رواية الشاطر يوسف والأميره الفصل الثاني 2 بقلم شهد محمد جاد الله
رواية الشاطر يوسف والأميره الجزء الثاني
رواية الشاطر يوسف والأميره البارت الثاني
رواية الشاطر يوسف والأميره الحلقة الثانية
في اليوم التاني بعد الحفلة السخيفه بتاعت امبارح بصحى بفطر وبمارس روتيني اليومي بشكل طبيعي
وبلبس عشان هروح استلم شغلي
في شركة بابا
كنت محتاره ما بين إني البس دريس وهيلز وابقى مجرد بنوته ولا البس اويتفيت مريح
وبختار الاويتفيت المريح بلبس شيميز ابيض على بنطلون بوي فريند تلجي وبعمل شعري ديل حصان والكثير من الصن بلوك وبلبس شوز ابيض رياضي وباخد شنطتي وبمشي
بروح لــ شركة بابا بتعرف على اغلبية اللي هناك وبعرف مكان مكتبي وبفهم تفاصيل الشغل ماشي إزاي رغم إن مكاني مش في الشركة ودي مش الحاجه اللي انا بحبها بس عادي مفيش حد بيطلع الحاجه اللي هو عايزها !
_ها تحبي تستلمي من امتى يا حبيبتي
_ممكن من بكرا يا بابا هاخد النهارده بريك كمان
_براحتك يا جميل
_عربيتك موجوده؟
_اه عايزه تروحي في حته؟
_اه ليا معاد مع دكتور النظام الغذائي بتاعي وانا جايه في أوبر مش بالعربية
_خلاص انزلي تحت وهتلاقي عربيتي بالسواق شوفي حابه تروحي فين وروحي
_اتفقنا يلا يومك سعيد
بقولها وبسيب ليه بوسه في الهوا وبمشي وبشوف احمد اللي شفته في الحفلة إمبارح بيبتسم ليا وبرد ليه الابتسامة
ولما بنزل تحت كنت ناويه إني هقول للشاب اللي بيسوق العربيه يسبهالي بس لما لقيته نفس الشاب اللي كان بيغني إمبارح حاجه جوايا اجبرتني إني اسكت
ابتسمت برقه وانا ببعد خصالات شعري عني وبقول:
_إزيك
_اهلاً بحضرتك
_معلش هتعبك معايا بس عندي معاد مع الدكتور بتاعي وجايه من غير عربيتي وهنروح بـ عربية بابا
_تحت امرك اتفضلي
بيقولها وبيبتسم ليا برد ليه الابتسامة وبركب في العربية بس الكرسي اللي جنبه مش الكرسي اللي ورا
ببعت ليه اللوكيشن وبيبدأ يسوق
كان مركز في سواقته عينه على الطريق
هادي وريحة البرفيوم بتاعته تحفةة
طول الطريق بيكون عباره عن صمت لحد ما بنوصل للعيادة ، بطلع وعشان بكون جايه متأخره عن معادي بستنى كل اللي قبلي يخلصه وبدخل انا اخر واحده
_ها يا دكتور النتيجه إيه؟
_والله يا شهد دي أغرب نتيجه اشوفها في مسيرتي الطبيه
_ليه؟
_الميزان بيقول إنك تخنتي لكن شكلك بيقول إنك خسيتي
_الميزان ده بايظ
_مسمحلكيش ده جاي من بلاد بره
_انا كدا اعمل إيه طيب نظام اكلي هيكون عباره عن إيه
_امشي زي مانتي ماشيه اكل صحي
_مينفعش اكُل اكل مش صحي لحد العصر وبعد العصر اكُل اكل صحي؟
_يا شهد انتي بتفاصلي معايا كُلي اكل صحي عشان صحتك
_وشكولاته وبيتزا ودونتس
_عشان إيه دول؟
_عشان خاطري
_مفيش تهريج في الكلام ده هتسمعي الكلام مفهوم؟
_إن شاء الله يا دكتور روح كُل جاتوه
_افندم؟
_ها أبدآ اتفضل حضرتك اكتبلي نظام الأكل هيكون عباره عن إيه
بيكتب ليا النظام الغذائي وبشكره وبنزل وبلاقي الشاب إياه واقف قدام العربيه مربع إيديه وبيبص للفراغ
_سوري اتأخرت عليك
_أبدآ ولا يهمك الف سلامة على حضرتك
_الله يسلمك بس انا مش تعبانه ده مجرد دكتور نظام غذائي وكدا
_لما اتأخرتي فكرت حضرتك تعبانه يعني وكدا
_بلاش حضرتك دي انت تقولي يا شهد وانا اقولك يا إيه ؟
_يوسف اسمي يوسف
_يبقى خلاص شهد ويوسف
_مينفعش حضرتك
_لأ ينفع ويلا نمشي اتأخرنا
بيبتسم ليا وبيركب العربية
وبركب جنبه وبيبدأ يسوق
_انت من هنا يا يوسف
_كنت من اسكندرية خلصت دراسه ونزلت هنا ادور على شغل
_انت خريج إيه؟
_حقوق
_وبتشتغل شوفير على عربيه !!
