رواية الرجل المثالي الفصل الثالث 3 بقلم سولييه نصار
رواية الرجل المثالي الجزء الثالث
رواية الرجل المثالي البارت الثالث
رواية الرجل المثالي الحلقة الثالثة
-مستحيل أصدق اللي بتقوله يا بابا …انت مش كده ولا عمرك هتكون !!!
قولتها وانا ببكي لقيت بابا قعد علي الأرض وفضل يبكي جامد …قعدت جمبه وحضنته وانا بعيط …
-اسف يا بنتي أنا خر*بت بيتك …
-متقولش كده يا بابا هو اللي طلع انسان مش كويس والحمدلله ان ربنا كشفه لينا …وانا هقدر اخد بناتي منه كويس متقلقش المهم اطلعك انت من المش*كلة دي هكلم محامي تاني عشان للأسف اللي معايا كل*ب فلوس اكتر وانا مقدرتش ادفعها ودلوقتي أنا بفكر في واحد …
-مين يا دعاء …
اتنهدت وقولت:
-مصطفي ابن ابن عم ماما يا بابا …قريبنا …أنا قدرت اخد رقمه وهتصل بيه وهو أكيد هيساعدني …
-يارب يا بنتي.
……..
خرجت من زيارة بابا وانا منه*كة وبعيط …حاله في الس*جن صعب عليا اوووي أول مرة اشوف بابا ضعيف كده كان هو مصدر قوتي …دايما كان قوي ومتفائل بس دلوقتي الوقعة دي دمر*ته خالص …بس جه وقتي أنا اقف معاه …جه وقتي اكون أنا مصدر قوته …روحت عند ميار وانا فعلا تعبانة كنت مقررة اخد شاور واكلم مصطفي …هو محامي كويس ممكن يساعدني وكمان هطلب منه يشوف قصة بناتي ويرفع قض*ية علي ياسر …فتحت الباب بالمفتاح اللي ادتهولي ميار ولسه هدخل بس اتجمدت في مكاني وانا سامعة حد بيز*عق معاها…ده كان مراد جوزها …بس اللي سمعته صدمني:
-الله الله يا هانم أنا اسافر واشتغل واجي فجأة عشان الاقي مدام دعاء في بيتي …أنا مش منبه عليكي ان ملناش دعوة بيها …ده واحدة ابوها مج*رم واهي اتطلقت احنا بقا نت*بلي بيها ليه؟!!!!!!
-عيب كده يا مراد وبعدين دكتور حامد برئ وبكرة تشوف ….
-انا مليش دعوة ..
زعق فيها وبعدين قال بعصبية :
-مليش دعوة برئ ولا زف*ت …اسمعيني لو ممشتيش الست دي من هنا يبقي تطلقي وتغو*ري معاها مش ناقص قر*ف أنا ….
مقدرتش استحمل اكتر من كده ومشيت بسرعة …
..
فضلت ابكي وانا ماشية في الشارع كنت فعلا مخ*نوقة …مش عارفة اروح فين …ودلوقتي فعلا مفيش حد بقا معايا بصيت للسما وقولت:
-محدش بقا معايا بس واثقة أنك معايا ومش هتسيبني لاني صاحبة حق …بحاول متخلاش عن الانسان اللي رباني واداني كل حاجة …
فجأة عرفت هروح فين …ليه اتبه*دل وبيت بابا موجود…..
……
دخلت البيت وانا قلبي بينبض جامد كنت عارفة اني هحتاج المفتاح عشان كده احتفظت بيه واهو جاب نتيجة …اتنهدت ودخلت البيت كانت حالته سيئة جدا …دخلت علي اوضتي وانا ببصلها بفرحة طفلة وبعدين خرجت من الدولاب هدومي اللي بابا شايلهم كويس وكانوا نضاف غيرت هدومي وبعدين بدأت ارتب البيت كله ….فضلت ساعات وانا برتب لحد ما العشا اذنت … استحميت وصليت العشا واكلت من الاكل اللي جيبته معايا وبدأت اكل ….بعدين طلعت موبايلي واتصلت بمصطفي اللي
عبر عن اسفة للي حصل لبابا وكان عنده استعداد كبير انه يساعدني واداني عنوان المكتب بتاعه عشان يساعدني …ارتحت بعد ما كلمته …كده اقدر انام وانا مرتاحة …كنت متفائلة اووي لما عرفت مصطفي هيساعدني ..روحت علي السرير انام وفتحت النت شوية فجأة جاتلي رسالة علي الواتس لياسر لابس بدلة وجمبه واحدة لابسة فستان ابيض وماسكة ايد بنتي الكبير وهو شايل الصغيرة …كانت اخته بعتالي الرسالة وقايلة:
-رحبي بأم بناتك الجديدة يا دودو!!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الرجل المثالي)
