رواية الزواج الحزين الفصل الأول 1 بقلم رحاب القاضي
رواية الزواج الحزين الجزء الأول
رواية الزواج الحزين البارت الأول
رواية الزواج الحزين الحلقة الأولى
ـــــــــــــــــــــــــــــ
زعق الاب _
اي الكلام اللي قاله جوزك ده ي بت؟..
ليلي _
كلام اي ي بابا انا مش فاهمه انت بتتكلم عن اي؟..
الاب _
جوزك بيقول انك مش بنت..
بكت ليلي _
كدب والله هو مقربش مني اصلا..
مسكها الاب من شعرها وزعق فيها _
اومال هو عرف منين هيتبلي ع مراته ي قليلة الربايه…
ــــــــــــــــــــــــــــــــــــــــ
_قبل مقولكم حكايتي اعرفكم بنفسي انا ليلي عندي 18 سنه عمري متمنيت لحد حاجه وحشه، بس مفيش حد فحياتي بيتمنالي خير..
_في يوم كنت قاعده فاوضتي بذاكر ودخلت ماما عليا وقالتلي..
الام _
قومي ي ليلي اغسلي وشك والبسي حاجه حلوه متقدملك عريس..
اتدايقت ورديت عليها ـ
عريس اي بس ي ماما انا لسه فالثانويه..
زعقت ماما فيا _
انتي هتطلعي ولا اروح اندهلك ابوكي يتصرف معاكي..
خوفت وقومت بسرعه وانا بقولها _
حاضر قايمه اهو بس بلاش تقولي ل بابا..
_غيرت هدومي ولبست ديرس هادي وحطيت حجابي وطلعت سلمت عليهم..
الاب _
منورينا والله ي جماعه..
ام العريس _
بنورك ي حج صالح وبنور عروستنا اللي زي القمر..
_رفعت عيني فالوقت ده وبصيت للعريس بفضول، بصراحه كان شكله مش حلو بس قولت يلا مش مهم الشكل المهم اخلاقه…
قالت ماما _
طيب متيجو ي جماعه نقعد فالبلكونه بتاعتنا ونسيب ليلي وعماد يتعرفو..
ام العريس _
معاكي حق والله ي ام ليلي يلا بينا..
_مشيو وسابونا لوحدنا لقيته قام وقعد قريب مني شويه..
وقالي _
انتي عندك كام سنه؟..
رديت عليه وانا مكسوفه _
عندي 18 سنه..
عماد _
كويس، المهم انتي مش هينفعي تكملي تعليمك عشان البيت ولازم تساعدي امي انا اتفقت مع ابوكي ع كده..
_مردتش عليه بس ادايقت اووي، انا اهم حاجه عندي اني اكمل تعليمي وادخل الجامعه..
_بعد ما مشيو ندالي بابا عشان يسألني عن رأيي..
صابر _
هاا ي ليلي اي رئيك فـ عماد وامه؟..
اتوترت شويه بس رديت عليه _
الرأي رئيك ي بابا، بس انا عايزه اكمل تعليمي..
قام وزعق فيا _
نعم يختي انا معنديش بنات تكمل لكليات وتتصرمح، وبعدين عماد مرتاح ده عنده سوبر ماركت تحت بيتهم والعماره كلها بتاعته هو واهله هلاقيك حد مرتاح زي كده فين؟..
الام _
معاك حق ي خويا، بلاش دلع ي بت ي ليلي واسمعي الكلام..
_مقدرتش ارد عليهم ودخلت اوضتي وانا ببكي واني خلاص مش هحقق حلمي ومش هدخل الكليه مع صحابي..
_بعد كام يوم كنت قاعده بذاكر عشان امتحاناتي قربت، ولقيت ماما داخله وهي لابسه هدوم الخروج…
الام _
انتي لسه ملبستيش ي بت انتي؟..
رديت عليها وانا مش فاهمه حاجه _
البس لي، احنا رايحين فين ي ماما؟..
الام _
يخربيت المذاكره اللي مش هناخد منها حاجه ولحست دماغك ع الفاضي، ي بت مانا قولتلك عماد وامه عازمينا ع الغدا النهارده..
ليلي _
ي ماما ارجوكي انا عندي امتحان صعب كمان يومين كلميهم واجليها عشان اذاكر كويس..
زعقت فيا ماما _
وبعد متطلعي الاولي هيحصل اي، مانتي كده كده مش هتكملي وهتتجوزي فمنهاش فايده المذاكره يلا قومي البسي…
_مسحت دموعي وقومت لبست وروحت مع ماما المطعم اللي عزمنا فيه عماد ومامته..
