رواية الخطيئة الفصل السادس 6 بقلم ولاء حامد
رواية الخطيئة الجزء السادس
رواية الخطيئة البارت السادس
رواية الخطيئة الحلقة السادسة
محسن: على فين العزم يا هانم نص الليل
ندا: مروحه بيتي يا بابا في مشكله عند حضرتك
محسن: اه في مشاكل مش مشكله واحده بس لو حضرتك مش واخده بالك من منظر لبسك اللي يقرف وان اللي في الشارع دلوقتي الصيع تبقى اتجننتي ولو مش واخده بالك ان الوقت بقى نص الليل يبقى عقلك فلت منك يلا قدامي اوصلك بيتك كفايه فضايح ربنا يهديكي
طلعت ندا بخنقه قدام ابوها وطول الطريق معاكسات
شاب: ايه يا مزه
شاب: بص يا رجاله القمر نزل على الأرض يا أرض احفظي ما عليكي
شاب: عليا الطلاق كرباج دانتي لو مراتي ماطلعك من بيتي
محسن بغضب بص لبنته: عاجبك وجاي على هواكي الوقاحه والانحطاط داه بس العيب مش عليهم لا العيب على اللي ساب اللحم عريان علشان تنهشه الكلاب
ندا: يعني انا اللي قولتلهم يعاكسوني ولا حضرتك مُصر تطلعني غلطانه بأي طريقه وتشيلني غلط الناس
محسن: لا العيب عليكي قبلهم لأنك بلبسك ومكياجك والقرف اللي عملاه في نفسك اللي اديتي للاشكال دي الفرصه انها تتطاول عليكي مستحيل علبة الحلاوة النضيفه المتغطيه ما يتلم عليها الدبان ابدا وخصوصا ان الشباب دلوقتي يا هانم مش لاقي شغل وقالتلي مفيش فلوس يعني مفيش جواز
ندا بصمت بس معجبهاش كلام ابوها
وصلها ابوها لحد باب الشقه ونازل وهو حزين على بنته واللي حصلها واللي عملته في نفسها علشان شهوات زايله في الدنيا
محسن لنفسه: ربنا يهديكي يا ندا حاسس ان اخرك خراب هايعم على الكل لله الأمر من قبل ومن بعد يارب الستر يارب الستر يارب الستر اللهم يا أرحم الراحمين ارحمنا فوق الأرض وتحت الأرض ويوم العرض عليك يا ارحم الراحمين
وكمل طريقه وهو مهموم لحد ما وصل بيته
مر اليوم بخيره وشره على الكل
تاني يوم عمر متصلش بندا خالص وحست بملل فظيع فتحت اللاب توب وقعدت تتصفح الفيس وزهقت وفي لحظه شيطان كتبت على الجوجل غرف الدردشه
وفتح قدامها صفحات كتير اوي اختارت منهم صفحه عشوائي ودخلت عليها لقيت ناس كتير بتتكلم مع بعض حست بحماس وبدئت تتكلم وترد على الناس ودخلها ناس الخاص وبدئت تتفاعل معاهم وقت طويل واتعرفت على شباب كتير اوي ومنهم اللي بعتلها رقم تليفونه مسكت التليفون وسجلت الأرقام بس متصلتش على حد واخر اليوم خرجت بعد ما اتزوقت ولا كأنها عروسه في ليله زفافها وطلعت على السنترال اشترت خط جديد محدش يعرف عنه حاجه وروحت البيت
وفضلت منتظره عمر يرن عليها او يكلمها بس بردوا عمر مطنشها على الآخر نامت وتاني يوم صحيت على نفس الوضع ودخلت الشات وقعدت تتكلم مع شباب ورجاله اغراب واخدت رقمهم وفي لحظه تهور رنت على رقم منهم
ندا بصوت انثوي مغري: الو
….: الو انتي ندا
ندا بإغراء: اه انا ندا تحب احلفلك انتا مين بقى بجد
……: انا وائل 35 سنه مهندس بترول من التجمع وانتي
ندا: ندا 21 سنه من بني سويف
وائل: احسن ناس متجوزه يا ندا
ندا: متجوزه ومش متجوزه
وائل: ازاي فزوره دي يعني
ندا: لا مش فزوره متجوزه وجوزي مسافر
وائل: متجوزه من زمان بقى ولا ايه
ندا:لا لسه من قريب وسافر بعد فرحنا بشهر واحد بس
استمر الكلام بينهم لساعات وساعات وندا محستش بالوقت ولا بالملل اللي كانت فيه ونسيت الدينا وهي بتتكلم مع وائل وبقوا أصحاب اوي وندا تقريا حكتله حاجات كتير اوي عن نفسها بس اللي يخليها مميزه وداه شوق وائل انه يشوفها جدا وبقى عنده فضول انه يوصلها مهما كان التمن
