رواية الخطيئة الفصل العاشر 10 بقلم ولاء حامد
رواية الخطيئة الجزء العاشر
رواية الخطيئة البارت العاشر
رواية الخطيئة الحلقة العاشرة
عمر لقي الأكياس وطلعهم ولسه هاينزل الميكانزم بتاع السرير كانت الصدمه لقي كيس اسود مربوط بطريقه غريبه جدا فضوله خلاه يفتحه وكانت الصدمه موبايل ندا القديم اللي قالتله انها ادته لمرات اخوها والأكثر صدمه علبه من علب خله السنان مليانه خطوط موبايل كتيييير جدا عمر
عمر بذهول : ايه داه بتوع مين دول داه تليفون ندا القديم طيب ليه كدبت عليا وقالت إنها ادته لمرات اخوها
حاول عمر يفتح التليفون كتير بس للأسف التليفون مقفول ببساوورد
رجع عمر كل حاجه مكانها زي مكانت
ونزل وهو شارد وسرحان
ندا بعصبيه: كل داه تأخير يا عمر
عمر بإنتباه: معلش كنت بدور على كيس واخيرا لقيت في المطبخ
ندا بلجلجه: كنت بتدور فين
عمر بشك: في الإدراج في الصاله واخر ما زهقت جبت كيس من المطبخ
ندا بتنهيده ارتياح: طيب يلا اتأخرنا
طلع عمر وندا وركبوا تاكسي لحد بيت اخته طول القعده عمر شارد
وبعد وقت قصير قام وطلب يدخل الحمام
دلته اخته على الحمام وقامت معاه
عمر بوجع: بقولك يا سهر طالب منك خدمه
سهر بحب: عنيا ليك
عمر: تسلمي انا عايز امشي دلوقتي هاجهز مفجاءه لندا بس متخليهاش تمشي الا لما ارن عليكي أو ارجع اخدها
سهر بضحكه: سيدي يا سيدي على الحب يحقلها يا عم البت الله أكبر بدر منور
عمر بسخريه متداريه: ايوه يحقلها اووي
وفعلا رجع عمر مكانه وعمل ان تليفونه بيرن وطلع البلكونه دقايق قليله ورجع
عمر: معلش يا جماعه انا هانزل شويه وراجع
ندا بإستغراب: ليه رايح فين
عمر: واحد صاحبي رن عليا عايزني في موضوع ضروري مش هتأخر نص ساعه ساعه بالكتير واكون رجعت خليكي مع سهر وانا راجع
مصطفي جوز سهر احتراما للموقف قام: طيب يلا انا كمان نازل اصلي العشاء في الجامع
ونزل عمر ومصطفي كل واحد في طريق مصطفي راح الجامع وعمر رجع الشقه بسرعه ودخل اوضه النوم وطلع التليفون والخطوط وحطهم في جيبه وطلع على واحد صاحبه خبير في التليفونات
فوزي بترحاب: عمر حمد الله على السلامة يا غالي ايه الطله الغريبه دي
عمر: الله يسلمك يا فوزي عامل ايه ياراجل والدنيا عامله معاك ايه
فوزي: الحمد لله على كل حال الدنيا تمام
عمر بتلجلجه: ليا خدمه عندك
فوزي شاور على عنيه: اؤمر يا غالي من عنيا
عمر اخد نفسه وطلعه بهدوء وطلع الموبايل من جيبه وحطه قدامه
فوزي بعدم فهم: ماله الموبايل داه هاتبيعه
عمر بهزه رأس: لا عايزك تفتح الباسوورد بتاعه وترجع اي حاجه اتمسحت عليه هاتعرف
فوزي: سهله النت مخلاش حاجه الا وبقت فيه وسهله
عمر: هياخد وقت قد إيه
فوزي: مش كتير مدام مش عايز تعمل سوفت هادخله على الجهاز واشتغل عليه وبالاخير الموضوع من هياخد نص ساعه ساعه
عمر : طيب يلا ابداء
وفعلا فوزي بداء بشتغل على الموبايل من غير ما يعرف ايه حكايته
ومره واحده ساب الجهاز
عمر بلهفه: ايه خلصت
فوزي: لا لسه يا ابني البرنامج بيحمل على ما يتحمل ويسطب نفسه على الموبايل هايفتح اتوماتيك وبعدين هانعمل برنامج تاني يرجع كل حاجه كانت على الجهاز
عمر بهزه رأس: ماشي
فوزي بتردد: عامل ايه مع مراتك كويس
عمر بنظره شك: ليه بتسأل السؤال داه عنيك بتقول انه فيه حاجه حصلت
فوزي بتردد: بصراحه اه
عمر بإنتباه: ايه اللي حصل ومخليك مش على بعضك كده
فوزي: بص انا هاحكيلك بس وكيلك ربنا تتصرف بعقل
عمر ببوادر عصبيه: فوزي اخلص
فوزي: بص انا شوفت مراتك من فتره كانت رايحه منطقه……. واترددت على المنطقه دي كتير وكانت لابسه لبس يعني ميصحش
عمر: لابسه ايه مراتي مبتلبسش الا دريسات طويله وحجاب طويل
فوزي بهزه راس: لا كانت لابسه بنطلون ضيق اوي وتيشيرت على كمر البنطلون وحتى شعرها كان طالع من الطرحه ومكياج بطريقه اوفر كأنها رايحه فرح
عمر بذهول: انتا بتقول ايه
فوزي:والله العظيم انا شوفتها بعنيا دول
عمر هز رأسه بيحاول يستوعب
قاطع لحظاتهم فوزي البرنامج اكتمل تحميله ثواني بقى علشان يسطب نفسه
دقايق بتمر وعمر مترقب وبيدعي ربنا انه يكون ظالم مراته لآخر لحظه بيحاول يطرد الشك من جواه
فوزي: كده الموبايل فتح هانعمل برنامج……. وداه بيرجع كل حاجه على الجهاز من يوم ما اتفتح من علبته
عمر بخوف: ماشي يلا
وبداء فوزي يحمل الجهاز
قاطع دخولهم شخص
فوزي بترحاب: ايه داه انهارده يوم الحبايب ولا ايه متجمعين عند النبي يا جماعه
شاكر: آمين وبص علي الضيف اللي قاعد وعطيه ضهره
شاكر: مين يا فوزي
فوزي: يا راجل مش عارف مين داه
اتعدل عمر على الكلام وقام
عمر : ازيك يا ابني.
