رواية الظلم ظلمات الفصل الرابع 4 بقلم مشيرة محمد
رواية الظلم ظلمات الجزء الرابع
رواية الظلم ظلمات البارت الرابع
رواية الظلم ظلمات الحلقة الرابعة
فدوة بعدت بسرعه ووشها فى الارض. لمؤاخذه يابيه انى ماخدتش بالى وانى طالعه حقك عليا .
سيف بهدوء وهو مركز اوى فى عيونها. انا اللى اسف على المره الاولى والمره دى كمان وعاي…..
وقبل ما يكمل ويقول عايز ايه بقلمى مشيره محمد
فدوه نزلت بسرعه تجرى هروب من نظراته وعيونه اللى ما نزلتش من عليها وهى بتقول لنفسها.
قليل الحى وانى اللى بغلط روحى وبتأسف لجل ما عيبت فيه قدام امه ديه يستاهل اكتر من اكده وعنيه تندب فيها رصاصه.
سيف متابعها بعد ما مشيت بعيونه وتقريبا سامع معظم كلامها لان صوتها عالى نوعا ما وقال. بقلمى مشيره محمد
Oh, my God
I loved the rustic beauty
البلدى يوكل ياجدعان يخربيت جمالك وحلاوة نبرة صوتك.
ادهم كان وراه فزعق . ولاااه انت ترجع الفندق حالا مالكش قعاد هنا.
سيف بفزع. ياااااادهم هو فى كدا قطعت خلفى يابنى مش كدا.
ادهم. سيف الكلام بجد فدوه مش اى بنت واعمل حسابك هى غاليه على خالتك فبلاش احسنلك.
سيف. هو انا يعنى عملت ايه انت غريب اوى.
بعد اسبوع من وجود اكرام وسيف فى بيت ادهم وهزار سيف ورخامته على فدوة وتجنبها ليه واحتواء دولت ليها الكل كان متجمع.
سيف كان متعصب من الروتين والصعوبات اللى ملاقيها فى شغله هنا فى مصر فقال بعصبيه. انا مش عارف ايه التعقيدات دى كلها مفروض اى مستثمر يبقاله معامله خاصه شويه انا متعطل عن سفرى ومش شايف اى تعاون من اى جهه
ادهم. لو عايز تخلص ادفع علشان تمشى امورك وانت عارف ده كويس.
سيف. مش اسلوبى ومش هقبل بيهبقلمى مشيره محمد
انا الظاهر غلطت لما فكرت اعمل شغل هنا، مع كل التعجيزات دى والبطئ ده انا مستحيل اعرف اسس شغل كامل هنا،
انا هخلص شغلى مع المستشفيات اللى متعاقد معاها وهسافر على طول.
دولت. والله ياسيف اللى يشوفك ويشوف هزارك وبساطتك مايقولش ابدا انك متمسك بمبادئك كدا ، ياحبيبى الامور دى بقت حاجه عاديه واساسيه كمان انك توزع اكراميات علشان شغلك يمشى.
سيف بحده. وانا مش هلوث تعبى ورزقى وادفع رشاوى يا خالتى.
فدوه اللى كانت جايه بالعصير اتكلمت بعفويه وقالت. صدق بالله يا جدع انت دى اول نوبه تقول حاجه عدله من ساعة ماجيت اهنه انى استجدعتك جوى .
الكل اتفاجأ بكلام فدوه بس ضحكو وسيف اتكلم بفرحه لانها اول مره توجه له كلام وقال بهزار. والله.. وانتى بقا يوم مايطلعلك صوت وتتكلمى معايا تتريقى عليا ماشى ياست فدوة براحتك مقبوله منك.
اكرام. طبعا براحتها دى معاها حصانه من الكبيره ههههه.
دولت حضنتها. طبعا دى بنتى اللى مخلفتهاش.
فدوة بامتنان. واه العفو يا مدام وانى استجرى بردك ربنا يعزك ويسترك يارب.
وللحظه سيف من غير ما يتكلم اتراجع عن الكلام اللى لسه قايله عن السفر ما هو اصلا مقرر يفضل فى مصر ومش عارف ليه قال كدا.
بقلمى مشيره محمد
*فى البلد*
عمران عمل فرح ونفذ رغبة امه وطبعا الفرحة مش سيعاها علشان اخيرا خدت بنت اختها واللى طبعا مش حبا فيها ده طمع فى اللى وراها من ورث وهى الوحيده اللى ليها كل حاجه علشان ملهاش اخوات واستغلت حب نوال لعمران وضعف اختها قدام بنتها.