ام عماد _
مالك ي ليلي قالبه خلقتك كده لي؟..
قبل متكلم ردت عليها ماما _
لا ابدا ي حبيبتي هي بس مشغوله فالمذاكره اكمنها ع طول بتحب تطلع الاولي..
عماد _
كويس انك شاطره عشان تعرفي تذاكري لعيالنا..
_سكت ومردتش عليهم بس كان نفسي اقولهم ان طموحي ادخل جامعه واشتغل واذاكر لعيالي برضو مش اذاكر لعيالي بس..
_بعد شويه كانت ماما ببتكلم مع ام عماد وهو كان عمال يقلب فتليفونه بس خدت بالي ان مفيش بنت عدت الا وانه بيبصلها وبصراحه دي حاجه دايقتني انا لحد دلوقتي ملقتش فيه ميزه واحده..
_ولما جينا نروح جه معانا عماد و وصلنا بتاكسي انا وماما، وانا كنت مدايقه حتي مسلمتش عليه وطلعت بيتنا ع طول..
جات ماما ورايا وزعقت فيا _
ازاي ي بت انتي متسلميش ع خطيبك قبل متطلعي وتشكريه انه وصلنا..
اتعصبت ورديت عليها ـ
مش انتي شكرتيه وسلمتي عليه خلاص ي ماما..
ادايقت ماما من ردي عليها وقالتلي _
ااه ي قليلة الادب بتردي عليا كده، بس لما يجي ابوكي انا هخليه يتصرف معاكي..
خوفت وعنيا دمعت وقولتلها _
انا اسفه ي ماما، بس انا شوفت عماد وهو بيبص للبنات واحنا فالمطعم بطريقه مش كويسه، انا مش عايزه اكمل معاه ي ماما..
ردت عليا بكل برود وقالتلي _
وفيها اي ده شاب اعذب، لما هيتجوز هيبطل الحاجات دي بس خليكي شاطره واملي عينه..
اتعصبت وقولتلها _
لا ملهاش دعوه هو لو محترم مش هيعمل كده، انما هو مش محترم حتي انا بيبصلي بطريقه مش كويسه انا مش مرتحالو…
زعقت فيا ـ
يعني انتي عايزه اي ي ليلي؟..
رديت عليها ـ
مش عايزه اتجوز عماد..
_ فالوقت ده دخل بابا ومن غير ميفهم الموضوع جه وزعق فيا..
الاب _
انتي اتجننتي ي بت انتي، عايزه الناس تقول عليكي مفسوخه خطوبتك وتبوري، وبعدين ماله عماد كويس وجالك حد مرتاح زيه، اياكي اسمع منك الكلام ده تاني غوري من وشي..
_خوفت ارد عليه ودخلت اوضتي وانا ببكي ع نفسي بجد صعبت عليا من كل اللي بيحصل ده..
_وبعد كده بقي عماد. يكلمني كل فتره فالموبيل بس كنت بقفل معاه بحجة المذاكره وخصلت امتحانات والنتيجه ظهرت وزي كل سنه طلعت الاولي ع الثانويه..
روحت لبابا وانا فرحانه وعندي امل بعد ميعرف اني طلعت الاولي يخليني اكمل تعليمي وادخل الجامعه..
ليلي _
بابا انا اسمي طلع فالتلفزيون انا الاولي ع المحافظه..
رد عليا من غير ميبصلي حتي _
طيب كويس، روحي اعمليلي كوباية شاي..
حسيت ان حماسي اختفي توقعته يفرحلي بس للاسف ده محصلش..
بس برضو كان عندي امل انه يوافق وقولتله _
عارف ي بابا انا لو قدمت ع كلية الطب هتقبل فيها و..
قام وقف وزعق فيا _
اي تقدمي ع اي، هو انا حمل مصاريف كلية الطب وبعدين خطيبك متفق معايا انك مش هتكملي تعليم..
بكيت وقولتله _
بس انا مش عايزه اتجوز انا عايزه اكمل تعليمي..
محستش باي حاجه غير بايد بابا اللي نزلت ع وشي وصوته وهو بيزعق فيا بصوت عالي..
الاب _
اياكي اسمع سيرة التعليم تاني، واجهزي عشان فرحك الخميس الجاي..
_دخلت اوضتي ومسكت الشهاده بتاعتي وفضلت ابكي وبعدين استسلمت لقرارات اهلي..
