روايات

رواية الساحرة الفصل الأول 1 بقلم ميرفت السيد

رواية الساحرة الفصل الأول 1 بقلم ميرفت السيد

رواية الساحرة الجزء الأول

رواية الساحرة البارت الأول

رواية الساحرة الحلقة الأولى

نمت على الشازلونج وبدأت أحكي قصتي للطبيب النفسي:
مشكلتي يادكتور ان اي حد بيضايقني بيحصله حاجة وحشة
الدكتور عدل نضارته:ازاي يعني احكيلي ياسحر
يادكتور اسمي سحر بكسر السين يعني ماچيك
ابتسم : انا اسف كملي
يعني كل الي فكراه البداية من طفولتي وانا في المدرسة كان شعري طويل وماما كانت تسرحه ضفرتين كان في بنت اسمها رانيا كل ماتشوفني تشد شعري وتضحك الفصل كله عليا وانا بسكت ومبتكلمش
قعدت في يوم وقلت لنفسي بعقلية طفلة انا باكرهها ونفسي تبقي قرعة ويضحكوا عليكي

 

 

تاتي يوم جت لابسة ايشارب وقاعدة تعيط انا استغربت ومعرفش اتجرأت ازاي وشدتها من الايشارب لقيتها قرعة 😳 الكل ضحكوا عليها وهي عيطت وبطلت تيجي المدرسة وتقريبا اتنقلت معرفتش عنها حاجة ولاشوفتها تاني 🤔
الدكتور: مش يمكن صدفة
ازاي بس دة في مواقف كتير لاتعد انا مرة حبيت اختبر نفسي غمضت عنيا ووقفت بالبلكونة واتمنيت ان يحصل حريقة بس محدش يتأذي فتحت عنيا محصلش حاجة فرحت ولسة هادخل كاوتش مرمي في الشارع ولع والناس طفوه والكل كان مستغرب
الدكتور: مايمكن كل دة بعقلك بس
ازاي
:العقل البشري قوي بس نتيجة لخلل ما اوخيال واسع يقدر يوهمك باشياء حدثت وهي لم تحدث والصدف ساعات بتساعد على اكتمال الصورة
قصدك اني مجنونة وباتخيل
: لا طبعا
انا زهقت محدش بيصدقني لازم اثبتلك بدليل
: وانا موافق ياريت
غمضت عنيا واتمنيت انه ينزف من انفه وكنت متغاظة انه مش مصدقني
ويادوب فنحت عنيا لقيت القميص الابيض الي كان لابسه كله دم
قام واتخض ووقف النزيف بالقطن
قولتله صدقتني 🤔

 

 

بصلي بخوف وقالي اشوفك كمان اسبوع
ضحكت لأنه خايف يعترف
خرجت واتجهت لعربيتي وقعدت جواها بأفكر
ياترى انا فعلا باتخيل
انا سحر بكسر السين بابا مات وانا صغيرة ليا أخ واحد ولد مالك ٣٥ سنة محاسب في بنك ومتجوز وعنده بنوتة
واخت اكبر مني روضة خريجة اداب عندها ٣٠ متجوزة ابن خالي وعندها ولد وبنت
وانا الصغيرة ٢٥ سنة خريجة اثار وعندي شركة سفريات صغيرة كدة
ماما موظفةكبيرة في إحدى البنوك هي الي ربتنا لوحدها رفضت تتجوز بعد بابا الله يرحمه كان سايبلنا فلوس وشقق
حالتنا المادية كويسة الحمد لله
كل مشكلتي في الحياة اتمنى لحد حاجة وحشة تحصل واقدر احس ان في حاجة وحشة هاتحصل واحلامي بتتحقق
قد تبدو للبعض أمنية ولكن هي لعنة 😒
روحت شركتي ولسة داخلة قابلت مها ودي كانت زميلتي طول عمرها غيورة وحقودة وتبقى كمان منافستي بالسوق
وفاتحة شركة بنفس العمارة الي انا فاتحة فيها
اول ماشافتني اتجاهلتها
قالتلي : مش تباركيلي
علي ايه يازفتة 😒
: ماشي الله يسامحك 😁 مزاجي حلو ومش هاارد عليكي انا اتخطبت
طيب مبروك
لسة هامشي نادت عليا وقفت بدون ماالتفت ليها
: مش عاوزة تعرفي العريس يبقى مين
لأ مايهمنيش
ردت بشماتة: يبقى كريم

 

 

😳😳😳😳😳 اتماسكت وبدون ماالتفت ليها قلت: مبروك
ومشيت بسرعة قلبي وجعني كريم 🥺 صديق عمري وحب عمري كمان كان زميلنا وطول عمره اقرب انسان ليا بيشتغل بالسياحة وحاليا بيشتغل معايا بالعمولة دة كان لسة معايا اول امبارح ماقالش حاجة بس كان متغير وامبارح كان إجازة 💔
اينعم عمرنا مافاتحنا بعض كنت مستنياه يبدأ اكيد هي لفت عليه بطرقها الملتوية
ماشي اما وريتك يامها في ثواني كنت باغمض عنيا واتمنيت……
🤔🤔
🙂😈

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية الساحرة)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى