رواية العدو الحبيب الفصل الثاني 2 بقلم مجهول

رواية العدو الحبيب الجزء الثاني

رواية العدو الحبيب البارت الثاني

رواية العدو الحبيب الحلقة الثانية

خلصت!!!
قولتها بتعب بعد ما دخلت كل الحاجات اللي هحتاجها في الشنطة اصل النهاردة يوم المهمه
:برضو مصممة يا بنتي؟؟؟
تنهدت : ايوه يا ماما واستحالة ارجع عن قراري!!!
_يا بنتي انا بس خايفة عليكي مش قصدي حاجه
: ولما ما روحش هتطمني عليا؟؟؟…. هتطمئني عليا وانا قاعدة في البيت اخواتي بيعاملوني زي الخدامة؟؟؟…الحريم والجارات بياكلوا فيا بالكلام؟؟..ا المجتمع اللي باصصلي على اني ارملة وانا جوزي حي؟؟؟
نزلت راسها بيأس مني وبتحاول تخفي دموعها : خلاص يا بنتي اذا انتي شايفة انك هتكوني مرتاحة كده فانا مش هقدر اتكلم هنا
: طب مش هتجيب حضن يا وحش بقى؟؟؟
قولت كده بمحاولة مني اني الطف الجو وهي اول ما سمعتني رفعت راسها ومسحت الدمعتين اللي نزلوا وحضنتني وانهارت في العياط بعدها اوقات كتير بحس ان انا امها وهي بنتي بحس انها هي المحتاجاني مش انا فعلا ماما دي ام عظيمة اوي!!!
جاء الوقت بعدت عن حضنها وشيلت شنطتي وانا ببص على كل ركن في البيت وانا حاسه اني مش هرجع تاني
: ماما ماما
بصيت على مصدر الصوت لقيتها سحر بنتي بتجري عليا دي اللحظة اللي انا كنت خايفة منها مكنتش عايزة اودعها لاني كنت عارفة اني هضعف ضمتني بقوة كانها خايفة اني اسيبها
بصيتلي بدموع : ماما انتي هتروحي و هتسيبيني تاني زي كل مرة ؟؟؟
: هرجع هرجع وهجيب معايا بابا كمان مش انتي عايزة بابا؟!
قولتلها كده وانا بحاول ارضيها وانا مش عارفه انا بكدب عليها ولا على نفسي!!!
_ماما انتي بتضحكي عليا في حاجه اسمها مو…ت ومعناها ان الواحد مش بيرجع تاني وانتي لو روحت هيجيلك المو…ت خلاص انا مش عايزة بابا خالص!!!
بصيتلها بصدمة من كلامها وبرقت اصل طفلة عندها 5 سنين منين هتعرف الكلام ده الا لو حد قالهولها فقولت بعصبية : سحر انتي مين اللي قالك الكلام ده؟؟؟
سحر ببراءة : تيتة
بصيتلها بلوم وهي على طول لفت وشها الناحية التانيه فبصيت على سحر : سحر حبيبتي تيتة كانت بتهزر معاكي مفيش كلام زي ده بس تيتة مكنتش عايزاني اروح زي العادة انتي عارفة تيته صح حساسة اوي مش كده؟؟
اومأت براسها بمرح
: يعني افراج كده اروح؟؟؟
حطت اصبعها على راسها على اساس انها بتفكر بعدين اومأت براسها : موافقة بس بشرطين
: كبرنا و سحر هانم بقيت تتشرط ايه شروطك يا معلم؟؟؟
سحر وهي بتحط اصبعها الصغير قدامي : الاول انك توعديني انك هترجعي
مديت اصبعي وقولت بكدب : وعد والتاني؟
جريت بسرعة من قدامي وجابت شريط
: هربط الشريط ده في ايدك عشان ترجعي بالسلامة انا شوفت في التلفزيون بيعملوا كده
ضحكت على طفولتها ورفعت كُم القميص وهي لفت الشريط ونزلت الكُم
: انا خلاص لازم اروح انا اتاخرت
_ مش هتودعي اخواتك برضو يا بنتي انتو اخوات حرام لازم تتصالحوا انا نفسي يا بنتي تتصالحوا
: انا مستعجلة اوي خدوا بالكوا من نفسكم يلا مع سلامة
قولتها وانا بقفل الباب بسرعة وبجري على السلالم بتهرب من النقاش اللي عارفه اني لو دخلت فيه مش هخرج منه!!!
وصلت على مكان الباص اللي هنروح فيه
: ليان
بصيت على مصدر الصوت لقيته اللواء سليمان
قلت بتعجب : اللواء سليمان
اللواء سليمان بحنيه : عمو سليمان يا ليان!!!….انا النهاردة جايلك بصفتي عمك سليمان مش اللواء سليمان!!!
بصيتله بحب وانا بفتكر في الماضية لما كانوا هوا وبابا صحاب وانا لسه بنت صغيره وبنده له عمو سليمان وبلعب معاه بس بعد وفاة بابا كل حاجه تغيرت
بيكمل بحنية : انا بطلب منك يا بنتي تنسحبي متطلعيش على المهمة عشان خاطري
مسكت ايديه الاتنين وبصيت عليه بحب ابوي : كل اللي طالعين على المهمة دي او مهمات تانيه عندهم اهل مهما كانوا مش عايزينهم يطلعوا على المهمة وبيطلعوا عشان ده واجبهم احنا لو محميناش الوطن وسمعنا الكلام مين اللي هيحمينا لما نقعد؟؟؟
بصلي بيأس : خلاص يا ليان انا اصلا عارفك مش هتعملي الا اللي في دماغك
: طب ممكن اطلب منك طلب؟؟؟
اطلبي اللي انتي عايزاه يا بنتي
: ادعيلي
كنت حاسه اني طالعة على مو… ت مفيش منه رجعة كنت فاقدة الامل وحاسه انب محتاجه دعاء بجد
ابتسم : ربنا يرجعك لينا بالسلامة… ربنا ينصركم يا بنتي… ربنا يرجعك مجبورة الخاطر… ربنا يسعدك في حياتك يا ليان… ربنا يكون في عونك
بوست ايده وطلعت على الباص اللي اتحرك على طول ومرت ساعات طويله وانا لسه منهارة من العياط وبفكر لحظة وداع كل حد ودعته ومقتنعة اني خلاص همو… ت همو… ت!!!
: لسه في وقت تقدري تتراجعي وتنزلي!!!
بصيت لقيته كنان اللي جاء وقعد جنبي
: انزلي يا ليان مفيش داعي للخوف
=مفيش حاجه هتخليني اتراجع وانت عارف كده كويس وملكش دعوة بيا وانا مش خايفة!!!
قولت له كده وانا بزعق فيه ولسه متعصبه منه من اخر مرة
بصلي بغباء : امال بتعيطي ليه؟؟؟
كنت لسه هرد عليه لقينا الباص وقف مرة واحدة ودخل علينا كمية اشخاص مسلـ حين و ملثمين!!