وخلص كلامهم اللي امتد لساعات وساعات طووويله
وقامت تعمل لنفسها اكل بس كسلت وطلبت دليفري
وأثناء ماهي لسه هتاكل تليفونها رن برقم جوزها
ندا بصت للتليفون ولنفسها: ياااه لسه فاكر تتصل بيا بعد يومين بس حسمت امرها: الو
عمر: ايو يا ندا وحشتيني
ندا بسخريه: يا راجل قول كلام غير داه بعد يومين لسه فاكر
عمر بتوضيح: انا متصلتش لاني كنت في موقع شغل في قلب الصحراء ولسه راجع انهارده اول ما وصلت اتصلت عليكي افتحي النت نتكلم
ندا: انا تعبانه وعايزه انام هاكل لقمه كنت لسه هاقول بسم الله الرحمن الرحيم قبل ما انتا تتصل مادام لسه واصل ادخل نام لاني هاكل وانام تصبح على خير
عمر بذهول: وانتي من اهل الخير بكره نتكلم أن شاء الله
عمر مشكش لحظه في ندا وفهم انها زعلانه وافتكرت انه تجاهلها
تاني يوم ندا صحيت على اتصال من عمر
ندا بضيق ردت: الو ايو يا عمر
عمر : قلب عمر مالك بس إيه اللي مزعلك
ندا: مفيش انتا عملت حاجه تزعلني
عمر: لا انا كنت مشغول ولما رجعت السكن رنيت عليكي
ندا: اممم حجج عاديه طيب تمام ربنا معاك
عمر: افتحي النت نتكلم
ندا: اوكي ساعه كده اكون فوقت وفطرت ونتكلم
عمر بذهول:ساعه تمام خلصي وهتلاقيني اون لاين سلام
ندا بلا مبالاه: سلام
ساعتين مرو وندا لسه مفتحتش
ندا قفلت مع عمر وقبل ما تنام رن تليفونها برقم وائل
ندا بصوت ناعم: الو وائل ازيك
وائل : ازيك يا ندوش تسمحلي طبعا اقولك ندوش بما اننا بقينا أصحاب
ندا بضحكه عاليه: ممكن تقولي نادو بحب الاسم داه اكتر من ندوش
وائل : ماشي يا نادو
واستمر الكلام بينهم ساعتين ونص
عمر بنفاذ صبر رن عليها
ندا بتذكر جوزها: طيب يا وائل هاقوم دلوقتي ورايا حاجات مهمه
وائل: اهم مني ماشي يا ستي
ندا: لا خالص بس فعلا ورايا حاجات كتير بالليل نبقى نتكلم
وقفلت ندا وفتحت النت لقيت جوزها مستنيها
عمر بعصبيه: ساعتين ونص على ما تكرمتي ورديتي
ندا : عادي نمت ويادوب لسه صاحيه اصل زي ما انتا شايف مش ورايا حاجه وشي في وش الحيطان
عمر بتفهم لوضع ندا: اوكي حقك عليا يا ستي متزعليش
ندا: محصلش حاجه
عمر : بتعملي ايه
ندا: ولا حاجه هافوق واعمل فطار واحتمال اروح عند ماما شويه
عمر: تمام بس متتأخريش ولو اتأخرتي خلي حد يوصلك
ندا: ماشي
عمر بتذكر: اه ندا لو سمحتي تليفونك القديم لو مش عايزاه اديه لساره بنت اختي
ندا بسرعه: للأسف والله يا عمر أول إمبارح اديته لمرات اخويا
عمر بإستغراب: أول إمبارح ليه هي جات عندك إمته
ندا: لا انا روحت قعدت مع ماما واخواتي شويه كانوا متجمعين
عمر: وليه مقولتليش
ندا: لان حضرتك متصلتش وكمان مفتحتش نت وماما اتصلت بيا وحسيت اني هاتجنن من القعده لوحدي
عمر: وقعدتي لحد امته
ندا: لنص الليل وبابا وصلني لحد باب الشقه وتقدر تتصل تتأكد بنفسك لو مش مصدقني
عمر :لا طبعا انا مش مكذبك بس استغربت
ندا: ماشي عادي يعني
عمر : ماشي لما ترجعي رني عليا وانا هافتح نت
ندا بتذكر :تمام بس هاتبعتلي فلوس الشهر داه
عمر بإستغراب: منا لسه من كام يوم بعتلك مبلغ كبير لحقتي تصرفي داه كله
ندا: لاء دول انا شيلتهم انا بسأل على مصروف البيت لو عايزني اصرف منهم تمام
عمر : اللي يريحك وعلى العموم يا ستي اول الشهر هابعتلك حواله بمصروف الشهر
ندا: ابقى زوده شويتين الأسعار بقت نار
عمر بإستغراب: ماشي بس مش شايفه اني ببعت بزياده أوي خصوصا انك لوحدك والشقه تمليك مش إيجار