بقلمى مشيره محمد
امينه. لولولولولوى نورتى الدار ياجلب خالتك عقبال ماتعمريها بعيالكم ويتربو فى عزكم قادر ياكريم.
عمران الكلمه نزلت على قلبه زى جمر النار لانه عارف ان عمره ما هيخلف
نوال. امين ياخالتى شالله يخليكى ليا.
امينه. يلا ياعمران خد عروستك وادخلوا اوضتكم ربنا يسعدكم ويرزقكم الخلف الصالح.
عمران. الله يبارك فيكى يامه تصبحى على خير.
عدى اسبوع ونوال ملازمه اوضتها
حتى لما خرج عمران من تالت يوم جواز هى ماخرجتش.
بتاكل من اللى امها تبعته او حماتها تعمله وبس واهوه دخلو فى 10ايام وهى ما بتخرجش من اوضتها الا للحمام وبس.
عمران طالع لشغله فى يوم امينه ندهتله.
اصباح الخير ياعمران.
عمران. يسعد صباحك يمه.
امينه. هتطلع شغلك بردك من غير فطور.
عمران. وهو الفطور جهز وانى قولت لاه.
امينه. ومرتك وينها عاد اطلب منيها.
عمران. ما عاوزشى فطور يامه واهى حداكى اصطفلى معاها بالاذن انى.
بعد ماطلع عمران امينه دخلت لنوال وهى بتندهلها.
نوال بصوت عالى. واه واه واه فى حد يدخل اكده من غير استأذان افرضى انى نايمه او قالعه.
امينه. اذن ايه اللى اخده ومن مين منيكى انتى، وافرضى حتى انك عريانة لهو انى حد غريب انى كيف امك.
نوال. ولو امى حتى ما تخشش اكده كيف دخلت المخبرين عاد.
امينه. مخبرين عتقوليلى انى مخبرين الله يسامحك يابت اختى، وهمى يلا بكفياكى قعده اكده انى ما بقيتش قادره على خدمة الدار لحالي وانتى كنك عامله عروسه حتى بعد ما سبعتى.
نوال. بدلع واه مانى لساتنى عروسه ياخاله ولا انتى مش فى بالك ان ابنك يبقى متهنى بمرته ومبسوط.
امينه. لهو ابنى ميتهناش غير وانتى قاعده ليل ونهار فى الاوضه.
همى حصلينى شوفى اللى وراكى واعملى لقمه لجوزك بكفياه طالع من غير فطور.
بقلمى مشيره محمد
نوال وقفت قدام امينه وبتحدى.
طيب شوفى بقى ياحماتى ياحبيبتى انى مش فدوه يعنى اوعاكى شيطانك يقولك انك تقدرى تعملى معاي اللى كتى بتعمليه معاها وانى اهنه ست الدار مانيش خدامه عنديكى يعنى بكيفى اعمل اللى اعمله واسيب اللى مش على هواى وانتى بشوقك بقا ياترضى يا تعصى ووقتها انى مش همانع انك تشوفيك دار تانيه تقعدى فيها زى مثلا دار جدى اللى خدتيها من امى فكراهاا،خدتيها بحجة انك معاكى الواد وهى معاها البت واتمسكنتى لحد ما اتمكنتى من امى الغلبانه ورميتيلها ملاليم فيها واخدتى نصيبها بالتراب، ها قولتى ايه يااا حماتى تريحى دماغك منى ولا اريحك انى؟
*فى اسكندريه*
فدوه حاسه بتعب من اول اليوم ومن شدة الوجع عيونها دمعو و بدأت تأن.. اه اه يابطنى ااااااه.
اكرام سمعتها ف دخلت عندها. مالك يافدوه فى ايه.
فدوه. سلامتك يا مدام اااااه.
اكرام ندهت على دولت. دولت يادولت تعالى بسرعه.
دولت جت. ايه ده مالك يافدوة فى ايه.
فدوة. بطنى بتوجعنى قوى وروحى رايحه مجدراش هموت.
اكرام. انا هكلم الدكتور.
دولت. لا احنا هنروح المستشفى
بسرعه يلا.
وهما نازلين كان سيف داخل.
دولت. كويس ياسيف انك جيت انا مش هقدر اسوق.
سيف. خير ياطنط فدوه مالها.
اكرام. يلا بس نوديها المستشفى وهنعرف.
