رواية الظلال المحترقه الفصل الثامن عشر 18 بقلم اسماعيل موسى
رواية الظلال المحترقه البارت الثامن عشر
رواية الظلال المحترقه الجزء الثامن عشر
رواية الظلال المحترقه الحلقة الثامنة عشر
اقترب اردا من بحارة السفينه، بعد أن عرف وجهتهم، طلب منهم ان يسافر معهم
كبير البحاره سأله أين تذكرة العبور +؟
اردا طلع كل الفلوس إلى معاه
كبير البحاره احنا مش بنقبل النقود دى فى مملكة البحور السبعه
احنا بنتعامل بعمله خاصه، وابعد من هنا قبل ما اخلى الحراس يقتلوك
اردا افتكر لما صديقه ادغار اختفى كان دس عمله غريبه فى ايده
بحث اردا عن العمله لحد ما لقيها
طلعها ووراها للقبطان
القبطان يعنى معاك تذكره؟ نادى على بحار، اقترب البحار يحمل لوح خشبى عليه ماده صفراء
القبطان حط العمل على الماده الصفراء وضغط عليها انطبعت الصوره على اللوح الخشبى كانت صورة اميره صغيره، طفله
القبطان رجع العمله تانى لاردا بعد ما اختفى الرسم من علي احد جوانبها
احتفظ بيها، هتحتاجها عشان ترجع مره تانيه
ركب اردا السفينه الضخمه والى ابحرت بسرعه، ابحرت السفينه داخل مياه عميقه هائجه أمواج مثل الجبال تضربها
المسافرين البحاره متمسكين بالحبال وجوانب السفينه عشان ميسقطوش فى البحر
ليالى طويله السفينه ماشيه وسط البحر المظلم من غير وجهه تدفعها الريح وللامواج
ايام كلها رعب، مسافرين كتير غرقو فى البحر الاسود
بعد كده الريح توقفت وحل سكون رهيب فى البحر
البحر الهائج بقى ساكن بطريقه مريبه
القبطان خرج، جمع الناس وحذرهم من الكلام أو ان حد يتفاعل مع اى حاجه تحصل
لاحظ اردا ان البحاره مرعربين جدا وان المسافرين إلى خاضو الرحله اكتر من مره خايفين اوى
اردا قعد على الأرض زى ما اطلب منهم
جنبه كان فيه ست عجوزه جدا سنانها كلها مقلوعه
بصت فى اردا بتركيز جامد، بعد كده خرجت من ققتها عشبه
وحطتها فى ايد اردا
كل دى حالا دلوقتى ومتسألش عن السبب
اردا بلخبطه ليه؟
القبطان بحزم قلت اصمتو إلى هيتكلم هيترمى فى البحر
اردا سكت
العشبه فضلت فى ايده شويه لحد ما أكلها
السفينه بتتحرك ببطيء شديد جدا كأنها مش بتمشى
بعد كده السفينه تعرضت لخبطه قويه جعلت الكل يجفل
القبطان، بتحذير كل واحد يسد ودانه وميتكلمش مهما حصل
الكل سد ودانه
وسمعو صوت غناء طالع من البحر، زى جوقه موسيقيه
غناء جميل طرب
الصوت كان واطى لكنهم سمعوه
بحار برعب بنات اوا حضرو، الستر يارب من عندك
الغناء استمر، وسط السكون واحد من المسافرين ألقى بنفسه من فوق ضهر السفينه
كان بيتحرك كأنه مغيب
وراه وشخص تانى رمى نفسه فى البحر، كل ده والبحاره ساكتين مش بيعملو حاجه
اردا احنا هنسيبهم يغرقو؟ لازم نساعدهم
القبطان اسكت انت عايز تضيعنا كلنا! ؟
اردا بغضب لازم نساعدهم
القبطان والبحاره اسكت انت هتسيب فى موتنا
اردا وقف انا مش هيسبهم يغرقو من غير مساعده
قفز اردا من فوق ضهر السفينه تحت مراقبة عيون المرأه العجوزه
قعد يسبح بقوه ناحية واحد من الناس إلى ألقت بنفسها من فوق ظهر السفينه
قبل ما يوصلو الشخص ده غطس تحت الميه
اردا غاص وراه
فتح عنيه تحت الميه، شاف فتاه لكن نصها سمكه بتاكل الشخص ده والدم طالع من كل حته فيه
اردا اترعب وسبح تانى ناحية السفينه قبل ما يوصل حاجه سحبته لتحت نحو القاع
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الظلال المحترقه)
