رواية الحسناء والميكانيكي الفصل الخامس 5 بقلم سارة حسن
رواية الحسناء والميكانيكي الجزء الخامس
رواية الحسناء والميكانيكي البارت الخامس
رواية الحسناء والميكانيكي الحلقة الخامسة
صعدت السلم المؤدي لغرفتها بدندنه من شفتيها خافته ، و بسمه تغيب و تأتي كل حين و حين علي ثغرها ..مرت من امام غرفة جدها و لكنها عادت تفكر تدخل و تحكي له ماسار من احداث مهمه اليوم ام تنتظر للصباح..
استغرقت دقيقه تفكير و حسسمت امرها، و قد فتحت الباب دون صبر للإنتظار للصباح ..
اتجه براسه اليها و ابتسامته الحانيه الخاصه بها علي وجهه و قال : شكلك بيقول في اخبار حلوة
اتسعت ابتسامتها و قالت : حلوه اوي ياجدو
اشار اليها لتجلس امامه وقال بلهفه : فرحيني يا ست الحسن
تنهدت و بدءت تقصت احداث اليوم ومقابلتها مع زوجه عمها …..
#######
جلست مقابل زوجة عمها، و همت بالحديث و لكن استوقفتها هدي تربت علي يدها : الاول عايزاكي ماتزعليش مني علي مقابلتي ليكي المره اللي فاتت ، انا بعدها زعلت و لومت نفسي ، و قولت البِنيه مالهاش ذنب و حتي ماتوعاش علي اللي حصل زمان،بس غصب عني خوفت علي اللي حيلتي ده ابني الوحيد
مسكت حسنا يد هدي بقوه و قالت بلين و قد تسلل بعض من الهدوء إليها
_ ابدا مش زعلانه، و انا مش جايه في شر والله العظيم الوضع اتغير ، و جدي دور عليكم كتير بعدها عشان يرجعكم و ماعرفش مكانكم
هتفت هدي بسخريه مريره اثر ما اذاقته علي يد عماد الحُسيني
،،يرجعنا و لا ياخد ابني الوحيد اللي فضلي من ريحه صلاح الله يرحمه ..صلاح كان عارف قساوة ابوه عشان كده اتجوزني بعيد عن عنيه و اكملت بمرارا،: ما هو بنت امين المخازن ماتلقش بأبن الحسب و النسب
اخفضت حسنا عينيها مستشعره مراره حديثها و اثره في روحها
استرسلت هدي في حديثها و عينيها تنظر للاشئ امامها :
انا صديته في الاول لاني عارفه هاتقابلنا مشاكل كتير بس هو فضل و رايا ..راجل صعب واحدة زي ترفضه محتاجه لحب ولحنان مش هالاقيه في اي راجل غيره ..
اتجوزنا و قابلنا نار عماد الحُسيني لفتره و لما هدي و عرف اني حامل قولنا يمكن حفيده يحنن قلبه و يتقبلني، و روحت هناك اللي كانو بيعاملوني كويس مراته الله يرحمها و ابنه احمد و امك كان وقتها لسه كاتبين كتابهم
و نظرت اليها و بحنو : كانت جميله زيك وانتي اخده منها كتير
ابتسمت حسنا رغم الدموع المتلألأه في عينيها تأثرآ بما عايشته في سبيل الحب لصلاح الحُسيني
..وولدت و عشت احلي سنتين في عمري حنيه صلاح و حبه ليا كان مخلياني عايشه مكان مش مرتاحه فيه بس راضيه عشان خاطره لحد ما
غصت ببكاء صامت و قلب متهدج من مراره الذكري الحيه بداخلها و اكملت
،، لحد ما مات و بعدها ابواب جهنم انفتحتلي ، عماد الحُسيني برضو ماتقبلنيش بس كان عايز يحرمني من ابني اللي مصبرني علي غياب حب عمري، و واحده من اللي شاغلين في القصر ساعدتني اخده واهرب ….