فى اقل من نص ساعه كانوا فى المستشفى والمسعفين بيسالوا.
شكوة المريضه ايه؟
دولت. هى حامل وفجاه جالها مغص وهبوط زى مانتت شايف.
بقلمى مشيره محمد
سيف الجمله نزلت عليه وكانها طلقات نار والضيق ظهر عليه و مش عارف ليه ومن غير مايحس لسانه نطق وقال. حامل!!
وده لاحظته اكرام بس ما علقتش.
بقلمى مشيره محمد
بعد وقت خرج الدكتور وسأل
امال فين جوز المدام.
دولت قربت بسرعه. مش موجود للاسف بس احنا قرايبها وانا زى ولدتها هى وضعها ايه يادكتور طمنى.
الدكتور. للاسف واضح انها ما كنتش متابعه الحمل ولا اخده التطعيمات اللازمه.
دولت. وده خطر.. اثر يعنى عليها يادكتور؟
الدكتور. الجنين وضعه كويس لحد دلوقتى لانه بياخد اللى بيحتاجه من جسمها هى اللى ضعيفه ووضعها يقلق ولو الوضع استمر على كدا الخطر هيبقى عليهم هما الاتنين.
دولت. طيب حضرتك قولى المفروض ايه يتعمل دلوقتى.
الدكتور. هى دلوقتى هتخرج معاكم بس المهم الراحه الكامله والمتابعه الدوريه علشان نتفادى اى مشاكل عند الولاده.
*فى بيت ادهم*
اكرام. انتى ليه ما قولتيش ان فدوه متجوزه وفين جوزها اصلا.
دولت. مجتش مناسبه يا اكرام وبعدين هى مطلقه اصلا موال طويل هبقى احكيلك عليه بس لما نطمن عليها الاول.
فى مكان تانى سيف وادهم قعدين فاتكلم ادهم. فى ايه ياسيف مالك.
سيف انتبه. ها لا مافيش انا كويس مافيش حاجه والله
ادهم. لا فى وانت مش كويس، بس انا هقولك نصيحه تاخد بيها او لا ده شىء يرجعلك
سيف بضيق. عايز تقول ايه ياادهم
ادهم. قصدى فدوه ياسيف و اهتمامك بيها. صدقنى بلاشه بلاش تنجرف ورا احساسك بيها يا سيف ومشاعرك دى بلاش منها، ممكن تكون نزوه او انبهار بشخصيه جديده انت ما قبلتهاش قبل كدا مش حاجه تانيه، حاول تعمل كنترول على المشاعر دى،
فى فرق كبير بينكم يا سيف وابدا ما اقصدش فرق مادى، اقصد فرق ثقافات والبيئه كمان والعقليه، فدوة
بنت بسيطه ماتعرفش حاجه فى الدنيا وانت حد متعلم وفاهم الدنيا كويس، دا غير ظروفها اللى انت عرفتها.
سيف بتفهم. صدقنى يا ادهم اللى حاسه ده مش بايدى ولا كنت مصدقه الا لما عرفت انها حامل، يعنى متجوزه، يعنى ملك حد تانى، النار والضيق اللى حسيت بيه وقتها واللى ما كنش له تفسير غير انى بحبها ، غيرت واتجننت لما عرفت انها حق حد تانى مش حقى.
ادهم وضح.. فدوة مطلقه حاليا مش متجوزه يعنى هى حره مش ملك حد.
سيف برجاء. ممكن تحكيلى الحكايه كلها، وتعرفوها منين، وازاى واحده زى دى تبقى مطلقه اصلا.
ادهم بقلة حيله. شوف انا بقوله ايه ويقولى ايه واحكيلى وعرفنى.
سيف برجاء. ارجوك.
بقلمى مشيره محمد
عدت الايام والشهور وسيف مابين مصر وسفره، وفدوه خلاص قربت على الولاده وحالتها بخير بسبب رعاية دولت ليها وكمان اكرام اللى قربت منها اوى وعرفت اد ايه هى طيبه وبالفطره وحتى البلد مارجعوش تانى علشان فدوه وخوف عليها.
دولت واكرام قاعدين قربت منهم فدوه بالقهوه. اتفضلوا فنجان قهوه ايييه يعدل المزاج عاد.
دولت قامت بسرعه تاخده منها. انتى ايه دماغك دى حجر انا مش قولتلك ترتاحى يا فدوه هو مافيش غيرك يعنى يعمل قهوه
فدوه. واه ماعيزاش قهوه من يدى خليكى شاهده يامدام اكرام.
