رواية الظلم ظلمات الفصل الخامس 5 بقلم مشيرة محمد
رواية الظلم ظلمات الجزء الخامس
رواية الظلم ظلمات البارت الخامس
رواية الظلم ظلمات الحلقة الخامسة
(فلاش باك)
سيف لفدوه. قعده لوحدك ليه
فدوه باحرج. سلامتك مافيش تؤمر بحاجه
سيف بصلها بحب. ممكن اتكلم معاكى كلمتين.
فدوه. كلمتين ايه خير.
سيف بجديه. بصى يافدوه افتكر انك ملاحظه وحاسه باحساسى ناحيتك وعارفه انى معجب بيكى وبيتهيألى يعنى انتى مابتكرهنيش.
فدوه انتفضت ووقفت. ايه اللى بتقوله ديه عيب اكده مايصحش بالاذن.
سيف بحده. لما اكون بكلمك ما تسبنيش وتمشى وبعدين انا لا بقول حاجه عيب ولا حرام بقول انا طالب شرع ربنا.. عايز اتجوزك ايه الغلط فى كلامى عايز رايك وبصراحه علشان ردك هيتوقف عليه حجات كتير.
فدوة. مافهماش قصدك ايه
سيف. يعنى عايز اعرف لو انتى موافقه على جوازك منى انا سيف وتسيبك فى اى حاجه شاغله دماغك
واى اسباب حاطه حاحز بينى وبينى وقتها ههد الدنيا علشانك وابنك هيبقى ابنى ومستعد اكتبه باسمى.
فدوه. لاه لازمن يتكتب باسم ابوه انى مش عفشه ولا ولدى ولد حرام علشان اكتبه باسم غير اسم ابوه.
سيف اتنهد. موافق وانا اوعدك ان ده يحصل، قولى ايوه بقا قولى.
( باااك)
بقلم_مشيره_محمد
ادهم طمنه. تسجيل الولد ما يفرقش معانا لان بسهوله جدا وبتحليل الـ DNA هنثبت انه ابنه فيتكتب بسهوله ماتقلش، المهم اثبات رسمى بالطلاق،مع ده كمان سهل هنرفع قضية طلاق وهنكسبها اكيد بس هى الفكره فى الوقت مش اكتر
سيف ابتسم. شكرا يا ادهم.
ادهم. على ايه
سيف. لانى بستمد ثقتى فى فدوه منك ومن خالتى حبكم ليها بالطريقه دى وثقتكم فيها بتاكدلى ان اختيارى ليها صح.
ادهم هز دماغه بتفهم وكمل طريقه للبلد.
*فى البلد وفى بيت عمران*
عمران بانفعال. وتطلع مين انت لجل ما تتحدت امعاى فى حكايه زى دى.
ادهم. اتكلم بادب يا جدع انت وافهم كويس انها فعلا طليقتك ومتنساش انى كنت حاضر وانتى بترمى عليها يمين الطلاق .
عمران. ومن سبع اشهور طلقتها جاى ليه دلوكيت ايه اللى جد. بقلم_مشيره_محمد
ادهم بحده. مايخصكش هتطلع دلوقتى معايا تطلقها رسمى انت فاهم والا والله اعملك مسخره قدلم البلد كلها.
سيف. اهدى يا ادهم وبص لعمران. انا هقولك ليه لان ببساطه هتجوزها
عندك مانع؟
عمران بصدمه وكبر. ايووه ايووه والله وشهم يا فندى بدك تستر عليها اياك بس خد بالك لجل الوسخ ما هنضفشى ابدا وانت شكلك ابن ناس وهى عرفت تبلفك زين.
سيف فاجئو ببوكس فى وشه الدم سال فورا من انفه. انت واحد قليل الادب وانا اللى غلطان اللى جيت لسفيه زيك عديم النخوه والرجوله.
ادهم اتلفت حواليه لقى مقص بسرعه اخده وقرب من عمران اللى اترعب وللحظه فكر انه هيقتله وفى لحظه كان ادهم واخد خصله من شعره وبصله بتحدى وقال.