ندا: واظن انتا عارف ان الأسعار ارتفعت وانا مش هافضل اتبهدل في التكاتك والمواصلات بفكر اشتري عربيه
عمر بتفكير: عربيه هو انتي بتعرفي تسوقي
ندا: لا بس ممكن اقدم في مدرسه تعليم السواق وعلى العموم انا لسه بفكر مش قررت
عمر: سيبيها للظروف
قفل عمر وندا
وهي دخلت الشات واتكلمت مع ناس تاني
ومر شهرين على الحال داه عمر كل ما يتصل ندا على الماسنجر مشغوله ولما يسألها تقوله صحبتي وتليفونها مش بترد عليه إلا نادرا
وخلال الشهرين دول ندا اتحولت تماما
بقت بتكلم شباب مكالمات على النت ومنهم مكالمات مقرفه ووصلت انها بقت تبعت صورها لرجاله غريبه على النت بهدوم النوم وتتباهي بجسمها
ندا: ايه عجبتك
الشاب: اووف يا بنت الايه ولا كأني كنت معاكي بجد
ندا بضحكه رقيعه: يعني عجبتك
الشاب: الا عجبتيني وهابعتلك دلوقتي الفلوس اللي عايزاها وزياده
ندا: تسلملي يا قلبي مواه
وقفلت معاه ولا كأنها عملت حاجه
اما علاقه ندا بوائل خدت شكل تاني خلال الشهرين دول
وائل بمكر: بقولك يا نادو انا بفكر انزل بلدك هاموت واشوفك بجد
ندا :طيب منتا شوفتني واتكلمنا فيديو كتير
وائل: لالالا على الطبيعه حاسس انك حته مني يا نادو بجد مبقتش اقدر استغنى عنك
ندا : وهاتيجي من التجمع لبني سويف داه مشوار علقه عليك
وائل: ولا يهمك فداكي
ندا: بس ازاي لو اتقابلنا ممكن حد من اهلي او أهل جوزي يشوفني
وائل: ولا يهمك يا قلبي هأجر شقه مفروش نتقابل فيها تمام
ندا بتفكير: لا مينفعش ازاي بس
وائل بتأثر مزيف: ايه يا نادوا مش انا وائل حبيبك إيه مش واثقه فيا
ندا بسرعه: لالا خالص والله بس حاسه انه عيب يعني وميصحش
وائل بسخريه متداريه: عيب يا بيبي خليكي اوبن مايندد ثم احنا هانعمل ايه هانقعد ونتكلم زي ما كنا هانقعد في مكان عام بس علشان معملكيش مشاكل مش اكتر
ندا بإقتناع: أوكي شوف الدنيا معاك وقولي
وفعلا خلال يومين كان وائل بلغ ندا انه لقى شقه واجرها في منطقه عندهم
ندا: بس مش شايف ان المكان قريب شويه مني هو اه بعيد كتير عن منطقتنا بس في نفس بلدنا
وائل بخبث: لا يا بيبي انا قولت علشان ماحدش يشك في حاجه ولو حد شافك تقولي عند صحبتي
ندا : ماشي يا حبيبي
وتاني يوم ندا صحيت بنشاط وهمه وقامت جهزت نفسها ولبست اشيك وافضح لبس عندها واتمكيجت وخرجت وفي الميعاد وصلت ولقيت وائل منتظرها
دخلت وقعدت والكلام جاب كلام ورا بعضه
ونسيت ( ما اجتمع رجل وامرأة الا وكان الشيطان ثالثهم)
وفي في لحظات حرام وقعت ندا في الزنا
ورجعت ندا بيتها وجوها بعض او القليل من تأنيب الضمير
واتكرر الموضوع على مدار فترات ندا مشكتش في وائل ولو للحظه واتحولت لعشيقه في الحرام وهي على ذمه زوج
عمر هايتجنن من ندا وتجاهلها ليه وتليفونها اللي مش بترد عليه والنت اللي 24 ساعه اون لاين ولما يسالها تقوله انا نايمه ونسيت النت واتحولت الحياه بينهم لكومه مشاكل بس الشك مدخلش بينهم لان عمر اختار ندا من بيت أصيل ومحترم وعارف اخلاق اهلها واخلاقها اللي افتكرها شبه اخلاق أخواتها
عمر بزعيق: لا بقى كده كتير فهميني في ايه بقيتي مش طيقاني ومتغيره مش دي ندا اللي حبيتها واتجوزها بقت واحده بتكلمي تقضيه واجب
ندا بزعيق وعصبيه: دي بقت عيشه تقرف كل يوم نفس الموال وخناق وزعيق في ايه انا مش جاريه عندك
عمر بصدمه: جاريه اني بسألك متغيره ليه بقيتي جاريه طيب يا ستي شكرا وقفل
وندا ببرود ولا مبالاه:
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الخطيئة)