اكرام. هى خايفه عليكى يا فدوه انتى خلاص قربتى.
فدوه. لاه انى زينه ومانيش تعبانه وكمان الحركه بركه بردك انى يعنى بعمل ايه غير الوكل اللى المدام ماعيزانيش كمانى اعمله يرضيكى.
اكرام. ههههههه لاه مايرضنيشى.
الكل ضحك وفدوه قالت. ههههه
واه واه واه بدك تتحدتى صعيدى ولا بتتمجلتى عليا عاد.
اكرام. ههههههه وانى اقدر برضك ياست فدوه انى بس حابه طريقتك جوى جوى.
فدوه بضحك من قلبها. جوى جوى؟
اكرام جوى جوى.
بقلمى مشيره محمد
دولت بعد ما فدوه دخلت قالت لاكرام. شكلها على اخرها يا اكرام انا حاسه بكده.
اكرام. تفتكرى.
دولت. يابنتى باين عليها جدا و برغم انها مش من النوع اللى بيشتكى بس بيبان على ملامحها.
بقلمى مشيره محمد
صوت صرخه قطع كلامهم الاتنين جريو على مكان الصوت لقيو فدوه سانده على كرسى وهتموت من الالم ولما فدوه شافتهم قالت. انى.. انى تعبانه قوى.. ال.. الحقيييينى
وبعد ساعتين كانت فدوه فى سريرها وجنبها ابنها والحزن اللى نسيته الايام اللى فاتت رجع سكن قلبها وملامحها من تانى ، اللحظه اللى كانت بتتمنى جوزها يبقى معاها اهوه مش موجود دا كمان ناكر ابنه واتهمها فى شرفها.
دولت دخلت. حبيبتى يا فدوه حمدالله عالسلامه ياعمرى انتى.
فدوه. شاله تسلمى وتعيشى والله انى وشى منيكى فى الارض ومعرفاشى هرد جمايلك ديى كيف.
دولت بس بس بطلى كلام فارغ انتى بنتى اللى مخلفتهاش و بجد دخلتى قلبى يافدوه من يوم ماشوفتك، والحب ده من عند ربنا ياهبله بيزرعوا فى قلوبنا لبعض وياستى دانتى جيتى نورتى حياتى وعوضتينى بنتى اللى كان نفسى تبقى من بطنى واهوه ربنا عطانى بنت قلبى.
فدوه. ربنا مايحرمنى منيكى وتفرحى بادهم بيه وتشيلى عوضه يارب.
دولت شالت الولد وقالت. زى القمر زيك يافدوه واخد ملامحك اوى ماشاء الله قمر.
الباب خبط كانت اكرام. القمر بتاعنا عامل ايه حمدالله عالسلامه.
فدوه شالله يخليكى يارب تسلمى من كل شر.
اكرام. سمى يادولت على القمر ده ماشاء الله.
دولت. انتى روحتى فين دورت عليكى ما لقتكيش.
اكرام وهى بتبوس الولد. كنت بكلم سيف اصله اتصل وقت ما الاسعاف اخدت فدوه وماعرفتش ارد ولما اطمنا عليها كلمته.
دولت. وهو عامل ايه
اكرام كويس الحمد لله نازل الاسبوع الجاى.
دولت. يجى بالسلام ان شاء الله، بقولك ايه خليكى مع فدوه وانا هخلص اجراءات الخروج علشان نمشى خلى بالك منها ها.
بقلمى مشيره محم طج
بعد اسبوع ادهم مستنى سيف فى المطار. حمدالله عالسلامه.
سيف. الله يسلمك ياابنى مش قولتلك خليك تعبت نفسك وجيت ليه.
ادهم. اما انك عيل بارد وانا غلطان انى عطلت شغلى وجيتلك.
سيف. هصدقك ان جايلى لله فى لله يلا بينا
فى العربيه ادهم ساكت بس سيف فاهمه وعارف ان عنده كلام عايز يقوله فقال. قول يا ادهم اللى عايز تقوله واللى انا حاسس بيه من وقت ما بلغتنى بولادة فدوه… مش الموضوع يخص فدوه برضو ولا انا غلطان.
ادهم. لا ياسيف انت مش غلطان انا بس اللى مش عارف اقتنع ان الفتره اللى عرفتها فيه تخليك تحبها كدا زى ما حكتلى فى اكتر من مكالمه، انا قولت سفرك وبعدك هينسيك واتفاجئت لما قولت انك نازل بعد ما عرفت بولادتها.