الحكايه منها و من جدها متشابه ، و لكن من المظلوم اكثر مراراه و حزن وقسوة
_ جدي ندم و الله العظيم ندم و نفسه يشوفه و يديله حقه و يبقي معانا في وسط عيلته
قالتها حسنا بتأكيد لما عايشته مع جدها وشعورها بندمه الحقيقي
مسحت هدي عبراتها بحزن و قالت بتنهيده
،،علي عارف كل حاجه كان صغير وبيسمعني وانا بصلي و بشكي لربنا حالي سمع و لما كبر فهم
جثت حسنا علي ركبتها امام هدي و مسكت يدها بقوه و قالت بعزم : انا كنت لوحدي بس دلوقتي انتي معايا مش بطلب منك تسامحي جدي دلوقتي و مش هاطلبها منك ابد هاسيبها لحد ماتقابليه و تسمعيه بنفسك، بس علي …علي لازم يعرف و انتي هاتساعديني يتقبل ده عشان هو مش لوحده عشان هو ليه عيله و اسم و عنده ورث ونصيب يستاهل يعيش احسن و يكبر
ربتت هدي علي وجهه حسنا و قالت بابتسامه : هاعمل كده مش عشان الفلوس لا، ابني غني بنفسه و بمجهوده و شغله …هاعمل كده عشان عايزاه يحس انه عنده عيله زي بقيه الناس و عشان انتي هاتكوني معاه مش كده
اومأت حسنا براسها دون تفكير و قالت ،،
مؤكده بحزم : اكيد انا مش هاسيبه
،،يبقي تسمعي هانعمل اي……
######
وعملتوا ايه
توترت قليلا و قالت بصراحه : روحنا الفرح
اعتدل قليلا و قال بضيق : روحتي فرح هناك يا حسنا، ازاي تعملي كده الناس اللي هناك
قاطعته حسنا بأعترلض وهتفت
،،الناس اللي هناك فيهم ابن عمي اللي المفروض يبقوا عايشين هنا معانا ، مش ذنبهم ابدا انهم هناك، و بعدين الناس هناك مش وحشه بالعكس بيعاملوني كويس ، و انا ماكنتش مضايقه معاهم النهارده بالعكس كنت مبسوطه
صمت الجد قليلا و قد شعر من حديثها بالذنب للمره التي لا تعد لانه السبب الاول في كل ذلك
قال عماد لها بهدوء : اعملي اللي شيفاه صح حسنا انا بثق فيكي
ابتسمت له، و هبت واقفه مقبله راسه وقالت : و انا مش عايزه اكتر من كده
ثم تركته متوجهه لغرفتها .
القت حقبيتها و ارتمت علي الفراش تُعيد فقد مقابلتها معه اليوم ، غير كل مرة قابلته بها …ابتسمت ببلاهه علي رجولته و خشونته و حتي صوته المسيطر ..حِميته التي قليل ماتراها في رجل ..و اخيرا ابتسامته التي اهداها اليوم اليها و ليس مره بل مرتين
همهمت و هي تغفو بملابسها هامسه : لازم اشوف تاني طنط خالتي ام علي
،،،،،،
اتي الصباح و لم يكن ابدا مزاجه جيد اليوم بسبب غفواتة المتقطعه و تفكيره بها و بحمايتها ، جلس علي كرسي و مدد قدميه علي كرسي اخر و ارجع راسه للخلف يتذكر احداث مرت عليها سنوات لكن تأثيرها موجود للان
عدواة منتصر بعلي ليست حديثه المنشأة فهي منذ الصغر
على الملتزم الهادي الطباع المحبوب، و منتصر المشاغب العنيف المؤذي ، لم يسلم أحد من اذاه سواء كان طفل او مراهق او شاب صاحب الأخلاق الفاسدة مدلل ابيه و بداخله كبر حقده من علي ..و وقف له بالمرصاد حتي في بدايه عمله بورشته ،
حتي جاء يوم كان منتصر جالس علي المقعد الخشبي الخاص بمقهي والده و هو ممسك بالارجيله يسحب منها انفاسا عده يتابع الماره من امامه، حتي مرت من سيده ما من منطقته مسح بعنييه جسدها المتواري خلف عبائتها السوداء و القي علي مسامعها مغازله بذيئة بذكر محاسن جسدها الخفي تحت اتساع ملابسها لتبتعد بتعثر من امام المقهى ….
