رواية الحكايه فيها عشق الفصل السابع والعشرون 27 بقلم نرمين هاني
رواية الحكايه فيها عشق الجزء السابع والعشرون
رواية الحكايه فيها عشق البارت السابع والعشرون
رواية الحكايه فيها عشق الحلقة السابعة والعشرون
( فرحه تليها صدمة……….!!!! )
………….فى الفيلا !!!…………..
طرقت ريم غرفة رقيه لتفتح لها رقيه ومن ثم اتسعت عيناها بصدمة قائله :-
– اى دا انتى اتحجبتى هارسوح !!!
ريم بضحك وهى تزيحها لتدخل قائله……دخلينى الاول وبعدين استعجبى براحتك ؟!!
ريم وهي تتوجه نحو شذى لتحتضنها……..ازيك يابت اى الأخبار ؟!!
شذى…..تمام ياحبى ثم اشارت نحو شروق قائله :-
– شروق بنت عمى … ودى ياشروق ريم صاحبة رقيه
شروق وهى تقبلها قائله بابتسامه….اهلا بيكى ياقمر وعقبالك
ريم بمرح…..ياارب يا اوختى
شذى بضحك……هههههههههههههههههه واقعة زى صحبتك
وجلسوا جميعا لتقول رقيه بذهول وهي تنظر لريم…..افهم بقى ايه حكاية الطرحة دى ؟!!
شروق باستغراب…..طرحة اى ؟!!
ريم…..اصل انا مكنتش لابسه طرحه ولبست
شروق بتعجب……..احم بس على فكره انتى مبينه قصه من شعرك !!!
ريم بابتسامه………..عادى يعنى المهم انى خدت الخطوه دى ؟!!
شذى بلامبالاه……. اصلا الحجاب مش فرض يعنى عادى ؟!!
رمقتها شروق باعتراض قائلة……لا طبعا الحجاب فرض مين اللى قال كدا طيب هثبتلك في آيتين فى القرآن بيثبتوا دا…. قال الله تعالى فى سورة النور (وَلْيَضْرِبْنَ بِخُمُرِهِنَّ عَلَى جُيُوبِهِنَّ ) والخمار فى اللغه العربية معناها غطاء الراس يعنى الست تغطي راسها بس مش اى خمار بقى وشعرها نصه باين من بره و معنى الجيب اللى هو بعد رقبتك المنطقه دى…. والآية التانيه كانت فى سورة الأحزاب بسم الله الرحمن الرحيم ( يٰأَيُّهَا ٱلنَّبِىُّ قُل لاًّزْوَٰجِكَ وَبَنَـٰتِكَ وَنِسَآءِ ٱلْمُؤْمِنِينَ يُدْنِينَ عَلَيْهِنَّ مِن جَلَـٰبِيبِهِنَّ ذٰلِكَ أَدْنَىٰ أَن يُعْرَفْنَ فَلاَ يُؤْذَيْنَ وَكَانَ ٱللَّهُ غَفُوراً رَّحِيماً ) معنى جَلَـٰبِيبِهِنَّ يعنى تلبسى هدوم طويلة تغطيكى للأرض فهمتينى لو دخلتى وبحثتى هتلاقى احاديث كتير كلهم بيأكدو ان الحجاب فرض
رقيه بتساؤل…….طيب هو ليه مش من اركان الاسلام اما هو فرض ؟!!
شروق…..هههههههههههه هو اى حاجه فرض لازم تبقى من أركان الإسلام مين اللى قال كده…. ان مفيش فرض بره اركان الاسلام طيب مثلا بر الوالدين فرض و مش من اركان الاسلام يبقى كدا اعاملهم وحش ولا اضربهم فهمتى مش شرط يبقى من اركان الاسلام عشان يبقى فرض !!!
شذى بتساؤل….طيب ايه لازمته برضه اى الحكمه منه مش فاهمه فى ناس كتير لابسينه ومبيعملوش بيه ؟!!