_عادي محدش في مصر بيشتغل بشهادته
_على رأيك انا خريجة فنون جميلة بس طبعآ مش محتاجه اقولك هنا قد إيه مش بيهتمه بـ الفن
_طيب متزعليش مني إنتي إيه يخليكي تشتغلي حاجه انتي مبتحبهاش وانتي مش محتاجه الشغل اصلآ ماتشتغلي اللي بتحبيه حتى لو مفيش مكسب المهم إنك بتعملي حاجه انتي بتحبيها
_مانا بعمل اللي بحبه جنب شغلي بس قولي بقى انت لو كنت اشتغلت اللي بتحبه كان هيبقى إيه؟
_كنت هبقى مطرب
_بصراحة اه صوتك جميل اوي
_دي شهادة اعتز بيها حقيقي
_بكلمك بجد اعرف واحده صاحبتي عندها إذاعة تيلفزيون إيه رأيك اكلمها تشتغل معاها يبقى ليك فقرة تغني فيها في برنامجها وتبقى بتعمل اللي بتحبه جنب شغلك بردوا
_مش عارف هفكر فيها واقولك
_جرب انت مش حاسس بموهبتك ولا إيه صوتك تحفة والله
_خلاص هفكر واقولك وعد
_اتفقنا
بيبتسم ليا وبيكمل سواقه لحد ما بنوصل للبيت بسلم عليه وبسيبه وبطلع
وبحس نفسي في حالة روقان كانت غايبه عني من سنين بفرد شعري وبلبس بيجامه بحبها وبشغل اغاني قديمة
وبطلع فرشة الرسم ولوحه وببدأ ارسم
بحب شكل الألوان وريحتها بحب اشخبط حتى لو مش هرسم حاجه مهمه
مكنش ليا رفيق في أيام الغُربه غير الرسم مجرد شوية شخبطه بعبر بيها عن اللي جوايا
الوقت كان مناسب تمامآ للوقوع في الحب مزيكا وجو هادي يمكن حوار الحب والجواز ده مقدس عندي شوية عشان مش عايزه أشارك كل حاجاتي غير مع الشخص المناسب بس تقريبآ تقريبآ يعني العقده هتتفك قريب !
برسم أمير واميره يشبه سندريلا والامير
الأجواء كانت محتاجه كيس كبير في حاجات حلوه وبخصوص الدايت عادي مجتش من يوم !
بلم شعري وبنزل بتسحب على تحت
ووانا على باب البيت بسمع صوته بيقول:
_في حاجه انتي كويسه؟
_ها اه لأ أبدآ يا يوسف بس رايحه السوبر ماركت
_كدا؟
_كدا إزاي يعني
بقولها وانا ببص لنفسي وبلاقيني بالبيجامه بتاعتي اللي عليها رسمه لميكي ماوس
ببص ليه بحرج وبقول:
_عادي مش هنزل من العربية كدا كدا
_طيب خليكي انتي قوليلي عايزه إيه وانا اروح اجبلك
_خلاص نروح سوا
_خلاص اللي انتي عايزاه
ببتسم ليه وبنروح نركب العربيه سوا وبنروح للسوبر ماركت بندخل سوا وهو كان بيساعدني اجيب بديل لكل منتج مقاطعه
خلصنا وخرجنا من السوبر ماركت كان هو ماسك الشنط في إيديه وانا جنبه باكل الشكولاته
زي اب وبنته تمامآ مين يصدق إن ام بيجامة وردي عليها ميكي ماوس دي تبقى سيدة أعمال !
بنرجع للعربيه سوا وبيوصلني للبيت وبشكره وباخد الشنط وبطلع
ووانا على السلم بسمع صوت بابا بيقول:
_انتي لسه عفريته زي مانتي وبتتسحبي في وسط الليل تجيبي حلويات ها
_اخر مره يا بابا
_ولا يهمك يا حبيبة بابا المهم عندي ليكي خبر حلو
_إيه؟
_طارق ابن عمتك راجع من السفر وطلب إيديكي إيه رأيك
_إيه !!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الشاطر يوسف والأميره)