واخيرا عندما وقف له رجل في العقد السادس من عمره ليتصدي لافعاله المشينه و تطاول منتصر عليه حتي دفعه بقوة و سقط الكهل ارضا علي اثرها ، وقتها جاء علي و وقف له بقوه في وجهه دفاعا عن العجوز و منتصر يسبه بكلمات نابيه ، و لم يتواني أيضا علي عن رد السباب بأفظع منه حتي تدخل الرجال لفض الاشتباك و منتصر يتوعد لعلي ..
و جاءت النهايه باشتباك منتصر و رجاله مع احداهم و علي أثرها ضرب منتصر احدي الرجال ب (فرد خرطوش) تسببت بإصابات بالغه للرجل بعيينه و حكم علي منتصر علي إثرها بخمس سنوات
زفر علي بعمق و هو يحدث نفسه : ماكنتش النهايه يا منتصر، يا تري شيطانك هايوصلك لايه تاني
،،،،،،،،،،،،،
توجه لداخل بنايته في منتصف النهار لشعورة بالارهاق اخرج مفاتيحه و استرق السمع لصوت و الدته وضحكها .
فتح الباب بفضول و وجدها جالسه بجانب والدته و بيدها طبق من التسالي (اللب) ، رفع حاجبيه باندهاش من جلستهم تلك و كأن بينهم سنوات من العشره ، و لو كان يشعر اتجاها باي خطوره لما سمحلها بالاقتراب لوالدته اغلي مايملك لكن شعورة يخبره انها ليست سيئه ….
ضحك علي من نفسه و تمتم : تسمحلها ايه يا علي ، دي قاعده و كأنه بيتها و احسن
و لكن يبقي السوال ماذا تريد منه؟
تنحنح ليلفت انتباهم و التفت برأسها اليه فجاءه اهتز الطبق من يديها و حافظت علي هدوئها بحضرته
قالت هدي مرحبه : تعالي يا علي خلصت شغل بدري النهارده
قال و هو يجلس علي الكرسي المقابل لل (الكنبه العربي) الجالسين عليها : خلصت بدري ياما
قالت مبتسمه و هي تنظر الي حسنا
،،اصلي كلمت حسنا تيجي تقعد معايا تسليني بدل مانا قاعده لوحدي
رفع حاجبيه( تسليها) ! و اين هنا التي لا تغادر لشقتها في الاعلي سوي علي النوم واليوم بطوله هنا و مع ذلك اومأ براسه دون ان يجيب
،،احضرلك تاكل يا حبيي
اردف و عينيه علي تلك التي تعبث بطبق التسالي دون النظر اليه : لا ياما بس عايز كوبايه مايه
توجهت هدي للمطبخ الصغير لجلب ما اراد
،،منوره
رفعت عينيا اليه و قد ظنت انه ربما سيلقي بعض من (الدبش) خاصته ابتسمت باهتزاز و قالت : شكرا
،،شيفك رجلك اخدت علي المكان
اجابته مذكره اياه او ربما لتمنع دبش ما يقذفها عليها:
،،انا قولتلك اني هاجي علي الفكره
اومأ لها براسه قائلا بعبث : اه قصدك انك هاتزوري طنط خالتي ام علي
نظرت اليه و ضحكت و هزت رأسها بالإيجاب
،،ما تطلع حسنا السطح يا علي
ثم ووجهت هدي باقي الحديث لحسنا : ده علي عامل قاعده فوق شرحه و برحه و ترود الروح
و الاخري هبت واقفه بحماس فاجئه : ايوه عايزه اشوف القاعده
و نظرت اتجاه و جدت عينيه عليها لا تحيد فا جلست ببطئ و حرج، لربما لا يحبذ الفكره …
وفجاءه استقام علي و قال وهو يتجه لغرفته : هاغير هدومي الاول
،،،،،،،،