سيف. يمكن انا كمان كنت فاكر انه مجرد انبهار او اعجاب او حتى نزوه بس صدقنى الموضوع اكبر من كده. بقلمى مشيره محمد
ضحك ادهم فـ سيف قال. بتضحك ليه.
ادهم. مستغربكم والله انت وخالتك حتى طنط زى ما تكون فدوه عملتلكم عمل بحبها.
سيف بتنهيده. عندك حق هى شخصيه فعلا تتحب فى راحه كدا وسكينه فى ملامحها حد بالفطره والقلب النقى اللى لسه ما اتلوثش، صوتها يجذبك من غير ماتحس، اسلوبها وكلامها وانفعالاتها تجبرك تفتح قلبك وتقولها اتفضلى.
ادهم. يا عينى يا عينى طيب ياعم العاشق ناوى على ايه.
سيف. كل خير بس اعرف الاول هى هيبقى رايها ايه.
ادهم. لاحظ يا سيف انها لسه مش معاها ورق رسمى بطلاقها.
سيف. سيب الموضوع ده عليا المهم هى… اعرف هى عايزه ايه الاول.
*فى بيت ادهم*
فدوه قاعده معاهم ومعاها ابنها معاذ وده الاسم اللى اختارته دولت.
دخل ادهم ومعاه سيف اللى من اول لحظه لدخوله عينه دورت على فدوه تسلم عليها و كانت عنيها هى كمان فى استقباله، احساس فدوه كان غريب عليها شعور ما بتحسوش الا فى وجوده و بس هى عارفه معناه… معناه ان سيف كان واحشها وكان نفسها تشوفه اوى.
لحقت نفسها ورجعت عنيها فى الارض بسرعه وهى بترد السلام.
دولت بعد السلامات قالت. كويس ان جيت فى التوقيت ده يا سيف
علشان تحضر سبوع معاذ.
اكرام. بجد يا دولت هتعملى سبوع
ياااااه وحشتنى الاجواء دى من سنين ما عشتهاش.
دولت وهى بتحضن معاذ. طبعا هو اناعندى كام فدوه
ادهم بضحك. ذرونا تجدو ما يسركم ماما مش هتحرمكم من حاجه.
فدوه بحزن. سبوع ايه بس يا مدام لاه كفايه اللى عملتوه علشانى ولو حتى هعمل سبوع هيبقى لما اثبت ابنى الاول و يتكتب اسمه جنب اسم ابوه ويبقالو شهادة ميلاد والله ما انى خابره اعملها كيف دى بس.
سيف خرج عن سكوته. سبيلى الموضوع ده يافدوه انا وادهم هنخلصه
فدوه. كيف يعنى مفهماشى.
سيف. ماتقلقيش انتى عايزك تتطمنى.
بقلمى مشيره محمد
*تانى يوم فى البلد *
سيف فى العربيه هو وادهم فى طريقهم للبلد. تفتكر هيعمل مشاكل.
ادهم بقوه. والله لو مجاش بالذوق يجى بالعافيه وبعدين هو فعلا رامى عليها اليمين فى وجودنا يعنى كل اللى هيعمله انه هيوثقه وخلاص المهم انت كلمت فدوه فى ايه امبارح يعنى فهمت منها هى فعلا عايزه تطلق رسمى ولا لسه عندها امل فيه .
سيف بتنهيده. ايوه يا ادهم كلمتها
(فلاش باك)
سيف. قعده لوحدك ليه
فدوه باحرج. سلامتك مافيش تؤمر بحاجه
سيف بصلها بحب. ممكن اتكلم معاكى كلمتين.
فدوه. كلمتين ايه خير.
سيف بجديه. بصى يافدوه افتكر انك ملاحظه وحاسه باحساسى ناحيتك وعارفه انى معجب بيكى وبيتهيألى يعنى انتى مابتكرهنيش.
فدوه انتفضت ووقفت. ايه اللى بتقوله ديه عيب اكده مايصحش بالاذن.
سيف بحده. لما اكون بكلمك ما تسبنيش وتمشى وبعدين انا لا بقول حاجه عيب ولا حرام بقول انا طالب شرع ربنا.. عايز اتجوزك ايه الغلط فى كلامى عايز رايك وبصراحه علشان ردك هيتوقف عليه حجات كتير
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الظلم ظلمات)
