رواية العدو الحبيب الفصل الأول 1 بقلم مجهول
رواية العدو الحبيب الجزء الأول
رواية العدو الحبيب البارت الأول
رواية العدو الحبيب الحلقة الأولى
الكتيبة رقم 114 هي اللي هتطلع للمهمة!!!
صرخت بعلو صوتي بعصبية : ازاي الكتيبة رقم 114 هي اللي هتطلع للمهمة طب وانا؟؟؟…. انت عندك شك في قدراتي؟؟
اللواء سليمان : ليان انا معنديش شك في قدراتك والا مكنتيش واقفة قدامي دلوقتي وانتي عارفة انك من اكفأ الضباط عندنا بس احنا منقدرش نضحي بيكي!!!
: يعني ايه مش هتقدر تضحي بيا احنا اي مهمة نطلعها كلنا اما بهدف الشهادة او النصر والا مكناش بقينا في المكان اللي احنا فيه دلوقتي
اللواء سليمان : النقيب ليان انا عارف الكلام ده كويس اوي وانتي عارفة كده بس انتي بتتعاملي بعاطفتك مش بدماغك وعصبيتك الزايدة هي اللي هتوديكي ورا ومش هتوديكي انتي بس هتودينا كلنا وانا مقدرش اجازف بالمهمة دي!!
ليان بهدوء عكس العاصفة اللي جواها : يعني مش هتطلعني على المهمة دي؟؟؟
اللواء سليمان بيتنهد : لا يا ليان
ليان بانكسار وهي بتقلع الطاقية من راسها : يبقى خلاص مفيش لزوم ليا وانا كنت بعمل كل ده عشان اطلع على المهمة دي
متستغربوش من تصرفي ده دي مش مهمة عادية بالنسبالي من سنتين جوزي كان طالع مهمة وللأسف المهمة كانت خسرانة لدرجة ان الكتيبة اللي كان فيها جوزي انسحبت وما رجعش جوزي ولا لقينا جثـ*ته وكل اللي كانوا معاه اما رجعوا او ما..توا او اتاخدوا اسرى والوحيد اللي يقدر يوصلني لجوزي هو قائد جيش العدو
اللواء سليمان والكل بصدمة : يعني ايه يا ليان؟؟؟
ليان بكسرة : انا بقدم استقالتي!!!
اللواء سليمان بعصبية : خلاص هتطلعي على المهمة مع الرائد كنان بس مش عايز غلطه ولا تسرع!!!
حسيت روحي رجعتلي من الفرحة : وانا اوعدك اكون عند حسن ظنك يا سيادة اللواء
اللواء سليمان بيتنهد وبيبصلي بحسرة : اتمنى ده يا ليان
: سيادة اللواء ممكن اتكلم مع النقيب ليان بعد اذنك
اومأ له اللواء براسه وبصلي كنان بمعنى تعالى ورايا فبصيت للواء فبصلي بمعنى امشي وراه فمشيت وراه
انت كنـ… ملحقتش اكمل جملتي الا ولقيته بيزعق عليا مرة واحدة و بيتكلم باندفاع وعصبية
: ليان انتي ازاي تكوني بالغباء ده هاااااا؟؟..ايه هطلع المهمة؟؟.. ليان انتي ام انتي عايزة بنتك تكون بدون ام كمان؟!!
مركزتش في كلامه كله الا في الجملة الاخيرة واندفعت فيه انا كمان : ايه اللي بنتك تبقى بدون ام كمان تقصد ايه؟؟؟
لف وشه الناحية التانيه ومسح وشه ونفخ بعصبية : انتي فاهمة قصدي يا ليان كويس!!!
دموعي بدات تنزل تلقائي وشخطت فيه : جوزي عايش جوزي عايش ما ما.. تش انت فاهم؟؟!
بصلي بصدمة وندم وهو بيقرب: ليان انتي بتعيطي؟؟؟
زقيته بعصبية وانا بمسح دموعي : ملكش دعوة بيا ابعد عني يا كنان احسن انسى انك كنت صاحب جوزي وبيعزك وازعلك اتقي شري يا كنان!!
بصلي بصة مفهمتش معناها وقتها وابتسم بيأس وفي حاجة في دماغه : ماشي يا ليان زي ما انتي عايزه بس انا مقولتش ان باسم ما.. ت انا قولتلك عشان بنتك متبقاش بدون ام واب بعد المهمة دي وحطي تحت بعد المهمة دي تلات خطوط . ومشي
قولت باستغراب : بعد المهمة دي!!!… يقصد ايه بالكلام ده؟؟.. فضلت افكر في كلامه كتير بس مفهمتش حاجه لحد ما جاء اليوم المنتظر يوم المهمة….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية العدو الحبيب)