شاكر بقلبه وش: كويس طيب بالاذن يا جماعه ورايا مشوار
فوزي باستغراب: فيه ايه يا ابني انتا زعلان من عمر في حاجه
شاكر: لا مفيش انا ورايا مشوار عن اذنكم
عمر: استني يا ابني انتا حتى مسلمتش عليا لو في حاجه مزعلاك مني قولي
شاكر: ههه لا مالوش لزوم عن اذنكم وسابهم وطلع
عمر بسرعه :فوزي كمل وانا راجع
وطلع بسرعه ورا صاحبه وشده من دراعه
عمر: استني يا ابني فهمني فيه ايه ومالك قالب وشك عليا ليه كده اظن من الرجوله لما ازعلك واحنا عشره عمر انك تيجي تعاتبني مش تبصلي بصه سخريه وتسيبني وتمشي
شاكر: بالله عليك انا ما فايق ليك انا فيا اللي مكفيني امشي من قدامي يا عمر
عمر بإصرار: مش هامشي الا لما اعرف مالك وزي ما قولت كل واحد فيه اللي مكفيه وانتا نفسك متعرفش اللي فيا ومع ذلك واقف بحايل فيك
شاكر: يا عمر الله يخليك سيبني يا اخي
عمر: هاسيبك بس بعد ما اعرف زعلان مني ليه آخر مره قبل ما اسافر كنا زي السمن على العسل ومظنش اني وانا مسافر زعلتك في حاجه
شاكر: يا عمر سيبني الله يرضى عليك
عمر: مالك يا شاكر احنا عشره عمر أصحاب من واحنا جيران مش صحوبيه يوم ولا سنه بحق الصحوبيه والعشره والعيش والملح قولي مالك
شاكر بإنهيار: في اني بيتي اتخرب من تحت رأس مراتك ومراتي طالبه الطلاق وشيفاني وسخ وخاين
عمر بصدمه: مراتي وايه دخل مراتي بيك او بمراتك وهي ماتعرفهاش اساسا
شاكر: مراتك دي سبب المصايب البلاوي ولو بدعيلك بدعيلك ربنا يخلصك منها لأنها شر ماشي على الأرض للخراب
عمر بعدم استيعاب: فهمني ايه اللي حصل
قعد شاكر على الرصيف بتعب: مراتك من كام شهر دخلت على الاكونت بتاعي وبعتت إضافه وانا رفضتها دخلت على الماسنجر وبعتت رسائل كتير انها معجبه بيا واني واني واني انا مسحت بكرامتها البلاط وفهمتها انها مرات صاحبي واني متجوز وبحب مراتي بس مراتك زادت وبدئت تبعت صور ليها بهدوم البيت والنوم ولما عملتها بلوك راحت لمراتي وقالتلها اني على علاقه بيها من وراها ومن ورا جوزها وورتها الصور بس مشافتش المحادثات ومراتي قلبت الدنيا وراحت بيت ابوها وطالبه الطلاق
عمر بصدمه: فين المحادثات دي
طلع شاكر موبايله ووراهم لعمر
عمر: انا عايزهم
شاكر: ليه
عمر بدموع: من غير ليه عايزهم
شاكر طبطب على كتف صاحبه هون عليك والله ما كنت عايز اتكلم علشانك انتا اللي اصريت
عمر: كنت عايز تسيب صاحبك متقرطس
شاكر ميل في الارض وسكت
عمر بحسم: اعمل اسكرين شوت وبعتلي المحادثات على الواتس دلوقتي
شاكر :حاضر بس بالله عليك اهدا
وفعلا شاكر عمل اسكرين شوت لكل المحادثات وبعتهم لعمر
عمر قام من غير اي كلام وماشي زي التايه ودخل المحل عند فوزي واترمي على الكرسي
فوزي بقلق: مالك يا صاحبي قالك ايه الواد داه خلاك بالحاله دي
عمر: مفيش حاجه خلصت
فوزي: خلاص دقايق وابقى خلصت
وفعلا فوزي خلال دقايق سلم التليفون لعمر
عمر :عايز عده زي دي بالظبط
فوزي : حاضر وفعلا جابله موبايل شبهه
ودفع عمر تمنه ومشي وصل شقته بمعجزه
دخل واترمى على الكنبه وبداء يقلب في الموبايل ومع كل دقيقه بتمر صدمه لعمر بتكسره وتكسر رجولته اللي اتداست تحت رجلين اللي المفروض مراته مراته اتحولت لعاهره بقت بترمي نفسها تخت رجلين الرجاله علشان الفلوس بتصور لحمها علشان الفلوس بتعري جسمها علشان الفلوس مراته بقا ليها عشيق وتترمي في حضنه وعايشه معاه في الحرام
عمر هايتجنن : ليييه لييه قصرت معاكي في إيه
عمر فقد اعصابه بعد ما شاف الفيديو اللي بعته وائل لندا وهما مع بعض في علاقه محرمه
وقراء كل الرسائل عرف العنوان خو نفس العنوان اللي فوزي قالهوله وعرف ان ندا بتبعت كل شهر فلوس تعبه وشقاه في الغربه لعشيقها وان كمان دهبها اتباع
عمر ازاي وهو شايف الدهب في العلبه جوه
دخل وفتح العلبه وهو مستغرب بس ماخدش وقت طويل وكان واخد علبه الدهب وطالع على الصاغه واتأكد عمر ان ندا باعت الدهب وجابت شبهه دهب صيني
عمر فضل يعيط زي عيل صغير وما أصعب كسره راجل قدم كل الحب لمراته وهي ردته بالخيانه
عمر اتمالك نفسه: لا مش انا اللي اتكسر علشان زانيه زيك والله لو روحي فيكي اخلص روحي من جسمي واعيش ميت او موت مش فارقه بس مش بعد ما أكشف حقيقتك الوسخه
قام عمر وهو مقرر هايعمل ايه وغسل وشه
وهدا نفسه وطلع على شقه اخته
سهر بحب: خلاص خلصت
عمر بوجع: خلصت اه خلصت
سهر بإستغراب من الوجع اللي باين في عيون اخوها: مالك يا قلب اختك
عمر بوجع: مفيش ودخل يلا يا ندا علشان نروح
ندا: اوكي يلا
ونزلوا وكان الصمت رفيق الموقف
ندا: مالك يا عمر اتأخرت بره وجاي مش طايق نفسك
عمر: مفيش مشكله عند صحبي بس زعلتني
