رواية الساكن الجديد الفصل الثالث 3 بقلم ياسمين الكيلاني
رواية الساكن الجديد الجزء الثالث
رواية الساكن الجديد البارت الثالث
رواية الساكن الجديد الحلقة الثالثة
” بصتله بتركيز ومكنتش فاهمه قصده أو اي اللي بيدور ف دماغه لكنه ابتسم بتسليه ف كانت متوقعه نتيجة الإبتسامة واي اللي ناوي عليه… ”
_انسي لو اخر يوم ف عُمري مش هعمل اللي بتقول عليه….
” قرب ليها واتكلم بعناد وتحدي
: هتعملي يا روح وغصب عنك وإلا….
” اتكلمت مريم باندفاع
: من غير والا خلاص هنروقلك الشقة ونظبطلك الدنيا حاجه تاني…
_لا خلصوا واطلعوا بره ومشوفش خلقتكم تاني ف بيتي…
” اتكلمت روح بغيظ
: وأنت مين يعني عشان….
_ششششش بس يا روح لازم نسمع كلامه احسن يودينا ف داهيه خصوصاً اننا موجودين ف بيته وكل الادلة معاه يعني يا الحبس يا الفضايح يا نسمع الكلام يا حبيبتي….
_لا يمكن انا انضف وامسحله بتاع اي
اللي عايز يعمله يعمله انا مبخفش….
” عدت نص ساعة….
_ااااه يا ضهري مش قادره بجد…
” اتكلمت مريم بتعب
: انا تعبت بجد اي دا الساعة بقت 1 بليل هو مبينمش…!
” خلصت روح اللي ف ايدها ودخلت الاوضة بسرعة واتكلمت بغيظ
: خلاص اظن مبقاش فيه حاجه تاني تتعمل….
” كان قاعد علي اللاب ومش مركز معاها… ”
” خد رشفه من كوباية القهوة وقام وقف قصادها واتكلم بغرور
: لا خلاص كده انا اصلا مصدع وهنام تقدري تاخدي المجانين بتوعك وتطلعي بره….
” مسكته من قميصة واتكلمت بعصبية
: أنت فاكر نفسك اي عشان تتكلم كده!
” شال ايدها بستهزاء واتكلم بكبرياء
: انا مش فاكر نفسي! انا فعلاً كده…
_تمام بس متزعلش علي اللي ممكن يحصل!
” جت تمشي اتكلم بسخرية
: روح….
” بصتله بغيظ ف اتكلم ببرود وابتسامه
: خدي الباب ف ايدك ومتنسيش تاخدي المجانين اللي بره…
” رزعت الباب جامد ومشيت هي وصحابها
_ممكن تفهميني ليه كل العصبية دي! واحد وعملنا معاه مواقف كان ممكن بيهم يسجـ.نا بس هو معملش كده ويدوب نضفنا بس الشقة اي حصل بقا!
_سارة معاها حق يا روح يعني الجدع دا ف حتة شهامة كده….
” اتكلمت روح بغيظ
: شهامة اي يا ام شهامة دا احنا ضهرنا اتكسر كان معاه حق وهو بيقولي خدي المجانين اللي معاكي بره…..
_روح بصراحه كده انتِ عايزه اي!
_عايزاه يطلع من الشقة…
_ليه؟!
_اي يا سارة انتِ اللي بتسألي!
” اتكلمت روح بحزن جواها ودموع
: انتِ ناسية إن دي كانت شقة بابا الله يرحمه! ولولا عمر أنه موصي عم جمال عليا وان لازم تأجرها مكنتش خليت واحد ذي دا يدخلها!!
_طب ما باباكي سابلك شقة ليكي برضو ذي ما ساب شقة ل اخوكي يعني هو حُر يأجرها يبيعها طالما طول الوقت مسافر اهو بيستفيد!
_مهو طول عُمره بيستفيد يا سارة من يوم وفاة بابا وماما وهو مسافر!
” حتي مفكرش يكلمني ويطمن عليا كل اللي همه
روح انتِ اجرتي الشقة ولا لا…
روح ابعتيلي المبلغ الفلاني…
روح مش فاضي دلوقتي هكلمك بعدين… ”
” هي دي حياته وانا مـ.وتي وسـ.مي إن شخص يقعد ف بيت بابا الله يرحمه يبقي من حقي اضايق ولا لا!! ”
_خلاص يا روح متزعليش شوفي انتِ محتاجه اي واحنا نعمله…
_خلاص يا سارة يلا ننام دلوقتي بعدين نفكر….