شروق…..احنا عباد ربنا مش لازم كل حاجه ليها حكمه يعنى انتى عارفه ليه الفجر ركعتين والضهر اربعه بس انا عرفت ان الحكمة من الحجاب انه بيعمل مجتمع سوى ربنا أمر الرجاله بغض البصر والستات برضه وكمان العلاقات لا هيبقى فى اغتصاب ولا بلاوى من اللى بنسمع عنها دى بس للاسف الناس كلها نسيت دينها عشان كدا مبقاش فى رجاله عدله وكمان لما تخبى شعرك وجسمك دى حاجه حلو جدا على الاقل اللى هيحبك ويتجوزك هيعاملك كملكة كدا متخبيه عن عيون الناس كلها واول ما يحب هيحب عقلك وتفكيرك روحك مش جمالك اللى طبعا هيجى اليوم والجمال دا يروح وساعتها مش هيبقى ليكى لازمه بالنسباله !!! وغير كل دا انتى بتسمعى كلام ربنا وفعلا فى ناس لابسينه ومبيعملوش بيه طيب ماتخليكى انتى غيرهم كلهم خليكى انتى احسن منهم كلهم
شذى باعتراض…..لا مش مقتنعه يعني هيكبرنى كدا ومش هعرف البس براحتى وبعدين انا شعرى حلو اخبيه ليه ؟!!
شروق….لو مشيتى ورا هواكى هتندمى جدا يعنى فى حاجات بنبقى عايزنها بس اللى بيوقفنا عنها غضب ربنا خلى رضا ربنا دايما قدامك و تغلبى على كل دا بيه
شذى بلامبالاه…..اما اتجوز واخلف هلبسه ماما عملت كدا
شروق….انتى ايه ضمنك انك تفضلى عايشه لغاية ما تلبسيه ربنا محدد اعمارنا هو اللى عارف هنموت امتى ؟!! انتى عارفه هتموتى امتى ؟!! وحتى لو عارفه برضو لازم تلبسيه لان الفتره دى برضو بتاخدى عليها ذنوب وربنا هيحاسبك عليها يوم القيامه
ريم……ماهو انا لو عملت كدا مش هتجوز ومش هعرف اشتغل فى اماكن اهم حاجه المظهر والشكل العام انا اه لبساه بس موضه يعنى
شروق……..هو انتى اللى بترزقى نفسك ؟!! الرزق ده من ربنا سبحانه وتعالى ربنا قال ( وفي السماء رزقكم وما توعدون ) لا طرحتك دى هتمنع عريس ولا جمالك وشعرك اللى هيجبوه ومش شعرك هو اللى هيجبلك الشغل على فكره كل ده بايد ربنا
شذى……انا عن نفسى حاسة انى مش مستعدة للخطوة دى دلوقتى
شروق…..لو استنيتى للخطوه دى مش هتعمليها لازم تحاربى نفسك عشان تلبسيه دا كلام الشيطان مدام مسلمه سهل جدا تحاربى نفسك وتغيرى منها
ريم……طيب انا لبست طرحه اهو فيها ايه لما ابين قصه من شعرى
شروق……هههههههههه بصى هى خطوه كويسه بس غلط بس اكيد احسن من لما تبينى شعرك كله بس واحده واحده تطولى الطرحه دى وتغطى شعرك دا لو مش واخداه اكنه موضه قولى دايما يارب انا عايزه رضاك وواحده واحده هترضى عن نفسك ولبسك
رقيه……بس لما اتحجب زمايلى مفيهومش محجيات هبقى غريبه كدا وسطهم
شروق….هتحسى انك غريبه وسطهم فعلا بس هتنولى الجنه فى الاخره هتحسى بالراحه والرضى عن نفسك اكتر منهم وفعلا الحجاب مش بيأكد ان دى كويسه ودى وحشه بس انتى كويسه ليه متحاوليش تحسني من نفسك اكتر وتبقى عايزه رضى ربنا قبل اى حد و تخففى من ذنوبك انك تقومى تلبسى الحجاب هيجملك اكتر وهيجى يوم تقولى ازاى انا مكنتش لبساه وحتى فى الجواز يعنى اكيد الراجل اللى بجد لما يجي يتجوز هيبص للى صاينه نفسها مش اللى لبسها كله مكشوف !! بلاش تفرطى فى الجنه عشان لبس ضيق وشوية ميك اب صدقيني والله انتي اغلى من كدا ربنا جملك وغلاكي اووووي بالحجاب اوعي تفرطي فيه عشان اي حاجة حافظي علي نفسك خليكي جوهرة صعب ان اي حد يوصلها بسهولة سيبى لبسك الضيق وبدليه بلبس واسع هتحسى براحه كبيره صدقينى انا عارفه انه صعب جدا بالنسبالك بس تعرفى اجمل حاجه انك تسيبى حاجه بتحبيها عشان ترضى ربنا ساعتها ربنا هيرضى عنك ويرضيكي وافتكرى ان من ترك شيئا لله عوضه الله خيرا منه متبصيش للناس اهم حاجه ترضي ربنا ساعتها هتحسى براحه كبيره جدا
ريم بابتسامه…….والله عندك حق انا هبدا اعمل كدا فعلا بس تعرفى فى ناس كبار حاليا وبيلبسو لبس ضيق وشعر وكل دا
شروق…….عند حق والله المهم انتم تبدأو تاخدوه الخطوه دى و تحاولو تغيرو من نفسكم
رقيه…….بس اللى فات دا كله ربنا هيسامحنا عليه المشكله ان فى بنات بتلبسه عاده بس يعني ميعرفوش لازمته اى فبتالى هتلاقى كتير دلوقتى بيلبسوه ويقلعوا تانى وبقى موضه
شروق………فعلا اكيد ربنا بيسامح كلنا بنغلط ونندم على حاجات كتير محدش ملاك محدش معصوم من الغلط ايوة والله احنا بشر اوعى تيأسى وتقولى انا غلطاتى كتيير اووى ذنوبي اكتر هو ممكن يتقبل توبتى والاكيد طبعا انه هيتقبل توبتك وهيسامحك وكمان هيساعدك وهيسعدك وهياخد بايدك من سكة ظلمة و حيطة سد لطاقة نور ….طول ما فينا النفس عافرى عشان نفسك عافرى عشان تكونى انسانه كويسه عافرى عشان الناس تحترمك وتعملك قيمة اوعى تستهونى بنفسك ربنا كرم النفس البشرية هتيجى انتى تهنيها …هتقولى معذوره مش لاقيت حد يقولى الصح من الغلط ملقتش حد يقولى ده حرام وده مينفعش هقولك واديكى عرفتى ليه تكملى في الغلط …..لييه تظلمى اولادك بعد كده وتخليهم يعيشوا نفس التجربة لييه مش نحلم اننا نربي جيل احسن…. جيل عارف دينه جيل عارف يعنى ايه معنى كلمة القرب من ربنا حياة 💜
ممكن احنا اتربينا ان ده غلط ومينفعش نعمله وده اكبر غلط اننا نقول ان الحاجه دى غلط وننسي نعلم اولادنا قبل ما الحاجه دى عيب ومتنفعش دينا قلنا غلط ربنا هيغضب عنا لحد ما معظم جيلنا طلع حافظ مش فاهم وده اخطر حاجه لما نطلع حافظين مش فاهمين مش مقتنعين اصلا ان ده غلط وعيب عشان كده بقينا عندنا كلنا حب استطلاع ماما وبابا ممكن خايفين علينا من الحاجه دى بس عادى يعنى هيا حلال هما قالوا غلط وخلاص ويشدوا ويزعقوا ليه انا مجربش ودى بقت مشكلة اجيال مش جيل بسبب اننا مش عرفنا نربي على تعاليم دينا
رقيه……صح معاكى فى كل كلمه فعلا لو اتربينا على ان لما حد يغلط يتقله ده حرام قبل غلط ده عقابه كذا وكذا ده لو عملناه هيحصل كذا وكذا ربنا ليه حكمة انه يمنع عنا الحاجة دى لسبب كذا وكذا كدا هيتزع فينا واحنا صغيرين كل دا واحنا فاهمين فعلا وهنبقى جيل فاهم مش حافظ وانا عن نفسى قررت البسه وان شاء الله فى الفرح خليها بقى مفاجاة لعمار
شذى…..وانا برضه انا حمزه كلمنى فى الموضوع دا بس كلام شروق اقنعنى كان دايما يقولى انى اميرته ومفيش حد بيشوف الاميره غير الأمير وانا عايز اكون اميرك لوحدك مش الناس كلها
رقيه……..هييييييح يا سلام على الحب امال انا عمار مبيقوليش كدا ليه ؟!!