فتح باب السطح الخشبي علي مصراعيه و اشار اليها بالدخول .. دخلت خطوتين ووقفت تنظر للمكان ، نظيف به عده كراسي مصنوعه من الخوص و منضده في المنتصف خشب و قصاري الزرع باشكالها المختلفه اعطت للهواء رائحه الزهور و الياسمين الجميله
وقفت بالمنتصف و قالت باعجاب : حلوة اوي ياعلي بجد
ابتسم بجانب فمه وتوجه للمقعد و جلس ..جلست هي بالمقابل تنظر اليه مبتسمه
اخفض عينيه قليلا ثم نظر اليها قائلا : عملت المكان ده لهنا و اصحابها عشان يقعدو براحتهم و محدش يضايقهم ..و اوقات بطلع هنا باليل و اقعد لوحدي بتبقي الدنيا هاديه
نظرت لاسفل الي ورشته و قالت : الورشه بتاعتك
اجابها بهدوء : ايوه و انا صغير كنت بشتغل صبي ميكانكي وحبيت الشغلانه ، و عملت الورشه دي عشان ابقي حر نفسي و اصرف عليا و علي امي
تأملته محتاره تشعر بالقهر لاجله ام تشعر بالفخر لتحمله المسؤليه و الذي يوجد شباب بمثل عمره مترفين و لم يتحملوا اي مسؤليه او يواجهوا الحياه بمفردهم مثله
طال صمتها و تأملها به ..تنحنح بحرج و قال متسائلا : بتبصيلي كده ليه
،،فخورة بيك
ابتسم بحرج من إطراءها و قال : ليه في شباب كتير هنا زي، انتي بس اللي ماتعرفيش
مالت بجزئها العلوي صوبه و قالت باهتمام بالغ : عرفني …عرفني عنك كتير
لم يشعر بنفسه امام عينيها الا و هو مسترسل عن طفولته و مراهقته و مامر به من شقاء احيانا و نجاح احيانا اخري ..عن حبه لمنطقته و حب الناس اليه عن تعبه في عمله حتي اصبح معروف بمنطقته وضواحيها و بعض التجارب السيئه التي مر بها و خرج منها بفضل دعاء والدته وصلاحه ..
استقام واقفا امام الدرابزيون بعد حديثه وقفت بجانبه هي الاخري و شعورها انها تريد ان تكون هكذا …بقربه
التفت اليها ونظر لوجهها وشعرها الذي خرجت منه خصلاته من كعكته …لم تحيد عينيها عنه و التي اصبحت متوهجه بلونهما العسلي صوب عيينه السوداء المرتكزه علي ملامحها ، و كأن بينهم مغناطيس يجذبهم و هو يشعر انه يتزحزح عن ارضه و الغريب ان من داخله مترقب لنفسه و لها…
واخيرا اخفضت عينيها و ابتسمت و ابتسم هو الاخر قائلا : انا مش عارف حكيتلك كل ده ليه …
ردت عليه حسنا بخفوت : ،و انا مبسوطه انك حكيتلي
،،مش هاتحكيلي انتي كمان
تشنجت ملامحها قليلا و قالت بإرتباك : اسمي حسنا
،،عارف
اخذت نفس عميق مرتجف ، و التفتت اليه مبتسمه ، و بدءت بسرد حياتها له طفولتها وشبابها ، و تفاعل هو في مواقفها بأعين شغوفه تاره و مواقفها المحزنه بعبوس علي وجهه.
لم تكذب و لم تريد ان تكذب عليه في اي شئ يخصها ، استرسلت فقد دون ذكر اسم عائلتها سردت له تفاصيلها ، انتهت و نظرت اليه قائله باحراج : انا رغيت كتير صح
سمعت خفوت ضحكته و قال : لا
و لكن انقطعت الكلمه اثر ذلك الصوت القادم من اول السطح يقول
،،ماكنتش اعرف انك عامل السطح لكده ياا اسطي علي
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الحسناء والميكانيكي)
