتى النهاردة
نجوى:: و انت كمان روح أرتاح ياحبيبى انت و مراتك و ان شاء الله ربنا عنده العوض الجميل و هيعوضنا عن تعبنا كل السنين دى خير
أدهم:: باس ايدها .. أن شاء الله يا ست الكل .. تصبحى ع خير و عوض ربنا الجميل
نجوى:: و انت من أهل الخير و السعادة يا نور عيني
و فعلا خرج أدهم و أمل من عندها و راح أطمن ع أخواته و راح أوضته
فـ أوضة أدهم
دخل أوضته قعد ع السرير بتعب بيفتكر كل اللى حصل
أمل:: بحزن .. و بعدين يا أدهم انسى يا حبيبى بقى و فوق عشان خاطرى مش قادرة اشوفك كدا
أدهم:: ضمها لـ حضنه .. غصب عني يا حبيبتى سامحينى حملتك همى و دخلتك فـ مشاكلى و انتى مالكيش ذنب
أمل:: أخص عليك يا أدهم .. ليه بتقول كدا ليه بتعمل فرق بينا هو انا و انت مش واحد
أدهم:: أكيد يا حبيبتى واحد بس …..
أمل:: بمقاطعة .. مافيش بس يا حبيبى انا من يوم ما اتجوزتك و دخلت بيتك و انا معاك فـ نفس المركب وجعك هو وجعى و همك هو همى و واجبى اقف جنبك و أخفف عنك و أشيل معاك و إلا لازمتى ايه
ياريت بجد ما تقولش الكلام ده تانى و تزعلنى منك
أدهم:: حقك عليا يا حبيبتى بس صدقينى غصب عني اللى حصل ده كان صعب ع اى حد يتحمله
أمل:: عارفة يا حبيبى انه صعب و جدا كمان .. و بمرح بس برضوا زعلانة و مقموصة منك
أدهم:: بأبتسامة .. خلاص حقك عليا يا روحى ما تزعليش بقى
أمل:: بتهز كتافها بحركات طفولية .. ماليش دعوة بقى برضوا مقموصة
أدهم:: بمكر .. كدا بقى انا لازم اصالحك يا قلبي صح ؟
أمل:: بدلع .. اه صح يلا صالحنى بقى
أدهم:: اممممم و عايزانى أصالحك أزاى يا أمل حياتى
أمل:: و أنى أيش درانى ههههههههههههه
أدهم:: بضحك شكلك عايزة تاكلى فراولة يا شقية ههههههههههههه
أمل:: بضحك أحبك و انت فاهمنى ههههههههههههه
و بالفعل أمل برضوا قدرت تحتوى أدهم و تخرجه من حالة الحزن اللى جواه و تنسيه وجعه
بقلمى✍️_________________لبنى دراز
خديجة:: سلمااااااااااا لااااااااااااااااااااااا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية العشق الأبدي)