ــــــــــــــــــــــــــــــــــــــــ
_جه يوم الخميس اللي هو يوم فرحي وكان اليوم ده اوحش يوم فحياتي، اول مدخلت معاه شقتنا كان هادي وبيكلمني بالراحه..
عماد ـ
انا عارف انك متوتره ومكسوفه تقدري تدخلي تغيري هدومك وانا هاجي وراكي..
رديت عليه وانا فعلا مكسوفه جدا _
حاضر..
_دخلت وغيرت الفستان ولبست الروب اللي حطهولي ماما ع السرير، وبعد شويه هو دخل وقرب مني، وبعد كام دقيقه قام وقف وزعق فيا..
عماد _
انتي متخلفه مبتفهميش..
انا فعلا مكنتش فاهمه حاجه وسألته وعنيا اتملت دموع _
لي بس انا عملت اي؟..
رد عليا بعصبيه _
انتي كمان بتسالي، اوعي تكوني فاكره نفسك عروسه بجد، بس يجي ابوكي بكره وانا ليا كلام تاني معاه..
_ساب الاوضه وخرج وانا مكنتش فاهمه هو عمل كده لي، ده اصلا محصلتش بينا حاجه بس خلاص انا فهمت هو متعصب عشان مقدرش يقرب مني انا مش هضغط عليه وهسيبه براحته وابقي الصبح اتكلم معاه عشان ميزعلش..
_وصحيت الصبح ع صوت ماما وهي داخله عليا الاوضه..
الام _
الف مبروك ي حبيبتي عقبال مشيل عيالك..
ليلي _
الله يبارك فيكي ي ماما، هو بابا جه معاكي؟..
الام _
ايوه وقاعد بره مع جوزك..
خوفت لـ عماد يقوله حاجه او يجيب العيب فيا وبابا عصبي وممكن يصدقه، وفعلا اللي خايفه منه حصل دخل بابا الاوضه وهو متعصب اووي..
الام _
مالك ي صابر في اي؟..
بصلي ورد ع ماما بعصبيه _
اسألي بنتك اللي فضحتنا..
الام _
عملتي اي انطقي ي بت؟..
ليلي _
والله مش فاهمه انتو بتتكلمو عن اي؟..
زعق الاب _
اي الكلام اللي قاله جوزك ده ي بت؟..
ليلي _
كلام اي ي بابا انا مش فاهمه انت بتتكلم عن اي؟..
الاب _
جوزك بيقول انك مش بنت..
بكت ليلي _
كدب والله، هو مقربش مني اصلا..
مسكها الاب من شعرها وزعق فيها _
اومال هو عرف منين هيتبلي ع مراته ي قليلة الربايه…
بكيت وقولت لبابا _
والله بيكدب عليك هو اصلا مقربش مني..
سابني وانا استخبيت فماما وانا خايفه جدا..
الاب _
يعني مقربش منك اومال قال كده لي؟..
ردت عليه ماما _
باينه ي حج الواد بيجيب خيبته فبنتنا، اياك تسكتله بنتي اشرف من الشرف..
_سابنا بابا وطلع تاني وبعد شويه سمعت صوته بيزعق مع عماد، فطلعنا انا وماما نشوف في اي..
الاب بعصبيه _
اياك تقول كده تاني ع بنتي انت فاهم..
اتوتر عماد _
انا غلطان يعني عشان بقولك الحقيقه..
زعق فيه بابا _
هو انت فاكرني عيل صغير، انا لو بنتي زي مانت بتقول انت واهلك كنتو خربتو الدنيا، بس متجيبش خيبتك علينا ي عريس..
_قاله بابا الكلمتين دول واخد ماما ومشيو، وجه عماد..
وزعق فيا _
انتي ازاي تقولي لابوكي كده؟..
اتغظت ورديت عليه _
انت كنت مستني مني اقوله اي بعد مكنت عايز تشكك فشرفي..
_الباب خبط وراح فتح لقي مامته ومرات اخوه اللي دخلو بسرعه..
بصتلي حماتي بقرف وقالت _
في اي ي عماد ماله ابو البت دي كان بيزعق لي؟..
رد عماد ع امه بعصبيه _
الهانم مرضيتش تخليني اقرب منها ولما اشتكيت لابوها غلطني انا…
اتصدمت من كدبه حتي ع مامته بيكدب، وقربت مني حماتي وزعقت فيا..
ام عماد_
ي بجحتك انتي وابوكي، ومالك ي ختي مش راضيه تخلي جوزك يقرب منك لي؟..