ندا: ليه ايه اللي حصل
عمر: مفيش أسرار ناس مينفعش تتحكي لأي حد
ووصل عمر وندا لشقتهم ولأول مره عمر يحس انه مش طايق المكان ولا طايق وجود الخاينه دي فيه
ندا: انا هادخل اغير
عمر: ماشي
ندا دخلت بسرعه: ورفعت السرير وبصت على الكيس لقيته مكانه زي ما هو اتنهدت ورجعت السرير مكانه
عمر واقف بره الاوضه وشايفها وأصبح الشك معاه يقين
مر اليوم وعمر عينه جفاها النوم وطول الليل بيفكر ازاي يرد حقه ورجولته اللي اتكسرت ازاي ياخد حقه بالاصول لانه ابن أصول طول الليل يصلي ويدعي لربنا يلهمه الصواب وميسبوش لشيطان عقله
تاني يوم عمر خد اول خطوه وهو انه بداء يراسل وائل على انه ندا
ووائل بيرد
وائل: مش خايفه من جوزك يا نادو
عمر من تليفون ندا: لاء نايم وانا في الصاله
وائل: يا قلبك يا جاحده
عمر: قلبي معاك يا بيبي
وائل: قلب البيبي يا ناس
واستمر الكلام بينهم على انه وائل بيكلم ندا
ولما يطلب بكلمها فون بتتحجج ان جوزها ممكن يسمعها
لحد ما عمر قرر انه يكتب النهايه
وفعلا في اليوم داه غير
عمر من تليفون ندا: بقولك ايه يا بيبي متيجي عندي
وائل بخوف: وجوزك انتي اتجننتي
عمر :لا جوزي مسافر أسبوع مصر بيخلص ورقه علشان السفر
وائل بخبث: طيب ما تيجي انتي الشقه يعني هي اول مره
عمر بوجع وكسره: مينفعش ممكن يتصل او حد ييجي من اهله او اهلي
وائل بتفكير: طيب مهما ممكن ييجوا وانا عندك
عمر: اطمن خالص لو حد جه وانتا عندي استخبي او هانزلك من سلم الطوارئ بس انا مينفعش اسيب البيت اليومين دول وكمل بوجع ودموع ماليه عنيه هو انا موحشتكش ولا استغنيت عني
وائل بسخريه: انا اقدر يا بيبي داه انتي القلب والحب والعشق
عمر: خلاص يبقى هستناك بكره جوزي ماشي اخر النهار علشان يلحق بكره اليوم من أوله
وائل بمكر :ماشي بس جهزيلي مبلغ صغير حبيبك مزنوق واكيد جوزك جه ومريشها عليكي
عمر بشر: من عنيا حااااضر اللي عايزه كله وزياده داه حتى جابلي حته طقم دهب تحفه تمنه شيئ وشويات
وائل بطمع: خلاص بكره هاكون عندك بس اجي أمته
عمر بشر: على العصر كده عارف العنوان ولا ابعتهولك
وائل: لا عارفه يا قلبي يا باي
عمر :باي
وقفل التليفون وخباه
طلعت ندا عنده ايه يا حبيبي بقالك كام يوم بعيد عني من يوم ما كنا عند اختك هو انا زعلتك في حاجه ولا بقى بطلت تحبني
عمر بسخريه بس ندا مركزتش فيها: لا يا ندا انا مشغول بس بمشكله صاحبي وواخده كل تفكيري
ندا :طيب ما تقولي يمكن اقدر اساعدك
عمر: متشغليش بالك
ندا بعصبيه: كل ما اكلمك متشغليش بالك عادي وحجج فارغه في ايه انتا كلها كام يوم ومسافر تاني حتى مستكتر عليا ابقى في حضنك الكام يوم دول قبل ما تمشي واشبع منك
عمر: خلاص يا ندا هانت ان شاء الله انهارده رايحين نحل مشكله الراجل وبكره يا ستي اللي ربنا عايزه هايكون
ندا بسخريه: ياريت لأحسن انا حاسه اني بقيت عايشه مع اختي في البيت
عمر بسخريه: متقلقيش خالص حبيبك راجل وراجل اوي ومن ضهر راجل وسابها ومشي
وصل بيت اهل مراته واتفق معاهم ان ندا تقضي اليوم بكره معاهم لحد ما يرن عليهم علشان عايز يجهز مفجاءه لندا قبل ما يسافر والكل رحب بالفكره
وتاني يوم مديحه كلمت ندا
ندا بخنقه من موقف امها الاخير: خير يا ماما
مديحه بحب: قلب ماما بقولك ايه تعالي قضي معانا انهارده بالله عليكي ما ترفضي انتي وحشتيني
ندا: مش هاينفع علشان عمر
مديحه: انا هاكلم عمر ماشي
ندا بغرور: خلاص انا هاقوله وهو اصلا مش بيرفضلي طلب
مديحه:ماشي يا نن عيني مستنياكي هاتيجي أمته كده
ندا :يعني شويه كده افطر وافوق واخد النسكافيه بتاعي
مديحه: خلاص قبل الضهر تكوني هنا هاعملك الأكل اللي بتحبيه
ندا: ماشي هاجي يلا باي
وقفلت معاها وطلعت جهزت فطار بسيط من التلاجه وقعدت فطرت هي وجوزها وهما بياكلو ندا قالتله ان مامتها اتصلت وهاتروح ليهم وجهزت نسكافيه ليها ودخل عمر يعمل قهوه لنفسه
ندا: كنت قولتلي وانا كنت عملتهالك
عمر بغموض: بعود نفسي على الوحده
ندا:يعني ايه مالك هو انا مسافره ومش راجعه داه مشوار عند ماما كام ساعه
عمر:لا متشغليش بالك داه علشان السفر اصلي متعود طول حياتي انا اللي بعمل لنفسي كل حاجه
ندا بملل: خلاص اوكي اوكي ياريتني ما سألت كل كلمه عندك بموشح دي بقت عيشه تطهق
عمر بسخريه: عندك حق
ندا بعصبيه وصوت عالي: يعني ايه قصدك إيه يا سي عمر انا اطهق الله يرحم ايام ماكنت بتحايل علشان بس تكلمني وتسمع صوتي
عمر بسخريه وغضب متداري: كنت مغفل
ندا بغيظ: انا ماشيه
عمر:بالسلامه
وندا فعلا سابته ولبست لبس محتشم كعادتها في وجود عمر
عمر لنفسه بسخريه: الشكل ملاك ومن جوه عاهره بقلب شيطان
وصلت ندا بيت أهلها وهي متضايقه