الكل……….هههههههههههههههههههههههههههههههههه
شروق بغمزه…….بكره يقولك يا اختى يالا عشان نشوف اللى ورانا الفساتين جاهزه
شذى……اه جاهزه تمام وانا هظبط بقى عشان افاجئ حمزه يوم الفرح انا كمان والبس طرحه احنا اتفقنا هنلبس كلنا سمونى زى بعض كدا بقى فاضل اجيب بضى وطرحه عشان الفستان وكله يبقى تمام
رقيه بفرح……. قشطه بقى اخيرا بقى هتجوز
ريم بضحك……..هههههههههههههههههههه واقعه واقعه يعنى
رقيه وهى تخرج من الغرفه قائله………..هههههههههههههههه هروح اعمل تلفون واجيلكم
شروق وهى تخرج خلفها قائله ………..وانا هنزل اشوف عشق جت ولا لسه
وتوجهت رقيه للشرفة لتقف وتتصل بعمار ولكنه لم يرد عليها لتزفر بضيق ثم تضغط للاتصال برائد فيجيب عليها قائلا :-
– ازيك يارقيه
رقيه بتعجب……..لا ياراجل بقالك كتير بتتهرب منى وانا عروسه صح ولا بيتهيالى و معرفش بقى مالك
رائد…… مين قال كده ؟!!
رقيه بمرح…… متكدبش عليا انا حاسه .. وإحساسي عُمره مايخوني .. انت بتتهرب مني صح ؟
رائد…..اه وربنا صح
رقيه….. قولتلك مش عاوزه كدب .. انا عارفه ومتأكده انك بتتهرب منى
رائد….. ياليلتي اللى مُش فايته
رقيه….متداريش عليا .. كل المؤشرات بتقول انك بتتهرب منى .. خليك صريح
رائد….. طب مش بتهرب منك .. حلو كدا ؟
رقيه……..لأ إنت كداب وبتتهرب منى بس يالا انا مسمحاك المهم لازم تيجى الفرح اكيد ادم عازمك مش كده ؟!!
رائد بتنهيده…….. ايوه بس انا ممكن مقدرتش اجى
رقيه مقاطعة اياه…….نعم نعم اومال صداقة اى اللى بتقول عليها ؟!! والله دا ريكس هيزعل ياجدع
رائد بتردد…….يا بنتى افهمى يارقيه انا
ليقاطع تركيزها نداء كريمه عليها لتقول……بقولك ايه لازم تيجى وانا هروح اشوف ماما عشان عايزانى يالا سلام
رائد…..رقيه انا
ليقاطع حديثه اغلاقها لهاتفها ليتنهد بضيق ويضع هاتفه جانبا بشرود
……………………………………………………………………………………….
تسير شروق فى الحديقه منتظره عشق ولكنها تأخرت بشده لتقلق هى وتقول لنفسها شاردة …… هو ممكن ميجبهاش تانى ؟!! بس احسن حاجه انى اول ما بشوفه بستخبى احسن يعمل فيا حاجه تانى !!
ليقاطع شرودها صوته القوى قائلا :-
– كويس انى قابلتك اخيرا ومعرفتيش تهربى زى كل مره !!
رفعت هي رأسها بصدمه لتجد ادهم امامها حاملا عشق على كتفيه ناظرا لها بتحدى لتقول هي بتوتر :-
– وانا ههرب منك انت ليه يعنى ؟!!
رفع احدى حاجبيه قائلا ببرود ……. من عقابك مثلا ؟!!
نظرت له بصدمه قائلة بتوتر…..عقاب اى ؟!!
عشق بتقليد وطفوله….اه عتاب اى ؟!! ( اه عقاب اى )
أدهم بجمود….لو كنتى فاكرة انى نسيت تبقى غلطانه اولا بعدت عنك عشان خاطر طنط كريمه لكن عقابك هتخديه
شروق بتحدى……واى هو دا بقى مش كفايه اللى عملته ضربتنى وحبستني عقاب اى تانى ؟!!
