رواية الظلال المحترقه الفصل الثالث 3 بقلم اسماعيل موسى
رواية الظلال المحترقه البارت الثالث
رواية الظلال المحترقه الجزء الثالث
رواية الظلال المحترقه الحلقة الثالثة
كبرت تولا وأصبح عمرها سبعة عشر عام وكانت ايقونه فى الجمال، أجمل من أى فتاه أخرى
أجمل من بنات الملك برهام نفسه، كان الجميع يتحدث عنها وكانت الأخريات، بقية الاميرات يشعرن بالغيره منها
كانت تقضى معظم وقتها مع اردا الذى أصبح شاب صنديد وسيم مفتول العضلات ورغم ان تعاليم المبارزه محرمه فى قصر المربيه
الا انها كانت تسير فى عروقه وكان قلبها معلق باردا وكان اردا يعشقها لكنه ابدا لم يعترف لها بحبه
وكان ان قرر الملك ان يقضى الصيف فى ضيعة فلورنسا حيث الجو جميل معتدل يميل للبروده وكان قصرة مجاور لقصر الطيور المهاجره
وانتشر الجنود فى الضيعه وعسكر جزء من الجيش على مشارفها
منع التجوال او خروج احد من قصر المربيه تريشه
بس اردا مكنش بيطيق القعاد فى القصر خاصه بالليل، كان بيخرج للحديقه ويقعد مع نفسه شارد وحيد يراقب القمر والنجوم
ويرسم على سطح السماء الملطخه بالغيمات مكان قصره القديم
بعد أن كبرت واصبحت عروس كانت تولا فى جناح الاميرات كانت بتراقب اردا من شرفتها وسط مضايقات زميلاتها فى الجناح
كانت مرتديه قميص محشور الكمين مسنده ذراعيها على افريز الشرفه
وعينها مثبته على اردا
لما الحركه هديت فكرت تولا انها تخرج تقعد مع اردا شويه
تسللت من جناحها وخرجت للحديقه
انتى جايه تعملى ايه دلوقتى يا تولا؟ مش عارفه ان الخروج ممنوع
جابه اقعد معاك شويه زهقت من القصر، اتخنقت من البنات
بس انتى كده بتكسرى التعليمات، بريشه ممكن تعاقبك؟
بريشه عند الملك مش موجوده وكل الوصيفات نامو
وخدهم حديث لطيف كان فيه اردا بيتحدث عن ذكرياته فى القصر ايام الطفوله الحجات إلى لسه عالقه فى ذهنه
بص اردا لتولا لقي الدموع مغرقه عنيها
انتى بتكبى ليه تولا؟
كان نفسى افتكر والدى ووالدتى زيك لكن انا جبونى هنا طفله رضيعه حتى معرفش شكلهم
سمر اردا عيونه الجميله على وجه تولا الباكى اوعدك انى اخدك بنفسى للقصر بتاعكم وتسلمى عليهم
بجد يا اردا؟
قال اردا بنبره صارمه ايوه بجد
توعدني بكده يا اردا؟
اوعدك يا تولا
مكنش اردا عارف ان الوعد ده هيكلفو كتير جدا، وأن العهود والوعود تحت قمر بدر لا يمكن نقضها او كسرها
وان العهود الحقيقيه تحتاج رجال لبقومو بها
وسط كلامهم تولا قالت انا هدخل انام حاسه انى مخنوقه شويه
اردا مكنش عارف ازاى يخرجها من الحاله دى فتمنى ليها ليله سعيده
قبل ما تولا تدخل القصر استوققها شابين غريبين عن القصر كانو بيتغزلو بيها
انتى عايشه هنا يا حلوه؟
تولا بطيبه ايوه عايشه هنا
لكن انتى جميله اووى المفروض تكونى من ضمن الخدم فى قصرنا
ازاى بريشه مجبتكش القصر عندى؟
رد التاني لا دى هتخدمنى انا مش انت
تولا ببرائه انا مش هخدم حد وقصر ايه الى بتتكلمو عليه؟
أجاب الشاب بفخر قصر الامير سيفر ابن الملك برهام
ودا الأمير مهرات اخويا
تولا بعد ما شعرت بالخطر قالت من فضلكم انا عايز اروح غرفتى؟
غرفتك، قهققه الأمير سيفر، انتى هتقضى الليله معايا انا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الظلال المحترقه)