مديحه بحب: مالك يا قلب ماما ايه اللي مزعلك كده
ندا بعصبيه: سي زفت
مديحه باستغراب: مين
ندا: عمر الزفت منكد عليا الله يحرق دمه
مديحه بحزم: عيب كده داه جوزك ايه اللي حصل لكل داه علشان تشتمي جوزك كده
ندا: بقت عيشه تقرف يا ماما البيه على طول واخد جمب على طول بينام في الصاله او اوضه الأطفال حتى مش بيقرب مني على طول كلامه سخريه حساه بقى غامض زي اللي بيدبر لحاجه طول الليل والنهار لوحده وقافل عليه الباب حاسه انه بيخوني او يعرف بنات عليا
مديحه اتحكمت في ضحكتها على اساس ان عمر بيجهز مفجاءه لندا: يا بنتي استعيذي بالله من الشيطان الرجيم وابعدي الوساوس دي عن دماغك انا مش قولتلك حاولي تحملي قبل ما يسافر
ندا: يا ماما انا بقولك ايه وانتي بتقولي ايه بقولك حاسه انه يعرف بنات عليا بس والله لو طلع احساسي صح لطين عيشته وابهدله وافضحه
مديحه: ربنا يهديكي يا بنتي
وسابتها وقامت دخلت المطبخ تجهز الغدا وبعد وقت قصير انضم ليهم خلود وصفا وبعدهم ميرفت وأمل وعلا
وبداء الجميع في تجهيز الغدا ماعدا البرنسيس ندا قاعده تلعب على التليفون
عند عمر قاعد على جمر من نار الوقت بيمر وبيمر معاه كل صبر عمر
لحد ما وصل الوقت الحاسم رن تليفون ندا برساله من وائل
وائل: ايه يا نادوا انا تحت العماره الدنيا عندك امان
عمر بشر وغضب اعمى: أمان اطلع وانا هاسيبلك الباب مفتوح ادخل بسرعه واقفل الباب قبل ما حد من الجيران يشوفك
وائل: ثواني واكون عندك
عمر بشر: مستنياك على ناااااار ناااار
طلع وائل بسرعه ولقى الباب موارب
دخل وقفل الباب بسرعه ونادا بصوت واطي: نادوا حبيبتي انتي فين
طلع عمر قدامه فجاءه انا هنا يا روحي ومره واحده قبل ما يستوعب وائل خبطه بالدماغ خلاه فقد اتزانه
وفي لحظات نزل فوقه ضرب مميت ووائل مش مستوعب إيه اللي بيحصله وليه بس قدر يتعرف عليه انه جوز ندا اتوقع ان ندا اتبلت عليه وكشفته لجوزها
وائل بخوف: والله ما لية ذنب دي هي هي اللي طلبت مني اجي هي هي والله انا ماليش ذنب
عمر بغضب جحيمي: دلوقتي يا كلب بقى مالكش ذنب دلوقتي عرفت ربنا وبتذكره على لسانك النجس
غضب عمر كان اعمى ككل ضرب في وائل بكل كسره وحرقه جواه ولما تعب قام وشده رماه على كرسي من كراسي السفره دخله اوضه الصالون وكتفه كويس اوي وكمم بوقه وحط عليه بلاستر ومسك موبايله ومسك ايده وفتح التليفون لانه إما يفتح ببصمه أوباسوورد
ودخل واتفرج على كل اللي بيجمع مراته وعشيقها وفيديوهاتهم مع بعض لحد اخر فيديو قبل وصول عمر بيومين
عمر شد البلاستر من على بوق وائل: ها يا ******* بابشع الألفاظ هاتحكي كل حاجه من نفسك ولا البسك انتا والوسخه التانيه قضيه زنا مكتمله الأركان بالفيديوهات دي
وائل بخوف: هاحكي والله هاقولك كل حاجه
عمر :قول وانا سامع
قص وائل كل شيء على عمر من اول معرفته بندا في شات قذر لحد اللحظه دي
عمر: والفلوس اللي كنت بتاخدها منها
وائل بخوف من الغضب والشر اللي باين في عنين عمر: معايا في جزء في محفظه الكاش وجزء في حسابي في البنك عمر رقم المحفظه كام
وائل :ليه
عمر :اخلص يلا انتا فاكر ان شقى عمري وتعبي في الغربه هاسيبه لكلاب زيكم تبقى غلطان
وائل ملاه الرقم السري واخد المحفظه من جيبه لقى فيها اكتر من فيزا
عمر: يا ابن الكلب كل دي فيز انتا شغال ايه يلا
وائل بخوف: اعمال حره
عمر بسخريه: اه عارفها الأعمال الوسخه دي الأرقام السريه كام يا روح أمك
وائل عرف ان لا مفر من دفع التمن قاله كل الأرقام : بس مش كلها فلوس مراتك دي فيها فلوس انا كمان وفيها فلوس كتير
عمر بشر: مبخدش مال حرام اللي هاخده حقي وبس يا *******
وطلع عمر بعد ما حط البلاستر مره تانيه على بوق وائل واتصل بأخوه وطلب يجيله بسرعه
اخوه قاله انه قريب منه وفعلا بعد أقل من ربع ساعه وصل اخوه تحت العماره ونزل عمر ليه
مؤمن: مالك يا عمر خير جبتني على ملا وشي
عمر بتعب: مفيش اسمعني بسرعه: تاخد الفيز دي كلها ودي الأرقام السريه بتاع كل فيزا
مؤمن: تمام بتوع مين دول كلهم وجايبهوملي ليه
عمر بتنهيده تعب: اسمعني للآخر تاخد الفيز دي وتطلع على مكنهATM اللي في الموقف وتسحب الحد الأقصى للسحب من كل فيزا ولو المكنه خلصت شوف غيرها لحد ما تجمعهم وتجيبهم وتيجي انتا معاك محفظه كاش صح
مؤمن: ايوه ليه
عمر: تمام هايتحولك عليها مبلغ دلوقتي كان ليا عند واحد ومش قادر ييجي وقالي هايبعته على محفظه كاش
مؤمن بشك: عمر انتا مخبي عليا إيه
عمر :مفيش يا مؤمن روح دلوقتي ولما تخلص رن عليا
مؤمن بخوف من اخوه اللي شكله ميطمنش: حاضر بس طمني الله يخليك شكلك بيقول ان فيه مصيبه