ادهم ببرود…….هتشتغلى فى الشركه شهر بدون مرتب ويوم في الاسبوع تنضفى فيلتي ودا لمدة شهر ودا غير انك تبقى مربيه لبنتى والله لو جه حاجه فى دماغى تانى هبقى اقولك عليها !!
نظرت له بصدمه وعدم تصديق قائله…….نعم !!! انت بتقول اى ؟!! انضف فيلتك بتاع اى !! ولا وكمان شهر بدون مرتب !! وانا اى يجبرنى على الذل دا ؟!!
ادهم بجديه……اللى عملتيه واعتقد دا احسن من السجن ؟!!
ابتلعت ريقها بتوتر قائله…..بس دا ظلم و
ادهم مقاطعا بجمود…….مش ظلم ولا حاجه لعلمك دا عقاب بسيط جدا على اللى حسيت بيه الايام اللى فاتت
شروق بضيق…….ماشى بس بعد فرح رقيه
اعطاها ادهم عشق قائلا ببرود قبل ان ينصرف نحو سيارته……تانى يوم الفرح تبقى فى الشركه سلام وخدى بالك من البنت
جزت شروق على اسنانها بغضب قائلة وهي تتابعه بناظريها………
– حيوان فعلا اى البنى ادم دا ازاى دا ابوكى ؟!!
عشق بعدم فهم….مش عايفه اساى يعنى ؟!! ( مش عارفه ازاى يعني )
قبلتها شروق بحنان لتردف…….والله ولا انا يابنتى يالا حظك بقى تعالى اما اجيب لك تاكلى هتلاقيكى جعانه
عشق….ماثى
وتوجهو للداخل لتأتي شروق بالطعام لعشق وتطعمها بحنان وتفكر ماذا عليها ان تفعل لتتخلص من هذا الحيوان !!!
…………………………………………………..
بعد مرور يومان وقد تم تجهيز القاعة لتبهر جميع الحاضرين وفى احدى غرف الفندق تجلس رقيه ناظره لانعكاسها في المرآة بانبهار واعجاب شديد فكانت كالاميره بفستانها الابيض وطرحتها التى زادتها جمالا على جمالها لتنظر لها شروق والدموع متجمعه فى عينيها قائله :-
– ماشاء الله شكلك جميل اووى بجد ملاك الف مبروك ياحبيبتى
احتضنتها رقيه بفرح قائلة…….حبيبتى ياشوشو عقبالك يارب
شذى وهى تحتضنها بفرح………حلو اووى الطرحه عليكى فعلا مخلياكى اميره
رقيه وهى تربت على كتفها قائلة بغمزه……وانتى كمان الطرحه مخليه وشك ينطق
ريم بسعاده…….انا فرحانه اووى ليكى ياروكا
رقيه وهى تلف حول نفسها بفرح……….انا اللى هيجرالى حاجه من كتر ما انا فرحانه
شذى بضحك……..ههههههههههههههه لا هتبقى قفله مش حلوه خلى الفرح يعدى على خير
رقيه بقلق……..طيب عمار جه ولا لسه ؟!!
شروق……لا مجاش لسه تقريبا لو جه كان آدم جه قالنا
رقيه بلهفة وهى تنظر لريم قائله…….روحى ياريم شوفيه جه ولا اى ؟!!
ريم بغمزه…..من عنيا يا عروسه
وتوجهت للاسفل لترى هل أتى عمار ام لا ؟!! لتذهب لكريمه لتسأل عنه ولكن كريمة لا تعرف لماذا لم يأتى الى الان ليتوجهو نحو آدم و…. !!!
يقف ادم مع حمزه وادهم لينظر ادم لهم قائلا :-
– فين عمار ؟!!
حمزه باستغراب ……..اتصلت بيه قال زمانه جاى بس اتاخر معرفش ليه ؟!!
كريمه وهى تتوجه نحوهم قائله…….ادم عمار مجاش ليه ؟!!