وبكده بقا ي حلو هثبت ان ابن فدوه ابنك وهرفع عليك قضيه سب وقذف واسجنك غير ان انا واللى فى الفيلا شاهدين انك طلقت فدوه
من سبع شهور.
كلمة ابنك هزت عمران فنطق . ولدى
دخلت امينه ببجاحه وقالت. ولد حرام ماهواش ولدك ولا من دمك ياعمران وانت يا افندى انت هو اتفضلوا من غير مطرود وبعدين اللى تقدر تبلف بهوات كيفكم اكده تبجى قادره وواجب علينا نحظركم منيها.
ادهم. صدقى بالله انتى لو ماكنتيش ست كبيره كنت عرفت اربيكى.
عمران. الزم حدك يا افندى واتفضلوا من غير مطرود.
سيف. ان ما خليتك تندم على كل حرف قولته فى حق فدوه هانم مابقاش سيف الحلوجى.
بقلم_مشيره_محمد
* فى اسكندريه*
دولت. مبروك يافدوه وبرغم انى كنت متاكده من النتيجه الا انى برضو فرحانه علشان نعلم الكلب ده الادب.
وانت يا ادهم من بكره تعمل
اجراءتك وتقدم بلاغ فى الحيوان ده انت فاهم.
فدوه. معلهش يا مدام انى ما عوزاش اعمل اكده.
اكرام. بس ده حقك ورد لكرامتك يا فدوه.
فدوه حضنت ابنها. وانى فوضت امرى لربنا قادر يخدلى حقى على حياة عينى بس لجل ابنى انا معملاشى حاجه لابوه بكفياه عقاب ربنا اللى هيشوفه دلوك او بعدين.
سيف وبدون مقدمات فاجئ الكل ونطق باسم فدوه خلى الكل انتبهلو. فدوه تتجوزينى؟
فدوه اتكسفت ولسه هتمشى قال. فدوه استنى.
وقفت فقرب ليها وقال. ممكن تردى عليا قدام الكل انا اهوه بطلبك تانى قدامهم.
فدوة. وانى هقولها تانى انى مش من مقامك.
سيف. كل اللى بتقولى عليه ده انا مش شايفه ولا عايزه انا لو ده هدفى فانا شوفت كتير و لفيت كتير وقادر افهم كويس قلبى عايز ايه.
فدوة. اهو ديه بالظبط اللى اقصده اشمعنى انى، انت شوفت ولفيت الدينا.
سيف. بس كنت بدور عليكى فيهم كنت بدور على النقاء والروح الطيبه والفطره بتاعت ربنا مش الصناعى اللى الكل بيتخبى وراها.
فدوه. وانت ذنبك ايه تاخد واحده خرج بيت عاد.
سيف ضحك. هههههه اعجبت بيكى من اول مره شوفت ، ومش هنكر انى فكرت مره واتنين وعشره بس خلاص انا عايزك انتى اكمل معاكى وهعلمك كل حاجه نقصاكى ما تخافيش انا جنبك وكمل بهزار وبعدين ياستى احنا زى بعض يعنى بصره انا كمان خرج بيت.
بقلم_مشيره_محمد
دولت بهزار لما استشفت موافقة فدوة وكسوفها قالت. وهو انت ينفع تطلبها كدا من نفسها يا استاذ سيف هى مش ليها اهل.
سيف بصلهم وساكت فادهم اتكلم. ايه مش مالين عينك احنا ولا ايه اخوها ادهم بيه عمك يلاه ومامتها دولت هانم ولا انت عندك اعتراض ولا ايه بالظبط فهمنى .
الكل ضحك بس عين فدوة راحت على اكرام اللى كانت ساكته لما سيف قرب منها وقال. ساكته ليه ياماما
عايزه فدوه تقول انك مش موافقه.
اكرام. دى حياتك ياسيف وانت ادرى باللى هتسعدك وتقدر تكمل معاها حياتك.