عمر بعصبيه: اخلص يا مؤمن يلا وسابه وطلع
ومؤمن اتحرك يخلص اللي قاله عليه اخوه
طلع عمر وقعد قدام وائل بشر: عارف يا ***** انا ممكن اعمل فيك ايه ومش هاخد لا فيك ولا فيها دقيقه
وائل بخوف هز رأسه ومش قادر يتكلم من البلاستر اللي على بقه بس بقى يزوم
عمر قام بتكاسل: وشد البلاستر مره واحده خلى وائل صرخ
عمر بسخريه: أهدى يا لول لسه بدري على الصراخ
وائل: ابوس ايدك سيبني مش اخدت حقك وفلوسك سيبني وانا والله ماهاقرب تاني من مراتك
عمر بشر وعيونه حمرة زي الدم من كتر العصبيه: انتا فاكر اني بدور على الفلوس تبقى غلطان ولا كنوز الدنيا تعوض شرفي اللي كلب زيك وكلبه زيها مرمطوه في الوحل تخيل كده أهلك وأهلها لما يعرفوا ويترفع عليكم قضيه زنا هايحصلهم ايه
وائل: ابوس ايدك بلاش فضايح انتا كده هاتتدمر معانا انتا شكلك محترم وابن ناس بلاش كده ارجوك الفضايح مش هاتفيد حد حقك ورجعلك وهي شوف صرفتك معاها ابوس ايدك انا عندي بيتي وأهلي محدش يعرف وكمل بنحيب والله غلطه وتوبه والله ماهكررها
عمر بسخريه: غلطه يا ***** دانتا تليفونك مليان وساخه شبهك كل مالك جامعه من حرام مشفتش ليه من ربنا قبل ما تخاف على أهلك هاا رد يا *****
وائل:عندك حق والله عندك حق
عمر حط البلاستر على بق وائل مره تانيه وطلع الصاله هايتجنن بعد وقت اتصل بيه اخوه وبلغه انه خلص ومعاه مبلغ كبير اوي يعمل بيه ايه
عمر: هاتو وتعالي البيت بس قبل ما تيجي عدي على محل موبيلات يكون عنده سحب كاش واسحب المبلغ اللي اتحولك
مؤمن: انا عملت كده فعلا اول ما المبلغ وصل
عمر :تمام هاتو وتعالي وانا هستناك تحت
وفعلا بعد وقت وصل مؤمن ونزل من عربيته وسلم شنطه هاند باج لعمر : دي الفلوس كلها ودي الفيز بس طمني بتاع مين الفلوس دي كلها
عمر بوجع: أمانه ناس يلا روح انتا ومتجيبش سيره لحد باللي حصل يلا سلام
مؤمن شده من دراعه: فيك إيه قلبي بيقولي انه فيه حاجه كبيره مين وائل علام داه
عمر: عرفت الإسم منين
مؤمن: مكتوب على الفيز مش محتاجه ذكاء
عمر: اخو واحد معايا في الكويت يلا سلام وسابه وطلع
مؤمن بخوف: استرها يارب
طلع عمر شقته وقفل الباب ومسك تليفونه ورن على حماه
عمر: السلام عليكم ورحمة الله وبركاته ازيك يا حاج
محسن بود: وعليكم السلام ورحمة الله وبركاته يا ابني ها طمني خلصت
عمر بوجع: اااه خلصت لو ممكن بس حضرتك تيجي انتا والجماعه كلهم علشان تبقى مفجاءه حلوه اوووي لندا وكمل بشر علشان تفضل فكراها العمر كله
محسن: ربنا يبارك فيك يا ابني من عنيا ساعه زمن وتلاقينا عندك
وفعلا محسن دخل بلغ كل الموجودين والكل بسرعه غيروا هدومهم عندهم فضول يعرفوا ايه هي المفاجئه اللي عمر محضرها الكل عارف بعشق عمر لندا
ندا باستغراب: ايه في إيه كلكم لابسين ورايحين فين برابطه المعلم كده
مديحه حضنت بنتها: جايين معاكي جوزك يا ستي محضرلك مفجاءه وقال كلنا نيجي نحتفل معاكم قبل ما يسافر
ندا بإستغراب: مفجاءه ايه وليه محدش جابلي سيره
مديحه: هو طلب مننا كده علشان يصالحك يعني كان بيخطط الأيام اللي فاتت علشان يسعدك مش بخونك زي ما كنتي فاكره يا خايبه
ندا بغرور: اصلا ميقدرش حد يبقى معاه البرنسيسه ندا ويبص بره
مديحه: طبعا ربنا يحفظك يا قلبي يلا بقى اتأخرنا
ومشي الكل لمصير محتوم
بعد ساعه كان الباب بيخبط عمر فتح هو لابس ترنج بيتي
الكل بص لبعضه بإستغراب
عمر قطع عليهم الاسئله: اتفضلوا الأول
دخل الكل وبقى يتلفت في الشقه مفيش اي آثار لمفجاءه او زينه في بس حاجات متبهدله وأثار خناقه
محسن: في ايه يا ابني وايه المفجاءه اللي جبتنا على ملا وشنا عشانها
عمر: ادخل يا حاج وارتاح علشان تعرف المفجاءه
قعد محسن وهو قلبه مقبوض وعمر بيبص لندا بإستحقار
عمر مره واحده قام: اتفضلوا معايا في ضيف حابب انكم تتعرفوا عليه
محسن: مين داه يا ابني
عمر: اصبر على رزقك يا حاج
قام الكل ورا عمر اللي فتح اوضه الصالون الكل بص لبعضه بإستغراب ومش عارفين من الشخص داه قدامهم واحد متكتف ومربوط ومضروب علقه موت
إلا ندا اللي شهقه وخافت ورجعت لورا
محسن مين داه يا ابني
عمر غمض عنيه بوجع وعنيه مرغيه بدموع وبص على ندا نظره خاليه من كل معاني الحياه: داه وائل علام عشيق مدام ندا بنت حضرتك
الكل شهق في صوت واحد
محمود بعصبيه: ايه الهبل اللي بتقوله داه اوزن كلامك يا عمر الكلام داه في قعده رجاله تطير فيه رقاب وتتأدب بيه
عمر قعد على كرسي الصالون بوجع وبسخريه مريره: مبقولش كلام أهبل ولا من غير دليل وبص لندا اللي وشها بقى زي الموتى من الخوف : ولا ايه يا مدام احنا لو قعدنا في قعده رجاله انتوا اللي هاتتفضحوا وعلشان انا راجل وابن أصول محبتش الفضايح ولا حتى أهلي نفسهم يعرفوا اكتفيت بيكم تعرفوا حقيقه المحترمه بنتكم اللي خانت جوزها وبقت زيها زي اي عاهره بتتأجر
