رواية الزوجه الثانيه الفصل الرابع عشر 14 بقلم مجهول
رواية الزوجه الثانيه الجزء الرابع عشر
رواية الزوجه الثانيه البارت الرابع عشر
رواية الزوجه الثانيه الحلقة الرابعة عشر
دخلت الأوضه، أول حاجه عملتها أني مسكت التليفون، رنيت عليه بس مردش، فضلت أرن كتير أوي، للحظه خوفت من عدم رده، خوفت ليبعد من تاني، بعت له مسدچ
– هتبعد تاني يا تميم!!
لقيتهُ رن، رديت علي طول وقال:
– لاء مش هبعد، بس مش عارف أقولك أيه
– متقولش أنا عرفت خلاص
– قالك!!
– آه
– طب والعمل
– مش عارفه، بس اللي مُتأكده منهُ أني مش هيأس، ومش همل
– هند، مش عايزك تعندي مع أهلك، مهما كان دول أهلك وهيخافوا عليكي، ومن حقهُم يخافوا
– وهو أيه اللي حصل عشان يخافوا، أيه الرُعب في الموضوع
سكت وقولت:
– تميم هو أنتَ بتفكر في أيه
– مش عارف، أبوكي قالي جُمله خلاني مش عارف أعمل أي حاجه
– جُملة أيه؟؟
– قالي لو بتحبها أبعد وسيبها تشوف حياتها
بخضه قولت:
– وأنتَ هتبعد يا تميم، تميم أنتَ وعدتني
– مهو اللي مخليني مش قادر أتحرك أن كلام أبوكي في ناحيه ووعدي ليكي في الناحيه التانيه
– سيبني أنا طيب أتصرف
– هتتصرفي أزاي
– هتكلم معاه
قفلت معاه لما سمعت صوت بابا برا، طلعت لقيتهُ قاعد في البلكونه
حمحمت وقولت:
– أنتَ لسه صاحي يا بابا
بص لي ورجع يبُص علي الشارع وقال:
– طول عُمري مستني اليوم اللي تبقي عروسه فيه، أوصلك لجوزك بأيدي وأنا مطمن عليكي، حتي دي كمان عايزه تحرميني
– أحرمك من أيه بس يا بابا ما أنا هبقا عروسه
بص لي وقال:
– بس مش دي الجوازه اللي بتمنهالك
اتنهدت وقولت:
– ولو قولتلك يا بابا أني هبقا مبسوطه لما أنا وتميم نتجوز
اتعصب وخبط أيديه في سور البلكونه ودخل الأوضه من غير ولا كلمه، دخلت الأوضه وأنا حاسه أني مخنوقه أوي، قررت أنام، يمكن دماغي تهدا من التفكير المُميت، صحيت علي صوت ماما وهي مستعجله
– هند يا هند
فتحت عيني بنعاس وعقدت حواجبي وقولت:
– أيه يا ماما أيه
– قومي بسُرعه البسي
– ليه، أنا عايزه أنام
– والله ماشي نامي براحتك، وأنا هقول لتميم أن هند نايمه ومش هتقدر تقوم
قالت الجُمله دي وقفلت الباب، حطيت المخده علي دماغي وقومت مفزوعه وقولت:
– أيه!!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الزوجه الثانية)