فدوة بكل جرأه. وانى معتجوزشى راجل امه مارضياش عنى ولا مباركة جوازى منيه، انى معيزاشى غير بركة ربنا ورضاه عنى فى دنيتيى.
سيف بصلها بفرحه واعجاب لان معنى كلامها انها موافقه ومستنيه رضى امه.
ادهم بتعقل. ها ياخالتى قول اللى عندك بكل صراحه انا اتفقت مع سيف بعد ما كلمك امبارح انه يفتح الموضوع فى حضورنا كلنا علشان نوضحلك اى حاجه عايزه تعرفيها عن فدوه، لان جودها الفتره اللى فاتت معانا خلاها كتاب مفتوح قدمنا وعرفناها كويس.
اكرام مش رافضه فدوه بس هى شايفه الفرق بينها وبين ابنها كيير
بس كمان هى شافت ظروف طلاق ابنها ورغم ان طليقته كانت مناسبه ليه بكل المقاييس الا ان الجواز فشل برضو يبقى خليه يمشى ورا قلبه يمكن ربنا يكون شايله الخير و الفرح فى جوازه من فدوه.
اكرام. وانا كمان قدرت اعرفها الفتره اللى عشتها هنا معاكم واهتمامها بكل كبير وصغير وحنيتها على الكل وعرفت اد ايه معدنها اصيل الف مبروك ياسيف ومبروك يافدوه.
بقلم_مشيره_محمد
وتم جواز فدوه وسيف وقرر انه خلال كام شهر خلاص مش هيسافر تانى خصوصا لما اكرام اصرت انها ما تسافرش تانى وخلاص هى اطمنت عليه بوجود مراته معاه.
دولت واكرام اتولوا رعايه معاذ طول فترة شهر العسل اللى ماكنتش شهر اوى بس كانت ايام من الجنه للاتنين خصوصا ان فدوه كانت بتحاول تطور من نفسها علشان تناسب سيف وحتى كلامها اللى بتحاول تغيره بس هو رفض ده وقالها دى احلى حاجه فيكى لهجتك ♡بتخطفنى♡.
*فى البلد*
نوال. واه واه انتى لساتك جاعده ياخاله.
امينه. كيف يعنى اروح وين عاد.
نوال. السوق.. نسيانه السوق ولا ايه هناكل طوب اياك ولا شاطره بس كل شوى تفتحى صوتك علي وتقولى الوكل وينو
امينه. انى ماجدارش اتحرك اعملى اللى يلد عليكى.
نوال. وانى تعبانه اكتر منيكى ومجدراش واحمدى ربك انى بعمل والوكل من اساسه ولولا انى نفسى بتجرف كت سبتهولك تعمليه انتى، و يلا بقا قومى روحى خلصينى ودلوك يا ايمتاً ماعملاش وكل وابقى شوفى ولدك هياكل ايه
وابقى اشتكيلو منى انى كمان كنك متعوده تحطى راسك براس نسوان ولدك وتخربى عليه اصلك تموتى فى الزن وخراب البيوت
امينه. اللى يشوفك وانتى بتقولى مجدراش دى يقول انك حبله بلا خيبه.
نوال بخبث. واه انتى نسيتى ياحماتى ان ولدك ما بيخلفش ولا ايه ابقى شوفيلو حكيم يعالجه قبل لا تتنقورى عليا.
امينه مش قادره تتكلم ليتفضح امرها، كانت مغصوبه خوف على ابنها و خوف من كلام الناس وانه يتقال عليها سبب فى خراب بيت ابنها مره تانيه. لبست الملس بتاعها وطلعت من باب الدار واتفاجئت باللى شدها لمكان متخبى.
بقلم_مشيره_محمد
امينه. ياخراااابى الحجووونى
الشخص. حط ايده على بوقها وقال. اكتمى..اكتمى لقتلك.
امينه بخوف. لاه لاه كتمت اهه.