محسن بلجلجه: ف فهمني يا ابني الله يرضى عليك
عمر بدموع: حاضر من اسبوع كنت رايح عند اختي وكنت جايب موبايل لبنتها هديه ونسيته فوق طلعت اجيبه فضلت ادور على شنطه احطه فيها ملقتش عارف ان ندا دايما بتحط الشنط في سحاره السرير فتحتها وجيت اطلع شنطه لقيت كيس اسود فضولي خلاني افتحه لقيت فيه موبايلها القديم اللي كنت طلبته منها من كذا شهر لبنت اختي قالتلي انها ادته لعلا مرات اخوها
علا بإستنكار: محصلش والله لا انا طلبت ولا اخدت منها حاجه حتى العبايات اللي بعتها لينا انا رفضت اخد منهم
عمر: منا عارف الكارثه بقى ان معاه كميه خطوط كتير اوي ولا كأنها شغاله في سنترال
محمود بزعيق: أنجز
عمر بعصبيه: مالكش زعيق عليا واسمع للأخر وكل كلمه بدليلها وطلع من جيبه العلبه اللي مليانه خطوط دي الخطوط المهم يومها روحت عند اختي وانا هاتجنن ليه ندا كدبت عليا وايه الخطوط دي كلها قولت لنفسي لا يا واد مراتك بنت أصول دي من بيت محترم دي من بيت متدين قولت لنفسي اقطع الشك باليقين يمكن رفضت تديني الموبايل علشان قولت لبنت أختي واستأذنت وروحت اخدت التليفون وطلعت على صاحبي بتاع تليفونات فتح الموبايل اللي كان مقفول بباسوورد ورجع كل حاجه ممسوحه عليه وهناك كان فيه مصيبتين مستنييني الأولى لما صاحبي قالي انه شاف مراتي في منطقه …… ولابسه لبس اشبه ببنات الليل بنطلون لازق على جسمها وشعرها اللي طالع من الطرحه وبدي مفصل جسمها مكياج مقرف
محمود: مش انتا اللي قايلها كده
عمر بزعيق: قايلها ايه انا قايلها انا مش راجل مسقط بنطلونه علشان يقبل ان لحمه يتعرى ويتفرج عليه الناس انا راجل دمي حامي مش قرني ولا بقرون
محمود بص لاخته: مش انتي اللي قولتي عمر مواقف لما جيتي البيت كده
عمر بسخريه: كمان مطلعاني بقرون لا والله ونعم التربيه
اصبر بقى على رزقك التانيه شاكر صاحبي إللي شافني وكأنه شاف ملك الموت ورفض حتى يسلم عليا وسابني مشي ولما طلعت وراه واصريت اعرف ماله حكالي انه المحترمه ربة الصون والعفاف مراتي حاولت تغريه ويبقى عشيقها مهو الواد حليوه طول بعرض وعضلات وعيون ملونه مش داه الكلام اللي بعتيهوله يا رخيصه لا ومش كده وبس لا لما هزقها ومسح بيها الارض قالت تغريه بطريقه تانيه بعتت صورها ليه عريانه وبقمصان النوم ولما عملها بلوك راحت لمراته وقالتلها انها عشيقه جوزها وورتلها الصور اللي بعتتها لجوزها والست اتجننت والصدمه مخلتهاش حتى تفكر تقراء الرسائل وراحت بيت ابوها وطلبت الطلاق واليومين االي فاتوا انا روحت وحكيت للبنت ابوها اللي حصل ورجعت لجوزها بعد ما حلفتهم على كتاب الله أن الكلام ميطلعش لمخلوق مهو مش ذنبهم ان بيتهم يتخرب وعيالهم تتشرد بسبب واحده شمال نكمل المهم بعد ما صاحبي رجع كل حاجه كل حاجه كانت على التليفون جبت تليفون شبهه بالمللي وحطيته مكانه شوفت فيديو للهانم وهي في سرير البيه هااا وكمل بإنكسار عرفت ان الهانم كل قرش ببعتهولها كانت بتديه للبيه حتى دهبها باعته واديته تمنه قولت لنفسي لا يا واد انتا مش صغير علشان جوز كلاب سكك يعلموا عليك بدئت اراسل البيه على اني ندا وانهارده كان جاي على انه هيقابل المدام اللي جوزها مسافر يخلص ورقه
خلص عمر كلام وفتح التليفونات اللي قدامه وفرجه على الرسائل اللي خدها من صحبه والفيديوهات والرسائل اللي بينها وبين وائل
نيجي بقى للمهم ان المدام بتشتغل شمال
الكل ساكت كسوت الموتى اه والله متتصدموش كده الهانم كانت بتدخل شات وتكلم رجاله على النت مكالمات إباحية مقابل الفلوس وفتح اللاب وفرجهم ودي الخطوط اللي كانت بتكلم منهم زباينها وفيهم خطين عليهم كاش اللي كان بيتحول عليهم الفلوس
وقام فك البلاستر من على بق وائل احكي يلا اللي حصل
قص عليهم وائل كل حاجه من بدايه معرفته بندا على الشات لحد اللحظه دي
الكل قاعد مصدوم ومحدش قادر ينطق قطع عمر الصمت وجاب شنطه الفلوس وكبها قدامهم عارفين ايه دول
دوي الفلوس اللي كنت ببعتها لبنتك كل شهر كل دول وفي الأخر طلعتني بقرون ووحلت شرفي
انا كده عداني العيب علشان لما ارفع قضيه زنا يبقى محدش يلوم عليا
محمد بكسره: ابوس ايدك بلاش الفضايح كفايه الكسره اللي احنا فيها حقك والله العظيم حقك ومحدش يقدر يلومك خليك انتا احسن منهم طلقها وهي هتتنازل عن كل شيئ حتى دهبها اللي باعته احنا هانديك تمنه فلوس أو نجيبلك غيره بلاش العار يا عمر احنا أصحاب من قبل النسب بحق العشره والعيش والملح بلاش تكسر رجاله طول عمرهم بيتشهد بيهم في الأخلاق بلاش عيالنا تكبر وتورث عار مالهومش ذنب فيه بلاش امشي موطي راسي من الناس عارف ان طلبي صعب وكمل ببكاء بس انا بكلم صاحبي عشره عمري هي احنا أولى بيها نموتها ندفنها احنا أولى بيها