” عدي اليوم بهدوء وكُنت طول الوقت بفكر ف الذكريات القديمه لحد ما هديت وغفلت بس صحيت بسرعة علي صوت دوشة قريبه من البيت…
” قومت بهدوء واتسحبت وفتحت الباب ف سمعت صوته وهو بيكلم حد معاه ف الشقة.. ”
” استغربت جدا مين ممكن يجي دلوقتي لواحد عازب ذي دا وف الوقت دا…! ”
” حسيت ب الباب بيتفتح ف جريت بسرعة استخبيت لحد ما شوفت واحده خارجه معاه وبتضحك ونزلوا سوي… ”
” نزلت وراهم بسرعة من غير ما حد يشوفني، لقيته بيحضنها بحب وركبها التاكسي ومشيت…”
” مكنتش مصدقة اللي شوفته ازاي ممكن يعمل كده وازاي فكر كدا يجيب ستات البيت وف بيت بابا كمان!!…. ”
” دخلت شقتي ف حيره كبيره واحساس من العجز مخلنيش انام طول الليل… ”
” صحيت الصبح وروحت الكلية وحكيت للبنات علي اللي حصل ”
_معقول يعمل كده! وانا اقول الواد الحلو دا ملهوش love
_بس يا مريم مش وقته هتعملي اي دلوقتي يا روح!!
_مش عارفه افكر ازاي ممكن يعمل حاجه ذي دي!! بس انا مش هسكت….
_ناوية علي اي!!….
ط
ـــــــــــــــــــــــــــــــــــــــــــــــــــــــــــــــــــــــ
” رجعت البيت لقيت الباب مفتوح شويه شكيت يكون جابها تاني ف دخلت بهدوء سمعته بيتكلم معاها ف الفون وبيتفق انها هتجيلوا تاني ف نفس المعاد… ”
” خرجت بسرعه واتصلت بمريم وسارة واتفقت معاهم يقعدوا معايا لحد الليل عشان يصدقوا… ”
_اه لو حصل بجد وجت هتبقي ليله يا نهااااار….
_متقلقيش روح مدبرة كل حاجه حالفه تفضحهم فضيحة سواقين الميكروباظ…
” اتكلمت روح بملل
: شششش اهدوا بقا لحد ما نفهم….
“سمعوا الباب بيخبط وهو فتحلها بهدوء ودخلت معاه… ”
” اندفعت روح واتكلمت بغيظ
: وسعوا بقا كده انا هطلع عين اللي جبته بتاع الستات دا….
” سبتهم روح بسرعة وخبطت جامد علي الباب واتكلمت بعصبية
: افتح يا بتاع شوشو وابتسام افتح…
افتح اللهي ربنا يفتح عليك نار جهنم… افتح يااااا…..
” جي عم جمال علي صوتها وهو فتح الباب باندهاش كبير ف اتكلم جمال بعصبية
: بتعملي اي يا روح اي الدوشه اللي عملها في العمارة دي…!
” اتكلمت روح بتشفي وغرور
: دلوقتي هتشوف يا عم جمال عشان تصدق لما اقولك أنه واحد بتاع نسوان شوف البيه جايب مين شقته ف الوقت دا….
_صحيح الكلام دا يا استاذ تميم…
” كان بصصلها بغموض كبير وساكت ف اتكلم بهدوء
: اتفضل يا عم جمال….
” دخل ودخلت هي وراه ومعاها البنات لحد ما لقوها طلعه من المطبخ ومعاها عصير ف اتكلمت روح بغيظ
: اهي المحروسة شوفت يا عم جمال شوفت!! البيه جايبها تــــــــ…….
” سكتت روح لما شافت طفل صغير طالع وراها وبيحضن تميم وبيقوله
: خالو… خالو هو ف اي…!
” اتصدمت روح من اللي سمعته ف اتكلم تميم بهدوء
: مفيش يا حبيبي دا عمه جمال اللي حكتلك عنه…
” ابتسم الطفل وسلم عليه جمال بحب
: ربنا يحفظه يا بني اذيك يا بنتي…؟
” اتكلمت نسمه بهدوء
: الحمدلله يا عم جمال بصراحه من ساعة ما تميم حكالي عنك وانا نفسي اتعرف عليك هما دول بناتك….
” اتكلمت سارة بخوف وهمس
: منك لله يا روح عجبك كده…
” اتكلمت مريم بنفس الهمس واحراج كبير
: اهي طلعت اخته يا فلحه اشربي….
” قرب تميم منها وهو بصصلها بغموض ف اتكلم بجمود
: امشي اطلعي بره….
” اتكلمت نسمه باندفاع
: اي يا تميم اللي بتقوله دا….!
_نسمه لو سمحت انا فاهم اللي بعمله
الأشكال دي مبتتعملش غير كده…
” قولت اطلعي بررررره…..
” اتخضت من صوته العالي ونزلت دموعها من غير شعور وخرجت بسرعة ومريم وسارة وراها… ”
” اتكلمت نسمه بعتاب وعصبية
: تميم ازاي تعمل كده دي بنت برضو انا هروح اشوفها….
” اتكلم عم جمال بزعل
: انا عارف إن روح زودتها معاك يا أستاذ تميم بس كان لازم تُعذرها…
” اتكلم تميم بستنكار
: اعذرها؟!! انت شوفت بنفسك يا عم جمال بتتعامل معايا ازاي من يوم ما جيت….
_يا بني روح طيبه جدا وطول عمرها عايشه ف حالها ولوحدها بس من يوم ما ابوها وامها اتوفوا وهي حبسة نفسها وبدات تصد كل اللي قدامها عشان محدش يطمع فيها ..!
” والشقة اللي انت فيها دي مش بس شقة اخوها دي كمان بتاعت ابوها الله يرحمه روح قضت نص عمرها فيها ولولا اصرار عمر وضغطه عليها مكنتش خلت حد من بعدهم يدخلها… ”
ــــــــــــــــــــــــــــــــــــــــــــــــــــــــــــــــــــــــــ
_خلاص يا روح مش زعلانه!!
” اتكلمت مريم بحب
: والله يا نسمه انتِ عسل اوي متجوزيني اخوكي…
” ضحكت سارة ونسمه وابتسمت روح علي كلام مريم لحد ما الباب خبط ودخل عم جمال واتكلم بحب
: والله منورانا يست نسمه….
_بنورك يا عم جمال ونور البنات الحلوه دي هستأذن انا بقا…
_خليكي قعده شويه دا انتِ والله سكر..
_معلش يا سارة عشان زمان تميم مستنيني يوصلني ويدوب زياد يلحق ينام عن اذنكم….
” مشيت بهدوء بعدين اتكلم عم جمال بعتاب
: كده يا روح ينفع اللي عملتيه دا دي وصية ابوكي ليكي الله يرحمه…!
” اتكلمت مريم بمشاكسه
: خلاص يا عم جمال روح مكنتش تقصد…
” مسكها جمال من ودانها واتكلم بغيظ
: انتِ سبب المصايب دي انا عارف…
_اااااه يا عم جمال لسه كنت بشكر فيك….
_خلاص يلا لو هترَوحوا الوقت اتأخر….
_ماشي هنمشي مش عايزه حاجه يروح!
” ابتسمت روح بهدوء وسلمت عليهم ومشيوا… ”
” قفلت الباب بهدوء واتنهدت بحزن جواها لما زعق فيها وطردها قدامهم كلهم… ”
” فاقت من شرودها بسرعة وافتكرت بحث للجامعة هتعمله هتسلمه بكره… ”
………………………..
” طلع شقته وكان متردد يكلمها لكنه استوعب ان الوقت متأخر ويمكن تعمله تهمه تانية… ”
” دخل شقته بهدوء وفتح التلفزيون يتسلي شويه لكنه كان شارد فيها خصوصاً بعد ما عيطت قدامه… ”
” قفل التلفزيون ودخل خد دوش عشان يعرف ينام.. ”
…………………………
” خلصت البحث بتاعها لقت الساعة بقت 3 ونص… ”
_ياااااه انا كده مش هعرف اصحي بكره و…..
” سمعت صوت كركبه جايه من بره افتكرت انها بتتوهم من كتر السهر… ”
” شالت حاجتها وطلعت عشان تشرب لقت اللي بيكتفها وبيكتم نفسها عشان متتكلمش… ”
………………………..
” طلع من الحمام وبص للساعة لقاها قربت علي 4..”
” قفل الأنوار والشبابيك وافتكر شباك الاوضة ودخل عشان يقفله لكنه لمح نور من بعيد ف شقتها… ”
_اي مخليها سهرانه لحد دلوقتي!
” استغرب وجي يقفل الشباك سمع صوت خبط جامد لحاجة بتتكسر…
………………………………
_انتِ مش هتجبيها لبر باين عليكي…
” وقعت علي الارض وهي متكتفه والازاز حواليها وصوتها مكتوم حاولت تفك نفسها معرفتش ف قرب منها ومسك شعرها جامد ورفع السلا.ح قصادها
: انا مش قولتلك مش عايز حركه عشان متتأذيش….!
” ابتسم بتسلية لما لقاها خايفه واتكلم بسخرية
: بس مش غريبة بنت ذيك وقعده لوحدها ف شقة ذي دي!
” لامس علي شعرها فضـ.ربته براسها جامد وبعدت عنه بسرعة… ”
” ضـ.ربت الباب جامد برجليها علي امل حد يسمعها ف قام ومسكها جامد ورفع السلا.ح قصادها من تاني… ”
” وكان علي وشك أنه يضـ.ربها لحد ما لقي اللي بيمسك السلا.ح منه وبيضـ.ربة جامد بي ف وقع بتعب… ”
” اتكلم تميم بقلق وهو بيشيل اللزق من علي بوقها
: روح انتِ كويسه….
” شاورتله بسرعة لحد ما لقته بيقرب منه ف اتكلمت برهبه وخوف
: تميم حااااااسب…
ـــــــــــــــــــــــــــــــــــــــــــــــــــــــــــــ
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية الساكن الجديد)
