رواية الروح المنكسرة الفصل السابع والعشرون 27 بقلم لولو وائل
رواية الروح المنكسرة الجزء السابع والعشرون
رواية الروح المنكسرة البارت السابع والعشرون
رواية الروح المنكسرة الحلقة السابعة والعشرون
رانيا بصدمه:وصيت ابوك
فؤاد:اه وصيت ابويا هو السبب فى التدبيسه دى كتب فى وصيته انى مش هاخد اى حاجه من فلوس الا لما اتجوزك
رانيا بحزن:أنت متجوزنى علشان الفلوس طب واى لزمتى دلوقتى بقى ماانت ورثت وهيبقى عندك ابن يبقى طلقنى وريحنى
فؤاد:كده كده هطلقك متقلقيش بس بعد ولادة مريم
رانيا:وانا مالى بيها
فؤاد:ماانتى الى هتخدميها ولو مريم اشتكت منك هتزعلى جامد
رانيا بألم:هو انا عملتلك اى لكل ده ذنبى اى
فؤاد:ذنبك انك مراتى ذنبك انا ابويا اجبرني عليكى وانا كنت بحب واحده تانيه
رانيا:طلقنى ارجوك
فؤاد بزعيق:مسمعش سيرة الطلاق تانى غورى اطلعى فوق غوررى بدل ما اعمل حاجه تزعلك اوى
وصعدت رانيا وذهبت الى غرفتها وظلت تبكى بشده
•••••••••••••••
فى صباح يوم جديده
ايمان:اى مالك مش هتروحى
روح:قلبى مش مطمن
ايمان:خير خير متخافيش
وذهبو الفتاتان الى القسم القديم
سيرين:اهلا اهلا روح هانم
روح:كنتو عايزين اى وبسرعه علشان ورايا شغل
اكرم:تعالو ندخل وهتعرفى كل حاجه
سيرين:تعرفى يابت لو طلعتى عامله حاجه هموتك بإيدى واخلص منك لانك اكبر غلطه انا ندمانه عليها
ودخلو الى القسم
اكرم:ممكن اقابل ياسر بيه
العسكرى:اتفضل
اكرم:السلام عليك
ياسر:اتفضل
اكرم:فى ناس معايا بره برضو
ياسر:دخلهم يابنى
وعندما دخلت روح صدمت عندما رأته وهو الاخر صدم من رؤيتها
ياسر:ازيك يا روح
روح:الحمدلله وحضرتك اخبارك اى
ياسر:الحمدلله فى مصيبه تانيه ولا اى
اكرم:لا مش مصيبه ولا حاجه انا عايز افتح القضيه القديمه بتاعت روح
روح:نعم اى مكفكش السنين الى عشتها وعايز تحبسنى تانى
ايمان:اهدى يا روح اكيد فى حاجه تانيه
اكرم:مش هعملك حاجه متخافيش
ياسر:أنت عايز ارجع افتح القضيه ليه تانى
اكرم:عايز اعترف بحاجه عارف انها جت متأخر بس هرتاح من ضميرى الى مش سايبنى فى حالى
ياسر:هتعترف بأى
اكرم:روح كان عندها حق انا الى حاولت أقرب منها هى ملهاش ذنب فى حاجه انا كنت شارب ومش فايق لنفسى ولقيت نفسى بقرب منها وهى الى حاولت تدافع عن نفسها بس انا مسكتها وحاولت أقرب منها لحد ما سيرين جت وحاولت امثل قدامها ان روح ضربتنى قصد علشان اسجنها علشان مسبتنيش اعمل الى انا عايزه وكنت فاكر ان الموضوع خلص بس ربنا خدلهت حقها وجالى المرض الوحش وضميرى فضل يأنبنى كل السنين الى فاتت مكنتش مرتاح خالص ولا عارف افرح ولا اعمل اى حاجه علشان كده قررت ارجع مصر واعترف بكل حاجه عارف انه متأخر بس يمكن ارتاح
قال أكرم كل هذه تحت صدمت الجميع وأولهم سيرين
روح ببكاء:ياااه لسه فاكر تعترف بعد اى ما اخدت عقوبته كلها واضربت واتهنت وحياتى كلها كانت فى المستشفيات فاكر تتكلم دلوقتى بعد اااااااى هااااااا بعد ااااااى بعد ما اتوجعت واتكسرت واضربت واتعذبت طول السنين الى فاتت خليت طفله صغيره بدل ما تعيش طفولتها تتعلم وتلعب مع صحبها وتفرح خليتها تتحبس وتتهان وتضرب كل يوم وتروح للمستشفى بسببك وجاى تفوق امتى وتعترف بعد ما كل ده خلص انت فكرك انك بعد ما اعترفت انا ممكن اسامحك انسى حتى لو مت مش هزعل عليك لانك حرمتنى من طفولتلى وحرمتنى من حاجات كتير معشتهاش بسببك الناس كلها كانت ضدى وكانو مصداقينك مع انهم المفروض يصدقو الطفله مش واحد زيك انا عمرى ما هسامحك ابداا