عمر بدموع: اختك كسرتني انا كنت نازل وهاخدها معايا وانا مسافر كنت عاملها مفجاءه كنت بجهز ورقها انا كنت بعشقها عمري ما زعلتها ليييه وكمل بجنون قولولي ليييه قصرت في ايه دي سنه وكنت كل يوم اكلمها كنتوا عارفين ان أخلاقها كده من قبل ما اتجوزها قولي يا صاحبي يا عشره عمري
محمد هز رأسه بكسره: لا كانت اه انانيه بس عمرها ما كانت فاجره ولا خاطيه عمرها وكمل بدموع انا اسف عمر قعد على الأرض في حضن محمد :اسف على رجولتي اللي اختك داستها تحت جزمتها اسف على شرفي اللي اختك رمته في حضن عشيقها اسف على حبي اللي اختك هرسته وقتلته بخيانتها
مديحه قاعده ودموعها شلال نازل من عنيها مش بيوقف وبتفتكر كل موقف لبنتها غلط وهي حامتلها فيه كل موقف كان جبروت بنتها بيزيد وهي كانت بتقويها وتحميها افتكرت كلمه جوزها لما قالها ربنا يستر من تربيتك لبنتك قامت مديحه وقلعت كل الدهب اللي في أيديها ورقبتها وحطتهم على التربيزه وميلت على رجل عمر تبوسها :ابوس رجلك انا أهو مكسوره تحت رجلك بلاش بلاش فضايح كفايه حقك عليا وبقت تهذي بجنون وهي مش فاهمه الكلام اللي بيطلع منها عمر خدها في حضنه وبقى يعيط بحرقه
مديحه على نفس الهذيان: انتا كنت صاحب محمد كنت ابني كنت في بيتي زيك زيه لو ليا موقف واحد موقف واحد بس بلاش دهبك أهو ايوه أهو أهو والله مش عايزاه بس سوقت عليك حبيبك النبي بلاش تعمل قضيه طلقها ايوه ايوه طلقها ومش عايزين حاجه الكل منهار من الموقف والكسره ومحسن مميل رأسه في الأرض منطقش
مديحه بنهيار: بص بص لو عايز فلوس انا انا هاديلك حقك ايوه حقك غربتك وشقاك بس ابوس رجلك يا ابني بلاش قضيه وفضايح طول عمرنا بنتعلق في ستر ربنا بلاش تفضحنا
عمر بدموع وكسره ووجع هز رأسه: بنتكم انتوا أولى بيها هي والكلب داه وبص لندا بوجع: انتي طالق طالق بالثلاثة يا خاينه
محمد اتصل بالمأذون علشان نتمم إجراءات الطلاق اختك مش هتبات الليله دي وهي على اسمي
محمد بكسره: حاضر ومسك تليفونه واتصل بالمأذون وخلال نص ساعه كان وصل وتمت إجراءات الطلاق على الابراء
ومشيت ندا مع أهلها كلهم مكسورين من فضيحه محدش هايقدر ينساها بس بعد ما اتأكدو ان وائل ممعهوش نسخ تانيه من الفيديوهات غير اللي على موبايله اللي اخده عمر ورفض يرجعه ورفض يديهم أي من ادله ادانه ندا
وهما نازلين عمر :يا حاجه خدي دهبك عمر المال ما بيشتري رجاله ولا يعوض شرف وعرض الكل نكس رأسه في الأرض
مديحه بهزه رأس وكأن عليها مس من الجان: لا لا لا حقك حقك مش عايزاه وسابتهم ونزلت السلم جري والكل وراها
قفل عمر الباب بعد ما ساب وائل
اترمى على الأرض يبكي بحرقه على اللي حصله فوق طاقه بشر
عند ندا الكل وصل البيت ومحدش مستوعب لأي مدي من الانحطاط وصلت اختهم للحرام للزنا
محسن قاعد مش بينطق
علا وأمل وميرفت قاعدين مصدومين ومحدش قادر يتكلم الموقف مش محتاج كلام ولا حتى شماته
صفا وخلود منهارين واجوازهم قاعدين مصدومين كل واحد عارف اخلاق مراته اللي الكل بيحلف بيها صحيح عارفين ان ندا طايشه وانانيه بس مش لدرجه الزنا والحرام محمد وأحمد ومحمود قاعدين مش مستوعبين اللي سمعوه ولا اللي شافوه معقول دي ندا لا اكيد لا
مديحه قامت بإنهيار مسكتها من حجابها ونزلت فيها ضرب بحرقه :ليييه دانا كنت بعاملك ملكه ليه قوليلي لييه قصرت في ايه دانا كنت باجي على اخواتك علشانك قصرت في ايه ليييه ومحدش اتحرك الكل شارد في الصدمه قاطع صراخ ندا محسن اللي اترمى على الأرض قاطع النفس
الكل بصراخ: بابا يا حاج مالك فيك ايه
محسن وقع قاطع النفس طلع احمد بسرعه جاب الدكتور اللي في الصيدليه اللي جمبهم
الدكتور جه معاه ودقايق وقال الكلمه اللي كسرت ضهر الكل: البقاء لله
الصراخ عم المكان
مديحه بجنون: قوم قوم يا حاج قوم متسبنيش قوم وربيها وانا مش هاتكلم مسكت ايده اللي بارده ومتلجه قوم انتا مبتردش عليا ليه قووووم وفضلت تصرخ وتهز فيه قووم متسبنيش حقك عليا انا غلطانه
محمود بكسره: وحدي الله
مديحه بجنون: لا لا داه عشره عمري داه كان أهلي وكل ماليا وبصت لندا بشر ومسكتها وفضلت تضرب فيها انتي السبب انتي يا فاجره يا خاطيه قلبي وربي غضبانين عليكي ليوم الدين تحرمي عليا حرمت الدم ندا ماتت صرخت بجنون اكتر ندا ماتت
محمود شد ندا من دراعها ورماها في الأوضه وقفل الباب بالمفتاح وحطه في جيبه وطلع