ادم بهدوء…… متقلقيش يا ماما زمانه جي
ريم………بس اتاخر ورقيه كل شويه بتسال عنه حاولو تتصلو بيه !!!
ادم وهو يتصل به و يزفر بضيق عندما وجد هاتفه مغلق فيقول بقلق :-
– تليفونه مقفول ؟!!
كريمه بقلق…….ربنا يستر
مشيرة وهى تتجه نحوهم……..عمار مجاش لسه ولا اى ؟!!
كريمه بغضب……..مجاش لسه مجاش دا اسمه استهتار الناس دى نقولها اى دول قربوا يمشوا انا كان قلبى حاسس انه بيتسلى بيها دى رقيه ممكن يجرالها حاجه
ادم……اهدى ياماما ممكن يبقى فى مشكله ولا حاجه اخرته وشويه وهيجى
كريمه بتوتر…….ربنا يستر
…….فى الغرفه……
رقيه تسير بتوتر وقلق من تأخر عمار قائله :-
– اى اللى اخره كده معقول يكون جراله حاجه ؟!!
شروق وهى تحاول تهدئتها قائله…….اهدى ياحبيبتى ان شاء الله خير وزمانه جاى
وعندما انتهت شروق من حديثها توجهت نحوهم ريم قائله……… روكا العريس جه
وضعت رقيه يدها على قلبها براحه قائله بفرح……..بجد جه
ريم………اه والله يابنتى انا اول ما شفته جيت على طول اقولك يالا ظبطى نفسك عشان اخوكى يجى يسلمك ليه
شذى براحه…..الحمد لله
………………….
فى القاعه
آدم بغضب وصوت مرتفع……اى التاخير دا خضتنا يا اخى انت بتستهبل ؟!!
عمار بهدوء……العربيه عطلت معلش
تنهدت كريمه براحه قائله…..
– خلاص يا ادم يالا روح هات اختك الحمد لله انها عدت على خير
تنهد آدم بضيق ليتوجه نحو غرفة رقيه ليأتى بها فيطرق الباب لتفتح شذى له فيبتسم عند رؤيتها قائلا :-
– اى الجمال دا يا حبيبتى انتى لبستى طرحه ؟!!
شذى وهي ترفع يدها بتحذير قائله……اوعى تقول لحمزه خليها مفاجئه هه
ضحك ادم بسعاده عندما راى رقيه امامه فاقترب منها وضمها بحب اخوى ومن ثم قبل رأسها قائلا :-
– الف مبروك ياحبيبتى ربنا يسعدك يارب
التمعت الدموع فى عينيها وكانت على وشك البكاء عندما تذكرت ابوها لتتحدث شروق مسرعه :-
– اوعى تعيطى المكياج هيبوظ انا بقولك اهو
اعتدل ادم فى وقفته لتمسك هى فى ذراعه بسعاده ويتوجه خارجا من الغرفة وتتعالى الموسيقى ويقف الجميع استعدادا لاستقبال العروسه لتنزل رقيه الدرج ببطئ بفستانها الرائع بجوار ادم ويقف عمار فى نهاية الدرج مبتسما لها لتبتسم رقيه بسعاده ودقات قلبها تتعالى بفرح وتسير خلفها شذى مبتسمة وهى تنظر لحمزه الذى نظر لها مذهولا بأعين متسعة عندما رأها ليعطى ادم رقيه لعمار قائلا :-
– خد بالك منها دى اغلى حاجة عندى
عمار وهو يمسك يد رقيه قائلا…….متقلقش عليها
ليمسك يدها ويتوجه نحو الكوشة وسط جو من الفرح والسعادة !!!
فتتجه شذى نحو حمزه ضاحكه على منظره ………ههههههههههههههههههه انا قلت افاجئك اى رايك بس اقفل بقك دا الاول عشان الناس بتبص عليك !!!
حمزه باعجاب….يخربيت جمالك بقولك ما تيجى نتجوز بقى وخليكى جدعة
شذى وهى تخرج له لسانها قائله…….