ايمان بحزن على روح:اهدى يا روح ارجوكى
روح ببكاء:انا مش عارفه انسى الماضي يا ايمان كان عندك حق انا لسه عايشه فى دوامة الماضى
ايمان:اهدى طيب شوايه علشان خاطرى
روح:حاضر
ياسر:يا عسكرى خدو على الزنزانه
سيرين:أنت بتعمل اى
ياسر:بعمل الى المفروض يتعمل وهيتعرض على النيابه بكره
سيرين بغضب:أكرم انت عملت اى عملت ااااااى
اكرم:بعمل الى المفروض يتعمل انتى مينفعش تبقى ام يا سيرين عيالى انا هبعتهم لامهم يعيشو معاها لكن انتى مكنش ينفع اتجوز واحده زيك رمت بنتها وخانت جوزها بكل سهوله انتى غلطت عمرى يا سيرين انتى طالق
واخذه العسكرى وذهب
ياسر:متزعليش ياروح حق السنين الى فاتت هيرجع
روح:حكم المحكمه دى هيرجعلى طفولتى ولا هيرجعلى فرحتى ولا هيعمل اى حاجه هيعاقب شخص مذنب بس انا مش هستفاد حاجه
وذهبو الى خارج القسم
روح:مبروك يا سيرين هانم
سيرين:روح انا
روح:اوعى تقولى هتعتزرى
سيرين:انا امك يا روح وغلطت وعارفه ان قلبك ابيض وهتسمحينى
روح:هههههههههههههه ضحكتينى والله شوفتى النكته الى قالتها ايمان بتقولى انا امك بس عارفه يا ايمان هى قالت كده ليه علشان ملهاش مكان تقعد فيه أصلها بقت رسميا فى الشارع مش كده يا سيرين هانم
سيرين:روح ارجوكى ادينى فرصه
روح:لا انا هعمل الى انتى هعملتيه فيا وانا صغيره هسيبك دورى بقى على راجل تانى او عيشى فى الشارع مش برضو انا ابقى اكبر غلطه فى حياتك وانا ميرضنيش تعيشى مع اكبر غلطه فى حياتك وبالنسبه انك امى هعيد نفس الى قولتو قبل كده امى ماتت يوما سبينى اتسجن وموقفتش جمبى سلام يا سيرين هانم يلا يا ايمان
وذهبو وتركو سيرين تبكى من غباءها
سيرين ببكاء:هعمل اى دلوقتى يارررررب
••••••••••••••••••
يوسف:اى يا سولى مفيش جديد
سليم:سولى إياك تدلعنى تانى
يوسف:ليه ده اسم حلو حتى
سليم:مدلعنيش تانى سامع
يوسف:حاضر ياعم المهم مفيش جديد
سليم: الخطوبه الاسبوع الجاى
يوسف:بسرعه دى
سليم:ايمان كلمتنى وقالتلى روح طلعت برأتها ممكن يكون ده السبب الى موقفها علشان كده قولت هخلى الخطوبه الاسبوع الجاى
يوسف:مكانت اعترفت من غير حوار الخطوبه
سليم:ده اقتراح ايمان
يوسف:نخلص بس من ام الحوار ده وهشوف حكايتها اى البت دى
سليم: لو الاسبوع الجاى روح اعترفت هجوزكو
يوسف:يا حبيبى يا سولى
سليم:اطلع بره
يوسف:كل ده علشان قولت سولى
سليم:بررررره
يوسف: طيب ياعم فى اى
••••••••••••••••
ايمان:ممكن بقى تهدى شوايه
روح:حاضر
ايمان:كنت عايزه اقولك على حاجه
روح:قولى
ايمان:الخطوبة الاسبوع الجاى
روح بحزن:مبروك يا روحى
ايمان فى بالها:يارب توقفى الخطوبه ياروح و تعترفى وتريحينى بقى
روح:انا داخله ارتاح مش قادره انزل الشغل
ايمان :طيب
••••••••••••••
مروه:اهلا اهلا انت على طول بتيجى النادى هنا
اسر:هو انا مكنتش على طول باجى بس فى سبب مخلينى اجى على طول
مروه:اى هو
اسر:مش مهم تعرفى
مروه:طيب
اسر:انتى زعلتي ولا اى
مروه:لا هزعل من اى تعالى نجيب آيس كريم ونقعد هناك
اسر:يلاا
ظلت روح تبحث عن الادله لتوقف خطوبة ايمان وسليم وظلت ايمان تضغط على روح بالخطوبه حتى تعترف وظل فؤاد يجعل رانيا تخدم مريم ويعاملها بقسوه واحكم على أكرم بالسجن المؤبد وكانت سيرين تجلس فى الشارع ولا تجد لها منزل وذهب اولاد أكرم الى امهم وكانت علاقة اسر ومروه كلما تقابله تكون أقوى وبعد مرور اسبوع وجاء موعد الخطوبه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الروح المنكسرة)