انتشر خبر وفاه الحاج محسن في البلد والكل جه وواقف تم الغسل وصلاه الجنازه ومديحه ساكته كأنها في صدمه مش مستوعبه اللي حصلها
وندا مقفول عليها وكل اللي يسأل يقول عندها انهيار من وفاه أبوها
في صيوان العزاء وقف الأبناء الثلاثه محمود ومحمد وأحمد وازواج صفا وخلود لتلقي واجب العزاء حضر الجميع بما فيهم عائله عمر وعمر التي لم تعلم بعد بخبر طلاق ندا
انفض العزاء وخلا المنزل من المعزين الذين جاءوا من كل حدب وصوب
محمود: ماما مالك ردي عليا
مديحه بصتلهم بصمت وسابتهم ودخلت اوضتها
محمد بوجع يص لصفا وخلود: ادخلوا متسيبوهاش لوحدها
دخلت صفا وخلود لامهم بوجع: ماما بالله عليكي فوقي عارفه انه صعب بس قدر وعمر لله ما أعطى ولله ما أخد وإنا لله وإنا إليه راجعون
مديحه بشرود وكأنها في ملكوت آخر:أمانه عليكم ندا لا تحضر غسلي ولا دفنتي ولاتاخد عزايا ولا تجيلي عند قبري قولي لاخواتك أمك بتقولك اوعوا توسخوا ايدكم بدمها وتشيلوا ذنبها سيبوها لربها منتقم جبار
خلود بخوف: ماما مالك بالله عليكي قلبي هايقف
صفا اندهي لاخواتك بسرعه
طلعت صفا بسرعه: الحقونا ماما ماما
الكل في ايه
صفا بدموع: ماما مش عارفه مالها
دخل الكل مذعور وخايف
مديحه وهي عنيها شارده في السقف
محمود بدموع مالك يا ماما
مديحه: اشهد ان لا إله إلا الله وأشهد أن محمد رسول الله
وسلمت روحها إلى خالقها
عم الصراخ والبكاء المكان مره اخري
الكل أصبح في حالة انهيار
ومر الليل والكل ملتف حول جثمان الأم الذي رحل ولم يتحمل كل ما حدث ولحقت ب زوجها
في الصباح تم الإعلان عن وفاة الحاجه مديحه
وما حدث بالأمس حدث اليوم وتم تنفيذ وصيتها لم تحضر ندا غسل امها ولا حتى الجنازه والعزاء ونصب الصيوان مره اخرى لتلقي واجب العزاء ولملاقاه القدر أتت عائله عمر ليتواجه لليوم الثاني على التوالي معهم
عمر بدموع: لو كنت اعرف كنت سكتت كنت طلقتها من سكات انا اسف حاسس اني السبب
محمد بدموع: أقدار هون على نفسك انتا مالكش ذنب داه عمرهم بيك من غيرك دي كانت ساعتهم عيش حياتك وانسي الماضي واوعي تعيش على أطلال الماضي
عمر بدموع: البقاء لله
وسلم على الجميع وتركهم ورحل
ومر العزاء والامس كاليوم لم يختلف الحزن سكن واستوطن المنزل
خلصت أيام العزاء وانفض الناس بعد مرور أسبوع
زوج كلا من صفا وخلود:
زوج صفا: بصوا يا جماعه انا اسف في اللي هاقوله انا مراتي عارفها وعارف أخلاقها بس بعد انهارده مراتي ملهاش دخول البيت داه تاني ولو دخلته يبقى ما تلزمنيش
نفس الكلام قاله زوج خلود
محمود والاخوه بتفهم
محمود بتعقل:عندك حق اللي كنا بنتجمع علشانهم راحوا واختنا احنا أولى بيها يلا كل واحده تروح مع جوزها
أسبوع مر وندا حبيسه غرفتها
رحلت كلا من صفا وخلود مع أزواجهم يودعون المنزل بدموع الحرقه والكسره
عند الاخوه محمد بكسره: هانعمل ايه فيها امك وصت محدش يقرب منها ولا نشيل ذنبها
محمود بشر: محدش هايقرب منها بس هاخليها تموت في الثانيه مليون مره
محمد وأحمد: ناوي على ايه
محمود: تاخد جزائها على اللي عملته
ودخل اوضه ندا وفتح الباب بعصبيه
ندا خافت من منظره وكشت في نفسها
محمود: ايه خايفه لالا عيب تخافي من البني آدم ومخفتيش من ربنا يا ****** عارفه انتي عملتي إيه ابوكي مات بحسرته وأمك ماتت بحسرتها على كسرة ابوكي وكسرتنا عارفه انا مش هاوسخ ايدي بدمك النجس انا هاخليكي تتمني الموت شدها من شعرها ونزل بيها بدروم البيت ووراه محمد وأحمد وعلا وميرفت وأمل ومحدش عارف محمود ناوي على ايه
محمود بشر عارفه ايه داه داه سجنك وعذابك مدى الحياه يمكن يكون فرصه ليكي تتوبي وتستغفري ربك من ذنبك
الأوضه بباب حديد وعليه قفل كبير رمى ندا جواه وكان مجهز سلسه حديد مثبته في الحائط بجنش مستحيل كسره وربطه في رجلين ندا وسط صراخها واستغاثتها
السلسله دي تكفيكي تتحركي في الأوضه بس وتدخلي الحمام الأكل هايترمي ليكي زي الكلبه هنا لحد ما تموتي مش هاتشوفي الشمس تاني وسابها وقفل عليها الباب بالقفل الكبير اللي عليه ومحدش قدر يعترض ولا يتدخل ذنب ندا اكبر من أنه حد يشفعله
ولاقت ندا مصيرها على ما جنت
اما عمر أبلغ عائلته يوم سفره بطلاقه لندا بدون ذكر اي اسباب بالرغم من الإلحاح الا أنه ذكر أنه نصيب فقط وطلب منهم الا يتدخل احد ويسأل لان الأمر محسوم وسافر لغربته وحيد مكسور على غير ما عاد أصبح انطوائي قد يحتاج الي سنين ليستطيع الوثوق في احد مرة اخرى يقضي باقي يومه شارد في ملكوت ربه
وندا أصبحت سجينه غرفه مهمله اسفل المنزل تجني ما زرعت يديها
تمت…
لقراءة الرواية كاملة اضغط على : (رواية الخطيئة)