الشخص. جيتك بالذوق گتير بس الظاهر اكده انك مابتاجيش الا بالعافيه، فين عقد الارض يا وليه انتى.
امينه بخوف. بعد السكينه دى اللاول وبعدين انى قولتلك خد الفلوس اللى رايدها وبلاها الارض.
الشخص. يالارض ياروحك وقبل ما اخد روحك ولدك هيكون راسى عالدور كلاته غورى هاتى عقد الارض ولا اخش اجيبه بنفسى.
امينه.لاه عقد ايه عاد انت قولت قيراط واحد عايز الورق كلاته ليه خلاص صدقنى انى هكتبلك القيراط انهرده ولا اقولك شوف يتسعر ابكام وانى هعطيك الفلوس
الشخص. ديه كان فى اللاول قبل ما تلاوعى وتلفى ودورى بس دلوك خلاص الفدان ونص بقيو حلالى.
امينه برجاء. ابوس يدك لاه طيب انى هكتبلك قراطين وتسيينى فى حالى الارض دى لولدى اللى ماحلتيش غيره.
الشخص. انى جولتها كلمه ومش هرجع فيها ولا انتى بدك احسرك على ابنك واتاويهولك ها قولك ايه دلوك تروحى تجيبى العقد ولا تروحى تجيبى جلبيه سوده تلبسيها فى عزا ولدك.
امينه اترعبت. لاه لاه ولدى لاه هملنى شوى بس هروح اجيبه وارجع طوالى ابوس يدك ولدى اوعاك تأذيه
لقيت نوال واقفه ومربعه اديها على باب الدار وسانده على حرف الباب وهى بتقولها.
متلهوجه على ايه ياحماتى حد بيجرى وراكى ولايه، وفينها التسويقه اللى جبتيها، ولا صح انتى مالحقتيش كنه كان عنديكى معاد مهم.
امينه اتكلمت بلجلجه.
قـ قـ قصدك ايه وواقفه اكده ليه من الاساس وسعى من طريقى مانقصكيش عاد.
نوال فجأه مسكت دراع امينه.
وانتى فاكره انى ههملك تضيعى الارض اكده بالساهل، انى ماخبراش ايه اللى بيناتكم انتى والبغل اللى بره ديه لكن اللى خبراه زين انى مههملكيش تضيعى فلوس جوزى.
امينه برقت بعنيها. واه ابتتصنتى عليا يا ملعونه انتى.
نوال. انى ما اتصنتش انتى اللى مفضوحه ويمكن ربنا عمل اكده لجل ما اقدر احمى مالى ومال جوزى منيكى ومن عمايلك السودا.
امينه بتراجع. طيب هملينى دلوك وانى هبقى اقولك عالموال كلاته من اوله لاخره هملينى.
نوال. لاه مههملكيش تضيعى مال جوزى بعمايلك واسرارك المهببه. بقلم_مشيره_محمد
امينه زعقت. زى مانتى خايفه على جوزك انى كمانى خايفه عليه ديه ولدى و راجلى وسندى فى الدنيا، لو جراله حاجه ولا فِدن الدنيا كلها هتغنينى عنيه.
نوال بتحدى. وهو ايه يخليه يطلب منيكى الارض الا لو كتى موعداه او حداكى شى واعر مخبياه.
امينه. ملكيش صالح انتى دى ارضى وارض ولدى اوعى من جدامى.
نوال بتحدى. هتقوليلى السبب ههملك لكن انى مش هبقى كيف الاطرش فى الزفه اكده.
امينه بغيظ. رايده تعرفى ماشى انى هقولك ووقتها هتعرفى ان انتى السبب فى كل الهم ديه
الشخص. غورى واياكى تعوجى.
بقلم_مشيره_محمد
جريت امينه و الخوف كان مسيطر عليها والرعب مالى قلبها على ابنها بس قبل ماتدخل باب الدار حصل اللى لا يمكن كانت تفكر انه يحصل.
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الظلم ظلمات)
