رواية العرافة العجوز الفصل الثالث عشر 13 بقلم عادل عبدالله
رواية العرافة العجوز الجزء الثالث عشر
رواية العرافة العجوز البارت الثالث عشر
رواية العرافة العجوز الحلقة الثالثة عشر
الحلقة الثالثة عشر
ومر علي ۏفاة شريف قرابة الشهرين حتي عاود أسامة طلب السفر من والدته ……
أسامة يا أمي أنا أتكلمت معاهم بره علشان يبعتولي الفلوس وفهمت أنهم مش هيبعتولي أي حاجة من الفلوس لو مش رجعتلهم !!
الأم يعني عايز تسافر يا أسامة
أسامة أيوه يا أمي وأوعدك مش هتأخر كام شهر بس أظبط أحوالي وأجيب فلوسي وأرجعلك تاني ومش هبعد عنك تاني أبدا .
الأم لا يا أسامة .
أسامة يا أمي حرام كده !! أنا معرفش إنتي مصممة ليه كده
الأم علشان مش باقيلي من الدنيا غيرك وغير فريد أخوك .
أسامة مش هغيب عليكي شهرين أو ثلاثة بالكتير وأرجعلك .
الأم يا ابني أنت متعرفش ۏجع قلبي علي أخوك أزاي !!! وجودك انت وفريد جنبي هو اللي مهون عليا غياب أخوكم الله يرحمه .
أسامة ما أنا بقولك شهرين او تلاتة بالكتير وهتلاقيني جنبك هنا علشان خاطري يا أمي وعلشان خاطر عيالي
الأم طيب يا أسامة سافر يا ابني بس متتأخرش عليا شهرين والاقيك راجع يا حبيبي .
قفز أسامة من الفرح وقال لها ربنا يخليكي ليا يا ست الحبايب شهرين تلاتة بالكتير وهرجع وأقعد معاكي وأخليكي تزهقي مني .
حين علم أسامة بموافقة والدته علي سفر أخاه أسامة أنقبض قلبه ثم قال له خليك يا أسامة وبلاش تسافر .
أسامة أيه يا عم هو أنا هخلص من كلام أمك تطلعلي انت !!!!!
فريد معلش يا أسامة أسمع كلامي ولو مرة واحدة .
أسامة وأنت مش عايزني أسافر ليه
فريد علشان أحنا دلوقتي مش لنا في الدنيا غير بعض .
أسامة يا فريد ده هما كام شهر وأرجع اللي يسمعك كده يقول أني هسافر ومش راجع تاني !!!
انقبض فريد ووضع يده سريعا علي فم اخيه وقال أسكت اوعي تقول كده .
أسامة بتعجب مالك يا فريد أنت مش طبيعي ليه فيه حاجة أنت مخبيها عليا
فريد لأ مفيش حاجة بس مش عايزك تسافر وخلاص .
أسامة لأ كده أنت مخبي عني حاجة وحاجة خطېرة كمان !!! هيه سمية ….
فريد أنت بتقول ايه !! مراتك أجدع ست في الدنيا .
أسامة أومال مالك اتكلم قول فيه ايه !!
فريد هقولك وأمري لله فاكر يا أسامة الست العرافة العجوزة اللي شافتلنا الكف وأحنا عيال صغيرين
فريد ياااه !!! وايه اللي فكرك بيها دي دلوقتي
فريد فاكر قالتلنا ايه
أسامة مش فاكر بالظبط قالت ايه أهو أي تخريف من اللي بيخرفوه الناس دي .
فريد لكن أنا فاكر .
أسامة أنا مش فاهم حاجة !! ايه اللي دخل الست دي في كلامنا دلوقتي!!
فريد الست دي قالت أن شريف بعد ما يتجوز ويخلف ھيموت بمرض .
أسامة ودي فيها ايه قصدك علشان أخوك ماټ بسبب مرض يبقي كلامها صح
فريد الله اعلم
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية العرافة العجوز)