بكيت وقولتلها _
محصلش والله…
قالت سلفتي المره دي ـ
هو اي اللي محصلش، هو في عريس هيتبلي ع عروسته بحاجه زي دي…
رد هو ع مرات اخوه _
قوليلها ي مروه، اكيد في حاجه خايفه منها عشان كده رفضاني..
زعقت فيه امه _
اسمع ي واد ي عماد ده حقك وتاخده وقت متحب ولو اعترضت ناديلي وانا اربيها ليك من اول وجديد..
_مشيت حماتي وسلفتي، وانا دخلت اوضتي وفضلت ابكي وانا مش عارفه اعمل اي، لو روحت لاهلي الناس هتغالطني انا وهيصدقو كلامهم، فاستحملت وسكت..
ــــــــــــــــــــــــــــــــــــــــ
_جه الليل كنت نايمه وبعدين دخل عماد وقفل النور وقرب مني، وبعد شويه قام وزعق فيا..
عماد _
العيب فيكي انتي، انتي مش ست زي باقي الستات..
حاولت اخليه يهدي ورديت عليه _
طيب ممكن تهدي ومتستعجلش لسه قدامنا وقت كبير..
زعق فيا _
انتي كمان هتقوليلي اعمل اي ومعملش اي، انا راجل غصب عنك العيب فيكي..
اتعصبت ورديت عليه _
لا انا مفيش عيوب ع فكره، ومش بقول ان فيك عيوب انت كمان، بس بلاش تمكس فيا كده..
_خلصت كلامي ولقيته قرب مني وعنيه بتطق شرار ومد ايده عليا جامد لدرجة اني حسيت ان هيغمي عليا، وسابني وطلع قعد بره وانا فضلت ابكي من الالم اللي حسيت بيه فجسمي ووشي..
ــــــــــــــــــــــــــــــــــــــــ
_عدت اول ايام جوازي مع عماد وكان كل يوم يجي يزعق فيا ويتلكك ع اتفه الاسباب عشان يمد ايده ..
_صحيت الصبح وانا قايمه بالعافيه من التعب اللي فجسمي، لقيته فوشي طالع من المطبخ فاتخضيت منه..
عماد _
في اي شوفتي عفريت؟..
رديت عليه وانا خايفه منه _
لا والله مقصدش انت بس طلعت فوشي فجأه..
عماد _
طيب اتنيلي انزلي عند امي تحت عايزاكي..
ليلي _
خير هي عيزاني فاي؟..
زعق فيا _
انتي هترغي معايا متنزلي تشوفيها اي القرف ده..
_دخلت اوضتي وغيرت هدومي لهدوم شكلها حلو مانا برضو لسه عروسه جديده وحطيت حجابي ونزلت تحت عند حماتي..
_فتحتلي الباب سلفتي ودخلت حتي من غير متقولي ولا كلمه..
دخلت وقعدت جنب حماتي وقولتلها _
ازيك ي حماتي عامله اي؟..
ردت عليا بعصبيه _
زي الزفت يختي من يوم مشوفتك..
عنيا دمعت وسألتها _
لي كده. بس انا عملت اي؟..
_قبل مترد عليا لقيت عماد داخل ومعاه بابا وماما وست شكلها غريب…
سالتهم وانا خايفه _
هو في اي بالظبط..
ردت عليا حماتي _
ام سيد هتكشف عليكي هنشوف انتي بنت ولا لا؟..
اتعصبت وقولتلهم _
من غير متجبيها تشوف، عندك ابنك اهو اساليه..
زعق فيا عماد _
انا تعبت منك انتي بتقولي اني مقربتش منك، ام سيد هتكشف عليكي وهتقولهم انك مش بنت وهيبان اني دخلت عليكي وعرفت حقيقتك وانتي بتداري ع عملتك بانك بتقولي مقربتش منك..
_اتصدمت من كلامه ودموعي نزلت وبصيت لبابا وماما لقيتهم ساكتين ومحدش فيهم دافع عني حتي بكلمه..
وقفت وقولتلهم ودموعي مغرقه وشي _
وانا موافقه عشان مفيش حاجه اخاف منها..
_وبعدين دخلت مع ام السيد اللي فعلا كشفت عليا وخرجت بسرعه، وانا ظبطت هدومي وروحت وراها، بس اتصدمت لما لقيتها قالتلهم..
ام السيد _
العروسه مش بنت ي استاذ عماد..
_فتتوقعو اي اللي هيحصل لـ ليلي؟
ــــــــــــــــــــــــــــــــــــــــ
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الزواج الحزين)