-ههههههههههههههههههه لالالا بعينك مش دلوقتى طبعا كدا انت هتكروتنى وانا لن اقبل
حمزه…… نصيحه منى متقعديش مع رقيه كتير عشان هتعديكى من جنانها وانا اللى هلبس فى الاخر
شذى……….ههههههههههههههههههههههههههههههههههه
حمزه بحب……..والله عسل وشكلى هتهور واشدك على المأذون على طول
ضربته شذى برفق فى كتفه قائله بخجل…….بس بقى الله
…………………………………..
فى الكوشه
عمار ناظر لرقيه باستغراب قائلا :-
– غريبه انتى لبستى الحجاب يعنى
رقيه بفرح……..اه اى رايك شكلى حلو فيه مش كدا
عمار بلامبالاه…….حلو
شروق وهى تتوجه نحوها حامله عشق قائلة……….مبروك ياروكا
رقيه بسعاده……..الله يبارك فيك ياستا عقبالك
ريم وهي تتوجه نحوها لتقف جوارها قائله…….
– تحبى اقرصك دلوقتى ولا استنى فى الاخر عشان الفضايح
رقيه بصوت خافت…….لو متلمتيش هلمك هه هخلى ريكس يعمل عليكى جوله قال تقرصينى قال
يقاطع حديثها علياء قائله بضيق…….. مبروك
رقيه بمرح واستهزاء……….. بحالها مش كتير شويه
الكل………..ههههههههههههههههههههه
علياء بغضب…….انا غلطانه اصلا
رقيه بغمزه…….لا يالولو اوعى تزعلى وعموما عقبالك
جزت على أسنانها بغضب لتبتعد عنهم وهى تزفر بضيق
رقيه لنفسها…….بت رخمه يخربيتك غتاتك والله لولا خايفه الفرح يبوظ كنت جبتلك ريكس علمك الادب😂✋
…………………………
فى الجانب الاخر مشيرة بسعاده…….مبروك يا كريمه اخيرا بقينا نسايب
كريمه بقلق…..الله يبارك فيكى ياحبيبتى بس يارب ابنك يصون الامانه
مشيره باستهزاء وضيق……….انا مش عارفه انتى قلقانه من اى مهو جه اهو واديكى شايفه بنتك مبسوطة ازاى
كريمه بتنهيده…………ربنا يسعدهم ويخيب ظني يارب
ليتوجه عمر نحو الديجى و يمسك الميكرفون ويبدا بالغناء لاغنية ( احمد جمال نشيد العاشقين ) ليبهر الجميع بصوته ليتوجه رقيه وعمار للرقص وبجوارهم شذى وحمزه وتنظر لهم شروق بسعاده شديده وتمنى بان يرزقها الشخص المناسب لها ليعوضها عن كل ما مرت به
لينك الاغنيه :
ومن ثم ينتهي الفرح سريعا ويتم توديع العروسين و…..
كريمه وهى تقبلها بحنان والدموع تنهمر على وجنتيها قائله…….ألف مبروك ياحبيبتى خلى بالك من نفسك هه
رقيه بدموع…….الله يبارك فيكى ياماما متعيطيش بقى
عمار بنفاذ صبر……يالا يا بنتى هنتأخر على الطياره
ادم وهو يقبلها قائلا…..يالا ياحبيبتى وبطلى عياط بقى
رقيه وهى تحتضنه قائلة……ماشى مع السلامة
ثم صعدت السياره بجوار عمار لتشير لهم بيدها ويتحرك عمار متوجها الى المطار ومن ثم يصعدون الطائرة ليسافرو شرم الشيخ لقضاء شهر العسل وينتهى اليوم بدعاء كريمة لهم وفرحة رقيه بعريسها وحلم طفولتها
ليأتى صباح جديد ملئ بالمفاجئات ………..!!!
………………………………………
…………….فى شرم الشيخ……………
……………فى الفندق…………….
تستيقظ رقيه والابتسامه مرسومه على شفتيها لتعتدل فى جلستها لتجد عمار جالسا أمامها ويبدو عليه الجمود لتقول هى بحب :-
– صباح الخير ياحبيبى
نظر هو لها بقوة ليقول بجمود :-
– انتى طالق يارقيه !!!!
………………………………………………………………..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الحكايه فيها عشق)
